ஶ்ரீமத்பாகவதம் ௩.௧௮

மைத்ரேய உவாச
ததேவமாகர்ண்ய ஜலேஶபாஷிதம்
மஹாமநாஸ்தத்விகணய்ய துர்மதஃ ।
ஹரேர்விதித்வா கதிமங்க நாரதாத்
ரஸாதலம் நிர்விவிஶே த்வராந்விதஃ ॥ ௧ ॥

ததர்ஶ தத்ராபிஜிதம் தராதரம்
ப்ரோந்நீயமாநாவநிமக்ரதம்ஷ்ட்ரயா ।
முஷ்ணந்தமக்ஷ்ணா ஸ்வருசோ'ருணஶ்ரியா
ஜஹாஸ சாஹோ வநகோசரோ ம்ரு'கஃ ॥ ௨ ॥

ஆஹைநமேஹ்யஜ்ஞ மஹீம் விமுஞ்ச நோ
ரஸௌகஸாம் விஶ்வஸ்ரு'ஜேயமர்பிதா ।
ந ஸ்வஸ்தி யாஸ்யஸ்யநயா மமேக்ஷதஃ
ஸுராதமாஸாதிதஸூகராக்ரு'தே ॥ ௩ ॥

த்வம் நஃ ஸபத்நைரபவாய கிம் ப்ரு'தோ
யோ மாயயா ஹந்த்யஸுராந் பரோக்ஷஜித் ।
த்வாம் யோகமாயாபலமல்பபௌருஷம்
ஸம்ஸ்தாப்ய மூட ப்ரம்ரு'ஜே ஸுஹ்ரு'ச்சுசஃ ॥ ௪ ॥

த்வயி ஸம்ஸ்திதே கதயா ஶீர்ணஶீர்ஷ-
ண்யஸ்மத்புஜச்யுதயா யே ச துப்யம் ।
பலிம் ஹரந்த்ய்ரு'ஷயோ யே ச தேவாஃ
ஸ்வயம் ஸர்வே ந பவிஷ்யந்த்யமூலாஃ ॥ ௫ ॥

ஸ துத்யமாநோ'ரிதுருக்ததோமரை-
ர்தம்ஷ்ட்ராக்ரகாம் காமுபலக்ஷ்ய பீதாம் ।
தோதம் ம்ரு'ஷந்நிரகாதம்புமத்யாத்
க்ராஹாஹதஃ ஸகரேணுர்யதேபஃ ॥ ௬ ॥

தம் நிஃஸரந்தம் ஸலிலாதநுத்ருதோ
ஹிரண்யகேஶோ த்விரதம் யதா சஷஃ ।
கராலதம்ஷ்ட்ரோ'ஶநிநிஸ்வநோ'ப்ரவீத்
கதஹ்ரியாம் கிம் த்வஸதாம் விகர்ஹிதம் ॥ ௭ ॥

ஸ காமுதஸ்தாத்ஸலிலஸ்ய கோசரே
விந்யஸ்ய தஸ்யாமததாத்ஸ்வஸத்த்வம் ।
அபிஷ்டுதோ விஶ்வஸ்ரு'ஜா ப்ரஸூநை-
ராபூர்யமாணோ விபுதைஃ பஶ்யதோ'ரேஃ ॥ ௮ ॥

பராநுஷக்தம் தபநீயோபகல்பம்
மஹாகதம் காஞ்சநசித்ரதம்ஶம் ।
மர்மாண்யபீக்ஷ்ணம் ப்ரதுதந்தம் துருக்தைஃ
ப்ரசண்டமந்யுஃ ப்ரஹஸம்ஸ்தம் பபாஷே ॥ ௯ ॥

ஶ்ரீபகவாநுவாச
ஸத்யம் வயம் போ வநகோசரா ம்ரு'கா
யுஷ்மத்விதாந்ம்ரு'கயே க்ராமஸிம்ஹாந் ।
ந ம்ரு'த்யுபாஶைஃ ப்ரதிமுக்தஸ்ய வீரா
விகத்தநம் தவ க்ரு'ஹ்ணந்த்யபத்ர ॥ ௧௦ ॥

ஏதே வயம் ந்யாஸஹரா ரஸௌகஸாம்
கதஹ்ரியோ கதயா த்ராவிதாஸ்தே ।
திஷ்டாமஹே'தாபி கதஞ்சிதாஜௌ
ஸ்தேயம் க்வ யாமோ பலிநோத்பாத்ய வைரம் ॥ ௧௧ ॥

த்வம் பத்ரதாநாம் கில யூதபாதிபோ
கடஸ்வ நோ'ஸ்வஸ்தய ஆஶ்வநூஹஃ ।
ஸம்ஸ்தாப்ய சாஸ்மாந் ப்ரம்ரு'ஜாஶ்ருஸ்வகாநாம்
யஃ ஸ்வாம் ப்ரதிஜ்ஞாம் நாதிபிபர்த்யஸப்யஃ ॥ ௧௨ ॥

