ব্রাহ্মণ উবাচ
অকোবিদঃ কোবিদবাদবাদান্বদস্যথো নাতিবিদাং বরিষ্ঠঃ । ন সূরযো হি ব্যবহারমেনংতত্ত্বাবমর্শেন সহামনন্তি ॥ ১ ॥
অকোবিদঃ কোবিদবাদবাদান্বদস্যথো নাতিবিদাং বরিষ্ঠঃ । ন সূরযো হি ব্যবহারমেনংতত্ত্বাবমর্শেন সহামনন্তি ॥ ১ ॥
তথৈব রাজন্নুরুগার্হমেধ-বিতানবিদ্যোরুবিজৃম্ভিতেষু । ন বেদবাদেষু হি তত্ত্ববাদঃপ্রাযেণ শুদ্ধো নু চকাস্তি সাধুঃ ॥ ২ ॥
ন তস্য তত্ত্বগ্রহণায সাক্ষাদ্বরীযসীরপি বাচঃ সমাসন্ । স্বপ্নে নিরুক্ত্যা গৃহমেধিসৌখ্যংন যস্য হেযানুমিতং স্বযং স্যাত্ ॥ ৩ ॥
যাবন্মনো রজসা পূরুষস্যসত্ত্বেন বা তমসা বানুরুদ্ধম্ । চেতোভিরাকূতিভিরাতনোতিনিরঙ্কুশং কুশলং চেতরং বা ॥ ৪ ॥
স বাসনাত্মা বিষযোপরক্তোগুণপ্রবাহো বিকৃতঃ ষোডশাত্মা । বিভ্রত্পৃথঙ্নামভি রূপভেদ-মন্তর্বহিষ্ট্বং চ পুরৈস্তনোতি ॥ ৫ ॥
দুঃখং সুখং ব্যতিরিক্তং চ তীব্রংকালোপপন্নং ফলমাব্যনক্তি । আলিঙ্গ্য মাযারচিতান্তরাত্মাস্বদেহিনং সংসৃতিচক্রকূটঃ ॥ ৬ ॥
তাবানযং ব্যবহারঃ সদাবিঃক্ষেত্রজ্ঞসাক্ষ্যো ভবতি স্থূলসূক্ষ্মঃ । তস্মান্মনো লিঙ্গমদো বদন্তিগুণাগুণত্বস্য পরাবরস্য ॥ ৭ ॥
গুণানুরক্তং ব্যসনায জন্তোঃ
ক্ষেমায নৈর্গুণ্যমথো মনঃ স্যাত্ ।
যথা প্রদীপো ঘৃতবর্তিমশ্নন্
শিখাঃ সধূমা ভজতি হ্যন্যদা স্বম্ ।
পদং তথা গুণকর্মানুবদ্ধং
বৃত্তীর্মনঃ শ্রযতেঽন্যত্র তত্ত্বম্ ॥ ৮ ॥
ক্ষেমায নৈর্গুণ্যমথো মনঃ স্যাত্ ।
যথা প্রদীপো ঘৃতবর্তিমশ্নন্
শিখাঃ সধূমা ভজতি হ্যন্যদা স্বম্ ।
পদং তথা গুণকর্মানুবদ্ধং
বৃত্তীর্মনঃ শ্রযতেঽন্যত্র তত্ত্বম্ ॥ ৮ ॥
একাদশাসন্মনসো হি বৃত্তয
আকূতযঃ পঞ্চ ধিযোঽভিমানঃ ।
মাত্রাণি কর্মাণি পুরং চ তাসাং
বদন্তি হৈকাদশ বীর ভূমীঃ ॥ ৯ ॥
আকূতযঃ পঞ্চ ধিযোঽভিমানঃ ।
মাত্রাণি কর্মাণি পুরং চ তাসাং
বদন্তি হৈকাদশ বীর ভূমীঃ ॥ ৯ ॥
গন্ধাকৃতিস্পর্শরসশ্রবাংসি
বিসর্গরত্যর্ত্যভিজল্পশিল্পাঃ ।
একাদশং স্বীকরণং মমেতি
