ନାରଦ ଉଵାଚ
ସୈନିକା ଭଯନାମ୍ନୋ ଯେ ବର୍ହିଷ୍ମନ୍ ଦିଷ୍ଟକାରିଣଃ ।
ପ୍ରଜ୍ଵାରକାଲକନ୍ଯାଭ୍ଯାଂ
ଵିଚେରୁରଵନୀମିମାମ୍ ॥ ୧ ॥
ସୈନିକା ଭଯନାମ୍ନୋ ଯେ ବର୍ହିଷ୍ମନ୍ ଦିଷ୍ଟକାରିଣଃ ।
ପ୍ରଜ୍ଵାରକାଲକନ୍ଯାଭ୍ଯାଂ
ଵିଚେରୁରଵନୀମିମାମ୍ ॥ ୧ ॥
ତ ଏକଦା ତୁ ରଭସା ପୁରଞ୍ଜନପୁରୀଂ ନୃପ ।
ରୁରୁଧୁର୍ଭୌମଭୋଗାଢ୍ଯାଂ
ଜରତ୍ପନ୍ନଗପାଲିତାମ୍ ॥ ୨ ॥
ରୁରୁଧୁର୍ଭୌମଭୋଗାଢ୍ଯାଂ
ଜରତ୍ପନ୍ନଗପାଲିତାମ୍ ॥ ୨ ॥
କାଲକନ୍ଯାପି ବୁଭୁଜେ ପୁରଞ୍ଜନପୁରଂ ବଲାତ୍ ।
ଯଯାଭିଭୂତଃ ପୁରୁଷଃ ସଦ୍ଯୋ ନିଃସାରତାମିଯାତ୍ ॥ ୩ ॥
ଯଯାଭିଭୂତଃ ପୁରୁଷଃ ସଦ୍ଯୋ ନିଃସାରତାମିଯାତ୍ ॥ ୩ ॥
ତଯୋପଭୁଜ୍ଯମାନାଂ ଵୈ ଯଵନାଃ ସର୍ଵତୋଦିଶମ୍ ।
ଦ୍ଵାର୍ଭିଃ ପ୍ରଵିଶ୍ଯ ସୁଭୃଶଂ ପ୍ରାର୍ଦଯନ୍ ସକଲାଂ ପୁରୀମ୍ ॥ ୪ ॥
ଦ୍ଵାର୍ଭିଃ ପ୍ରଵିଶ୍ଯ ସୁଭୃଶଂ ପ୍ରାର୍ଦଯନ୍ ସକଲାଂ ପୁରୀମ୍ ॥ ୪ ॥
ତସ୍ଯାଂ ପ୍ରପୀଡ୍ଯମାନାଯାମଭିମାନୀ ପୁରଞ୍ଜନଃ ।
ଅଵାପୋରୁଵିଧାଂସ୍ତାପାନ୍ କୁଟୁମ୍ବୀ ମମତାକୁଲଃ ॥ ୫ ॥
ଅଵାପୋରୁଵିଧାଂସ୍ତାପାନ୍ କୁଟୁମ୍ବୀ ମମତାକୁଲଃ ॥ ୫ ॥
କନ୍ଯୋପଗୂଢୋ ନଷ୍ଟଶ୍ରୀଃ କୃପଣୋ ଵିଷଯାତ୍ମକଃ ।
ନଷ୍ଟପ୍ରଜ୍ଞୋ ହୃତୈଶ୍ଵର୍ଯୋ ଗନ୍ଧର୍ଵଯଵନୈର୍ବଲାତ୍ ॥ ୬ ॥
ନଷ୍ଟପ୍ରଜ୍ଞୋ ହୃତୈଶ୍ଵର୍ଯୋ ଗନ୍ଧର୍ଵଯଵନୈର୍ବଲାତ୍ ॥ ୬ ॥
ଵିଶୀର୍ଣାଂ ସ୍ଵପୁରୀଂ ଵୀକ୍ଷ୍ଯ ପ୍ରତିକୂଲାନନାଦୃତାନ୍ ।
ପୁତ୍ରାନ୍ ପୌତ୍ରାନୁଗାମାତ୍ଯାଞ୍ଜାଯାଂ ଚ ଗତସୌହୃଦାମ୍ ॥ ୭ ॥
ପୁତ୍ରାନ୍ ପୌତ୍ରାନୁଗାମାତ୍ଯାଞ୍ଜାଯାଂ ଚ ଗତସୌହୃଦାମ୍ ॥ ୭ ॥
ଆତ୍ମାନଂ କନ୍ଯଯା ଗ୍ରସ୍ତଂ ପଞ୍ଚାଲାନରିଦୂଷିତାନ୍ ।
ଦୁରନ୍ତଚିନ୍ତାମାପନ୍ନୋ ନ ଲେଭେ ତତ୍ପ୍ରତିକ୍ରିଯାମ୍ ॥ ୮ ॥
