শ্ৰীশুক উৱাচ
পৃশ্নিস্তু পত্নী সৱিতুঃ সাৱিত্ৰীং ৱ্যাহৃতিং ত্ৰযীম্ ।
অগ্নিহোত্ৰং পশুং সোমং চাতুৰ্মাস্যং মহামখান্ ॥ ১ ॥
পৃশ্নিস্তু পত্নী সৱিতুঃ সাৱিত্ৰীং ৱ্যাহৃতিং ত্ৰযীম্ ।
অগ্নিহোত্ৰং পশুং সোমং চাতুৰ্মাস্যং মহামখান্ ॥ ১ ॥
সিদ্ধিৰ্ভগস্য ভাৰ্যাঙ্গ মহিমানং ৱিভুং প্ৰভুম্ ।
আশিষং চ ৱৰাৰোহাং কন্যাং প্ৰাসূত সুৱ্ৰতাম্ ॥ ২ ॥
আশিষং চ ৱৰাৰোহাং কন্যাং প্ৰাসূত সুৱ্ৰতাম্ ॥ ২ ॥
ধাতুঃ কুহূঃ সিনীৱালী ৰাকা চানুমতিস্তথা ।
সাযং দৰ্শমথ প্ৰাতঃ পূৰ্ণমাসমনুক্ৰমাত্ ॥ ৩ ॥
সাযং দৰ্শমথ প্ৰাতঃ পূৰ্ণমাসমনুক্ৰমাত্ ॥ ৩ ॥
অগ্নীন্ পুৰীষ্যানাধত্ত ক্ৰিযাযাং সমনন্তৰঃ ।
চৰ্ষণী ৱৰুণস্যাসীদ্যস্যাং জাতো ভৃগুঃ পুনঃ ॥ ৪ ॥
চৰ্ষণী ৱৰুণস্যাসীদ্যস্যাং জাতো ভৃগুঃ পুনঃ ॥ ৪ ॥
ৱাল্মীকিশ্চ মহাযোগী ৱল্মীকাদভৱত্কিল ।
অগস্ত্যশ্চ ৱসিষ্ঠশ্চ মিত্ৰাৱৰুণযোঋৰ্ষী ॥ ৫ ॥
অগস্ত্যশ্চ ৱসিষ্ঠশ্চ মিত্ৰাৱৰুণযোঋৰ্ষী ॥ ৫ ॥
ৰেতঃ সিষিচতুঃ কুম্ভে উৰ্ৱশ্যাঃ সন্নিধৌ দ্ৰুতম্ ।
ৰেৱত্যাং মিত্ৰ উত্সৰ্গমৰিষ্টং পিপ্পলং ৱ্যধাত্ ॥ ৬ ॥
ৰেৱত্যাং মিত্ৰ উত্সৰ্গমৰিষ্টং পিপ্পলং ৱ্যধাত্ ॥ ৬ ॥
পৌলোম্যামিন্দ্ৰ আধত্ত ত্ৰীন্ পুত্ৰানিতি নঃ শ্ৰুতম্ ।
জযন্তমৃষভং তাত তৃতীযং মীঢুষং প্ৰভুঃ ॥ ৭ ॥
জযন্তমৃষভং তাত তৃতীযং মীঢুষং প্ৰভুঃ ॥ ৭ ॥
উৰুক্ৰমস্য দেৱস্য মাযাৱামনৰূপিণঃ ।
কীৰ্তৌ পত্ন্যাং বৃহচ্ছ্লোকস্তস্যাসন্ সৌভগাদযঃ ॥ ৮ ॥
কীৰ্তৌ পত্ন্যাং বৃহচ্ছ্লোকস্তস্যাসন্ সৌভগাদযঃ ॥ ৮ ॥
তত্কৰ্মগুণৱীৰ্যাণি কাশ্যপস্য মহাত্মনঃ ।
পশ্চাদ্ৱক্ষ্যামহেঽদিত্যাং যথৈৱাৱততাৰ হ ॥ ৯ ॥
পশ্চাদ্ৱক্ষ্যামহেঽদিত্যাং যথৈৱাৱততাৰ হ ॥ ৯ ॥
অথ কশ্যপদাযাদান্ দৈতেযান্ কীৰ্তযামি তে ।
যত্ৰ ভাগৱতঃ শ্ৰীমান্ প্ৰহ্ৰাদো বলিৰেৱ চ ॥ ১০ ॥
যত্ৰ ভাগৱতঃ শ্ৰীমান্ প্ৰহ্ৰাদো বলিৰেৱ চ ॥ ১০ ॥
