মৈত্ৰেয উৱাচ
ত এৱমুত্সন্নভযা উৰুক্ৰমে
কৃতাৱনামাঃ প্ৰযযুস্ত্ৰিৱিষ্টপম্ ।
সহস্ৰশীৰ্ষাপি ততো গৰুত্মতা
মধোৰ্ৱনং ভৃত্যদিদৃক্ষযা গতঃ ॥ ১ ॥
ত এৱমুত্সন্নভযা উৰুক্ৰমে
কৃতাৱনামাঃ প্ৰযযুস্ত্ৰিৱিষ্টপম্ ।
সহস্ৰশীৰ্ষাপি ততো গৰুত্মতা
মধোৰ্ৱনং ভৃত্যদিদৃক্ষযা গতঃ ॥ ১ ॥
স ৱৈ ধিযা যোগৱিপাকতীৱ্ৰযা
হৃত্পদ্মকোশে স্ফুৰিতং তডিত্প্ৰভম্ ।
তিৰোহিতং সহসৈৱোপলক্ষ্য
বহিঃস্থিতং তদৱস্থং দদৰ্শ ॥ ২ ॥
হৃত্পদ্মকোশে স্ফুৰিতং তডিত্প্ৰভম্ ।
তিৰোহিতং সহসৈৱোপলক্ষ্য
বহিঃস্থিতং তদৱস্থং দদৰ্শ ॥ ২ ॥
তদ্দৰ্শনেনাগতসাধ্ৱসঃ ক্ষিতা-
ৱৱন্দতাঙ্গং ৱিনময্য দণ্ডৱত্ ।
দৃগ্ভ্যাং প্ৰপশ্যন্ প্ৰপিবন্নিৱাৰ্ভক-
শ্চুম্বন্নিৱাস্যেন ভুজৈৰিৱাশ্লিষন্ ॥ ৩ ॥
ৱৱন্দতাঙ্গং ৱিনময্য দণ্ডৱত্ ।
দৃগ্ভ্যাং প্ৰপশ্যন্ প্ৰপিবন্নিৱাৰ্ভক-
শ্চুম্বন্নিৱাস্যেন ভুজৈৰিৱাশ্লিষন্ ॥ ৩ ॥
স তং ৱিৱক্ষন্তমতদ্ৱিদং হৰি-
ৰ্জ্ঞাত্ৱাস্য সৰ্ৱস্য চ হৃদ্যৱস্থিতঃ ।
কৃতাঞ্জলিং ব্ৰহ্মমযেন কম্বুনা
পস্পৰ্শ বালং কৃপযা কপোলে ॥ ৪ ॥
ৰ্জ্ঞাত্ৱাস্য সৰ্ৱস্য চ হৃদ্যৱস্থিতঃ ।
কৃতাঞ্জলিং ব্ৰহ্মমযেন কম্বুনা
পস্পৰ্শ বালং কৃপযা কপোলে ॥ ৪ ॥
স ৱৈ তদৈৱ প্ৰতিপাদিতাং গিৰং
দৈৱীং পৰিজ্ঞাতপৰাত্মনিৰ্ণযঃ ।
তং ভক্তিভাৱোঽভ্যগৃণাদসত্ৱৰং
পৰিশ্ৰুতোৰুশ্ৰৱসং ধ্ৰুৱক্ষিতিঃ ॥ ৫ ॥
দৈৱীং পৰিজ্ঞাতপৰাত্মনিৰ্ণযঃ ।
তং ভক্তিভাৱোঽভ্যগৃণাদসত্ৱৰং
পৰিশ্ৰুতোৰুশ্ৰৱসং ধ্ৰুৱক্ষিতিঃ ॥ ৫ ॥
ধ্ৰুৱ উৱাচ
যোঽন্তঃ প্ৰৱিশ্য মম ৱাচমিমাং প্ৰসুপ্তাং
সঞ্জীৱযত্যখিলশক্তিধৰঃ স্ৱধাম্না ।
অন্যাংশ্চ হস্তচৰণশ্ৰৱণত্ৱগাদীন্
