శ్రీశుక ఉవాచ
పృశ్నిస్తు పత్నీ సవితుః సావిత్రీం వ్యాహృతిం త్రయీమ్ ।
అగ్నిహోత్రం పశుం సోమం చాతుర్మాస్యం మహామఖాన్ ॥ ౧ ॥
పృశ్నిస్తు పత్నీ సవితుః సావిత్రీం వ్యాహృతిం త్రయీమ్ ।
అగ్నిహోత్రం పశుం సోమం చాతుర్మాస్యం మహామఖాన్ ॥ ౧ ॥
సిద్ధిర్భగస్య భార్యాఙ్గ మహిమానం విభుం ప్రభుమ్ ।
ఆశిషం చ వరారోహాం కన్యాం ప్రాసూత సువ్రతామ్ ॥ ౨ ॥
ఆశిషం చ వరారోహాం కన్యాం ప్రాసూత సువ్రతామ్ ॥ ౨ ॥
ధాతుః కుహూః సినీవాలీ రాకా చానుమతిస్తథా ।
సాయం దర్శమథ ప్రాతః పూర్ణమాసమనుక్రమాత్ ॥ ౩ ॥
సాయం దర్శమథ ప్రాతః పూర్ణమాసమనుక్రమాత్ ॥ ౩ ॥
అగ్నీన్ పురీష్యానాధత్త క్రియాయాం సమనన్తరః ।
చర్షణీ వరుణస్యాసీద్యస్యాం జాతో భృగుః పునః ॥ ౪ ॥
చర్షణీ వరుణస్యాసీద్యస్యాం జాతో భృగుః పునః ॥ ౪ ॥
వాల్మీకిశ్చ మహాయోగీ వల్మీకాదభవత్కిల ।
అగస్త్యశ్చ వసిష్ఠశ్చ మిత్రావరుణయోఋర్షీ ॥ ౫ ॥
అగస్త్యశ్చ వసిష్ఠశ్చ మిత్రావరుణయోఋర్షీ ॥ ౫ ॥
రేతః సిషిచతుః కుమ్భే ఉర్వశ్యాః సన్నిధౌ ద్రుతమ్ ।
రేవత్యాం మిత్ర ఉత్సర్గమరిష్టం పిప్పలం వ్యధాత్ ॥ ౬ ॥
రేవత్యాం మిత్ర ఉత్సర్గమరిష్టం పిప్పలం వ్యధాత్ ॥ ౬ ॥
పౌలోమ్యామిన్ద్ర ఆధత్త త్రీన్ పుత్రానితి నః శ్రుతమ్ ।
జయన్తమృషభం తాత తృతీయం మీఢుషం ప్రభుః ॥ ౭ ॥
జయన్తమృషభం తాత తృతీయం మీఢుషం ప్రభుః ॥ ౭ ॥
ఉరుక్రమస్య దేవస్య మాయావామనరూపిణః ।
కీర్తౌ పత్న్యాం బృహచ్ఛ్లోకస్తస్యాసన్ సౌభగాదయః ॥ ౮ ॥
కీర్తౌ పత్న్యాం బృహచ్ఛ్లోకస్తస్యాసన్ సౌభగాదయః ॥ ౮ ॥
తత్కర్మగుణవీర్యాణి కాశ్యపస్య మహాత్మనః ।
పశ్చాద్వక్ష్యామహేఽదిత్యాం యథైవావతతార హ ॥ ౯ ॥
పశ్చాద్వక్ష్యామహేఽదిత్యాం యథైవావతతార హ ॥ ౯ ॥
అథ కశ్యపదాయాదాన్ దైతేయాన్ కీర్తయామి తే ।
యత్ర భాగవతః శ్రీమాన్ ప్రహ్రాదో బలిరేవ చ ॥ ౧౦ ॥
యత్ర భాగవతః శ్రీమాన్ ప్రహ్రాదో బలిరేవ చ ॥ ౧౦ ॥
దితేర్ద్వావేవ దాయాదౌ దైత్యదానవవన్దితౌ ।
హిరణ్యకశిపుర్నామ హిరణ్యాక్షశ్చ కీర్తితౌ ॥ ౧౧ ॥