দিতেৰ্দ্ৱাৱেৱ দাযাদৌ দৈত্যদানৱৱন্দিতৌ ।
হিৰণ্যকশিপুৰ্নাম হিৰণ্যাক্ষশ্চ কীৰ্তিতৌ ॥ ১১ ॥
হিৰণ্যকশিপুৰ্নাম হিৰণ্যাক্ষশ্চ কীৰ্তিতৌ ॥ ১১ ॥
হিৰণ্যকশিপোৰ্ভাৰ্যা কযাধুৰ্নাম দানৱী ।
জম্ভস্য তনযা সা তু সুষুৱে চতুৰঃ সুতান্ ॥ ১২ ॥
জম্ভস্য তনযা সা তু সুষুৱে চতুৰঃ সুতান্ ॥ ১২ ॥
সংহ্ৰাদং প্ৰাগনুহ্ৰাদং হ্ৰাদং প্ৰহ্ৰাদমেৱ চ ।
তত্স্ৱসা সিংহিকা নাম ৰাহুং ৱিপ্ৰচিতোঽগ্ৰহীত্ ॥ ১৩ ॥
তত্স্ৱসা সিংহিকা নাম ৰাহুং ৱিপ্ৰচিতোঽগ্ৰহীত্ ॥ ১৩ ॥
শিৰোঽহৰদ্যস্য হৰিশ্চক্ৰেণ পিবতোঽমৃতম্ ।
সংহ্ৰাদস্য কৃতিৰ্ভাৰ্যাসূত পঞ্চজনং ততঃ ॥ ১৪ ॥
সংহ্ৰাদস্য কৃতিৰ্ভাৰ্যাসূত পঞ্চজনং ততঃ ॥ ১৪ ॥
হ্ৰাদস্য ধমনিৰ্ভাৰ্যাসূত ৱাতাপিমিল্ৱলম্ ।
যোঽগস্ত্যায ত্ৱতিথযে পেচে ৱাতাপিমিল্ৱলঃ ॥ ১৫ ॥
যোঽগস্ত্যায ত্ৱতিথযে পেচে ৱাতাপিমিল্ৱলঃ ॥ ১৫ ॥
অনুহ্ৰাদস্য সূৰ্যাযাং বাষ্কলো মহিষস্তথা ।
ৱিৰোচনস্তু প্ৰাহ্ৰাদিৰ্দেৱ্যাং তস্যাভৱদ্বলিঃ ॥ ১৬ ॥
ৱিৰোচনস্তু প্ৰাহ্ৰাদিৰ্দেৱ্যাং তস্যাভৱদ্বলিঃ ॥ ১৬ ॥
বাণজ্যেষ্ঠং পুত্ৰশতমশনাযাং ততোঽভৱত্ ।
তস্যানুভাৱং
সুশ্লোক্যং পশ্চাদেৱাভিধাস্যতে ॥ ১৭ ॥
তস্যানুভাৱং
সুশ্লোক্যং পশ্চাদেৱাভিধাস্যতে ॥ ১৭ ॥
বাণ আৰাধ্য গিৰিশং লেভে তদ্গণমুখ্যতাম্ ।
যত্পাৰ্শ্ৱে
ভগৱানাস্তে হ্যদ্যাপি পুৰপালকঃ ॥ ১৮ ॥
যত্পাৰ্শ্ৱে
ভগৱানাস্তে হ্যদ্যাপি পুৰপালকঃ ॥ ১৮ ॥
মৰুতশ্চ দিতেঃ
পুত্ৰাশ্চত্ৱাৰিংশন্নৱাধিকাঃ ।
ত আসন্নপ্ৰজাঃ সৰ্ৱে নীতা ইন্দ্ৰেণ
সাত্মতাম্ ॥ ১৯ ॥
পুত্ৰাশ্চত্ৱাৰিংশন্নৱাধিকাঃ ।
ত আসন্নপ্ৰজাঃ সৰ্ৱে নীতা ইন্দ্ৰেণ
সাত্মতাম্ ॥ ১৯ ॥
শ্ৰীৰাজোৱাচ
কথং ত আসুৰং ভাৱমপোহ্যৌত্পত্তিকং গুৰো ।
ইন্দ্ৰেণ প্ৰাপিতাঃ সাত্ম্যং কিং তত্সাধু কৃতং হি তৈঃ ॥ ২০ ॥
কথং ত আসুৰং ভাৱমপোহ্যৌত্পত্তিকং গুৰো ।
