শ্রীশুক উবাচ
বরীযানেষ তে প্রশ্নঃ কৃতো লোকহিতং
নৃপ ।
আত্মবিত্সম্মতঃ পুংসাং শ্রোতব্যাদিষু যঃ পরঃ ॥ ১ ॥
বরীযানেষ তে প্রশ্নঃ কৃতো লোকহিতং
নৃপ ।
আত্মবিত্সম্মতঃ পুংসাং শ্রোতব্যাদিষু যঃ পরঃ ॥ ১ ॥
শ্রোতব্যাদীনি রাজেন্দ্র নৃণাং সন্তি
সহস্রশঃ ।
অপশ্যতামাত্মতত্ত্বং গৃহেষু গৃহমেধিনাম্ ॥ ২ ॥
সহস্রশঃ ।
অপশ্যতামাত্মতত্ত্বং গৃহেষু গৃহমেধিনাম্ ॥ ২ ॥
নিদ্রযা হ্রিযতে নক্তং ব্যবাযেন চ বা বযঃ ।
দিবা চার্থেহযা রাজন্ কুটুম্বভরণেন বা ॥ ৩ ॥
দিবা চার্থেহযা রাজন্ কুটুম্বভরণেন বা ॥ ৩ ॥
দেহাপত্যকলত্রাদিষ্বাত্মসৈন্যেষ্বসত্স্বপি ।
তেষাং প্রমত্তো নিধনং পশ্যন্নপি ন পশ্যতি ॥ ৪ ॥
তেষাং প্রমত্তো নিধনং পশ্যন্নপি ন পশ্যতি ॥ ৪ ॥
তস্মাদ্ভারত সর্বাত্মা ভগবানীশ্বরো হরিঃ ।
শ্রোতব্যঃ কীর্তিতব্যশ্চ স্মর্তব্যশ্চেচ্ছতাভযম্ ॥ ৫ ॥
শ্রোতব্যঃ কীর্তিতব্যশ্চ স্মর্তব্যশ্চেচ্ছতাভযম্ ॥ ৫ ॥
এতাবান্ সাংখ্যযোগাভ্যাং স্বধর্মপরিনিষ্ঠযা ।
জন্মলাভঃ পরঃ পুংসামন্তে নারাযণস্মৃতিঃ ॥ ৬ ॥
জন্মলাভঃ পরঃ পুংসামন্তে নারাযণস্মৃতিঃ ॥ ৬ ॥
প্রাযেণ মুনযো রাজন্নিবৃত্তা বিধিষেধতঃ ।
নৈর্গুণ্যস্থা রমন্তে স্ম গুণানুকথনে হরেঃ ॥ ৭ ॥
নৈর্গুণ্যস্থা রমন্তে স্ম গুণানুকথনে হরেঃ ॥ ৭ ॥
ইদং ভাগবতং নাম পুরাণং ব্রহ্মসম্মিতম্ ।
অধীতবান্ দ্বাপরাদৌ পিতুর্দ্বৈপাযনাদহম্ ॥ ৮ ॥
অধীতবান্ দ্বাপরাদৌ পিতুর্দ্বৈপাযনাদহম্ ॥ ৮ ॥
পরিনিষ্ঠিতোঽপি নৈর্গুণ্য উত্তমশ্লোকলীলযা ।
গৃহীতচেতা রাজর্ষে আখ্যানং যদধীতবান্ ॥ ৯ ॥
গৃহীতচেতা রাজর্ষে আখ্যানং যদধীতবান্ ॥ ৯ ॥
তদহং তেঽভিধাস্যামি মহাপৌরুষিকো ভবান্ ।
যস্য শ্রদ্দধতামাশু স্যান্মুকুন্দে মতিঃ সতী ॥ ১০ ॥
যস্য শ্রদ্দধতামাশু স্যান্মুকুন্দে মতিঃ সতী ॥ ১০ ॥
এতন্নির্বিদ্যমানানামিচ্ছতামকুতোভযম্ ।
যোগিনাং নৃপ নির্ণীতং হরের্নামানুকীর্তনম্ ॥ ১১ ॥
যোগিনাং নৃপ নির্ণীতং হরের্নামানুকীর্তনম্ ॥ ১১ ॥
কিং প্রমত্তস্য বহুভিঃ পরোক্ষৈর্হাযনৈরিহ ।
বরং মুহূর্তং বিদিতং ঘটতে শ্রেযসে যতঃ ॥ ১২ ॥
বরং মুহূর্তং বিদিতং ঘটতে শ্রেযসে যতঃ ॥ ১২ ॥
