বিদুর উবাচ
ভবে শীলবতাং শ্রেষ্ঠে দক্ষো দুহিতৃবত্সলঃ ।
বিদ্বেষমকরোত্কস্মাদনাদৃত্যাত্মজাং সতীম্ ॥ ১ ॥
ভবে শীলবতাং শ্রেষ্ঠে দক্ষো দুহিতৃবত্সলঃ ।
বিদ্বেষমকরোত্কস্মাদনাদৃত্যাত্মজাং সতীম্ ॥ ১ ॥
কস্তং চরাচরগুরুং নির্বৈরং শান্তবিগ্রহম্ ।
আত্মারামং কথং দ্বেষ্টি জগতো দৈবতং মহত্ ॥ ২ ॥
আত্মারামং কথং দ্বেষ্টি জগতো দৈবতং মহত্ ॥ ২ ॥
এতদাখ্যাহি মে ব্রহ্মন্জামাতুঃ শ্বশুরস্য চ ।
বিদ্বেষস্তু যতঃ প্রাণাংস্তত্যজে দুস্ত্যজান্সতী ॥ ৩ ॥
বিদ্বেষস্তু যতঃ প্রাণাংস্তত্যজে দুস্ত্যজান্সতী ॥ ৩ ॥
মৈত্রেয উবাচ
পুরা বিশ্বসৃজাং সত্রে সমেতাঃ পরমর্ষযঃ ।
তথামরগণাঃ সর্বে সানুগা মুনযোঽগ্নযঃ ॥ ৪ ॥
পুরা বিশ্বসৃজাং সত্রে সমেতাঃ পরমর্ষযঃ ।
তথামরগণাঃ সর্বে সানুগা মুনযোঽগ্নযঃ ॥ ৪ ॥
তত্র প্রবিষ্টমৃষযো দৃষ্ট্বার্কমিব রোচিষা ।
ভ্রাজমানং বিতিমিরং কুর্বন্তং তন্মহত্সদঃ ॥ ৫ ॥
ভ্রাজমানং বিতিমিরং কুর্বন্তং তন্মহত্সদঃ ॥ ৫ ॥
উদতিষ্ঠন্সদস্যাস্তে স্বধিষ্ণ্যেভ্যঃ সহাগ্নযঃ ।
ঋতে বিরিঞ্চাং শর্বং চ তদ্ভাসাক্ষিপ্তচেতসঃ ॥ ৬ ॥
ঋতে বিরিঞ্চাং শর্বং চ তদ্ভাসাক্ষিপ্তচেতসঃ ॥ ৬ ॥
সদসস্পতিভির্দক্ষো ভগবান্সাধু সত্কৃতঃ ।
অজং লোকগুরুং নত্বা নিষসাদ তদাজ্ঞযা ॥ ৭ ॥
অজং লোকগুরুং নত্বা নিষসাদ তদাজ্ঞযা ॥ ৭ ॥
প্রাঙ্নিষণ্ণং মৃডং দৃষ্ট্বা নামৃষ্যত্তদনাদৃতঃ ।
উবাচবামং চক্ষুর্ভ্যামভিবীক্ষ্য দহন্নিব ॥ ৮ ॥
উবাচবামং চক্ষুর্ভ্যামভিবীক্ষ্য দহন্নিব ॥ ৮ ॥
শ্রূযতাং ব্রহ্মর্ষযো মে সহদেবাঃ সহাগ্নযঃ ।
সাধূনাং ব্রুবতো বৃত্তং নাজ্ঞানান্ন চ মত্সরাত্ ॥ ৯ ॥
সাধূনাং ব্রুবতো বৃত্তং নাজ্ঞানান্ন চ মত্সরাত্ ॥ ৯ ॥
অযং তু লোকপালানাং যশোঘ্নো নিরপত্রপঃ ।
সদ্ভিরাচরিতঃ পন্থা যেন স্তব্ধেন দূষিতঃ ॥ ১০ ॥
সদ্ভিরাচরিতঃ পন্থা যেন স্তব্ধেন দূষিতঃ ॥ ১০ ॥
এষ মে শিষ্যতাং প্রাপ্তো যন্মে দুহিতুরগ্রহীত্ ।
পাণিং বিপ্রাগ্নিমুখতঃ সাবিত্র্যা ইব সাধুবত্ ॥ ১১ ॥
পাণিং বিপ্রাগ্নিমুখতঃ সাবিত্র্যা ইব সাধুবত্ ॥ ১১ ॥
গৃহীত্বা মৃগশাবাক্ষ্যাঃ পাণিং মর্কটলোচনঃ ।
প্রত্যুত্থানাভিবাদার্হে বাচাপ্যকৃত নোচিতম্ ॥ ১২ ॥
প্রত্যুত্থানাভিবাদার্হে বাচাপ্যকৃত নোচিতম্ ॥ ১২ ॥
