ଶ୍ରୀଶୌନକ ଉଵାଚ
ଅଥେମମର୍ଥଂ ପୃଚ୍ଛାମୋ ଭଵନ୍ତଂ ବହୁଵିତ୍ତମମ୍ ।
ସମସ୍ତତନ୍ତ୍ରରାଦ୍ଧାନ୍ତେ ଭଵାନ୍ ଭାଗଵତ ତତ୍ତ୍ଵଵିତ୍ ॥ ୧ ॥
ଅଥେମମର୍ଥଂ ପୃଚ୍ଛାମୋ ଭଵନ୍ତଂ ବହୁଵିତ୍ତମମ୍ ।
ସମସ୍ତତନ୍ତ୍ରରାଦ୍ଧାନ୍ତେ ଭଵାନ୍ ଭାଗଵତ ତତ୍ତ୍ଵଵିତ୍ ॥ ୧ ॥
ତାନ୍ତ୍ରିକାଃ ପରିଚର୍ଯାଯାଂ କେଵଲସ୍ଯ ଶ୍ରିଯଃ ପତେଃ ।
ଅଙ୍ଗୋପାଙ୍ଗାଯୁଧାକଲ୍ପଂ କଲ୍ପଯନ୍ତି ଯଥା ଚ ଯୈଃ ॥ ୨ ॥
ଅଙ୍ଗୋପାଙ୍ଗାଯୁଧାକଲ୍ପଂ କଲ୍ପଯନ୍ତି ଯଥା ଚ ଯୈଃ ॥ ୨ ॥
ତନ୍ନୋ ଵର୍ଣଯ ଭଦ୍ରଂ ତେ କ୍ରିଯାଯୋଗଂ ବୁଭୁତ୍ସତାମ୍ ।
ଯେନ କ୍ରିଯାନୈପୁଣେନ ମର୍ତ୍ଯୋ ଯାଯାଦମର୍ତ୍ଯତାମ୍ ॥ ୩ ॥
ଯେନ କ୍ରିଯାନୈପୁଣେନ ମର୍ତ୍ଯୋ ଯାଯାଦମର୍ତ୍ଯତାମ୍ ॥ ୩ ॥
ସୂତ ଉଵାଚ
ନମସ୍କୃତ୍ଯ ଗୁରୂନ୍ ଵକ୍ଷ୍ଯେ ଵିଭୂତୀର୍ଵୈଷ୍ଣଵୀରପି ।
ଯାଃ ପ୍ରୋକ୍ତା ଵେଦତନ୍ତ୍ରାଭ୍ଯାମାଚାର୍ଯୈଃ ପଦ୍ମଜାଦିଭିଃ ॥ ୪ ॥
ନମସ୍କୃତ୍ଯ ଗୁରୂନ୍ ଵକ୍ଷ୍ଯେ ଵିଭୂତୀର୍ଵୈଷ୍ଣଵୀରପି ।
ଯାଃ ପ୍ରୋକ୍ତା ଵେଦତନ୍ତ୍ରାଭ୍ଯାମାଚାର୍ଯୈଃ ପଦ୍ମଜାଦିଭିଃ ॥ ୪ ॥
ମାଯାଦ୍ଯୈର୍ନଵଭିସ୍ତତ୍ତ୍ଵୈଃ ସ ଵିକାରମଯୋ ଵିରାଟ୍ ।
ନିର୍ମିତୋ ଦୃଶ୍ଯତେ ଯତ୍ର ସଚିତ୍କେ ଭୁଵନତ୍ରଯମ୍ ॥ ୫ ॥
ନିର୍ମିତୋ ଦୃଶ୍ଯତେ ଯତ୍ର ସଚିତ୍କେ ଭୁଵନତ୍ରଯମ୍ ॥ ୫ ॥
ଏତଦ୍ ଵୈ ପୌରୁଷଂ ରୂପଂ ଭୂଃ ପାଦୌ ଦ୍ଯୌଃ ଶିରୋ ନଭଃ ।
ନାଭିଃ ସୂର୍ଯୋଽକ୍ଷିଣୀ ନାସେ ଵାଯୁଃ କର୍ଣୌ ଦିଶଃ ପ୍ରଭୋଃ ॥ ୬ ॥
