মৈত্রেয উবাচ
তত উত্পন্নবিজ্ঞানা আশ্বধোক্ষজভাষিতম্ ।
স্মরন্ত আত্মজে ভার্যাং বিসৃজ্য প্রাব্রজন্ গৃহাত্ ॥ ১ ॥
তত উত্পন্নবিজ্ঞানা আশ্বধোক্ষজভাষিতম্ ।
স্মরন্ত আত্মজে ভার্যাং বিসৃজ্য প্রাব্রজন্ গৃহাত্ ॥ ১ ॥
দীক্ষিতা ব্রহ্মসত্রেণ সর্বভূতাত্মমেধসা ।
প্রতীচ্যাং দিশি বেলাযাং সিদ্ধোঽভূদ্যত্র জাজলিঃ ॥ ২ ॥
প্রতীচ্যাং দিশি বেলাযাং সিদ্ধোঽভূদ্যত্র জাজলিঃ ॥ ২ ॥
তান্নির্জিতপ্রাণমনোবচোদৃশো
জিতাসনান্ শান্তসমানবিগ্রহান্ ।
পরেঽমলে ব্রহ্মণি যোজিতাত্মনঃ
সুরাসুরেড্যো দদৃশে স্ম নারদঃ ॥ ৩ ॥
জিতাসনান্ শান্তসমানবিগ্রহান্ ।
পরেঽমলে ব্রহ্মণি যোজিতাত্মনঃ
সুরাসুরেড্যো দদৃশে স্ম নারদঃ ॥ ৩ ॥
তমাগতং ত উত্থায প্রণিপত্যাভিনন্দ্য চ ।
পূজযিত্বা যথাদেশং সুখাসীনমথাব্রুবন্ ॥ ৪ ॥
পূজযিত্বা যথাদেশং সুখাসীনমথাব্রুবন্ ॥ ৪ ॥
প্রচেতস ঊচুঃ
স্বাগতং তে সুরর্ষেঽদ্য দিষ্ট্যা নো দর্শনং গতঃ ।
তব চঙ্ক্রমণং ব্রহ্মন্নভযায যথা রবেঃ ॥ ৫ ॥
স্বাগতং তে সুরর্ষেঽদ্য দিষ্ট্যা নো দর্শনং গতঃ ।
তব চঙ্ক্রমণং ব্রহ্মন্নভযায যথা রবেঃ ॥ ৫ ॥
যদাদিষ্টং ভগবতা শিবেনাধোক্ষজেন চ ।
তদ্ গৃহেষু প্রসক্তানাং প্রাযশঃ ক্ষপিতং প্রভো ॥ ৬ ॥
তদ্ গৃহেষু প্রসক্তানাং প্রাযশঃ ক্ষপিতং প্রভো ॥ ৬ ॥
তন্নঃ প্রদ্যোতযাধ্যাত্মজ্ঞানং তত্ত্বার্থদর্শনম্ ।
যেনাঞ্জসা তরিষ্যামো দুস্তরং ভবসাগরম্ ॥ ৭ ॥
যেনাঞ্জসা তরিষ্যামো দুস্তরং ভবসাগরম্ ॥ ৭ ॥
মৈত্রেয উবাচ
ইতি প্রচেতসাং পৃষ্টো ভগবান্নারদো মুনিঃ ।
ভগবত্যুত্তমশ্লোক আবিষ্টাত্মাব্রবীন্নৃপান্ ॥ ৮ ॥
ইতি প্রচেতসাং পৃষ্টো ভগবান্নারদো মুনিঃ ।
ভগবত্যুত্তমশ্লোক আবিষ্টাত্মাব্রবীন্নৃপান্ ॥ ৮ ॥
নারদ উবাচ
তজ্জন্ম তানি কর্মাণি তদাযুস্তন্মনো বচঃ ।
নৃণাং যেন হি বিশ্বাত্মা সেব্যতে হরিরীশ্বরঃ ॥ ৯ ॥
তজ্জন্ম তানি কর্মাণি তদাযুস্তন্মনো বচঃ ।
নৃণাং যেন হি বিশ্বাত্মা সেব্যতে হরিরীশ্বরঃ ॥ ৯ ॥
কিং জন্মভিস্ত্রিভির্বেহ শৌক্রসাবিত্রযাজ্ঞিকৈঃ ।
কর্মভির্বা ত্রযীপ্রোক্তৈঃ পুংসোঽপি বিবুধাযুষা ॥ ১০ ॥
কর্মভির্বা ত্রযীপ্রোক্তৈঃ পুংসোঽপি বিবুধাযুষা ॥ ১০ ॥
শ্রুতেন তপসা বা কিং বচোভিশ্চিত্তবৃত্তিভিঃ ।
বুদ্ধ্যা বা কিং নিপুণযা বলেনেন্দ্রিযরাধসা ॥ ১১ ॥
বুদ্ধ্যা বা কিং নিপুণযা বলেনেন্দ্রিযরাধসা ॥ ১১ ॥