প্ৰাণান্নমো ভগৱতে পুৰুষায তুভ্যম্ ॥ ৬ ॥
যোঽন্তঃ প্ৰৱিশ্য মম ৱাচমিমাং প্ৰসুপ্তাং
সঞ্জীৱযত্যখিলশক্তিধৰঃ স্ৱধাম্না ।
অন্যাংশ্চ হস্তচৰণশ্ৰৱণত্ৱগাদীন্
প্ৰাণান্নমো ভগৱতে পুৰুষায তুভ্যম্ ॥ ৬ ॥
একস্ত্ৱমেৱ ভগৱন্নিদমাত্মশক্ত্যা
মাযাখ্যযোৰুগুণযা মহদাদ্যশেষম্ ।
সৃষ্ট্ৱানুৱিশ্য পুৰুষস্তদসদ্গুণেষু
নানেৱ দাৰুষু ৱিভাৱসুৱদ্ৱিভাসি ॥ ৭ ॥
মাযাখ্যযোৰুগুণযা মহদাদ্যশেষম্ ।
সৃষ্ট্ৱানুৱিশ্য পুৰুষস্তদসদ্গুণেষু
নানেৱ দাৰুষু ৱিভাৱসুৱদ্ৱিভাসি ॥ ৭ ॥
ত্ৱদ্দত্তযা ৱযুনযেদমচষ্ট ৱিশ্ৱং
সুপ্তপ্ৰবুদ্ধ ইৱ নাথ ভৱত্প্ৰপন্নঃ ।
তস্যাপৱৰ্গ্যশৰণং তৱ পাদমূলং
ৱিস্মৰ্যতে কৃতৱিদা কথমাৰ্তবন্ধো ॥ ৮ ॥
সুপ্তপ্ৰবুদ্ধ ইৱ নাথ ভৱত্প্ৰপন্নঃ ।
তস্যাপৱৰ্গ্যশৰণং তৱ পাদমূলং
ৱিস্মৰ্যতে কৃতৱিদা কথমাৰ্তবন্ধো ॥ ৮ ॥
নূনং ৱিমুষ্টমতযস্তৱ মাযযা তে
যে ত্ৱাং ভৱাপ্যযৱিমোক্ষণমন্যহেতোঃ ।
অৰ্চন্তি কল্পকতৰুং কুণপোপভোগ্য-
মিচ্ছন্তি যত্স্পৰ্শজং নিৰযেঽপি নৃণাম্ ॥ ৯ ॥
যে ত্ৱাং ভৱাপ্যযৱিমোক্ষণমন্যহেতোঃ ।
অৰ্চন্তি কল্পকতৰুং কুণপোপভোগ্য-
মিচ্ছন্তি যত্স্পৰ্শজং নিৰযেঽপি নৃণাম্ ॥ ৯ ॥
যা নিৰ্ৱৃতিস্তনুভৃতাং তৱ পাদপদ্ম
ধ্যানাদ্ভৱজ্জনকথাশ্ৰৱণেন ৱা স্যাত্ ।
সা ব্ৰহ্মণি স্ৱমহিমন্যপি নাথ মা ভূত্
কিং ত্ৱন্তকাসিলুলিতাত্পততাং ৱিমানাত্ ॥ ১০ ॥
ধ্যানাদ্ভৱজ্জনকথাশ্ৰৱণেন ৱা স্যাত্ ।
সা ব্ৰহ্মণি স্ৱমহিমন্যপি নাথ মা ভূত্
কিং ত্ৱন্তকাসিলুলিতাত্পততাং ৱিমানাত্ ॥ ১০ ॥
ভক্তিং মুহুঃ প্ৰৱহতাং ত্ৱযি মে প্ৰসঙ্গো
ভূযাদনন্ত মহতামমলাশযানাম্ ।
