সূত উবাচ
স এবমনুভূযেদং নারাযণবিনির্মিতম্ ।
বৈভবং যোগমাযাযাস্তমেব শরণং যযৌ ॥ ১ ॥
স এবমনুভূযেদং নারাযণবিনির্মিতম্ ।
বৈভবং যোগমাযাযাস্তমেব শরণং যযৌ ॥ ১ ॥
শ্রীমার্কণ্ডেয উবাচ
প্রপন্নোঽস্ম্যঙ্ঘ্রিমূলং তে প্রপন্নাভযদং হরে ।
যন্মাযযাপি বিবুধা মুহ্যন্তি জ্ঞানকাশযা ॥ ২ ॥
প্রপন্নোঽস্ম্যঙ্ঘ্রিমূলং তে প্রপন্নাভযদং হরে ।
যন্মাযযাপি বিবুধা মুহ্যন্তি জ্ঞানকাশযা ॥ ২ ॥
সূত উবাচ
তমেবং নিভৃতাত্মানং বৃষেণ দিবি পর্যটন্ ।
রুদ্রাণ্যা ভগবান্ রুদ্রো দদর্শ স্বগণৈর্বৃতঃ ॥ ৩ ॥
তমেবং নিভৃতাত্মানং বৃষেণ দিবি পর্যটন্ ।
রুদ্রাণ্যা ভগবান্ রুদ্রো দদর্শ স্বগণৈর্বৃতঃ ॥ ৩ ॥
অথোমা তমৃষিং বীক্ষ্য গিরিশং সমভাষত ।
পশ্যেমং ভগবন্ বিপ্রং নিভৃতাত্মেন্দ্রিযাশযম্ ॥ ৪ ॥
পশ্যেমং ভগবন্ বিপ্রং নিভৃতাত্মেন্দ্রিযাশযম্ ॥ ৪ ॥
নিভৃতোদঝষব্রাতো বাতাপাযে যথার্ণবঃ ।
কুর্বস্য তপসঃ সাক্ষাত্ সংসিদ্ধিং সিদ্ধিদো ভবান্ ॥ ৫ ॥
কুর্বস্য তপসঃ সাক্ষাত্ সংসিদ্ধিং সিদ্ধিদো ভবান্ ॥ ৫ ॥
শ্রীভগবানুবাচ
নৈবেচ্ছত্যাশিষঃ ক্বাপি ব্রহ্মর্ষির্মোক্ষমপ্যুত ।
ভক্তিং পরাং ভগবতি লব্ধবান্ পুরুষেঽব্যযে ॥ ৬ ॥
নৈবেচ্ছত্যাশিষঃ ক্বাপি ব্রহ্মর্ষির্মোক্ষমপ্যুত ।
ভক্তিং পরাং ভগবতি লব্ধবান্ পুরুষেঽব্যযে ॥ ৬ ॥
অথাপি সংবদিষ্যামো ভবান্যেতেন সাধুনা ।
অযং হি পরমো লাভো নৃণাং সাধুসমাগমঃ ॥ ৭ ॥
অযং হি পরমো লাভো নৃণাং সাধুসমাগমঃ ॥ ৭ ॥
সূত উবাচ
ইত্যুক্ত্বা তমুপেযায ভগবান্ স সতাং গতিঃ ।
ঈশানঃ সর্ববিদ্যানামীশ্বরঃ সর্বদেহিনাম্ ॥ ৮ ॥
ইত্যুক্ত্বা তমুপেযায ভগবান্ স সতাং গতিঃ ।
ঈশানঃ সর্ববিদ্যানামীশ্বরঃ সর্বদেহিনাম্ ॥ ৮ ॥
তযোরাগমনং সাক্ষাদীশযোর্জগদাত্মনোঃ ।
ন বেদ রুদ্ধধীবৃত্তিরাত্মানং বিশ্বমেব চ ॥ ৯ ॥
ন বেদ রুদ্ধধীবৃত্তিরাত্মানং বিশ্বমেব চ ॥ ৯ ॥
ভগবাংস্তদভিজ্ঞায গিরিশো যোগমাযযা ।
আবিশত্তদ্গুহাকাশং বাযুশ্ছিদ্রমিবেশ্বরঃ ॥ ১০ ॥
আবিশত্তদ্গুহাকাশং বাযুশ্ছিদ্রমিবেশ্বরঃ ॥ ১০ ॥