শয্যামহং দ্বাদশমেক আহুঃ ॥ ১০ ॥
বিসর্গরত্যর্ত্যভিজল্পশিল্পাঃ ।
একাদশং স্বীকরণং মমেতি
শয্যামহং দ্বাদশমেক আহুঃ ॥ ১০ ॥
দ্রব্যস্বভাবাশযকর্মকালৈ-
রেকাদশামী মনসো বিকারাঃ ।
সহস্রশঃ শতশঃ কোটিশশ্চ
ক্ষেত্রজ্ঞতো ন মিথো ন স্বতঃ স্যুঃ ॥ ১১ ॥
রেকাদশামী মনসো বিকারাঃ ।
সহস্রশঃ শতশঃ কোটিশশ্চ
ক্ষেত্রজ্ঞতো ন মিথো ন স্বতঃ স্যুঃ ॥ ১১ ॥
ক্ষেত্রজ্ঞ এতা মনসো বিভূতী-
র্জীবস্য মাযারচিতস্য নিত্যাঃ ।
আবির্হিতাঃ ক্বাপি তিরোহিতাশ্চ
শুদ্ধো বিচষ্টে হ্যবিশুদ্ধকর্তুঃ ॥ ১২ ॥
র্জীবস্য মাযারচিতস্য নিত্যাঃ ।
আবির্হিতাঃ ক্বাপি তিরোহিতাশ্চ
শুদ্ধো বিচষ্টে হ্যবিশুদ্ধকর্তুঃ ॥ ১২ ॥
ক্ষেত্রজ্ঞ আত্মা পুরুষঃ পুরাণঃ
সাক্ষাত্স্বযংজ্যোতিরজঃ পরেশঃ ।
নারাযণো ভগবান্ বাসুদেবঃ
স্বমাযযাঽঽত্মন্যবধীযমানঃ ॥ ১৩ ॥
সাক্ষাত্স্বযংজ্যোতিরজঃ পরেশঃ ।
নারাযণো ভগবান্ বাসুদেবঃ
স্বমাযযাঽঽত্মন্যবধীযমানঃ ॥ ১৩ ॥
যথানিলঃ স্থাবরজঙ্গমানা-
মাত্মস্বরূপেণ নিবিষ্ট ঈশেত্ ।
এবং পরো ভগবান্ বাসুদেবঃ
ক্ষেত্রজ্ঞ আত্মেদমনুপ্রবিষ্টঃ ॥ ১৪ ॥
মাত্মস্বরূপেণ নিবিষ্ট ঈশেত্ ।
এবং পরো ভগবান্ বাসুদেবঃ
ক্ষেত্রজ্ঞ আত্মেদমনুপ্রবিষ্টঃ ॥ ১৪ ॥
ন যাবদেতাং তনুভৃন্নরেন্দ্র
বিধূয মাযাং বযুনোদযেন ।
বিমুক্তসঙ্গো জিতষট্সপত্নো
বেদাত্মতত্ত্বং ভ্রমতীহ তাবত্ ॥ ১৫ ॥
বিধূয মাযাং বযুনোদযেন ।
বিমুক্তসঙ্গো জিতষট্সপত্নো
বেদাত্মতত্ত্বং ভ্রমতীহ তাবত্ ॥ ১৫ ॥
ন যাবদেতন্মন আত্মলিঙ্গং
সংসারতাপাবপনং জনস্য ।
যচ্ছোকমোহামযরাগলোভ-
বৈরানুবন্ধং মমতাং বিধত্তে ॥ ১৬ ॥
সংসারতাপাবপনং জনস্য ।
যচ্ছোকমোহামযরাগলোভ-
বৈরানুবন্ধং মমতাং বিধত্তে ॥ ১৬ ॥
ভ্রাতৃব্যমেনং তদদভ্রবীর্য-
মুপেক্ষযাধ্যেধিতমপ্রমত্তঃ ।
গুরোর্হরেশ্চরণোপাসনাস্ত্রো
জহি ব্যলীকং স্বযমাত্মমোষম্ ॥ ১৭ ॥
মুপেক্ষযাধ্যেধিতমপ্রমত্তঃ ।
গুরোর্হরেশ্চরণোপাসনাস্ত্রো
জহি ব্যলীকং স্বযমাত্মমোষম্ ॥ ১৭ ॥