যেনাঞ্জসোল্বণমুৰুৱ্যসনং ভৱাব্ধিং
নেষ্যে ভৱদ্গুণকথামৃতপানমত্তঃ ॥ ১১ ॥
ভূযাদনন্ত মহতামমলাশযানাম্ ।
যেনাঞ্জসোল্বণমুৰুৱ্যসনং ভৱাব্ধিং
নেষ্যে ভৱদ্গুণকথামৃতপানমত্তঃ ॥ ১১ ॥
তে ন স্মৰন্ত্যতিতৰাং প্ৰিযমীশ মৰ্ত্যং
যে চান্ৱদঃ সুতসুহৃদ্গৃহৱিত্তদাৰাঃ ।
যে ত্ৱব্জনাভ ভৱদীযপদাৰৱিন্দ
সৌগন্ধ্যলুব্ধহৃদযেষু কৃতপ্ৰসঙ্গাঃ ॥ ১২ ॥
যে চান্ৱদঃ সুতসুহৃদ্গৃহৱিত্তদাৰাঃ ।
যে ত্ৱব্জনাভ ভৱদীযপদাৰৱিন্দ
সৌগন্ধ্যলুব্ধহৃদযেষু কৃতপ্ৰসঙ্গাঃ ॥ ১২ ॥
তিৰ্যঙ্নগদ্ৱিজসৰীসৃপদেৱদৈত্য
মৰ্ত্যাদিভিঃ পৰিচিতং সদসদ্ৱিশেষম্ ।
ৰূপং স্থৱিষ্ঠমজ তে মহদাদ্যনেকং
নাতঃ পৰং পৰম ৱেদ্মি ন যত্ৰ ৱাদঃ ॥ ১৩ ॥
মৰ্ত্যাদিভিঃ পৰিচিতং সদসদ্ৱিশেষম্ ।
ৰূপং স্থৱিষ্ঠমজ তে মহদাদ্যনেকং
নাতঃ পৰং পৰম ৱেদ্মি ন যত্ৰ ৱাদঃ ॥ ১৩ ॥
কল্পান্ত এতদখিলং জঠৰেণ গৃহ্ণন্
শেতে পুমান্স্ৱদৃগনন্তসখস্তদঙ্কে ।
যন্নাভিসিন্ধুৰুহকাঞ্চনলোকপদ্ম-
গৰ্ভে দ্যুমান্ভগৱতে প্ৰণতোঽস্মি তস্মৈ ॥ ১৪ ॥
শেতে পুমান্স্ৱদৃগনন্তসখস্তদঙ্কে ।
যন্নাভিসিন্ধুৰুহকাঞ্চনলোকপদ্ম-
গৰ্ভে দ্যুমান্ভগৱতে প্ৰণতোঽস্মি তস্মৈ ॥ ১৪ ॥
ত্ৱং নিত্যমুক্তপৰিশুদ্ধৱিবুদ্ধ আত্মা
কূটস্থ আদিপুৰুষো ভগৱাংস্ত্ৰ্যধীশঃ ।
যদ্বুদ্ধ্যৱস্থিতিমখণ্ডিতযা স্ৱদৃষ্টযা
দ্ৰষ্টা স্থিতাৱধিমখো ৱ্যতিৰিক্ত আস্সে ॥ ১৫ ॥
কূটস্থ আদিপুৰুষো ভগৱাংস্ত্ৰ্যধীশঃ ।
যদ্বুদ্ধ্যৱস্থিতিমখণ্ডিতযা স্ৱদৃষ্টযা
দ্ৰষ্টা স্থিতাৱধিমখো ৱ্যতিৰিক্ত আস্সে ॥ ১৫ ॥
যস্মিন্ৱিৰুদ্ধগতযো হ্যনিশং পতন্তি
ৱিদ্যাদযো ৱিৱিধশক্তয আনুপূৰ্ৱ্যাত্ ।
তদ্ব্ৰহ্ম ৱিশ্ৱভৱমেকমনন্তমাদ্য-
