শ্রীশুক উবাচ
পৃশ্নিস্তু পত্নী সবিতুঃ সাবিত্রীং ব্যাহৃতিং ত্রযীম্ ।
অগ্নিহোত্রং পশুং সোমং চাতুর্মাস্যং মহামখান্ ॥ ১ ॥
পৃশ্নিস্তু পত্নী সবিতুঃ সাবিত্রীং ব্যাহৃতিং ত্রযীম্ ।
অগ্নিহোত্রং পশুং সোমং চাতুর্মাস্যং মহামখান্ ॥ ১ ॥
সিদ্ধির্ভগস্য ভার্যাঙ্গ মহিমানং বিভুং প্রভুম্ ।
আশিষং চ বরারোহাং কন্যাং প্রাসূত সুব্রতাম্ ॥ ২ ॥
আশিষং চ বরারোহাং কন্যাং প্রাসূত সুব্রতাম্ ॥ ২ ॥
ধাতুঃ কুহূঃ সিনীবালী রাকা চানুমতিস্তথা ।
সাযং দর্শমথ প্রাতঃ পূর্ণমাসমনুক্রমাত্ ॥ ৩ ॥
সাযং দর্শমথ প্রাতঃ পূর্ণমাসমনুক্রমাত্ ॥ ৩ ॥
অগ্নীন্ পুরীষ্যানাধত্ত ক্রিযাযাং সমনন্তরঃ ।
চর্ষণী বরুণস্যাসীদ্যস্যাং জাতো ভৃগুঃ পুনঃ ॥ ৪ ॥
চর্ষণী বরুণস্যাসীদ্যস্যাং জাতো ভৃগুঃ পুনঃ ॥ ৪ ॥
বাল্মীকিশ্চ মহাযোগী বল্মীকাদভবত্কিল ।
অগস্ত্যশ্চ বসিষ্ঠশ্চ মিত্রাবরুণযোঋর্ষী ॥ ৫ ॥
অগস্ত্যশ্চ বসিষ্ঠশ্চ মিত্রাবরুণযোঋর্ষী ॥ ৫ ॥
রেতঃ সিষিচতুঃ কুম্ভে উর্বশ্যাঃ সন্নিধৌ দ্রুতম্ ।
রেবত্যাং মিত্র উত্সর্গমরিষ্টং পিপ্পলং ব্যধাত্ ॥ ৬ ॥
রেবত্যাং মিত্র উত্সর্গমরিষ্টং পিপ্পলং ব্যধাত্ ॥ ৬ ॥
পৌলোম্যামিন্দ্র আধত্ত ত্রীন্ পুত্রানিতি নঃ শ্রুতম্ ।
জযন্তমৃষভং তাত তৃতীযং মীঢুষং প্রভুঃ ॥ ৭ ॥
জযন্তমৃষভং তাত তৃতীযং মীঢুষং প্রভুঃ ॥ ৭ ॥
উরুক্রমস্য দেবস্য মাযাবামনরূপিণঃ ।
কীর্তৌ পত্ন্যাং বৃহচ্ছ্লোকস্তস্যাসন্ সৌভগাদযঃ ॥ ৮ ॥
কীর্তৌ পত্ন্যাং বৃহচ্ছ্লোকস্তস্যাসন্ সৌভগাদযঃ ॥ ৮ ॥
তত্কর্মগুণবীর্যাণি কাশ্যপস্য মহাত্মনঃ ।
পশ্চাদ্বক্ষ্যামহেঽদিত্যাং যথৈবাবততার হ ॥ ৯ ॥
পশ্চাদ্বক্ষ্যামহেঽদিত্যাং যথৈবাবততার হ ॥ ৯ ॥
অথ কশ্যপদাযাদান্ দৈতেযান্ কীর্তযামি তে ।
যত্র ভাগবতঃ শ্রীমান্ প্রহ্রাদো বলিরেব চ ॥ ১০ ॥
যত্র ভাগবতঃ শ্রীমান্ প্রহ্রাদো বলিরেব চ ॥ ১০ ॥