ଦୁରନ୍ତଚିନ୍ତାମାପନ୍ନୋ ନ ଲେଭେ ତତ୍ପ୍ରତିକ୍ରିଯାମ୍ ॥ ୮ ॥
କାମାନଭିଲଷନ୍ଦୀନୋ ଯାତଯାମାଂଶ୍ଚ କନ୍ଯଯା ।
ଵିଗତାତ୍ମଗତିସ୍ନେହଃ ପୁତ୍ରଦାରାଂଶ୍ଚ ଲାଲଯନ୍ ॥ ୯ ॥
ଵିଗତାତ୍ମଗତିସ୍ନେହଃ ପୁତ୍ରଦାରାଂଶ୍ଚ ଲାଲଯନ୍ ॥ ୯ ॥
ଗନ୍ଧର୍ଵଯଵନାକ୍ରାନ୍ତାଂ କାଲକନ୍ଯୋପମର୍ଦିତାମ୍ ।
ହାତୁଂ ପ୍ରଚକ୍ରମେ ରାଜା ତାଂ ପୁରୀମନିକାମତଃ ॥ ୧୦ ॥
ହାତୁଂ ପ୍ରଚକ୍ରମେ ରାଜା ତାଂ ପୁରୀମନିକାମତଃ ॥ ୧୦ ॥
ଭଯନାମ୍ନୋଽଗ୍ରଜୋ ଭ୍ରାତା ପ୍ରଜ୍ଵାରଃ ପ୍ରତ୍ଯୁପସ୍ଥିତଃ ।
ଦଦାହ ତାଂ ପୁରୀଂ କୃତ୍ସ୍ନାଂ ଭ୍ରାତୁଃ ପ୍ରିଯଚିକୀର୍ଷଯା ॥ ୧୧ ॥
ଦଦାହ ତାଂ ପୁରୀଂ କୃତ୍ସ୍ନାଂ ଭ୍ରାତୁଃ ପ୍ରିଯଚିକୀର୍ଷଯା ॥ ୧୧ ॥
ତସ୍ଯାଂ ସନ୍ଦହ୍ଯମାନାଯାଂ ସପୌରଃ ସପରିଚ୍ଛଦଃ ।
କୌଟୁମ୍ବିକଃ କୁଟୁମ୍ବିନ୍ଯା ଉପାତପ୍ଯତ ସାନ୍ଵଯଃ ॥ ୧୨ ॥
କୌଟୁମ୍ବିକଃ କୁଟୁମ୍ବିନ୍ଯା ଉପାତପ୍ଯତ ସାନ୍ଵଯଃ ॥ ୧୨ ॥
ଯଵନୋପରୁଦ୍ଧାଯତନୋ ଗ୍ରସ୍ତାଯାଂ କାଲକନ୍ଯଯା ।
ପୁର୍ଯାଂ ପ୍ରଜ୍ଵାରସଂସୃଷ୍ଟଃ
ପୁରପାଲୋଽନ୍ଵତପ୍ଯତ ॥ ୧୩ ॥
ପୁର୍ଯାଂ ପ୍ରଜ୍ଵାରସଂସୃଷ୍ଟଃ
ପୁରପାଲୋଽନ୍ଵତପ୍ଯତ ॥ ୧୩ ॥
ନ ଶେକେ ସୋଽଵିତୁଂ ତତ୍ର ପୁରୁକୃଚ୍ଛ୍ରୋରୁଵେପଥୁଃ ।
ଗନ୍ତୁମୈଚ୍ଛତ୍ତତୋ ଵୃକ୍ଷକୋଟରାଦିଵ ସାନଲାତ୍ ॥ ୧୪ ॥
ଗନ୍ତୁମୈଚ୍ଛତ୍ତତୋ ଵୃକ୍ଷକୋଟରାଦିଵ ସାନଲାତ୍ ॥ ୧୪ ॥
ଶିଥିଲାଵଯଵୋ ଯର୍ହି ଗନ୍ଧର୍ଵୈର୍ହୃତପୌରୁଷଃ ।
ଯଵନୈରରିଭୀ ରାଜନ୍ନୁପରୁଦ୍ଧୋ ରୁରୋଦ ହ ॥ ୧୫ ॥
ଯଵନୈରରିଭୀ ରାଜନ୍ନୁପରୁଦ୍ଧୋ ରୁରୋଦ ହ ॥ ୧୫ ॥
ଦୁହିତୃଃ ପୁତ୍ରପୌତ୍ରାଂଶ୍ଚ ଜାମିଜାମାତୃପାର୍ଷଦାନ୍ ।
ସ୍ଵତ୍ଵାଵଶିଷ୍ଟଂ ଯତ୍କିଞ୍ଚିଦ୍ ଗୃହକୋଶପରିଚ୍ଛଦମ୍ ॥ ୧୬ ॥
ସ୍ଵତ୍ଵାଵଶିଷ୍ଟଂ ଯତ୍କିଞ୍ଚିଦ୍ ଗୃହକୋଶପରିଚ୍ଛଦମ୍ ॥ ୧୬ ॥