খট্বাঙ্গো নাম রাজর্ষির্জ্ঞাত্বেযত্তামিহাযুষঃ ।
মুহূর্তাত্সর্বমুত্সৃজ্য গতবানভযং হরিম্ ॥ ১৩ ॥
মুহূর্তাত্সর্বমুত্সৃজ্য গতবানভযং হরিম্ ॥ ১৩ ॥
তবাপ্যেতর্হি কৌরব্য সপ্তাহং জীবিতাবধিঃ ।
উপকল্পয তত্সর্বং তাবদ্যত্সাম্পরাযিকম্ ॥ ১৪ ॥
উপকল্পয তত্সর্বং তাবদ্যত্সাম্পরাযিকম্ ॥ ১৪ ॥
অন্তকালে তু পুরুষ আগতে গতসাধ্বসঃ ।
ছিন্দ্যাদসঙ্গশস্ত্রেণ স্পৃহাং দেহেঽনু যে চ তম্ ॥ ১৫ ॥
ছিন্দ্যাদসঙ্গশস্ত্রেণ স্পৃহাং দেহেঽনু যে চ তম্ ॥ ১৫ ॥
গৃহাত্ প্রব্রজিতো ধীরঃ পুণ্যতীর্থজলাপ্লুতঃ ।
শুচৌ বিবিক্ত আসীনো বিধিবত্কল্পিতাসনে ॥ ১৬ ॥
শুচৌ বিবিক্ত আসীনো বিধিবত্কল্পিতাসনে ॥ ১৬ ॥
অভ্যসেন্মনসা শুদ্ধং ত্রিবৃদ্ব্রহ্মাক্ষরং পরম্ ।
মনো যচ্ছেজ্জিতশ্বাসো ব্রহ্মবীজমবিস্মরন্ ॥ ১৭ ॥
মনো যচ্ছেজ্জিতশ্বাসো ব্রহ্মবীজমবিস্মরন্ ॥ ১৭ ॥
নিযচ্ছেদ্বিষযেভ্যোঽক্ষান্মনসা বুদ্ধিসারথিঃ ।
মনঃ কর্মভিরাক্ষিপ্তং শুভার্থে ধারযেদ্ধিযা ॥ ১৮ ॥
মনঃ কর্মভিরাক্ষিপ্তং শুভার্থে ধারযেদ্ধিযা ॥ ১৮ ॥
তত্রৈকাবযবং ধ্যাযেদব্যুচ্ছিন্নেন চেতসা ।
মনো নির্বিষযং যুক্ত্বা ততঃ কিঞ্চন ন স্মরেত্ ।
পদং তত্পরমং বিষ্ণোর্মনো যত্র প্রসীদতি ॥ ১৯ ॥
মনো নির্বিষযং যুক্ত্বা ততঃ কিঞ্চন ন স্মরেত্ ।
পদং তত্পরমং বিষ্ণোর্মনো যত্র প্রসীদতি ॥ ১৯ ॥
রজস্তমোভ্যামাক্ষিপ্তং বিমূঢং মন আত্মনঃ ।
যচ্ছেদ্ধারণযা ধীরো হন্তি যা তত্কৃতং মলম্ ॥ ২০ ॥
যচ্ছেদ্ধারণযা ধীরো হন্তি যা তত্কৃতং মলম্ ॥ ২০ ॥
যস্যাং সন্ধার্যমাণাযাং যোগিনো ভক্তিলক্ষণঃ ।
আশু সম্পদ্যতে যোগ আশ্রযং ভদ্রমীক্ষতঃ ॥ ২১ ॥
আশু সম্পদ্যতে যোগ আশ্রযং ভদ্রমীক্ষতঃ ॥ ২১ ॥
রাজোবাচ
যথা সন্ধার্যতে ব্রহ্মন্ ধারণা যত্র সম্মতা ।
যাদৃশী বা হরেদাশু পুরুষস্য মনোমলম্ ॥ ২২ ॥
যথা সন্ধার্যতে ব্রহ্মন্ ধারণা যত্র সম্মতা ।
যাদৃশী বা হরেদাশু পুরুষস্য মনোমলম্ ॥ ২২ ॥
শ্রীশুক উবাচ
জিতাসনো জিতশ্বাসো জিতসঙ্গো জিতেন্দ্রিযঃ ।
স্থূলে ভগবতো রূপে মনঃ সন্ধারযেদ্ধিযা ॥ ২৩ ॥
জিতাসনো জিতশ্বাসো জিতসঙ্গো জিতেন্দ্রিযঃ ।