মানন্দমাত্ৰমৱিকাৰমহং প্ৰপদ্যে ॥ ১৬ ॥
ৱিদ্যাদযো ৱিৱিধশক্তয আনুপূৰ্ৱ্যাত্ ।
তদ্ব্ৰহ্ম ৱিশ্ৱভৱমেকমনন্তমাদ্য-
মানন্দমাত্ৰমৱিকাৰমহং প্ৰপদ্যে ॥ ১৬ ॥
সত্যাশিষো হি ভগৱংস্তৱ পাদপদ্ম-
মাশীস্তথানুভজতঃ পুৰুষাৰ্থমূৰ্তেঃ ।
অপ্যেৱমৰ্য ভগৱান্পৰিপাতি দীনান্
ৱাশ্ৰেৱ ৱত্সকমনুগ্ৰহকাতৰোঽস্মান্ ॥ ১৭ ॥
মাশীস্তথানুভজতঃ পুৰুষাৰ্থমূৰ্তেঃ ।
অপ্যেৱমৰ্য ভগৱান্পৰিপাতি দীনান্
ৱাশ্ৰেৱ ৱত্সকমনুগ্ৰহকাতৰোঽস্মান্ ॥ ১৭ ॥
মৈত্ৰেয উৱাচ
অথাভিষ্টুত এৱং ৱৈ সত্সঙ্কল্পেন ধীমতা ।
ভৃত্যানুৰক্তো ভগৱান্ প্ৰতিনন্দ্যেদমব্ৰৱীত্ ॥ ১৮ ॥
অথাভিষ্টুত এৱং ৱৈ সত্সঙ্কল্পেন ধীমতা ।
ভৃত্যানুৰক্তো ভগৱান্ প্ৰতিনন্দ্যেদমব্ৰৱীত্ ॥ ১৮ ॥
শ্ৰীভগৱানুৱাচ
ৱেদাহং তে ৱ্যৱসিতং হৃদি ৰাজন্যবালক ।
তত্প্ৰযচ্ছামি ভদ্ৰং তে দুৰাপমপি সুৱ্ৰত ॥ ১৯ ॥
ৱেদাহং তে ৱ্যৱসিতং হৃদি ৰাজন্যবালক ।
তত্প্ৰযচ্ছামি ভদ্ৰং তে দুৰাপমপি সুৱ্ৰত ॥ ১৯ ॥
নান্যৈৰধিষ্ঠিতং ভদ্ৰ যদ্ভ্ৰাজিষ্ণু ধ্ৰুৱক্ষিতি ।
যত্ৰ গ্ৰহৰ্ক্ষতাৰাণাং জ্যোতিষাং চক্ৰমাহিতম্ ॥ ২০ ॥
যত্ৰ গ্ৰহৰ্ক্ষতাৰাণাং জ্যোতিষাং চক্ৰমাহিতম্ ॥ ২০ ॥
মেঢ্যাং গোচক্ৰৱত্স্থাস্নু পৰস্তাত্কল্পৱাসিনাম্ ।
ধৰ্মোঽগ্নিঃ কশ্যপঃ শুক্ৰো মুনযো যে ৱনৌকসঃ ।
চৰন্তি দক্ষিণীকৃত্য ভ্ৰমন্তো যত্সতাৰকাঃ ॥ ২১ ॥
ধৰ্মোঽগ্নিঃ কশ্যপঃ শুক্ৰো মুনযো যে ৱনৌকসঃ ।
চৰন্তি দক্ষিণীকৃত্য ভ্ৰমন্তো যত্সতাৰকাঃ ॥ ২১ ॥
প্ৰস্থিতে তু ৱনং পিত্ৰা দত্ত্ৱা গাং ধৰ্মসংশ্ৰযঃ ।
ষট্-ত্ৰিংশদ্ৱৰ্ষসাহস্ৰং ৰক্ষিতাৱ্যাহতেন্দ্ৰিযঃ ॥ ২২ ॥