ଅହଂ ମମେତି ସ୍ଵୀକୃତ୍ଯ ଗୃହେଷୁ କୁମତିର୍ଗୃହୀ ।
ଦଧ୍ଯୌ ପ୍ରମଦଯା ଦୀନୋ ଵିପ୍ରଯୋଗ ଉପସ୍ଥିତେ ॥ ୧୭ ॥
ଦଧ୍ଯୌ ପ୍ରମଦଯା ଦୀନୋ ଵିପ୍ରଯୋଗ ଉପସ୍ଥିତେ ॥ ୧୭ ॥
ଲୋକାନ୍ତରଂ ଗତଵତି ମଯ୍ଯନାଥା କୁଟୁମ୍ବିନୀ ।
ଵର୍ତିଷ୍ଯତେ କଥଂ ତ୍ଵେଷା ବାଲକାନନୁଶୋଚତୀ ॥ ୧୮ ॥
ଵର୍ତିଷ୍ଯତେ କଥଂ ତ୍ଵେଷା ବାଲକାନନୁଶୋଚତୀ ॥ ୧୮ ॥
ନ ମଯ୍ଯନାଶିତେ ଭୁଙ୍କ୍ତେ ନାସ୍ନାତେ ସ୍ନାତି ମତ୍ପରା ।
ମଯି ରୁଷ୍ଟେ ସୁସନ୍ତ୍ରସ୍ତା ଭର୍ତ୍ସିତେ ଯତଵାଗ୍ଭଯାତ୍ ॥ ୧୯ ॥
ମଯି ରୁଷ୍ଟେ ସୁସନ୍ତ୍ରସ୍ତା ଭର୍ତ୍ସିତେ ଯତଵାଗ୍ଭଯାତ୍ ॥ ୧୯ ॥
ପ୍ରବୋଧଯତି ମାଵିଜ୍ଞଂ ଵ୍ଯୁଷିତେ ଶୋକକର୍ଶିତା ।
ଵର୍ତ୍ମୈତଦ୍ ଗୃହମେଧୀଯଂ ଵୀରସୂରପି ନେଷ୍ଯତି ॥ ୨୦ ॥
ଵର୍ତ୍ମୈତଦ୍ ଗୃହମେଧୀଯଂ ଵୀରସୂରପି ନେଷ୍ଯତି ॥ ୨୦ ॥
କଥଂ ନୁ ଦାରକା ଦୀନା ଦାରକୀର୍ଵାପରାଯଣାଃ ।
ଵର୍ତିଷ୍ଯନ୍ତେ ମଯି ଗତେ ଭିନ୍ନନାଵ ଇଵୋଦଧୌ ॥ ୨୧ ॥
ଵର୍ତିଷ୍ଯନ୍ତେ ମଯି ଗତେ ଭିନ୍ନନାଵ ଇଵୋଦଧୌ ॥ ୨୧ ॥
ଏଵଂ କୃପଣଯା ବୁଦ୍ଧ୍ଯା ଶୋଚନ୍ତମତଦର୍ହଣମ୍ ।
ଗ୍ରହୀତୁଂ କୃତଧୀରେନଂ ଭଯନାମାଭ୍ଯପଦ୍ଯତ ॥ ୨୨ ॥
ଗ୍ରହୀତୁଂ କୃତଧୀରେନଂ ଭଯନାମାଭ୍ଯପଦ୍ଯତ ॥ ୨୨ ॥
ପଶୁଵଦ୍ଯଵନୈରେଷ ନୀଯମାନଃ ସ୍ଵକଂ କ୍ଷଯମ୍ ।
ଅନ୍ଵଦ୍ରଵନ୍ନନୁପଥାଃ ଶୋଚନ୍ତୋ ଭୃଶମାତୁରାଃ ॥ ୨୩ ॥
ଅନ୍ଵଦ୍ରଵନ୍ନନୁପଥାଃ ଶୋଚନ୍ତୋ ଭୃଶମାତୁରାଃ ॥ ୨୩ ॥
ପୁରୀଂ ଵିହାଯୋପଗତ ଉପରୁଦ୍ଧୋ ଭୁଜଙ୍ଗମଃ ।
ଯଦା ତମେଵାନୁ ପୁରୀ ଵିଶୀର୍ଣା ପ୍ରକୃତିଂ ଗତା ॥ ୨୪ ॥
ଯଦା ତମେଵାନୁ ପୁରୀ ଵିଶୀର୍ଣା ପ୍ରକୃତିଂ ଗତା ॥ ୨୪ ॥
ଵିକୃଷ୍ଯମାଣଃ ପ୍ରସଭଂ ଯଵନେନ ବଲୀଯସା ।
