মৈত্রেয উবাচ
ত এবমুত্সন্নভযা উরুক্রমে
কৃতাবনামাঃ প্রযযুস্ত্রিবিষ্টপম্ ।
সহস্রশীর্ষাপি ততো গরুত্মতা
মধোর্বনং ভৃত্যদিদৃক্ষযা গতঃ ॥ ১ ॥
ত এবমুত্সন্নভযা উরুক্রমে
কৃতাবনামাঃ প্রযযুস্ত্রিবিষ্টপম্ ।
সহস্রশীর্ষাপি ততো গরুত্মতা
মধোর্বনং ভৃত্যদিদৃক্ষযা গতঃ ॥ ১ ॥
স বৈ ধিযা যোগবিপাকতীব্রযা
হৃত্পদ্মকোশে স্ফুরিতং তডিত্প্রভম্ ।
তিরোহিতং সহসৈবোপলক্ষ্য
বহিঃস্থিতং তদবস্থং দদর্শ ॥ ২ ॥
হৃত্পদ্মকোশে স্ফুরিতং তডিত্প্রভম্ ।
তিরোহিতং সহসৈবোপলক্ষ্য
বহিঃস্থিতং তদবস্থং দদর্শ ॥ ২ ॥
তদ্দর্শনেনাগতসাধ্বসঃ ক্ষিতা-
ববন্দতাঙ্গং বিনময্য দণ্ডবত্ ।
দৃগ্ভ্যাং প্রপশ্যন্ প্রপিবন্নিবার্ভক-
শ্চুম্বন্নিবাস্যেন ভুজৈরিবাশ্লিষন্ ॥ ৩ ॥
ববন্দতাঙ্গং বিনময্য দণ্ডবত্ ।
দৃগ্ভ্যাং প্রপশ্যন্ প্রপিবন্নিবার্ভক-
শ্চুম্বন্নিবাস্যেন ভুজৈরিবাশ্লিষন্ ॥ ৩ ॥
স তং বিবক্ষন্তমতদ্বিদং হরি-
র্জ্ঞাত্বাস্য সর্বস্য চ হৃদ্যবস্থিতঃ ।
কৃতাঞ্জলিং ব্রহ্মমযেন কম্বুনা
পস্পর্শ বালং কৃপযা কপোলে ॥ ৪ ॥
র্জ্ঞাত্বাস্য সর্বস্য চ হৃদ্যবস্থিতঃ ।
কৃতাঞ্জলিং ব্রহ্মমযেন কম্বুনা
পস্পর্শ বালং কৃপযা কপোলে ॥ ৪ ॥
স বৈ তদৈব প্রতিপাদিতাং গিরং
দৈবীং পরিজ্ঞাতপরাত্মনির্ণযঃ ।
তং ভক্তিভাবোঽভ্যগৃণাদসত্বরং
পরিশ্রুতোরুশ্রবসং ধ্রুবক্ষিতিঃ ॥ ৫ ॥
দৈবীং পরিজ্ঞাতপরাত্মনির্ণযঃ ।
তং ভক্তিভাবোঽভ্যগৃণাদসত্বরং
পরিশ্রুতোরুশ্রবসং ধ্রুবক্ষিতিঃ ॥ ৫ ॥
ধ্রুব উবাচ
যোঽন্তঃ প্রবিশ্য মম বাচমিমাং প্রসুপ্তাং
সঞ্জীবযত্যখিলশক্তিধরঃ স্বধাম্না ।
অন্যাংশ্চ হস্তচরণশ্রবণত্বগাদীন্
প্রাণান্নমো ভগবতে পুরুষায তুভ্যম্ ॥ ৬ ॥
যোঽন্তঃ প্রবিশ্য মম বাচমিমাং প্রসুপ্তাং
সঞ্জীবযত্যখিলশক্তিধরঃ স্বধাম্না ।
অন্যাংশ্চ হস্তচরণশ্রবণত্বগাদীন্
প্রাণান্নমো ভগবতে পুরুষায তুভ্যম্ ॥ ৬ ॥