কিং বা যোগেন সাঙ্খ্যেন ন্যাসস্বাধ্যাযযোরপি ।
কিং বা শ্রেযোভিরন্যৈশ্চ ন যত্রাত্মপ্রদো হরিঃ ॥ ১২ ॥
কিং বা শ্রেযোভিরন্যৈশ্চ ন যত্রাত্মপ্রদো হরিঃ ॥ ১২ ॥
শ্রেযসামপি সর্বেষামাত্মা হ্যবধিরর্থতঃ ।
সর্বেষামপি ভূতানাং হরিরাত্মাত্মদঃ প্রিযঃ ॥ ১৩ ॥
সর্বেষামপি ভূতানাং হরিরাত্মাত্মদঃ প্রিযঃ ॥ ১৩ ॥
যথা তরোর্মূলনিষেচনেন
তৃপ্যন্তি তত্স্কন্ধভুজোপশাখাঃ ।
প্রাণোপহারাচ্চ যথেন্দ্রিযাণাং
তথৈব সর্বার্হণমচ্যুতেজ্যা ॥ ১৪ ॥
তৃপ্যন্তি তত্স্কন্ধভুজোপশাখাঃ ।
প্রাণোপহারাচ্চ যথেন্দ্রিযাণাং
তথৈব সর্বার্হণমচ্যুতেজ্যা ॥ ১৪ ॥
যথৈব সূর্যাত্প্রভবন্তি বারঃ
পুনশ্চ তস্মিন্প্রবিশন্তি কালে ।
ভূতানি ভূমৌ স্থিরজঙ্গমানি
তথা হরাবেব গুণপ্রবাহঃ ॥ ১৫ ॥
পুনশ্চ তস্মিন্প্রবিশন্তি কালে ।
ভূতানি ভূমৌ স্থিরজঙ্গমানি
তথা হরাবেব গুণপ্রবাহঃ ॥ ১৫ ॥
এতত্পদং তজ্জগদাত্মনঃ পরং
সকৃদ্বিভাতং সবিতুর্যথা প্রভা ।
যথাসবো জাগ্রতি সুপ্তশক্তযো
দ্রব্যক্রিযাজ্ঞানভিদাভ্রমাত্যযঃ ॥ ১৬ ॥
সকৃদ্বিভাতং সবিতুর্যথা প্রভা ।
যথাসবো জাগ্রতি সুপ্তশক্তযো
দ্রব্যক্রিযাজ্ঞানভিদাভ্রমাত্যযঃ ॥ ১৬ ॥
যথা নভস্যভ্রতমঃপ্রকাশা
ভবন্তি ভূপা ন ভবন্ত্যনুক্রমাত্ ।
এবং পরে ব্রহ্মণি শক্তযস্ত্বমূ
রজস্তমঃসত্ত্বমিতি প্রবাহঃ ॥ ১৭ ॥
ভবন্তি ভূপা ন ভবন্ত্যনুক্রমাত্ ।
এবং পরে ব্রহ্মণি শক্তযস্ত্বমূ
রজস্তমঃসত্ত্বমিতি প্রবাহঃ ॥ ১৭ ॥
তেনৈকমাত্মানমশেষদেহিনাং
কালং প্রধানং পুরুষং পরেশম্ ।
স্বতেজসা ধ্বস্তগুণপ্রবাহ-
মাত্মৈকভাবেন ভজধ্বমদ্ধা ॥ ১৮ ॥
কালং প্রধানং পুরুষং পরেশম্ ।
স্বতেজসা ধ্বস্তগুণপ্রবাহ-
মাত্মৈকভাবেন ভজধ্বমদ্ধা ॥ ১৮ ॥
দযযা সর্বভূতেষু সন্তুষ্ট্যা যেন কেন বা ।
সর্বেন্দ্রিযোপশান্ত্যা চ তুষ্যত্যাশু জনার্দনঃ ॥ ১৯ ॥
সর্বেন্দ্রিযোপশান্ত্যা চ তুষ্যত্যাশু জনার্দনঃ ॥ ১৯ ॥
অপহতসকলৈষণামলাত্ম-
ন্যবিরতমেধিতভাবনোপহূতঃ ।
নিজজনবশগত্বমাত্মনোঽয-
ন্ন সরতি ছিদ্রবদক্ষরঃ সতাং হি ॥ ২০ ॥
ন্যবিরতমেধিতভাবনোপহূতঃ ।
নিজজনবশগত্বমাত্মনোঽয-
ন্ন সরতি ছিদ্রবদক্ষরঃ সতাং হি ॥ ২০ ॥
ন ভজতি কুমনীষিণাং স ইজ্যাং
হরিরধনাত্মধনপ্রিযো রসজ্ঞঃ ।
শ্রুতধনকুলকর্মণাং মদৈর্যে
বিদধতি পাপমকিঞ্চনেষু সত্সু ॥ ২১ ॥
হরিরধনাত্মধনপ্রিযো রসজ্ঞঃ ।