ষট্-ত্ৰিংশদ্ৱৰ্ষসাহস্ৰং ৰক্ষিতাৱ্যাহতেন্দ্ৰিযঃ ॥ ২২ ॥
ত্ৱদ্ভ্ৰাতৰ্যুত্তমে নষ্টে মৃগযাযাং তু তন্মনাঃ ।
অন্ৱেষন্তী ৱনং মাতা দাৱাগ্নিং সা প্ৰৱেক্ষ্যতি ॥ ২৩ ॥
অন্ৱেষন্তী ৱনং মাতা দাৱাগ্নিং সা প্ৰৱেক্ষ্যতি ॥ ২৩ ॥
ইষ্ট্ৱা মাং যজ্ঞহৃদযং যজ্ঞৈঃ পুষ্কলদক্ষিণৈঃ ।
ভুক্ত্ৱা চেহাশিষঃ সত্যা অন্তে মাং সংস্মৰিষ্যসি ॥ ২৪ ॥
ভুক্ত্ৱা চেহাশিষঃ সত্যা অন্তে মাং সংস্মৰিষ্যসি ॥ ২৪ ॥
ততো গন্তাসি মত্স্থানং সৰ্ৱলোকনমস্কৃতম্ ।
উপৰিষ্টাদৃষিভ্যস্ত্ৱং যতো নাৱৰ্ততে গতঃ ॥ ২৫ ॥
উপৰিষ্টাদৃষিভ্যস্ত্ৱং যতো নাৱৰ্ততে গতঃ ॥ ২৫ ॥
মৈত্ৰেয উৱাচ
ইত্যৰ্চিতঃ স ভগৱানতিদিশ্যাত্মনঃ পদম্ ।
বালস্য পশ্যতো ধাম স্ৱমগাদ্গৰুডধ্ৱজঃ ॥ ২৬ ॥
ইত্যৰ্চিতঃ স ভগৱানতিদিশ্যাত্মনঃ পদম্ ।
বালস্য পশ্যতো ধাম স্ৱমগাদ্গৰুডধ্ৱজঃ ॥ ২৬ ॥
সোঽপি সঙ্কল্পজং ৱিষ্ণোঃ পাদসেৱোপসাদিতম্ ।
প্ৰাপ্য সঙ্কল্পনিৰ্ৱাণং নাতিপ্ৰীতোঽভ্যগাত্পুৰম্ ॥ ২৭ ॥
প্ৰাপ্য সঙ্কল্পনিৰ্ৱাণং নাতিপ্ৰীতোঽভ্যগাত্পুৰম্ ॥ ২৭ ॥
ৱিদুৰ উৱাচ
সুদুৰ্লভং যত্পৰমং পদং হৰে-
ৰ্মাযাৱিনস্তচ্চৰণাৰ্চনাৰ্জিতম্ ।
লব্ধ্ৱাপ্যসিদ্ধাৰ্থমিৱৈকজন্মনা
কথং স্ৱমাত্মানমমন্যতাৰ্থৱিত্ ॥ ২৮ ॥
সুদুৰ্লভং যত্পৰমং পদং হৰে-
ৰ্মাযাৱিনস্তচ্চৰণাৰ্চনাৰ্জিতম্ ।
লব্ধ্ৱাপ্যসিদ্ধাৰ্থমিৱৈকজন্মনা
কথং স্ৱমাত্মানমমন্যতাৰ্থৱিত্ ॥ ২৮ ॥
মৈত্ৰেয উৱাচ
মাতুঃ সপত্ন্যা ৱাগ্বাণৈৰ্হৃদি ৱিদ্ধস্তু তান্ স্মৰন্ ।
নৈচ্ছন্মুক্তিপতেৰ্মুক্তিং তস্মাত্তাপমুপেযিৱান্ ॥ ২৯ ॥
মাতুঃ সপত্ন্যা ৱাগ্বাণৈৰ্হৃদি ৱিদ্ধস্তু তান্ স্মৰন্ ।