ନାଭିଃ ସୂର୍ଯୋଽକ୍ଷିଣୀ ନାସେ ଵାଯୁଃ କର୍ଣୌ ଦିଶଃ ପ୍ରଭୋଃ ॥ ୬ ॥
ପ୍ରଜାପତିଃ ପ୍ରଜନନମପାନୋ ମୃତ୍ଯୁରୀଶିତୁଃ ।
ତଦ୍ବାହଵୋ ଲୋକପାଲା ମନଶ୍ଚନ୍ଦ୍ରୋ ଭ୍ରୁଵୌ ଯମଃ ॥ ୭ ॥
ତଦ୍ବାହଵୋ ଲୋକପାଲା ମନଶ୍ଚନ୍ଦ୍ରୋ ଭ୍ରୁଵୌ ଯମଃ ॥ ୭ ॥
ଲଜ୍ଜୋତ୍ତରୋଽଧରୋ ଲୋଭୋ ଦନ୍ତା ଜ୍ଯୋତ୍ସ୍ନା ସ୍ମଯୋ ଭ୍ରମଃ ।
ରୋମାଣି ଭୂରୁହା ଭୂମ୍ନୋ ମେଘାଃ ପୁରୁଷମୂର୍ଧଜାଃ ॥ ୮ ॥
ରୋମାଣି ଭୂରୁହା ଭୂମ୍ନୋ ମେଘାଃ ପୁରୁଷମୂର୍ଧଜାଃ ॥ ୮ ॥
ଯାଵାନଯଂ ଵୈ ପୁରୁଷୋ ଯାଵତ୍ଯା ସଂସ୍ଥଯା ମିତଃ ।
ତାଵାନସାଵପି ମହାପୁରୁଷୋ ଲୋକସଂସ୍ଥଯା ॥ ୯ ॥
ତାଵାନସାଵପି ମହାପୁରୁଷୋ ଲୋକସଂସ୍ଥଯା ॥ ୯ ॥
କୌସ୍ତୁଭଵ୍ଯପଦେଶେନ ସ୍ଵାତ୍ମଜ୍ଯୋତିର୍ବିଭର୍ତ୍ଯଜଃ ।
ତତ୍ପ୍ରଭା ଵ୍ଯାପିନୀ ସାକ୍ଷାତ୍ ଶ୍ରୀଵତ୍ସମୁରସା ଵିଭୁଃ ॥ ୧୦ ॥
ତତ୍ପ୍ରଭା ଵ୍ଯାପିନୀ ସାକ୍ଷାତ୍ ଶ୍ରୀଵତ୍ସମୁରସା ଵିଭୁଃ ॥ ୧୦ ॥
ସ୍ଵମାଯାଂ ଵନମାଲାଖ୍ଯାଂ ନାନାଗୁଣମଯୀଂ ଦଧତ୍ ।
ଵାସଶ୍ଛନ୍ଦୋମଯଂ ପୀତଂ ବ୍ରହ୍ମସୂତ୍ରଂ ତ୍ରିଵୃତ୍ ସ୍ଵରମ୍ ॥ ୧୧ ॥
ଵାସଶ୍ଛନ୍ଦୋମଯଂ ପୀତଂ ବ୍ରହ୍ମସୂତ୍ରଂ ତ୍ରିଵୃତ୍ ସ୍ଵରମ୍ ॥ ୧୧ ॥
ବିଭର୍ତି ସାଙ୍ଖ୍ଯଂ ଯୋଗଂ ଚ ଦେଵୋ ମକରକୁଣ୍ଡଲେ ।
ମୌଲିଂ ପଦଂ ପାରମେଷ୍ଠ୍ଯଂ ସର୍ଵଲୋକାଭଯଙ୍କରମ୍ ॥ ୧୨ ॥
ମୌଲିଂ ପଦଂ ପାରମେଷ୍ଠ୍ଯଂ ସର୍ଵଲୋକାଭଯଙ୍କରମ୍ ॥ ୧୨ ॥
ଅଵ୍ଯାକୃତମନନ୍ତାଖ୍ଯମାସନଂ ଯଦଧିଷ୍ଠିତଃ ।