ইন্দ্ৰেণ প্ৰাপিতাঃ সাত্ম্যং কিং তত্সাধু কৃতং হি তৈঃ ॥ ২০ ॥
ইমে শ্ৰদ্দধতে ব্ৰহ্মন্নৃষযো হি মযা সহ ।
পৰিজ্ঞানায ভগৱংস্তন্নো ৱ্যাখ্যাতুমৰ্হসি ॥ ২১ ॥
পৰিজ্ঞানায ভগৱংস্তন্নো ৱ্যাখ্যাতুমৰ্হসি ॥ ২১ ॥
শ্ৰীসূত উৱাচ
তদ্ৱিষ্ণুৰাতস্য স বাদৰাযণি-
ৰ্ৱচো নিশম্যাদৃতমল্পমৰ্থৱত্ ।
সভাজযন্ সন্নিভৃতেন চেতসা
জগাদ সত্ৰাযণ সৰ্ৱদৰ্শনঃ ॥ ২২ ॥
তদ্ৱিষ্ণুৰাতস্য স বাদৰাযণি-
ৰ্ৱচো নিশম্যাদৃতমল্পমৰ্থৱত্ ।
সভাজযন্ সন্নিভৃতেন চেতসা
জগাদ সত্ৰাযণ সৰ্ৱদৰ্শনঃ ॥ ২২ ॥
শ্ৰীশুক উৱাচ
হতপুত্ৰা দিতিঃ শক্ৰপাৰ্ষ্ণিগ্ৰাহেণ ৱিষ্ণুনা ।
মন্যুনা শোকদীপ্তেন জ্ৱলন্তী পৰ্যচিন্তযত্ ॥ ২৩ ॥
হতপুত্ৰা দিতিঃ শক্ৰপাৰ্ষ্ণিগ্ৰাহেণ ৱিষ্ণুনা ।
মন্যুনা শোকদীপ্তেন জ্ৱলন্তী পৰ্যচিন্তযত্ ॥ ২৩ ॥
কদা নু ভ্ৰাতৃহন্তাৰমিন্দ্ৰিযাৰামমুল্বণম্ ।
অক্লিন্নহৃদযং পাপং ঘাতযিত্ৱা শযে সুখম্ ॥ ২৪ ॥
অক্লিন্নহৃদযং পাপং ঘাতযিত্ৱা শযে সুখম্ ॥ ২৪ ॥
কৃমিৱিড্ভস্মসংজ্ঞাসীদ্যস্যেশাভিহিতস্য চ ।
ভূতধ্ৰুক্ তত্কৃতে স্ৱাৰ্থং কিং ৱেদ নিৰযো যতঃ ॥ ২৫ ॥
ভূতধ্ৰুক্ তত্কৃতে স্ৱাৰ্থং কিং ৱেদ নিৰযো যতঃ ॥ ২৫ ॥
আশাসানস্য তস্যেদং ধ্ৰুৱমুন্নদ্ধচেতসঃ ।
মদশোষক ইন্দ্ৰস্য ভূযাদ্যেন সুতো হি মে ॥ ২৬ ॥
মদশোষক ইন্দ্ৰস্য ভূযাদ্যেন সুতো হি মে ॥ ২৬ ॥
ইতি ভাৱেন সা ভৰ্তুৰাচচাৰাসকৃত্প্ৰিযম্ ।
শুশ্ৰূষযানুৰাগেণ প্ৰশ্ৰযেণ দমেন চ ॥ ২৭ ॥
শুশ্ৰূষযানুৰাগেণ প্ৰশ্ৰযেণ দমেন চ ॥ ২৭ ॥
ভক্ত্যা পৰমযা ৰাজন্ মনোজ্ঞৈৰ্ৱল্গুভাষিতৈঃ ।
মনো জগ্ৰাহ ভাৱজ্ঞা সস্মিতাপাঙ্গৱীক্ষণৈঃ ॥ ২৮ ॥
মনো জগ্ৰাহ ভাৱজ্ঞা সস্মিতাপাঙ্গৱীক্ষণৈঃ ॥ ২৮ ॥
এৱং স্ত্ৰিযা জডীভূতো ৱিদ্ৱানপি মনোজ্ঞযা ।
বাঢমিত্যাহ ৱিৱশো ন তচ্চিত্ৰং হি যোষিতি ॥ ২৯ ॥
বাঢমিত্যাহ ৱিৱশো ন তচ্চিত্ৰং হি যোষিতি ॥ ২৯ ॥
