নাৰদ উৱাচ
সৈনিকা ভযনাম্নো যে বৰ্হিষ্মন্ দিষ্টকাৰিণঃ ।
প্ৰজ্ৱাৰকালকন্যাভ্যাং
ৱিচেৰুৰৱনীমিমাম্ ॥ ১ ॥
সৈনিকা ভযনাম্নো যে বৰ্হিষ্মন্ দিষ্টকাৰিণঃ ।
প্ৰজ্ৱাৰকালকন্যাভ্যাং
ৱিচেৰুৰৱনীমিমাম্ ॥ ১ ॥
ত একদা তু ৰভসা পুৰঞ্জনপুৰীং নৃপ ।
ৰুৰুধুৰ্ভৌমভোগাঢ্যাং
জৰত্পন্নগপালিতাম্ ॥ ২ ॥
ৰুৰুধুৰ্ভৌমভোগাঢ্যাং
জৰত্পন্নগপালিতাম্ ॥ ২ ॥
কালকন্যাপি বুভুজে পুৰঞ্জনপুৰং বলাত্ ।
যযাভিভূতঃ পুৰুষঃ সদ্যো নিঃসাৰতামিযাত্ ॥ ৩ ॥
যযাভিভূতঃ পুৰুষঃ সদ্যো নিঃসাৰতামিযাত্ ॥ ৩ ॥
তযোপভুজ্যমানাং ৱৈ যৱনাঃ সৰ্ৱতোদিশম্ ।
দ্ৱাৰ্ভিঃ প্ৰৱিশ্য সুভৃশং প্ৰাৰ্দযন্ সকলাং পুৰীম্ ॥ ৪ ॥
দ্ৱাৰ্ভিঃ প্ৰৱিশ্য সুভৃশং প্ৰাৰ্দযন্ সকলাং পুৰীম্ ॥ ৪ ॥
তস্যাং প্ৰপীড্যমানাযামভিমানী পুৰঞ্জনঃ ।
অৱাপোৰুৱিধাংস্তাপান্ কুটুম্বী মমতাকুলঃ ॥ ৫ ॥
অৱাপোৰুৱিধাংস্তাপান্ কুটুম্বী মমতাকুলঃ ॥ ৫ ॥
কন্যোপগূঢো নষ্টশ্ৰীঃ কৃপণো ৱিষযাত্মকঃ ।
নষ্টপ্ৰজ্ঞো হৃতৈশ্ৱৰ্যো গন্ধৰ্ৱযৱনৈৰ্বলাত্ ॥ ৬ ॥
নষ্টপ্ৰজ্ঞো হৃতৈশ্ৱৰ্যো গন্ধৰ্ৱযৱনৈৰ্বলাত্ ॥ ৬ ॥
ৱিশীৰ্ণাং স্ৱপুৰীং ৱীক্ষ্য প্ৰতিকূলাননাদৃতান্ ।
পুত্ৰান্ পৌত্ৰানুগামাত্যাঞ্জাযাং চ গতসৌহৃদাম্ ॥ ৭ ॥
পুত্ৰান্ পৌত্ৰানুগামাত্যাঞ্জাযাং চ গতসৌহৃদাম্ ॥ ৭ ॥
আত্মানং কন্যযা গ্ৰস্তং পঞ্চালানৰিদূষিতান্ ।
দুৰন্তচিন্তামাপন্নো ন লেভে তত্প্ৰতিক্ৰিযাম্ ॥ ৮ ॥
দুৰন্তচিন্তামাপন্নো ন লেভে তত্প্ৰতিক্ৰিযাম্ ॥ ৮ ॥
কামানভিলষন্দীনো যাতযামাংশ্চ কন্যযা ।
ৱিগতাত্মগতিস্নেহঃ পুত্ৰদাৰাংশ্চ লালযন্ ॥ ৯ ॥
ৱিগতাত্মগতিস্নেহঃ পুত্ৰদাৰাংশ্চ লালযন্ ॥ ৯ ॥