హిరణ్యకశిపుర్నామ హిరణ్యాక్షశ్చ కీర్తితౌ ॥ ౧౧ ॥
హిరణ్యకశిపోర్భార్యా కయాధుర్నామ దానవీ ।
జమ్భస్య తనయా సా తు సుషువే చతురః సుతాన్ ॥ ౧౨ ॥
జమ్భస్య తనయా సా తు సుషువే చతురః సుతాన్ ॥ ౧౨ ॥
సంహ్రాదం ప్రాగనుహ్రాదం హ్రాదం ప్రహ్రాదమేవ చ ।
తత్స్వసా సింహికా నామ రాహుం విప్రచితోఽగ్రహీత్ ॥ ౧౩ ॥
తత్స్వసా సింహికా నామ రాహుం విప్రచితోఽగ్రహీత్ ॥ ౧౩ ॥
శిరోఽహరద్యస్య హరిశ్చక్రేణ పిబతోఽమృతమ్ ।
సంహ్రాదస్య కృతిర్భార్యాసూత పఞ్చజనం తతః ॥ ౧౪ ॥
సంహ్రాదస్య కృతిర్భార్యాసూత పఞ్చజనం తతః ॥ ౧౪ ॥
హ్రాదస్య ధమనిర్భార్యాసూత వాతాపిమిల్వలమ్ ।
యోఽగస్త్యాయ త్వతిథయే పేచే వాతాపిమిల్వలః ॥ ౧౫ ॥
యోఽగస్త్యాయ త్వతిథయే పేచే వాతాపిమిల్వలః ॥ ౧౫ ॥
అనుహ్రాదస్య సూర్యాయాం బాష్కలో మహిషస్తథా ।
విరోచనస్తు ప్రాహ్రాదిర్దేవ్యాం తస్యాభవద్బలిః ॥ ౧౬ ॥
విరోచనస్తు ప్రాహ్రాదిర్దేవ్యాం తస్యాభవద్బలిః ॥ ౧౬ ॥
బాణజ్యేష్ఠం పుత్రశతమశనాయాం తతోఽభవత్ ।
తస్యానుభావం
సుశ్లోక్యం పశ్చాదేవాభిధాస్యతే ॥ ౧౭ ॥
తస్యానుభావం
సుశ్లోక్యం పశ్చాదేవాభిధాస్యతే ॥ ౧౭ ॥
బాణ ఆరాధ్య గిరిశం లేభే తద్గణముఖ్యతామ్ ।
యత్పార్శ్వే
భగవానాస్తే హ్యద్యాపి పురపాలకః ॥ ౧౮ ॥
యత్పార్శ్వే
భగవానాస్తే హ్యద్యాపి పురపాలకః ॥ ౧౮ ॥
మరుతశ్చ దితేః
పుత్రాశ్చత్వారింశన్నవాధికాః ।
త ఆసన్నప్రజాః సర్వే నీతా ఇన్ద్రేణ
సాత్మతామ్ ॥ ౧౯ ॥
పుత్రాశ్చత్వారింశన్నవాధికాః ।
త ఆసన్నప్రజాః సర్వే నీతా ఇన్ద్రేణ
సాత్మతామ్ ॥ ౧౯ ॥
శ్రీరాజోవాచ
కథం త ఆసురం భావమపోహ్యౌత్పత్తికం గురో ।
ఇన్ద్రేణ ప్రాపితాః సాత్మ్యం కిం తత్సాధు కృతం హి తైః ॥ ౨౦ ॥
కథం త ఆసురం భావమపోహ్యౌత్పత్తికం గురో ।
ఇన్ద్రేణ ప్రాపితాః సాత్మ్యం కిం తత్సాధు కృతం హి తైః ॥ ౨౦ ॥
ఇమే శ్రద్దధతే బ్రహ్మన్నృషయో హి మయా సహ ।
పరిజ్ఞానాయ భగవంస్తన్నో వ్యాఖ్యాతుమర్హసి ॥ ౨౧ ॥
పరిజ్ఞానాయ భగవంస్తన్నో వ్యాఖ్యాతుమర్హసి ॥ ౨౧ ॥
శ్రీసూత ఉవాచ
