ஶ்ரீமத்பாகவதம் ௫.௨௬

ராஜோவாச
மஹர்ஷ ஏதத்வைசித்ர்யம் லோகஸ்ய கதமிதி ॥ ௧ ॥

ரு'ஷிருவாச
த்ரிகுணத்வாத்கர்துஃ ஶ்ரத்தயா கர்மகதயஃ ப்ரு'தக்விதாஃ ஸர்வா ஏவ ஸர்வஸ்ய தாரதம்யேந பவந்தி ॥ ௨ ॥

அதேதாநீம் ப்ரதிஷித்தலக்ஷணஸ்யாதர்மஸ்ய ததைவ கர்துஃ ஶ்ரத்தாயா வைஸாத்ரு'ஶ்யாத்கர்மபலம் விஸத்ரு'ஶம் பவதி யா ஹ்யநாத்யவித்யயா க்ரு'தகாமாநாம் தத்பரிணாமலக்ஷணாஃ ஸ்ரு'தயஃ ஸஹஸ்ரஶஃ ப்ரவ்ரு'த்தாஸ்தாஸாம் ப்ராசுர்யேணாநுவர்ணயிஷ்யாமஃ ॥ ௩ ॥

ராஜோவாச
நரகா நாம பகவந்கிம் தேஶவிஶேஷா அதவா பஹிஸ்த்ரிலோக்யா ஆஹோஸ்விதந்தரால இதி ॥ ௪ ॥

ரு'ஷிருவாச
அந்தரால ஏவ த்ரிஜகத்யாஸ்து திஶி தக்ஷிணஸ்யாமதஸ்தாத்பூமேருபரிஷ்டாச்ச ஜலாத்யஸ்யாமக்நிஷ்வாத்தாதயஃ பித்ரு'கணா திஶி ஸ்வாநாம் கோத்ராணாம் பரமேண ஸமாதிநா ஸத்யா ஏவாஶிஷ ஆஶாஸாநா நிவஸந்தி ॥ ௫ ॥

யத்ர ஹ வாவ பகவாந் பித்ரு'ராஜோ வைவஸ்வதஃ ஸ்வவிஷயம் ப்ராபிதேஷு ஸ்வபுருஷைர்ஜந்துஷு ஸம்பரேதேஷு யதாகர்மாவத்யம் தோஷமேவாநுல்லங்கிதபகவச்சாஸநஃ ஸகணோ தமம் தாரயதி ॥ ௬ ॥

தத்ர ஹைகே நரகாநேகவிம்ஶதிம் கணயந்தி அத தாம்ஸ்தே ராஜந்நாமரூபலக்ஷணதோ'நுக்ரமிஷ்யாமஸ்தாமிஸ்ரோ'ந்ததாமிஸ்ரோ ரௌரவோ மஹாரௌரவஃ கும்பீபாகஃ காலஸூத்ரமஸிபத்ரவநம் ஸூகரமுகமந்தகூபஃ க்ரு'மிபோஜநஃ ஸந்தம்ஶஸ்தப்தஸூர்மிர்வஜ்ரகண்டகஶால்மலீ வைதரணீ பூயோதஃ ப்ராணரோதோ விஶஸநம் லாலாபக்ஷஃ ஸாரமேயாதநமவீசிரயஃபாநமிதி । கிஞ்ச க்ஷாரகர்தமோ ரக்ஷோகணபோஜநஃ ஶூலப்ரோதோ தந்தஶூகோ'வடநிரோதநஃ பர்யாவர்தநஃ ஸூசீமுகமித்யஷ்டாவிம்ஶதிர்நரகா விவிதயாதநாபூமயஃ ॥ ௭ ॥

தத்ர யஸ்து பரவித்தாபத்யகலத்ராண்யபஹரதி ஸ ஹி காலபாஶபத்தோ யமபுருஷைரதிபயாநகைஸ்தாமிஸ்ரே நரகே பலாந்நிபாத்யதே அநஶநாநுதபாநதண்டதாடநஸந்தர்ஜநாதிபிர்யாதநாபிர்யாத்யமாநோ ஜந்துர்யத்ர கஶ்மலமாஸாதித ஏகதைவ மூர்ச்சாமுபயாதி தாமிஸ்ரப்ராயே ॥ ௮ ॥