একস্ত্বমেব ভগবন্নিদমাত্মশক্ত্যা
মাযাখ্যযোরুগুণযা মহদাদ্যশেষম্ ।
সৃষ্ট্বানুবিশ্য পুরুষস্তদসদ্গুণেষু
নানেব দারুষু বিভাবসুবদ্বিভাসি ॥ ৭ ॥
মাযাখ্যযোরুগুণযা মহদাদ্যশেষম্ ।
সৃষ্ট্বানুবিশ্য পুরুষস্তদসদ্গুণেষু
নানেব দারুষু বিভাবসুবদ্বিভাসি ॥ ৭ ॥
ত্বদ্দত্তযা বযুনযেদমচষ্ট বিশ্বং
সুপ্তপ্রবুদ্ধ ইব নাথ ভবত্প্রপন্নঃ ।
তস্যাপবর্গ্যশরণং তব পাদমূলং
বিস্মর্যতে কৃতবিদা কথমার্তবন্ধো ॥ ৮ ॥
সুপ্তপ্রবুদ্ধ ইব নাথ ভবত্প্রপন্নঃ ।
তস্যাপবর্গ্যশরণং তব পাদমূলং
বিস্মর্যতে কৃতবিদা কথমার্তবন্ধো ॥ ৮ ॥
নূনং বিমুষ্টমতযস্তব মাযযা তে
যে ত্বাং ভবাপ্যযবিমোক্ষণমন্যহেতোঃ ।
অর্চন্তি কল্পকতরুং কুণপোপভোগ্য-
মিচ্ছন্তি যত্স্পর্শজং নিরযেঽপি নৃণাম্ ॥ ৯ ॥
যে ত্বাং ভবাপ্যযবিমোক্ষণমন্যহেতোঃ ।
অর্চন্তি কল্পকতরুং কুণপোপভোগ্য-
মিচ্ছন্তি যত্স্পর্শজং নিরযেঽপি নৃণাম্ ॥ ৯ ॥
যা নির্বৃতিস্তনুভৃতাং তব পাদপদ্ম
ধ্যানাদ্ভবজ্জনকথাশ্রবণেন বা স্যাত্ ।
সা ব্রহ্মণি স্বমহিমন্যপি নাথ মা ভূত্
কিং ত্বন্তকাসিলুলিতাত্পততাং বিমানাত্ ॥ ১০ ॥
ধ্যানাদ্ভবজ্জনকথাশ্রবণেন বা স্যাত্ ।
সা ব্রহ্মণি স্বমহিমন্যপি নাথ মা ভূত্
কিং ত্বন্তকাসিলুলিতাত্পততাং বিমানাত্ ॥ ১০ ॥
ভক্তিং মুহুঃ প্রবহতাং ত্বযি মে প্রসঙ্গো
ভূযাদনন্ত মহতামমলাশযানাম্ ।
যেনাঞ্জসোল্বণমুরুব্যসনং ভবাব্ধিং
নেষ্যে ভবদ্গুণকথামৃতপানমত্তঃ ॥ ১১ ॥
ভূযাদনন্ত মহতামমলাশযানাম্ ।
যেনাঞ্জসোল্বণমুরুব্যসনং ভবাব্ধিং
নেষ্যে ভবদ্গুণকথামৃতপানমত্তঃ ॥ ১১ ॥
তে ন স্মরন্ত্যতিতরাং প্রিযমীশ মর্ত্যং
যে চান্বদঃ সুতসুহৃদ্গৃহবিত্তদারাঃ ।
যে ত্বব্জনাভ ভবদীযপদারবিন্দ
সৌগন্ধ্যলুব্ধহৃদযেষু কৃতপ্রসঙ্গাঃ ॥ ১২ ॥
যে চান্বদঃ সুতসুহৃদ্গৃহবিত্তদারাঃ ।
যে ত্বব্জনাভ ভবদীযপদারবিন্দ