ନାଵିନ୍ଦତ୍ତମସାଵିଷ୍ଟଃ ସଖାଯଂ ସୁହୃଦଂ ପୁରଃ ॥ ୨୫ ॥
ନାଵିନ୍ଦତ୍ତମସାଵିଷ୍ଟଃ ସଖାଯଂ ସୁହୃଦଂ ପୁରଃ ॥ ୨୫ ॥
ତଂ ଯଜ୍ଞପଶଵୋଽନେନ ସଂଜ୍ଞପ୍ତା ଯେଽଦଯାଲୁନା ।
କୁଠାରୈଶ୍ଚିଚ୍ଛିଦୁଃ କ୍ରୁଦ୍ଧାଃ ସ୍ମରନ୍ତୋଽମୀଵମସ୍ଯ ତତ୍ ॥ ୨୬ ॥
କୁଠାରୈଶ୍ଚିଚ୍ଛିଦୁଃ କ୍ରୁଦ୍ଧାଃ ସ୍ମରନ୍ତୋଽମୀଵମସ୍ଯ ତତ୍ ॥ ୨୬ ॥
ଅନନ୍ତପାରେ ତମସି ମଗ୍ନୋ ନଷ୍ଟସ୍ମୃତିଃ ସମାଃ ।
ଶାଶ୍ଵତୀରନୁଭୂଯାର୍ତିଂ ପ୍ରମଦାସଙ୍ଗଦୂଷିତଃ ॥ ୨୭ ॥
ଶାଶ୍ଵତୀରନୁଭୂଯାର୍ତିଂ ପ୍ରମଦାସଙ୍ଗଦୂଷିତଃ ॥ ୨୭ ॥
ତାମେଵ ମନସା ଗୃହ୍ଣନ୍ ବଭୂଵ ପ୍ରମଦୋତ୍ତମା ।
ଅନନ୍ତରଂ ଵିଦର୍ଭସ୍ଯ ରାଜସିଂହସ୍ଯ ଵେଶ୍ମନି ॥ ୨୮ ॥
ଅନନ୍ତରଂ ଵିଦର୍ଭସ୍ଯ ରାଜସିଂହସ୍ଯ ଵେଶ୍ମନି ॥ ୨୮ ॥
ଉପଯେମେ ଵୀର୍ଯପଣାଂ ଵୈଦର୍ଭୀଂ ମଲଯଧ୍ଵଜଃ ।
ଯୁଧି ନିର୍ଜିତ୍ଯ ରାଜନ୍ଯାନ୍ ପାଣ୍ଡ୍ଯଃ ପରପୁରଞ୍ଜଯଃ ॥ ୨୯ ॥
ଯୁଧି ନିର୍ଜିତ୍ଯ ରାଜନ୍ଯାନ୍ ପାଣ୍ଡ୍ଯଃ ପରପୁରଞ୍ଜଯଃ ॥ ୨୯ ॥
ତସ୍ଯାଂ ସ ଜନଯାଂ ଚକ୍ର ଆତ୍ମଜାମସିତେକ୍ଷଣାମ୍ ।
ଯଵୀଯସଃ ସପ୍ତ ସୁତାନ୍ ସପ୍ତ ଦ୍ରଵିଡଭୂଭୃତଃ ॥ ୩୦ ॥
ଯଵୀଯସଃ ସପ୍ତ ସୁତାନ୍ ସପ୍ତ ଦ୍ରଵିଡଭୂଭୃତଃ ॥ ୩୦ ॥
ଏକୈକସ୍ଯାଭଵତ୍ତେଷାଂ ରାଜନ୍ନର୍ବୁଦମର୍ବୁଦମ୍ ।
ଭୋକ୍ଷ୍ଯତେ ଯଦ୍ଵଂଶଧରୈର୍ମହୀ ମନ୍ଵନ୍ତରଂ ପରମ୍ ॥ ୩୧ ॥
ଭୋକ୍ଷ୍ଯତେ ଯଦ୍ଵଂଶଧରୈର୍ମହୀ ମନ୍ଵନ୍ତରଂ ପରମ୍ ॥ ୩୧ ॥
ଅଗସ୍ତ୍ଯଃ ପ୍ରାଗ୍ଦୁହିତରମୁପଯେମେ ଧୃତଵ୍ରତାମ୍ ।
ଯସ୍ଯାଂ ଦୃଢଚ୍ଯୁତୋ ଜାତ ଇଧ୍ମଵାହାତ୍ମଜୋ ମୁନିଃ ॥ ୩୨ ॥
ଯସ୍ଯାଂ ଦୃଢଚ୍ଯୁତୋ ଜାତ ଇଧ୍ମଵାହାତ୍ମଜୋ ମୁନିଃ ॥ ୩୨ ॥
ଵିଭଜ୍ଯ ତନଯେଭ୍ଯଃ କ୍ଷ୍ମାଂ ରାଜର୍ଷିର୍ମଲଯଧ୍ଵଜଃ ।
ଆରିରାଧଯିଷୁଃ କୃଷ୍ଣଂ ସ ଜଗାମ କୁଲାଚଲମ୍ ॥ ୩୩ ॥