নৈচ্ছন্মুক্তিপতেৰ্মুক্তিং তস্মাত্তাপমুপেযিৱান্ ॥ ২৯ ॥
ধ্ৰুৱ উৱাচ
সমাধিনা নৈকভৱেন যত্পদং
ৱিদুঃ সনন্দাদয ঊৰ্ধ্ৱৰেতসঃ ।
মাসৈৰহং ষড্ভিৰমুষ্য পাদযো-
শ্ছাযামুপেত্যাপগতঃ পৃথঙ্মতিঃ ॥ ৩০ ॥
সমাধিনা নৈকভৱেন যত্পদং
ৱিদুঃ সনন্দাদয ঊৰ্ধ্ৱৰেতসঃ ।
মাসৈৰহং ষড্ভিৰমুষ্য পাদযো-
শ্ছাযামুপেত্যাপগতঃ পৃথঙ্মতিঃ ॥ ৩০ ॥
অহো বত মমানাত্ম্যং মন্দভাগ্যস্য পশ্যত । ভৱচ্ছিদঃ পাদমূলং গত্ৱাযাচে যদন্তৱত্ ॥ ৩১ ॥
মতিৰ্ৱিদূষিতা দেৱৈঃ পতদ্ভিৰসহিষ্ণুভিঃ । যো নাৰদৱচস্তথ্যং নাগ্ৰাহিষমসত্তমঃ ॥ ৩২ ॥
দৈৱীং মাযামুপাশ্ৰিত্য প্ৰসুপ্ত ইৱ ভিন্নদৃক্ । তপ্যে দ্ৱিতীযেঽপ্যসতি ভ্ৰাতৃভ্ৰাতৃৱ্যহৃদ্ৰুজা ॥ ৩৩ ॥
মযৈতত্প্ৰাৰ্থিতং ৱ্যৰ্থং চিকিত্সেৱ গতাযুষি । প্ৰসাদ্য জগদাত্মানং তপসা দুষ্প্ৰসাদনম্ । ভৱচ্ছিদমযাচেঽহং ভৱং ভাগ্যৱিৱৰ্জিতঃ ॥ ৩৪ ॥
ৱাৰাজ্যং যচ্ছতো মৌঢ্যান্মানো মে ভিক্ষিতো বত । ঈশ্ৱৰাত্ক্ষীণপুণ্যেন ফলীকাৰানিৱাধনঃ ॥ ৩৫ ॥
মৈত্ৰেয উৱাচ
ন ৱৈ মুকুন্দস্য পদাৰৱিন্দযোৰজোজুষস্তাত ভৱাদৃশা জনাঃ । ৱাঞ্ছন্তি তদ্দাস্যমৃতেঽৰ্থমাত্মনোযদৃচ্ছযা লব্ধমনঃসমৃদ্ধযঃ ॥ ৩৬ ॥
ন ৱৈ মুকুন্দস্য পদাৰৱিন্দযোৰজোজুষস্তাত ভৱাদৃশা জনাঃ । ৱাঞ্ছন্তি তদ্দাস্যমৃতেঽৰ্থমাত্মনোযদৃচ্ছযা লব্ধমনঃসমৃদ্ধযঃ ॥ ৩৬ ॥
আকৰ্ণ্যাত্মজমাযান্তং সম্পৰেত্য যথাগতম্ । ৰাজা ন শ্ৰদ্দধে ভদ্ৰমভদ্ৰস্য কুতো মম ॥ ৩৭ ॥
শ্ৰদ্ধায ৱাক্যং দেৱৰ্ষেৰ্হৰ্ষৱেগেন ধৰ্ষিতঃ । ৱাৰ্তাহৰ্তুৰতিপ্ৰীতো হাৰং প্ৰাদান্মহাধনম্ ॥ ৩৮ ॥
সদশ্ৱং ৰথমাৰুহ্য কাৰ্তস্ৱৰপৰিষ্কৃতম্ । ব্ৰাহ্মণৈঃ কুলৱৃদ্ধৈশ্চ পৰ্যস্তোঽমাত্যবন্ধুভিঃ ॥ ৩৯ ॥
