নারদ উবাচ
সৈনিকা ভযনাম্নো যে বর্হিষ্মন্ দিষ্টকারিণঃ ।
প্রজ্বারকালকন্যাভ্যাং
বিচেরুরবনীমিমাম্ ॥ ১ ॥
সৈনিকা ভযনাম্নো যে বর্হিষ্মন্ দিষ্টকারিণঃ ।
প্রজ্বারকালকন্যাভ্যাং
বিচেরুরবনীমিমাম্ ॥ ১ ॥
ত একদা তু রভসা পুরঞ্জনপুরীং নৃপ ।
রুরুধুর্ভৌমভোগাঢ্যাং
জরত্পন্নগপালিতাম্ ॥ ২ ॥
রুরুধুর্ভৌমভোগাঢ্যাং
জরত্পন্নগপালিতাম্ ॥ ২ ॥
কালকন্যাপি বুভুজে পুরঞ্জনপুরং বলাত্ ।
যযাভিভূতঃ পুরুষঃ সদ্যো নিঃসারতামিযাত্ ॥ ৩ ॥
যযাভিভূতঃ পুরুষঃ সদ্যো নিঃসারতামিযাত্ ॥ ৩ ॥
তযোপভুজ্যমানাং বৈ যবনাঃ সর্বতোদিশম্ ।
দ্বার্ভিঃ প্রবিশ্য সুভৃশং প্রার্দযন্ সকলাং পুরীম্ ॥ ৪ ॥
দ্বার্ভিঃ প্রবিশ্য সুভৃশং প্রার্দযন্ সকলাং পুরীম্ ॥ ৪ ॥
তস্যাং প্রপীড্যমানাযামভিমানী পুরঞ্জনঃ ।
অবাপোরুবিধাংস্তাপান্ কুটুম্বী মমতাকুলঃ ॥ ৫ ॥
অবাপোরুবিধাংস্তাপান্ কুটুম্বী মমতাকুলঃ ॥ ৫ ॥
কন্যোপগূঢো নষ্টশ্রীঃ কৃপণো বিষযাত্মকঃ ।
নষ্টপ্রজ্ঞো হৃতৈশ্বর্যো গন্ধর্বযবনৈর্বলাত্ ॥ ৬ ॥
নষ্টপ্রজ্ঞো হৃতৈশ্বর্যো গন্ধর্বযবনৈর্বলাত্ ॥ ৬ ॥
বিশীর্ণাং স্বপুরীং বীক্ষ্য প্রতিকূলাননাদৃতান্ ।
পুত্রান্ পৌত্রানুগামাত্যাঞ্জাযাং চ গতসৌহৃদাম্ ॥ ৭ ॥
পুত্রান্ পৌত্রানুগামাত্যাঞ্জাযাং চ গতসৌহৃদাম্ ॥ ৭ ॥
আত্মানং কন্যযা গ্রস্তং পঞ্চালানরিদূষিতান্ ।
দুরন্তচিন্তামাপন্নো ন লেভে তত্প্রতিক্রিযাম্ ॥ ৮ ॥
দুরন্তচিন্তামাপন্নো ন লেভে তত্প্রতিক্রিযাম্ ॥ ৮ ॥
কামানভিলষন্দীনো যাতযামাংশ্চ কন্যযা ।
বিগতাত্মগতিস্নেহঃ পুত্রদারাংশ্চ লালযন্ ॥ ৯ ॥
বিগতাত্মগতিস্নেহঃ পুত্রদারাংশ্চ লালযন্ ॥ ৯ ॥
গন্ধর্বযবনাক্রান্তাং কালকন্যোপমর্দিতাম্ ।
হাতুং প্রচক্রমে রাজা তাং পুরীমনিকামতঃ ॥ ১০ ॥
হাতুং প্রচক্রমে রাজা তাং পুরীমনিকামতঃ ॥ ১০ ॥
ভযনাম্নোঽগ্রজো ভ্রাতা প্রজ্বারঃ প্রত্যুপস্থিতঃ ।