সৌগন্ধ্যলুব্ধহৃদযেষু কৃতপ্রসঙ্গাঃ ॥ ১২ ॥
তির্যঙ্নগদ্বিজসরীসৃপদেবদৈত্য
মর্ত্যাদিভিঃ পরিচিতং সদসদ্বিশেষম্ ।
রূপং স্থবিষ্ঠমজ তে মহদাদ্যনেকং
নাতঃ পরং পরম বেদ্মি ন যত্র বাদঃ ॥ ১৩ ॥
মর্ত্যাদিভিঃ পরিচিতং সদসদ্বিশেষম্ ।
রূপং স্থবিষ্ঠমজ তে মহদাদ্যনেকং
নাতঃ পরং পরম বেদ্মি ন যত্র বাদঃ ॥ ১৩ ॥
কল্পান্ত এতদখিলং জঠরেণ গৃহ্ণন্
শেতে পুমান্স্বদৃগনন্তসখস্তদঙ্কে ।
যন্নাভিসিন্ধুরুহকাঞ্চনলোকপদ্ম-
গর্ভে দ্যুমান্ভগবতে প্রণতোঽস্মি তস্মৈ ॥ ১৪ ॥
শেতে পুমান্স্বদৃগনন্তসখস্তদঙ্কে ।
যন্নাভিসিন্ধুরুহকাঞ্চনলোকপদ্ম-
গর্ভে দ্যুমান্ভগবতে প্রণতোঽস্মি তস্মৈ ॥ ১৪ ॥
ত্বং নিত্যমুক্তপরিশুদ্ধবিবুদ্ধ আত্মা
কূটস্থ আদিপুরুষো ভগবাংস্ত্র্যধীশঃ ।
যদ্বুদ্ধ্যবস্থিতিমখণ্ডিতযা স্বদৃষ্টযা
দ্রষ্টা স্থিতাবধিমখো ব্যতিরিক্ত আস্সে ॥ ১৫ ॥
কূটস্থ আদিপুরুষো ভগবাংস্ত্র্যধীশঃ ।
যদ্বুদ্ধ্যবস্থিতিমখণ্ডিতযা স্বদৃষ্টযা
দ্রষ্টা স্থিতাবধিমখো ব্যতিরিক্ত আস্সে ॥ ১৫ ॥
যস্মিন্বিরুদ্ধগতযো হ্যনিশং পতন্তি
বিদ্যাদযো বিবিধশক্তয আনুপূর্ব্যাত্ ।
তদ্ব্রহ্ম বিশ্বভবমেকমনন্তমাদ্য-
মানন্দমাত্রমবিকারমহং প্রপদ্যে ॥ ১৬ ॥
বিদ্যাদযো বিবিধশক্তয আনুপূর্ব্যাত্ ।
তদ্ব্রহ্ম বিশ্বভবমেকমনন্তমাদ্য-
মানন্দমাত্রমবিকারমহং প্রপদ্যে ॥ ১৬ ॥
সত্যাশিষো হি ভগবংস্তব পাদপদ্ম-
মাশীস্তথানুভজতঃ পুরুষার্থমূর্তেঃ ।
অপ্যেবমর্য ভগবান্পরিপাতি দীনান্
বাশ্রেব বত্সকমনুগ্রহকাতরোঽস্মান্ ॥ ১৭ ॥
মাশীস্তথানুভজতঃ পুরুষার্থমূর্তেঃ ।
অপ্যেবমর্য ভগবান্পরিপাতি দীনান্
বাশ্রেব বত্সকমনুগ্রহকাতরোঽস্মান্ ॥ ১৭ ॥
মৈত্রেয উবাচ
অথাভিষ্টুত এবং বৈ সত্সঙ্কল্পেন ধীমতা ।
ভৃত্যানুরক্তো ভগবান্ প্রতিনন্দ্যেদমব্রবীত্ ॥ ১৮ ॥
অথাভিষ্টুত এবং বৈ সত্সঙ্কল্পেন ধীমতা ।
