ସୂତ ଉଵାଚ
ସ ଏଵମନୁଭୂଯେଦଂ ନାରାଯଣଵିନିର୍ମିତମ୍ ।
ଵୈଭଵଂ ଯୋଗମାଯାଯାସ୍ତମେଵ ଶରଣଂ ଯଯୌ ॥ ୧ ॥
ସ ଏଵମନୁଭୂଯେଦଂ ନାରାଯଣଵିନିର୍ମିତମ୍ ।
ଵୈଭଵଂ ଯୋଗମାଯାଯାସ୍ତମେଵ ଶରଣଂ ଯଯୌ ॥ ୧ ॥
ଶ୍ରୀମାର୍କଣ୍ଡେଯ ଉଵାଚ
ପ୍ରପନ୍ନୋଽସ୍ମ୍ଯଙ୍ଘ୍ରିମୂଲଂ ତେ ପ୍ରପନ୍ନାଭଯଦଂ ହରେ ।
ଯନ୍ମାଯଯାପି ଵିବୁଧା ମୁହ୍ଯନ୍ତି ଜ୍ଞାନକାଶଯା ॥ ୨ ॥
ପ୍ରପନ୍ନୋଽସ୍ମ୍ଯଙ୍ଘ୍ରିମୂଲଂ ତେ ପ୍ରପନ୍ନାଭଯଦଂ ହରେ ।
ଯନ୍ମାଯଯାପି ଵିବୁଧା ମୁହ୍ଯନ୍ତି ଜ୍ଞାନକାଶଯା ॥ ୨ ॥
ସୂତ ଉଵାଚ
ତମେଵଂ ନିଭୃତାତ୍ମାନଂ ଵୃଷେଣ ଦିଵି ପର୍ଯଟନ୍ ।
ରୁଦ୍ରାଣ୍ଯା ଭଗଵାନ୍ ରୁଦ୍ରୋ ଦଦର୍ଶ ସ୍ଵଗଣୈର୍ଵୃତଃ ॥ ୩ ॥
ତମେଵଂ ନିଭୃତାତ୍ମାନଂ ଵୃଷେଣ ଦିଵି ପର୍ଯଟନ୍ ।
ରୁଦ୍ରାଣ୍ଯା ଭଗଵାନ୍ ରୁଦ୍ରୋ ଦଦର୍ଶ ସ୍ଵଗଣୈର୍ଵୃତଃ ॥ ୩ ॥
ଅଥୋମା ତମୃଷିଂ ଵୀକ୍ଷ୍ଯ ଗିରିଶଂ ସମଭାଷତ ।
ପଶ୍ଯେମଂ ଭଗଵନ୍ ଵିପ୍ରଂ ନିଭୃତାତ୍ମେନ୍ଦ୍ରିଯାଶଯମ୍ ॥ ୪ ॥
ପଶ୍ଯେମଂ ଭଗଵନ୍ ଵିପ୍ରଂ ନିଭୃତାତ୍ମେନ୍ଦ୍ରିଯାଶଯମ୍ ॥ ୪ ॥
ନିଭୃତୋଦଝଷଵ୍ରାତୋ ଵାତାପାଯେ ଯଥାର୍ଣଵଃ ।
କୁର୍ଵସ୍ଯ ତପସଃ ସାକ୍ଷାତ୍ ସଂସିଦ୍ଧିଂ ସିଦ୍ଧିଦୋ ଭଵାନ୍ ॥ ୫ ॥
କୁର୍ଵସ୍ଯ ତପସଃ ସାକ୍ଷାତ୍ ସଂସିଦ୍ଧିଂ ସିଦ୍ଧିଦୋ ଭଵାନ୍ ॥ ୫ ॥
ଶ୍ରୀଭଗଵାନୁଵାଚ
ନୈଵେଚ୍ଛତ୍ଯାଶିଷଃ କ୍ଵାପି ବ୍ରହ୍ମର୍ଷିର୍ମୋକ୍ଷମପ୍ଯୁତ ।
