শ্রীশুক উবাচ
নিশম্য বাচং বদতো মুনেঃ পুণ্যতমাং নৃপ ।
ভূযঃ পপ্রচ্ছ কৌরব্যো বাসুদেবকথাদৃতঃ ॥ ১ ॥
নিশম্য বাচং বদতো মুনেঃ পুণ্যতমাং নৃপ ।
ভূযঃ পপ্রচ্ছ কৌরব্যো বাসুদেবকথাদৃতঃ ॥ ১ ॥
বিদুর উবাচ
স বৈ স্বাযম্ভুবঃ সম্রাট্ প্রিযঃ পুত্রঃ স্বযম্ভুবঃ ।
প্রতিলভ্য প্রিযাং পত্নীং কিং চকার ততো মুনে ॥ ২ ॥
স বৈ স্বাযম্ভুবঃ সম্রাট্ প্রিযঃ পুত্রঃ স্বযম্ভুবঃ ।
প্রতিলভ্য প্রিযাং পত্নীং কিং চকার ততো মুনে ॥ ২ ॥
চরিতং তস্য রাজর্ষেরাদিরাজস্য সত্তম ।
ব্রূহি মে শ্রদ্দধানায বিষ্বক্সেনাশ্রযো হ্যসৌ ॥ ৩ ॥
ব্রূহি মে শ্রদ্দধানায বিষ্বক্সেনাশ্রযো হ্যসৌ ॥ ৩ ॥
শ্রুতস্য পুংসাং সুচিরশ্রমস্য
নন্বঞ্জসা সূরিভিরীডিতোঽর্থঃ ।
তত্তদ্গুণানুশ্রবণং মুকুন্দ-
পাদারবিন্দ হৃদযেষু যেষাম্ ॥ ৪ ॥
নন্বঞ্জসা সূরিভিরীডিতোঽর্থঃ ।
তত্তদ্গুণানুশ্রবণং মুকুন্দ-
পাদারবিন্দ হৃদযেষু যেষাম্ ॥ ৪ ॥
শ্রীশুক উবাচ
ইতি ব্রুবাণং বিদুরং বিনীতং
সহস্রশীর্ষ্ণশ্চরণোপধানম্ ।
প্রহৃষ্টরোমা ভগবত্কথাযাং
প্রণীযমানো মুনিরভ্যচষ্ট ॥ ৫ ॥
ইতি ব্রুবাণং বিদুরং বিনীতং
সহস্রশীর্ষ্ণশ্চরণোপধানম্ ।
প্রহৃষ্টরোমা ভগবত্কথাযাং
প্রণীযমানো মুনিরভ্যচষ্ট ॥ ৫ ॥
মৈত্রেয উবাচ
যদা স্বভার্যযা সার্ধং জাতঃ স্বাযম্ভুবো মনুঃ ।
প্রাঞ্জলিঃ প্রণতশ্চেদং বেদগর্ভমভাষত ॥ ৬ ॥
যদা স্বভার্যযা সার্ধং জাতঃ স্বাযম্ভুবো মনুঃ ।
প্রাঞ্জলিঃ প্রণতশ্চেদং বেদগর্ভমভাষত ॥ ৬ ॥
ত্বমেকঃ সর্বভূতানাং জন্মকৃদ্ বৃত্তিদঃ পিতা ।
তথাপি নঃ প্রজানাং তে শুশ্রূষা কেন বা ভবেত্ ॥ ৭ ॥
তথাপি নঃ প্রজানাং তে শুশ্রূষা কেন বা ভবেত্ ॥ ৭ ॥
তদ্বিধেহি নমস্তুভ্যং কর্মস্বীড্যাত্মশক্তিষু ।
যত্কৃত্বেহ যশো বিষ্বগমুত্র চ ভবেদ্গতিঃ ॥ ৮ ॥
যত্কৃত্বেহ যশো বিষ্বগমুত্র চ ভবেদ্গতিঃ ॥ ৮ ॥
ব্রহ্মোবাচ
প্রীতস্তুভ্যমহং তাত স্বস্তি স্তাদ্বাং ক্ষিতীশ্বর ।
যন্নির্ব্যলীকেন হৃদা শাধি মেত্যাত্মনার্পিতম্ ॥ ৯ ॥