மைத்ரேய உவாசஸோ'திக்ஷிப்தோ பகவதா ப்ரலப்தஶ்ச ருஷா ப்ரு'ஶம் ।
ஆஜஹாரோல்பணம் க்ரோதம் க்ரீட்யமாநோ'ஹிராடிவ ॥ ௧௩ ॥

ஸ்ரு'ஜந்நமர்ஷிதஃ ஶ்வாஸாந்மந்யுப்ரசலிதேந்த்ரியஃ ।
ஆஸாத்ய தரஸா தைத்யோ கதயாந்யஹநத்தரிம் ॥ ௧௪ ॥

பகவாம்ஸ்து கதாவேகம் விஸ்ரு'ஷ்டம் ரிபுணோரஸி ।
அவஞ்சயத்திரஶ்சீநோ யோகாரூட இவாந்தகம் ॥ ௧௫ ॥

புநர்கதாம் ஸ்வாமாதாய ப்ராமயந்தமபீக்ஷ்ணஶஃ ।
அப்யதாவத்தரிஃ க்ருத்தஃ ஸம்ரம்பாத்தஷ்டதச்சதம் ॥ ௧௬ ॥

ததஶ்ச கதயாராதிம் தக்ஷிணஸ்யாம் ப்ருவி ப்ரபுஃ ।
ஆஜக்நே ஸ து தாம் ஸௌம்ய கதயா கோவிதோ'ஹநத் ॥ ௧௭ ॥

ஏவம் கதாப்யாம் குர்வீப்யாம் ஹர்யக்ஷோ ஹரிரேவ ச ।
ஜிகீஷயா ஸுஸம்ரப்தாவந்யோந்யமபிஜக்நதுஃ ॥ ௧௮ ॥

தயோஃ ஸ்ப்ரு'தோஸ்திக்மகதாஹதாங்கயோஃ
க்ஷதாஸ்ரவக்ராணவிவ்ரு'த்தமந்ய்வோஃ ।
விசித்ரமார்காம்ஶ்சரதோர்ஜிகீஷயா
வ்யபாதிலாயாமிவ ஶுஷ்மிணோர்ம்ரு'தஃ ॥ ௧௯ ॥

தைத்யஸ்ய யஜ்ஞாவயவஸ்ய மாயா-
க்ரு'ஹீதவாராஹதநோர்மஹாத்மநஃ ।
கௌரவ்ய மஹ்யாம் த்விஷதோர்விமர்தநம்
தித்ரு'க்ஷுராகாத்ரு'ஷிபிர்வ்ரு'தஃ ஸ்வராட் ॥ ௨௦ ॥

ஆஸந்நஶௌண்டீரமபேதஸாத்வஸம்
க்ரு'தப்ரதீகாரமஹார்யவிக்ரமம் ।
விலக்ஷ்ய தைத்யம் பகவாந் ஸஹஸ்ரணீ-
ர்ஜகாத நாராயணமாதிஸூகரம் ॥ ௨௧ ॥

ப்ரஹ்மோவாச
ஏஷ தே தேவ தேவாநாமங்க்ரிமூலமுபேயுஷாம் ।
விப்ராணாம் ஸௌரபேயீணாம் பூதாநாமப்யநாகஸாம் ॥ ௨௨ ॥

ஆகஸ்க்ரு'த்பயக்ரு'த்துஷ்க்ரு'தஸ்மத்ராத்தவரோ'ஸுரஃ ।
அந்வேஷந்நப்ரதிரதோ லோகாநடதி கண்டகஃ ॥ ௨௩ ॥

மைநம் மாயாவிநம் த்ரு'ப்தம் நிரங்குஶமஸத்தமம் ।
ஆக்ரீட பாலவத்தேவ யதாஶீவிஷமுத்திதம் ॥ ௨௪ ॥

ந யாவதேஷ வர்தேத ஸ்வாம் வேலாம் ப்ராப்ய தாருணஃ ।
ஸ்வாம் தேவ மாயாமாஸ்தாய தாவஜ்ஜஹ்யகமச்யுத ॥ ௨௫ ॥

ஏஷா கோரதமா ஸந்த்யா லோகச்சம்பட்கரீ ப்ரபோ ।
உபஸர்பதி ஸர்வாத்மந் ஸுராணாம் ஜயமாவஹ ॥ ௨௬ ॥

அதுநைஷோ'பிஜிந்நாம யோகோ மௌஹூர்திகோ ஹ்யகாத் ।
ஶிவாய நஸ்த்வம் ஸுஹ்ரு'தாமாஶு நிஸ்தர துஸ்தரம் ॥ ௨௭ ॥

திஷ்டயா த்வாம் விஹிதம் ம்ரு'த்யுஸமயமாஸாதிதஃ ஸ்வயம் ।
விக்ரம்யைநம் ம்ரு'தே ஹத்வா லோகாநாதேஹி ஶர்மணி ॥ ௨௮ ॥