আত্মন্যপি শিবং প্রাপ্তং তডিত্পিঙ্গজটাধরম্ ।
ত্র্যক্ষং দশভুজং প্রাংশুমুদ্যন্তমিব ভাস্করম্ ॥ ১১ ॥
ত্র্যক্ষং দশভুজং প্রাংশুমুদ্যন্তমিব ভাস্করম্ ॥ ১১ ॥
ব্যাঘ্রচর্মাম্বরং শূলধনুরিষ্বসিচর্মভিঃ ।
অক্ষমালাডমরুককপালং পরশুং সহ ॥ ১২ ॥
অক্ষমালাডমরুককপালং পরশুং সহ ॥ ১২ ॥
বিভ্রাণং সহসা ভাতং বিচক্ষ্য হৃদি বিস্মিতঃ ।
কিমিদং কুত এবেতি সমাধের্বিরতো মুনিঃ ॥ ১৩ ॥
কিমিদং কুত এবেতি সমাধের্বিরতো মুনিঃ ॥ ১৩ ॥
নেত্রে উন্মীল্য দদৃশে সগণং সোমযাগতম্ ।
রুদ্রং ত্রিলোকৈকগুরুং ননাম শিরসা মুনিঃ ॥ ১৪ ॥
রুদ্রং ত্রিলোকৈকগুরুং ননাম শিরসা মুনিঃ ॥ ১৪ ॥
তস্মৈ সপর্যাং ব্যদধাত্ সগণায সহোমযা ।
স্বাগতাসনপাদ্যার্ঘ্যগন্ধস্রগ্ধূপদীপকৈঃ ॥ ১৫ ॥
স্বাগতাসনপাদ্যার্ঘ্যগন্ধস্রগ্ধূপদীপকৈঃ ॥ ১৫ ॥
আহ ত্বাত্মানুভাবেন পূর্ণকামস্য তে বিভো ।
করবাম কিমীশান যেনেদং নির্বৃতং জগত্ ॥ ১৬ ॥
করবাম কিমীশান যেনেদং নির্বৃতং জগত্ ॥ ১৬ ॥
নমঃ শিবায শান্তায সত্ত্বায প্রমৃডায চ ।
রজোজুষেঽথ ঘোরায নমস্তুভ্যং তমোজুষে ॥ ১৭ ॥
রজোজুষেঽথ ঘোরায নমস্তুভ্যং তমোজুষে ॥ ১৭ ॥
সূত উবাচ
এবং স্তুতঃ স ভগবানাদিদেবঃ সতাং গতিঃ ।
পরিতুষ্টঃ প্রসন্নাত্মা প্রহসংস্তমভাষত ॥ ১৮ ॥
এবং স্তুতঃ স ভগবানাদিদেবঃ সতাং গতিঃ ।
পরিতুষ্টঃ প্রসন্নাত্মা প্রহসংস্তমভাষত ॥ ১৮ ॥
শ্রীভগবানুবাচ
বরং বৃণীষ্ব নঃ কামং বরদেশা বযং ত্রযঃ ।
অমোঘং দর্শনং যেষাং মর্ত্যো যদ্ বিন্দতেঽমৃতম্ ॥ ১৯ ॥
বরং বৃণীষ্ব নঃ কামং বরদেশা বযং ত্রযঃ ।
অমোঘং দর্শনং যেষাং মর্ত্যো যদ্ বিন্দতেঽমৃতম্ ॥ ১৯ ॥
ব্রাহ্মণাঃ সাধবঃ শান্তা নিঃসঙ্গা ভূতবত্সলাঃ ।
একান্তভক্তা অস্মাসু নির্বৈরাঃ সমদর্শিনঃ ॥ ২০ ॥
একান্তভক্তা অস্মাসু নির্বৈরাঃ সমদর্শিনঃ ॥ ২০ ॥
সলোকা লোকপালাস্তান্ বন্দন্ত্যর্চন্ত্যুপাসতে ।
অহং চ ভগবান্ ব্রহ্মা স্বযং চ হরিরীশ্বরঃ ॥ ২১ ॥
অহং চ ভগবান্ ব্রহ্মা স্বযং চ হরিরীশ্বরঃ ॥ ২১ ॥