ଭକ୍ତିଂ ପରାଂ ଭଗଵତି ଲବ୍ଧଵାନ୍ ପୁରୁଷେଽଵ୍ଯଯେ ॥ ୬ ॥
ନୈଵେଚ୍ଛତ୍ଯାଶିଷଃ କ୍ଵାପି ବ୍ରହ୍ମର୍ଷିର୍ମୋକ୍ଷମପ୍ଯୁତ ।
ଭକ୍ତିଂ ପରାଂ ଭଗଵତି ଲବ୍ଧଵାନ୍ ପୁରୁଷେଽଵ୍ଯଯେ ॥ ୬ ॥
ଅଥାପି ସଂଵଦିଷ୍ଯାମୋ ଭଵାନ୍ଯେତେନ ସାଧୁନା ।
ଅଯଂ ହି ପରମୋ ଲାଭୋ ନୃଣାଂ ସାଧୁସମାଗମଃ ॥ ୭ ॥
ଅଯଂ ହି ପରମୋ ଲାଭୋ ନୃଣାଂ ସାଧୁସମାଗମଃ ॥ ୭ ॥
ସୂତ ଉଵାଚ
ଇତ୍ଯୁକ୍ତ୍ଵା ତମୁପେଯାଯ ଭଗଵାନ୍ ସ ସତାଂ ଗତିଃ ।
ଈଶାନଃ ସର୍ଵଵିଦ୍ଯାନାମୀଶ୍ଵରଃ ସର୍ଵଦେହିନାମ୍ ॥ ୮ ॥
ଇତ୍ଯୁକ୍ତ୍ଵା ତମୁପେଯାଯ ଭଗଵାନ୍ ସ ସତାଂ ଗତିଃ ।
ଈଶାନଃ ସର୍ଵଵିଦ୍ଯାନାମୀଶ୍ଵରଃ ସର୍ଵଦେହିନାମ୍ ॥ ୮ ॥
ତଯୋରାଗମନଂ ସାକ୍ଷାଦୀଶଯୋର୍ଜଗଦାତ୍ମନୋଃ ।
ନ ଵେଦ ରୁଦ୍ଧଧୀଵୃତ୍ତିରାତ୍ମାନଂ ଵିଶ୍ଵମେଵ ଚ ॥ ୯ ॥
ନ ଵେଦ ରୁଦ୍ଧଧୀଵୃତ୍ତିରାତ୍ମାନଂ ଵିଶ୍ଵମେଵ ଚ ॥ ୯ ॥
ଭଗଵାଂସ୍ତଦଭିଜ୍ଞାଯ ଗିରିଶୋ ଯୋଗମାଯଯା ।
ଆଵିଶତ୍ତଦ୍ଗୁହାକାଶଂ ଵାଯୁଶ୍ଛିଦ୍ରମିଵେଶ୍ଵରଃ ॥ ୧୦ ॥
ଆଵିଶତ୍ତଦ୍ଗୁହାକାଶଂ ଵାଯୁଶ୍ଛିଦ୍ରମିଵେଶ୍ଵରଃ ॥ ୧୦ ॥
ଆତ୍ମନ୍ଯପି ଶିଵଂ ପ୍ରାପ୍ତଂ ତଡିତ୍ପିଙ୍ଗଜଟାଧରମ୍ ।
ତ୍ର୍ଯକ୍ଷଂ ଦଶଭୁଜଂ ପ୍ରାଂଶୁମୁଦ୍ଯନ୍ତମିଵ ଭାସ୍କରମ୍ ॥ ୧୧ ॥
ତ୍ର୍ଯକ୍ଷଂ ଦଶଭୁଜଂ ପ୍ରାଂଶୁମୁଦ୍ଯନ୍ତମିଵ ଭାସ୍କରମ୍ ॥ ୧୧ ॥
ଵ୍ଯାଘ୍ରଚର୍ମାମ୍ବରଂ ଶୂଲଧନୁରିଷ୍ଵସିଚର୍ମଭିଃ ।