ଧର୍ମଜ୍ଞାନାଦିଭିର୍ଯୁକ୍ତଂ ସତ୍ତ୍ଵଂ ପଦ୍ମମିହୋଚ୍ଯତେ ॥ ୧୩ ॥
ଧର୍ମଜ୍ଞାନାଦିଭିର୍ଯୁକ୍ତଂ ସତ୍ତ୍ଵଂ ପଦ୍ମମିହୋଚ୍ଯତେ ॥ ୧୩ ॥
ଓଜଃସହୋବଲଯୁତଂ ମୁଖ୍ଯତତ୍ତ୍ଵଂ ଗଦାଂ ଦଧତ୍ ।
ଅପାଂ ତତ୍ତ୍ଵଂ ଦରଵରଂ ତେଜସ୍ତତ୍ତ୍ଵଂ ସୁଦର୍ଶନମ୍ ॥ ୧୪ ॥
ଅପାଂ ତତ୍ତ୍ଵଂ ଦରଵରଂ ତେଜସ୍ତତ୍ତ୍ଵଂ ସୁଦର୍ଶନମ୍ ॥ ୧୪ ॥
ନଭୋନିଭଂ ନଭସ୍ତତ୍ତ୍ଵମସିଂ ଚର୍ମ ତମୋମଯମ୍ ।
କାଲରୂପଂ ଧନୁଃ ଶାର୍ଙ୍ଗଂ ତଥା କର୍ମମଯେଷୁଧିମ୍ ॥ ୧୫ ॥
କାଲରୂପଂ ଧନୁଃ ଶାର୍ଙ୍ଗଂ ତଥା କର୍ମମଯେଷୁଧିମ୍ ॥ ୧୫ ॥
ଇନ୍ଦ୍ରିଯାଣି ଶରାନାହୁରାକୂତୀରସ୍ଯ ସ୍ଯନ୍ଦନମ୍ ।
ତନ୍ମାତ୍ରାଣ୍ଯସ୍ଯାଭିଵ୍ଯକ୍ତିଂ ମୁଦ୍ରଯାର୍ଥକ୍ରିଯାତ୍ମତାମ୍ ॥ ୧୬ ॥
ତନ୍ମାତ୍ରାଣ୍ଯସ୍ଯାଭିଵ୍ଯକ୍ତିଂ ମୁଦ୍ରଯାର୍ଥକ୍ରିଯାତ୍ମତାମ୍ ॥ ୧୬ ॥
ମଣ୍ଡଲଂ ଦେଵଯଜନଂ ଦୀକ୍ଷା ସଂସ୍କାର ଆତ୍ମନଃ ।
ପରିଚର୍ଯା ଭଗଵତ ଆତ୍ମନୋ ଦୁରିତକ୍ଷଯଃ ॥ ୧୭ ॥
ପରିଚର୍ଯା ଭଗଵତ ଆତ୍ମନୋ ଦୁରିତକ୍ଷଯଃ ॥ ୧୭ ॥
ଭଗଵାନ୍ ଭଗଶବ୍ଦାର୍ଥଂ ଲୀଲାକମଲମୁଦ୍ଵହନ୍ ।
ଧର୍ମଂ ଯଶଶ୍ଚ ଭଗଵାଂଶ୍ଚାମରଵ୍ଯଜନେଽଭଜତ୍ ॥ ୧୮ ॥
ଧର୍ମଂ ଯଶଶ୍ଚ ଭଗଵାଂଶ୍ଚାମରଵ୍ଯଜନେଽଭଜତ୍ ॥ ୧୮ ॥
ଆତପତ୍ରଂ ତୁ ଵୈକୁଣ୍ଠଂ ଦ୍ଵିଜା ଧାମାକୁତୋଭଯମ୍ ।
ତ୍ରିଵୃଦ୍ଵେଦଃ ସୁପର୍ଣାଖ୍ଯୋ ଯଜ୍ଞଂ ଵହତି ପୂରୁଷମ୍ ॥ ୧୯ ॥
ତ୍ରିଵୃଦ୍ଵେଦଃ ସୁପର୍ଣାଖ୍ଯୋ ଯଜ୍ଞଂ ଵହତି ପୂରୁଷମ୍ ॥ ୧୯ ॥
ଅନପାଯିନୀ ଭଗଵତୀ ଶ୍ରୀଃ ସାକ୍ଷାଦାତ୍ମନୋ ହରେଃ ।