తద్విష్ణురాతస్య స బాదరాయణి-
ర్వచో నిశమ్యాదృతమల్పమర్థవత్ ।
సభాజయన్ సన్నిభృతేన చేతసా
జగాద సత్రాయణ సర్వదర్శనః ॥ ౨౨ ॥
తద్విష్ణురాతస్య స బాదరాయణి-
ర్వచో నిశమ్యాదృతమల్పమర్థవత్ ।
సభాజయన్ సన్నిభృతేన చేతసా
జగాద సత్రాయణ సర్వదర్శనః ॥ ౨౨ ॥
శ్రీశుక ఉవాచ
హతపుత్రా దితిః శక్రపార్ష్ణిగ్రాహేణ విష్ణునా ।
మన్యునా శోకదీప్తేన జ్వలన్తీ పర్యచిన్తయత్ ॥ ౨౩ ॥
హతపుత్రా దితిః శక్రపార్ష్ణిగ్రాహేణ విష్ణునా ।
మన్యునా శోకదీప్తేన జ్వలన్తీ పర్యచిన్తయత్ ॥ ౨౩ ॥
కదా ను భ్రాతృహన్తారమిన్ద్రియారామముల్బణమ్ ।
అక్లిన్నహృదయం పాపం ఘాతయిత్వా శయే సుఖమ్ ॥ ౨౪ ॥
అక్లిన్నహృదయం పాపం ఘాతయిత్వా శయే సుఖమ్ ॥ ౨౪ ॥
కృమివిడ్భస్మసంజ్ఞాసీద్యస్యేశాభిహితస్య చ ।
భూతధ్రుక్ తత్కృతే స్వార్థం కిం వేద నిరయో యతః ॥ ౨౫ ॥
భూతధ్రుక్ తత్కృతే స్వార్థం కిం వేద నిరయో యతః ॥ ౨౫ ॥
ఆశాసానస్య తస్యేదం ధ్రువమున్నద్ధచేతసః ।
మదశోషక ఇన్ద్రస్య భూయాద్యేన సుతో హి మే ॥ ౨౬ ॥
మదశోషక ఇన్ద్రస్య భూయాద్యేన సుతో హి మే ॥ ౨౬ ॥
ఇతి భావేన సా భర్తురాచచారాసకృత్ప్రియమ్ ।
శుశ్రూషయానురాగేణ ప్రశ్రయేణ దమేన చ ॥ ౨౭ ॥
శుశ్రూషయానురాగేణ ప్రశ్రయేణ దమేన చ ॥ ౨౭ ॥
భక్త్యా పరమయా రాజన్ మనోజ్ఞైర్వల్గుభాషితైః ।
మనో జగ్రాహ భావజ్ఞా సస్మితాపాఙ్గవీక్షణైః ॥ ౨౮ ॥
మనో జగ్రాహ భావజ్ఞా సస్మితాపాఙ్గవీక్షణైః ॥ ౨౮ ॥
ఏవం స్త్రియా జడీభూతో విద్వానపి మనోజ్ఞయా ।
బాఢమిత్యాహ వివశో న తచ్చిత్రం హి యోషితి ॥ ౨౯ ॥
బాఢమిత్యాహ వివశో న తచ్చిత్రం హి యోషితి ॥ ౨౯ ॥
విలోక్యైకాన్తభూతాని భూతాన్యాదౌ ప్రజాపతిః ।
స్త్రియం చక్రే స్వదేహార్ధం యయా పుంసాం మతిర్హృతా ॥ ౩౦ ॥
స్త్రియం చక్రే స్వదేహార్ధం యయా పుంసాం మతిర్హృతా ॥ ౩౦ ॥
ఏవం శుశ్రూషితస్తాత భగవాన్ కశ్యపః స్త్రియా ।
ప్రహస్య పరమప్రీతో దితిమాహాభినన్ద్య చ ॥ ౩౧ ॥
ప్రహస్య పరమప్రీతో దితిమాహాభినన్ద్య చ ॥ ౩౧ ॥
శ్రీకశ్యప ఉవాచ
