মৈত্রেয উবাচ
সনকাদ্যা নারদশ্চ ঋভুর্হংসোঽরুণির্যতিঃ ।
নৈতে গৃহান্ ব্রহ্মসুতা হ্যাবসন্নূর্ধ্বরেতসঃ ॥ ১ ॥
সনকাদ্যা নারদশ্চ ঋভুর্হংসোঽরুণির্যতিঃ ।
নৈতে গৃহান্ ব্রহ্মসুতা হ্যাবসন্নূর্ধ্বরেতসঃ ॥ ১ ॥
মৃষাধর্মস্য ভার্যাসীদ্দম্ভং মাযাং চ শত্রুহন্ ।
অসূত মিথুনং তত্তু নিঋর্তির্জগৃহেঽপ্রজঃ ॥ ২ ॥
অসূত মিথুনং তত্তু নিঋর্তির্জগৃহেঽপ্রজঃ ॥ ২ ॥
তযোঃ সমভবল্লোভো নিকৃতিশ্চ মহামতে ।
তাভ্যাং ক্রোধশ্চ হিংসা চ যদ্দুরুক্তিঃ স্বসা কলিঃ ॥ ৩ ॥
তাভ্যাং ক্রোধশ্চ হিংসা চ যদ্দুরুক্তিঃ স্বসা কলিঃ ॥ ৩ ॥
দুরুক্তৌ কলিরাধত্ত ভযং মৃত্যুং চ সত্তম ।
তযোশ্চ মিথুনং জজ্ঞে যাতনা নিরযস্তথা ॥ ৪ ॥
তযোশ্চ মিথুনং জজ্ঞে যাতনা নিরযস্তথা ॥ ৪ ॥
সঙ্গ্রহেণ মযাখ্যাতঃ প্রতিসর্গস্তবানঘ ।
ত্রিঃ শ্রুত্বৈতত্পুমান্ পুণ্যং বিধুনোত্যাত্মনো মলম্ ॥ ৫ ॥
ত্রিঃ শ্রুত্বৈতত্পুমান্ পুণ্যং বিধুনোত্যাত্মনো মলম্ ॥ ৫ ॥
অথাতঃ কীর্তযে বংশং পুণ্যকীর্তেঃ কুরূদ্বহ ।
স্বাযম্ভুবস্যাপি মনোর্হরেরংশাংশজন্মনঃ ॥ ৬ ॥
স্বাযম্ভুবস্যাপি মনোর্হরেরংশাংশজন্মনঃ ॥ ৬ ॥
প্রিযব্রতোত্তানপাদৌ শতরূপাপতেঃ সুতৌ ।
বাসুদেবস্য কলযা রক্ষাযাং জগতঃ স্থিতৌ ॥ ৭ ॥
বাসুদেবস্য কলযা রক্ষাযাং জগতঃ স্থিতৌ ॥ ৭ ॥
জাযে উত্তানপাদস্য সুনীতিঃ সুরুচিস্তযোঃ ।
সুরুচিঃ প্রেযসী পত্যুর্নেতরা যত্সুতো ধ্রুবঃ ॥ ৮ ॥
সুরুচিঃ প্রেযসী পত্যুর্নেতরা যত্সুতো ধ্রুবঃ ॥ ৮ ॥
একদা সুরুচেঃ পুত্রমঙ্কমারোপ্য লালযন্ ।
উত্তমং নারুরুক্ষন্তং ধ্রুবং রাজাভ্যনন্দত ॥ ৯ ॥
উত্তমং নারুরুক্ষন্তং ধ্রুবং রাজাভ্যনন্দত ॥ ৯ ॥
তথা চিকীর্ষমাণং তং সপত্ন্যাস্তনযং ধ্রুবম্ ।
সুরুচিঃ শৃণ্বতো রাজ্ঞঃ সের্ষ্যমাহাতিগর্বিতা ॥ ১০ ॥
সুরুচিঃ শৃণ্বতো রাজ্ঞঃ সের্ষ্যমাহাতিগর্বিতা ॥ ১০ ॥
ন বত্স নৃপতের্ধিষ্ণ্যং ভবানারোঢুমর্হতি ।
ন গৃহীতো মযা যত্ত্বং কুক্ষাবপি নৃপাত্মজঃ ॥ ১১ ॥
ন গৃহীতো মযা যত্ত্বং কুক্ষাবপি নৃপাত্মজঃ ॥ ১১ ॥
বালোঽসি বত নাত্মানমন্যস্ত্রীগর্ভসম্ভৃতম্ ।