ଵିଷ୍ଵକ୍ସେନସ୍ତନ୍ତ୍ରମୂର୍ତିର୍ଵିଦିତଃ ପାର୍ଷଦାଧିପଃ ।
ନନ୍ଦାଦଯୋଽଷ୍ଟୌ ଦ୍ଵାଃସ୍ଥାଶ୍ଚ ତେଽଣିମାଦ୍ଯା ହରେର୍ଗୁଣାଃ ॥ ୨୦ ॥
ଵିଷ୍ଵକ୍ସେନସ୍ତନ୍ତ୍ରମୂର୍ତିର୍ଵିଦିତଃ ପାର୍ଷଦାଧିପଃ ।
ନନ୍ଦାଦଯୋଽଷ୍ଟୌ ଦ୍ଵାଃସ୍ଥାଶ୍ଚ ତେଽଣିମାଦ୍ଯା ହରେର୍ଗୁଣାଃ ॥ ୨୦ ॥
ଵାସୁଦେଵଃ ସଙ୍କର୍ଷଣଃ ପ୍ରଦ୍ଯୁମ୍ନଃ ପୁରୁଷଃ ସ୍ଵଯମ୍ ।
ଅନିରୁଦ୍ଧ ଇତି ବ୍ରହ୍ମନ୍ ମୂର୍ତିଵ୍ଯୂହୋଽଭିଧୀଯତେ ॥ ୨୧ ॥
ଅନିରୁଦ୍ଧ ଇତି ବ୍ରହ୍ମନ୍ ମୂର୍ତିଵ୍ଯୂହୋଽଭିଧୀଯତେ ॥ ୨୧ ॥
ସ ଵିଶ୍ଵସ୍ତୈଜସଃ ପ୍ରାଜ୍ଞସ୍ତୁରୀଯ ଇତି ଵୃତ୍ତିଭିଃ ।
ଅର୍ଥେନ୍ଦ୍ରିଯାଶଯଜ୍ଞାନୈର୍ଭଗଵାନ୍ ପରିଭାଵ୍ଯତେ ॥ ୨୨ ॥
ଅର୍ଥେନ୍ଦ୍ରିଯାଶଯଜ୍ଞାନୈର୍ଭଗଵାନ୍ ପରିଭାଵ୍ଯତେ ॥ ୨୨ ॥
ଅଙ୍ଗୋପାଙ୍ଗାଯୁଧାକଲ୍ପୈର୍ଭଗଵାଂସ୍ତଚ୍ଚତୁଷ୍ଟଯମ୍ ।
ବିଭର୍ତି ସ୍ମ ଚତୁର୍ମୂର୍ତିର୍ଭଗଵାନ୍ ହରିରୀଶ୍ଵରଃ ॥ ୨୩ ॥
ବିଭର୍ତି ସ୍ମ ଚତୁର୍ମୂର୍ତିର୍ଭଗଵାନ୍ ହରିରୀଶ୍ଵରଃ ॥ ୨୩ ॥
ଦ୍ଵିଜଋଷଭ ସ ଏଷ ବ୍ରହ୍ମଯୋନିଃ ସ୍ଵଯଂଦୃକ୍
ସ୍ଵମହିମପରିପୂର୍ଣୋ ମାଯଯା ଚ ସ୍ଵଯୈତତ୍ ।
ସୃଜତି ହରତି ପାତୀତ୍ଯାଖ୍ଯଯାନାଵୃତାକ୍ଷୋ
ଵିଵୃତ ଇଵ ନିରୁକ୍ତସ୍ତତ୍ପରୈରାତ୍ମଲଭ୍ଯଃ ॥ ୨୪ ॥
ସ୍ଵମହିମପରିପୂର୍ଣୋ ମାଯଯା ଚ ସ୍ଵଯୈତତ୍ ।
ସୃଜତି ହରତି ପାତୀତ୍ଯାଖ୍ଯଯାନାଵୃତାକ୍ଷୋ
ଵିଵୃତ ଇଵ ନିରୁକ୍ତସ୍ତତ୍ପରୈରାତ୍ମଲଭ୍ଯଃ ॥ ୨୪ ॥
ଶ୍ରୀକୃଷ୍ଣ କୃଷ୍ଣସଖ ଵୃଷ୍ଣ୍ଯୃଷଭାଵନିଧ୍ରୁଗ୍