ৱিলোক্যৈকান্তভূতানি ভূতান্যাদৌ প্ৰজাপতিঃ ।
স্ত্ৰিযং চক্ৰে স্ৱদেহাৰ্ধং যযা পুংসাং মতিৰ্হৃতা ॥ ৩০ ॥
স্ত্ৰিযং চক্ৰে স্ৱদেহাৰ্ধং যযা পুংসাং মতিৰ্হৃতা ॥ ৩০ ॥
এৱং শুশ্ৰূষিতস্তাত ভগৱান্ কশ্যপঃ স্ত্ৰিযা ।
প্ৰহস্য পৰমপ্ৰীতো দিতিমাহাভিনন্দ্য চ ॥ ৩১ ॥
প্ৰহস্য পৰমপ্ৰীতো দিতিমাহাভিনন্দ্য চ ॥ ৩১ ॥
শ্ৰীকশ্যপ উৱাচ
ৱৰং ৱৰয ৱামোৰু প্ৰীতস্তেঽহমনিন্দিতে ।
স্ত্ৰিযা ভৰ্তৰি সুপ্ৰীতে কঃ কাম ইহ চাগমঃ ॥ ৩২ ॥
ৱৰং ৱৰয ৱামোৰু প্ৰীতস্তেঽহমনিন্দিতে ।
স্ত্ৰিযা ভৰ্তৰি সুপ্ৰীতে কঃ কাম ইহ চাগমঃ ॥ ৩২ ॥
পতিৰেৱ হি নাৰীণাং দৈৱতং পৰমং স্মৃতম্ ।
মানসঃ সৰ্ৱভূতানাং ৱাসুদেৱঃ শ্ৰিযঃ পতিঃ ॥ ৩৩ ॥
মানসঃ সৰ্ৱভূতানাং ৱাসুদেৱঃ শ্ৰিযঃ পতিঃ ॥ ৩৩ ॥
স এৱ দেৱতালিঙ্গৈৰ্নামৰূপৱিকল্পিতৈঃ ।
ইজ্যতে ভগৱান্ পুম্ভিঃ স্ত্ৰীভিশ্চ পতিৰূপধৃক্ ॥ ৩৪ ॥
ইজ্যতে ভগৱান্ পুম্ভিঃ স্ত্ৰীভিশ্চ পতিৰূপধৃক্ ॥ ৩৪ ॥
তস্মাত্পতিৱ্ৰতা নাৰ্যঃ শ্ৰেযস্কামাঃ সুমধ্যমে ।
যজন্তেঽনন্যভাৱেন পতিমাত্মানমীশ্ৱৰম্ ॥ ৩৫ ॥
যজন্তেঽনন্যভাৱেন পতিমাত্মানমীশ্ৱৰম্ ॥ ৩৫ ॥
সোঽহং ত্ৱযাৰ্চিতো ভদ্ৰে ঈদৃগ্ভাৱেন ভক্তিতঃ ।
তং তে সম্পাদযে কামমসতীনাং সুদুৰ্লভম্ ॥ ৩৬ ॥
তং তে সম্পাদযে কামমসতীনাং সুদুৰ্লভম্ ॥ ৩৬ ॥
দিতিৰুৱাচ
ৱৰদো যদি মে ব্ৰহ্মন্ পুত্ৰমিন্দ্ৰহণং ৱৃণে ।
অমৃত্যুং মৃতপুত্ৰাহং যেন মে ঘাতিতৌ সুতৌ ॥ ৩৭ ॥
ৱৰদো যদি মে ব্ৰহ্মন্ পুত্ৰমিন্দ্ৰহণং ৱৃণে ।
অমৃত্যুং মৃতপুত্ৰাহং যেন মে ঘাতিতৌ সুতৌ ॥ ৩৭ ॥
নিশম্য তদ্ৱচো ৱিপ্ৰো ৱিমনাঃ পৰ্যতপ্যত ।
অহো অধৰ্মঃ সুমহানদ্য মে সমুপস্থিতঃ ॥ ৩৮ ॥
অহো অধৰ্মঃ সুমহানদ্য মে সমুপস্থিতঃ ॥ ৩৮ ॥
অহো অৰ্থেন্দ্ৰিযাৰামো যোষিন্ময্যেহ মাযযা ।
গৃহীতচেতাঃ কৃপণঃ পতিষ্যে নৰকে ধ্ৰুৱম্ ॥ ৩৯ ॥
গৃহীতচেতাঃ কৃপণঃ পতিষ্যে নৰকে ধ্ৰুৱম্ ॥ ৩৯ ॥