গন্ধৰ্ৱযৱনাক্ৰান্তাং কালকন্যোপমৰ্দিতাম্ ।
হাতুং প্ৰচক্ৰমে ৰাজা তাং পুৰীমনিকামতঃ ॥ ১০ ॥
হাতুং প্ৰচক্ৰমে ৰাজা তাং পুৰীমনিকামতঃ ॥ ১০ ॥
ভযনাম্নোঽগ্ৰজো ভ্ৰাতা প্ৰজ্ৱাৰঃ প্ৰত্যুপস্থিতঃ ।
দদাহ তাং পুৰীং কৃত্স্নাং ভ্ৰাতুঃ প্ৰিযচিকীৰ্ষযা ॥ ১১ ॥
দদাহ তাং পুৰীং কৃত্স্নাং ভ্ৰাতুঃ প্ৰিযচিকীৰ্ষযা ॥ ১১ ॥
তস্যাং সন্দহ্যমানাযাং সপৌৰঃ সপৰিচ্ছদঃ ।
কৌটুম্বিকঃ কুটুম্বিন্যা উপাতপ্যত সান্ৱযঃ ॥ ১২ ॥
কৌটুম্বিকঃ কুটুম্বিন্যা উপাতপ্যত সান্ৱযঃ ॥ ১২ ॥
যৱনোপৰুদ্ধাযতনো গ্ৰস্তাযাং কালকন্যযা ।
পুৰ্যাং প্ৰজ্ৱাৰসংসৃষ্টঃ
পুৰপালোঽন্ৱতপ্যত ॥ ১৩ ॥
পুৰ্যাং প্ৰজ্ৱাৰসংসৃষ্টঃ
পুৰপালোঽন্ৱতপ্যত ॥ ১৩ ॥
ন শেকে সোঽৱিতুং তত্ৰ পুৰুকৃচ্ছ্ৰোৰুৱেপথুঃ ।
গন্তুমৈচ্ছত্ততো ৱৃক্ষকোটৰাদিৱ সানলাত্ ॥ ১৪ ॥
গন্তুমৈচ্ছত্ততো ৱৃক্ষকোটৰাদিৱ সানলাত্ ॥ ১৪ ॥
শিথিলাৱযৱো যৰ্হি গন্ধৰ্ৱৈৰ্হৃতপৌৰুষঃ ।
যৱনৈৰৰিভী ৰাজন্নুপৰুদ্ধো ৰুৰোদ হ ॥ ১৫ ॥
যৱনৈৰৰিভী ৰাজন্নুপৰুদ্ধো ৰুৰোদ হ ॥ ১৫ ॥
দুহিতৃঃ পুত্ৰপৌত্ৰাংশ্চ জামিজামাতৃপাৰ্ষদান্ ।
স্ৱত্ৱাৱশিষ্টং যত্কিঞ্চিদ্ গৃহকোশপৰিচ্ছদম্ ॥ ১৬ ॥
স্ৱত্ৱাৱশিষ্টং যত্কিঞ্চিদ্ গৃহকোশপৰিচ্ছদম্ ॥ ১৬ ॥
অহং মমেতি স্ৱীকৃত্য গৃহেষু কুমতিৰ্গৃহী ।
দধ্যৌ প্ৰমদযা দীনো ৱিপ্ৰযোগ উপস্থিতে ॥ ১৭ ॥
দধ্যৌ প্ৰমদযা দীনো ৱিপ্ৰযোগ উপস্থিতে ॥ ১৭ ॥
লোকান্তৰং গতৱতি ময্যনাথা কুটুম্বিনী ।
ৱৰ্তিষ্যতে কথং ত্ৱেষা বালকাননুশোচতী ॥ ১৮ ॥
ৱৰ্তিষ্যতে কথং ত্ৱেষা বালকাননুশোচতী ॥ ১৮ ॥
ন ময্যনাশিতে ভুঙ্ক্তে নাস্নাতে স্নাতি মত্পৰা ।