ଅକ୍ଷମାଲାଡମରୁକକପାଲଂ ପରଶୁଂ ସହ ॥ ୧୨ ॥
ଅକ୍ଷମାଲାଡମରୁକକପାଲଂ ପରଶୁଂ ସହ ॥ ୧୨ ॥
ବିଭ୍ରାଣଂ ସହସା ଭାତଂ ଵିଚକ୍ଷ୍ଯ ହୃଦି ଵିସ୍ମିତଃ ।
କିମିଦଂ କୁତ ଏଵେତି ସମାଧେର୍ଵିରତୋ ମୁନିଃ ॥ ୧୩ ॥
କିମିଦଂ କୁତ ଏଵେତି ସମାଧେର୍ଵିରତୋ ମୁନିଃ ॥ ୧୩ ॥
ନେତ୍ରେ ଉନ୍ମୀଲ୍ଯ ଦଦୃଶେ ସଗଣଂ ସୋମଯାଗତମ୍ ।
ରୁଦ୍ରଂ ତ୍ରିଲୋକୈକଗୁରୁଂ ନନାମ ଶିରସା ମୁନିଃ ॥ ୧୪ ॥
ରୁଦ୍ରଂ ତ୍ରିଲୋକୈକଗୁରୁଂ ନନାମ ଶିରସା ମୁନିଃ ॥ ୧୪ ॥
ତସ୍ମୈ ସପର୍ଯାଂ ଵ୍ଯଦଧାତ୍ ସଗଣାଯ ସହୋମଯା ।
ସ୍ଵାଗତାସନପାଦ୍ଯାର୍ଘ୍ଯଗନ୍ଧସ୍ରଗ୍ଧୂପଦୀପକୈଃ ॥ ୧୫ ॥
ସ୍ଵାଗତାସନପାଦ୍ଯାର୍ଘ୍ଯଗନ୍ଧସ୍ରଗ୍ଧୂପଦୀପକୈଃ ॥ ୧୫ ॥
ଆହ ତ୍ଵାତ୍ମାନୁଭାଵେନ ପୂର୍ଣକାମସ୍ଯ ତେ ଵିଭୋ ।
କରଵାମ କିମୀଶାନ ଯେନେଦଂ ନିର୍ଵୃତଂ ଜଗତ୍ ॥ ୧୬ ॥
କରଵାମ କିମୀଶାନ ଯେନେଦଂ ନିର୍ଵୃତଂ ଜଗତ୍ ॥ ୧୬ ॥
ନମଃ ଶିଵାଯ ଶାନ୍ତାଯ ସତ୍ତ୍ଵାଯ ପ୍ରମୃଡାଯ ଚ ।
ରଜୋଜୁଷେଽଥ ଘୋରାଯ ନମସ୍ତୁଭ୍ଯଂ ତମୋଜୁଷେ ॥ ୧୭ ॥
ରଜୋଜୁଷେଽଥ ଘୋରାଯ ନମସ୍ତୁଭ୍ଯଂ ତମୋଜୁଷେ ॥ ୧୭ ॥
ସୂତ ଉଵାଚ
ଏଵଂ ସ୍ତୁତଃ ସ ଭଗଵାନାଦିଦେଵଃ ସତାଂ ଗତିଃ ।
ପରିତୁଷ୍ଟଃ ପ୍ରସନ୍ନାତ୍ମା ପ୍ରହସଂସ୍ତମଭାଷତ ॥ ୧୮ ॥
ଏଵଂ ସ୍ତୁତଃ ସ ଭଗଵାନାଦିଦେଵଃ ସତାଂ ଗତିଃ ।
ପରିତୁଷ୍ଟଃ ପ୍ରସନ୍ନାତ୍ମା ପ୍ରହସଂସ୍ତମଭାଷତ ॥ ୧୮ ॥
ଶ୍ରୀଭଗଵାନୁଵାଚ