দদাহ তাং পুরীং কৃত্স্নাং ভ্রাতুঃ প্রিযচিকীর্ষযা ॥ ১১ ॥
দদাহ তাং পুরীং কৃত্স্নাং ভ্রাতুঃ প্রিযচিকীর্ষযা ॥ ১১ ॥
তস্যাং সন্দহ্যমানাযাং সপৌরঃ সপরিচ্ছদঃ ।
কৌটুম্বিকঃ কুটুম্বিন্যা উপাতপ্যত সান্বযঃ ॥ ১২ ॥
কৌটুম্বিকঃ কুটুম্বিন্যা উপাতপ্যত সান্বযঃ ॥ ১২ ॥
যবনোপরুদ্ধাযতনো গ্রস্তাযাং কালকন্যযা ।
পুর্যাং প্রজ্বারসংসৃষ্টঃ
পুরপালোঽন্বতপ্যত ॥ ১৩ ॥
পুর্যাং প্রজ্বারসংসৃষ্টঃ
পুরপালোঽন্বতপ্যত ॥ ১৩ ॥
ন শেকে সোঽবিতুং তত্র পুরুকৃচ্ছ্রোরুবেপথুঃ ।
গন্তুমৈচ্ছত্ততো বৃক্ষকোটরাদিব সানলাত্ ॥ ১৪ ॥
গন্তুমৈচ্ছত্ততো বৃক্ষকোটরাদিব সানলাত্ ॥ ১৪ ॥
শিথিলাবযবো যর্হি গন্ধর্বৈর্হৃতপৌরুষঃ ।
যবনৈররিভী রাজন্নুপরুদ্ধো রুরোদ হ ॥ ১৫ ॥
যবনৈররিভী রাজন্নুপরুদ্ধো রুরোদ হ ॥ ১৫ ॥
দুহিতৃঃ পুত্রপৌত্রাংশ্চ জামিজামাতৃপার্ষদান্ ।
স্বত্বাবশিষ্টং যত্কিঞ্চিদ্ গৃহকোশপরিচ্ছদম্ ॥ ১৬ ॥
স্বত্বাবশিষ্টং যত্কিঞ্চিদ্ গৃহকোশপরিচ্ছদম্ ॥ ১৬ ॥
অহং মমেতি স্বীকৃত্য গৃহেষু কুমতির্গৃহী ।
দধ্যৌ প্রমদযা দীনো বিপ্রযোগ উপস্থিতে ॥ ১৭ ॥
দধ্যৌ প্রমদযা দীনো বিপ্রযোগ উপস্থিতে ॥ ১৭ ॥
লোকান্তরং গতবতি ময্যনাথা কুটুম্বিনী ।
বর্তিষ্যতে কথং ত্বেষা বালকাননুশোচতী ॥ ১৮ ॥
বর্তিষ্যতে কথং ত্বেষা বালকাননুশোচতী ॥ ১৮ ॥
ন ময্যনাশিতে ভুঙ্ক্তে নাস্নাতে স্নাতি মত্পরা ।
মযি রুষ্টে সুসন্ত্রস্তা ভর্ত্সিতে যতবাগ্ভযাত্ ॥ ১৯ ॥
মযি রুষ্টে সুসন্ত্রস্তা ভর্ত্সিতে যতবাগ্ভযাত্ ॥ ১৯ ॥
প্রবোধযতি মাবিজ্ঞং ব্যুষিতে শোককর্শিতা ।
বর্ত্মৈতদ্ গৃহমেধীযং বীরসূরপি নেষ্যতি ॥ ২০ ॥
বর্ত্মৈতদ্ গৃহমেধীযং বীরসূরপি নেষ্যতি ॥ ২০ ॥
কথং নু দারকা দীনা দারকীর্বাপরাযণাঃ ।
বর্তিষ্যন্তে মযি গতে ভিন্ননাব ইবোদধৌ ॥ ২১ ॥
বর্তিষ্যন্তে মযি গতে ভিন্ননাব ইবোদধৌ ॥ ২১ ॥
এবং কৃপণযা বুদ্ধ্যা শোচন্তমতদর্হণম্ ।