ଆରିରାଧଯିଷୁଃ କୃଷ୍ଣଂ ସ ଜଗାମ କୁଲାଚଲମ୍ ॥ ୩୩ ॥
ହିତ୍ଵା ଗୃହାନ୍ ସୁତାନ୍ ଭୋଗାନ୍ ଵୈଦର୍ଭୀ ମଦିରେକ୍ଷଣା ।
ଅନ୍ଵଧାଵତ ପାଣ୍ଡ୍ଯେଶଂ ଜ୍ଯୋତ୍ସ୍ନେଵ ରଜନୀକରମ୍ ॥ ୩୪ ॥
ଅନ୍ଵଧାଵତ ପାଣ୍ଡ୍ଯେଶଂ ଜ୍ଯୋତ୍ସ୍ନେଵ ରଜନୀକରମ୍ ॥ ୩୪ ॥
ତତ୍ର ଚନ୍ଦ୍ରଵସା ନାମ ତାମ୍ରପର୍ଣୀ ଵଟୋଦକା ।
ତତ୍ପୁଣ୍ଯସଲିଲୈର୍ନିତ୍ଯମୁଭଯତ୍ରାତ୍ମନୋ ମୃଜନ୍ ॥ ୩୫ ॥
ତତ୍ପୁଣ୍ଯସଲିଲୈର୍ନିତ୍ଯମୁଭଯତ୍ରାତ୍ମନୋ ମୃଜନ୍ ॥ ୩୫ ॥
କନ୍ଦାଷ୍ଟିଭିର୍ମୂଲଫଲୈଃ ପୁଷ୍ପପର୍ଣୈସ୍ତୃଣୋଦକୈଃ ।
ଵର୍ତମାନଃ ଶନୈର୍ଗାତ୍ରକର୍ଶନଂ ତପ ଆସ୍ଥିତଃ ॥ ୩୬ ॥
ଵର୍ତମାନଃ ଶନୈର୍ଗାତ୍ରକର୍ଶନଂ ତପ ଆସ୍ଥିତଃ ॥ ୩୬ ॥
ଶୀତୋଷ୍ଣଵାତଵର୍ଷାଣି କ୍ଷୁତ୍ପିପାସେ ପ୍ରିଯାପ୍ରିଯେ ।
ସୁଖଦୁଃଖେ ଇତି ଦ୍ଵନ୍ଦ୍ଵାନ୍ଯଜଯତ୍ସମଦର୍ଶନଃ ॥ ୩୭ ॥
ସୁଖଦୁଃଖେ ଇତି ଦ୍ଵନ୍ଦ୍ଵାନ୍ଯଜଯତ୍ସମଦର୍ଶନଃ ॥ ୩୭ ॥
ତପସା ଵିଦ୍ଯଯା ପକ୍ଵକଷାଯୋ ନିଯମୈର୍ଯମୈଃ ।
ଯୁଯୁଜେ ବ୍ରହ୍ମଣ୍ଯାତ୍ମାନଂ ଵିଜିତାକ୍ଷାନିଲାଶଯଃ ॥ ୩୮ ॥
ଯୁଯୁଜେ ବ୍ରହ୍ମଣ୍ଯାତ୍ମାନଂ ଵିଜିତାକ୍ଷାନିଲାଶଯଃ ॥ ୩୮ ॥
ଆସ୍ତେ ସ୍ଥାଣୁରିଵୈକତ୍ର ଦିଵ୍ଯଂ ଵର୍ଷଶତଂ ସ୍ଥିରଃ ।
ଵାସୁଦେଵେ ଭଗଵତି ନାନ୍ଯଦ୍ଵେଦୋଦ୍ଵହନ୍ ରତିମ୍ ॥ ୩୯ ॥
ଵାସୁଦେଵେ ଭଗଵତି ନାନ୍ଯଦ୍ଵେଦୋଦ୍ଵହନ୍ ରତିମ୍ ॥ ୩୯ ॥
ସ ଵ୍ଯାପକତଯାତ୍ମାନଂ ଵ୍ଯତିରିକ୍ତତଯାତ୍ମନି ।
ଵିଦ୍ଵାନ୍ ସ୍ଵପ୍ନ ଇଵାମର୍ଶସାକ୍ଷିଣଂ ଵିରରାମ ହ ॥ ୪୦ ॥
ଵିଦ୍ଵାନ୍ ସ୍ଵପ୍ନ ଇଵାମର୍ଶସାକ୍ଷିଣଂ ଵିରରାମ ହ ॥ ୪୦ ॥
ସାକ୍ଷାଦ୍ଭଗଵତୋକ୍ତେନ ଗୁରୁଣା ହରିଣା ନୃପ ।
ଵିଶୁଦ୍ଧଜ୍ଞାନଦୀପେନ ସ୍ଫୁରତା ଵିଶ୍ଵତୋମୁଖମ୍ ॥ ୪୧ ॥
ଵିଶୁଦ୍ଧଜ୍ଞାନଦୀପେନ ସ୍ଫୁରତା ଵିଶ୍ଵତୋମୁଖମ୍ ॥ ୪୧ ॥