ଵରଂ ଵୃଣୀଷ୍ଵ ନଃ କାମଂ ଵରଦେଶା ଵଯଂ ତ୍ରଯଃ ।
ଅମୋଘଂ ଦର୍ଶନଂ ଯେଷାଂ ମର୍ତ୍ଯୋ ଯଦ୍ ଵିନ୍ଦତେଽମୃତମ୍ ॥ ୧୯ ॥
ଵରଂ ଵୃଣୀଷ୍ଵ ନଃ କାମଂ ଵରଦେଶା ଵଯଂ ତ୍ରଯଃ ।
ଅମୋଘଂ ଦର୍ଶନଂ ଯେଷାଂ ମର୍ତ୍ଯୋ ଯଦ୍ ଵିନ୍ଦତେଽମୃତମ୍ ॥ ୧୯ ॥
ବ୍ରାହ୍ମଣାଃ ସାଧଵଃ ଶାନ୍ତା ନିଃସଙ୍ଗା ଭୂତଵତ୍ସଲାଃ ।
ଏକାନ୍ତଭକ୍ତା ଅସ୍ମାସୁ ନିର୍ଵୈରାଃ ସମଦର୍ଶିନଃ ॥ ୨୦ ॥
ଏକାନ୍ତଭକ୍ତା ଅସ୍ମାସୁ ନିର୍ଵୈରାଃ ସମଦର୍ଶିନଃ ॥ ୨୦ ॥
ସଲୋକା ଲୋକପାଲାସ୍ତାନ୍ ଵନ୍ଦନ୍ତ୍ଯର୍ଚନ୍ତ୍ଯୁପାସତେ ।
ଅହଂ ଚ ଭଗଵାନ୍ ବ୍ରହ୍ମା ସ୍ଵଯଂ ଚ ହରିରୀଶ୍ଵରଃ ॥ ୨୧ ॥
ଅହଂ ଚ ଭଗଵାନ୍ ବ୍ରହ୍ମା ସ୍ଵଯଂ ଚ ହରିରୀଶ୍ଵରଃ ॥ ୨୧ ॥
ନ ତେ ମଯ୍ଯଚ୍ଯୁତେଽଜେ ଚ ଭିଦାମଣ୍ଵପି ଚକ୍ଷତେ ।
ନାତ୍ମନଶ୍ଚ ଜନସ୍ଯାପି ତଦ୍ ଯୁଷ୍ମାନ୍ ଵଯମୀମହି ॥ ୨୨ ॥
ନାତ୍ମନଶ୍ଚ ଜନସ୍ଯାପି ତଦ୍ ଯୁଷ୍ମାନ୍ ଵଯମୀମହି ॥ ୨୨ ॥
ନ ହ୍ଯମ୍ମଯାନି ତୀର୍ଥାନି ନ ଦେଵାଶ୍ଚେତନୋଜ୍ଝିତାଃ ।
ତେ ପୁନନ୍ତ୍ଯୁରୁକାଲେନ ଯୂଯଂ ଦର୍ଶନମାତ୍ରତଃ ॥ ୨୩ ॥
ତେ ପୁନନ୍ତ୍ଯୁରୁକାଲେନ ଯୂଯଂ ଦର୍ଶନମାତ୍ରତଃ ॥ ୨୩ ॥
ବ୍ରାହ୍ମଣେଭ୍ଯୋ ନମସ୍ଯାମୋ ଯେଽସ୍ମଦ୍ରୂପଂ ତ୍ରଯୀମଯମ୍ ।
ବିଭ୍ରତ୍ଯାତ୍ମସମାଧାନତପଃସ୍ଵାଧ୍ଯାଯସଂଯମୈଃ ॥ ୨୪ ॥
ବିଭ୍ରତ୍ଯାତ୍ମସମାଧାନତପଃସ୍ଵାଧ୍ଯାଯସଂଯମୈଃ ॥ ୨୪ ॥
ଶ୍ରଵଣାଦ୍ ଦର୍ଶନାଦ୍ ଵାପି ମହାପାତକିନୋଽପି ଵଃ ।
