ஶ்ரீமத்பாகவதம் ௨.௬

ப்ரஹ்மோவாச
வாசாம் வஹ்நேர்முகம் க்ஷேத்ரம் சந்தஸாம் ஸப்த தாதவஃ ।
ஹவ்யகவ்யாம்ரு'தாந்நாநாம் ஜிஹ்வா ஸர்வரஸஸ்ய ச ॥ ௧ ॥

ஸர்வாஸூநாம் ச வாயோஶ்ச தந்நாஸே பரமாயணே ।
அஶ்விநோரோஷதீநாம் ச க்ராணோ மோதப்ரமோதயோஃ ॥ ௨ ॥

ரூபாணாம் தேஜஸாம் சக்ஷுர்திவஃ ஸூர்யஸ்ய சாக்ஷிணீ ।
கர்ணௌ திஶாம் ச தீர்தாநாம் ஶ்ரோத்ரமாகாஶஶப்தயோஃ ॥ ௩ ॥

தத்காத்ரம் வஸ்துஸாராணாம் ஸௌபகஸ்ய ச பாஜநம் ।
த்வகஸ்ய ஸ்பர்ஶவாயோஶ்ச ஸர்வமேதஸ்ய சைவ ஹி ॥ ௪ ॥

ரோமாண்யுத்பிஜ்ஜஜாதீநாம் யைர்வா யஜ்ஞஸ்து ஸம்ப்ரு'தஃ ।
கேஶஶ்மஶ்ருநகாந்யஸ்ய ஶிலாலோஹாப்ரவித்யுதாம் ॥ ௫ ॥

பாஹவோ லோகபாலாநாம் ப்ராயஶஃ க்ஷேமகர்மணாம் ॥ ௬ ॥

விக்ரமோ பூர்புவஃ ஸ்வஶ்ச க்ஷேமஸ்ய ஶரணஸ்ய ச ।
ஸர்வகாமவரஸ்யாபி ஹரேஶ்சரண ஆஸ்பதம் ॥ ௭ ॥

அபாம் வீர்யஸ்ய ஸர்கஸ்ய பர்ஜந்யஸ்ய ப்ரஜாபதேஃ ।
பும்ஸஃ ஶிஶ்ந உபஸ்தஸ்து ப்ரஜாத்யாநந்தநிர்வ்ரு'தேஃ ॥ ௮ ॥

பாயுர்யமஸ்ய மித்ரஸ்ய பரிமோக்ஷஸ்ய நாரத ।
ஹிம்ஸாயா நிரு'ர்தேர்ம்ரு'த்யோர்நிரயஸ்ய குதம் ஸ்ம்ரு'தஃ ॥ ௯ ॥

பராபூதேரதர்மஸ்ய தமஸஶ்சாபி பஶ்சிமஃ ।
நாட்யோ நதநதீநாம் ச கோத்ராணாமஸ்திஸம்ஹதிஃ ॥ ௧௦ ॥

அவ்யக்தரஸஸிந்தூநாம் பூதாநாம் நிதநஸ்ய ச ।
உதரம் விதிதம் பும்ஸோ ஹ்ரு'தயம் மநஸஃ பதம் ॥ ௧௧ ॥

தர்மஸ்ய மம துப்யம் ச குமாராணாம் பவஸ்ய ச ।
விஜ்ஞாநஸ்ய ச ஸத்த்வஸ்ய பரஸ்யாத்மா பராயணம் ॥ ௧௨ ॥

அஹம் பவாந் பவஶ்சைவ த இமே முநயோ'க்ரஜாஃ ।
ஸுராஸுரநரா நாகாஃ ககா ம்ரு'கஸரீஸ்ரு'பாஃ ॥ ௧௩ ॥

கந்தர்வாப்ஸரஸோ யக்ஷா ரக்ஷோபூதகணோரகாஃ ।
பஶவஃ பிதரஃ ஸித்தா வித்யாத்ராஶ்சாரணா த்ருமாஃ ॥ ௧௪ ॥

அந்யே ச விவிதா ஜீவா ஜலஸ்தலநபௌகஸஃ ।
க்ரஹர்க்ஷகேதவஸ்தாராஸ்தடிதஃ ஸ்தநயித்நவஃ ॥ ௧௫ ॥

ஸர்வம் புருஷ ஏவேதம் பூதம் பவ்யம் பவச்ச யத் ।
தேநேதமாவ்ரு'தம் விஶ்வம் விதஸ்திமதிதிஷ்டதி ॥ ௧௬ ॥

