শ্রীশুক উবাচ
এবং পিতরি সম্প্রবৃত্তে তদনুশাসনে বর্তমান আগ্নীধ্রো জম্বূদ্বীপৌকসঃ প্রজা ঔরসবদ্ধর্মাবেক্ষমাণঃ পর্যগোপাযত্ ॥ ১ ॥
এবং পিতরি সম্প্রবৃত্তে তদনুশাসনে বর্তমান আগ্নীধ্রো জম্বূদ্বীপৌকসঃ প্রজা ঔরসবদ্ধর্মাবেক্ষমাণঃ পর্যগোপাযত্ ॥ ১ ॥
স চ কদাচিত্পিতৃলোককামঃ সুরবরবনিতাক্রীডাচলদ্রোণ্যাং ভগবন্তং বিশ্বসৃজাং পতিমাভৃতপরিচর্যোপকরণ আত্মৈকাগ্র্যেণ তপস্ব্যারাধযাং বভূব ॥ ২ ॥
তদুপলভ্য ভগবানাদিপুরুষঃ সদসি গাযন্তীং পূর্বচিত্তিং নামাপ্সরসমভিযাপযামাস ॥ ৩ ॥
সা চ তদাশ্রমোপবনমতিরমণীযং বিবিধনিবিডবিটপিবিটপনিকরসংশ্লিষ্টপুরটলতারূঢস্থলবিহঙ্গমমিথুনৈঃ প্রোচ্যমানশ্রুতিভিঃ প্রতিবোধ্যমানসলিলকুক্কুটকারণ্ডবকলহংসাদিভির্বিচিত্রমুপকূজিতামলজলাশযকমলাকরমুপবভ্রাম ॥ ৪ ॥
তস্যাঃ সুললিতগমনপদবিন্যাসগতিবিলাসাযাশ্চানুপদং খণখণাযমানরুচিরচরণাভরণস্বনমুপাকর্ণ্য নরদেবকুমারঃ সমাধিযোগেনামীলিতনযননলিনমুকুলযুগলমীষদ্বিকচয্য ব্যচষ্ট ॥ ৫ ॥
তামেবাবিদূরে মধুকরীমিব সুমনস উপজিঘ্রন্তীং দিবিজমনুজমনোনযনাহ্লাদদুঘৈর্গতিবিহারব্রীডাবিনযাবলোকসুস্বরাক্ষরাবযবৈর্মনসি নৃণাং কুসুমাযুধস্য বিদধতীং বিবরং নিজমুখ বিগলিতামৃতাসবসহাসভাষণামোদমদান্ধমধুকরনিকরোপরোধেন দ্রুতপদবিন্যাসেন বল্গুস্পন্দনস্তনকলশকবরভাররশনাং দেবীং তদবলোকনেন বিবৃতাবসরস্য ভগবতো মকরধ্বজস্য বশমুপনীতো জডবদিতি হোবাচ ॥ ৬ ॥
কা ত্বং চিকীর্ষসি চ কিং মুনিবর্য শৈলে
মাযাসি কাপি ভগবত্পরদেবতাযাঃ । বিজ্যে বিভর্ষি ধনুষী সুহৃদাত্মনোঽর্থেকিং বা মৃগান্মৃগযসে বিপিনে প্রমত্তান্ ॥ ৭ ॥
মাযাসি কাপি ভগবত্পরদেবতাযাঃ । বিজ্যে বিভর্ষি ধনুষী সুহৃদাত্মনোঽর্থেকিং বা মৃগান্মৃগযসে বিপিনে প্রমত্তান্ ॥ ৭ ॥
বাণাবিমৌ ভগবতঃ শতপত্রপত্রৌশান্তাবপুঙ্খরুচিরাবতিতিগ্মদন্তৌ । কস্মৈ যুযুঙ্ক্ষসি বনে বিচরন্ন বিদ্মঃক্ষেমায নো জডধিযাং তব বিক্রমোঽস্তু ॥ ৮ ॥
শিষ্যা ইমে ভগবতঃ পরিতঃ পঠন্তিগাযন্তি সাম সরহস্যমজস্রমীশম্ । যুষ্মচ্ছিখাবিলুলিতাঃ সুমনোঽভিবৃষ্টীঃসর্বে ভজন্ত্যৃষিগণা ইব বেদশাখাঃ ॥ ৯ ॥
বাচং পরং চরণপঞ্জরতিত্তিরীণাংব্রহ্মন্নরূপমুখরাং শৃণবাম তুভ্যম্ । লব্ধা কদম্বরুচিরঙ্কবিটঙ্কবিম্বেযস্যামলাতপরিধিঃ ক্ব চ বল্কলং তে ॥ ১০ ॥