ଶୁଧ୍ଯେରନ୍ନନ୍ତ୍ଯଜାଶ୍ଚାପି କିମୁ ସମ୍ଭାଷଣାଦିଭିଃ ॥ ୨୫ ॥
ଶୁଧ୍ଯେରନ୍ନନ୍ତ୍ଯଜାଶ୍ଚାପି କିମୁ ସମ୍ଭାଷଣାଦିଭିଃ ॥ ୨୫ ॥
ସୂତ ଉଵାଚ
ଇତି ଚନ୍ଦ୍ରଲଲାମସ୍ଯ ଧର୍ମଗୁହ୍ଯୋପବୃଂହିତମ୍ ।
ଵଚୋଽମୃତାଯନମୃଷିର୍ନାତୃପ୍ଯତ୍ କର୍ଣଯୋଃ ପିବନ୍ ॥ ୨୬ ॥
ଇତି ଚନ୍ଦ୍ରଲଲାମସ୍ଯ ଧର୍ମଗୁହ୍ଯୋପବୃଂହିତମ୍ ।
ଵଚୋଽମୃତାଯନମୃଷିର୍ନାତୃପ୍ଯତ୍ କର୍ଣଯୋଃ ପିବନ୍ ॥ ୨୬ ॥
ସ ଚିରଂ ମାଯଯା ଵିଷ୍ଣୋର୍ଭ୍ରାମିତଃ କର୍ଶିତୋ ଭୃଶମ୍ ।
ଶିଵଵାଗମୃତଧ୍ଵସ୍ତକ୍ଲେଶପୁଞ୍ଜସ୍ତମବ୍ରଵୀତ୍ ॥ ୨୭ ॥
ଶିଵଵାଗମୃତଧ୍ଵସ୍ତକ୍ଲେଶପୁଞ୍ଜସ୍ତମବ୍ରଵୀତ୍ ॥ ୨୭ ॥
ଶ୍ରୀମାର୍କଣ୍ଡେଯ ଉଵାଚ
ଅହୋ ଈଶ୍ଵରଲୀଲେଯଂ ଦୁର୍ଵିଭାଵ୍ଯା ଶରୀରିଣାମ୍ ।
ଯନ୍ନମନ୍ତୀଶିତଵ୍ଯାନି ସ୍ତୁଵନ୍ତି ଜଗଦୀଶ୍ଵରାଃ ॥ ୨୮ ॥
ଅହୋ ଈଶ୍ଵରଲୀଲେଯଂ ଦୁର୍ଵିଭାଵ୍ଯା ଶରୀରିଣାମ୍ ।
ଯନ୍ନମନ୍ତୀଶିତଵ୍ଯାନି ସ୍ତୁଵନ୍ତି ଜଗଦୀଶ୍ଵରାଃ ॥ ୨୮ ॥
ଧର୍ମଂ ଗ୍ରାହଯିତୁଂ ପ୍ରାଯଃ ପ୍ରଵକ୍ତାରଶ୍ଚ ଦେହିନାମ୍ ।
ଆଚରନ୍ତ୍ଯନୁମୋଦନ୍ତେ କ୍ରିଯମାଣଂ ସ୍ତୁଵନ୍ତି ଚ ॥ ୨୯ ॥
ଆଚରନ୍ତ୍ଯନୁମୋଦନ୍ତେ କ୍ରିଯମାଣଂ ସ୍ତୁଵନ୍ତି ଚ ॥ ୨୯ ॥
ନୈତାଵତା ଭଗଵତଃ ସ୍ଵମାଯାମଯଵୃତ୍ତିଭିଃ ।
ନ ଦୁଷ୍ଯେତାନୁଭାଵସ୍ତୈର୍ମାଯିନଃ କୁହକଂ ଯଥା ॥ ୩୦ ॥
ନ ଦୁଷ୍ଯେତାନୁଭାଵସ୍ତୈର୍ମାଯିନଃ କୁହକଂ ଯଥା ॥ ୩୦ ॥