স্থূলে ভগবতো রূপে মনঃ সন্ধারযেদ্ধিযা ॥ ২৩ ॥
বিশেষস্তস্য দেহোঽযং স্থবিষ্ঠশ্চ স্থবীযসাম্ ।
যত্রেদং ব্যজ্যতে বিশ্বং ভূতং ভব্যং ভবচ্চ সত্ ॥ ২৪ ॥
যত্রেদং ব্যজ্যতে বিশ্বং ভূতং ভব্যং ভবচ্চ সত্ ॥ ২৪ ॥
অণ্ডকোশে শরীরেঽস্মিন্ সপ্তাবরণসংযুতে ।
বৈরাজঃ পুরুষো যোঽসৌ ভগবান্ ধারণাশ্রযঃ ॥ ২৫ ॥
বৈরাজঃ পুরুষো যোঽসৌ ভগবান্ ধারণাশ্রযঃ ॥ ২৫ ॥
পাতালমেতস্য হি পাদমূলং
পঠন্তি পার্ষ্ণিপ্রপদে রসাতলম্ ।
মহাতলং বিশ্বসৃজোঽথ গুল্ফৌ
তলাতলং বৈ পুরুষস্য জঙ্ঘে ॥ ২৬ ॥
পঠন্তি পার্ষ্ণিপ্রপদে রসাতলম্ ।
মহাতলং বিশ্বসৃজোঽথ গুল্ফৌ
তলাতলং বৈ পুরুষস্য জঙ্ঘে ॥ ২৬ ॥
দ্বে জানুনী সুতলং বিশ্বমূর্তে-
রূরুদ্বযং বিতলং চাতলং চ ।
মহীতলং তজ্জঘনং মহীপতে
নভস্তলং নাভিসরো গৃণন্তি ॥ ২৭ ॥
রূরুদ্বযং বিতলং চাতলং চ ।
মহীতলং তজ্জঘনং মহীপতে
নভস্তলং নাভিসরো গৃণন্তি ॥ ২৭ ॥
উরঃস্থলং জ্যোতিরনীকমস্য
গ্রীবা মহর্বদনং বৈ জনোঽস্য ।
তপো বরাটীং বিদুরাদিপুংসঃ
সত্যং তু শীর্ষাণি সহস্রশীর্ষ্ণঃ ॥ ২৮ ॥
গ্রীবা মহর্বদনং বৈ জনোঽস্য ।
তপো বরাটীং বিদুরাদিপুংসঃ
সত্যং তু শীর্ষাণি সহস্রশীর্ষ্ণঃ ॥ ২৮ ॥
ইন্দ্রাদযো বাহব আহুরুস্রাঃ
কর্ণৌ দিশঃশ্রোত্রমমুষ্য শব্দঃ ।
নাসত্যদস্রৌ পরমস্য নাসে
ঘ্রাণোঽস্য গন্ধো মুখমগ্নিরিদ্ধঃ ॥ ২৯ ॥
কর্ণৌ দিশঃশ্রোত্রমমুষ্য শব্দঃ ।
নাসত্যদস্রৌ পরমস্য নাসে
ঘ্রাণোঽস্য গন্ধো মুখমগ্নিরিদ্ধঃ ॥ ২৯ ॥
দ্যৌরক্ষিণী চক্ষুরভূত্পতঙ্গঃ
পক্ষ্মাণি বিষ্ণোরহনী উভে চ ।
তদ্ভ্রূবিজৃম্ভঃ পরমেষ্ঠিধিষ্ণ্য-
মাপোঽস্য তালু রস এব জিহ্বা ॥ ৩০ ॥
পক্ষ্মাণি বিষ্ণোরহনী উভে চ ।
তদ্ভ্রূবিজৃম্ভঃ পরমেষ্ঠিধিষ্ণ্য-
মাপোঽস্য তালু রস এব জিহ্বা ॥ ৩০ ॥
ছন্দাংস্যনন্তস্য শিরো গৃণন্তি
দংষ্ট্রা যমঃ স্নেহকলা দ্বিজানি ।
হাসো জনোন্মাদকরী চ মাযা
দুরন্তসর্গো যদপাঙ্গমোক্ষঃ ॥ ৩১ ॥
দংষ্ট্রা যমঃ স্নেহকলা দ্বিজানি ।
হাসো জনোন্মাদকরী চ মাযা
দুরন্তসর্গো যদপাঙ্গমোক্ষঃ ॥ ৩১ ॥
ব্রীডোত্তরৌষ্ঠোঽধর এব লোভো
ধর্মঃ স্তনোঽধর্মপথোঽস্য পৃষ্ঠম্ ।