নূনং বেদ ভবান্ যস্য দুর্লভেঽর্থে মনোরথঃ ॥ ১২ ॥
নূনং বেদ ভবান্ যস্য দুর্লভেঽর্থে মনোরথঃ ॥ ১২ ॥
তপসারাধ্য পুরুষং তস্যৈবানুগ্রহেণ মে ।
গর্ভে ত্বং সাধযাত্মানং যদীচ্ছসি নৃপাসনম্ ॥ ১৩ ॥
গর্ভে ত্বং সাধযাত্মানং যদীচ্ছসি নৃপাসনম্ ॥ ১৩ ॥
মৈত্রেয উবাচ
মাতুঃ সপত্ন্যাঃ স দুরুক্তিবিদ্ধঃ
শ্বসন্ রুষা দণ্ডহতো যথাহিঃ ।
হিত্বা মিষন্তং পিতরং সন্নবাচং
জগাম মাতুঃ প্ররুদন্ সকাশম্ ॥ ১৪ ॥
মাতুঃ সপত্ন্যাঃ স দুরুক্তিবিদ্ধঃ
শ্বসন্ রুষা দণ্ডহতো যথাহিঃ ।
হিত্বা মিষন্তং পিতরং সন্নবাচং
জগাম মাতুঃ প্ররুদন্ সকাশম্ ॥ ১৪ ॥
তং নিঃশ্বসন্তং স্ফুরিতাধরোষ্ঠং
সুনীতিরুত্সঙ্গ উদূহ্য বালম্ ।
নিশম্য তত্পৌরমুখান্নিতান্তং
সা বিব্যথে যদ্গদিতং সপত্ন্যা ॥ ১৫ ॥
সুনীতিরুত্সঙ্গ উদূহ্য বালম্ ।
নিশম্য তত্পৌরমুখান্নিতান্তং
সা বিব্যথে যদ্গদিতং সপত্ন্যা ॥ ১৫ ॥
সোত্সৃজ্য ধৈর্যং বিললাপ শোক
দাবাগ্নিনা দাবলতেব বালা ।
বাক্যং সপত্ন্যাঃ স্মরতী সরোজ
শ্রিযা দৃশা বাষ্পকলামুবাহ ॥ ১৬ ॥
দাবাগ্নিনা দাবলতেব বালা ।
বাক্যং সপত্ন্যাঃ স্মরতী সরোজ
শ্রিযা দৃশা বাষ্পকলামুবাহ ॥ ১৬ ॥
দীর্ঘং শ্বসন্তী বৃজিনস্য পার-
মপশ্যতী বালকমাহ বালা ।
মামঙ্গলং তাত পরেষু মংস্থা
ভুঙ্ক্তে জনো যত্পরদুঃখদস্তত্ ॥ ১৭ ॥
মপশ্যতী বালকমাহ বালা ।
মামঙ্গলং তাত পরেষু মংস্থা
ভুঙ্ক্তে জনো যত্পরদুঃখদস্তত্ ॥ ১৭ ॥
সত্যং সুরুচ্যাভিহিতং ভবান্মে
যদ্দুর্ভগাযা উদরে গৃহীতঃ ।
স্তন্যেন বৃদ্ধশ্চ বিলজ্জতে যাং
ভার্যেতি বা বোঢুমিডস্পতির্মাম্ ॥ ১৮ ॥
যদ্দুর্ভগাযা উদরে গৃহীতঃ ।
স্তন্যেন বৃদ্ধশ্চ বিলজ্জতে যাং
ভার্যেতি বা বোঢুমিডস্পতির্মাম্ ॥ ১৮ ॥
আতিষ্ঠ তত্তাত বিমত্সরস্ত্বম্
উক্তং সমাত্রাপি যদব্যলীকম্ ।
আরাধযাধোক্ষজপাদপদ্মং
যদীচ্ছসেঽধ্যাসনমুত্তমো যথা ॥ ১৯ ॥
উক্তং সমাত্রাপি যদব্যলীকম্ ।
আরাধযাধোক্ষজপাদপদ্মং
যদীচ্ছসেঽধ্যাসনমুত্তমো যথা ॥ ১৯ ॥
যস্যাঙ্ঘ্রি পদ্মং পরিচর্য বিশ্ব
বিভাবনাযাত্তগুণাভিপত্তেঃ ।
অজোঽধ্যতিষ্ঠত্খলু পারমেষ্ঠ্যং