ସୃଷ୍ଟ୍ଵେଦଂ ମନସା ଵିଶ୍ଵମାତ୍ମନାନୁପ୍ରଵିଶ୍ଯ ଯଃ ।
ଗୁଣୈଃ କୁର୍ଵଦ୍ଭିରାଭାତି କର୍ତେଵ ସ୍ଵପ୍ନଦୃଗ୍ ଯଥା ॥ ୩୧ ॥
ଗୁଣୈଃ କୁର୍ଵଦ୍ଭିରାଭାତି କର୍ତେଵ ସ୍ଵପ୍ନଦୃଗ୍ ଯଥା ॥ ୩୧ ॥
ତସ୍ମୈ ନମୋ ଭଗଵତେ ତ୍ରିଗୁଣାଯ ଗୁଣାତ୍ମନେ ।
କେଵଲାଯାଦ୍ଵିତୀଯାଯ ଗୁରଵେ ବ୍ରହ୍ମମୂର୍ତଯେ ॥ ୩୨ ॥
କେଵଲାଯାଦ୍ଵିତୀଯାଯ ଗୁରଵେ ବ୍ରହ୍ମମୂର୍ତଯେ ॥ ୩୨ ॥
କଂ ଵୃଣେ ନୁ ପରଂ ଭୂମନ୍ ଵରଂ ତ୍ଵଦ୍ ଵରଦର୍ଶନାତ୍ ।
ଯଦ୍ଦର୍ଶନାତ୍ ପୂର୍ଣକାମଃ ସତ୍ଯକାମଃ ପୁମାନ୍ ଭଵେତ୍ ॥ ୩୩ ॥
ଯଦ୍ଦର୍ଶନାତ୍ ପୂର୍ଣକାମଃ ସତ୍ଯକାମଃ ପୁମାନ୍ ଭଵେତ୍ ॥ ୩୩ ॥
ଵରମେକଂ ଵୃଣେଽଥାପି ପୂର୍ଣାତ୍ କାମାଭିଵର୍ଷଣାତ୍ ।
ଭଗଵତ୍ଯଚ୍ଯୁତାଂ ଭକ୍ତିଂ ତତ୍ପରେଷୁ ତଥା ତ୍ଵଯି ॥ ୩୪ ॥
ଭଗଵତ୍ଯଚ୍ଯୁତାଂ ଭକ୍ତିଂ ତତ୍ପରେଷୁ ତଥା ତ୍ଵଯି ॥ ୩୪ ॥
ସୂତ ଉଵାଚ
ଇତ୍ଯର୍ଚିତୋଽଭିଷ୍ଟୁତଶ୍ଚ ମୁନିନା ସୂକ୍ତଯା ଗିରା ।
ତମାହ ଭଗଵାଞ୍ଛର୍ଵଃ ଶର୍ଵଯା ଚାଭିନନ୍ଦିତଃ ॥ ୩୫ ॥
ଇତ୍ଯର୍ଚିତୋଽଭିଷ୍ଟୁତଶ୍ଚ ମୁନିନା ସୂକ୍ତଯା ଗିରା ।
ତମାହ ଭଗଵାଞ୍ଛର୍ଵଃ ଶର୍ଵଯା ଚାଭିନନ୍ଦିତଃ ॥ ୩୫ ॥
କାମୋ ମହର୍ଷେ ସର୍ଵୋଽଯଂ ଭକ୍ତିମାଂସ୍ତ୍ଵମଧୋକ୍ଷଜେ ।
ଆକଲ୍ପାନ୍ତାଦ୍ ଯଶଃ ପୁଣ୍ଯମଜରାମରତା ତଥା ॥ ୩୬ ॥
ଆକଲ୍ପାନ୍ତାଦ୍ ଯଶଃ ପୁଣ୍ଯମଜରାମରତା ତଥା ॥ ୩୬ ॥
ଜ୍ଞାନଂ ତ୍ରୈକାଲିକଂ ବ୍ରହ୍ମନ୍ ଵିଜ୍ଞାନଂ ଚ ଵିରକ୍ତିମତ୍ ।