দিতের্দ্বাবেব দাযাদৌ দৈত্যদানববন্দিতৌ ।
হিরণ্যকশিপুর্নাম হিরণ্যাক্ষশ্চ কীর্তিতৌ ॥ ১১ ॥
হিরণ্যকশিপুর্নাম হিরণ্যাক্ষশ্চ কীর্তিতৌ ॥ ১১ ॥
হিরণ্যকশিপোর্ভার্যা কযাধুর্নাম দানবী ।
জম্ভস্য তনযা সা তু সুষুবে চতুরঃ সুতান্ ॥ ১২ ॥
জম্ভস্য তনযা সা তু সুষুবে চতুরঃ সুতান্ ॥ ১২ ॥
সংহ্রাদং প্রাগনুহ্রাদং হ্রাদং প্রহ্রাদমেব চ ।
তত্স্বসা সিংহিকা নাম রাহুং বিপ্রচিতোঽগ্রহীত্ ॥ ১৩ ॥
তত্স্বসা সিংহিকা নাম রাহুং বিপ্রচিতোঽগ্রহীত্ ॥ ১৩ ॥
শিরোঽহরদ্যস্য হরিশ্চক্রেণ পিবতোঽমৃতম্ ।
সংহ্রাদস্য কৃতির্ভার্যাসূত পঞ্চজনং ততঃ ॥ ১৪ ॥
সংহ্রাদস্য কৃতির্ভার্যাসূত পঞ্চজনং ততঃ ॥ ১৪ ॥
হ্রাদস্য ধমনির্ভার্যাসূত বাতাপিমিল্বলম্ ।
যোঽগস্ত্যায ত্বতিথযে পেচে বাতাপিমিল্বলঃ ॥ ১৫ ॥
যোঽগস্ত্যায ত্বতিথযে পেচে বাতাপিমিল্বলঃ ॥ ১৫ ॥
অনুহ্রাদস্য সূর্যাযাং বাষ্কলো মহিষস্তথা ।
বিরোচনস্তু প্রাহ্রাদির্দেব্যাং তস্যাভবদ্বলিঃ ॥ ১৬ ॥
বিরোচনস্তু প্রাহ্রাদির্দেব্যাং তস্যাভবদ্বলিঃ ॥ ১৬ ॥
বাণজ্যেষ্ঠং পুত্রশতমশনাযাং ততোঽভবত্ ।
তস্যানুভাবং
সুশ্লোক্যং পশ্চাদেবাভিধাস্যতে ॥ ১৭ ॥
তস্যানুভাবং
সুশ্লোক্যং পশ্চাদেবাভিধাস্যতে ॥ ১৭ ॥
বাণ আরাধ্য গিরিশং লেভে তদ্গণমুখ্যতাম্ ।
যত্পার্শ্বে
ভগবানাস্তে হ্যদ্যাপি পুরপালকঃ ॥ ১৮ ॥
যত্পার্শ্বে
ভগবানাস্তে হ্যদ্যাপি পুরপালকঃ ॥ ১৮ ॥
মরুতশ্চ দিতেঃ
পুত্রাশ্চত্বারিংশন্নবাধিকাঃ ।
ত আসন্নপ্রজাঃ সর্বে নীতা ইন্দ্রেণ
সাত্মতাম্ ॥ ১৯ ॥
পুত্রাশ্চত্বারিংশন্নবাধিকাঃ ।
ত আসন্নপ্রজাঃ সর্বে নীতা ইন্দ্রেণ
সাত্মতাম্ ॥ ১৯ ॥
শ্রীরাজোবাচ
কথং ত আসুরং ভাবমপোহ্যৌত্পত্তিকং গুরো ।
ইন্দ্রেণ প্রাপিতাঃ সাত্ম্যং কিং তত্সাধু কৃতং হি তৈঃ ॥ ২০ ॥
কথং ত আসুরং ভাবমপোহ্যৌত্পত্তিকং গুরো ।