মযি ৰুষ্টে সুসন্ত্ৰস্তা ভৰ্ত্সিতে যতৱাগ্ভযাত্ ॥ ১৯ ॥
মযি ৰুষ্টে সুসন্ত্ৰস্তা ভৰ্ত্সিতে যতৱাগ্ভযাত্ ॥ ১৯ ॥
প্ৰবোধযতি মাৱিজ্ঞং ৱ্যুষিতে শোককৰ্শিতা ।
ৱৰ্ত্মৈতদ্ গৃহমেধীযং ৱীৰসূৰপি নেষ্যতি ॥ ২০ ॥
ৱৰ্ত্মৈতদ্ গৃহমেধীযং ৱীৰসূৰপি নেষ্যতি ॥ ২০ ॥
কথং নু দাৰকা দীনা দাৰকীৰ্ৱাপৰাযণাঃ ।
ৱৰ্তিষ্যন্তে মযি গতে ভিন্ননাৱ ইৱোদধৌ ॥ ২১ ॥
ৱৰ্তিষ্যন্তে মযি গতে ভিন্ননাৱ ইৱোদধৌ ॥ ২১ ॥
এৱং কৃপণযা বুদ্ধ্যা শোচন্তমতদৰ্হণম্ ।
গ্ৰহীতুং কৃতধীৰেনং ভযনামাভ্যপদ্যত ॥ ২২ ॥
গ্ৰহীতুং কৃতধীৰেনং ভযনামাভ্যপদ্যত ॥ ২২ ॥
পশুৱদ্যৱনৈৰেষ নীযমানঃ স্ৱকং ক্ষযম্ ।
অন্ৱদ্ৰৱন্ননুপথাঃ শোচন্তো ভৃশমাতুৰাঃ ॥ ২৩ ॥
অন্ৱদ্ৰৱন্ননুপথাঃ শোচন্তো ভৃশমাতুৰাঃ ॥ ২৩ ॥
পুৰীং ৱিহাযোপগত উপৰুদ্ধো ভুজঙ্গমঃ ।
যদা তমেৱানু পুৰী ৱিশীৰ্ণা প্ৰকৃতিং গতা ॥ ২৪ ॥
যদা তমেৱানু পুৰী ৱিশীৰ্ণা প্ৰকৃতিং গতা ॥ ২৪ ॥
ৱিকৃষ্যমাণঃ প্ৰসভং যৱনেন বলীযসা ।
নাৱিন্দত্তমসাৱিষ্টঃ সখাযং সুহৃদং পুৰঃ ॥ ২৫ ॥
নাৱিন্দত্তমসাৱিষ্টঃ সখাযং সুহৃদং পুৰঃ ॥ ২৫ ॥
তং যজ্ঞপশৱোঽনেন সংজ্ঞপ্তা যেঽদযালুনা ।
কুঠাৰৈশ্চিচ্ছিদুঃ ক্ৰুদ্ধাঃ স্মৰন্তোঽমীৱমস্য তত্ ॥ ২৬ ॥
কুঠাৰৈশ্চিচ্ছিদুঃ ক্ৰুদ্ধাঃ স্মৰন্তোঽমীৱমস্য তত্ ॥ ২৬ ॥
অনন্তপাৰে তমসি মগ্নো নষ্টস্মৃতিঃ সমাঃ ।
শাশ্ৱতীৰনুভূযাৰ্তিং প্ৰমদাসঙ্গদূষিতঃ ॥ ২৭ ॥
শাশ্ৱতীৰনুভূযাৰ্তিং প্ৰমদাসঙ্গদূষিতঃ ॥ ২৭ ॥
তামেৱ মনসা গৃহ্ণন্ বভূৱ প্ৰমদোত্তমা ।
অনন্তৰং ৱিদৰ্ভস্য ৰাজসিংহস্য ৱেশ্মনি ॥ ২৮ ॥
অনন্তৰং ৱিদৰ্ভস্য ৰাজসিংহস্য ৱেশ্মনি ॥ ২৮ ॥