ஸ்வதிஷ்ண்யம் ப்ரதபந் ப்ராணோ பஹிஶ்ச ப்ரதபத்யஸௌ ।
ஏவம் விராஜம் ப்ரதபம்ஸ்தபத்யந்தர்பஹிஃ புமாந் ॥ ௧௭ ॥

ஸோ'ம்ரு'தஸ்யாபயஸ்யேஶோ மர்த்யமந்நம் யதத்யகாத் ।
மஹிமைஷ ததோ ப்ரஹ்மந் புருஷஸ்ய துரத்யயஃ ॥ ௧௮ ॥

பாதேஷு ஸர்வபூதாநி பும்ஸஃ ஸ்திதிபதோ விதுஃ ।
அம்ரு'தம் க்ஷேமமபயம் த்ரிமூர்த்நோ'தாயி மூர்தஸு ॥ ௧௯ ॥

பாதாஸ்த்ரயோ பஹிஶ்சாஸந்நப்ரஜாநாம் ய ஆஶ்ரமாஃ ।
அந்தஸ்த்ரிலோக்யாஸ்த்வபரோ க்ரு'ஹமேதோ'ப்ரு'ஹத்வ்ரதஃ ॥ ௨௦ ॥

ஸ்ரு'தீ விசக்ரமே விஶ்வங்ஸாஶநாநஶநே உபே ।
யதவித்யா ச வித்யா ச புருஷஸ்தூபயாஶ்ரயஃ ॥ ௨௧ ॥

யஸ்மாதண்டம் விராட் ஜஜ்ஞே பூதேந்த்ரியகுணாத்மகஃ ।
தத் த்ரவ்யமத்யகாத் விஶ்வம் கோபிஃ ஸூர்ய இவாதபந் ॥ ௨௨ ॥

யதாஸ்ய நாப்யாந்நலிநாதஹமாஸம் மஹாத்மநஃ ।
நாவிதம் யஜ்ஞஸம்பாராந் புருஷாவயவாந்ரு'தே ॥ ௨௩ ॥

தேஷு யஜ்ஞஸ்ய பஶவஃ ஸவநஸ்பதயஃ குஶாஃ ।
இதம் ச தேவயஜநம் காலஶ்சோருகுணாந்விதஃ ॥ ௨௪ ॥

வஸ்தூந்யோஷதயஃ ஸ்நேஹா ரஸலோஹம்ரு'தோ ஜலம் ।
ரு'சோ யஜூம்ஷி ஸாமாநி சாதுர்ஹோத்ரம் ச ஸத்தம ॥ ௨௫ ॥

நாமதேயாநி மந்த்ராஶ்ச தக்ஷிணாஶ்ச வ்ரதாநி ச ।
தேவதாநுக்ரமஃ கல்பஃ ஸங்கல்பஸ்தந்த்ரமேவ ச ॥ ௨௬ ॥

கதயோ மதயஶ்சைவ ப்ராயஶ்சித்தம் ஸமர்பணம் ।
புருஷாவயவைரேதே ஸம்பாராஃ ஸம்ப்ரு'தா மயா ॥ ௨௭ ॥

இதி ஸம்ப்ரு'தஸம்பாரஃ புருஷாவயவைரஹம் ।
தமேவ புருஷம் யஜ்ஞம் தேநைவாயஜமீஶ்வரம் ॥ ௨௮ ॥

ததஸ்தே ப்ராதர இமே ப்ரஜாநாம் பதயோ நவ । அயஜந் வ்யக்தமவ்யக்தம் புருஷம் ஸுஸமாஹிதாஃ ॥ ௨௯ ॥

ததஶ்ச மநவஃ காலே ஈஜிரே ரு'ஷயோ'பரே ।
பிதரோ விபுதா தைத்யா மநுஷ்யாஃ க்ரதுபிர்விபும் ॥ ௩௦ ॥

நாராயணே பகவதி ததிதம் விஶ்வமாஹிதம் ।
க்ரு'ஹீதமாயோருகுணஃ ஸர்காதாவகுணஃ ஸ்வதஃ ॥ ௩௧ ॥

ஸ்ரு'ஜாமி தந்நியுக்தோ'ஹம் ஹரோ ஹரதி தத்வஶஃ ।
விஶ்வம் புருஷரூபேண பரிபாதி த்ரிஶக்தித்ரு'க் ॥ ௩௨ ॥

இதி தே'பிஹிதம் தாத யதேதமநுப்ரு'ச்சஸி ।
நாந்யத்பகவதஃ கிம்சித்பாவ்யம் ஸதஸதாத்மகம் ॥ ௩௩ ॥

