మైత్రేయ ఉవాచ
తత ఉత్పన్నవిజ్ఞానా ఆశ్వధోక్షజభాషితమ్ ।
స్మరన్త ఆత్మజే భార్యాం విసృజ్య ప్రావ్రజన్ గృహాత్ ॥ ౧ ॥
తత ఉత్పన్నవిజ్ఞానా ఆశ్వధోక్షజభాషితమ్ ।
స్మరన్త ఆత్మజే భార్యాం విసృజ్య ప్రావ్రజన్ గృహాత్ ॥ ౧ ॥
దీక్షితా బ్రహ్మసత్రేణ సర్వభూతాత్మమేధసా ।
ప్రతీచ్యాం దిశి వేలాయాం సిద్ధోఽభూద్యత్ర జాజలిః ॥ ౨ ॥
ప్రతీచ్యాం దిశి వేలాయాం సిద్ధోఽభూద్యత్ర జాజలిః ॥ ౨ ॥
తాన్నిర్జితప్రాణమనోవచోదృశో
జితాసనాన్ శాన్తసమానవిగ్రహాన్ ।
పరేఽమలే బ్రహ్మణి యోజితాత్మనః
సురాసురేడ్యో దదృశే స్మ నారదః ॥ ౩ ॥
జితాసనాన్ శాన్తసమానవిగ్రహాన్ ।
పరేఽమలే బ్రహ్మణి యోజితాత్మనః
సురాసురేడ్యో దదృశే స్మ నారదః ॥ ౩ ॥
తమాగతం త ఉత్థాయ ప్రణిపత్యాభినన్ద్య చ ।
పూజయిత్వా యథాదేశం సుఖాసీనమథాబ్రువన్ ॥ ౪ ॥
పూజయిత్వా యథాదేశం సుఖాసీనమథాబ్రువన్ ॥ ౪ ॥
ప్రచేతస ఊచుః
స్వాగతం తే సురర్షేఽద్య దిష్ట్యా నో దర్శనం గతః ।
తవ చఙ్క్రమణం బ్రహ్మన్నభయాయ యథా రవేః ॥ ౫ ॥
స్వాగతం తే సురర్షేఽద్య దిష్ట్యా నో దర్శనం గతః ।
తవ చఙ్క్రమణం బ్రహ్మన్నభయాయ యథా రవేః ॥ ౫ ॥
యదాదిష్టం భగవతా శివేనాధోక్షజేన చ ।
తద్ గృహేషు ప్రసక్తానాం ప్రాయశః క్షపితం ప్రభో ॥ ౬ ॥
తద్ గృహేషు ప్రసక్తానాం ప్రాయశః క్షపితం ప్రభో ॥ ౬ ॥
తన్నః ప్రద్యోతయాధ్యాత్మజ్ఞానం తత్త్వార్థదర్శనమ్ ।
యేనాఞ్జసా తరిష్యామో దుస్తరం భవసాగరమ్ ॥ ౭ ॥
యేనాఞ్జసా తరిష్యామో దుస్తరం భవసాగరమ్ ॥ ౭ ॥
మైత్రేయ ఉవాచ
ఇతి ప్రచేతసాం పృష్టో భగవాన్నారదో మునిః ।
భగవత్యుత్తమశ్లోక ఆవిష్టాత్మాబ్రవీన్నృపాన్ ॥ ౮ ॥
ఇతి ప్రచేతసాం పృష్టో భగవాన్నారదో మునిః ।
భగవత్యుత్తమశ్లోక ఆవిష్టాత్మాబ్రవీన్నృపాన్ ॥ ౮ ॥
నారద ఉవాచ
తజ్జన్మ తాని కర్మాణి తదాయుస్తన్మనో వచః ।
నృణాం యేన హి విశ్వాత్మా సేవ్యతే హరిరీశ్వరః ॥ ౯ ॥
తజ్జన్మ తాని కర్మాణి తదాయుస్తన్మనో వచః ।
నృణాం యేన హి విశ్వాత్మా సేవ్యతే హరిరీశ్వరః ॥ ౯ ॥
కిం జన్మభిస్త్రిభిర్వేహ శౌక్రసావిత్రయాజ్ఞికైః ।
కర్మభిర్వా త్రయీప్రోక్తైః పుంసోఽపి విబుధాయుషా ॥ ౧౦ ॥
కర్మభిర్వా త్రయీప్రోక్తైః పుంసోఽపి విబుధాయుషా ॥ ౧౦ ॥
శ్రుతేన తపసా వా కిం వచోభిశ్చిత్తవృత్తిభిః ।
బుద్ధ్యా వా కిం నిపుణయా బలేనేన్ద్రియరాధసా ॥ ౧౧ ॥
బుద్ధ్యా వా కిం నిపుణయా బలేనేన్ద్రియరాధసా ॥ ౧౧ ॥