ইন্দ্রেণ প্রাপিতাঃ সাত্ম্যং কিং তত্সাধু কৃতং হি তৈঃ ॥ ২০ ॥
ইমে শ্রদ্দধতে ব্রহ্মন্নৃষযো হি মযা সহ ।
পরিজ্ঞানায ভগবংস্তন্নো ব্যাখ্যাতুমর্হসি ॥ ২১ ॥
পরিজ্ঞানায ভগবংস্তন্নো ব্যাখ্যাতুমর্হসি ॥ ২১ ॥
শ্রীসূত উবাচ
তদ্বিষ্ণুরাতস্য স বাদরাযণি-
র্বচো নিশম্যাদৃতমল্পমর্থবত্ ।
সভাজযন্ সন্নিভৃতেন চেতসা
জগাদ সত্রাযণ সর্বদর্শনঃ ॥ ২২ ॥
তদ্বিষ্ণুরাতস্য স বাদরাযণি-
র্বচো নিশম্যাদৃতমল্পমর্থবত্ ।
সভাজযন্ সন্নিভৃতেন চেতসা
জগাদ সত্রাযণ সর্বদর্শনঃ ॥ ২২ ॥
শ্রীশুক উবাচ
হতপুত্রা দিতিঃ শক্রপার্ষ্ণিগ্রাহেণ বিষ্ণুনা ।
মন্যুনা শোকদীপ্তেন জ্বলন্তী পর্যচিন্তযত্ ॥ ২৩ ॥
হতপুত্রা দিতিঃ শক্রপার্ষ্ণিগ্রাহেণ বিষ্ণুনা ।
মন্যুনা শোকদীপ্তেন জ্বলন্তী পর্যচিন্তযত্ ॥ ২৩ ॥
কদা নু ভ্রাতৃহন্তারমিন্দ্রিযারামমুল্বণম্ ।
অক্লিন্নহৃদযং পাপং ঘাতযিত্বা শযে সুখম্ ॥ ২৪ ॥
অক্লিন্নহৃদযং পাপং ঘাতযিত্বা শযে সুখম্ ॥ ২৪ ॥
কৃমিবিড্ভস্মসংজ্ঞাসীদ্যস্যেশাভিহিতস্য চ ।
ভূতধ্রুক্ তত্কৃতে স্বার্থং কিং বেদ নিরযো যতঃ ॥ ২৫ ॥
ভূতধ্রুক্ তত্কৃতে স্বার্থং কিং বেদ নিরযো যতঃ ॥ ২৫ ॥
আশাসানস্য তস্যেদং ধ্রুবমুন্নদ্ধচেতসঃ ।
মদশোষক ইন্দ্রস্য ভূযাদ্যেন সুতো হি মে ॥ ২৬ ॥
মদশোষক ইন্দ্রস্য ভূযাদ্যেন সুতো হি মে ॥ ২৬ ॥
ইতি ভাবেন সা ভর্তুরাচচারাসকৃত্প্রিযম্ ।
শুশ্রূষযানুরাগেণ প্রশ্রযেণ দমেন চ ॥ ২৭ ॥
শুশ্রূষযানুরাগেণ প্রশ্রযেণ দমেন চ ॥ ২৭ ॥
ভক্ত্যা পরমযা রাজন্ মনোজ্ঞৈর্বল্গুভাষিতৈঃ ।
মনো জগ্রাহ ভাবজ্ঞা সস্মিতাপাঙ্গবীক্ষণৈঃ ॥ ২৮ ॥
মনো জগ্রাহ ভাবজ্ঞা সস্মিতাপাঙ্গবীক্ষণৈঃ ॥ ২৮ ॥
এবং স্ত্রিযা জডীভূতো বিদ্বানপি মনোজ্ঞযা ।
বাঢমিত্যাহ বিবশো ন তচ্চিত্রং হি যোষিতি ॥ ২৯ ॥
বাঢমিত্যাহ বিবশো ন তচ্চিত্রং হি যোষিতি ॥ ২৯ ॥