ஏவமேவாந்ததாமிஸ்ரே யஸ்து வஞ்சயித்வா புருஷம் தாராதீநுபயுங்க்தே யத்ர ஶரீரீ நிபாத்யமாநோ யாதநாஸ்தோ வேதநயா நஷ்டமதிர்நஷ்டத்ரு'ஷ்டிஶ்ச பவதி யதா வநஸ்பதிர்வ்ரு'ஶ்ச்யமாநமூலஸ்தஸ்மாதந்ததாமிஸ்ரம் தமுபதிஶந்தி ॥ ௯ ॥

யஸ்த்விஹ வா ஏததஹமிதி மமேதமிதி பூதத்ரோஹேண கேவலம் ஸ்வகுடும்பமேவாநுதிநம் ப்ரபுஷ்ணாதி ஸ ததிஹ விஹாய ஸ்வயமேவ ததஶுபேந ரௌரவே நிபததி ॥ ௧௦ ॥

யே த்விஹ யதைவாமுநா விஹிம்ஸிதா ஜந்தவஃ பரத்ர யமயாதநாமுபகதம் த ஏவ ருரவோ பூத்வா ததா தமேவ விஹிம்ஸந்தி தஸ்மாத்ரௌரவமித்யாஹூ ருருரிதி ஸர்பாததிக்ரூரஸத்த்வஸ்யாபதேஶஃ ॥ ௧௧ ॥

ஏவமேவ மஹாரௌரவோ யத்ர நிபதிதம் புருஷம் க்ரவ்யாதா நாம ருரவஸ்தம் க்ரவ்யேண காதயந்தி யஃ கேவலம் தேஹம்பரஃ ॥ ௧௨ ॥

யஸ்த்விஹ வா உக்ரஃ பஶூந் பக்ஷிணோ வா ப்ராணத உபரந்தயதி தமபகருணம் புருஷாதைரபி விகர்ஹிதமமுத்ர யமாநுசராஃ கும்பீபாகே தப்ததைலே உபரந்தயந்தி ॥ ௧௩ ॥

யஸ்த்விஹ ப்ரஹ்மத்ருக ஸ காலஸூத்ரஸம்ஜ்ஞகே நரகே அயுதயோஜநபரிமண்டலே தாம்ரமயே தப்தகலே உபர்யதஸ்தாதக்ந்யர்காப்யாமதிதப்யமாநே'பிநிவேஶிதஃ க்ஷுத்பிபாஸாப்யாம் ச தஹ்யமாநாந்தர்பஹிஃஶரீர ஆஸ்தே ஶேதே சேஷ்டதே'வதிஷ்டதி பரிதாவதி ச யாவந்தி பஶுரோமாணி தாவத்வர்ஷஸஹஸ்ராணி ॥ ௧௪ ॥

யஸ்த்விஹ வை நிஜவேதபதாதநாபத்யபகதஃ பாகண்டம் சோபகதஸ்தமஸிபத்ரவநம் ப்ரவேஶ்ய கஶயா ப்ரஹரந்தி தத்ர ஹாஸாவிதஸ்ததோ தாவமாந உபயதோதாரைஸ்தாலவநாஸிபத்ரைஶ்சித்யமாநஸர்வாங்கோ ஹா ஹதோ'ஸ்மீதி பரமயா வேதநயா மூர்ச்சிதஃ பதே பதே நிபததி ஸ்வதர்மஹா பாகண்டாநுகதம் பலம் புங்க்தே ॥ ௧௫ ॥

யஸ்த்விஹ வை ராஜா ராஜபுருஷோ வா அதண்ட்யே தண்டம் ப்ரணயதி ப்ராஹ்மணே வா ஶரீரதண்டம் ஸ பாபீயாந்நரகே'முத்ர ஸூகரமுகே நிபததி தத்ராதிபலைர்விநிஷ்பிஷ்யமாணாவயவோ யதைவேஹேக்ஷுகண்ட ஆர்தஸ்வரேண ஸ்வநயந் க்வசிந்மூர்ச்சிதஃ கஶ்மலமுபகதோ யதைவேஹாத்ரு'ஷ்டதோஷா உபருத்தாஃ ॥ ௧௬ ॥

