শ্রী শুক উবাচ
ইতি ভাগবতঃ পৃষ্টঃ ক্ষত্ত্রা বার্তাং প্রিযাশ্রযাম্ ।
প্রতিবক্তুং ন চোত্সেহ ঔত্কণ্ঠ্যাত্স্মারিতেশ্বরঃ ॥ ১ ॥
ইতি ভাগবতঃ পৃষ্টঃ ক্ষত্ত্রা বার্তাং প্রিযাশ্রযাম্ ।
প্রতিবক্তুং ন চোত্সেহ ঔত্কণ্ঠ্যাত্স্মারিতেশ্বরঃ ॥ ১ ॥
যঃ পঞ্চহাযনো মাত্রা প্রাতরাশায যাচিতঃ ।
তন্নৈচ্ছদ্রচযন্ যস্য সপর্যাং বাললীলযা ॥ ২ ॥
তন্নৈচ্ছদ্রচযন্ যস্য সপর্যাং বাললীলযা ॥ ২ ॥
স কথং সেবযা তস্য কালেন জরসং গতঃ ।
পৃষ্টো বার্তাং প্রতিব্রূযাদ্ভর্তুঃ পাদাবনুস্মরন্ ॥ ৩ ॥
পৃষ্টো বার্তাং প্রতিব্রূযাদ্ভর্তুঃ পাদাবনুস্মরন্ ॥ ৩ ॥
স মুহূর্তমভূত্তূষ্ণীং কৃষ্ণাঙ্ঘ্রি সুধযা ভৃশম্ ।
তীব্রেণ ভক্তিযোগেন নিমগ্নঃ সাধু নির্বৃতঃ ॥ ৪ ॥
তীব্রেণ ভক্তিযোগেন নিমগ্নঃ সাধু নির্বৃতঃ ॥ ৪ ॥
পুলকোদ্ভিন্নসর্বাঙ্গো মুঞ্চন্মীলদ্দৃশা শুচঃ ।
পূর্ণার্থো লক্ষিতস্তেন স্নেহপ্রসরসংপ্লুতঃ ॥ ৫ ॥
পূর্ণার্থো লক্ষিতস্তেন স্নেহপ্রসরসংপ্লুতঃ ॥ ৫ ॥
শনকৈর্ভগবল্লোকান্নৃলোকং পুনরাগতঃ ।
বিমৃজ্য নেত্রে বিদুরং প্রীত্যাহোদ্ধব উত্স্মযন্ ॥ ৬ ॥
বিমৃজ্য নেত্রে বিদুরং প্রীত্যাহোদ্ধব উত্স্মযন্ ॥ ৬ ॥
উদ্ধব উবাচ
কৃষ্ণদ্যুমণিনিম্লোচে গীর্ণেষ্বজগরেণ হ ।
কিং
নু নঃ কুশলং ব্রূযাং গতশ্রীষু গৃহেষ্বহম্ ॥ ৭ ॥
কৃষ্ণদ্যুমণিনিম্লোচে গীর্ণেষ্বজগরেণ হ ।
কিং
নু নঃ কুশলং ব্রূযাং গতশ্রীষু গৃহেষ্বহম্ ॥ ৭ ॥
দুর্ভগো বত লোকোঽযং যদবো নিতরামপি ।
যে সংবসন্তো ন বিদুর্হরিং মীনা ইবোডুপম্ ॥ ৮ ॥
যে সংবসন্তো ন বিদুর্হরিং মীনা ইবোডুপম্ ॥ ৮ ॥
ইঙ্গিতজ্ঞাঃ পুরুপ্রৌঢা একারামাশ্চ সাত্বতাঃ ।
সাত্বতামৃষভং সর্বে ভূতাবাসমমংসত ॥ ৯ ॥
সাত্বতামৃষভং সর্বে ভূতাবাসমমংসত ॥ ৯ ॥
দেবস্য মাযযা স্পৃষ্টা যে চান্যদসদাশ্রিতাঃ ।