পদং জিতাত্মশ্বসনাভিবন্দ্যম্ ॥ ২০ ॥
বিভাবনাযাত্তগুণাভিপত্তেঃ ।
অজোঽধ্যতিষ্ঠত্খলু পারমেষ্ঠ্যং
পদং জিতাত্মশ্বসনাভিবন্দ্যম্ ॥ ২০ ॥
তথা মনুর্বো ভগবান্ পিতামহো
যমেকমত্যা পুরুদক্ষিণৈর্মখৈঃ ।
ইষ্ট্বাভিপেদে দুরবাপমন্যতো
ভৌমং সুখং দিব্যমথাপবর্গ্যম্ ॥ ২১ ॥
যমেকমত্যা পুরুদক্ষিণৈর্মখৈঃ ।
ইষ্ট্বাভিপেদে দুরবাপমন্যতো
ভৌমং সুখং দিব্যমথাপবর্গ্যম্ ॥ ২১ ॥
তমেব বত্সাশ্রয ভৃত্যবত্সলং
মুমুক্ষুভির্মৃগ্যপদাব্জপদ্ধতিম্ ।
অনন্যভাবে নিজধর্মভাবিতে
মনস্যবস্থাপ্য ভজস্ব পূরুষম্ ॥ ২২ ॥
মুমুক্ষুভির্মৃগ্যপদাব্জপদ্ধতিম্ ।
অনন্যভাবে নিজধর্মভাবিতে
মনস্যবস্থাপ্য ভজস্ব পূরুষম্ ॥ ২২ ॥
নান্যং ততঃ পদ্মপলাশলোচনাদ্
দুঃখচ্ছিদং তে মৃগযামি কঞ্চন ।
যো মৃগ্যতে হস্তগৃহীতপদ্মযা
শ্রিযেতরৈরঙ্গ বিমৃগ্যমাণযা ॥ ২৩ ॥
দুঃখচ্ছিদং তে মৃগযামি কঞ্চন ।
যো মৃগ্যতে হস্তগৃহীতপদ্মযা
শ্রিযেতরৈরঙ্গ বিমৃগ্যমাণযা ॥ ২৩ ॥
মৈত্রেয উবাচ
এবং সঞ্জল্পিতং মাতুরাকর্ণ্যার্থাগমং বচঃ ।
সন্নিযম্যাত্মনাত্মানং নিশ্চক্রাম পিতুঃ পুরাত্ ॥ ২৪ ॥
এবং সঞ্জল্পিতং মাতুরাকর্ণ্যার্থাগমং বচঃ ।
সন্নিযম্যাত্মনাত্মানং নিশ্চক্রাম পিতুঃ পুরাত্ ॥ ২৪ ॥
নারদস্তদুপাকর্ণ্য জ্ঞাত্বা তস্য চিকীর্ষিতম্ ।
স্পৃষ্ট্বা মূর্ধন্যঘঘ্নেন পাণিনা প্রাহ বিস্মিতঃ ॥ ২৫ ॥
স্পৃষ্ট্বা মূর্ধন্যঘঘ্নেন পাণিনা প্রাহ বিস্মিতঃ ॥ ২৫ ॥
অহো তেজঃ ক্ষত্রিযাণাং মানভঙ্গমমৃষ্যতাম্ ।
বালোঽপ্যযং হৃদা ধত্তে যত্সমাতুরসদ্বচঃ ॥ ২৬ ॥
বালোঽপ্যযং হৃদা ধত্তে যত্সমাতুরসদ্বচঃ ॥ ২৬ ॥
নারদ উবাচ
নাধুনাপ্যবমানং তে সম্মানং বাপি পুত্রক ।
লক্ষযামঃ কুমারস্য সক্তস্য ক্রীডনাদিষু ॥ ২৭ ॥
নাধুনাপ্যবমানং তে সম্মানং বাপি পুত্রক ।
লক্ষযামঃ কুমারস্য সক্তস্য ক্রীডনাদিষু ॥ ২৭ ॥
বিকল্পে বিদ্যমানেঽপি ন হ্যসন্তোষহেতবঃ ।
পুংসো মোহমৃতে ভিন্না যল্লোকে নিজকর্মভিঃ ॥ ২৮ ॥
পুংসো মোহমৃতে ভিন্না যল্লোকে নিজকর্মভিঃ ॥ ২৮ ॥
পরিতুষ্যেত্ততস্তাত তাবন্মাত্রেণ পূরুষঃ ।