ভৃত্যানুরক্তো ভগবান্ প্রতিনন্দ্যেদমব্রবীত্ ॥ ১৮ ॥
শ্রীভগবানুবাচ
বেদাহং তে ব্যবসিতং হৃদি রাজন্যবালক ।
তত্প্রযচ্ছামি ভদ্রং তে দুরাপমপি সুব্রত ॥ ১৯ ॥
বেদাহং তে ব্যবসিতং হৃদি রাজন্যবালক ।
তত্প্রযচ্ছামি ভদ্রং তে দুরাপমপি সুব্রত ॥ ১৯ ॥
নান্যৈরধিষ্ঠিতং ভদ্র যদ্ভ্রাজিষ্ণু ধ্রুবক্ষিতি ।
যত্র গ্রহর্ক্ষতারাণাং জ্যোতিষাং চক্রমাহিতম্ ॥ ২০ ॥
যত্র গ্রহর্ক্ষতারাণাং জ্যোতিষাং চক্রমাহিতম্ ॥ ২০ ॥
মেঢ্যাং গোচক্রবত্স্থাস্নু পরস্তাত্কল্পবাসিনাম্ ।
ধর্মোঽগ্নিঃ কশ্যপঃ শুক্রো মুনযো যে বনৌকসঃ ।
চরন্তি দক্ষিণীকৃত্য ভ্রমন্তো যত্সতারকাঃ ॥ ২১ ॥
ধর্মোঽগ্নিঃ কশ্যপঃ শুক্রো মুনযো যে বনৌকসঃ ।
চরন্তি দক্ষিণীকৃত্য ভ্রমন্তো যত্সতারকাঃ ॥ ২১ ॥
প্রস্থিতে তু বনং পিত্রা দত্ত্বা গাং ধর্মসংশ্রযঃ ।
ষট্-ত্রিংশদ্বর্ষসাহস্রং রক্ষিতাব্যাহতেন্দ্রিযঃ ॥ ২২ ॥
ষট্-ত্রিংশদ্বর্ষসাহস্রং রক্ষিতাব্যাহতেন্দ্রিযঃ ॥ ২২ ॥
ত্বদ্ভ্রাতর্যুত্তমে নষ্টে মৃগযাযাং তু তন্মনাঃ ।
অন্বেষন্তী বনং মাতা দাবাগ্নিং সা প্রবেক্ষ্যতি ॥ ২৩ ॥
অন্বেষন্তী বনং মাতা দাবাগ্নিং সা প্রবেক্ষ্যতি ॥ ২৩ ॥
ইষ্ট্বা মাং যজ্ঞহৃদযং যজ্ঞৈঃ পুষ্কলদক্ষিণৈঃ ।
ভুক্ত্বা চেহাশিষঃ সত্যা অন্তে মাং সংস্মরিষ্যসি ॥ ২৪ ॥
ভুক্ত্বা চেহাশিষঃ সত্যা অন্তে মাং সংস্মরিষ্যসি ॥ ২৪ ॥
ততো গন্তাসি মত্স্থানং সর্বলোকনমস্কৃতম্ ।
উপরিষ্টাদৃষিভ্যস্ত্বং যতো নাবর্ততে গতঃ ॥ ২৫ ॥
উপরিষ্টাদৃষিভ্যস্ত্বং যতো নাবর্ততে গতঃ ॥ ২৫ ॥
মৈত্রেয উবাচ
ইত্যর্চিতঃ স ভগবানতিদিশ্যাত্মনঃ পদম্ ।
বালস্য পশ্যতো ধাম স্বমগাদ্গরুডধ্বজঃ ॥ ২৬ ॥
ইত্যর্চিতঃ স ভগবানতিদিশ্যাত্মনঃ পদম্ ।
বালস্য পশ্যতো ধাম স্বমগাদ্গরুডধ্বজঃ ॥ ২৬ ॥
সোঽপি সঙ্কল্পজং বিষ্ণোঃ পাদসেবোপসাদিতম্ ।