కిం వా యోగేన సాఙ్ఖ్యేన న్యాసస్వాధ్యాయయోరపి ।
కిం వా శ్రేయోభిరన్యైశ్చ న యత్రాత్మప్రదో హరిః ॥ ౧౨ ॥
కిం వా శ్రేయోభిరన్యైశ్చ న యత్రాత్మప్రదో హరిః ॥ ౧౨ ॥
శ్రేయసామపి సర్వేషామాత్మా హ్యవధిరర్థతః ।
సర్వేషామపి భూతానాం హరిరాత్మాత్మదః ప్రియః ॥ ౧౩ ॥
సర్వేషామపి భూతానాం హరిరాత్మాత్మదః ప్రియః ॥ ౧౩ ॥
యథా తరోర్మూలనిషేచనేన
తృప్యన్తి తత్స్కన్ధభుజోపశాఖాః ।
ప్రాణోపహారాచ్చ యథేన్ద్రియాణాం
తథైవ సర్వార్హణమచ్యుతేజ్యా ॥ ౧౪ ॥
తృప్యన్తి తత్స్కన్ధభుజోపశాఖాః ।
ప్రాణోపహారాచ్చ యథేన్ద్రియాణాం
తథైవ సర్వార్హణమచ్యుతేజ్యా ॥ ౧౪ ॥
యథైవ సూర్యాత్ప్రభవన్తి వారః
పునశ్చ తస్మిన్ప్రవిశన్తి కాలే ।
భూతాని భూమౌ స్థిరజఙ్గమాని
తథా హరావేవ గుణప్రవాహః ॥ ౧౫ ॥
పునశ్చ తస్మిన్ప్రవిశన్తి కాలే ।
భూతాని భూమౌ స్థిరజఙ్గమాని
తథా హరావేవ గుణప్రవాహః ॥ ౧౫ ॥
ఏతత్పదం తజ్జగదాత్మనః పరం
సకృద్విభాతం సవితుర్యథా ప్రభా ।
యథాసవో జాగ్రతి సుప్తశక్తయో
ద్రవ్యక్రియాజ్ఞానభిదాభ్రమాత్యయః ॥ ౧౬ ॥
సకృద్విభాతం సవితుర్యథా ప్రభా ।
యథాసవో జాగ్రతి సుప్తశక్తయో
ద్రవ్యక్రియాజ్ఞానభిదాభ్రమాత్యయః ॥ ౧౬ ॥
యథా నభస్యభ్రతమఃప్రకాశా
భవన్తి భూపా న భవన్త్యనుక్రమాత్ ।
ఏవం పరే బ్రహ్మణి శక్తయస్త్వమూ
రజస్తమఃసత్త్వమితి ప్రవాహః ॥ ౧౭ ॥
భవన్తి భూపా న భవన్త్యనుక్రమాత్ ।
ఏవం పరే బ్రహ్మణి శక్తయస్త్వమూ
రజస్తమఃసత్త్వమితి ప్రవాహః ॥ ౧౭ ॥
తేనైకమాత్మానమశేషదేహినాం
కాలం ప్రధానం పురుషం పరేశమ్ ।
స్వతేజసా ధ్వస్తగుణప్రవాహ-
మాత్మైకభావేన భజధ్వమద్ధా ॥ ౧౮ ॥
కాలం ప్రధానం పురుషం పరేశమ్ ।
స్వతేజసా ధ్వస్తగుణప్రవాహ-
మాత్మైకభావేన భజధ్వమద్ధా ॥ ౧౮ ॥
దయయా సర్వభూతేషు సన్తుష్ట్యా యేన కేన వా ।
సర్వేన్ద్రియోపశాన్త్యా చ తుష్యత్యాశు జనార్దనః ॥ ౧౯ ॥
సర్వేన్ద్రియోపశాన్త్యా చ తుష్యత్యాశు జనార్దనః ॥ ౧౯ ॥
అపహతసకలైషణామలాత్మ-
న్యవిరతమేధితభావనోపహూతః ।
నిజజనవశగత్వమాత్మనోఽయ-
న్న సరతి ఛిద్రవదక్షరః సతాం హి ॥ ౨౦ ॥
న్యవిరతమేధితభావనోపహూతః ।
నిజజనవశగత్వమాత్మనోఽయ-
న్న సరతి ఛిద్రవదక్షరః సతాం హి ॥ ౨౦ ॥
న భజతి కుమనీషిణాం స ఇజ్యాం
హరిరధనాత్మధనప్రియో రసజ్ఞః ।
శ్రుతధనకులకర్మణాం మదైర్యే
విదధతి పాపమకిఞ్చనేషు సత్సు ॥ ౨౧ ॥
హరిరధనాత్మధనప్రియో రసజ్ఞః ।