বিলোক্যৈকান্তভূতানি ভূতান্যাদৌ প্রজাপতিঃ ।
স্ত্রিযং চক্রে স্বদেহার্ধং যযা পুংসাং মতির্হৃতা ॥ ৩০ ॥
স্ত্রিযং চক্রে স্বদেহার্ধং যযা পুংসাং মতির্হৃতা ॥ ৩০ ॥
এবং শুশ্রূষিতস্তাত ভগবান্ কশ্যপঃ স্ত্রিযা ।
প্রহস্য পরমপ্রীতো দিতিমাহাভিনন্দ্য চ ॥ ৩১ ॥
প্রহস্য পরমপ্রীতো দিতিমাহাভিনন্দ্য চ ॥ ৩১ ॥
শ্রীকশ্যপ উবাচ
বরং বরয বামোরু প্রীতস্তেঽহমনিন্দিতে ।
স্ত্রিযা ভর্তরি সুপ্রীতে কঃ কাম ইহ চাগমঃ ॥ ৩২ ॥
বরং বরয বামোরু প্রীতস্তেঽহমনিন্দিতে ।
স্ত্রিযা ভর্তরি সুপ্রীতে কঃ কাম ইহ চাগমঃ ॥ ৩২ ॥
পতিরেব হি নারীণাং দৈবতং পরমং স্মৃতম্ ।
মানসঃ সর্বভূতানাং বাসুদেবঃ শ্রিযঃ পতিঃ ॥ ৩৩ ॥
মানসঃ সর্বভূতানাং বাসুদেবঃ শ্রিযঃ পতিঃ ॥ ৩৩ ॥
স এব দেবতালিঙ্গৈর্নামরূপবিকল্পিতৈঃ ।
ইজ্যতে ভগবান্ পুম্ভিঃ স্ত্রীভিশ্চ পতিরূপধৃক্ ॥ ৩৪ ॥
ইজ্যতে ভগবান্ পুম্ভিঃ স্ত্রীভিশ্চ পতিরূপধৃক্ ॥ ৩৪ ॥
তস্মাত্পতিব্রতা নার্যঃ শ্রেযস্কামাঃ সুমধ্যমে ।
যজন্তেঽনন্যভাবেন পতিমাত্মানমীশ্বরম্ ॥ ৩৫ ॥
যজন্তেঽনন্যভাবেন পতিমাত্মানমীশ্বরম্ ॥ ৩৫ ॥
সোঽহং ত্বযার্চিতো ভদ্রে ঈদৃগ্ভাবেন ভক্তিতঃ ।
তং তে সম্পাদযে কামমসতীনাং সুদুর্লভম্ ॥ ৩৬ ॥
তং তে সম্পাদযে কামমসতীনাং সুদুর্লভম্ ॥ ৩৬ ॥
দিতিরুবাচ
বরদো যদি মে ব্রহ্মন্ পুত্রমিন্দ্রহণং বৃণে ।
অমৃত্যুং মৃতপুত্রাহং যেন মে ঘাতিতৌ সুতৌ ॥ ৩৭ ॥
বরদো যদি মে ব্রহ্মন্ পুত্রমিন্দ্রহণং বৃণে ।
অমৃত্যুং মৃতপুত্রাহং যেন মে ঘাতিতৌ সুতৌ ॥ ৩৭ ॥
নিশম্য তদ্বচো বিপ্রো বিমনাঃ পর্যতপ্যত ।
অহো অধর্মঃ সুমহানদ্য মে সমুপস্থিতঃ ॥ ৩৮ ॥
অহো অধর্মঃ সুমহানদ্য মে সমুপস্থিতঃ ॥ ৩৮ ॥
অহো অর্থেন্দ্রিযারামো যোষিন্ময্যেহ মাযযা ।
গৃহীতচেতাঃ কৃপণঃ পতিষ্যে নরকে ধ্রুবম্ ॥ ৩৯ ॥
গৃহীতচেতাঃ কৃপণঃ পতিষ্যে নরকে ধ্রুবম্ ॥ ৩৯ ॥