ରାଜନ୍ଯଵଂଶଦହନାନପଵର୍ଗଵୀର୍ଯ ।
ଗୋଵିନ୍ଦ ଗୋପଵନିତାଵ୍ରଜଭୃତ୍ଯଗୀତ-
ତୀର୍ଥଶ୍ରଵଃ ଶ୍ରଵଣମଙ୍ଗଲ ପାହି ଭୃତ୍ଯାନ୍ ॥ ୨୫ ॥
ରାଜନ୍ଯଵଂଶଦହନାନପଵର୍ଗଵୀର୍ଯ ।
ଗୋଵିନ୍ଦ ଗୋପଵନିତାଵ୍ରଜଭୃତ୍ଯଗୀତ-
ତୀର୍ଥଶ୍ରଵଃ ଶ୍ରଵଣମଙ୍ଗଲ ପାହି ଭୃତ୍ଯାନ୍ ॥ ୨୫ ॥
ଯ ଇଦଂ କଲ୍ଯ ଉତ୍ଥାଯ ମହାପୁରୁଷଲକ୍ଷଣମ୍ ।
ତଚ୍ଚିତ୍ତଃ ପ୍ରଯତୋ ଜପ୍ତ୍ଵା ବ୍ରହ୍ମ ଵେଦ ଗୁହାଶଯମ୍ ॥ ୨୬ ॥
ତଚ୍ଚିତ୍ତଃ ପ୍ରଯତୋ ଜପ୍ତ୍ଵା ବ୍ରହ୍ମ ଵେଦ ଗୁହାଶଯମ୍ ॥ ୨୬ ॥
ଶ୍ରୀଶୌନକ ଉଵାଚ
ଶୁକୋ ଯଦାହ ଭଗଵାନ୍ ଵିଷ୍ଣୁରାତାଯ ଶୃଣ୍ଵତେ ।
ସୌରୋ ଗଣୋ ମାସି ମାସି ନାନା ଵସତି ସପ୍ତକଃ ॥ ୨୭ ॥
ଶୁକୋ ଯଦାହ ଭଗଵାନ୍ ଵିଷ୍ଣୁରାତାଯ ଶୃଣ୍ଵତେ ।
ସୌରୋ ଗଣୋ ମାସି ମାସି ନାନା ଵସତି ସପ୍ତକଃ ॥ ୨୭ ॥
ତେଷାଂ ନାମାନି କର୍ମାଣି ନିଯୁକ୍ତାନାମଧୀଶ୍ଵରୈଃ ।
ବ୍ରୂହି ନଃ ଶ୍ରଦ୍ଦଧାନାନାଂ ଵ୍ଯୂହଂ ସୂର୍ଯାତ୍ମନୋ ହରେଃ ॥ ୨୮ ॥
ବ୍ରୂହି ନଃ ଶ୍ରଦ୍ଦଧାନାନାଂ ଵ୍ଯୂହଂ ସୂର୍ଯାତ୍ମନୋ ହରେଃ ॥ ୨୮ ॥
ସୂତ ଉଵାଚ
ଅନାଦ୍ଯଵିଦ୍ଯଯା ଵିଷ୍ଣୋରାତ୍ମନଃ ସର୍ଵଦେହିନାମ୍ ।
ନିର୍ମିତୋ ଲୋକତନ୍ତ୍ରୋଽଯଂ ଲୋକେଷୁ ପରିଵର୍ତତେ ॥ ୨୯ ॥
ଅନାଦ୍ଯଵିଦ୍ଯଯା ଵିଷ୍ଣୋରାତ୍ମନଃ ସର୍ଵଦେହିନାମ୍ ।
ନିର୍ମିତୋ ଲୋକତନ୍ତ୍ରୋଽଯଂ ଲୋକେଷୁ ପରିଵର୍ତତେ ॥ ୨୯ ॥
ଏକ ଏଵ ହି ଲୋକାନାଂ ସୂର୍ଯ ଆତ୍ମାଦିକୃଦ୍ଧରିଃ ।
ସର୍ଵଵେଦକ୍ରିଯାମୂଲମୃଷିଭିର୍ବହୁଧୋଦିତଃ ॥ ୩୦ ॥