কোঽতিক্ৰমোঽনুৱৰ্তন্ত্যাঃ স্ৱভাৱমিহ যোষিতঃ ।
ধিঙ্মাং বতাবুধং স্ৱাৰ্থে যদহং ত্ৱজিতেন্দ্ৰিযঃ ॥ ৪০ ॥
ধিঙ্মাং বতাবুধং স্ৱাৰ্থে যদহং ত্ৱজিতেন্দ্ৰিযঃ ॥ ৪০ ॥
শৰত্পদ্মোত্সৱং ৱক্ত্ৰং ৱচশ্চ শ্ৰৱণামৃতম্ ।
হৃদযং ক্ষুৰধাৰাভং স্ত্ৰীণাং কো ৱেদ চেষ্টিতম্ ॥ ৪১ ॥
হৃদযং ক্ষুৰধাৰাভং স্ত্ৰীণাং কো ৱেদ চেষ্টিতম্ ॥ ৪১ ॥
ন হি কশ্চিত্প্ৰিযঃ স্ত্ৰীণামঞ্জসা স্ৱাশিষাত্মনাম্ ।
পতিং পুত্ৰং ভ্ৰাতৰং ৱা ঘ্নন্ত্যৰ্থে ঘাতযন্তি চ ॥ ৪২ ॥
পতিং পুত্ৰং ভ্ৰাতৰং ৱা ঘ্নন্ত্যৰ্থে ঘাতযন্তি চ ॥ ৪২ ॥
প্ৰতিশ্ৰুতং দদামীতি ৱচস্তন্ন মৃষা ভৱেত্ ।
ৱধং নাৰ্হতি চেন্দ্ৰোঽপি তত্ৰেদমুপকল্পতে ॥ ৪৩ ॥
ৱধং নাৰ্হতি চেন্দ্ৰোঽপি তত্ৰেদমুপকল্পতে ॥ ৪৩ ॥
ইতি সঞ্চিন্ত্য ভগৱান্মাৰীচঃ কুৰুনন্দন ।
উৱাচকিঞ্চিত্ কুপিত আত্মানং চ ৱিগৰ্হযন্ ॥ ৪৪ ॥
উৱাচকিঞ্চিত্ কুপিত আত্মানং চ ৱিগৰ্হযন্ ॥ ৪৪ ॥
শ্ৰীকশ্যপ উৱাচ
পুত্ৰস্তে ভৱিতা ভদ্ৰে ইন্দ্ৰহাদেৱবান্ধৱঃ ।
সংৱত্সৰং ৱ্ৰতমিদং যদ্যঞ্জো ধাৰযিষ্যসি ॥ ৪৫ ॥
পুত্ৰস্তে ভৱিতা ভদ্ৰে ইন্দ্ৰহাদেৱবান্ধৱঃ ।
সংৱত্সৰং ৱ্ৰতমিদং যদ্যঞ্জো ধাৰযিষ্যসি ॥ ৪৫ ॥
দিতিৰুৱাচ
ধাৰযিষ্যে ৱ্ৰতং ব্ৰহ্মন্ব্ৰূহি কাৰ্যাণি যানি মে ।
যানি চেহ নিষিদ্ধানি ন ৱ্ৰতং ঘ্নন্তি যান্যুত ॥ ৪৬ ॥
ধাৰযিষ্যে ৱ্ৰতং ব্ৰহ্মন্ব্ৰূহি কাৰ্যাণি যানি মে ।
যানি চেহ নিষিদ্ধানি ন ৱ্ৰতং ঘ্নন্তি যান্যুত ॥ ৪৬ ॥
শ্ৰীকশ্যপ উৱাচ
ন হিংস্যাদ্ভূতজাতানি ন শপেন্নানৃতং ৱদেত্ ।
ন ছিন্দ্যান্নখৰোমাণি ন স্পৃশেদ্যদমঙ্গলম্ ॥ ৪৭ ॥
ন হিংস্যাদ্ভূতজাতানি ন শপেন্নানৃতং ৱদেত্ ।
ন ছিন্দ্যান্নখৰোমাণি ন স্পৃশেদ্যদমঙ্গলম্ ॥ ৪৭ ॥
নাপ্সু স্নাযান্ন কুপ্যেত ন সম্ভাষেত দুৰ্জনৈঃ ।
ন ৱসীতাধৌতৱাসঃ স্ৰজং চ ৱিধৃতাং ক্ৱচিত্ ॥ ৪৮ ॥