প্রাপ্য সঙ্কল্পনির্বাণং নাতিপ্রীতোঽভ্যগাত্পুরম্ ॥ ২৭ ॥
প্রাপ্য সঙ্কল্পনির্বাণং নাতিপ্রীতোঽভ্যগাত্পুরম্ ॥ ২৭ ॥
বিদুর উবাচ
সুদুর্লভং যত্পরমং পদং হরে-
র্মাযাবিনস্তচ্চরণার্চনার্জিতম্ ।
লব্ধ্বাপ্যসিদ্ধার্থমিবৈকজন্মনা
কথং স্বমাত্মানমমন্যতার্থবিত্ ॥ ২৮ ॥
সুদুর্লভং যত্পরমং পদং হরে-
র্মাযাবিনস্তচ্চরণার্চনার্জিতম্ ।
লব্ধ্বাপ্যসিদ্ধার্থমিবৈকজন্মনা
কথং স্বমাত্মানমমন্যতার্থবিত্ ॥ ২৮ ॥
মৈত্রেয উবাচ
মাতুঃ সপত্ন্যা বাগ্বাণৈর্হৃদি বিদ্ধস্তু তান্ স্মরন্ ।
নৈচ্ছন্মুক্তিপতের্মুক্তিং তস্মাত্তাপমুপেযিবান্ ॥ ২৯ ॥
মাতুঃ সপত্ন্যা বাগ্বাণৈর্হৃদি বিদ্ধস্তু তান্ স্মরন্ ।
নৈচ্ছন্মুক্তিপতের্মুক্তিং তস্মাত্তাপমুপেযিবান্ ॥ ২৯ ॥
ধ্রুব উবাচ
সমাধিনা নৈকভবেন যত্পদং
বিদুঃ সনন্দাদয ঊর্ধ্বরেতসঃ ।
মাসৈরহং ষড্ভিরমুষ্য পাদযো-
শ্ছাযামুপেত্যাপগতঃ পৃথঙ্মতিঃ ॥ ৩০ ॥
সমাধিনা নৈকভবেন যত্পদং
বিদুঃ সনন্দাদয ঊর্ধ্বরেতসঃ ।
মাসৈরহং ষড্ভিরমুষ্য পাদযো-
শ্ছাযামুপেত্যাপগতঃ পৃথঙ্মতিঃ ॥ ৩০ ॥
অহো বত মমানাত্ম্যং মন্দভাগ্যস্য পশ্যত । ভবচ্ছিদঃ পাদমূলং গত্বাযাচে যদন্তবত্ ॥ ৩১ ॥
মতির্বিদূষিতা দেবৈঃ পতদ্ভিরসহিষ্ণুভিঃ । যো নারদবচস্তথ্যং নাগ্রাহিষমসত্তমঃ ॥ ৩২ ॥
দৈবীং মাযামুপাশ্রিত্য প্রসুপ্ত ইব ভিন্নদৃক্ । তপ্যে দ্বিতীযেঽপ্যসতি ভ্রাতৃভ্রাতৃব্যহৃদ্রুজা ॥ ৩৩ ॥
মযৈতত্প্রার্থিতং ব্যর্থং চিকিত্সেব গতাযুষি । প্রসাদ্য জগদাত্মানং তপসা দুষ্প্রসাদনম্ । ভবচ্ছিদমযাচেঽহং ভবং ভাগ্যবিবর্জিতঃ ॥ ৩৪ ॥
বারাজ্যং যচ্ছতো মৌঢ্যান্মানো মে ভিক্ষিতো বত । ঈশ্বরাত্ক্ষীণপুণ্যেন ফলীকারানিবাধনঃ ॥ ৩৫ ॥
মৈত্রেয উবাচ
ন বৈ মুকুন্দস্য পদারবিন্দযোরজোজুষস্তাত ভবাদৃশা জনাঃ । বাঞ্ছন্তি তদ্দাস্যমৃতেঽর্থমাত্মনোযদৃচ্ছযা লব্ধমনঃসমৃদ্ধযঃ ॥ ৩৬ ॥