শঙ্খদুন্দুভিনাদেন ব্ৰহ্মঘোষেণ ৱেণুভিঃ । নিশ্চক্ৰাম পুৰাত্তূৰ্ণমাত্মজাভীক্ষণোত্সুকঃ ॥ ৪০ ॥
সুনীতিঃ সুৰুচিশ্চাস্য মহিষ্যৌ ৰুক্মভূষিতে । আৰুহ্য শিবিকাং সাৰ্ধমুত্তমেনাভিজগ্মতুঃ ॥ ৪১ ॥
তং দৃষ্ট্ৱোপৱনাভ্যাশ আযান্তং তৰসা ৰথাত্ । অৱৰুহ্য নৃপস্তূৰ্ণমাসাদ্য প্ৰেমৱিহ্ৱলঃ ॥ ৪২ ॥
পৰিৰেভেঽঙ্গজং দোৰ্ভ্যাং দীৰ্ঘোত্কণ্ঠমনাঃ শ্ৱসন্ । ৱিষ্ৱক্সেনাঙ্ঘ্ৰিসংস্পৰ্শহতাশেষাঘবন্ধনম্ ॥ ৪৩ ॥
অথাজিঘ্ৰন্মুহুৰ্মূৰ্ধ্নি শীতৈৰ্নযনৱাৰিভিঃ । স্নাপযামাস তনযং জাতোদ্দামমনোৰথঃ ॥ ৪৪ ॥
অভিৱন্দ্য পিতুঃ পাদাৱাশীৰ্ভিশ্চাভিমন্ত্ৰিতঃ । ননাম মাতৰৌ শীৰ্ষ্ণা সত্কৃতঃ সজ্জনাগ্ৰণীঃ ॥ ৪৫ ॥
সুৰুচিস্তং সমুত্থাপ্য পাদাৱনতমৰ্ভকম্ । পৰিষ্ৱজ্যাহ জীৱেতি বাষ্পগদ্গদযা গিৰা ॥ ৪৬ ॥
যস্য প্ৰসন্নো ভগৱান্ গুণৈৰ্মৈত্ৰ্যাদিভিৰ্হৰিঃ । তস্মৈ নমন্তি ভূতানি নিম্নমাপ ইৱ স্ৱযম্ ॥ ৪৭ ॥
উত্তমশ্চ ধ্ৰুৱশ্চোভাৱন্যোন্যং প্ৰেমৱিহ্ৱলৌ । অঙ্গসঙ্গাদুত্পুলকাৱস্ৰৌঘং মুহুৰূহতুঃ ॥ ৪৮ ॥
সুনীতিৰস্য জননী প্ৰাণেভ্যোঽপি প্ৰিযং সুতম্ । উপগুহ্য জহাৱাধিং তদঙ্গস্পৰ্শনিৰ্ৱৃতা ॥ ৪৯ ॥
পযঃ স্তনাভ্যাং সুস্ৰাৱ নেত্ৰজৈঃ সলিলৈঃ শিৱৈঃ । তদাভিষিচ্যমানাভ্যাং ৱীৰ ৱীৰসুৱো মুহুঃ ॥ ৫০ ॥
তাং শশংসুৰ্জনা ৰাজ্ঞীং দিষ্টযা তে পুত্ৰ আৰ্তিহা । প্ৰতিলব্ধশ্চিৰং নষ্টো ৰক্ষিতা মণ্ডলং ভুৱঃ ॥ ৫১ ॥
অভ্যৰ্চিতস্ত্ৱযা নূনং ভগৱান্প্ৰণতাৰ্তিহা । যদনুধ্যাযিনো ধীৰা মৃত্যুং জিগ্যুঃ সুদুৰ্জযম্ ॥ ৫২ ॥
লাল্যমানং জনৈৰেৱং ধ্ৰুৱং সভ্ৰাতৰং নৃপঃ । আৰোপ্য কৰিণীং হৃষ্টঃ স্তূযমানোঽৱিশত্পুৰম্ ॥ ৫৩ ॥