ন তে ময্যচ্যুতেঽজে চ ভিদামণ্বপি চক্ষতে ।
নাত্মনশ্চ জনস্যাপি তদ্ যুষ্মান্ বযমীমহি ॥ ২২ ॥
নাত্মনশ্চ জনস্যাপি তদ্ যুষ্মান্ বযমীমহি ॥ ২২ ॥
ন হ্যম্মযানি তীর্থানি ন দেবাশ্চেতনোজ্ঝিতাঃ ।
তে পুনন্ত্যুরুকালেন যূযং দর্শনমাত্রতঃ ॥ ২৩ ॥
তে পুনন্ত্যুরুকালেন যূযং দর্শনমাত্রতঃ ॥ ২৩ ॥
ব্রাহ্মণেভ্যো নমস্যামো যেঽস্মদ্রূপং ত্রযীমযম্ ।
বিভ্রত্যাত্মসমাধানতপঃস্বাধ্যাযসংযমৈঃ ॥ ২৪ ॥
বিভ্রত্যাত্মসমাধানতপঃস্বাধ্যাযসংযমৈঃ ॥ ২৪ ॥
শ্রবণাদ্ দর্শনাদ্ বাপি মহাপাতকিনোঽপি বঃ ।
শুধ্যেরন্নন্ত্যজাশ্চাপি কিমু সম্ভাষণাদিভিঃ ॥ ২৫ ॥
শুধ্যেরন্নন্ত্যজাশ্চাপি কিমু সম্ভাষণাদিভিঃ ॥ ২৫ ॥
সূত উবাচ
ইতি চন্দ্রললামস্য ধর্মগুহ্যোপবৃংহিতম্ ।
বচোঽমৃতাযনমৃষির্নাতৃপ্যত্ কর্ণযোঃ পিবন্ ॥ ২৬ ॥
ইতি চন্দ্রললামস্য ধর্মগুহ্যোপবৃংহিতম্ ।
বচোঽমৃতাযনমৃষির্নাতৃপ্যত্ কর্ণযোঃ পিবন্ ॥ ২৬ ॥
স চিরং মাযযা বিষ্ণোর্ভ্রামিতঃ কর্শিতো ভৃশম্ ।
শিববাগমৃতধ্বস্তক্লেশপুঞ্জস্তমব্রবীত্ ॥ ২৭ ॥
শিববাগমৃতধ্বস্তক্লেশপুঞ্জস্তমব্রবীত্ ॥ ২৭ ॥
শ্রীমার্কণ্ডেয উবাচ
অহো ঈশ্বরলীলেযং দুর্বিভাব্যা শরীরিণাম্ ।
যন্নমন্তীশিতব্যানি স্তুবন্তি জগদীশ্বরাঃ ॥ ২৮ ॥
অহো ঈশ্বরলীলেযং দুর্বিভাব্যা শরীরিণাম্ ।
যন্নমন্তীশিতব্যানি স্তুবন্তি জগদীশ্বরাঃ ॥ ২৮ ॥
ধর্মং গ্রাহযিতুং প্রাযঃ প্রবক্তারশ্চ দেহিনাম্ ।
আচরন্ত্যনুমোদন্তে ক্রিযমাণং স্তুবন্তি চ ॥ ২৯ ॥
আচরন্ত্যনুমোদন্তে ক্রিযমাণং স্তুবন্তি চ ॥ ২৯ ॥
নৈতাবতা ভগবতঃ স্বমাযামযবৃত্তিভিঃ ।
ন দুষ্যেতানুভাবস্তৈর্মাযিনঃ কুহকং যথা ॥ ৩০ ॥
ন দুষ্যেতানুভাবস্তৈর্মাযিনঃ কুহকং যথা ॥ ৩০ ॥
সৃষ্ট্বেদং মনসা বিশ্বমাত্মনানুপ্রবিশ্য যঃ ।
গুণৈঃ কুর্বদ্ভিরাভাতি কর্তেব স্বপ্নদৃগ্ যথা ॥ ৩১ ॥
গুণৈঃ কুর্বদ্ভিরাভাতি কর্তেব স্বপ্নদৃগ্ যথা ॥ ৩১ ॥
তস্মৈ নমো ভগবতে ত্রিগুণায গুণাত্মনে ।
কেবলাযাদ্বিতীযায গুরবে ব্রহ্মমূর্তযে ॥ ৩২ ॥
