শ্রীশুক উবাচ
ভরতস্যাত্মজঃ সুমতির্নামাভিহিতো যমু হ বাব কেচিত্পাখণ্ডিন ঋষভপদবীমনুবর্তমানং চানার্যা অবেদসমাম্নাতাং দেবতাং স্বমনীষযা পাপীযস্যা কলৌ কল্পযিষ্যন্তি ॥ ১ ॥
ভরতস্যাত্মজঃ সুমতির্নামাভিহিতো যমু হ বাব কেচিত্পাখণ্ডিন ঋষভপদবীমনুবর্তমানং চানার্যা অবেদসমাম্নাতাং দেবতাং স্বমনীষযা পাপীযস্যা কলৌ কল্পযিষ্যন্তি ॥ ১ ॥
তস্মাদ্বৃদ্ধসেনাযাং দেবতাজিন্নাম পুত্রোঽভবত্ ॥ ২ ॥
অথাসুর্যাং তত্তনযো দেবদ্যুম্নস্ততো ধেনুমত্যাং সুতঃ পরমেষ্ঠী তস্য সুবর্চলাযাং প্রতীহ উপজাতঃ ॥ ৩ ॥
য আত্মবিদ্যামাখ্যায স্বযং সংশুদ্ধো মহাপুরুষমনুসস্মার ॥ ৪ ॥
প্রতীহাত্সুবর্চলাযাং প্রতিহর্ত্রাদযস্ত্রয আসন্নিজ্যাকোবিদাঃ সূনবঃ প্রতিহর্তুঃ স্তুত্যামজভূমানাবজনিষাতাম্ ॥ ৫ ॥
ভূম্ন ঋষিকুল্যাযামুদ্গীথস্ততঃ প্রস্তাবো দেবকুল্যাযাং প্রস্তাবান্নিযুত্সাযাং হৃদযজ আসীদ্বিভুর্বিভো রত্যাং চ পৃথুষেণস্তস্মান্নক্ত আকূত্যাং জজ্ঞে নক্তাদ্দ্রুতিপুত্রো গযো রাজর্ষিপ্রবর উদারশ্রবা অজাযত সাক্ষাদ্ভগবতো বিষ্ণোর্জগদ্রিরক্ষিষযা গৃহীতসত্ত্বস্য কলাঽঽত্মবত্ত্বাদিলক্ষণেন মহাপুরুষতাং প্রাপ্তঃ ॥ ৬ ॥
স বৈ স্বধর্মেণ প্রজাপালন পোষণপ্রীণনোপলালনানুশাসনলক্ষণেনেজ্যাদিনা চ ভগবতি মহাপুরুষে পরাবরে ব্রহ্মণি সর্বাত্মনার্পিতপরমার্থলক্ষণেন ব্রহ্মবিচ্চরণানুসেবযাঽঽপাদিতভগবদ্ভক্তিযোগেন চাভীক্ষ্ণশঃ পরিভাবিতাতিশুদ্ধ মতিরুপরতানাত্ম্য আত্মনি স্বযমুপলভ্যমানব্রহ্মাত্মানুভবোঽপি নিরভিমান এবাবনিমজূগুপত্ ॥ ৭ ॥
তস্যেমাং গাথাং পাণ্ডবেয পুরাবিদ উপগাযন্তি ॥ ৮ ॥
গযং নৃপঃ কঃ প্রতিযাতি কর্মভি-র্যজ্বাভিমানী বহুবিদ্ধর্মগোপ্তা । সমাগতশ্রীঃ সদসস্পতিঃ সতাংসত্সেবকোঽন্যো ভগবত্কলামৃতে ॥ ৯ ॥
যমভ্যষিঞ্চন্ পরযা মুদা সতীঃসত্যাশিষো দক্ষকন্যাঃ সরিদ্ভিঃ । যস্য প্রজানাং দুদুহে ধরাঽঽশিষোনিরাশিষো গুণবত্সস্নুতোধাঃ ॥ ১০ ॥
ছন্দাংস্যকামস্য চ যস্য কামান্দুদূহুরাজহ্রুরথো বলিং নৃপাঃ । প্রত্যঞ্চিতা যুধি ধর্মেণ বিপ্রাযদাশিষাং ষষ্ঠমংশং পরেত্য ॥ ১১ ॥
যস্যাধ্বরে ভগবানধ্বরাত্মামঘোনি মাদ্যত্যুরুসোমপীথে । শ্রদ্ধাবিশুদ্ধাচলভক্তিযোগ-সমর্পিতেজ্যাফলমাজহার ॥ ১২ ॥
যত্প্রীণনাদ্বর্হিষি দেবতির্যঙ্-মনুষ্যবীরুত্তৃণমাবিরিঞ্চাত্ । প্রীযেত সদ্যঃ স হ বিশ্বজীবঃপ্রীতঃ স্বযং প্রীতিমগাদ্গযস্য ॥ ১৩ ॥
গযাদ্গযন্ত্যাং চিত্ররথঃ সুগতিরবরোধন ইতি ত্রযঃ পুত্রা বভূবুশ্চিত্ররথাদূর্ণাযাং সম্রাডজনিষ্ট তত উত্কলাযাং মরীচির্মরীচে ॥ ১৪ ॥
র্বিন্দুমত্যাং বিন্দুমানুদপদ্যত তস্মাত্সরঘাযাং মধুর্নামাভবন্মধোঃ সুমনসি বীরব্রতস্ততো ভোজাযাং মন্থুপ্রমন্থূ জজ্ঞাতে মন্থোঃ সত্যাযাং ভৌবনস্ততো দূষণাযাং ত্বষ্টাজনিষ্ট ত্বষ্টুর্বিরোচনাযাং বিরজো বিরজস্য শতজিত্প্রবরং পুত্রশতং কন্যা চ বিষূচ্যাং কিল জাতম্ ॥ ১৫ ॥
তত্রাযং শ্লোক:—
প্রৈযব্রতং বংশমিমং বিরজশ্চরমোদ্ভবঃ । অকরোদত্যলং কীর্ত্যা বিষ্ণুঃ সুরগণং যথা ॥ ১৬ ॥
প্রৈযব্রতং বংশমিমং বিরজশ্চরমোদ্ভবঃ । অকরোদত্যলং কীর্ত্যা বিষ্ণুঃ সুরগণং যথা ॥ ১৬ ॥