ବ୍ରହ୍ମଵର୍ଚସ୍ଵିନୋ ଭୂଯାତ୍ ପୁରାଣାଚାର୍ଯତାସ୍ତୁ ତେ ॥ ୩୭ ॥
ବ୍ରହ୍ମଵର୍ଚସ୍ଵିନୋ ଭୂଯାତ୍ ପୁରାଣାଚାର୍ଯତାସ୍ତୁ ତେ ॥ ୩୭ ॥
ସୂତ ଉଵାଚ
ଏଵଂ ଵରାନ୍ ସ ମୁନଯେ ଦତ୍ତ୍ଵାଗାତ୍ ତ୍ର୍ଯକ୍ଷ ଈଶ୍ଵରଃ ।
ଦେଵ୍ଯୈ ତତ୍କର୍ମ କଥଯନ୍ନନୁଭୂତଂ ପୁରାମୁନା ॥ ୩୮ ॥
ଏଵଂ ଵରାନ୍ ସ ମୁନଯେ ଦତ୍ତ୍ଵାଗାତ୍ ତ୍ର୍ଯକ୍ଷ ଈଶ୍ଵରଃ ।
ଦେଵ୍ଯୈ ତତ୍କର୍ମ କଥଯନ୍ନନୁଭୂତଂ ପୁରାମୁନା ॥ ୩୮ ॥
ସୋଽପ୍ଯଵାପ୍ତମହାଯୋଗମହିମା ଭାର୍ଗଵୋତ୍ତମଃ ।
ଵିଚରତ୍ଯଧୁନାପ୍ଯଦ୍ଧା ହରାଵେକାନ୍ତତାଂ ଗତଃ ॥ ୩୯ ॥
ଵିଚରତ୍ଯଧୁନାପ୍ଯଦ୍ଧା ହରାଵେକାନ୍ତତାଂ ଗତଃ ॥ ୩୯ ॥
ଅନୁଵର୍ଣିତମେତତ୍ତେ ମାର୍କଣ୍ଡେଯସ୍ଯ ଧୀମତଃ ।
ଅନୁଭୂତଂ ଭଗଵତୋ ମାଯାଵୈଭଵମଦ୍ଭୁତମ୍ ॥ ୪୦ ॥
ଅନୁଭୂତଂ ଭଗଵତୋ ମାଯାଵୈଭଵମଦ୍ଭୁତମ୍ ॥ ୪୦ ॥
ଏତତ୍ କେଚିଦଵିଦ୍ଵାଂସୋ ମାଯାସଂସୃତିରାତ୍ମନଃ ।
ଅନାଦ୍ଯାଵର୍ତିତଂ ନୃଣାଂ କାଦାଚିତ୍କଂ ପ୍ରଚକ୍ଷତେ ॥ ୪୧ ॥
ଅନାଦ୍ଯାଵର୍ତିତଂ ନୃଣାଂ କାଦାଚିତ୍କଂ ପ୍ରଚକ୍ଷତେ ॥ ୪୧ ॥
ଯ ଏଵମେତଦ୍ ଭୃଗୁଵର୍ଯ ଵର୍ଣିତଂ
ରଥାଙ୍ଗପାଣେରନୁଭାଵଭାଵିତମ୍ ।
ସଂଶ୍ରାଵଯେତ୍ ସଂଶୃଣୁଯାଦୁ ତାଵୁଭୌ
ତଯୋର୍ନ କର୍ମାଶଯସଂସୃତିର୍ଭଵେତ୍ ॥ ୪୨ ॥
ରଥାଙ୍ଗପାଣେରନୁଭାଵଭାଵିତମ୍ ।
ସଂଶ୍ରାଵଯେତ୍ ସଂଶୃଣୁଯାଦୁ ତାଵୁଭୌ
ତଯୋର୍ନ କର୍ମାଶଯସଂସୃତିର୍ଭଵେତ୍ ॥ ୪୨ ॥