ন ৱসীতাধৌতৱাসঃ স্ৰজং চ ৱিধৃতাং ক্ৱচিত্ ॥ ৪৮ ॥
নোচ্ছিষ্টং চণ্ডিকান্নং চ সামিষং ৱৃষলাহৃতম্ ।
ভুঞ্জীতোদক্যযা দৃষ্টং পিবেন্নাঞ্জলিনা ত্ৱপঃ ॥ ৪৯ ॥
ভুঞ্জীতোদক্যযা দৃষ্টং পিবেন্নাঞ্জলিনা ত্ৱপঃ ॥ ৪৯ ॥
নোচ্ছিষ্টাস্পৃষ্টসলিলা সন্ধ্যাযাং মুক্তমূৰ্ধজা ।
অনৰ্চিতাসংযতৱাক্নাসংৱীতা বহিশ্চৰেত্ ॥ ৫০ ॥
অনৰ্চিতাসংযতৱাক্নাসংৱীতা বহিশ্চৰেত্ ॥ ৫০ ॥
নাধৌতপাদাপ্ৰযতা নাৰ্দ্ৰপাদা উদক্শিৰাঃ ।
শযীত নাপৰাঙ্নান্যৈৰ্ন নগ্না ন চ সন্ধ্যযোঃ ॥ ৫১ ॥
শযীত নাপৰাঙ্নান্যৈৰ্ন নগ্না ন চ সন্ধ্যযোঃ ॥ ৫১ ॥
ধৌতৱাসা শুচিৰ্নিত্যং সৰ্ৱমঙ্গলসংযুতা ।
পূজযেত্প্ৰাতৰাশাত্প্ৰাগ্গোৱিপ্ৰাঞ্ শ্ৰিযমচ্যুতম্ ॥ ৫২ ॥
পূজযেত্প্ৰাতৰাশাত্প্ৰাগ্গোৱিপ্ৰাঞ্ শ্ৰিযমচ্যুতম্ ॥ ৫২ ॥
স্ত্ৰিযো ৱীৰৱতীশ্চাৰ্চেত্স্ৰগ্গন্ধবলিমণ্ডনৈঃ ।
পতিং চাৰ্চ্যোপতিষ্ঠেত ধ্যাযেত্কোষ্ঠগতং চ তম্ ॥ ৫৩ ॥
পতিং চাৰ্চ্যোপতিষ্ঠেত ধ্যাযেত্কোষ্ঠগতং চ তম্ ॥ ৫৩ ॥
সাংৱত্সৰং পুংসৱনং ৱ্ৰতমেতদৱিপ্লুতম্ ।
ধাৰযিষ্যসি চেত্তুভ্যং শক্ৰহা ভৱিতা সুতঃ ॥ ৫৪ ॥
ধাৰযিষ্যসি চেত্তুভ্যং শক্ৰহা ভৱিতা সুতঃ ॥ ৫৪ ॥
বাঢমিত্যভ্যুপেত্যাথ দিতী ৰাজন্মহামনাঃ ।
কশ্যপাদ্ গৰ্ভমাধত্ত ৱ্ৰতং চাঞ্জো দধাৰ সা ॥ ৫৫ ॥
কশ্যপাদ্ গৰ্ভমাধত্ত ৱ্ৰতং চাঞ্জো দধাৰ সা ॥ ৫৫ ॥
মাতৃষ্ৱসুৰভিপ্ৰাযমিন্দ্ৰ আজ্ঞায মানদ ।
শুশ্ৰূষণেনাশ্ৰমস্থাং দিতিং পৰ্যচৰত্কৱিঃ ॥ ৫৬ ॥
শুশ্ৰূষণেনাশ্ৰমস্থাং দিতিং পৰ্যচৰত্কৱিঃ ॥ ৫৬ ॥
নিত্যং ৱনাত্সুমনসঃ ফলমূলসমিত্কুশান্ ।
পত্ৰাঙ্কুৰমৃদোঽপশ্চ কালে কাল উপাহৰত্ ॥ ৫৭ ॥
পত্ৰাঙ্কুৰমৃদোঽপশ্চ কালে কাল উপাহৰত্ ॥ ৫৭ ॥
এৱং তস্যা ৱ্ৰতস্থাযা ৱ্ৰতচ্ছিদ্ৰং হৰিৰ্নৃপ ।
প্ৰেপ্সুঃ পৰ্যচৰজ্জিহ্মো মৃগহেৱ মৃগাকৃতিঃ ॥ ৫৮ ॥
প্ৰেপ্সুঃ পৰ্যচৰজ্জিহ্মো মৃগহেৱ মৃগাকৃতিঃ ॥ ৫৮ ॥