দৈবোপসাদিতং যাবদ্বীক্ষ্যেশ্বরগতিং বুধঃ ॥ ২৯ ॥
দৈবোপসাদিতং যাবদ্বীক্ষ্যেশ্বরগতিং বুধঃ ॥ ২৯ ॥
অথ মাত্রোপদিষ্টেন যোগেনাবরুরুত্সসি ।
যত্প্রসাদং স বৈ পুংসাং দুরারাধ্যো মতো মম ॥ ৩০ ॥
যত্প্রসাদং স বৈ পুংসাং দুরারাধ্যো মতো মম ॥ ৩০ ॥
মুনযঃ পদবীং যস্য নিঃসঙ্গেনোরুজন্মভিঃ ।
ন বিদুর্মৃগযন্তোঽপি তীব্রযোগসমাধিনা ॥ ৩১ ॥
ন বিদুর্মৃগযন্তোঽপি তীব্রযোগসমাধিনা ॥ ৩১ ॥
অতো নিবর্ততামেষ নির্বন্ধস্তব নিষ্ফলঃ ।
যতিষ্যতি ভবান্ কালে শ্রেযসাং সমুপস্থিতে ॥ ৩২ ॥
যতিষ্যতি ভবান্ কালে শ্রেযসাং সমুপস্থিতে ॥ ৩২ ॥
যস্য যদ্দৈববিহিতং স তেন সুখদুঃখযোঃ ।
আত্মানং তোষযন্দেহী তমসঃ পারমৃচ্ছতি ॥ ৩৩ ॥
আত্মানং তোষযন্দেহী তমসঃ পারমৃচ্ছতি ॥ ৩৩ ॥
গুণাধিকান্মুদং লিপ্সেদনুক্রোশং গুণাধমাত্ ।
মৈত্রীং সমানাদন্বিচ্ছেন্ন তাপৈরভিভূযতে ॥ ৩৪ ॥
মৈত্রীং সমানাদন্বিচ্ছেন্ন তাপৈরভিভূযতে ॥ ৩৪ ॥
ধ্রুব উবাচ
সোঽযং শমো ভগবতা সুখদুঃখহতাত্মনাম্ ।
দর্শিতঃ কৃপযা পুংসাং দুর্দর্শোঽস্মদ্বিধৈস্তু যঃ ॥ ৩৫ ॥
সোঽযং শমো ভগবতা সুখদুঃখহতাত্মনাম্ ।
দর্শিতঃ কৃপযা পুংসাং দুর্দর্শোঽস্মদ্বিধৈস্তু যঃ ॥ ৩৫ ॥
অথাপি মেঽবিনীতস্য ক্ষাত্ত্রং ঘোরমুপেযুষঃ ।
সুরুচ্যা দুর্বচোবাণৈর্ন ভিন্নে শ্রযতে হৃদি ॥ ৩৬ ॥
সুরুচ্যা দুর্বচোবাণৈর্ন ভিন্নে শ্রযতে হৃদি ॥ ৩৬ ॥
পদং ত্রিভুবনোত্কৃষ্টং জিগীষোঃ সাধু বর্ত্ম মে ।
ব্রূহ্যস্মত্পিতৃভির্ব্রহ্মন্নন্যৈরপ্যনধিষ্ঠিতম্ ॥ ৩৭ ॥
ব্রূহ্যস্মত্পিতৃভির্ব্রহ্মন্নন্যৈরপ্যনধিষ্ঠিতম্ ॥ ৩৭ ॥
নূনং ভবান্ভগবতো যোঽঙ্গজঃ পরমেষ্ঠিনঃ ।
বিতুদন্নটতে বীণাং হিতায জগতোঽর্কবত্ ॥ ৩৮ ॥
বিতুদন্নটতে বীণাং হিতায জগতোঽর্কবত্ ॥ ৩৮ ॥
মৈত্রেয উবাচ
ইত্যুদাহৃতমাকর্ণ্য ভগবান্নারদস্তদা ।
প্রীতঃ প্রত্যাহ তং বালং সদ্বাক্যমনুকম্পযা ॥ ৩৯ ॥
ইত্যুদাহৃতমাকর্ণ্য ভগবান্নারদস্তদা ।
প্রীতঃ প্রত্যাহ তং বালং সদ্বাক্যমনুকম্পযা ॥ ৩৯ ॥
নারদ উবাচ
জনন্যাভিহিতঃ পন্থাঃ স বৈ নিঃশ্রেযসস্য তে ।
ভগবান্ বাসুদেবস্তং ভজ তং প্রবণাত্মনা ॥ ৪০ ॥