ভ্রাম্যতে ধীর্ন তদ্বাক্যৈরাত্মন্যুপ্তাত্মনো হরৌ ॥ ১০ ॥
ভ্রাম্যতে ধীর্ন তদ্বাক্যৈরাত্মন্যুপ্তাত্মনো হরৌ ॥ ১০ ॥
প্রদর্শ্যাতপ্ততপসামবিতৃপ্তদৃশাং নৃণাম্ ।
আদাযান্তরধাদ্যস্তু স্ববিম্বং লোকলোচনম্ ॥ ১১ ॥
আদাযান্তরধাদ্যস্তু স্ববিম্বং লোকলোচনম্ ॥ ১১ ॥
যন্মর্ত্যলীলৌপযিকং স্বযোগ-
মাযাবলং দর্শযতা গৃহীতম্ ।
বিস্মাপনং স্বস্য চ সৌভগর্দ্ধেঃ
পরং পদং ভূষণভূষণাঙ্গম্ ॥ ১২ ॥
মাযাবলং দর্শযতা গৃহীতম্ ।
বিস্মাপনং স্বস্য চ সৌভগর্দ্ধেঃ
পরং পদং ভূষণভূষণাঙ্গম্ ॥ ১২ ॥
যদ্ধর্মসূনোর্বত রাজসূযে
নিরীক্ষ্য দৃক্স্বস্ত্যযনং ত্রিলোকঃ ।
কার্ত্স্ন্যেন চাদ্যেহ গতং বিধাতু-
রর্বাক্সৃতৌ কৌশলমিত্যমন্যত ॥ ১৩ ॥
নিরীক্ষ্য দৃক্স্বস্ত্যযনং ত্রিলোকঃ ।
কার্ত্স্ন্যেন চাদ্যেহ গতং বিধাতু-
রর্বাক্সৃতৌ কৌশলমিত্যমন্যত ॥ ১৩ ॥
যস্যানুরাগপ্লুতহাসরাস-
লীলাবলোকপ্রতিলব্ধমানাঃ ।
ব্রজস্ত্রিযো দৃগ্ভিরনুপ্রবৃত্ত-
ধিযোঽবতস্থুঃ কিল কৃত্যশেষাঃ ॥ ১৪ ॥
লীলাবলোকপ্রতিলব্ধমানাঃ ।
ব্রজস্ত্রিযো দৃগ্ভিরনুপ্রবৃত্ত-
ধিযোঽবতস্থুঃ কিল কৃত্যশেষাঃ ॥ ১৪ ॥
স্বশান্তরূপেষ্বিতরৈঃ স্বরূপৈ-
রভ্যর্দ্যমানেষ্বনুকম্পিতাত্মা ।
পরাবরেশো মহদংশযুক্তো
হ্যজোঽপি জাতো ভগবান্ যথাগ্নিঃ ॥ ১৫ ॥
রভ্যর্দ্যমানেষ্বনুকম্পিতাত্মা ।
পরাবরেশো মহদংশযুক্তো
হ্যজোঽপি জাতো ভগবান্ যথাগ্নিঃ ॥ ১৫ ॥
মাং খেদযত্যেতদজস্য জন্ম-
বিডম্বনং যদ্বসুদেবগেহে ।
ব্রজে চ বাসোঽরিভযাদিব স্বযং
পুরাদ্ ব্যবাত্সীদ্যদনন্তবীর্যঃ ॥ ১৬ ॥
বিডম্বনং যদ্বসুদেবগেহে ।
ব্রজে চ বাসোঽরিভযাদিব স্বযং
পুরাদ্ ব্যবাত্সীদ্যদনন্তবীর্যঃ ॥ ১৬ ॥
দুনোতি চেতঃ স্মরতো মমৈতদ্
যদাহ পাদাবভিবন্দ্য পিত্রোঃ ।
তাতাম্ব কংসাদুরুশঙ্কিতানাং
প্রসীদতং নোঽকৃতনিষ্কৃতীনাম্ ॥ ১৭ ॥
যদাহ পাদাবভিবন্দ্য পিত্রোঃ ।