శ్రుతధనకులకర్మణాం మదైర్యే
విదధతి పాపమకిఞ్చనేషు సత్సు ॥ ౨౧ ॥
శ్రియమనుచరతీం తదర్థినశ్చ
ద్విపదపతీన్ విబుధాంశ్చ యత్స్వపూర్ణః ।
న భజతి నిజభృత్యవర్గతన్త్రః
కథమముముద్విసృజేత్పుమాన్ కృతజ్ఞః ॥ ౨౨ ॥
ద్విపదపతీన్ విబుధాంశ్చ యత్స్వపూర్ణః ।
న భజతి నిజభృత్యవర్గతన్త్రః
కథమముముద్విసృజేత్పుమాన్ కృతజ్ఞః ॥ ౨౨ ॥
మైత్రేయ ఉవాచ
ఇతి ప్రచేతసో రాజన్నన్యాశ్చ భగవత్కథాః ।
శ్రావయిత్వా బ్రహ్మలోకం యయౌ స్వాయమ్భువో మునిః ॥ ౨౩ ॥
ఇతి ప్రచేతసో రాజన్నన్యాశ్చ భగవత్కథాః ।
శ్రావయిత్వా బ్రహ్మలోకం యయౌ స్వాయమ్భువో మునిః ॥ ౨౩ ॥
తేఽపి తన్ముఖనిర్యాతం యశో లోకమలాపహమ్ ।
హరేర్నిశమ్య తత్పాదం ధ్యాయన్తస్తద్గతిం యయుః ॥ ౨౪ ॥
హరేర్నిశమ్య తత్పాదం ధ్యాయన్తస్తద్గతిం యయుః ॥ ౨౪ ॥
ఏతత్తేఽభిహితం క్షత్తర్యన్మాం త్వం పరిపృష్టవాన్ ।
ప్రచేతసాం నారదస్య సంవాదం హరికీర్తనమ్ ॥ ౨౫ ॥
ప్రచేతసాం నారదస్య సంవాదం హరికీర్తనమ్ ॥ ౨౫ ॥
శ్రీశుక ఉవాచ
య ఏష ఉత్తానపదో మానవస్యానువర్ణితః ।
వంశః ప్రియవ్రతస్యాపి నిబోధ నృపసత్తమ ॥ ౨౬ ॥
య ఏష ఉత్తానపదో మానవస్యానువర్ణితః ।
వంశః ప్రియవ్రతస్యాపి నిబోధ నృపసత్తమ ॥ ౨౬ ॥
యో నారదాదాత్మవిద్యామధిగమ్య పునర్మహీమ్ ।
భుక్త్వా విభజ్య పుత్రేభ్య ఐశ్వరం సమగాత్పదమ్ ॥ ౨౭ ॥
భుక్త్వా విభజ్య పుత్రేభ్య ఐశ్వరం సమగాత్పదమ్ ॥ ౨౭ ॥
ఇమాం తు కౌషారవిణోపవర్ణితాం
క్షత్తా నిశమ్యాజితవాదసత్కథామ్ ।
ప్రవృద్ధభావోఽశ్రుకలాకులో మునే-
ర్దధార మూర్ధ్నా చరణం హృదా హరేః ॥ ౨౮ ॥
క్షత్తా నిశమ్యాజితవాదసత్కథామ్ ।
ప్రవృద్ధభావోఽశ్రుకలాకులో మునే-
ర్దధార మూర్ధ్నా చరణం హృదా హరేః ॥ ౨౮ ॥
విదుర ఉవాచ
సోఽయమద్య మహాయోగిన్ భవతా కరుణాత్మనా ।
దర్శితస్తమసః పారో యత్రాకిఞ్చనగో హరిః ॥ ౨౯ ॥
సోఽయమద్య మహాయోగిన్ భవతా కరుణాత్మనా ।
దర్శితస్తమసః పారో యత్రాకిఞ్చనగో హరిః ॥ ౨౯ ॥
శ్రీశుక ఉవాచ
ఇత్యానమ్య తమామన్త్ర్య విదురో గజసాహ్వయమ్ ।
స్వానాం దిదృక్షుః ప్రయయౌ జ్ఞాతీనాం నిర్వృతాశయః ॥ ౩౦ ॥
ఇత్యానమ్య తమామన్త్ర్య విదురో గజసాహ్వయమ్ ।
స్వానాం దిదృక్షుః ప్రయయౌ జ్ఞాతీనాం నిర్వృతాశయః ॥ ౩౦ ॥
ఏతద్యః శృణుయాద్రాజన్ రాజ్ఞాం హర్యర్పితాత్మనామ్ ।
ఆయుర్ధనం యశః స్వస్తి గతిమైశ్వర్యమాప్నుయాత్ ॥ ౩౧ ॥
ఆయుర్ధనం యశః స్వస్తి గతిమైశ్వర్యమాప్నుయాత్ ॥ ౩౧ ॥