জনন্যাভিহিতঃ পন্থাঃ স বৈ নিঃশ্রেযসস্য তে ।
ভগবান্ বাসুদেবস্তং ভজ তং প্রবণাত্মনা ॥ ৪০ ॥
ধর্মার্থকামমোক্ষাখ্যং য ইচ্ছেচ্ছ্রেয আত্মনঃ ।
একং হ্যেব হরেস্তত্র কারণং পাদসেবনম্ ॥ ৪১ ॥
একং হ্যেব হরেস্তত্র কারণং পাদসেবনম্ ॥ ৪১ ॥
তত্তাত গচ্ছ ভদ্রং তে যমুনাযাস্তটং শুচি ।
পুণ্যং মধুবনং যত্র সান্নিধ্যং নিত্যদা হরেঃ ॥ ৪২ ॥
পুণ্যং মধুবনং যত্র সান্নিধ্যং নিত্যদা হরেঃ ॥ ৪২ ॥
স্নাত্বানুসবনং তস্মিন্ কালিন্দ্যাঃ সলিলে শিবে ।
কৃত্বোচিতানি নিবসন্নাত্মনঃ কল্পিতাসনঃ ॥ ৪৩ ॥
কৃত্বোচিতানি নিবসন্নাত্মনঃ কল্পিতাসনঃ ॥ ৪৩ ॥
প্রাণাযামেন ত্রিবৃতা প্রাণেন্দ্রিযমনোমলম্ ।
শনৈর্ব্যুদস্যাভিধ্যাযেন্মনসা গুরুণা গুরুম্ ॥ ৪৪ ॥
শনৈর্ব্যুদস্যাভিধ্যাযেন্মনসা গুরুণা গুরুম্ ॥ ৪৪ ॥
প্রসাদাভিমুখং শশ্বত্প্রসন্নবদনেক্ষণম্ ।
সুনাসং সুভ্রুবং চারুকপোলং সুরসুন্দরম্ ॥ ৪৫ ॥
সুনাসং সুভ্রুবং চারুকপোলং সুরসুন্দরম্ ॥ ৪৫ ॥
তরুণং রমণীযাঙ্গমরুণোষ্ঠেক্ষণাধরম্ ।
প্রণতাশ্রযণং নৃম্ণং শরণ্যং করুণার্ণবম্ ॥ ৪৬ ॥
প্রণতাশ্রযণং নৃম্ণং শরণ্যং করুণার্ণবম্ ॥ ৪৬ ॥
শ্রীবত্সাঙ্কং ঘনশ্যামং পুরুষং বনমালিনম্ ।
শঙ্খচক্রগদাপদ্মৈরভিব্যক্তচতুর্ভুজম্ ॥ ৪৭ ॥
শঙ্খচক্রগদাপদ্মৈরভিব্যক্তচতুর্ভুজম্ ॥ ৪৭ ॥
কিরীটিনং কুণ্ডলিনং কেযূরবলযান্বিতম্ ।
কৌস্তুভাভরণগ্রীবং পীতকৌশেযবাসসম্ ॥ ৪৮ ॥
কৌস্তুভাভরণগ্রীবং পীতকৌশেযবাসসম্ ॥ ৪৮ ॥
কাঞ্চীকলাপপর্যস্তং লসত্কাঞ্চননূপুরম্ ।
দর্শনীযতমং শান্তং মনোনযনবর্ধনম্ ॥ ৪৯ ॥
দর্শনীযতমং শান্তং মনোনযনবর্ধনম্ ॥ ৪৯ ॥
পদ্ভ্যাং নখমণিশ্রেণ্যা বিলসদ্ভ্যাং সমর্চতাম্ ।
হৃত্পদ্মকর্ণিকাধিষ্ণ্যমাক্রম্যাত্মন্যবস্থিতম্ ॥ ৫০ ॥
হৃত্পদ্মকর্ণিকাধিষ্ণ্যমাক্রম্যাত্মন্যবস্থিতম্ ॥ ৫০ ॥
স্মযমানমভিধ্যাযেত্সানুরাগাবলোকনম্ ।
নিযতেনৈকভূতেন মনসা বরদর্ষভম্ ॥ ৫১ ॥
নিযতেনৈকভূতেন মনসা বরদর্ষভম্ ॥ ৫১ ॥
এবং ভগবতো রূপং সুভদ্রং ধ্যাযতো মনঃ ।
নির্বৃত্যা পরযা তূর্ণং সম্পন্নং ন নিবর্ততে ॥ ৫২ ॥