নাধ্যগচ্ছদ্ৱ্ৰতচ্ছিদ্ৰং তত্পৰোঽথ মহীপতে ।
চিন্তাং তীৱ্ৰাং গতঃ শক্ৰঃ কেন মে স্যাচ্ছিৱং ত্ৱিহ ॥ ৫৯ ॥
চিন্তাং তীৱ্ৰাং গতঃ শক্ৰঃ কেন মে স্যাচ্ছিৱং ত্ৱিহ ॥ ৫৯ ॥
একদা সা তু সন্ধ্যাযামুচ্ছিষ্টা ৱ্ৰতকৰ্শিতা ।
অস্পৃষ্টৱাৰ্যধৌতাঙ্ঘ্ৰিঃ সুষ্ৱাপ ৱিধিমোহিতা ॥ ৬০ ॥
অস্পৃষ্টৱাৰ্যধৌতাঙ্ঘ্ৰিঃ সুষ্ৱাপ ৱিধিমোহিতা ॥ ৬০ ॥
লব্ধ্ৱা তদন্তৰং শক্ৰো নিদ্ৰাপহৃতচেতসঃ ।
দিতেঃ প্ৰৱিষ্ট উদৰং যোগেশো যোগমাযযা ॥ ৬১ ॥
দিতেঃ প্ৰৱিষ্ট উদৰং যোগেশো যোগমাযযা ॥ ৬১ ॥
চকৰ্ত সপ্তধা গৰ্ভং ৱজ্ৰেণ কনকপ্ৰভম্ ।
ৰুদন্তং সপ্তধৈকৈকং মা ৰোদীৰিতি তান্ পুনঃ ॥ ৬২ ॥
ৰুদন্তং সপ্তধৈকৈকং মা ৰোদীৰিতি তান্ পুনঃ ॥ ৬২ ॥
তমূচুঃ পাট্যমানাস্তে সৰ্ৱে প্ৰাঞ্জলযো নৃপ ।
কিং ন ইন্দ্ৰ জিঘাংসসি ভ্ৰাতৰো মৰুতস্তৱ ॥ ৬৩ ॥
কিং ন ইন্দ্ৰ জিঘাংসসি ভ্ৰাতৰো মৰুতস্তৱ ॥ ৬৩ ॥
মা ভৈষ্ট ভ্ৰাতৰো মহ্যং যূযমিত্যাহ কৌশিকঃ ।
অনন্যভাৱান্ পাৰ্ষদানাত্মনো মৰুতাং গণান্ ॥ ৬৪ ॥
অনন্যভাৱান্ পাৰ্ষদানাত্মনো মৰুতাং গণান্ ॥ ৬৪ ॥
ন মমাৰ দিতেৰ্গৰ্ভঃ শ্ৰীনিৱাসানুকম্পযা ।
বহুধা কুলিশক্ষুণ্ণো দ্ৰৌণ্যস্ত্ৰেণ যথা ভৱান্ ॥ ৬৫ ॥
বহুধা কুলিশক্ষুণ্ণো দ্ৰৌণ্যস্ত্ৰেণ যথা ভৱান্ ॥ ৬৫ ॥
সকৃদিষ্ট্ৱাদিপুৰুষং পুৰুষো যাতি সাম্যতাম্ ।
সংৱত্সৰং কিঞ্চিদূনং দিত্যা যদ্ধৰিৰৰ্চিতঃ ॥ ৬৬ ॥
সংৱত্সৰং কিঞ্চিদূনং দিত্যা যদ্ধৰিৰৰ্চিতঃ ॥ ৬৬ ॥
সজূৰিন্দ্ৰেণ পঞ্চাশদ্দেৱাস্তে মৰুতোঽভৱন্ ।
ৱ্যপোহ্য মাতৃদোষং তে হৰিণা সোমপাঃ কৃতাঃ ॥ ৬৭ ॥
ৱ্যপোহ্য মাতৃদোষং তে হৰিণা সোমপাঃ কৃতাঃ ॥ ৬৭ ॥
দিতিৰুত্থায দদৃশে কুমাৰাননলপ্ৰভান্ ।
ইন্দ্ৰেণ সহিতান্ দেৱী পৰ্যতুষ্যদনিন্দিতা ॥ ৬৮ ॥
ইন্দ্ৰেণ সহিতান্ দেৱী পৰ্যতুষ্যদনিন্দিতা ॥ ৬৮ ॥
অথেন্দ্ৰমাহ তাতাহমাদিত্যানাং ভযাৱহম্ ।
অপত্যমিচ্ছন্ত্যচৰং ৱ্ৰতমেতত্সুদুষ্কৰম্ ॥ ৬৯ ॥