ସର୍ଵଵେଦକ୍ରିଯାମୂଲମୃଷିଭିର୍ବହୁଧୋଦିତଃ ॥ ୩୦ ॥
କାଲୋ ଦେଶଃ କ୍ରିଯା କର୍ତା କରଣଂ କାର୍ଯମାଗମଃ ।
ଦ୍ରଵ୍ଯଂ ଫଲମିତି ବ୍ରହ୍ମନ୍ ନଵଧୋକ୍ତୋଽଜଯା ହରିଃ ॥ ୩୧ ॥
ଦ୍ରଵ୍ଯଂ ଫଲମିତି ବ୍ରହ୍ମନ୍ ନଵଧୋକ୍ତୋଽଜଯା ହରିଃ ॥ ୩୧ ॥
ମଧ୍ଵାଦିଷୁ ଦ୍ଵାଦଶସୁ ଭଗଵାନ୍ କାଲରୂପଧୃକ୍ ।
ଲୋକତନ୍ତ୍ରାଯ ଚରତି ପୃଥଗ୍ଦ୍ଵାଦଶଭିର୍ଗଣୈଃ ॥ ୩୨ ॥
ଲୋକତନ୍ତ୍ରାଯ ଚରତି ପୃଥଗ୍ଦ୍ଵାଦଶଭିର୍ଗଣୈଃ ॥ ୩୨ ॥
ଧାତା କୃତସ୍ଥଲୀ ହେତିର୍ଵାସୁକୀ ରଥକୃନ୍ମୁନେ ।
ପୁଲସ୍ତ୍ଯସ୍ତୁମ୍ବୁରୁରିତି ମଧୁମାସଂ ନଯନ୍ତ୍ଯମୀ ॥ ୩୩ ॥
ପୁଲସ୍ତ୍ଯସ୍ତୁମ୍ବୁରୁରିତି ମଧୁମାସଂ ନଯନ୍ତ୍ଯମୀ ॥ ୩୩ ॥
ଅର୍ଯମା ପୁଲହୋଽଥୌଜାଃ ପ୍ରହେତିଃ ପୁଞ୍ଜିକସ୍ଥଲୀ ।
ନାରଦଃ କଚ୍ଛନୀରଶ୍ଚ ନଯନ୍ତ୍ଯେତେ ସ୍ମ ମାଧଵମ୍ ॥ ୩୪ ॥
ନାରଦଃ କଚ୍ଛନୀରଶ୍ଚ ନଯନ୍ତ୍ଯେତେ ସ୍ମ ମାଧଵମ୍ ॥ ୩୪ ॥
ମିତ୍ରୋଽତ୍ରିଃ ପୌରୁଷେଯୋଽଥ ତକ୍ଷକୋ ମେନକା ହହାଃ ।
ରଥସ୍ଵନ ଇତି ହ୍ଯେତେ ଶୁକ୍ରମାସଂ ନଯନ୍ତ୍ଯମୀ ॥ ୩୫ ॥
ରଥସ୍ଵନ ଇତି ହ୍ଯେତେ ଶୁକ୍ରମାସଂ ନଯନ୍ତ୍ଯମୀ ॥ ୩୫ ॥
ଵସିଷ୍ଠୋ ଵରୁଣୋ ରମ୍ଭା ସହଜନ୍ଯସ୍ତଥା ହୁହୂଃ ।
ଶୁକ୍ରଶ୍ଚିତ୍ରସ୍ଵନଶ୍ଚୈଵ ଶୁଚିମାସଂ ନଯନ୍ତ୍ଯମୀ ॥ ୩୬ ॥
ଶୁକ୍ରଶ୍ଚିତ୍ରସ୍ଵନଶ୍ଚୈଵ ଶୁଚିମାସଂ ନଯନ୍ତ୍ଯମୀ ॥ ୩୬ ॥
ଇନ୍ଦ୍ରୋ ଵିଶ୍ଵାଵସୁଃ ଶ୍ରୋତା ଏଲାପତ୍ରସ୍ତଥାଙ୍ଗିରାଃ ।
ପ୍ରମ୍ଲୋଚା ରାକ୍ଷସୋ ଵର୍ଯୋ ନଭୋମାସଂ ନଯନ୍ତ୍ଯମୀ ॥ ୩୭ ॥