யஸ்த்விஹ வை பூதாநாமீஶ்வரோபகல்பிதவ்ரு'த்தீநாமவிவிக்தபரவ்யதாநாம் ஸ்வயம் புருஷோபகல்பிதவ்ரு'த்திர்விவிக்தபரவ்யதோ வ்யதாமாசரதி ஸ பரத்ராந்தகூபே ததபித்ரோஹேண நிபததி தத்ர ஹாஸௌ தைர்ஜந்துபிஃ பஶும்ரு'கபக்ஷிஸரீஸ்ரு'பைர்மஶகயூகாமத்குணமக்ஷிகாதிபிர்யே கே சாபித்ருக்தாஸ்தைஃ ஸர்வதோ'பித்ருஹ்யமாணஸ்தமஸி விஹதநித்ராநிர்வ்ரு'திரலப்தாவஸ்தாநஃ பரிக்ராமதி யதா குஶரீரே ஜீவஃ ॥ ௧௭ ॥

யஸ்த்விஹ வா அஸம்விபஜ்யாஶ்நாதி யத்கிஞ்சநோபநதமநிர்மிதபஞ்சயஜ்ஞோ வாயஸஸம்ஸ்துதஃ ஸ பரத்ர க்ரு'மிபோஜநே நரகாதமே நிபததி தத்ர ஶதஸஹஸ்ரயோஜநே க்ரு'மிகுண்டே க்ரு'மிபூதஃ ஸ்வயம் க்ரு'மிபிரேவ பக்ஷ்யமாணஃ க்ரு'மிபோஜநோ யாவத்ததப்ரத்தாப்ரஹூதாதோ'நிர்வேஶமாத்மாநம் யாதயதே ॥ ௧௮ ॥

யஸ்த்விஹ வை ஸ்தேயேந பலாத்வா ஹிரண்யரத்நாதீநி ப்ராஹ்மணஸ்ய வாபஹரத்யந்யஸ்ய வாநாபதி புருஷஸ்தமமுத்ர ராஜந் யமபுருஷா அயஸ்மயைரக்நிபிண்டைஃ ஸந்தம்ஶைஸ்த்வசி நிஷ்குஷந்தி ॥ ௧௯ ॥

யஸ்த்விஹ வா அகம்யாம் ஸ்த்ரியமகம்யம் வா புருஷம் யோஷிதபிகச்சதி தாவமுத்ர கஶயா தாடயந்தஸ்திக்மயா ஸூர்ம்யா லோஹமய்யா புருஷமாலிங்கயந்தி ஸ்த்ரியம் ச புருஷரூபயா ஸூர்ம்யா ॥ ௨௦ ॥

யஸ்த்விஹ வை ஸர்வாபிகமஸ்தமமுத்ர நிரயே வர்தமாநம் வஜ்ரகண்டகஶால்மலீமாரோப்ய நிஷ்கர்ஷந்தி ॥ ௨௧ ॥

யே த்விஹ வை ராஜந்யா ராஜபுருஷா வா அபாகண்டா தர்மஸேதூந் பிந்தந்தி தே ஸம்பரேத்ய வைதரண்யாம் நிபதந்தி பிந்நமர்யாதாஸ்தஸ்யாம் நிரயபரிகாபூதாயாம் நத்யாம் யாதோகணைரிதஸ்ததோ பக்ஷ்யமாணா ஆத்மநா ந வியுஜ்யமாநாஶ்சாஸுபிருஹ்யமாநாஃ ஸ்வாகேந கர்மபாகமநுஸ்மரந்தோ விண்மூத்ரபூயஶோணிதகேஶநகாஸ்திமேதோமாம்ஸவஸாவாஹிந்யாமுபதப்யந்தே ॥ ௨௨ ॥

யே த்விஹ வை வ்ரு'ஷலீபதயோ நஷ்டஶௌசாசாரநியமாஸ்த்யக்தலஜ்ஜாஃ பஶுசர்யாம் சரந்தி தே சாபி ப்ரேத்ய பூயவிண்மூத்ரஶ்லேஷ்மமலாபூர்ணார்ணவே நிபதந்தி ததேவாதிபீபத்ஸிதமஶ்நந்தி ॥ ௨௩ ॥

யே த்விஹ வை ஶ்வகர்தபபதயோ ப்ராஹ்மணாதயோ ம்ரு'கயாவிஹாரா அதீர்தே ச ம்ரு'காந்நிக்நந்தி தாநபி ஸம்பரேதாஂல்லக்ஷ்யபூதாந் யமபுருஷா இஷுபிர்வித்யந்தி ॥ ௨௪ ॥