গ্রহীতুং কৃতধীরেনং ভযনামাভ্যপদ্যত ॥ ২২ ॥
গ্রহীতুং কৃতধীরেনং ভযনামাভ্যপদ্যত ॥ ২২ ॥
পশুবদ্যবনৈরেষ নীযমানঃ স্বকং ক্ষযম্ ।
অন্বদ্রবন্ননুপথাঃ শোচন্তো ভৃশমাতুরাঃ ॥ ২৩ ॥
অন্বদ্রবন্ননুপথাঃ শোচন্তো ভৃশমাতুরাঃ ॥ ২৩ ॥
পুরীং বিহাযোপগত উপরুদ্ধো ভুজঙ্গমঃ ।
যদা তমেবানু পুরী বিশীর্ণা প্রকৃতিং গতা ॥ ২৪ ॥
যদা তমেবানু পুরী বিশীর্ণা প্রকৃতিং গতা ॥ ২৪ ॥
বিকৃষ্যমাণঃ প্রসভং যবনেন বলীযসা ।
নাবিন্দত্তমসাবিষ্টঃ সখাযং সুহৃদং পুরঃ ॥ ২৫ ॥
নাবিন্দত্তমসাবিষ্টঃ সখাযং সুহৃদং পুরঃ ॥ ২৫ ॥
তং যজ্ঞপশবোঽনেন সংজ্ঞপ্তা যেঽদযালুনা ।
কুঠারৈশ্চিচ্ছিদুঃ ক্রুদ্ধাঃ স্মরন্তোঽমীবমস্য তত্ ॥ ২৬ ॥
কুঠারৈশ্চিচ্ছিদুঃ ক্রুদ্ধাঃ স্মরন্তোঽমীবমস্য তত্ ॥ ২৬ ॥
অনন্তপারে তমসি মগ্নো নষ্টস্মৃতিঃ সমাঃ ।
শাশ্বতীরনুভূযার্তিং প্রমদাসঙ্গদূষিতঃ ॥ ২৭ ॥
শাশ্বতীরনুভূযার্তিং প্রমদাসঙ্গদূষিতঃ ॥ ২৭ ॥
তামেব মনসা গৃহ্ণন্ বভূব প্রমদোত্তমা ।
অনন্তরং বিদর্ভস্য রাজসিংহস্য বেশ্মনি ॥ ২৮ ॥
অনন্তরং বিদর্ভস্য রাজসিংহস্য বেশ্মনি ॥ ২৮ ॥
উপযেমে বীর্যপণাং বৈদর্ভীং মলযধ্বজঃ ।
যুধি নির্জিত্য রাজন্যান্ পাণ্ড্যঃ পরপুরঞ্জযঃ ॥ ২৯ ॥
যুধি নির্জিত্য রাজন্যান্ পাণ্ড্যঃ পরপুরঞ্জযঃ ॥ ২৯ ॥
তস্যাং স জনযাং চক্র আত্মজামসিতেক্ষণাম্ ।
যবীযসঃ সপ্ত সুতান্ সপ্ত দ্রবিডভূভৃতঃ ॥ ৩০ ॥
যবীযসঃ সপ্ত সুতান্ সপ্ত দ্রবিডভূভৃতঃ ॥ ৩০ ॥
একৈকস্যাভবত্তেষাং রাজন্নর্বুদমর্বুদম্ ।
ভোক্ষ্যতে যদ্বংশধরৈর্মহী মন্বন্তরং পরম্ ॥ ৩১ ॥
ভোক্ষ্যতে যদ্বংশধরৈর্মহী মন্বন্তরং পরম্ ॥ ৩১ ॥
অগস্ত্যঃ প্রাগ্দুহিতরমুপযেমে ধৃতব্রতাম্ ।
যস্যাং দৃঢচ্যুতো জাত ইধ্মবাহাত্মজো মুনিঃ ॥ ৩২ ॥
যস্যাং দৃঢচ্যুতো জাত ইধ্মবাহাত্মজো মুনিঃ ॥ ৩২ ॥
বিভজ্য তনযেভ্যঃ ক্ষ্মাং রাজর্ষির্মলযধ্বজঃ ।
আরিরাধযিষুঃ কৃষ্ণং স জগাম কুলাচলম্ ॥ ৩৩ ॥