ପ୍ରମ୍ଲୋଚା ରାକ୍ଷସୋ ଵର୍ଯୋ ନଭୋମାସଂ ନଯନ୍ତ୍ଯମୀ ॥ ୩୭ ॥
ଵିଵସ୍ଵାନୁଗ୍ରସେନଶ୍ଚ ଵ୍ଯାଘ୍ର ଆସାରଣୋ ଭୃଗୁଃ ।
ଅନୁମ୍ଲୋଚା ଶଙ୍ଖପାଲୋ ନଭସ୍ଯାଖ୍ଯଂ ନଯନ୍ତ୍ଯମୀ ॥ ୩୮ ॥
ଅନୁମ୍ଲୋଚା ଶଙ୍ଖପାଲୋ ନଭସ୍ଯାଖ୍ଯଂ ନଯନ୍ତ୍ଯମୀ ॥ ୩୮ ॥
ପୂଷା ଧନଞ୍ଜଯୋ ଵାତଃ ସୁଷେଣଃ ସୁରୁଚିସ୍ତଥା ।
ଘୃତାଚୀ ଗୌତମଶ୍ଚେତି ତପୋମାସଂ ନଯନ୍ତ୍ଯମୀ ॥ ୩୯ ॥
ଘୃତାଚୀ ଗୌତମଶ୍ଚେତି ତପୋମାସଂ ନଯନ୍ତ୍ଯମୀ ॥ ୩୯ ॥
ଋତୁର୍ଵର୍ଚା ଭରଦ୍ଵାଜଃ ପର୍ଜନ୍ଯଃ ସେନଜିତ୍ତଥା ।
ଵିଶ୍ଵ ଐରାଵତଶ୍ଚୈଵ ତପସ୍ଯାଖ୍ଯଂ ନଯନ୍ତ୍ଯମୀ ॥ ୪୦ ॥
ଵିଶ୍ଵ ଐରାଵତଶ୍ଚୈଵ ତପସ୍ଯାଖ୍ଯଂ ନଯନ୍ତ୍ଯମୀ ॥ ୪୦ ॥
ଅଥାଂଶୁଃ କଶ୍ଯପସ୍ତାର୍କ୍ଷ୍ଯ ଋତସେନସ୍ତଥୋର୍ଵଶୀ ।
ଵିଦ୍ଯୁଚ୍ଛତ୍ରୁର୍ମହାଶଙ୍ଖଃ ସହୋମାସଂ ନଯନ୍ତ୍ଯମୀ ॥ ୪୧ ॥
ଵିଦ୍ଯୁଚ୍ଛତ୍ରୁର୍ମହାଶଙ୍ଖଃ ସହୋମାସଂ ନଯନ୍ତ୍ଯମୀ ॥ ୪୧ ॥
ଭଗଃ ସ୍ଫୂର୍ଜୋଽରିଷ୍ଟନେମିରୂର୍ଣ ଆଯୁଶ୍ଚ ପଞ୍ଚମଃ ।
କର୍କୋଟକଃ ପୂର୍ଵଚିତ୍ତିଃ ପୁଷ୍ଯମାସଂ ନଯନ୍ତ୍ଯମୀ ॥ ୪୨ ॥
କର୍କୋଟକଃ ପୂର୍ଵଚିତ୍ତିଃ ପୁଷ୍ଯମାସଂ ନଯନ୍ତ୍ଯମୀ ॥ ୪୨ ॥
ତ୍ଵଷ୍ଟା ଋଚୀକତନଯଃ କମ୍ବଲଶ୍ଚ ତିଲୋତ୍ତମା ।
ବ୍ରହ୍ମାପେତୋଽଥ ଶତଜିଦ୍ ଧୃତରାଷ୍ଟ୍ର ଇଷମ୍ଭରାଃ ॥ ୪୩ ॥
ବ୍ରହ୍ମାପେତୋଽଥ ଶତଜିଦ୍ ଧୃତରାଷ୍ଟ୍ର ଇଷମ୍ଭରାଃ ॥ ୪୩ ॥
ଵିଷ୍ଣୁରଶ୍ଵତରୋ ରମ୍ଭା ସୂର୍ଯଵର୍ଚାଶ୍ଚ ସତ୍ଯଜିତ୍ ।