কস্তস্য মেঢ্রং বৃষণৌ চ মিত্রৌ
কুক্ষিঃ সমুদ্রা গিরযোঽস্থিসঙ্ঘাঃ ॥ ৩২ ॥
ধর্মঃ স্তনোঽধর্মপথোঽস্য পৃষ্ঠম্ ।
কস্তস্য মেঢ্রং বৃষণৌ চ মিত্রৌ
কুক্ষিঃ সমুদ্রা গিরযোঽস্থিসঙ্ঘাঃ ॥ ৩২ ॥
নদ্যোঽস্য নাড্যোঽথ তনূরুহাণি
মহীরুহা বিশ্বতনোর্নৃপেন্দ্র ।
অনন্তবীর্যঃ শ্বসিতং মাতরিশ্বা
গতির্বযঃ কর্ম গুণপ্রবাহঃ ॥ ৩৩ ॥
মহীরুহা বিশ্বতনোর্নৃপেন্দ্র ।
অনন্তবীর্যঃ শ্বসিতং মাতরিশ্বা
গতির্বযঃ কর্ম গুণপ্রবাহঃ ॥ ৩৩ ॥
ঈশস্য কেশান্ বিদুরম্বুবাহান্
বাসস্তু সন্ধ্যাং কুরুবর্য ভূম্নঃ ।
অব্যক্তমাহুর্হৃদযং মনশ্চ
স চন্দ্রমাঃ সর্ববিকারকোশঃ ॥ ৩৪ ॥
বাসস্তু সন্ধ্যাং কুরুবর্য ভূম্নঃ ।
অব্যক্তমাহুর্হৃদযং মনশ্চ
স চন্দ্রমাঃ সর্ববিকারকোশঃ ॥ ৩৪ ॥
বিজ্ঞানশক্তিং মহিমামনন্তি
সর্বাত্মনোঽন্তঃকরণং গিরিত্রম্ ।
অশ্বাশ্বতর্যুষ্ট্রগজা নখানি
সর্বে মৃগাঃ পশবঃ শ্রোণিদেশে ॥ ৩৫ ॥
সর্বাত্মনোঽন্তঃকরণং গিরিত্রম্ ।
অশ্বাশ্বতর্যুষ্ট্রগজা নখানি
সর্বে মৃগাঃ পশবঃ শ্রোণিদেশে ॥ ৩৫ ॥
বযাংসি তদ্ব্যাকরণং বিচিত্রং
মনুর্মনীষা মনুজো নিবাসঃ ।
গন্ধর্ববিদ্যাধরচারণাপ্সরঃ
স্বরস্মৃতীরসুরানীকবীর্যঃ ॥ ৩৬ ॥
মনুর্মনীষা মনুজো নিবাসঃ ।
গন্ধর্ববিদ্যাধরচারণাপ্সরঃ
স্বরস্মৃতীরসুরানীকবীর্যঃ ॥ ৩৬ ॥
ব্রহ্মাননং ক্ষত্রভুজো মহাত্মা
বিডূরুরঙ্ঘ্রিশ্রিতকৃষ্ণবর্ণঃ ।
নানাভিধাভীজ্যগণোপপন্নো
দ্রব্যাত্মকঃ কর্ম বিতানযোগঃ ॥ ৩৭ ॥
বিডূরুরঙ্ঘ্রিশ্রিতকৃষ্ণবর্ণঃ ।
নানাভিধাভীজ্যগণোপপন্নো
দ্রব্যাত্মকঃ কর্ম বিতানযোগঃ ॥ ৩৭ ॥
ইযানসাবীশ্বরবিগ্রহস্য
যঃ সন্নিবেষঃ কথিতো মযা তে ।
সন্ধার্যতেঽস্মিন্ বপুষি স্থবিষ্ঠে
মনঃ স্ববুদ্ধ্যা ন যতোঽস্তি কিঞ্চিত্ ॥ ৩৮ ॥
যঃ সন্নিবেষঃ কথিতো মযা তে ।
সন্ধার্যতেঽস্মিন্ বপুষি স্থবিষ্ঠে
মনঃ স্ববুদ্ধ্যা ন যতোঽস্তি কিঞ্চিত্ ॥ ৩৮ ॥
স সর্বধীবৃত্ত্যনুভূতসর্ব
আত্মা যথা স্বপ্নজনেক্ষিতৈকঃ ।
তং সত্যমানন্দনিধিং ভজেত
নান্যত্র সজ্জেদ্ যত আত্মপাতঃ ॥ ৩৯ ॥
আত্মা যথা স্বপ্নজনেক্ষিতৈকঃ ।
তং সত্যমানন্দনিধিং ভজেত
নান্যত্র সজ্জেদ্ যত আত্মপাতঃ ॥ ৩৯ ॥