শ্রুতধনকুলকর্মণাং মদৈর্যে
বিদধতি পাপমকিঞ্চনেষু সত্সু ॥ ২১ ॥
শ্রিযমনুচরতীং তদর্থিনশ্চ
দ্বিপদপতীন্ বিবুধাংশ্চ যত্স্বপূর্ণঃ ।
ন ভজতি নিজভৃত্যবর্গতন্ত্রঃ
কথমমুমুদ্বিসৃজেত্পুমান্ কৃতজ্ঞঃ ॥ ২২ ॥
দ্বিপদপতীন্ বিবুধাংশ্চ যত্স্বপূর্ণঃ ।
ন ভজতি নিজভৃত্যবর্গতন্ত্রঃ
কথমমুমুদ্বিসৃজেত্পুমান্ কৃতজ্ঞঃ ॥ ২২ ॥
মৈত্রেয উবাচ
ইতি প্রচেতসো রাজন্নন্যাশ্চ ভগবত্কথাঃ ।
শ্রাবযিত্বা ব্রহ্মলোকং যযৌ স্বাযম্ভুবো মুনিঃ ॥ ২৩ ॥
ইতি প্রচেতসো রাজন্নন্যাশ্চ ভগবত্কথাঃ ।
শ্রাবযিত্বা ব্রহ্মলোকং যযৌ স্বাযম্ভুবো মুনিঃ ॥ ২৩ ॥
তেঽপি তন্মুখনির্যাতং যশো লোকমলাপহম্ ।
হরের্নিশম্য তত্পাদং ধ্যাযন্তস্তদ্গতিং যযুঃ ॥ ২৪ ॥
হরের্নিশম্য তত্পাদং ধ্যাযন্তস্তদ্গতিং যযুঃ ॥ ২৪ ॥
এতত্তেঽভিহিতং ক্ষত্তর্যন্মাং ত্বং পরিপৃষ্টবান্ ।
প্রচেতসাং নারদস্য সংবাদং হরিকীর্তনম্ ॥ ২৫ ॥
প্রচেতসাং নারদস্য সংবাদং হরিকীর্তনম্ ॥ ২৫ ॥
শ্রীশুক উবাচ
য এষ উত্তানপদো মানবস্যানুবর্ণিতঃ ।
বংশঃ প্রিযব্রতস্যাপি নিবোধ নৃপসত্তম ॥ ২৬ ॥
য এষ উত্তানপদো মানবস্যানুবর্ণিতঃ ।
বংশঃ প্রিযব্রতস্যাপি নিবোধ নৃপসত্তম ॥ ২৬ ॥
যো নারদাদাত্মবিদ্যামধিগম্য পুনর্মহীম্ ।
ভুক্ত্বা বিভজ্য পুত্রেভ্য ঐশ্বরং সমগাত্পদম্ ॥ ২৭ ॥
ভুক্ত্বা বিভজ্য পুত্রেভ্য ঐশ্বরং সমগাত্পদম্ ॥ ২৭ ॥
ইমাং তু কৌষারবিণোপবর্ণিতাং
ক্ষত্তা নিশম্যাজিতবাদসত্কথাম্ ।
প্রবৃদ্ধভাবোঽশ্রুকলাকুলো মুনে-
র্দধার মূর্ধ্না চরণং হৃদা হরেঃ ॥ ২৮ ॥
ক্ষত্তা নিশম্যাজিতবাদসত্কথাম্ ।
প্রবৃদ্ধভাবোঽশ্রুকলাকুলো মুনে-
র্দধার মূর্ধ্না চরণং হৃদা হরেঃ ॥ ২৮ ॥
বিদুর উবাচ
সোঽযমদ্য মহাযোগিন্ ভবতা করুণাত্মনা ।
দর্শিতস্তমসঃ পারো যত্রাকিঞ্চনগো হরিঃ ॥ ২৯ ॥
সোঽযমদ্য মহাযোগিন্ ভবতা করুণাত্মনা ।
দর্শিতস্তমসঃ পারো যত্রাকিঞ্চনগো হরিঃ ॥ ২৯ ॥
শ্রীশুক উবাচ
ইত্যানম্য তমামন্ত্র্য বিদুরো গজসাহ্বযম্ ।
স্বানাং দিদৃক্ষুঃ প্রযযৌ জ্ঞাতীনাং নির্বৃতাশযঃ ॥ ৩০ ॥
ইত্যানম্য তমামন্ত্র্য বিদুরো গজসাহ্বযম্ ।
স্বানাং দিদৃক্ষুঃ প্রযযৌ জ্ঞাতীনাং নির্বৃতাশযঃ ॥ ৩০ ॥
এতদ্যঃ শৃণুযাদ্রাজন্ রাজ্ঞাং হর্যর্পিতাত্মনাম্ ।
আযুর্ধনং যশঃ স্বস্তি গতিমৈশ্বর্যমাপ্নুযাত্ ॥ ৩১ ॥
আযুর্ধনং যশঃ স্বস্তি গতিমৈশ্বর্যমাপ্নুযাত্ ॥ ৩১ ॥