প্রীতস্তুভ্যমহং তাত স্বস্তি স্তাদ্বাং ক্ষিতীশ্বর ।
যন্নির্ব্যলীকেন হৃদা শাধি মেত্যাত্মনার্পিতম্ ॥ ৯ ॥
এতাবত্যাত্মজৈর্বীর কার্যা হ্যপচিতির্গুরৌ ।
শক্ত্যাপ্রমত্তৈর্গৃহ্যেত সাদরং গতমত্সরৈঃ ॥ ১০ ॥
শক্ত্যাপ্রমত্তৈর্গৃহ্যেত সাদরং গতমত্সরৈঃ ॥ ১০ ॥
স ত্বমস্যামপত্যানি সদৃশান্যাত্মনো গুণৈঃ ।
উত্পাদ্য শাস ধর্মেণ গাং যজ্ঞৈঃ পুরুষং যজ ॥ ১১ ॥
উত্পাদ্য শাস ধর্মেণ গাং যজ্ঞৈঃ পুরুষং যজ ॥ ১১ ॥
স ত্বমস্যামপত্যানি সদৃশান্যাত্মনো গুণৈঃ ।
উত্পাদ্য শাস ধর্মেণ গাং যজ্ঞৈঃ পুরুষং যজ ॥ ১২ ॥
উত্পাদ্য শাস ধর্মেণ গাং যজ্ঞৈঃ পুরুষং যজ ॥ ১২ ॥
যেষাং ন তুষ্টো ভগবান্ যজ্ঞলিঙ্গো জনার্দনঃ ।
তেষাং শ্রমো হ্যপার্থায যদাত্মা নাদৃতঃ স্বযম্ ॥ ১৩ ॥
তেষাং শ্রমো হ্যপার্থায যদাত্মা নাদৃতঃ স্বযম্ ॥ ১৩ ॥
মনুরুবাচ
আদেশেঽহং ভগবতো বর্তেযামীবসূদন ।
স্থানং ত্বিহানুজানীহি প্রজানাং মম চ প্রভো ॥ ১৪ ॥
আদেশেঽহং ভগবতো বর্তেযামীবসূদন ।
স্থানং ত্বিহানুজানীহি প্রজানাং মম চ প্রভো ॥ ১৪ ॥
যদোকঃ সর্বভূতানাং মহী মগ্না মহাম্ভসি ।
অস্যা উদ্ধরণে যত্নো দেব দেব্যা বিধীযতাম্ ॥ ১৫ ॥
অস্যা উদ্ধরণে যত্নো দেব দেব্যা বিধীযতাম্ ॥ ১৫ ॥
মৈত্রেয উবাচ
পরমেষ্ঠী ত্বপাং মধ্যে তথা সন্নামবেক্ষ্য গাম্ ।
কথমেনাং সমুন্নেষ্য ইতি দধ্যৌ ধিযা চিরম্ ॥ ১৬ ॥
পরমেষ্ঠী ত্বপাং মধ্যে তথা সন্নামবেক্ষ্য গাম্ ।
কথমেনাং সমুন্নেষ্য ইতি দধ্যৌ ধিযা চিরম্ ॥ ১৬ ॥
সৃজতো মে ক্ষিতির্বার্ভিঃপ্লাব্যমানা রসাং গতা ।
অথাত্র কিমনুষ্ঠেযমস্মাভিঃ সর্গযোজিতৈঃ ।
যস্যাহং হৃদযাদাসং স ঈশো বিদধাতু মে ॥ ১৭ ॥
অথাত্র কিমনুষ্ঠেযমস্মাভিঃ সর্গযোজিতৈঃ ।
যস্যাহং হৃদযাদাসং স ঈশো বিদধাতু মে ॥ ১৭ ॥
ইত্যভিধ্যাযতো নাসাবিবরাত্সহসানঘ ।
বরাহতোকো নিরগাদঙ্গুষ্ঠপরিমাণকঃ ॥ ১৮ ॥
বরাহতোকো নিরগাদঙ্গুষ্ঠপরিমাণকঃ ॥ ১৮ ॥
তস্যাভিপশ্যতঃ খস্থঃ ক্ষণেন কিল ভারত ।
গজমাত্রঃ প্রববৃধে তদদ্ভুতমভূন্মহত্ ॥ ১৯ ॥