আরিরাধযিষুঃ কৃষ্ণং স জগাম কুলাচলম্ ॥ ৩৩ ॥
হিত্বা গৃহান্ সুতান্ ভোগান্ বৈদর্ভী মদিরেক্ষণা ।
অন্বধাবত পাণ্ড্যেশং জ্যোত্স্নেব রজনীকরম্ ॥ ৩৪ ॥
অন্বধাবত পাণ্ড্যেশং জ্যোত্স্নেব রজনীকরম্ ॥ ৩৪ ॥
তত্র চন্দ্রবসা নাম তাম্রপর্ণী বটোদকা ।
তত্পুণ্যসলিলৈর্নিত্যমুভযত্রাত্মনো মৃজন্ ॥ ৩৫ ॥
তত্পুণ্যসলিলৈর্নিত্যমুভযত্রাত্মনো মৃজন্ ॥ ৩৫ ॥
কন্দাষ্টিভির্মূলফলৈঃ পুষ্পপর্ণৈস্তৃণোদকৈঃ ।
বর্তমানঃ শনৈর্গাত্রকর্শনং তপ আস্থিতঃ ॥ ৩৬ ॥
বর্তমানঃ শনৈর্গাত্রকর্শনং তপ আস্থিতঃ ॥ ৩৬ ॥
শীতোষ্ণবাতবর্ষাণি ক্ষুত্পিপাসে প্রিযাপ্রিযে ।
সুখদুঃখে ইতি দ্বন্দ্বান্যজযত্সমদর্শনঃ ॥ ৩৭ ॥
সুখদুঃখে ইতি দ্বন্দ্বান্যজযত্সমদর্শনঃ ॥ ৩৭ ॥
তপসা বিদ্যযা পক্বকষাযো নিযমৈর্যমৈঃ ।
যুযুজে ব্রহ্মণ্যাত্মানং বিজিতাক্ষানিলাশযঃ ॥ ৩৮ ॥
যুযুজে ব্রহ্মণ্যাত্মানং বিজিতাক্ষানিলাশযঃ ॥ ৩৮ ॥
আস্তে স্থাণুরিবৈকত্র দিব্যং বর্ষশতং স্থিরঃ ।
বাসুদেবে ভগবতি নান্যদ্বেদোদ্বহন্ রতিম্ ॥ ৩৯ ॥
বাসুদেবে ভগবতি নান্যদ্বেদোদ্বহন্ রতিম্ ॥ ৩৯ ॥
স ব্যাপকতযাত্মানং ব্যতিরিক্ততযাত্মনি ।
বিদ্বান্ স্বপ্ন ইবামর্শসাক্ষিণং বিররাম হ ॥ ৪০ ॥
বিদ্বান্ স্বপ্ন ইবামর্শসাক্ষিণং বিররাম হ ॥ ৪০ ॥
সাক্ষাদ্ভগবতোক্তেন গুরুণা হরিণা নৃপ ।
বিশুদ্ধজ্ঞানদীপেন স্ফুরতা বিশ্বতোমুখম্ ॥ ৪১ ॥
বিশুদ্ধজ্ঞানদীপেন স্ফুরতা বিশ্বতোমুখম্ ॥ ৪১ ॥
পরে ব্রহ্মণি চাত্মানং পরং ব্রহ্ম তথাত্মনি ।
বীক্ষমাণো
বিহাযেক্ষামস্মাদুপররাম হ ॥ ৪২ ॥
বীক্ষমাণো
বিহাযেক্ষামস্মাদুপররাম হ ॥ ৪২ ॥
পতিং পরমধর্মজ্ঞং বৈদর্ভী মলযধ্বজম্ ।
প্রেম্ণা পর্যচরদ্ধিত্বা ভোগান্ সা
পতিদেবতা ॥ ৪৩ ॥
প্রেম্ণা পর্যচরদ্ধিত্বা ভোগান্ সা
পতিদেবতা ॥ ৪৩ ॥
চীরবাসা ব্রতক্ষামা বেণীভূতশিরোরুহা ।
বভাবুপ পতিং শান্তা শিখা শান্তমিবানলম্ ॥ ৪৪ ॥