নির্বৃত্যা পরযা তূর্ণং সম্পন্নং ন নিবর্ততে ॥ ৫২ ॥
জপশ্চ পরমো গুহ্যঃ শ্রূযতাং মে নৃপাত্মজ ।
যং সপ্তরাত্রং প্রপঠন্পুমান্ পশ্যতি খেচরান্ ॥ ৫৩ ॥
যং সপ্তরাত্রং প্রপঠন্পুমান্ পশ্যতি খেচরান্ ॥ ৫৩ ॥
ওঁ নমো ভগবতে বাসুদেবায ।
মন্ত্রেণানেন দেবস্য কুর্যাদ্ দ্রব্যমযীং বুধঃ ।
সপর্যাং বিবিধৈর্দ্রব্যৈর্দেশকালবিভাগবিত্ ॥ ৫৪ ॥
মন্ত্রেণানেন দেবস্য কুর্যাদ্ দ্রব্যমযীং বুধঃ ।
সপর্যাং বিবিধৈর্দ্রব্যৈর্দেশকালবিভাগবিত্ ॥ ৫৪ ॥
সলিলৈঃ শুচিভির্মাল্যৈর্বন্যৈর্মূলফলাদিভিঃ ।
শস্তাঙ্কুরাংশুকৈশ্চার্চেত্তুলস্যা প্রিযযা প্রভুম্ ॥ ৫৫ ॥
শস্তাঙ্কুরাংশুকৈশ্চার্চেত্তুলস্যা প্রিযযা প্রভুম্ ॥ ৫৫ ॥
লব্ধ্বা দ্রব্যমযীমর্চাং ক্ষিত্যম্ব্বাদিষু বার্চযেত্ ।
আভৃতাত্মা মুনিঃ শান্তো যতবাঙ্মিতবন্যভুক্ ॥ ৫৬ ॥
আভৃতাত্মা মুনিঃ শান্তো যতবাঙ্মিতবন্যভুক্ ॥ ৫৬ ॥
স্বেচ্ছাবতারচরিতৈরচিন্ত্যনিজমাযযা ।
করিষ্যত্যুত্তমশ্লোকস্তদ্ ধ্যাযেদ্ধৃদযঙ্গমম্ ॥ ৫৭ ॥
করিষ্যত্যুত্তমশ্লোকস্তদ্ ধ্যাযেদ্ধৃদযঙ্গমম্ ॥ ৫৭ ॥
পরিচর্যা ভগবতো যাবত্যঃ পূর্বসেবিতাঃ ।
তা মন্ত্রহৃদযেনৈব প্রযুঞ্জ্যান্মন্ত্রমূর্তযে ॥ ৫৮ ॥
তা মন্ত্রহৃদযেনৈব প্রযুঞ্জ্যান্মন্ত্রমূর্তযে ॥ ৫৮ ॥
এবং কাযেন মনসা বচসা চ মনোগতম্ ।
পরিচর্যমাণো ভগবান্ ভক্তিমত্পরিচর্যযা ॥ ৫৯ ॥
পরিচর্যমাণো ভগবান্ ভক্তিমত্পরিচর্যযা ॥ ৫৯ ॥
পুংসামমাযিনাং সম্যগ্ভজতাং ভাববর্ধনঃ ।
শ্রেযো দিশত্যভিমতং যদ্ধর্মাদিষু দেহিনাম্ ॥ ৬০ ॥
শ্রেযো দিশত্যভিমতং যদ্ধর্মাদিষু দেহিনাম্ ॥ ৬০ ॥
বিরক্তশ্চেন্দ্রিযরতৌ ভক্তিযোগেন ভূযসা ।
তং নিরন্তরভাবেন ভজেতাদ্ধা বিমুক্তযে ॥ ৬১ ॥
তং নিরন্তরভাবেন ভজেতাদ্ধা বিমুক্তযে ॥ ৬১ ॥
ইত্যুক্তস্তং পরিক্রম্য প্রণম্য চ নৃপার্ভকঃ ।
যযৌ মধুবনং পুণ্যং হরেশ্চরণচর্চিতম্ ॥ ৬২ ॥
যযৌ মধুবনং পুণ্যং হরেশ্চরণচর্চিতম্ ॥ ৬২ ॥
তপোবনং গতে তস্মিন্প্রবিষ্টোঽন্তঃপুরং মুনিঃ ।
অর্হিতার্হণকো রাজ্ঞা সুখাসীন উবাচতম্ ॥ ৬৩ ॥
অর্হিতার্হণকো রাজ্ঞা সুখাসীন উবাচতম্ ॥ ৬৩ ॥