কোঽতিক্রমোঽনুবর্তন্ত্যাঃ স্বভাবমিহ যোষিতঃ ।
ধিঙ্মাং বতাবুধং স্বার্থে যদহং ত্বজিতেন্দ্রিযঃ ॥ ৪০ ॥
ধিঙ্মাং বতাবুধং স্বার্থে যদহং ত্বজিতেন্দ্রিযঃ ॥ ৪০ ॥
শরত্পদ্মোত্সবং বক্ত্রং বচশ্চ শ্রবণামৃতম্ ।
হৃদযং ক্ষুরধারাভং স্ত্রীণাং কো বেদ চেষ্টিতম্ ॥ ৪১ ॥
হৃদযং ক্ষুরধারাভং স্ত্রীণাং কো বেদ চেষ্টিতম্ ॥ ৪১ ॥
ন হি কশ্চিত্প্রিযঃ স্ত্রীণামঞ্জসা স্বাশিষাত্মনাম্ ।
পতিং পুত্রং ভ্রাতরং বা ঘ্নন্ত্যর্থে ঘাতযন্তি চ ॥ ৪২ ॥
পতিং পুত্রং ভ্রাতরং বা ঘ্নন্ত্যর্থে ঘাতযন্তি চ ॥ ৪২ ॥
প্রতিশ্রুতং দদামীতি বচস্তন্ন মৃষা ভবেত্ ।
বধং নার্হতি চেন্দ্রোঽপি তত্রেদমুপকল্পতে ॥ ৪৩ ॥
বধং নার্হতি চেন্দ্রোঽপি তত্রেদমুপকল্পতে ॥ ৪৩ ॥
ইতি সঞ্চিন্ত্য ভগবান্মারীচঃ কুরুনন্দন ।
উবাচকিঞ্চিত্ কুপিত আত্মানং চ বিগর্হযন্ ॥ ৪৪ ॥
উবাচকিঞ্চিত্ কুপিত আত্মানং চ বিগর্হযন্ ॥ ৪৪ ॥
শ্রীকশ্যপ উবাচ
পুত্রস্তে ভবিতা ভদ্রে ইন্দ্রহাদেববান্ধবঃ ।
সংবত্সরং ব্রতমিদং যদ্যঞ্জো ধারযিষ্যসি ॥ ৪৫ ॥
পুত্রস্তে ভবিতা ভদ্রে ইন্দ্রহাদেববান্ধবঃ ।
সংবত্সরং ব্রতমিদং যদ্যঞ্জো ধারযিষ্যসি ॥ ৪৫ ॥
দিতিরুবাচ
ধারযিষ্যে ব্রতং ব্রহ্মন্ব্রূহি কার্যাণি যানি মে ।
যানি চেহ নিষিদ্ধানি ন ব্রতং ঘ্নন্তি যান্যুত ॥ ৪৬ ॥
ধারযিষ্যে ব্রতং ব্রহ্মন্ব্রূহি কার্যাণি যানি মে ।
যানি চেহ নিষিদ্ধানি ন ব্রতং ঘ্নন্তি যান্যুত ॥ ৪৬ ॥
শ্রীকশ্যপ উবাচ
ন হিংস্যাদ্ভূতজাতানি ন শপেন্নানৃতং বদেত্ ।
ন ছিন্দ্যান্নখরোমাণি ন স্পৃশেদ্যদমঙ্গলম্ ॥ ৪৭ ॥
ন হিংস্যাদ্ভূতজাতানি ন শপেন্নানৃতং বদেত্ ।
ন ছিন্দ্যান্নখরোমাণি ন স্পৃশেদ্যদমঙ্গলম্ ॥ ৪৭ ॥
নাপ্সু স্নাযান্ন কুপ্যেত ন সম্ভাষেত দুর্জনৈঃ ।
ন বসীতাধৌতবাসঃ স্রজং চ বিধৃতাং ক্বচিত্ ॥ ৪৮ ॥