ପରେ ବ୍ରହ୍ମଣି ଚାତ୍ମାନଂ ପରଂ ବ୍ରହ୍ମ ତଥାତ୍ମନି ।
ଵୀକ୍ଷମାଣୋ
ଵିହାଯେକ୍ଷାମସ୍ମାଦୁପରରାମ ହ ॥ ୪୨ ॥
ଵୀକ୍ଷମାଣୋ
ଵିହାଯେକ୍ଷାମସ୍ମାଦୁପରରାମ ହ ॥ ୪୨ ॥
ପତିଂ ପରମଧର୍ମଜ୍ଞଂ ଵୈଦର୍ଭୀ ମଲଯଧ୍ଵଜମ୍ ।
ପ୍ରେମ୍ଣା ପର୍ଯଚରଦ୍ଧିତ୍ଵା ଭୋଗାନ୍ ସା
ପତିଦେଵତା ॥ ୪୩ ॥
ପ୍ରେମ୍ଣା ପର୍ଯଚରଦ୍ଧିତ୍ଵା ଭୋଗାନ୍ ସା
ପତିଦେଵତା ॥ ୪୩ ॥
ଚୀରଵାସା ଵ୍ରତକ୍ଷାମା ଵେଣୀଭୂତଶିରୋରୁହା ।
ବଭାଵୁପ ପତିଂ ଶାନ୍ତା ଶିଖା ଶାନ୍ତମିଵାନଲମ୍ ॥ ୪୪ ॥
ବଭାଵୁପ ପତିଂ ଶାନ୍ତା ଶିଖା ଶାନ୍ତମିଵାନଲମ୍ ॥ ୪୪ ॥
ଅଜାନତୀ ପ୍ରିଯତମଂ ଯଦୋପରତମଙ୍ଗନା ।
ସୁସ୍ଥିରାସନମାସାଦ୍ଯ ଯଥାପୂର୍ଵମୁପାଚରତ୍ ॥ ୪୫ ॥
ସୁସ୍ଥିରାସନମାସାଦ୍ଯ ଯଥାପୂର୍ଵମୁପାଚରତ୍ ॥ ୪୫ ॥
ଯଦା ନୋପଲଭେତାଙ୍ଘ୍ରାଵୂଷ୍ମାଣଂ ପତ୍ଯୁରର୍ଚତୀ ।
ଆସୀତ୍ସଂଵିଗ୍ନହୃଦଯା ଯୂଥଭ୍ରଷ୍ଟା ମୃଗୀ ଯଥା ॥ ୪୬ ॥
ଆସୀତ୍ସଂଵିଗ୍ନହୃଦଯା ଯୂଥଭ୍ରଷ୍ଟା ମୃଗୀ ଯଥା ॥ ୪୬ ॥
ଆତ୍ମାନଂ ଶୋଚତୀ ଦୀନମବନ୍ଧୁଂ ଵିକ୍ଲଵାଶ୍ରୁଭିଃ ।
ସ୍ତନାଵାସିଚ୍ଯ ଵିପିନେ ସୁସ୍ଵରଂ ପ୍ରରୁରୋଦ ସା ॥ ୪୭ ॥
ସ୍ତନାଵାସିଚ୍ଯ ଵିପିନେ ସୁସ୍ଵରଂ ପ୍ରରୁରୋଦ ସା ॥ ୪୭ ॥
ଉତ୍ତିଷ୍ଠୋତ୍ତିଷ୍ଠ ରାଜର୍ଷେ ଇମାମୁଦଧିମେଖଲାମ୍ ।
ଦସ୍ଯୁଭ୍ଯଃ କ୍ଷତ୍ରବନ୍ଧୁଭ୍ଯୋ ବିଭ୍ଯତୀଂ ପାତୁମର୍ହସି ॥ ୪୮ ॥
ଦସ୍ଯୁଭ୍ଯଃ କ୍ଷତ୍ରବନ୍ଧୁଭ୍ଯୋ ବିଭ୍ଯତୀଂ ପାତୁମର୍ହସି ॥ ୪୮ ॥
ଏଵଂ ଵିଲପନ୍ତୀ ବାଲା ଵିପିନେଽନୁଗତା ପତିମ୍ ।
ପତିତା ପାଦଯୋର୍ଭର୍ତୂ ରୁଦତ୍ଯଶ୍ରୂଣ୍ଯଵର୍ତଯତ୍ ॥ ୪୯ ॥
ପତିତା ପାଦଯୋର୍ଭର୍ତୂ ରୁଦତ୍ଯଶ୍ରୂଣ୍ଯଵର୍ତଯତ୍ ॥ ୪୯ ॥
ଚିତିଂ ଦାରୁମଯୀଂ ଚିତ୍ଵା ତସ୍ଯାଂ ପତ୍ଯୁଃ କଲେଵରମ୍ ।