তাতাম্ব কংসাদুরুশঙ্কিতানাং
প্রসীদতং নোঽকৃতনিষ্কৃতীনাম্ ॥ ১৭ ॥
কো বা অমুষ্যাঙ্ঘ্রি সরোজরেণুং
বিস্মর্তুমীশীত পুমান্ বিজিঘ্রন্ ।
যো বিস্ফুরদ্ভ্রূবিটপেন ভূমে-
র্ভারং কৃতান্তেন তিরশ্চকার ॥ ১৮ ॥
বিস্মর্তুমীশীত পুমান্ বিজিঘ্রন্ ।
যো বিস্ফুরদ্ভ্রূবিটপেন ভূমে-
র্ভারং কৃতান্তেন তিরশ্চকার ॥ ১৮ ॥
দৃষ্টা ভবদ্ভির্ননু রাজসূযে
চৈদ্যস্য কৃষ্ণং দ্বিষতোঽপি সিদ্ধিঃ ।
যাং যোগিনঃ সংস্পৃহযন্তি সম্যগ্
যোগেন কস্তদ্বিরহং সহেত ॥ ১৯ ॥
চৈদ্যস্য কৃষ্ণং দ্বিষতোঽপি সিদ্ধিঃ ।
যাং যোগিনঃ সংস্পৃহযন্তি সম্যগ্
যোগেন কস্তদ্বিরহং সহেত ॥ ১৯ ॥
তথৈব চান্যে নরলোকবীরা
য আহবে কৃষ্ণমুখারবিন্দম্ ।
নেত্রৈঃ পিবন্তো নযনাভিরামং
পার্থাস্ত্রপূতঃ পদমাপুরস্য ॥ ২০ ॥
য আহবে কৃষ্ণমুখারবিন্দম্ ।
নেত্রৈঃ পিবন্তো নযনাভিরামং
পার্থাস্ত্রপূতঃ পদমাপুরস্য ॥ ২০ ॥
স্বযং ত্বসাম্যাতিশযস্ত্র্যধীশঃ
স্বারাজ্যলক্ষ্ম্যাপ্তসমস্তকামঃ ।
বলিং হরদ্ভিশ্চিরলোকপালৈঃ
কিরীটকোট্যেডিতপাদপীঠঃ ॥ ২১ ॥
স্বারাজ্যলক্ষ্ম্যাপ্তসমস্তকামঃ ।
বলিং হরদ্ভিশ্চিরলোকপালৈঃ
কিরীটকোট্যেডিতপাদপীঠঃ ॥ ২১ ॥
তত্তস্য কৈঙ্কর্যমলং ভৃতান্নো
বিগ্লাপযত্যঙ্গ যদুগ্রসেনম্ ।
তিষ্ঠন্নিষণ্ণং পরমেষ্ঠিধিষ্ণ্যে
ন্যবোধযদ্দেব নিধারযেতি ॥ ২২ ॥
বিগ্লাপযত্যঙ্গ যদুগ্রসেনম্ ।
তিষ্ঠন্নিষণ্ণং পরমেষ্ঠিধিষ্ণ্যে
ন্যবোধযদ্দেব নিধারযেতি ॥ ২২ ॥
অহো বকী যং স্তনকালকূটং
জিঘাংসযাপাযযদপ্যসাধ্বী ।
লেভে গতিং ধাত্র্যুচিতাং ততোঽন্যং
কং বা দযালুং শরণং ব্রজেম ॥ ২৩ ॥
জিঘাংসযাপাযযদপ্যসাধ্বী ।
লেভে গতিং ধাত্র্যুচিতাং ততোঽন্যং
কং বা দযালুং শরণং ব্রজেম ॥ ২৩ ॥
মন্যেঽসুরান্ ভাগবতাংস্ত্র্যধীশে
সংরম্ভমার্গাভিনিবিষ্টচিত্তান্ ।
যে সংযুগেঽচক্ষত তার্ক্ষ্যপুত্র-
মংসে সুনাভাযুধমাপতন্তম্ ॥ ২৪ ॥