ଵିଶ୍ଵାମିତ୍ରୋ ମଖାପେତ ଊର୍ଜମାସଂ ନଯନ୍ତ୍ଯମୀ ॥ ୪୪ ॥
ଵିଶ୍ଵାମିତ୍ରୋ ମଖାପେତ ଊର୍ଜମାସଂ ନଯନ୍ତ୍ଯମୀ ॥ ୪୪ ॥
ଏତା ଭଗଵତୋ ଵିଷ୍ଣୋରାଦିତ୍ଯସ୍ଯ ଵିଭୂତଯଃ ।
ସ୍ମରତାଂ ସନ୍ଧ୍ଯଯୋର୍ନୃଣାଂ ହରନ୍ତ୍ଯଂହୋ ଦିନେ ଦିନେ ॥ ୪୫ ॥
ସ୍ମରତାଂ ସନ୍ଧ୍ଯଯୋର୍ନୃଣାଂ ହରନ୍ତ୍ଯଂହୋ ଦିନେ ଦିନେ ॥ ୪୫ ॥
ଦ୍ଵାଦଶସ୍ଵପି ମାସେଷୁ ଦେଵୋଽସୌ ଷଡ୍ଭିରସ୍ଯ ଵୈ ।
ଚରନ୍ ସମନ୍ତାତ୍ତନୁତେ ପରତ୍ରେହ ଚ ସନ୍ମତିମ୍ ॥ ୪୬ ॥
ଚରନ୍ ସମନ୍ତାତ୍ତନୁତେ ପରତ୍ରେହ ଚ ସନ୍ମତିମ୍ ॥ ୪୬ ॥
ସାମର୍ଗ୍ଯଜୁର୍ଭିସ୍ତଲ୍ଲିଙ୍ଗୈଋର୍ଷଯଃ ସଂସ୍ତୁଵନ୍ତ୍ଯମୁମ୍ ।
ଗନ୍ଧର୍ଵାସ୍ତଂ ପ୍ରଗାଯନ୍ତି ନୃତ୍ଯନ୍ତ୍ଯପ୍ସରସୋଽଗ୍ରତଃ ॥ ୪୭ ॥
ଗନ୍ଧର୍ଵାସ୍ତଂ ପ୍ରଗାଯନ୍ତି ନୃତ୍ଯନ୍ତ୍ଯପ୍ସରସୋଽଗ୍ରତଃ ॥ ୪୭ ॥
ଉନ୍ନହ୍ଯନ୍ତି ରଥଂ ନାଗା ଗ୍ରାମଣ୍ଯୋ ରଥଯୋଜକାଃ ।
ଚୋଦଯନ୍ତି ରଥଂ ପୃଷ୍ଠେ ନୈଋର୍ତା ବଲଶାଲିନଃ ॥ ୪୮ ॥
ଚୋଦଯନ୍ତି ରଥଂ ପୃଷ୍ଠେ ନୈଋର୍ତା ବଲଶାଲିନଃ ॥ ୪୮ ॥
ଵାଲଖିଲ୍ଯାଃ ସହସ୍ରାଣି ଷଷ୍ଟିର୍ବ୍ରହ୍ମର୍ଷଯୋଽମଲାଃ ।
ପୁରତୋଽଭିମୁଖଂ ଯାନ୍ତି ସ୍ତୁଵନ୍ତି ସ୍ତୁତିଭିର୍ଵିଭୁମ୍ ॥ ୪୯ ॥
ପୁରତୋଽଭିମୁଖଂ ଯାନ୍ତି ସ୍ତୁଵନ୍ତି ସ୍ତୁତିଭିର୍ଵିଭୁମ୍ ॥ ୪୯ ॥
ଏଵଂ ହ୍ଯନାଦିନିଧନୋ ଭଗଵାନ୍ ହରିରୀଶ୍ଵରଃ ।
କଲ୍ପେ କଲ୍ପେ ସ୍ଵମାତ୍ମାନଂ ଵ୍ଯୂହ୍ଯ ଲୋକାନଵତ୍ଯଜଃ ॥ ୫୦ ॥
କଲ୍ପେ କଲ୍ପେ ସ୍ଵମାତ୍ମାନଂ ଵ୍ଯୂହ୍ଯ ଲୋକାନଵତ୍ଯଜଃ ॥ ୫୦ ॥