গজমাত্রঃ প্রববৃধে তদদ্ভুতমভূন্মহত্ ॥ ১৯ ॥
মরীচিপ্রমুখৈর্বিপ্রৈঃ কুমারৈর্মনুনা সহ ।
হৃষ্ট্বা তত্সৌকরং রূপং তর্কযামাস চিত্রধা ॥ ২০ ॥
হৃষ্ট্বা তত্সৌকরং রূপং তর্কযামাস চিত্রধা ॥ ২০ ॥
কিমেতত্সূকরব্যাজং সত্ত্বং দিব্যমবস্থিতম্ ।
অহো বতাশ্চর্যমিদং নাসাযা মে বিনিঃসৃতম্ ॥ ২১ ॥
অহো বতাশ্চর্যমিদং নাসাযা মে বিনিঃসৃতম্ ॥ ২১ ॥
দৃষ্টোঽঙ্গুষ্ঠশিরোমাত্রঃ ক্ষণাদ্গণ্ডশিলাসমঃ ।
অপি স্বিদ্ভগবানেষ যজ্ঞো মে খেদযন্মনঃ ॥ ২২ ॥
অপি স্বিদ্ভগবানেষ যজ্ঞো মে খেদযন্মনঃ ॥ ২২ ॥
ইতি মীমাংসতস্তস্য ব্রহ্মণঃ সহ সূনুভিঃ ।
ভগবান্ যজ্ঞপুরুষো জগর্জাগেন্দ্রসন্নিভঃ ॥ ২৩ ॥
ভগবান্ যজ্ঞপুরুষো জগর্জাগেন্দ্রসন্নিভঃ ॥ ২৩ ॥
ব্রহ্মাণং হর্ষযামাস হরিস্তাংশ্চ দ্বিজোত্তমান্ ।
স্বগর্জিতেন ককুভঃ প্রতিস্বনযতা বিভুঃ ॥ ২৪ ॥
স্বগর্জিতেন ককুভঃ প্রতিস্বনযতা বিভুঃ ॥ ২৪ ॥
নিশম্য তে ঘর্ঘরিতং স্বখেদ-
ক্ষযিষ্ণু মাযামযসূকরস্য ।
জনস্তপঃসত্যনিবাসিনস্তে
ত্রিভিঃ পবিত্রৈর্মুনযোঽগৃণন্ স্ম ॥ ২৫ ॥
ক্ষযিষ্ণু মাযামযসূকরস্য ।
জনস্তপঃসত্যনিবাসিনস্তে
ত্রিভিঃ পবিত্রৈর্মুনযোঽগৃণন্ স্ম ॥ ২৫ ॥
তেষাং সতাং বেদবিতানমূর্তি-
র্ব্রহ্মাবধার্যাত্মগুণানুবাদম্ ।
বিনদ্য ভূযো বিবুধোদযায
গজেন্দ্রলীলো জলমাবিবেশ ॥ ২৬ ॥
র্ব্রহ্মাবধার্যাত্মগুণানুবাদম্ ।
বিনদ্য ভূযো বিবুধোদযায
গজেন্দ্রলীলো জলমাবিবেশ ॥ ২৬ ॥
উত্ক্ষিপ্তবালঃ খচরঃ কঠোরঃ
সটা বিধুন্বন্ খররোমশত্বক্ ।
খুরাহতাভ্রঃ সিতদংষ্ট্র ঈক্ষা-
জ্যোতির্বভাসে ভগবান্মহীধ্রঃ ॥ ২৭ ॥
সটা বিধুন্বন্ খররোমশত্বক্ ।
খুরাহতাভ্রঃ সিতদংষ্ট্র ঈক্ষা-
জ্যোতির্বভাসে ভগবান্মহীধ্রঃ ॥ ২৭ ॥
ঘ্রাণেন পৃথ্ব্যাঃ পদবীং বিজিঘ্রন্
ক্রোডাপদেশঃ স্বযমধ্বরাঙ্গঃ ।
করালদংষ্ট্রোঽপ্যকরালদৃগ্ভ্যা-
মুদ্বীক্ষ্য বিপ্রান্ গৃণতোঽবিশত্কম্ ॥ ২৮ ॥
ক্রোডাপদেশঃ স্বযমধ্বরাঙ্গঃ ।
করালদংষ্ট্রোঽপ্যকরালদৃগ্ভ্যা-
মুদ্বীক্ষ্য বিপ্রান্ গৃণতোঽবিশত্কম্ ॥ ২৮ ॥
স বজ্রকূটাঙ্গনিপাতবেগ-