ন বৈ মুকুন্দস্য পদারবিন্দযোরজোজুষস্তাত ভবাদৃশা জনাঃ । বাঞ্ছন্তি তদ্দাস্যমৃতেঽর্থমাত্মনোযদৃচ্ছযা লব্ধমনঃসমৃদ্ধযঃ ॥ ৩৬ ॥
আকর্ণ্যাত্মজমাযান্তং সম্পরেত্য যথাগতম্ । রাজা ন শ্রদ্দধে ভদ্রমভদ্রস্য কুতো মম ॥ ৩৭ ॥
শ্রদ্ধায বাক্যং দেবর্ষের্হর্ষবেগেন ধর্ষিতঃ । বার্তাহর্তুরতিপ্রীতো হারং প্রাদান্মহাধনম্ ॥ ৩৮ ॥
সদশ্বং রথমারুহ্য কার্তস্বরপরিষ্কৃতম্ । ব্রাহ্মণৈঃ কুলবৃদ্ধৈশ্চ পর্যস্তোঽমাত্যবন্ধুভিঃ ॥ ৩৯ ॥
শঙ্খদুন্দুভিনাদেন ব্রহ্মঘোষেণ বেণুভিঃ । নিশ্চক্রাম পুরাত্তূর্ণমাত্মজাভীক্ষণোত্সুকঃ ॥ ৪০ ॥
সুনীতিঃ সুরুচিশ্চাস্য মহিষ্যৌ রুক্মভূষিতে । আরুহ্য শিবিকাং সার্ধমুত্তমেনাভিজগ্মতুঃ ॥ ৪১ ॥
তং দৃষ্ট্বোপবনাভ্যাশ আযান্তং তরসা রথাত্ । অবরুহ্য নৃপস্তূর্ণমাসাদ্য প্রেমবিহ্বলঃ ॥ ৪২ ॥
পরিরেভেঽঙ্গজং দোর্ভ্যাং দীর্ঘোত্কণ্ঠমনাঃ শ্বসন্ । বিষ্বক্সেনাঙ্ঘ্রিসংস্পর্শহতাশেষাঘবন্ধনম্ ॥ ৪৩ ॥
অথাজিঘ্রন্মুহুর্মূর্ধ্নি শীতৈর্নযনবারিভিঃ । স্নাপযামাস তনযং জাতোদ্দামমনোরথঃ ॥ ৪৪ ॥
অভিবন্দ্য পিতুঃ পাদাবাশীর্ভিশ্চাভিমন্ত্রিতঃ । ননাম মাতরৌ শীর্ষ্ণা সত্কৃতঃ সজ্জনাগ্রণীঃ ॥ ৪৫ ॥
সুরুচিস্তং সমুত্থাপ্য পাদাবনতমর্ভকম্ । পরিষ্বজ্যাহ জীবেতি বাষ্পগদ্গদযা গিরা ॥ ৪৬ ॥
যস্য প্রসন্নো ভগবান্ গুণৈর্মৈত্র্যাদিভির্হরিঃ । তস্মৈ নমন্তি ভূতানি নিম্নমাপ ইব স্বযম্ ॥ ৪৭ ॥
উত্তমশ্চ ধ্রুবশ্চোভাবন্যোন্যং প্রেমবিহ্বলৌ । অঙ্গসঙ্গাদুত্পুলকাবস্রৌঘং মুহুরূহতুঃ ॥ ৪৮ ॥
সুনীতিরস্য জননী প্রাণেভ্যোঽপি প্রিযং সুতম্ । উপগুহ্য জহাবাধিং তদঙ্গস্পর্শনির্বৃতা ॥ ৪৯ ॥
পযঃ স্তনাভ্যাং সুস্রাব নেত্রজৈঃ সলিলৈঃ শিবৈঃ । তদাভিষিচ্যমানাভ্যাং বীর বীরসুবো মুহুঃ ॥ ৫০ ॥
তাং শশংসুর্জনা রাজ্ঞীং দিষ্টযা তে পুত্র আর্তিহা । প্রতিলব্ধশ্চিরং নষ্টো রক্ষিতা মণ্ডলং ভুবঃ ॥ ৫১ ॥