யே த்விஹ வை தாம்பிகா தம்பயஜ்ஞேஷு பஶூந் விஶஸந்தி தாநமுஷ்மிஂல்லோகே வைஶஸே நரகே பதிதாந்நிரயபதயோ யாதயித்வா விஶஸந்தி ॥ ௨௫ ॥

யஸ்த்விஹ வை ஸவர்ணாம் பார்யாம் த்விஜோ ரேதஃ பாயயதி காமமோஹிதஸ்தம் பாபக்ரு'தமமுத்ர ரேதஃகுல்யாயாம் பாதயித்வா ரேதஃ ஸம்பாயயந்தி ॥ ௨௬ ॥

யே த்விஹ வை தஸ்யவோ'க்நிதா கரதா க்ராமாந் ஸார்தாந் வா விலும்பந்தி ராஜாநோ ராஜபடா வா தாம்ஶ்சாபி ஹி பரேத்ய யமதூதா வஜ்ரதம்ஷ்ட்ராஃ ஶ்வாநஃ ஸப்தஶதாநி விம்ஶதிஶ்ச ஸரபஸம் காதந்தி ॥ ௨௭ ॥

யஸ்த்விஹ வா அந்ரு'தம் வததி ஸாக்ஷ்யே த்ரவ்யவிநிமயே தாநே வா கதஞ்சித்ஸ வை ப்ரேத்ய நரகே'வீசிமத்யதஃஶிரா நிரவகாஶே யோஜநஶதோச்ச்ராயாத் கிரிமூர்த்நஃ ஸம்பாத்யதே யத்ர ஜலமிவ ஸ்தலமஶ்மப்ரு'ஷ்டமவபாஸதே ததவீசிமத்திலஶோ விஶீர்யமாணஶரீரோ ந ம்ரியமாணஃ புநராரோபிதோ நிபததி ॥ ௨௮ ॥

யஸ்த்விஹ வை விப்ரோ ராஜந்யோ வைஶ்யோ வா ஸோமபீதஸ்தத்கலத்ரம் வா ஸுராம் வ்ரதஸ்தோ'பி வா பிபதி ப்ரமாததஸ்தேஷாம் நிரயம் நீதாநாமுரஸி பதா''க்ரம்யாஸ்யே வஹ்நிநா த்ரவமாணம் கார்ஷ்ணாயஸம் நிஷிஞ்சந்தி ॥ ௨௯ ॥

அத ச யஸ்த்விஹ வா ஆத்மஸம்பாவநேந ஸ்வயமதமோ ஜந்மதபோவித்யாசாரவர்ணாஶ்ரமவதோ வரீயஸோ ந பஹு மந்யேத ஸ ம்ரு'தக ஏவ ம்ரு'த்வா க்ஷாரகர்தமே நிரயே'வாக்ஶிரா நிபாதிதோ துரந்தா யாதநா ஹ்யஶ்நுதே ॥ ௩௦ ॥

யே த்விஹ வை புருஷாஃ புருஷமேதேந யஜந்தே யாஶ்ச ஸ்த்ரியோ ந்ரு'பஶூந்காதந்தி தாம்ஶ்ச தே பஶவ இவ நிஹதா யமஸதநே யாதயந்தோ ரக்ஷோகணாஃ ஸௌநிகா இவ ஸ்வதிதிநாவதாயாஸ்ரு'க்பிபந்தி ந்ரு'த்யந்தி ச காயந்தி ச ஹ்ரு'ஷ்யமாணா யதேஹ புருஷாதாஃ ॥ ௩௧ ॥

யே த்விஹ வா அநாகஸோ'ரண்யே க்ராமே வா வைஶ்ரம்பகைருபஸ்ரு'தாநுபவிஶ்ரம்பய்ய ஜிஜீவிஷூந் ஶூலஸூத்ராதிஷூபப்ரோதாந்க்ரீடநகதயா யாதயந்தி தே'பி ச ப்ரேத்ய யமயாதநாஸு ஶூலாதிஷு ப்ரோதாத்மாநஃ க்ஷுத்த்ரு'ட்ப்யாம் சாபிஹதாஃ கங்கவடாதிபிஶ்சேதஸ்ததஸ்திக்மதுண்டைராஹந்யமாநா ஆத்மஶமலம் ஸ்மரந்தி ॥ ௩௨ ॥