অপত্যমিচ্ছন্ত্যচৰং ৱ্ৰতমেতত্সুদুষ্কৰম্ ॥ ৬৯ ॥
একঃ সঙ্কল্পিতঃ পুত্ৰঃ সপ্ত সপ্তাভৱন্ কথম্ ।
যদি তে ৱিদিতং পুত্ৰ সত্যং কথয মা মৃষা ॥ ৭০ ॥
যদি তে ৱিদিতং পুত্ৰ সত্যং কথয মা মৃষা ॥ ৭০ ॥
ইন্দ্ৰ উৱাচ
অম্ব তেঽহং ৱ্যৱসিতমুপধাৰ্যাগতোঽন্তিকম্ ।
লব্ধান্তৰোঽচ্ছিদং গৰ্ভমৰ্থবুদ্ধিৰ্ন ধৰ্মদৃক্ ॥ ৭১ ॥
অম্ব তেঽহং ৱ্যৱসিতমুপধাৰ্যাগতোঽন্তিকম্ ।
লব্ধান্তৰোঽচ্ছিদং গৰ্ভমৰ্থবুদ্ধিৰ্ন ধৰ্মদৃক্ ॥ ৭১ ॥
কৃত্তো মে সপ্তধা গৰ্ভ আসন্ সপ্ত কুমাৰকাঃ ।
তেঽপি চৈকৈকশো ৱৃক্ণাঃ সপ্তধা নাপি মম্ৰিৰে ॥ ৭২ ॥
তেঽপি চৈকৈকশো ৱৃক্ণাঃ সপ্তধা নাপি মম্ৰিৰে ॥ ৭২ ॥
ততস্তত্পৰমাশ্চৰ্যং ৱীক্ষ্য ৱ্যৱসিতং মযা ।
মহাপুৰুষপূজাযাঃ সিদ্ধিঃ কাপ্যানুষঙ্গিণী ॥ ৭৩ ॥
মহাপুৰুষপূজাযাঃ সিদ্ধিঃ কাপ্যানুষঙ্গিণী ॥ ৭৩ ॥
আৰাধনং ভগৱত ঈহমানা নিৰাশিষঃ ।
যে তু নেচ্ছন্ত্যপি পৰং তে স্ৱাৰ্থকুশলাঃ স্মৃতাঃ ॥ ৭৪ ॥
যে তু নেচ্ছন্ত্যপি পৰং তে স্ৱাৰ্থকুশলাঃ স্মৃতাঃ ॥ ৭৪ ॥
আৰাধ্যাত্মপ্ৰদং দেৱং স্ৱাত্মানং জগদীশ্ৱৰম্ ।
কো ৱৃণীত গুণস্পৰ্শং বুধঃ স্যান্নৰকেঽপি যত্ ॥ ৭৫ ॥
কো ৱৃণীত গুণস্পৰ্শং বুধঃ স্যান্নৰকেঽপি যত্ ॥ ৭৫ ॥
তদিদং মম দৌৰ্জন্যং বালিশস্য মহীযসি ।
ক্ষন্তুমৰ্হসি মাতস্ত্ৱং দিষ্ট্যা গৰ্ভো মৃতোত্থিতঃ ॥ ৭৬ ॥
ক্ষন্তুমৰ্হসি মাতস্ত্ৱং দিষ্ট্যা গৰ্ভো মৃতোত্থিতঃ ॥ ৭৬ ॥
শ্ৰীশুক উৱাচ
ইন্দ্ৰস্তযাভ্যনুজ্ঞাতঃ শুদ্ধভাৱেন তুষ্টযা ।
মৰুদ্ভিঃ সহ তাং নত্ৱা জগাম ত্ৰিদিৱং প্ৰভুঃ ॥ ৭৭ ॥
ইন্দ্ৰস্তযাভ্যনুজ্ঞাতঃ শুদ্ধভাৱেন তুষ্টযা ।
মৰুদ্ভিঃ সহ তাং নত্ৱা জগাম ত্ৰিদিৱং প্ৰভুঃ ॥ ৭৭ ॥
এৱং তে সৰ্ৱমাখ্যাতং যন্মাং ত্ৱং পৰিপৃচ্ছসি ।
মঙ্গলং মৰুতাং জন্ম কিং ভূযঃ কথযামি তে ॥ ৭৮ ॥
মঙ্গলং মৰুতাং জন্ম কিং ভূযঃ কথযামি তে ॥ ৭৮ ॥