সংরম্ভমার্গাভিনিবিষ্টচিত্তান্ ।
যে সংযুগেঽচক্ষত তার্ক্ষ্যপুত্র-
মংসে সুনাভাযুধমাপতন্তম্ ॥ ২৪ ॥
বসুদেবস্য দেবক্যাং জাতো ভোজেন্দ্রবন্ধনে ।
চিকীর্ষুর্ভগবানস্যাঃ শমজেনাভিযাচিতঃ ॥ ২৫ ॥
চিকীর্ষুর্ভগবানস্যাঃ শমজেনাভিযাচিতঃ ॥ ২৫ ॥
ততো নন্দব্রজমিতঃ পিত্রা কংসাদ্বিবিভ্যতা ।
একাদশ সমাস্তত্র গূঢার্চিঃ সবলোঽবসত্ ॥ ২৬ ॥
একাদশ সমাস্তত্র গূঢার্চিঃ সবলোঽবসত্ ॥ ২৬ ॥
পরীতো বত্সপৈর্বত্সাংশ্চারযন্ ব্যহরদ্বিভুঃ ।
যমুনোপবনে কূজদ্দ্বিজসংকুলিতাঙ্ঘ্রিপে ॥ ২৭ ॥
যমুনোপবনে কূজদ্দ্বিজসংকুলিতাঙ্ঘ্রিপে ॥ ২৭ ॥
কৌমারীং দর্শযংশ্চেষ্টাং প্রেক্ষণীযাং ব্রজৌকসাম্ ।
রুদন্নিব হসন্মুগ্ধবালসিংহাবলোকনঃ ॥ ২৮ ॥
রুদন্নিব হসন্মুগ্ধবালসিংহাবলোকনঃ ॥ ২৮ ॥
স এব গোধনং লক্ষ্ম্যা নিকেতং সিতগোবৃষম্ ।
চারযন্ননুগান্ গোপান্ রণদ্বেণুররীরমত্ ॥ ২৯ ॥
চারযন্ননুগান্ গোপান্ রণদ্বেণুররীরমত্ ॥ ২৯ ॥
প্রযুক্তান্ ভোজরাজেন মাযিনঃ কামরূপিণঃ ।
লীলযা ব্যনুদত্তাংস্তান্ বালঃ ক্রীডনকানিব ॥ ৩০ ॥
লীলযা ব্যনুদত্তাংস্তান্ বালঃ ক্রীডনকানিব ॥ ৩০ ॥
বিপন্নান্ বিষপানেন নিগৃহ্য ভুজগাধিপম্ ।
উত্থাপ্যাপাযযদ্গাবস্তত্তোযং প্রকৃতিস্থিতম্ ॥ ৩১ ॥
উত্থাপ্যাপাযযদ্গাবস্তত্তোযং প্রকৃতিস্থিতম্ ॥ ৩১ ॥
অযাজযদ্গোসবেন গোপরাজং দ্বিজোত্তমৈঃ ।
বিত্তস্য চোরুভারস্য চিকীর্ষন্ সদ্বযযং বিভুঃ ॥ ৩২ ॥
বিত্তস্য চোরুভারস্য চিকীর্ষন্ সদ্বযযং বিভুঃ ॥ ৩২ ॥
বর্ষতীন্দ্রে ব্রজঃ কোপাদ্ভগ্নমানেঽতিবিহ্বলঃ ।
গোত্রলীলাতপত্রেণ ত্রাতো ভদ্রানুগৃহ্ণতা ॥ ৩৩ ॥
গোত্রলীলাতপত্রেণ ত্রাতো ভদ্রানুগৃহ্ণতা ॥ ৩৩ ॥
শরচ্ছশিকরৈর্মৃষ্টং মানযন্ রজনীমুখম্ ।
গাযন্ কলপদং রেমে স্ত্রীণাং মণ্ডলমণ্ডনঃ ॥ ৩৪ ॥
গাযন্ কলপদং রেমে স্ত্রীণাং মণ্ডলমণ্ডনঃ ॥ ৩৪ ॥