অভ্যর্চিতস্ত্বযা নূনং ভগবান্প্রণতার্তিহা । যদনুধ্যাযিনো ধীরা মৃত্যুং জিগ্যুঃ সুদুর্জযম্ ॥ ৫২ ॥
লাল্যমানং জনৈরেবং ধ্রুবং সভ্রাতরং নৃপঃ । আরোপ্য করিণীং হৃষ্টঃ স্তূযমানোঽবিশত্পুরম্ ॥ ৫৩ ॥
তত্র তত্রোপসংক্লৃপ্তৈর্লসন্মকরতোরণৈঃ । সবৃন্দৈঃ কদলীস্তম্ভৈঃ পূগপোতৈশ্চ তদ্বিধৈঃ ॥ ৫৪ ॥
চূতপল্লববাসঃস্রঙ্মুক্তাদামবিলম্বিভিঃ । উপস্কৃতং প্রতিদ্বারমপাং কুম্ভৈঃ সদীপকৈঃ ॥ ৫৫ ॥
প্রাকারৈর্গোপুরাগারৈঃ শাতকুম্ভপরিচ্ছদৈঃ । সর্বতোঽলড্কৃতং শ্রীমদ্বিমানশিখরদ্যুভিঃ ॥ ৫৬ ॥
মৃষ্টচত্বররথ্যাট্টমার্গং চন্দনচর্চিতম্ । লাজাক্ষতৈঃ পুষ্পফলৈস্তণ্ডুলৈর্বলিভির্যুতম্ ॥ ৫৭ ॥
ধ্রুবায পথি দৃষ্টায তত্র তত্র পুরস্ত্রিযঃ । সিদ্ধার্থাক্ষতদধ্যম্বুদূর্বাপুষ্পফলানি চ ॥ ৫৮ ॥
উপজহ্রুঃ প্রযুঞ্জানা বাত্সল্যাদাশিষঃ সতীঃ । শৃণ্বংস্তদ্বল্গুগীতানি প্রাবিশদ্ভবনং পিতুঃ ॥ ৫৯ ॥
মহামণিব্রাতমযে স তস্মিন্ভবনোত্তমে । লালিতো নিতরাং পিত্রা ন্যবসদ্দিবি দেববত্ ॥ ৬০ ॥
পযঃফেননিভাঃ শয্যা দান্তা রুক্মপরিচ্ছদাঃ । আসনানি মহার্হাণি যত্র রৌক্মা উপস্করাঃ ॥ ৬১ ॥
যত্র স্ফটিককুড্যেষু মহামারকতেষু চ । মণিপ্রদীপা আভান্তি ললনারত্নসংযুতাঃ ॥ ৬২ ॥
উদ্যানানি চ রম্যাণি বিচিত্রৈরমরদ্রুমৈঃ । কূজদ্বিহঙ্গমিথুনৈর্গাযন্মত্তমধুব্রতৈঃ ॥ ৬৩ ॥
বাপ্যো বৈদূর্যসোপানাঃ পদ্মোত্পলকুমুদ্বতীঃ । হংসকারণ্ডবকুলৈর্জুষ্টাশ্চক্রাহ্বসারসৈঃ ॥ ৬৪ ॥
উত্তানপাদো রাজর্ষিঃ প্রভাবং তনযস্য তম্ । শ্রুত্বা দৃষ্ট্বাদ্ভুততমং প্রপেদে বিস্মযং পরম্ ॥ ৬৫ ॥
বীক্ষ্যোঢবযসং তং চ প্রকৃতীনাং চ সম্মতম্ । অনুরক্তপ্রজং রাজা ধ্রুবং চক্রে ভুবঃ পতিম্ ॥ ৬৬ ॥
আত্মানং চ প্রবযসমাকলয্য বিশাম্পতিঃ । বনং বিরক্তঃ প্রাতিষ্ঠদ্বিমৃশন্নাত্মনো গতিম্ ॥ ৬৭ ॥