ন বসীতাধৌতবাসঃ স্রজং চ বিধৃতাং ক্বচিত্ ॥ ৪৮ ॥
নোচ্ছিষ্টং চণ্ডিকান্নং চ সামিষং বৃষলাহৃতম্ ।
ভুঞ্জীতোদক্যযা দৃষ্টং পিবেন্নাঞ্জলিনা ত্বপঃ ॥ ৪৯ ॥
ভুঞ্জীতোদক্যযা দৃষ্টং পিবেন্নাঞ্জলিনা ত্বপঃ ॥ ৪৯ ॥
নোচ্ছিষ্টাস্পৃষ্টসলিলা সন্ধ্যাযাং মুক্তমূর্ধজা ।
অনর্চিতাসংযতবাক্নাসংবীতা বহিশ্চরেত্ ॥ ৫০ ॥
অনর্চিতাসংযতবাক্নাসংবীতা বহিশ্চরেত্ ॥ ৫০ ॥
নাধৌতপাদাপ্রযতা নার্দ্রপাদা উদক্শিরাঃ ।
শযীত নাপরাঙ্নান্যৈর্ন নগ্না ন চ সন্ধ্যযোঃ ॥ ৫১ ॥
শযীত নাপরাঙ্নান্যৈর্ন নগ্না ন চ সন্ধ্যযোঃ ॥ ৫১ ॥
ধৌতবাসা শুচির্নিত্যং সর্বমঙ্গলসংযুতা ।
পূজযেত্প্রাতরাশাত্প্রাগ্গোবিপ্রাঞ্ শ্রিযমচ্যুতম্ ॥ ৫২ ॥
পূজযেত্প্রাতরাশাত্প্রাগ্গোবিপ্রাঞ্ শ্রিযমচ্যুতম্ ॥ ৫২ ॥
স্ত্রিযো বীরবতীশ্চার্চেত্স্রগ্গন্ধবলিমণ্ডনৈঃ ।
পতিং চার্চ্যোপতিষ্ঠেত ধ্যাযেত্কোষ্ঠগতং চ তম্ ॥ ৫৩ ॥
পতিং চার্চ্যোপতিষ্ঠেত ধ্যাযেত্কোষ্ঠগতং চ তম্ ॥ ৫৩ ॥
সাংবত্সরং পুংসবনং ব্রতমেতদবিপ্লুতম্ ।
ধারযিষ্যসি চেত্তুভ্যং শক্রহা ভবিতা সুতঃ ॥ ৫৪ ॥
ধারযিষ্যসি চেত্তুভ্যং শক্রহা ভবিতা সুতঃ ॥ ৫৪ ॥
বাঢমিত্যভ্যুপেত্যাথ দিতী রাজন্মহামনাঃ ।
কশ্যপাদ্ গর্ভমাধত্ত ব্রতং চাঞ্জো দধার সা ॥ ৫৫ ॥
কশ্যপাদ্ গর্ভমাধত্ত ব্রতং চাঞ্জো দধার সা ॥ ৫৫ ॥
মাতৃষ্বসুরভিপ্রাযমিন্দ্র আজ্ঞায মানদ ।
শুশ্রূষণেনাশ্রমস্থাং দিতিং পর্যচরত্কবিঃ ॥ ৫৬ ॥
শুশ্রূষণেনাশ্রমস্থাং দিতিং পর্যচরত্কবিঃ ॥ ৫৬ ॥
নিত্যং বনাত্সুমনসঃ ফলমূলসমিত্কুশান্ ।
পত্রাঙ্কুরমৃদোঽপশ্চ কালে কাল উপাহরত্ ॥ ৫৭ ॥
পত্রাঙ্কুরমৃদোঽপশ্চ কালে কাল উপাহরত্ ॥ ৫৭ ॥
এবং তস্যা ব্রতস্থাযা ব্রতচ্ছিদ্রং হরির্নৃপ ।
প্রেপ্সুঃ পর্যচরজ্জিহ্মো মৃগহেব মৃগাকৃতিঃ ॥ ৫৮ ॥
প্রেপ্সুঃ পর্যচরজ্জিহ্মো মৃগহেব মৃগাকৃতিঃ ॥ ৫৮ ॥