উপযেমে ৱীৰ্যপণাং ৱৈদৰ্ভীং মলযধ্ৱজঃ ।
যুধি নিৰ্জিত্য ৰাজন্যান্ পাণ্ড্যঃ পৰপুৰঞ্জযঃ ॥ ২৯ ॥
যুধি নিৰ্জিত্য ৰাজন্যান্ পাণ্ড্যঃ পৰপুৰঞ্জযঃ ॥ ২৯ ॥
তস্যাং স জনযাং চক্ৰ আত্মজামসিতেক্ষণাম্ ।
যৱীযসঃ সপ্ত সুতান্ সপ্ত দ্ৰৱিডভূভৃতঃ ॥ ৩০ ॥
যৱীযসঃ সপ্ত সুতান্ সপ্ত দ্ৰৱিডভূভৃতঃ ॥ ৩০ ॥
একৈকস্যাভৱত্তেষাং ৰাজন্নৰ্বুদমৰ্বুদম্ ।
ভোক্ষ্যতে যদ্ৱংশধৰৈৰ্মহী মন্ৱন্তৰং পৰম্ ॥ ৩১ ॥
ভোক্ষ্যতে যদ্ৱংশধৰৈৰ্মহী মন্ৱন্তৰং পৰম্ ॥ ৩১ ॥
অগস্ত্যঃ প্ৰাগ্দুহিতৰমুপযেমে ধৃতৱ্ৰতাম্ ।
যস্যাং দৃঢচ্যুতো জাত ইধ্মৱাহাত্মজো মুনিঃ ॥ ৩২ ॥
যস্যাং দৃঢচ্যুতো জাত ইধ্মৱাহাত্মজো মুনিঃ ॥ ৩২ ॥
ৱিভজ্য তনযেভ্যঃ ক্ষ্মাং ৰাজৰ্ষিৰ্মলযধ্ৱজঃ ।
আৰিৰাধযিষুঃ কৃষ্ণং স জগাম কুলাচলম্ ॥ ৩৩ ॥
আৰিৰাধযিষুঃ কৃষ্ণং স জগাম কুলাচলম্ ॥ ৩৩ ॥
হিত্ৱা গৃহান্ সুতান্ ভোগান্ ৱৈদৰ্ভী মদিৰেক্ষণা ।
অন্ৱধাৱত পাণ্ড্যেশং জ্যোত্স্নেৱ ৰজনীকৰম্ ॥ ৩৪ ॥
অন্ৱধাৱত পাণ্ড্যেশং জ্যোত্স্নেৱ ৰজনীকৰম্ ॥ ৩৪ ॥
তত্ৰ চন্দ্ৰৱসা নাম তাম্ৰপৰ্ণী ৱটোদকা ।
তত্পুণ্যসলিলৈৰ্নিত্যমুভযত্ৰাত্মনো মৃজন্ ॥ ৩৫ ॥
তত্পুণ্যসলিলৈৰ্নিত্যমুভযত্ৰাত্মনো মৃজন্ ॥ ৩৫ ॥
কন্দাষ্টিভিৰ্মূলফলৈঃ পুষ্পপৰ্ণৈস্তৃণোদকৈঃ ।
ৱৰ্তমানঃ শনৈৰ্গাত্ৰকৰ্শনং তপ আস্থিতঃ ॥ ৩৬ ॥
ৱৰ্তমানঃ শনৈৰ্গাত্ৰকৰ্শনং তপ আস্থিতঃ ॥ ৩৬ ॥
শীতোষ্ণৱাতৱৰ্ষাণি ক্ষুত্পিপাসে প্ৰিযাপ্ৰিযে ।
সুখদুঃখে ইতি দ্ৱন্দ্ৱান্যজযত্সমদৰ্শনঃ ॥ ৩৭ ॥
সুখদুঃখে ইতি দ্ৱন্দ্ৱান্যজযত্সমদৰ্শনঃ ॥ ৩৭ ॥
তপসা ৱিদ্যযা পক্ৱকষাযো নিযমৈৰ্যমৈঃ ।