লুপ্তক্রিযাযাশুচযে মানিনে ভিন্নসেতবে ।
অনিচ্ছন্নপ্যদাং বালাং শূদ্রাযেবোশতীং গিরম্ ॥ ১৩ ॥
অনিচ্ছন্নপ্যদাং বালাং শূদ্রাযেবোশতীং গিরম্ ॥ ১৩ ॥
প্রেতাবাসেষু ঘোরেষু প্রেতৈর্ভূতগণৈর্বৃতঃ ।
অটত্যুন্মত্তবন্নগ্নো ব্যুপ্তকেশো হসন্ রুদন্ ॥ ১৪ ॥
অটত্যুন্মত্তবন্নগ্নো ব্যুপ্তকেশো হসন্ রুদন্ ॥ ১৪ ॥
চিতাভস্মকৃতস্নানঃ প্রেতস্রঙ্ন্রস্থিভূষণঃ ।
শিবাপদেশো হ্যশিবো মত্তো মত্তজনপ্রিযঃ ।
পতিঃ প্রমথনাথানাং তমোমাত্রাত্মকাত্মনাম্ ॥ ১৫ ॥
শিবাপদেশো হ্যশিবো মত্তো মত্তজনপ্রিযঃ ।
পতিঃ প্রমথনাথানাং তমোমাত্রাত্মকাত্মনাম্ ॥ ১৫ ॥
তস্মা উন্মাদনাথায নষ্টশৌচায দুর্হৃদে ।
দত্তা বত মযা সাধ্বী চোদিতে পরমেষ্ঠিনা ॥ ১৬ ॥
দত্তা বত মযা সাধ্বী চোদিতে পরমেষ্ঠিনা ॥ ১৬ ॥
মৈত্রেয উবাচ
বিনিন্দ্যৈবং স গিরিশমপ্রতীপমবস্থিতম্ ।
দক্ষোঽথাপ উপস্পৃশ্য ক্রুদ্ধঃ শপ্তুং প্রচক্রমে ॥ ১৭ ॥
বিনিন্দ্যৈবং স গিরিশমপ্রতীপমবস্থিতম্ ।
দক্ষোঽথাপ উপস্পৃশ্য ক্রুদ্ধঃ শপ্তুং প্রচক্রমে ॥ ১৭ ॥
অযং তু দেবযজন ইন্দ্রোপেন্দ্রাদিভির্ভবঃ ।
সহ ভাগং ন লভতাং দেবৈর্দেবগণাধমঃ ॥ ১৮ ॥
সহ ভাগং ন লভতাং দেবৈর্দেবগণাধমঃ ॥ ১৮ ॥
নিষিধ্যমানঃ স সদস্যমুখ্যৈ-
র্দক্ষো গিরিত্রায বিসৃজ্য শাপম্ ।
তস্মাদ্বিনিষ্ক্রম্য বিবৃদ্ধমন্যু-
র্জগাম কৌরব্য নিজং নিকেতনম্ ॥ ১৯ ॥
র্দক্ষো গিরিত্রায বিসৃজ্য শাপম্ ।
তস্মাদ্বিনিষ্ক্রম্য বিবৃদ্ধমন্যু-
র্জগাম কৌরব্য নিজং নিকেতনম্ ॥ ১৯ ॥
বিজ্ঞায শাপং গিরিশানুগাগ্রণী-
র্নন্দীশ্বরো রোষকষাযদূষিতঃ ।
দক্ষায শাপং বিসসর্জ দারুণং
যে চান্বমোদংস্তদবাচ্যতাং দ্বিজাঃ ॥ ২০ ॥
র্নন্দীশ্বরো রোষকষাযদূষিতঃ ।
দক্ষায শাপং বিসসর্জ দারুণং
যে চান্বমোদংস্তদবাচ্যতাং দ্বিজাঃ ॥ ২০ ॥
য এতন্মর্ত্যমুদ্দিশ্য ভগবত্যপ্রতিদ্রুহি ।
দ্রুহ্যত্যজ্ঞঃ পৃথগ্দৃষ্টিস্তত্ত্বতো বিমুখো ভবেত্ ॥ ২১ ॥
দ্রুহ্যত্যজ্ঞঃ পৃথগ্দৃষ্টিস্তত্ত্বতো বিমুখো ভবেত্ ॥ ২১ ॥
গৃহেষু কূটধর্মেষু সক্তো গ্রাম্যসুখেচ্ছযা ।
কর্মতন্ত্রং বিতনুতে বেদবাদবিপন্নধীঃ ॥ ২২ ॥
কর্মতন্ত্রং বিতনুতে বেদবাদবিপন্নধীঃ ॥ ২২ ॥
বুদ্ধ্যা পরাভিধ্যাযিন্যা বিস্মৃতাত্মগতিঃ পশুঃ ।
স্ত্রীকামঃ সোঽস্ত্বতিতরাং দক্ষো বস্তমুখোঽচিরাত্ ॥ ২৩ ॥