বিশীর্ণকুক্ষিঃ স্তনযন্নুদন্বান্ ।
উত্সৃষ্টদীর্ঘোর্মিভুজৈরিবার্ত-
শ্চুক্রোশ যজ্ঞেশ্বর পাহি মেতি ॥ ২৯ ॥
বিশীর্ণকুক্ষিঃ স্তনযন্নুদন্বান্ ।
উত্সৃষ্টদীর্ঘোর্মিভুজৈরিবার্ত-
শ্চুক্রোশ যজ্ঞেশ্বর পাহি মেতি ॥ ২৯ ॥
খুরৈঃ ক্ষুরপ্রৈর্দরযংস্তদাপ
উত্পারপারং ত্রিপরূ রসাযাম্ ।
দদর্শ গাং তত্র সুষুপ্সুরগ্রে
যাং জীবধানীং স্বযমভ্যধত্ত ॥ ৩০ ॥
উত্পারপারং ত্রিপরূ রসাযাম্ ।
দদর্শ গাং তত্র সুষুপ্সুরগ্রে
যাং জীবধানীং স্বযমভ্যধত্ত ॥ ৩০ ॥
স্বদংষ্ট্রযোদ্ধৃত্য মহীং নিমগ্নাং
স উত্থিতঃ সংরুরুচে রসাযাঃ ।
তত্রাপি দৈত্যং গদযাপতন্তং
সুনাভসন্দীপিততীব্রমন্যুঃ ॥ ৩১ ॥
স উত্থিতঃ সংরুরুচে রসাযাঃ ।
তত্রাপি দৈত্যং গদযাপতন্তং
সুনাভসন্দীপিততীব্রমন্যুঃ ॥ ৩১ ॥
জঘান রুন্ধানমসহ্যবিক্রমং
স লীলযেভং মৃগরাডিবাম্ভসি ।
তদ্রক্তপঙ্কাঙ্কিতগণ্ডতুণ্ডো
যথা গজেন্দ্রো জগতীং বিভিন্দন্ ॥ ৩২ ॥
স লীলযেভং মৃগরাডিবাম্ভসি ।
তদ্রক্তপঙ্কাঙ্কিতগণ্ডতুণ্ডো
যথা গজেন্দ্রো জগতীং বিভিন্দন্ ॥ ৩২ ॥
তমালনীলং সিতদন্তকোট্যা
ক্ষ্মামুত্ক্ষিপন্তং গজলীলযাঙ্গ ।
প্রজ্ঞায বদ্ধাঞ্জলযোঽনুবাকৈ-
র্বিরিঞ্চিমুখ্যা উপতস্থুরীশম্ ॥ ৩৩ ॥
ক্ষ্মামুত্ক্ষিপন্তং গজলীলযাঙ্গ ।
প্রজ্ঞায বদ্ধাঞ্জলযোঽনুবাকৈ-
র্বিরিঞ্চিমুখ্যা উপতস্থুরীশম্ ॥ ৩৩ ॥
ঋষয ঊচুঃ
জিতং জিতং তেঽজিত যজ্ঞভাবন
ত্রযীং তনুং স্বাং পরিধুন্বতে নমঃ ।
যদ্রোমগর্েষু নিলিল্যুরদ্ধয-
স্তস্মৈ নমঃ কারণসূকরায তে ॥ ৩৪ ॥
জিতং জিতং তেঽজিত যজ্ঞভাবন
ত্রযীং তনুং স্বাং পরিধুন্বতে নমঃ ।
যদ্রোমগর্েষু নিলিল্যুরদ্ধয-
স্তস্মৈ নমঃ কারণসূকরায তে ॥ ৩৪ ॥
রূপং তবৈতন্ননু দুষ্কৃতাত্মনাং
দুর্দর্শনং দেব যদধ্বরাত্মকম্ ।
ছন্দাংসি যস্য ত্বচি বর্হিরোম-
স্বাজ্যং দৃশি ত্বঙ্ঘ্রি ষু চাতুর্হোত্রম্ ॥ ৩৫ ॥
দুর্দর্শনং দেব যদধ্বরাত্মকম্ ।
ছন্দাংসি যস্য ত্বচি বর্হিরোম-
স্বাজ্যং দৃশি ত্বঙ্ঘ্রি ষু চাতুর্হোত্রম্ ॥ ৩৫ ॥
স্রক্তুণ্ড আসীত্স্রুব ঈশ নাসযো-