ଆଦୀପ୍ଯ ଚାନୁମରଣେ ଵିଲପନ୍ତୀ ମନୋ ଦଧେ ॥ ୫୦ ॥
ଆଦୀପ୍ଯ ଚାନୁମରଣେ ଵିଲପନ୍ତୀ ମନୋ ଦଧେ ॥ ୫୦ ॥
ତତ୍ର ପୂର୍ଵତରଃ କଶ୍ଚିତ୍ସଖା ବ୍ରାହ୍ମଣ ଆତ୍ମଵାନ୍ ।
ସାନ୍ତ୍ଵଯନ୍ ଵଲ୍ଗୁନା ସାମ୍ନା ତାମାହ ରୁଦତୀଂ ପ୍ରଭୋ ॥ ୫୧ ॥
ସାନ୍ତ୍ଵଯନ୍ ଵଲ୍ଗୁନା ସାମ୍ନା ତାମାହ ରୁଦତୀଂ ପ୍ରଭୋ ॥ ୫୧ ॥
ବ୍ରାହ୍ମଣ ଉଵାଚ
କା ତ୍ଵଂ କସ୍ଯାସି କୋ ଵାଯଂ ଶଯାନୋ ଯସ୍ଯ ଶୋଚସି ।
ଜାନାସି କିଂ ସଖାଯଂ ମାଂ ଯେନାଗ୍ରେ ଵିଚଚର୍ଥ ହ ॥ ୫୨ ॥
କା ତ୍ଵଂ କସ୍ଯାସି କୋ ଵାଯଂ ଶଯାନୋ ଯସ୍ଯ ଶୋଚସି ।
ଜାନାସି କିଂ ସଖାଯଂ ମାଂ ଯେନାଗ୍ରେ ଵିଚଚର୍ଥ ହ ॥ ୫୨ ॥
ଅପି ସ୍ମରସି ଚାତ୍ମାନମଵିଜ୍ଞାତସଖଂ ସଖେ ।
ହିତ୍ଵା ମାଂ ପଦମନ୍ଵିଚ୍ଛନ୍ ଭୌମଭୋଗରତୋ ଗତଃ ॥ ୫୩ ॥
ହିତ୍ଵା ମାଂ ପଦମନ୍ଵିଚ୍ଛନ୍ ଭୌମଭୋଗରତୋ ଗତଃ ॥ ୫୩ ॥
ହଂସାଵହଂ ଚ ତ୍ଵଂ ଚାର୍ଯ ସଖାଯୌ ମାନସାଯନୌ ।
ଅଭୂତାମନ୍ତରା ଵୌକଃ ସହସ୍ରପରିଵତ୍ସରାନ୍ ॥ ୫୪ ॥
ଅଭୂତାମନ୍ତରା ଵୌକଃ ସହସ୍ରପରିଵତ୍ସରାନ୍ ॥ ୫୪ ॥
ସ ତ୍ଵଂ ଵିହାଯ ମାଂ ବନ୍ଧୋ ଗତୋ ଗ୍ରାମ୍ଯମତିର୍ମହୀମ୍ ।
ଵିଚରନ୍ ପଦମଦ୍ରାକ୍ଷୀଃ କଯାଚିନ୍ନିର୍ମିତଂ ସ୍ତ୍ରିଯା ॥ ୫୫ ॥
ଵିଚରନ୍ ପଦମଦ୍ରାକ୍ଷୀଃ କଯାଚିନ୍ନିର୍ମିତଂ ସ୍ତ୍ରିଯା ॥ ୫୫ ॥
ପଞ୍ଚାରାମଂ ନଵଦ୍ଵାରମେକପାଲଂ ତ୍ରିକୋଷ୍ଠକମ୍ ।
ଷଟ୍କୁଲଂ ପଞ୍ଚଵିପଣଂ ପଞ୍ଚପ୍ରକୃତି ସ୍ତ୍ରୀଧଵମ୍ ॥ ୫୬ ॥
ଷଟ୍କୁଲଂ ପଞ୍ଚଵିପଣଂ ପଞ୍ଚପ୍ରକୃତି ସ୍ତ୍ରୀଧଵମ୍ ॥ ୫୬ ॥
ପଞ୍ଚେନ୍ଦ୍ରିଯାର୍ଥା ଆରାମା ଦ୍ଵାରଃ ପ୍ରାଣା ନଵ ପ୍ରଭୋ ।
ତେଜୋଽବନ୍ନାନି କୋଷ୍ଠାନି କୁଲମିନ୍ଦ୍ରିଯସଙ୍ଗ୍ରହଃ ॥ ୫୭ ॥
ତେଜୋଽବନ୍ନାନି କୋଷ୍ଠାନି କୁଲମିନ୍ଦ୍ରିଯସଙ୍ଗ୍ରହଃ ॥ ୫୭ ॥