யே த்விஹ வை பூதாந்யுத்வேஜயந்தி நரா உல்பணஸ்வபாவா யதா தந்தஶூகாஸ்தே'பி ப்ரேத்ய நரகே தந்தஶூகாக்யே நிபதந்தி யத்ர ந்ரு'ப தந்தஶூகாஃ பஞ்சமுகாஃ ஸப்தமுகா உபஸ்ரு'த்ய க்ரஸந்தி யதா பிலேஶயாந் ॥ ௩௩ ॥

யே த்விஹ வா அந்தாவடகுஸூலகுஹாதிஷு பூதாநி நிருந்தந்தி ததாமுத்ர தேஷ்வேவோபவேஶ்ய ஸகரேண வஹ்நிநா தூமேந நிருந்தந்தி ॥ ௩௪ ॥

யஸ்த்விஹ வா அதிதீநப்யாகதாந் வா க்ரு'ஹபதிரஸக்ரு'துபகதமந்யுர்திதக்ஷுரிவ பாபேந சக்ஷுஷா நிரீக்ஷதே தஸ்ய சாபி நிரயே பாபத்ரு'ஷ்டேரக்ஷிணீ வஜ்ரதுண்டா க்ரு'த்ராஃ கங்ககாகவடாதயஃ ப்ரஸஹ்யோரு- பலாதுத்பாடயந்தி ॥ ௩௫ ॥

யஸ்த்விஹ வா ஆட்யாபிமதிரஹங்க்ரு'திஸ்திர்யக்ப்ரேக்ஷணஃ ஸர்வதோ'பிவிஶங்கீ அர்தவ்யயநாஶசிந்தயா பரிஶுஷ்யமாணஹ்ரு'தயவதநோ நிர்வ்ரு'திமநவகதோ க்ரஹ இவார்தமபிரக்ஷதி ஸ சாபி ப்ரேத்ய ததுத்பாதநோத்கர்ஷணஸம்ரக்ஷணஶமலக்ரஹஃ ஸூசீமுகே நரகே நிபததி யத்ர ஹ வித்தக்ரஹம் பாபபுருஷம் தர்மராஜபுருஷா வாயகா இவ ஸர்வதோ'ங்கேஷு ஸூத்ரைஃ பரிவயந்தி ॥ ௩௬ ॥

ஏவம்விதா நரகா யமாலயே ஸந்தி ஶதஶஃ ஸஹஸ்ரஶஸ்தேஷு ஸர்வேஷு ச ஸர்வ ஏவாதர்மவர்திநோ யே கேசிதிஹோதிதா அநுதிதாஶ்சாவநிபதே பர்யாயேண விஶந்தி ததைவ தர்மாநுவர்திந இதரத்ர இஹ து புநர்பவே த உபயஶேஷாப்யாம் நிவிஶந்தி ॥ ௩௭ ॥

நிவ்ரு'த்திலக்ஷணமார்க ஆதாவேவ வ்யாக்யாதஃ । ஏதாவாநேவாண்டகோஶோ யஶ்சதுர்தஶதா புராணேஷு விகல்பித உபகீயதே யத்தத்பகவதோ நாராயணஸ்ய ஸாக்ஷாந்மஹாபுருஷஸ்ய ஸ்தவிஷ்டம் ரூபமாத்மமாயாகுணமயமநுவர்ணிதமாத்ரு'தஃ படதி ஶ்ரு'ணோதி ஶ்ராவயதி ஸ உபகேயம் பகவதஃ பரமாத்மநோ'க்ராஹ்யமபி ஶ்ரத்தாபக்திவிஶுத்தபுத்திர்வேத ॥ ௩௮ ॥

ஶ்ருத்வா ஸ்தூலம் ததா ஸூக்ஷ்மம் ரூபம் பகவதோ யதிஃ ।
ஸ்தூலே நிர்ஜிதமாத்மாநம் ஶநைஃ ஸூக்ஷ்மம் தியா நயேதிதி ॥ ௩௯ ॥

பூத்வீபவர்ஷஸரிதத்ரிநபஃஸமுத்ர-
பாதாலதிங்நரகபாகணலோகஸம்ஸ்தா ।
கீதா மயா தவ ந்ரு'பாத்புதமீஶ்வரஸ்ய
ஸ்தூலம் வபுஃ ஸகலஜீவநிகாயதாம ॥ ௪௦ ॥