নারদ উবাচ
রাজন্ কিং ধ্যাযসে দীর্ঘং মুখেন পরিশুষ্যতা ।
কিং বা ন রিষ্যতে কামো ধর্মো বার্থেন সংযুতঃ ॥ ৬৪ ॥
রাজন্ কিং ধ্যাযসে দীর্ঘং মুখেন পরিশুষ্যতা ।
কিং বা ন রিষ্যতে কামো ধর্মো বার্থেন সংযুতঃ ॥ ৬৪ ॥
রাজোবাচ
সুতো মে বালকো ব্রহ্মন্ স্ত্রৈণেনাকরুণাত্মনা ।
নির্বাসিতঃ পঞ্চবর্ষঃ সহ মাত্রা মহান্কবিঃ ॥ ৬৫ ॥
সুতো মে বালকো ব্রহ্মন্ স্ত্রৈণেনাকরুণাত্মনা ।
নির্বাসিতঃ পঞ্চবর্ষঃ সহ মাত্রা মহান্কবিঃ ॥ ৬৫ ॥
অপ্যনাথং বনে ব্রহ্মন্মা স্মাদন্ত্যর্ভকং বৃকাঃ ।
শ্রান্তং শযানং ক্ষুধিতং পরিম্লানমুখাম্বুজম্ ॥ ৬৬ ॥
শ্রান্তং শযানং ক্ষুধিতং পরিম্লানমুখাম্বুজম্ ॥ ৬৬ ॥
অহো মে বত দৌরাত্ম্যং স্ত্রীজিতস্যোপধারয ।
যোঽঙ্কং প্রেম্ণারুরুক্ষন্তং নাভ্যনন্দমসত্তমঃ ॥ ৬৭ ॥
যোঽঙ্কং প্রেম্ণারুরুক্ষন্তং নাভ্যনন্দমসত্তমঃ ॥ ৬৭ ॥
নারদ উবাচ
মা মা শুচঃ স্বতনযং দেবগুপ্তং বিশাম্পতে ।
তত্প্রভাবমবিজ্ঞায প্রাবৃঙ্ক্তে যদ্যশো জগত্ ॥ ৬৮ ॥
মা মা শুচঃ স্বতনযং দেবগুপ্তং বিশাম্পতে ।
তত্প্রভাবমবিজ্ঞায প্রাবৃঙ্ক্তে যদ্যশো জগত্ ॥ ৬৮ ॥
সুদুষ্করং কর্ম কৃত্বা লোকপালৈরপি প্রভুঃ ।
ঐষ্যত্যচিরতো রাজন্ যশো বিপুলযংস্তব ॥ ৬৯ ॥
ঐষ্যত্যচিরতো রাজন্ যশো বিপুলযংস্তব ॥ ৬৯ ॥
মৈত্রেয উবাচ
ইতি দেবর্ষিণা প্রোক্তং বিশ্রুত্য জগতীপতিঃ ।
রাজলক্ষ্মীমনাদৃত্য পুত্রমেবান্বচিন্তযত্ ॥ ৭০ ॥
ইতি দেবর্ষিণা প্রোক্তং বিশ্রুত্য জগতীপতিঃ ।
রাজলক্ষ্মীমনাদৃত্য পুত্রমেবান্বচিন্তযত্ ॥ ৭০ ॥
তত্রাভিষিক্তঃ প্রযতস্তামুপোষ্য বিভাবরীম্ ।
সমাহিতঃ পর্যচরদৃষ্যাদেশেন পূরুষম্ ॥ ৭১ ॥
সমাহিতঃ পর্যচরদৃষ্যাদেশেন পূরুষম্ ॥ ৭১ ॥
ত্রিরাত্রান্তে ত্রিরাত্রান্তে কপিত্থবদরাশনঃ ।
আত্মবৃত্ত্যনুসারেণ মাসং নিন্যেঽর্চযন্হরিম্ ॥ ৭২ ॥
আত্মবৃত্ত্যনুসারেণ মাসং নিন্যেঽর্চযন্হরিম্ ॥ ৭২ ॥
দ্বিতীযং চ তথা মাসং ষষ্ঠে ষষ্ঠেঽর্ভকো দিনে ।
তৃণপর্ণাদিভিঃ শীর্ণৈঃ কৃতান্নোঽভ্যর্চযন্বিভুম্ ॥ ৭৩ ॥
তৃণপর্ণাদিভিঃ শীর্ণৈঃ কৃতান্নোঽভ্যর্চযন্বিভুম্ ॥ ৭৩ ॥