ଵିପଣସ୍ତୁ କ୍ରିଯାଶକ୍ତିର୍ଭୂତପ୍ରକୃତିରଵ୍ଯଯା ।
ଶକ୍ତ୍ଯଧୀଶଃ ପୁମାଂସ୍ତ୍ଵତ୍ର ପ୍ରଵିଷ୍ଟୋ ନାଵବୁଧ୍ଯତେ ॥ ୫୮ ॥
ଶକ୍ତ୍ଯଧୀଶଃ ପୁମାଂସ୍ତ୍ଵତ୍ର ପ୍ରଵିଷ୍ଟୋ ନାଵବୁଧ୍ଯତେ ॥ ୫୮ ॥
ତସ୍ମିଂସ୍ତ୍ଵଂ ରାମଯା ସ୍ପୃଷ୍ଟୋ ରମମାଣୋଽଶ୍ରୁତସ୍ମୃତିଃ ।
ତତ୍ସଙ୍ଗାଦୀଦୃଶୀଂ ପ୍ରାପ୍ତୋ ଦଶାଂ ପାପୀଯସୀଂ ପ୍ରଭୋ ॥ ୫୯ ॥
ତତ୍ସଙ୍ଗାଦୀଦୃଶୀଂ ପ୍ରାପ୍ତୋ ଦଶାଂ ପାପୀଯସୀଂ ପ୍ରଭୋ ॥ ୫୯ ॥
ନ ତ୍ଵଂ ଵିଦର୍ଭଦୁହିତା ନାଯଂ ଵୀରଃ ସୁହୃତ୍ତଵ ।
ନ ପତିସ୍ତ୍ଵଂ ପୁରଞ୍ଜନ୍ଯା ରୁଦ୍ଧୋ ନଵମୁଖେ ଯଯା ॥ ୬୦ ॥
ନ ପତିସ୍ତ୍ଵଂ ପୁରଞ୍ଜନ୍ଯା ରୁଦ୍ଧୋ ନଵମୁଖେ ଯଯା ॥ ୬୦ ॥
ମାଯା ହ୍ଯେଷା ମଯା ସୃଷ୍ଟା ଯତ୍ପୁମାଂସଂ ସ୍ତ୍ରିଯଂ ସତୀମ୍ ।
ମନ୍ଯସେ ନୋଭଯଂ ଯଦ୍ଵୈ ହଂସୌ ପଶ୍ଯାଵଯୋର୍ଗତିମ୍ ॥ ୬୧ ॥
ମନ୍ଯସେ ନୋଭଯଂ ଯଦ୍ଵୈ ହଂସୌ ପଶ୍ଯାଵଯୋର୍ଗତିମ୍ ॥ ୬୧ ॥
ଅହଂ ଭଵାନ୍ନ ଚାନ୍ଯସ୍ତ୍ଵଂ ତ୍ଵମେଵାହଂ ଵିଚକ୍ଷ୍ଵ ଭୋଃ ।
ନ ନୌ ପଶ୍ଯନ୍ତି କଵଯଶ୍ଛିଦ୍ରଂ ଜାତୁ ମନାଗପି ॥ ୬୨ ॥
ନ ନୌ ପଶ୍ଯନ୍ତି କଵଯଶ୍ଛିଦ୍ରଂ ଜାତୁ ମନାଗପି ॥ ୬୨ ॥
ଯଥା ପୁରୁଷ ଆତ୍ମାନମେକମାଦର୍ଶଚକ୍ଷୁଷୋଃ ।
ଦ୍ଵିଧାଭୂତମଵେକ୍ଷେତ ତଥୈଵାନ୍ତରମାଵଯୋଃ ॥ ୬୩ ॥
ଦ୍ଵିଧାଭୂତମଵେକ୍ଷେତ ତଥୈଵାନ୍ତରମାଵଯୋଃ ॥ ୬୩ ॥
ଏଵଂ ସ ମାନସୋ ହଂସୋ ହଂସେନ ପ୍ରତିବୋଧିତଃ ।
ସ୍ଵସ୍ଥସ୍ତଦ୍ଵଯଭିଚାରେଣ ନଷ୍ଟାମାପ ପୁନଃ ସ୍ମୃତିମ୍ ॥ ୬୪ ॥
ସ୍ଵସ୍ଥସ୍ତଦ୍ଵଯଭିଚାରେଣ ନଷ୍ଟାମାପ ପୁନଃ ସ୍ମୃତିମ୍ ॥ ୬୪ ॥
ବର୍ହିଷ୍ମନ୍ନେତଦଧ୍ଯାତ୍ମଂ ପାରୋକ୍ଷ୍ଯେଣ ପ୍ରଦର୍ଶିତମ୍ ।
ଯତ୍ପରୋକ୍ଷପ୍ରିଯୋ ଦେଵୋ ଭଗଵାନ୍ ଵିଶ୍ଵଭାଵନଃ ॥ ୬୫ ॥
ଯତ୍ପରୋକ୍ଷପ୍ରିଯୋ ଦେଵୋ ଭଗଵାନ୍ ଵିଶ୍ଵଭାଵନଃ ॥ ୬୫ ॥