বভাবুপ পতিং শান্তা শিখা শান্তমিবানলম্ ॥ ৪৪ ॥
অজানতী প্রিযতমং যদোপরতমঙ্গনা ।
সুস্থিরাসনমাসাদ্য যথাপূর্বমুপাচরত্ ॥ ৪৫ ॥
সুস্থিরাসনমাসাদ্য যথাপূর্বমুপাচরত্ ॥ ৪৫ ॥
যদা নোপলভেতাঙ্ঘ্রাবূষ্মাণং পত্যুরর্চতী ।
আসীত্সংবিগ্নহৃদযা যূথভ্রষ্টা মৃগী যথা ॥ ৪৬ ॥
আসীত্সংবিগ্নহৃদযা যূথভ্রষ্টা মৃগী যথা ॥ ৪৬ ॥
আত্মানং শোচতী দীনমবন্ধুং বিক্লবাশ্রুভিঃ ।
স্তনাবাসিচ্য বিপিনে সুস্বরং প্ররুরোদ সা ॥ ৪৭ ॥
স্তনাবাসিচ্য বিপিনে সুস্বরং প্ররুরোদ সা ॥ ৪৭ ॥
উত্তিষ্ঠোত্তিষ্ঠ রাজর্ষে ইমামুদধিমেখলাম্ ।
দস্যুভ্যঃ ক্ষত্রবন্ধুভ্যো বিভ্যতীং পাতুমর্হসি ॥ ৪৮ ॥
দস্যুভ্যঃ ক্ষত্রবন্ধুভ্যো বিভ্যতীং পাতুমর্হসি ॥ ৪৮ ॥
এবং বিলপন্তী বালা বিপিনেঽনুগতা পতিম্ ।
পতিতা পাদযোর্ভর্তূ রুদত্যশ্রূণ্যবর্তযত্ ॥ ৪৯ ॥
পতিতা পাদযোর্ভর্তূ রুদত্যশ্রূণ্যবর্তযত্ ॥ ৪৯ ॥
চিতিং দারুমযীং চিত্বা তস্যাং পত্যুঃ কলেবরম্ ।
আদীপ্য চানুমরণে বিলপন্তী মনো দধে ॥ ৫০ ॥
আদীপ্য চানুমরণে বিলপন্তী মনো দধে ॥ ৫০ ॥
তত্র পূর্বতরঃ কশ্চিত্সখা ব্রাহ্মণ আত্মবান্ ।
সান্ত্বযন্ বল্গুনা সাম্না তামাহ রুদতীং প্রভো ॥ ৫১ ॥
সান্ত্বযন্ বল্গুনা সাম্না তামাহ রুদতীং প্রভো ॥ ৫১ ॥
ব্রাহ্মণ উবাচ
কা ত্বং কস্যাসি কো বাযং শযানো যস্য শোচসি ।
জানাসি কিং সখাযং মাং যেনাগ্রে বিচচর্থ হ ॥ ৫২ ॥
কা ত্বং কস্যাসি কো বাযং শযানো যস্য শোচসি ।
জানাসি কিং সখাযং মাং যেনাগ্রে বিচচর্থ হ ॥ ৫২ ॥
অপি স্মরসি চাত্মানমবিজ্ঞাতসখং সখে ।
হিত্বা মাং পদমন্বিচ্ছন্ ভৌমভোগরতো গতঃ ॥ ৫৩ ॥
হিত্বা মাং পদমন্বিচ্ছন্ ভৌমভোগরতো গতঃ ॥ ৫৩ ॥
হংসাবহং চ ত্বং চার্য সখাযৌ মানসাযনৌ ।
অভূতামন্তরা বৌকঃ সহস্রপরিবত্সরান্ ॥ ৫৪ ॥
অভূতামন্তরা বৌকঃ সহস্রপরিবত্সরান্ ॥ ৫৪ ॥
স ত্বং বিহায মাং বন্ধো গতো গ্রাম্যমতির্মহীম্ ।
বিচরন্ পদমদ্রাক্ষীঃ কযাচিন্নির্মিতং স্ত্রিযা ॥ ৫৫ ॥