వరం వరయ వామోరు ప్రీతస్తేఽహమనిన్దితే ।
స్త్రియా భర్తరి సుప్రీతే కః కామ ఇహ చాగమః ॥ ౩౨ ॥
వరం వరయ వామోరు ప్రీతస్తేఽహమనిన్దితే ।
స్త్రియా భర్తరి సుప్రీతే కః కామ ఇహ చాగమః ॥ ౩౨ ॥
పతిరేవ హి నారీణాం దైవతం పరమం స్మృతమ్ ।
మానసః సర్వభూతానాం వాసుదేవః శ్రియః పతిః ॥ ౩౩ ॥
మానసః సర్వభూతానాం వాసుదేవః శ్రియః పతిః ॥ ౩౩ ॥
స ఏవ దేవతాలిఙ్గైర్నామరూపవికల్పితైః ।
ఇజ్యతే భగవాన్ పుమ్భిః స్త్రీభిశ్చ పతిరూపధృక్ ॥ ౩౪ ॥
ఇజ్యతే భగవాన్ పుమ్భిః స్త్రీభిశ్చ పతిరూపధృక్ ॥ ౩౪ ॥
తస్మాత్పతివ్రతా నార్యః శ్రేయస్కామాః సుమధ్యమే ।
యజన్తేఽనన్యభావేన పతిమాత్మానమీశ్వరమ్ ॥ ౩౫ ॥
యజన్తేఽనన్యభావేన పతిమాత్మానమీశ్వరమ్ ॥ ౩౫ ॥
సోఽహం త్వయార్చితో భద్రే ఈదృగ్భావేన భక్తితః ।
తం తే సమ్పాదయే కామమసతీనాం సుదుర్లభమ్ ॥ ౩౬ ॥
తం తే సమ్పాదయే కామమసతీనాం సుదుర్లభమ్ ॥ ౩౬ ॥
దితిరువాచ
వరదో యది మే బ్రహ్మన్ పుత్రమిన్ద్రహణం వృణే ।
అమృత్యుం మృతపుత్రాహం యేన మే ఘాతితౌ సుతౌ ॥ ౩౭ ॥
వరదో యది మే బ్రహ్మన్ పుత్రమిన్ద్రహణం వృణే ।
అమృత్యుం మృతపుత్రాహం యేన మే ఘాతితౌ సుతౌ ॥ ౩౭ ॥
నిశమ్య తద్వచో విప్రో విమనాః పర్యతప్యత ।
అహో అధర్మః సుమహానద్య మే సముపస్థితః ॥ ౩౮ ॥
అహో అధర్మః సుమహానద్య మే సముపస్థితః ॥ ౩౮ ॥
అహో అర్థేన్ద్రియారామో యోషిన్మయ్యేహ మాయయా ।
గృహీతచేతాః కృపణః పతిష్యే నరకే ధ్రువమ్ ॥ ౩౯ ॥
గృహీతచేతాః కృపణః పతిష్యే నరకే ధ్రువమ్ ॥ ౩౯ ॥
కోఽతిక్రమోఽనువర్తన్త్యాః స్వభావమిహ యోషితః ।
ధిఙ్మాం బతాబుధం స్వార్థే యదహం త్వజితేన్ద్రియః ॥ ౪౦ ॥
ధిఙ్మాం బతాబుధం స్వార్థే యదహం త్వజితేన్ద్రియః ॥ ౪౦ ॥
శరత్పద్మోత్సవం వక్త్రం వచశ్చ శ్రవణామృతమ్ ।
హృదయం క్షురధారాభం స్త్రీణాం కో వేద చేష్టితమ్ ॥ ౪౧ ॥
హృదయం క్షురధారాభం స్త్రీణాం కో వేద చేష్టితమ్ ॥ ౪౧ ॥
న హి కశ్చిత్ప్రియః స్త్రీణామఞ్జసా స్వాశిషాత్మనామ్ ।
పతిం పుత్రం భ్రాతరం వా ఘ్నన్త్యర్థే ఘాతయన్తి చ ॥ ౪౨ ॥