ந பாரதீ மே'ங்க ம்ரு'ஷோபலக்ஷ்யதே
ந வை க்வசிந்மே மநஸோ ம்ரு'ஷா கதிஃ ।
ந மே ஹ்ரு'ஷீகாணி பதந்த்யஸத்பதே
யந்மே ஹ்ரு'தௌத்கண்ட்யவதா த்ரு'தோ ஹரிஃ ॥ ௩௪ ॥

ஸோ'ஹம் ஸமாம்நாயமயஸ்தபோமயஃ
ப்ரஜாபதீநாமபிவந்திதஃ பதிஃ ।
ஆஸ்தாய யோகம் நிபுணம் ஸமாஹித-
ஸ்தம் நாத்யகச்சம் யத ஆத்மஸம்பவஃ ॥ ௩௫ ॥

நதோ'ஸ்ம்யஹம் தச்சரணம் ஸமீயுஷாம்
பவச்சிதம் ஸ்வஸ்த்யயநம் ஸுமங்கலம் ।
யோ ஹ்யாத்மமாயாவிபவம் ஸ்ம பர்யகாத்
யதா நபஃ ஸ்வாந்தமதாபரே குதஃ ॥ ௩௬ ॥

நாஹம் ந யூயம் யத்ரு'தாம் கதிம் விது-
ர்ந வாமதேவஃ கிமுதாபரே ஸுராஃ ।
தந்மாயயா மோஹிதபுத்தயஸ்த்விதம்
விநிர்மிதம் சாத்மஸமம் விசக்ஷ்மஹே ॥ ௩௭ ॥

யஸ்யாவதாரகர்மாணி காயந்தி ஹ்யஸ்மதாதயஃ ।
ந யம் விதந்தி தத்த்வேந தஸ்மை பகவதே நமஃ ॥ ௩௮ ॥

ஸ ஏஷ ஆத்யஃ புருஷஃ கல்பே கல்பே ஸ்ரு'ஜத்யஜஃ ।
ஆத்மாத்மந்யாத்மநாத்மாநம் ஸ ஸம்யச்சதி பாதி ச ॥ ௩௯ ॥

விஶுத்தம் கேவலம் ஜ்ஞாநம் ப்ரத்யக் ஸம்யகவஸ்திதம் ।
ஸத்யம் பூர்ணமநாத்யந்தம் நிர்குணம் நித்யமத்வயம் ॥ ௪௦ ॥

ரு'ஷே விதந்தி முநயஃ ப்ரஶாந்தாத்மேந்த்ரியாஶயாஃ ।
யதா ததேவாஸத்தர்கைஸ்திரோதீயேத விப்லுதம் ॥ ௪௧ ॥

ஆத்யோ'வதாரஃ புருஷஃ பரஸ்ய
காலஃ ஸ்வபாவஃ ஸதஸந்மநஶ்ச ।
த்ரவ்யம் விகாரோ குண இந்த்ரியாணி
விராட் ஸ்வராட் ஸ்தாஸ்நு சரிஷ்ணு பூம்நஃ ॥ ௪௨ ॥

அஹம் பவோ யஜ்ஞ இமே ப்ரஜேஶா
தக்ஷாதயோ யே பவதாதயஶ்ச ।
ஸ்வர்லோகபாலாஃ ககலோகபாலா
ந்ரு'லோகபாலாஸ்தலலோகபாலாஃ ॥ ௪௩ ॥

கந்தர்வவித்யாதரசாரணேஶா
யே யக்ஷரக்ஷோரகநாகநாதாஃ ।
யே வா ரு'ஷீணாம்ரு'ஷபாஃ பித்ரு'ணாம்
தைத்யேந்த்ரஸித்தேஶ்வரதாநவேந்த்ராஃ ।
அந்யே ச யே ப்ரேதபிஶாசபூத-
கூஷ்மாண்டயாதோம்ரு'கபக்ஷ்யதீஶாஃ ॥ ௪௪ ॥

யத்கிம்ச லோகே பகவந்மஹஸ்வ-
தோஜஃஸஹஸ்வத் பலவத் க்ஷமாவத் ।
ஶ்ரீஹ்ரீவிபூத்யாத்மவதத்புதார்ணம்
தத்த்வம் பரம் ரூபவதஸ்வரூபம் ॥ ௪௫ ॥

ப்ராதாந்யதோ யாந்ரு'ஷ ஆமநந்தி
லீலாவதாராந் புருஷஸ்ய பூம்நஃ ।
ஆபீயதாம் கர்ணகஷாயஶோஷா-
நநுக்ரமிஷ்யே த இமாந் ஸுபேஶாந் ॥ ௪௬ ॥