বিচরন্ পদমদ্রাক্ষীঃ কযাচিন্নির্মিতং স্ত্রিযা ॥ ৫৫ ॥
পঞ্চারামং নবদ্বারমেকপালং ত্রিকোষ্ঠকম্ ।
ষট্কুলং পঞ্চবিপণং পঞ্চপ্রকৃতি স্ত্রীধবম্ ॥ ৫৬ ॥
ষট্কুলং পঞ্চবিপণং পঞ্চপ্রকৃতি স্ত্রীধবম্ ॥ ৫৬ ॥
পঞ্চেন্দ্রিযার্থা আরামা দ্বারঃ প্রাণা নব প্রভো ।
তেজোঽবন্নানি কোষ্ঠানি কুলমিন্দ্রিযসঙ্গ্রহঃ ॥ ৫৭ ॥
তেজোঽবন্নানি কোষ্ঠানি কুলমিন্দ্রিযসঙ্গ্রহঃ ॥ ৫৭ ॥
বিপণস্তু ক্রিযাশক্তির্ভূতপ্রকৃতিরব্যযা ।
শক্ত্যধীশঃ পুমাংস্ত্বত্র প্রবিষ্টো নাববুধ্যতে ॥ ৫৮ ॥
শক্ত্যধীশঃ পুমাংস্ত্বত্র প্রবিষ্টো নাববুধ্যতে ॥ ৫৮ ॥
তস্মিংস্ত্বং রামযা স্পৃষ্টো রমমাণোঽশ্রুতস্মৃতিঃ ।
তত্সঙ্গাদীদৃশীং প্রাপ্তো দশাং পাপীযসীং প্রভো ॥ ৫৯ ॥
তত্সঙ্গাদীদৃশীং প্রাপ্তো দশাং পাপীযসীং প্রভো ॥ ৫৯ ॥
ন ত্বং বিদর্ভদুহিতা নাযং বীরঃ সুহৃত্তব ।
ন পতিস্ত্বং পুরঞ্জন্যা রুদ্ধো নবমুখে যযা ॥ ৬০ ॥
ন পতিস্ত্বং পুরঞ্জন্যা রুদ্ধো নবমুখে যযা ॥ ৬০ ॥
মাযা হ্যেষা মযা সৃষ্টা যত্পুমাংসং স্ত্রিযং সতীম্ ।
মন্যসে নোভযং যদ্বৈ হংসৌ পশ্যাবযোর্গতিম্ ॥ ৬১ ॥
মন্যসে নোভযং যদ্বৈ হংসৌ পশ্যাবযোর্গতিম্ ॥ ৬১ ॥
অহং ভবান্ন চান্যস্ত্বং ত্বমেবাহং বিচক্ষ্ব ভোঃ ।
ন নৌ পশ্যন্তি কবযশ্ছিদ্রং জাতু মনাগপি ॥ ৬২ ॥
ন নৌ পশ্যন্তি কবযশ্ছিদ্রং জাতু মনাগপি ॥ ৬২ ॥
যথা পুরুষ আত্মানমেকমাদর্শচক্ষুষোঃ ।
দ্বিধাভূতমবেক্ষেত তথৈবান্তরমাবযোঃ ॥ ৬৩ ॥
দ্বিধাভূতমবেক্ষেত তথৈবান্তরমাবযোঃ ॥ ৬৩ ॥
এবং স মানসো হংসো হংসেন প্রতিবোধিতঃ ।
স্বস্থস্তদ্বযভিচারেণ নষ্টামাপ পুনঃ স্মৃতিম্ ॥ ৬৪ ॥
স্বস্থস্তদ্বযভিচারেণ নষ্টামাপ পুনঃ স্মৃতিম্ ॥ ৬৪ ॥
বর্হিষ্মন্নেতদধ্যাত্মং পারোক্ষ্যেণ প্রদর্শিতম্ ।
যত্পরোক্ষপ্রিযো দেবো ভগবান্ বিশ্বভাবনঃ ॥ ৬৫ ॥
যত্পরোক্ষপ্রিযো দেবো ভগবান্ বিশ্বভাবনঃ ॥ ৬৫ ॥