কেবলাযাদ্বিতীযায গুরবে ব্রহ্মমূর্তযে ॥ ৩২ ॥
কং বৃণে নু পরং ভূমন্ বরং ত্বদ্ বরদর্শনাত্ ।
যদ্দর্শনাত্ পূর্ণকামঃ সত্যকামঃ পুমান্ ভবেত্ ॥ ৩৩ ॥
যদ্দর্শনাত্ পূর্ণকামঃ সত্যকামঃ পুমান্ ভবেত্ ॥ ৩৩ ॥
বরমেকং বৃণেঽথাপি পূর্ণাত্ কামাভিবর্ষণাত্ ।
ভগবত্যচ্যুতাং ভক্তিং তত্পরেষু তথা ত্বযি ॥ ৩৪ ॥
ভগবত্যচ্যুতাং ভক্তিং তত্পরেষু তথা ত্বযি ॥ ৩৪ ॥
সূত উবাচ
ইত্যর্চিতোঽভিষ্টুতশ্চ মুনিনা সূক্তযা গিরা ।
তমাহ ভগবাঞ্ছর্বঃ শর্বযা চাভিনন্দিতঃ ॥ ৩৫ ॥
ইত্যর্চিতোঽভিষ্টুতশ্চ মুনিনা সূক্তযা গিরা ।
তমাহ ভগবাঞ্ছর্বঃ শর্বযা চাভিনন্দিতঃ ॥ ৩৫ ॥
কামো মহর্ষে সর্বোঽযং ভক্তিমাংস্ত্বমধোক্ষজে ।
আকল্পান্তাদ্ যশঃ পুণ্যমজরামরতা তথা ॥ ৩৬ ॥
আকল্পান্তাদ্ যশঃ পুণ্যমজরামরতা তথা ॥ ৩৬ ॥
জ্ঞানং ত্রৈকালিকং ব্রহ্মন্ বিজ্ঞানং চ বিরক্তিমত্ ।
ব্রহ্মবর্চস্বিনো ভূযাত্ পুরাণাচার্যতাস্তু তে ॥ ৩৭ ॥
ব্রহ্মবর্চস্বিনো ভূযাত্ পুরাণাচার্যতাস্তু তে ॥ ৩৭ ॥
সূত উবাচ
এবং বরান্ স মুনযে দত্ত্বাগাত্ ত্র্যক্ষ ঈশ্বরঃ ।
দেব্যৈ তত্কর্ম কথযন্ননুভূতং পুরামুনা ॥ ৩৮ ॥
এবং বরান্ স মুনযে দত্ত্বাগাত্ ত্র্যক্ষ ঈশ্বরঃ ।
দেব্যৈ তত্কর্ম কথযন্ননুভূতং পুরামুনা ॥ ৩৮ ॥
সোঽপ্যবাপ্তমহাযোগমহিমা ভার্গবোত্তমঃ ।
বিচরত্যধুনাপ্যদ্ধা হরাবেকান্ততাং গতঃ ॥ ৩৯ ॥
বিচরত্যধুনাপ্যদ্ধা হরাবেকান্ততাং গতঃ ॥ ৩৯ ॥
অনুবর্ণিতমেতত্তে মার্কণ্ডেযস্য ধীমতঃ ।
অনুভূতং ভগবতো মাযাবৈভবমদ্ভুতম্ ॥ ৪০ ॥
অনুভূতং ভগবতো মাযাবৈভবমদ্ভুতম্ ॥ ৪০ ॥
এতত্ কেচিদবিদ্বাংসো মাযাসংসৃতিরাত্মনঃ ।
অনাদ্যাবর্তিতং নৃণাং কাদাচিত্কং প্রচক্ষতে ॥ ৪১ ॥
অনাদ্যাবর্তিতং নৃণাং কাদাচিত্কং প্রচক্ষতে ॥ ৪১ ॥
য এবমেতদ্ ভৃগুবর্য বর্ণিতং
রথাঙ্গপাণেরনুভাবভাবিতম্ ।
সংশ্রাবযেত্ সংশৃণুযাদু তাবুভৌ
তযোর্ন কর্মাশযসংসৃতির্ভবেত্ ॥ ৪২ ॥
রথাঙ্গপাণেরনুভাবভাবিতম্ ।
সংশ্রাবযেত্ সংশৃণুযাদু তাবুভৌ
তযোর্ন কর্মাশযসংসৃতির্ভবেত্ ॥ ৪২ ॥