যুযুজে ব্ৰহ্মণ্যাত্মানং ৱিজিতাক্ষানিলাশযঃ ॥ ৩৮ ॥
যুযুজে ব্ৰহ্মণ্যাত্মানং ৱিজিতাক্ষানিলাশযঃ ॥ ৩৮ ॥
আস্তে স্থাণুৰিৱৈকত্ৰ দিৱ্যং ৱৰ্ষশতং স্থিৰঃ ।
ৱাসুদেৱে ভগৱতি নান্যদ্ৱেদোদ্ৱহন্ ৰতিম্ ॥ ৩৯ ॥
ৱাসুদেৱে ভগৱতি নান্যদ্ৱেদোদ্ৱহন্ ৰতিম্ ॥ ৩৯ ॥
স ৱ্যাপকতযাত্মানং ৱ্যতিৰিক্ততযাত্মনি ।
ৱিদ্ৱান্ স্ৱপ্ন ইৱামৰ্শসাক্ষিণং ৱিৰৰাম হ ॥ ৪০ ॥
ৱিদ্ৱান্ স্ৱপ্ন ইৱামৰ্শসাক্ষিণং ৱিৰৰাম হ ॥ ৪০ ॥
সাক্ষাদ্ভগৱতোক্তেন গুৰুণা হৰিণা নৃপ ।
ৱিশুদ্ধজ্ঞানদীপেন স্ফুৰতা ৱিশ্ৱতোমুখম্ ॥ ৪১ ॥
ৱিশুদ্ধজ্ঞানদীপেন স্ফুৰতা ৱিশ্ৱতোমুখম্ ॥ ৪১ ॥
পৰে ব্ৰহ্মণি চাত্মানং পৰং ব্ৰহ্ম তথাত্মনি ।
ৱীক্ষমাণো
ৱিহাযেক্ষামস্মাদুপৰৰাম হ ॥ ৪২ ॥
ৱীক্ষমাণো
ৱিহাযেক্ষামস্মাদুপৰৰাম হ ॥ ৪২ ॥
পতিং পৰমধৰ্মজ্ঞং ৱৈদৰ্ভী মলযধ্ৱজম্ ।
প্ৰেম্ণা পৰ্যচৰদ্ধিত্ৱা ভোগান্ সা
পতিদেৱতা ॥ ৪৩ ॥
প্ৰেম্ণা পৰ্যচৰদ্ধিত্ৱা ভোগান্ সা
পতিদেৱতা ॥ ৪৩ ॥
চীৰৱাসা ৱ্ৰতক্ষামা ৱেণীভূতশিৰোৰুহা ।
বভাৱুপ পতিং শান্তা শিখা শান্তমিৱানলম্ ॥ ৪৪ ॥
বভাৱুপ পতিং শান্তা শিখা শান্তমিৱানলম্ ॥ ৪৪ ॥
অজানতী প্ৰিযতমং যদোপৰতমঙ্গনা ।
সুস্থিৰাসনমাসাদ্য যথাপূৰ্ৱমুপাচৰত্ ॥ ৪৫ ॥
সুস্থিৰাসনমাসাদ্য যথাপূৰ্ৱমুপাচৰত্ ॥ ৪৫ ॥
যদা নোপলভেতাঙ্ঘ্ৰাৱূষ্মাণং পত্যুৰৰ্চতী ।
আসীত্সংৱিগ্নহৃদযা যূথভ্ৰষ্টা মৃগী যথা ॥ ৪৬ ॥
আসীত্সংৱিগ্নহৃদযা যূথভ্ৰষ্টা মৃগী যথা ॥ ৪৬ ॥
আত্মানং শোচতী দীনমবন্ধুং ৱিক্লৱাশ্ৰুভিঃ ।
স্তনাৱাসিচ্য ৱিপিনে সুস্ৱৰং প্ৰৰুৰোদ সা ॥ ৪৭ ॥
স্তনাৱাসিচ্য ৱিপিনে সুস্ৱৰং প্ৰৰুৰোদ সা ॥ ৪৭ ॥