పతిం పుత్రం భ్రాతరం వా ఘ్నన్త్యర్థే ఘాతయన్తి చ ॥ ౪౨ ॥
ప్రతిశ్రుతం దదామీతి వచస్తన్న మృషా భవేత్ ।
వధం నార్హతి చేన్ద్రోఽపి తత్రేదముపకల్పతే ॥ ౪౩ ॥
వధం నార్హతి చేన్ద్రోఽపి తత్రేదముపకల్పతే ॥ ౪౩ ॥
ఇతి సఞ్చిన్త్య భగవాన్మారీచః కురునన్దన ।
ఉవాచకిఞ్చిత్ కుపిత ఆత్మానం చ విగర్హయన్ ॥ ౪౪ ॥
ఉవాచకిఞ్చిత్ కుపిత ఆత్మానం చ విగర్హయన్ ॥ ౪౪ ॥
శ్రీకశ్యప ఉవాచ
పుత్రస్తే భవితా భద్రే ఇన్ద్రహాదేవబాన్ధవః ।
సంవత్సరం వ్రతమిదం యద్యఞ్జో ధారయిష్యసి ॥ ౪౫ ॥
పుత్రస్తే భవితా భద్రే ఇన్ద్రహాదేవబాన్ధవః ।
సంవత్సరం వ్రతమిదం యద్యఞ్జో ధారయిష్యసి ॥ ౪౫ ॥
దితిరువాచ
ధారయిష్యే వ్రతం బ్రహ్మన్బ్రూహి కార్యాణి యాని మే ।
యాని చేహ నిషిద్ధాని న వ్రతం ఘ్నన్తి యాన్యుత ॥ ౪౬ ॥
ధారయిష్యే వ్రతం బ్రహ్మన్బ్రూహి కార్యాణి యాని మే ।
యాని చేహ నిషిద్ధాని న వ్రతం ఘ్నన్తి యాన్యుత ॥ ౪౬ ॥
శ్రీకశ్యప ఉవాచ
న హింస్యాద్భూతజాతాని న శపేన్నానృతం వదేత్ ।
న ఛిన్ద్యాన్నఖరోమాణి న స్పృశేద్యదమఙ్గలమ్ ॥ ౪౭ ॥
న హింస్యాద్భూతజాతాని న శపేన్నానృతం వదేత్ ।
న ఛిన్ద్యాన్నఖరోమాణి న స్పృశేద్యదమఙ్గలమ్ ॥ ౪౭ ॥
నాప్సు స్నాయాన్న కుప్యేత న సమ్భాషేత దుర్జనైః ।
న వసీతాధౌతవాసః స్రజం చ విధృతాం క్వచిత్ ॥ ౪౮ ॥
న వసీతాధౌతవాసః స్రజం చ విధృతాం క్వచిత్ ॥ ౪౮ ॥
నోచ్ఛిష్టం చణ్డికాన్నం చ సామిషం వృషలాహృతమ్ ।
భుఞ్జీతోదక్యయా దృష్టం పిబేన్నాఞ్జలినా త్వపః ॥ ౪౯ ॥
భుఞ్జీతోదక్యయా దృష్టం పిబేన్నాఞ్జలినా త్వపః ॥ ౪౯ ॥
నోచ్ఛిష్టాస్పృష్టసలిలా సన్ధ్యాయాం ముక్తమూర్ధజా ।
అనర్చితాసంయతవాక్నాసంవీతా బహిశ్చరేత్ ॥ ౫౦ ॥
అనర్చితాసంయతవాక్నాసంవీతా బహిశ్చరేత్ ॥ ౫౦ ॥
నాధౌతపాదాప్రయతా నార్ద్రపాదా ఉదక్శిరాః ।
శయీత నాపరాఙ్నాన్యైర్న నగ్నా న చ సన్ధ్యయోః ॥ ౫౧ ॥
శయీత నాపరాఙ్నాన్యైర్న నగ్నా న చ సన్ధ్యయోః ॥ ౫౧ ॥
ధౌతవాసా శుచిర్నిత్యం సర్వమఙ్గలసంయుతా ।