রিডোদরে চমসাঃ কর্ণরন্ধ্রে ।
প্রাশিত্রমাস্যে গ্রসনে গ্রহাস্তু তে
যচ্চর্বণং তে ভগবন্নগ্নিহোত্রম্ ॥ ৩৬ ॥
রিডোদরে চমসাঃ কর্ণরন্ধ্রে ।
প্রাশিত্রমাস্যে গ্রসনে গ্রহাস্তু তে
যচ্চর্বণং তে ভগবন্নগ্নিহোত্রম্ ॥ ৩৬ ॥
দীক্ষানুজন্মোপসদঃ শিরোধরং
ত্বং প্রাযণীযোদযনীযদংষ্ট্রঃ ।
জিহ্বা প্রবর্গ্যস্তব শীর্ষকং ক্রতোঃ
সত্যাবসথ্যং চিতযোঽসবো হি তে ॥ ৩৭ ॥
ত্বং প্রাযণীযোদযনীযদংষ্ট্রঃ ।
জিহ্বা প্রবর্গ্যস্তব শীর্ষকং ক্রতোঃ
সত্যাবসথ্যং চিতযোঽসবো হি তে ॥ ৩৭ ॥
সোমস্তু রেতঃ সবনান্যবস্থিতিঃ
সংস্থাবিভেদাস্তব দেব ধাতবঃ ।
সত্রাণি সর্বাণি শরীরসন্ধি-
স্ত্বং সর্বযজ্ঞক্রতুরিষ্টিবন্ধনঃ ॥ ৩৮ ॥
সংস্থাবিভেদাস্তব দেব ধাতবঃ ।
সত্রাণি সর্বাণি শরীরসন্ধি-
স্ত্বং সর্বযজ্ঞক্রতুরিষ্টিবন্ধনঃ ॥ ৩৮ ॥
নমো নমস্তেঽখিলমন্ত্রদেবতা-
দ্রব্যায সর্বক্রতবে ক্রিযাত্মনে ।
বৈরাগ্যভক্ত্যাত্মজযানুভাবিত-
জ্ঞানায বিদ্যাগুরবে নমো নমঃ ॥ ৩৯ ॥
দ্রব্যায সর্বক্রতবে ক্রিযাত্মনে ।
বৈরাগ্যভক্ত্যাত্মজযানুভাবিত-
জ্ঞানায বিদ্যাগুরবে নমো নমঃ ॥ ৩৯ ॥
দংষ্ট্রাগ্রকোট্যা ভগবংস্ত্বযা ধৃতা
বিরাজতে ভূধর ভূঃ সভূধরা ।
যথা বনান্নিঃসরতো দতা ধৃতা
মতঙ্গজেন্দ্রস্য সপত্রপদ্মিনী ॥ ৪০ ॥
বিরাজতে ভূধর ভূঃ সভূধরা ।
যথা বনান্নিঃসরতো দতা ধৃতা
মতঙ্গজেন্দ্রস্য সপত্রপদ্মিনী ॥ ৪০ ॥
ত্রযীমযং রূপমিদং চ সৌকরং
ভূমণ্ডলেনাথ দতা ধৃতেন তে ।
চকাস্তি শৃঙ্গোঢঘনেন ভূযসা
কুলাচলেন্দ্রস্য যথৈব বিভ্রমঃ ॥ ৪১ ॥
ভূমণ্ডলেনাথ দতা ধৃতেন তে ।
চকাস্তি শৃঙ্গোঢঘনেন ভূযসা
কুলাচলেন্দ্রস্য যথৈব বিভ্রমঃ ॥ ৪১ ॥
সংস্থাপযৈনাং জগতাং সতস্থুষাং
লোকায পত্নীমসি মাতরং পিতা ।
বিধেম চাস্যৈ নমসা সহ ত্বযা
যস্যাং স্বতেজোঽগ্নিমিবারণাবধাঃ ॥ ৪২ ॥
লোকায পত্নীমসি মাতরং পিতা ।
বিধেম চাস্যৈ নমসা সহ ত্বযা
যস্যাং স্বতেজোঽগ্নিমিবারণাবধাঃ ॥ ৪২ ॥
কঃ শ্রদ্দধীতান্যতমস্তব প্রভো
রসাং গতাযা ভুব উদ্বিবর্হণম্ ।
