ஶ்ரீமத்பாகவதம் ௫.௪

ஶ்ரீஶுக உவாச
அத ஹ தமுத்பத்த்யைவாபிவ்யஜ்யமாநபகவல்லக்ஷணம் ஸாம்யோபஶமவைராக்யைஶ்வர்யமஹாவிபூதிபிரநுதிநமேதமாநாநுபாவம் ப்ரக்ரு'தயஃ ப்ரஜா ப்ராஹ்மணா தேவதாஶ்சாவநிதலஸமவநாயாதிதராம் ஜக்ரு'துஃ ॥ ௧ ॥

தஸ்ய ஹ வா இத்தம் வர்ஷ்மணா வரீயஸா ப்ரு'ஹச்ச்லோகேந சௌஜஸா பலேந ஶ்ரியா யஶஸா வீர்யஶௌர்யாப்யாம் ச பிதா ரு'ஷப இதீதம் நாம சகார ॥ ௨ ॥

யஸ்ய ஹீந்த்ரஃ ஸ்பர்தமாநோ பகவாந் வர்ஷே ந வவர்ஷ ததவதார்ய பகவாந்ரு'ஷபதேவோ யோகேஶ்வரஃ ப்ரஹஸ்யாத்மயோகமாயயா ஸ்வவர்ஷமஜநாபம் நாமாப்யவர்ஷத் ॥ ௩ ॥

நாபிஸ்து யதாபிலஷிதம் ஸுப்ரஜஸ்த்வமவருத்யாதிப்ரமோதபரவிஹ்வலோ கத்கதாக்ஷரயா கிரா ஸ்வைரம் க்ரு'ஹீத நரலோகஸதர்மம் பகவந்தம் புராணபுருஷம் மாயாவிலஸிதமதிர்வத்ஸ தாதேதி ஸாநுராகமுபலாலயந் பராம் நிர்வ்ரு'திமுபகதஃ ॥ ௪ ॥

விதிதாநுராகமாபௌரப்ரக்ரு'தி ஜநபதோ ராஜா நாபிராத்மஜம் ஸமயஸேதுரக்ஷாயாமபிஷிச்ய ப்ராஹ்மணேஷூபநிதாய ஸஹ மேருதேவ்யா விஶாலாயாம் ப்ரஸந்நநிபுணேந தபஸா ஸமாதியோகேந நரநாராயணாக்யம் பகவந்தம் வாஸுதேவமுபாஸீநஃ காலேந தந்மஹிமாநமவாப ॥ ௫ ॥

யஸ்ய ஹ பாண்டவேய ஶ்லோகாவுதாஹரந்தி—
கோ நு தத்கர்ம ராஜர்ஷேர்நாபேரந்வாசரேத்புமாந் ।
அபத்யதாமகாத்யஸ்ய ஹரிஃ ஶுத்தேந கர்மணா ॥ ௬ ॥

ப்ரஹ்மண்யோ'ந்யஃ குதோ நாபேர்விப்ரா மங்கலபூஜிதாஃ ।
யஸ்ய பர்ஹிஷி யஜ்ஞேஶம் தர்ஶயாமாஸுரோஜஸா ॥ ௭ ॥

அத ஹ பகவாந்ரு'ஷபதேவஃ ஸ்வவர்ஷம் கர்மக்ஷேத்ரமநுமந்யமாநஃ ப்ரதர்ஶிதகுருகுலவாஸோ லப்தவரைர்குருபிரநுஜ்ஞாதோ க்ரு'ஹமேதிநாம் தர்மாநநுஶிக்ஷமாணோ ஜயந்த்யாமிந்த்ரதத்தாயாமுபயலக்ஷணம் கர்ம ஸமாம்நாயாம்நாதமபியுஞ்ஜந்நாத்மஜாநாமாத்மஸமாநாநாம் ஶதம் ஜநயாமாஸ ॥ ௮ ॥