উত্তিষ্ঠোত্তিষ্ঠ ৰাজৰ্ষে ইমামুদধিমেখলাম্ ।
দস্যুভ্যঃ ক্ষত্ৰবন্ধুভ্যো বিভ্যতীং পাতুমৰ্হসি ॥ ৪৮ ॥
দস্যুভ্যঃ ক্ষত্ৰবন্ধুভ্যো বিভ্যতীং পাতুমৰ্হসি ॥ ৪৮ ॥
এৱং ৱিলপন্তী বালা ৱিপিনেঽনুগতা পতিম্ ।
পতিতা পাদযোৰ্ভৰ্তূ ৰুদত্যশ্ৰূণ্যৱৰ্তযত্ ॥ ৪৯ ॥
পতিতা পাদযোৰ্ভৰ্তূ ৰুদত্যশ্ৰূণ্যৱৰ্তযত্ ॥ ৪৯ ॥
চিতিং দাৰুমযীং চিত্ৱা তস্যাং পত্যুঃ কলেৱৰম্ ।
আদীপ্য চানুমৰণে ৱিলপন্তী মনো দধে ॥ ৫০ ॥
আদীপ্য চানুমৰণে ৱিলপন্তী মনো দধে ॥ ৫০ ॥
তত্ৰ পূৰ্ৱতৰঃ কশ্চিত্সখা ব্ৰাহ্মণ আত্মৱান্ ।
সান্ত্ৱযন্ ৱল্গুনা সাম্না তামাহ ৰুদতীং প্ৰভো ॥ ৫১ ॥
সান্ত্ৱযন্ ৱল্গুনা সাম্না তামাহ ৰুদতীং প্ৰভো ॥ ৫১ ॥
ব্ৰাহ্মণ উৱাচ
কা ত্ৱং কস্যাসি কো ৱাযং শযানো যস্য শোচসি ।
জানাসি কিং সখাযং মাং যেনাগ্ৰে ৱিচচৰ্থ হ ॥ ৫২ ॥
কা ত্ৱং কস্যাসি কো ৱাযং শযানো যস্য শোচসি ।
জানাসি কিং সখাযং মাং যেনাগ্ৰে ৱিচচৰ্থ হ ॥ ৫২ ॥
অপি স্মৰসি চাত্মানমৱিজ্ঞাতসখং সখে ।
হিত্ৱা মাং পদমন্ৱিচ্ছন্ ভৌমভোগৰতো গতঃ ॥ ৫৩ ॥
হিত্ৱা মাং পদমন্ৱিচ্ছন্ ভৌমভোগৰতো গতঃ ॥ ৫৩ ॥
হংসাৱহং চ ত্ৱং চাৰ্য সখাযৌ মানসাযনৌ ।
অভূতামন্তৰা ৱৌকঃ সহস্ৰপৰিৱত্সৰান্ ॥ ৫৪ ॥
অভূতামন্তৰা ৱৌকঃ সহস্ৰপৰিৱত্সৰান্ ॥ ৫৪ ॥
স ত্ৱং ৱিহায মাং বন্ধো গতো গ্ৰাম্যমতিৰ্মহীম্ ।
ৱিচৰন্ পদমদ্ৰাক্ষীঃ কযাচিন্নিৰ্মিতং স্ত্ৰিযা ॥ ৫৫ ॥
ৱিচৰন্ পদমদ্ৰাক্ষীঃ কযাচিন্নিৰ্মিতং স্ত্ৰিযা ॥ ৫৫ ॥
পঞ্চাৰামং নৱদ্ৱাৰমেকপালং ত্ৰিকোষ্ঠকম্ ।
ষট্কুলং পঞ্চৱিপণং পঞ্চপ্ৰকৃতি স্ত্ৰীধৱম্ ॥ ৫৬ ॥
ষট্কুলং পঞ্চৱিপণং পঞ্চপ্ৰকৃতি স্ত্ৰীধৱম্ ॥ ৫৬ ॥