নাধ্যগচ্ছদ্ব্রতচ্ছিদ্রং তত্পরোঽথ মহীপতে ।
চিন্তাং তীব্রাং গতঃ শক্রঃ কেন মে স্যাচ্ছিবং ত্বিহ ॥ ৫৯ ॥
চিন্তাং তীব্রাং গতঃ শক্রঃ কেন মে স্যাচ্ছিবং ত্বিহ ॥ ৫৯ ॥
একদা সা তু সন্ধ্যাযামুচ্ছিষ্টা ব্রতকর্শিতা ।
অস্পৃষ্টবার্যধৌতাঙ্ঘ্রিঃ সুষ্বাপ বিধিমোহিতা ॥ ৬০ ॥
অস্পৃষ্টবার্যধৌতাঙ্ঘ্রিঃ সুষ্বাপ বিধিমোহিতা ॥ ৬০ ॥
লব্ধ্বা তদন্তরং শক্রো নিদ্রাপহৃতচেতসঃ ।
দিতেঃ প্রবিষ্ট উদরং যোগেশো যোগমাযযা ॥ ৬১ ॥
দিতেঃ প্রবিষ্ট উদরং যোগেশো যোগমাযযা ॥ ৬১ ॥
চকর্ত সপ্তধা গর্ভং বজ্রেণ কনকপ্রভম্ ।
রুদন্তং সপ্তধৈকৈকং মা রোদীরিতি তান্ পুনঃ ॥ ৬২ ॥
রুদন্তং সপ্তধৈকৈকং মা রোদীরিতি তান্ পুনঃ ॥ ৬২ ॥
তমূচুঃ পাট্যমানাস্তে সর্বে প্রাঞ্জলযো নৃপ ।
কিং ন ইন্দ্র জিঘাংসসি ভ্রাতরো মরুতস্তব ॥ ৬৩ ॥
কিং ন ইন্দ্র জিঘাংসসি ভ্রাতরো মরুতস্তব ॥ ৬৩ ॥
মা ভৈষ্ট ভ্রাতরো মহ্যং যূযমিত্যাহ কৌশিকঃ ।
অনন্যভাবান্ পার্ষদানাত্মনো মরুতাং গণান্ ॥ ৬৪ ॥
অনন্যভাবান্ পার্ষদানাত্মনো মরুতাং গণান্ ॥ ৬৪ ॥
ন মমার দিতের্গর্ভঃ শ্রীনিবাসানুকম্পযা ।
বহুধা কুলিশক্ষুণ্ণো দ্রৌণ্যস্ত্রেণ যথা ভবান্ ॥ ৬৫ ॥
বহুধা কুলিশক্ষুণ্ণো দ্রৌণ্যস্ত্রেণ যথা ভবান্ ॥ ৬৫ ॥
সকৃদিষ্ট্বাদিপুরুষং পুরুষো যাতি সাম্যতাম্ ।
সংবত্সরং কিঞ্চিদূনং দিত্যা যদ্ধরিরর্চিতঃ ॥ ৬৬ ॥
সংবত্সরং কিঞ্চিদূনং দিত্যা যদ্ধরিরর্চিতঃ ॥ ৬৬ ॥
সজূরিন্দ্রেণ পঞ্চাশদ্দেবাস্তে মরুতোঽভবন্ ।
ব্যপোহ্য মাতৃদোষং তে হরিণা সোমপাঃ কৃতাঃ ॥ ৬৭ ॥
ব্যপোহ্য মাতৃদোষং তে হরিণা সোমপাঃ কৃতাঃ ॥ ৬৭ ॥
দিতিরুত্থায দদৃশে কুমারাননলপ্রভান্ ।
ইন্দ্রেণ সহিতান্ দেবী পর্যতুষ্যদনিন্দিতা ॥ ৬৮ ॥
ইন্দ্রেণ সহিতান্ দেবী পর্যতুষ্যদনিন্দিতা ॥ ৬৮ ॥
অথেন্দ্রমাহ তাতাহমাদিত্যানাং ভযাবহম্ ।
অপত্যমিচ্ছন্ত্যচরং ব্রতমেতত্সুদুষ্করম্ ॥ ৬৯ ॥