কিং সম্ভৃতং রুচিরযোর্দ্বিজ শৃঙ্গযোস্তেমধ্যে কৃশো বহসি যত্র দৃশিঃ শ্রিতা মে । পঙ্কোঽরুণঃ সুরভীরাত্মবিষাণ ঈদৃগ্যেনাশ্রমং সুভগ মে সুরভীকরোষি ॥ ১১ ॥
লোকং প্রদর্শয সুহৃত্তম তাবকং মেযত্রত্য ইত্থমুরসাবযবাবপূর্বৌ । অস্মদ্বিধস্য মনউন্নযনৌ বিভর্তিবহ্বদ্ভুতং সরসরাসসুধাদি বক্ত্রে ॥ ১২ ॥
কা বাঽঽত্মবৃত্তিরদনাদ্ধবিরঙ্গ বাতিবিষ্ণোঃ কলাস্যনিমিষোন্মকরৌ চ কর্ণৌ । উদ্বিগ্নমীনযুগলং দ্বিজপঙ্ক্তিশোচি-রাসন্নভৃঙ্গনিকরং সর ইন্মুখং তে ॥ ১৩ ॥
যোঽসৌ ত্বযা করসরোজহতঃ পতঙ্গোদিক্ষু ভ্রমন্ ভ্রমত এজযতেঽক্ষিণী মে । মুক্তং ন তে স্মরসি বক্রজটাবরূথংকষ্টোঽনিলো হরতি লম্পট এষ নীবীম্ ॥ ১৪ ॥
রূপং তপোধন তপশ্চরতাং তপোঘ্নংহ্যেতত্তু কেন তপসা ভবতোপলব্ধম্ । চর্তুং তপোঽর্হসি মযা সহ মিত্র মহ্যংকিং বা প্রসীদতি স বৈ ভবভাবনো মে ॥ ১৫ ॥
ন ত্বাং ত্যজামি দযিতং দ্বিজদেবদত্তংযস্মিন্মনো দৃগপি নো ন বিযাতি লগ্নম্ । মাং চারুশৃঙ্গ্যর্হসি নেতুমনুব্রতং তেচিত্তং যতঃ প্রতিসরন্তু শিবাঃ সচিব্যঃ ॥ ১৬ ॥
শ্রীশুক উবাচ
ইতি ললনানুনযাতিবিশারদো গ্রাম্যবৈদগ্ধ্যযা পরিভাষযা তাং বিবুধবধূং বিবুধমতিরধিসভাজযামাস ॥ ১৭ ॥
ইতি ললনানুনযাতিবিশারদো গ্রাম্যবৈদগ্ধ্যযা পরিভাষযা তাং বিবুধবধূং বিবুধমতিরধিসভাজযামাস ॥ ১৭ ॥
সা চ ততস্তস্য বীরযূথপতের্বুদ্ধিশীলরূপবযঃশ্রিযৌদার্যেণ পরাক্ষিপ্তমনাস্তেন সহাযুতাযুতপরিবত্সরোপলক্ষণং কালং জম্বূদ্বীপপতিনা ভৌমস্বর্গভোগান্ বুভুজে ॥ ১৮ ॥
তস্যামু হ বা আত্মজান্ স রাজবর আগ্নীধ্রো নাভিকিম্পুরুষহরিবর্ষেলাবৃতরম্যকহিরণ্মযকুরুভদ্রাশ্বকেতুমালসংজ্ঞান্নব পুত্রানজনযত্ ॥ ১৯ ॥
সা সূত্বাথ সুতান্নবানুবত্সরং গৃহ এবাপহায পূর্বচিত্তির্ভূয এবাজং দেবমুপতস্থে ॥ ২০ ॥
আগ্নীধ্রসুতাস্তে মাতুরনুগ্রহাদৌত্পত্তিকেনৈব সংহননবলোপেতাঃ পিত্রা বিভক্তা আত্মতুল্যনামানি যথাভাগং জম্বূদ্বীপবর্ষাণি বুভুজুঃ ॥ ২১ ॥
আগ্নীধ্রো রাজাতৃপ্তঃ কামানামপ্সরসমেবানুদিনমধিমন্যমানস্তস্যাঃ সলোকতাং শ্রুতিভিরবারুন্ধ যত্র পিতরো মাদযন্তে ॥ ২২ ॥
সম্পরেতে পিতরি নব ভ্রাতরো মেরুদুহিতৃর্মেরুদেবীং প্রতিরূপামুগ্রদংষ্ট্রীং লতাং রম্যাং শ্যামাং নারীং ভদ্রাং দেববীতিমিতিসংজ্ঞা নবোদবহন্ ॥ ২৩ ॥