ন বিস্মযোঽসৌ ত্বযি বিশ্ববিস্মযে
যো মাযযেদং সসৃজেঽতিবিস্মযম্ ॥ ৪৩ ॥
রসাং গতাযা ভুব উদ্বিবর্হণম্ ।
ন বিস্মযোঽসৌ ত্বযি বিশ্ববিস্মযে
যো মাযযেদং সসৃজেঽতিবিস্মযম্ ॥ ৪৩ ॥
বিধুন্বতা বেদমযং নিজং বপু-
র্জনস্তপঃসত্যনিবাসিনো বযম্ ।
সটাশিখোদ্ধূতশিবাম্বুবিন্দুভি-
র্বিমৃজ্যমানা ভৃশমীশ পাবিতাঃ ॥ ৪৪ ॥
র্জনস্তপঃসত্যনিবাসিনো বযম্ ।
সটাশিখোদ্ধূতশিবাম্বুবিন্দুভি-
র্বিমৃজ্যমানা ভৃশমীশ পাবিতাঃ ॥ ৪৪ ॥
স বৈ বত ভ্রষ্টমতিস্তবৈষতে
যঃ কর্মণাং পারমপারকর্মণঃ ।
যদ্যোগমাযাগুণযোগমোহিতং
বিশ্বং সমস্তং ভগবন্ বিধেহি শম্ ॥ ৪৫ ॥
যঃ কর্মণাং পারমপারকর্মণঃ ।
যদ্যোগমাযাগুণযোগমোহিতং
বিশ্বং সমস্তং ভগবন্ বিধেহি শম্ ॥ ৪৫ ॥
মৈত্রেয উবাচ
ইত্যুপস্থীযমানোঽসৌ মুনিভির্ব্রহ্মবাদিভিঃ ।
সলিলে স্বখুরাক্রান্ত উপাধত্তাবিতাবনিম্ ॥ ৪৬ ॥
ইত্যুপস্থীযমানোঽসৌ মুনিভির্ব্রহ্মবাদিভিঃ ।
সলিলে স্বখুরাক্রান্ত উপাধত্তাবিতাবনিম্ ॥ ৪৬ ॥
স ইত্থং ভগবানুর্বীং বিষ্বক্সেনঃ প্রজাপতিঃ ।
রসাযা লীলযোন্নীতামপ্সু ন্যস্য যযৌ হরিঃ ॥ ৪৭ ॥
রসাযা লীলযোন্নীতামপ্সু ন্যস্য যযৌ হরিঃ ॥ ৪৭ ॥
য এবমেতাং হরিমেধসো হরেঃ ।
কথাং সুভদ্রাং কথনীযমাযিনঃ ।
শৃণ্বীত ভক্ত্যা শ্রবযেত বোশতীং
জনার্দনোঽস্যাশু হৃদি প্রসীদতি ॥ ৪৮ ॥
কথাং সুভদ্রাং কথনীযমাযিনঃ ।
শৃণ্বীত ভক্ত্যা শ্রবযেত বোশতীং
জনার্দনোঽস্যাশু হৃদি প্রসীদতি ॥ ৪৮ ॥
তস্মিন্ প্রসন্নে সকলাশিষাং প্রভৌ
কিং দুর্লভং তাভিরলং লবাত্মভিঃ ।
অনন্যদৃষ্টযা ভজতাং গুহাশযঃ
স্বযং বিধত্তে স্বগতিং পরঃ পরাম্ ॥ ৪৯ ॥
কিং দুর্লভং তাভিরলং লবাত্মভিঃ ।
অনন্যদৃষ্টযা ভজতাং গুহাশযঃ
স্বযং বিধত্তে স্বগতিং পরঃ পরাম্ ॥ ৪৯ ॥
কো নাম লোকে পুরুষার্থসারবিত্
পুরাকথানাং ভগবত্কথাসুধাম্ ।
আপীয কর্ণাঞ্জলিভির্ভবাপহা-
মহো বিরজ্যেত বিনা নরেতরম্ ॥ ৫০ ॥
পুরাকথানাং ভগবত্কথাসুধাম্ ।
আপীয কর্ণাঞ্জলিভির্ভবাপহা-
মহো বিরজ্যেত বিনা নরেতরম্ ॥ ৫০ ॥