স্ত্রীকামঃ সোঽস্ত্বতিতরাং দক্ষো বস্তমুখোঽচিরাত্ ॥ ২৩ ॥
বিদ্যাবুদ্ধিরবিদ্যাযাং কর্মময্যামসৌ জডঃ ।
সংসরন্ত্বিহ যে চামুমনু শর্বাবমানিনম্ ॥ ২৪ ॥
সংসরন্ত্বিহ যে চামুমনু শর্বাবমানিনম্ ॥ ২৪ ॥
গিরঃ শ্রুতাযাঃ পুষ্পিণ্যা মধুগন্ধেন ভূরিণা ।
মথ্না চোন্মথিতাত্মানঃ সম্মুহ্যন্তু হরদ্বিষঃ ॥ ২৫ ॥
মথ্না চোন্মথিতাত্মানঃ সম্মুহ্যন্তু হরদ্বিষঃ ॥ ২৫ ॥
সর্বভক্ষা দ্বিজা বৃত্ত্যৈ ধৃতবিদ্যাতপোব্রতাঃ ।
বিত্তদেহেন্দ্রিযারামা যাচকা বিচরন্ত্বিহ ॥ ২৬ ॥
বিত্তদেহেন্দ্রিযারামা যাচকা বিচরন্ত্বিহ ॥ ২৬ ॥
তস্যৈবং বদতঃ শাপং শ্রুত্বা দ্বিজকুলায বৈ ।
ভৃগুঃ প্রত্যসৃজচ্ছাপং ব্রহ্মদণ্ডং দুরত্যযম্ ॥ ২৭ ॥
ভৃগুঃ প্রত্যসৃজচ্ছাপং ব্রহ্মদণ্ডং দুরত্যযম্ ॥ ২৭ ॥
ভবব্রতধরা যে চ যে চ তান্সমনুব্রতাঃ ।
পাষণ্ডিনস্তে ভবন্তু সচ্ছাস্ত্রপরিপন্থিনঃ ॥ ২৮ ॥
পাষণ্ডিনস্তে ভবন্তু সচ্ছাস্ত্রপরিপন্থিনঃ ॥ ২৮ ॥
নষ্টশৌচা মূঢধিযো জটাভস্মাস্থিধারিণঃ ।
বিশন্তু শিবদীক্ষাযাং যত্র দৈবং সুরাসবম্ ॥ ২৯ ॥
বিশন্তু শিবদীক্ষাযাং যত্র দৈবং সুরাসবম্ ॥ ২৯ ॥
ব্রহ্ম চ ব্রাহ্মণাংশ্চৈব যদ্যূযং পরিনিন্দথ ।
সেতুং বিধারণং পুংসামতঃ পাষণ্ডমাশ্রিতাঃ ॥ ৩০ ॥
সেতুং বিধারণং পুংসামতঃ পাষণ্ডমাশ্রিতাঃ ॥ ৩০ ॥
এষ এব হি লোকানাং শিবঃ পন্থাঃ সনাতনঃ ।
যং পূর্বে চানুসন্তস্থুর্যত্প্রমাণং জনার্দনঃ ॥ ৩১ ॥
যং পূর্বে চানুসন্তস্থুর্যত্প্রমাণং জনার্দনঃ ॥ ৩১ ॥
তদ্ব্রহ্ম পরমং শুদ্ধং সতাং বর্ত্ম সনাতনম্ ।
বিগর্হ্য যাত পাষণ্ডং দৈবং বো যত্র ভূতরাট্ ॥ ৩২ ॥
বিগর্হ্য যাত পাষণ্ডং দৈবং বো যত্র ভূতরাট্ ॥ ৩২ ॥
মৈত্রেয উবাচ
তস্যৈবং বদতঃ শাপং ভৃগোঃ স ভগবান্ ভবঃ ।
নিশ্চক্রাম ততঃ কিঞ্চিদ্বিমনা ইব সানুগঃ ॥ ৩৩ ॥
তস্যৈবং বদতঃ শাপং ভৃগোঃ স ভগবান্ ভবঃ ।
নিশ্চক্রাম ততঃ কিঞ্চিদ্বিমনা ইব সানুগঃ ॥ ৩৩ ॥
তেঽপি বিশ্বসৃজঃ সত্রং সহস্রপরিবত্সরান্ ।
সংবিধায মহেষ্বাস যত্রেজ্য ঋষভো হরিঃ ॥ ৩৪ ॥
সংবিধায মহেষ্বাস যত্রেজ্য ঋষভো হরিঃ ॥ ৩৪ ॥
আপ্লুত্যাবভৃথং যত্র গঙ্গা যমুনযান্বিতা ।
বিরজেনাত্মনা সর্বে স্বং স্বং ধাম যযুস্ততঃ ॥ ৩৫ ॥
বিরজেনাত্মনা সর্বে স্বং স্বং ধাম যযুস্ততঃ ॥ ৩৫ ॥