তত্ৰ তত্ৰোপসংক্লৃপ্তৈৰ্লসন্মকৰতোৰণৈঃ । সৱৃন্দৈঃ কদলীস্তম্ভৈঃ পূগপোতৈশ্চ তদ্ৱিধৈঃ ॥ ৫৪ ॥
চূতপল্লৱৱাসঃস্ৰঙ্মুক্তাদামৱিলম্বিভিঃ । উপস্কৃতং প্ৰতিদ্ৱাৰমপাং কুম্ভৈঃ সদীপকৈঃ ॥ ৫৫ ॥
প্ৰাকাৰৈৰ্গোপুৰাগাৰৈঃ শাতকুম্ভপৰিচ্ছদৈঃ । সৰ্ৱতোঽলড্কৃতং শ্ৰীমদ্ৱিমানশিখৰদ্যুভিঃ ॥ ৫৬ ॥
মৃষ্টচত্ৱৰৰথ্যাট্টমাৰ্গং চন্দনচৰ্চিতম্ । লাজাক্ষতৈঃ পুষ্পফলৈস্তণ্ডুলৈৰ্বলিভিৰ্যুতম্ ॥ ৫৭ ॥
ধ্ৰুৱায পথি দৃষ্টায তত্ৰ তত্ৰ পুৰস্ত্ৰিযঃ । সিদ্ধাৰ্থাক্ষতদধ্যম্বুদূৰ্ৱাপুষ্পফলানি চ ॥ ৫৮ ॥
উপজহ্ৰুঃ প্ৰযুঞ্জানা ৱাত্সল্যাদাশিষঃ সতীঃ । শৃণ্ৱংস্তদ্ৱল্গুগীতানি প্ৰাৱিশদ্ভৱনং পিতুঃ ॥ ৫৯ ॥
মহামণিৱ্ৰাতমযে স তস্মিন্ভৱনোত্তমে । লালিতো নিতৰাং পিত্ৰা ন্যৱসদ্দিৱি দেৱৱত্ ॥ ৬০ ॥
পযঃফেননিভাঃ শয্যা দান্তা ৰুক্মপৰিচ্ছদাঃ । আসনানি মহাৰ্হাণি যত্ৰ ৰৌক্মা উপস্কৰাঃ ॥ ৬১ ॥
যত্ৰ স্ফটিককুড্যেষু মহামাৰকতেষু চ । মণিপ্ৰদীপা আভান্তি ললনাৰত্নসংযুতাঃ ॥ ৬২ ॥
উদ্যানানি চ ৰম্যাণি ৱিচিত্ৰৈৰমৰদ্ৰুমৈঃ । কূজদ্ৱিহঙ্গমিথুনৈৰ্গাযন্মত্তমধুৱ্ৰতৈঃ ॥ ৬৩ ॥
ৱাপ্যো ৱৈদূৰ্যসোপানাঃ পদ্মোত্পলকুমুদ্ৱতীঃ । হংসকাৰণ্ডৱকুলৈৰ্জুষ্টাশ্চক্ৰাহ্ৱসাৰসৈঃ ॥ ৬৪ ॥
উত্তানপাদো ৰাজৰ্ষিঃ প্ৰভাৱং তনযস্য তম্ । শ্ৰুত্ৱা দৃষ্ট্ৱাদ্ভুততমং প্ৰপেদে ৱিস্মযং পৰম্ ॥ ৬৫ ॥
ৱীক্ষ্যোঢৱযসং তং চ প্ৰকৃতীনাং চ সম্মতম্ । অনুৰক্তপ্ৰজং ৰাজা ধ্ৰুৱং চক্ৰে ভুৱঃ পতিম্ ॥ ৬৬ ॥
আত্মানং চ প্ৰৱযসমাকলয্য ৱিশাম্পতিঃ । ৱনং ৱিৰক্তঃ প্ৰাতিষ্ঠদ্ৱিমৃশন্নাত্মনো গতিম্ ॥ ৬৭ ॥