யேஷாம் கலு மஹாயோகீ பரதோ ஜ்யேஷ்டஃ ஶ்ரேஷ்டகுண ஆஸீத்யேநேதம் வர்ஷம் பாரதமிதி வ்யபதிஶந்தி ॥ ௯ ॥

தமநு குஶாவர்த இலாவர்தோ ப்ரஹ்மாவர்தோ மலயஃ கேதுர்பத்ரஸேந இந்த்ரஸ்ப்ரு'க்விதர்பஃ கீகட இதி நவ நவதி ப்ரதாநாஃ ॥ ௧௦ ॥

கவிர்ஹவிரந்தரிக்ஷஃ ப்ரபுத்தஃ பிப்பலாயநஃ ।
ஆவிர்ஹோத்ரோ'த த்ருமிலஶ்சமஸஃ கரபாஜநஃ ॥ ௧௧ ॥

இதி பாகவததர்மதர்ஶநா நவ மஹாபாகவதாஸ்தேஷாம் ஸுசரிதம் பகவந்மஹிமோபப்ரு'ம்ஹிதம் வஸுதேவநாரதஸம்வாதமுபஶமாயநமுபரிஷ்டாத்வர்ணயிஷ்யாமஃ ॥ ௧௨ ॥

யவீயாம்ஸ ஏகாஶீதிர்ஜாயந்தேயாஃ பிதுராதேஶகரா மஹாஶாலீநா மஹாஶ்ரோத்ரியா யஜ்ஞஶீலாஃ கர்மவிஶுத்தா ப்ராஹ்மணா பபூவுஃ ॥ ௧௩ ॥

பகவாந்ரு'ஷபஸம்ஜ்ஞ ஆத்மதந்த்ரஃ ஸ்வயம் நித்யநிவ்ரு'த்தாநர்தபரம்பரஃ கேவலாநந்தாநுபவ ஈஶ்வர ஏவ விபரீதவத்கர்மாண்யாரபமாணஃ காலேநாநுகதம் தர்மமாசரணேநோபஶிக்ஷயந்நதத்விதாம் ஸம உபஶாந்தோ மைத்ரஃ காருணிகோ தர்மார்தயஶஃ ப்ரஜாநந்தாம்ரு'தாவரோதேந க்ரு'ஹேஷு லோகம் நியமயத் ॥ ௧௪ ॥

யத்யச்சீர்ஷண்யாசரிதம் தத்ததநுவர்ததே லோகஃ ॥ ௧௫ ॥

யத்யபி ஸ்வவிதிதம் ஸகலதர்மம் ப்ராஹ்மம் குஹ்யம் ப்ராஹ்மணைர்தர்ஶிதமார்கேண ஸாமாதிபிருபாயைர்ஜநதாமநுஶஶாஸ ॥ ௧௬ ॥

த்ரவ்யதேஶகாலவயஃஶ்ரத்தர்த்விக்விவிதோத்தேஶோபசிதைஃ ஸர்வைரபி க்ரதுபிர்யதோபதேஶம் ஶதக்ரு'த்வ இயாஜ ॥ ௧௭ ॥

பகவதர்ஷபேண பரிரக்ஷ்யமாண ஏதஸ்மிந் வர்ஷே ந கஶ்சந புருஷோ வாஞ்சத்யவித்யமாநமிவாத்மநோ'ந்யஸ்மாத்கதஞ்சந கிமபி கர்ஹிசிதவேக்ஷதே பர்தர்யநுஸவநம் விஜ்ரு'ம்பிதஸ்நேஹாதிஶயமந்தரேண ॥ ௧௮ ॥

ஸ கதாசிதடமாநோ பகவாந்ரு'ஷபோ ப்ரஹ்மாவர்தகதோ ப்ரஹ்மர்ஷிப்ரவரஸபாயாம் ப்ரஜாநாம் நிஶாமயந்தீநாமாத்மஜாநவஹிதாத்மநஃ ப்ரஶ்ரயப்ரணயபரஸுயந்த்ரிதாநப்யுபஶிக்ஷயந்நிதி ஹோவாச ॥ ௧௯ ॥