তৃতীযং চানযন্মাসং নবমে নবমেঽহনি ।
অব্ভক্ষ উত্তমশ্লোকমুপাধাবত্সমাধিনা ॥ ৭৪ ॥
অব্ভক্ষ উত্তমশ্লোকমুপাধাবত্সমাধিনা ॥ ৭৪ ॥
চতুর্থমপি বৈ মাসং দ্বাদশে দ্বাদশেঽহনি ।
বাযুভক্ষো জিতশ্বাসো ধ্যাযন্দেবমধারযত্ ॥ ৭৫ ॥
বাযুভক্ষো জিতশ্বাসো ধ্যাযন্দেবমধারযত্ ॥ ৭৫ ॥
পঞ্চমে মাস্যনুপ্রাপ্তে জিতশ্বাসো নৃপাত্মজঃ ।
ধ্যাযন্ ব্রহ্ম পদৈকেন তস্থৌ স্থাণুরিবাচলঃ ॥ ৭৬ ॥
ধ্যাযন্ ব্রহ্ম পদৈকেন তস্থৌ স্থাণুরিবাচলঃ ॥ ৭৬ ॥
সর্বতো মন আকৃষ্য হৃদি ভূতেন্দ্রিযাশযম্ ।
ধ্যাযন্ভগবতো রূপং নাদ্রাক্ষীত্কিঞ্চনাপরম্ ॥ ৭৭ ॥
ধ্যাযন্ভগবতো রূপং নাদ্রাক্ষীত্কিঞ্চনাপরম্ ॥ ৭৭ ॥
আধারং মহদাদীনাং প্রধানপুরুষেশ্বরম্ ।
ব্রহ্ম ধারযমাণস্য ত্রযো লোকাশ্চকম্পিরে ॥ ৭৮ ॥
ব্রহ্ম ধারযমাণস্য ত্রযো লোকাশ্চকম্পিরে ॥ ৭৮ ॥
যদৈকপাদেন স পার্থিবার্ভক
স্তস্থৌ তদঙ্গুষ্ঠনিপীডিতা মহী ।
ননাম তত্রার্ধমিভেন্দ্রধিষ্ঠিতা
তরীব সব্যেতরতঃ পদে পদে ॥ ৭৯ ॥
স্তস্থৌ তদঙ্গুষ্ঠনিপীডিতা মহী ।
ননাম তত্রার্ধমিভেন্দ্রধিষ্ঠিতা
তরীব সব্যেতরতঃ পদে পদে ॥ ৭৯ ॥
তস্মিন্নভিধ্যাযতি বিশ্বমাত্মনো
দ্বারং নিরুধ্যাসুমনন্যযা ধিযা ।
লোকা নিরুচ্ছ্বাসনিপীডিতা ভৃশং
সলোকপালাঃ শরণং যযুর্হরিম্ ॥ ৮০ ॥
দ্বারং নিরুধ্যাসুমনন্যযা ধিযা ।
লোকা নিরুচ্ছ্বাসনিপীডিতা ভৃশং
সলোকপালাঃ শরণং যযুর্হরিম্ ॥ ৮০ ॥
দেবা ঊচুঃ
নৈবং বিদামো ভগবন্ প্রাণরোধং
চরাচরস্যাখিলসত্ত্বধাম্নঃ ।
বিধেহি তন্নো বৃজিনাদ্বিমোক্ষং
প্রাপ্তা বযং ত্বাং শরণং শরণ্যম্ ॥ ৮১ ॥
নৈবং বিদামো ভগবন্ প্রাণরোধং
চরাচরস্যাখিলসত্ত্বধাম্নঃ ।
বিধেহি তন্নো বৃজিনাদ্বিমোক্ষং
প্রাপ্তা বযং ত্বাং শরণং শরণ্যম্ ॥ ৮১ ॥
শ্রীভগবানুবাচ
মা ভৈষ্ট বালং তপসো দুরত্যযা-
ন্নিবর্তযিষ্যে প্রতিযাত স্বধাম ।
যতো হি বঃ প্রাণনিরোধ আসী-
দৌত্তানপাদির্মযি সঙ্গতাত্মা ॥ ৮২ ॥
মা ভৈষ্ট বালং তপসো দুরত্যযা-
ন্নিবর্তযিষ্যে প্রতিযাত স্বধাম ।
যতো হি বঃ প্রাণনিরোধ আসী-
দৌত্তানপাদির্মযি সঙ্গতাত্মা ॥ ৮২ ॥