অপত্যমিচ্ছন্ত্যচরং ব্রতমেতত্সুদুষ্করম্ ॥ ৬৯ ॥
একঃ সঙ্কল্পিতঃ পুত্রঃ সপ্ত সপ্তাভবন্ কথম্ ।
যদি তে বিদিতং পুত্র সত্যং কথয মা মৃষা ॥ ৭০ ॥
যদি তে বিদিতং পুত্র সত্যং কথয মা মৃষা ॥ ৭০ ॥
ইন্দ্র উবাচ
অম্ব তেঽহং ব্যবসিতমুপধার্যাগতোঽন্তিকম্ ।
লব্ধান্তরোঽচ্ছিদং গর্ভমর্থবুদ্ধির্ন ধর্মদৃক্ ॥ ৭১ ॥
অম্ব তেঽহং ব্যবসিতমুপধার্যাগতোঽন্তিকম্ ।
লব্ধান্তরোঽচ্ছিদং গর্ভমর্থবুদ্ধির্ন ধর্মদৃক্ ॥ ৭১ ॥
কৃত্তো মে সপ্তধা গর্ভ আসন্ সপ্ত কুমারকাঃ ।
তেঽপি চৈকৈকশো বৃক্ণাঃ সপ্তধা নাপি মম্রিরে ॥ ৭২ ॥
তেঽপি চৈকৈকশো বৃক্ণাঃ সপ্তধা নাপি মম্রিরে ॥ ৭২ ॥
ততস্তত্পরমাশ্চর্যং বীক্ষ্য ব্যবসিতং মযা ।
মহাপুরুষপূজাযাঃ সিদ্ধিঃ কাপ্যানুষঙ্গিণী ॥ ৭৩ ॥
মহাপুরুষপূজাযাঃ সিদ্ধিঃ কাপ্যানুষঙ্গিণী ॥ ৭৩ ॥
আরাধনং ভগবত ঈহমানা নিরাশিষঃ ।
যে তু নেচ্ছন্ত্যপি পরং তে স্বার্থকুশলাঃ স্মৃতাঃ ॥ ৭৪ ॥
যে তু নেচ্ছন্ত্যপি পরং তে স্বার্থকুশলাঃ স্মৃতাঃ ॥ ৭৪ ॥
আরাধ্যাত্মপ্রদং দেবং স্বাত্মানং জগদীশ্বরম্ ।
কো বৃণীত গুণস্পর্শং বুধঃ স্যান্নরকেঽপি যত্ ॥ ৭৫ ॥
কো বৃণীত গুণস্পর্শং বুধঃ স্যান্নরকেঽপি যত্ ॥ ৭৫ ॥
তদিদং মম দৌর্জন্যং বালিশস্য মহীযসি ।
ক্ষন্তুমর্হসি মাতস্ত্বং দিষ্ট্যা গর্ভো মৃতোত্থিতঃ ॥ ৭৬ ॥
ক্ষন্তুমর্হসি মাতস্ত্বং দিষ্ট্যা গর্ভো মৃতোত্থিতঃ ॥ ৭৬ ॥
শ্রীশুক উবাচ
ইন্দ্রস্তযাভ্যনুজ্ঞাতঃ শুদ্ধভাবেন তুষ্টযা ।
মরুদ্ভিঃ সহ তাং নত্বা জগাম ত্রিদিবং প্রভুঃ ॥ ৭৭ ॥
ইন্দ্রস্তযাভ্যনুজ্ঞাতঃ শুদ্ধভাবেন তুষ্টযা ।
মরুদ্ভিঃ সহ তাং নত্বা জগাম ত্রিদিবং প্রভুঃ ॥ ৭৭ ॥
এবং তে সর্বমাখ্যাতং যন্মাং ত্বং পরিপৃচ্ছসি ।
মঙ্গলং মরুতাং জন্ম কিং ভূযঃ কথযামি তে ॥ ৭৮ ॥
মঙ্গলং মরুতাং জন্ম কিং ভূযঃ কথযামি তে ॥ ৭৮ ॥