পঞ্চেন্দ্ৰিযাৰ্থা আৰামা দ্ৱাৰঃ প্ৰাণা নৱ প্ৰভো ।
তেজোঽবন্নানি কোষ্ঠানি কুলমিন্দ্ৰিযসঙ্গ্ৰহঃ ॥ ৫৭ ॥
তেজোঽবন্নানি কোষ্ঠানি কুলমিন্দ্ৰিযসঙ্গ্ৰহঃ ॥ ৫৭ ॥
ৱিপণস্তু ক্ৰিযাশক্তিৰ্ভূতপ্ৰকৃতিৰৱ্যযা ।
শক্ত্যধীশঃ পুমাংস্ত্ৱত্ৰ প্ৰৱিষ্টো নাৱবুধ্যতে ॥ ৫৮ ॥
শক্ত্যধীশঃ পুমাংস্ত্ৱত্ৰ প্ৰৱিষ্টো নাৱবুধ্যতে ॥ ৫৮ ॥
তস্মিংস্ত্ৱং ৰামযা স্পৃষ্টো ৰমমাণোঽশ্ৰুতস্মৃতিঃ ।
তত্সঙ্গাদীদৃশীং প্ৰাপ্তো দশাং পাপীযসীং প্ৰভো ॥ ৫৯ ॥
তত্সঙ্গাদীদৃশীং প্ৰাপ্তো দশাং পাপীযসীং প্ৰভো ॥ ৫৯ ॥
ন ত্ৱং ৱিদৰ্ভদুহিতা নাযং ৱীৰঃ সুহৃত্তৱ ।
ন পতিস্ত্ৱং পুৰঞ্জন্যা ৰুদ্ধো নৱমুখে যযা ॥ ৬০ ॥
ন পতিস্ত্ৱং পুৰঞ্জন্যা ৰুদ্ধো নৱমুখে যযা ॥ ৬০ ॥
মাযা হ্যেষা মযা সৃষ্টা যত্পুমাংসং স্ত্ৰিযং সতীম্ ।
মন্যসে নোভযং যদ্ৱৈ হংসৌ পশ্যাৱযোৰ্গতিম্ ॥ ৬১ ॥
মন্যসে নোভযং যদ্ৱৈ হংসৌ পশ্যাৱযোৰ্গতিম্ ॥ ৬১ ॥
অহং ভৱান্ন চান্যস্ত্ৱং ত্ৱমেৱাহং ৱিচক্ষ্ৱ ভোঃ ।
ন নৌ পশ্যন্তি কৱযশ্ছিদ্ৰং জাতু মনাগপি ॥ ৬২ ॥
ন নৌ পশ্যন্তি কৱযশ্ছিদ্ৰং জাতু মনাগপি ॥ ৬২ ॥
যথা পুৰুষ আত্মানমেকমাদৰ্শচক্ষুষোঃ ।
দ্ৱিধাভূতমৱেক্ষেত তথৈৱান্তৰমাৱযোঃ ॥ ৬৩ ॥
দ্ৱিধাভূতমৱেক্ষেত তথৈৱান্তৰমাৱযোঃ ॥ ৬৩ ॥
এৱং স মানসো হংসো হংসেন প্ৰতিবোধিতঃ ।
স্ৱস্থস্তদ্ৱযভিচাৰেণ নষ্টামাপ পুনঃ স্মৃতিম্ ॥ ৬৪ ॥
স্ৱস্থস্তদ্ৱযভিচাৰেণ নষ্টামাপ পুনঃ স্মৃতিম্ ॥ ৬৪ ॥
বৰ্হিষ্মন্নেতদধ্যাত্মং পাৰোক্ষ্যেণ প্ৰদৰ্শিতম্ ।
যত্পৰোক্ষপ্ৰিযো দেৱো ভগৱান্ ৱিশ্ৱভাৱনঃ ॥ ৬৫ ॥
যত্পৰোক্ষপ্ৰিযো দেৱো ভগৱান্ ৱিশ্ৱভাৱনঃ ॥ ৬৫ ॥