పూజయేత్ప్రాతరాశాత్ప్రాగ్గోవిప్రాఞ్ శ్రియమచ్యుతమ్ ॥ ౫౨ ॥
పూజయేత్ప్రాతరాశాత్ప్రాగ్గోవిప్రాఞ్ శ్రియమచ్యుతమ్ ॥ ౫౨ ॥
స్త్రియో వీరవతీశ్చార్చేత్స్రగ్గన్ధబలిమణ్డనైః ।
పతిం చార్చ్యోపతిష్ఠేత ధ్యాయేత్కోష్ఠగతం చ తమ్ ॥ ౫౩ ॥
పతిం చార్చ్యోపతిష్ఠేత ధ్యాయేత్కోష్ఠగతం చ తమ్ ॥ ౫౩ ॥
సాంవత్సరం పుంసవనం వ్రతమేతదవిప్లుతమ్ ।
ధారయిష్యసి చేత్తుభ్యం శక్రహా భవితా సుతః ॥ ౫౪ ॥
ధారయిష్యసి చేత్తుభ్యం శక్రహా భవితా సుతః ॥ ౫౪ ॥
బాఢమిత్యభ్యుపేత్యాథ దితీ రాజన్మహామనాః ।
కశ్యపాద్ గర్భమాధత్త వ్రతం చాఞ్జో దధార సా ॥ ౫౫ ॥
కశ్యపాద్ గర్భమాధత్త వ్రతం చాఞ్జో దధార సా ॥ ౫౫ ॥
మాతృష్వసురభిప్రాయమిన్ద్ర ఆజ్ఞాయ మానద ।
శుశ్రూషణేనాశ్రమస్థాం దితిం పర్యచరత్కవిః ॥ ౫౬ ॥
శుశ్రూషణేనాశ్రమస్థాం దితిం పర్యచరత్కవిః ॥ ౫౬ ॥
నిత్యం వనాత్సుమనసః ఫలమూలసమిత్కుశాన్ ।
పత్రాఙ్కురమృదోఽపశ్చ కాలే కాల ఉపాహరత్ ॥ ౫౭ ॥
పత్రాఙ్కురమృదోఽపశ్చ కాలే కాల ఉపాహరత్ ॥ ౫౭ ॥
ఏవం తస్యా వ్రతస్థాయా వ్రతచ్ఛిద్రం హరిర్నృప ।
ప్రేప్సుః పర్యచరజ్జిహ్మో మృగహేవ మృగాకృతిః ॥ ౫౮ ॥
ప్రేప్సుః పర్యచరజ్జిహ్మో మృగహేవ మృగాకృతిః ॥ ౫౮ ॥
నాధ్యగచ్ఛద్వ్రతచ్ఛిద్రం తత్పరోఽథ మహీపతే ।
చిన్తాం తీవ్రాం గతః శక్రః కేన మే స్యాచ్ఛివం త్విహ ॥ ౫౯ ॥
చిన్తాం తీవ్రాం గతః శక్రః కేన మే స్యాచ్ఛివం త్విహ ॥ ౫౯ ॥
ఏకదా సా తు సన్ధ్యాయాముచ్ఛిష్టా వ్రతకర్శితా ।
అస్పృష్టవార్యధౌతాఙ్ఘ్రిః సుష్వాప విధిమోహితా ॥ ౬౦ ॥
అస్పృష్టవార్యధౌతాఙ్ఘ్రిః సుష్వాప విధిమోహితా ॥ ౬౦ ॥
లబ్ధ్వా తదన్తరం శక్రో నిద్రాపహృతచేతసః ।
దితేః ప్రవిష్ట ఉదరం యోగేశో యోగమాయయా ॥ ౬౧ ॥
దితేః ప్రవిష్ట ఉదరం యోగేశో యోగమాయయా ॥ ౬౧ ॥
చకర్త సప్తధా గర్భం వజ్రేణ కనకప్రభమ్ ।
రుదన్తం సప్తధైకైకం మా రోదీరితి తాన్ పునః ॥ ౬౨ ॥
రుదన్తం సప్తధైకైకం మా రోదీరితి తాన్ పునః ॥ ౬౨ ॥
తమూచుః పాట్యమానాస్తే సర్వే ప్రాఞ్జలయో నృప ।
కిం న ఇన్ద్ర జిఘాంససి భ్రాతరో మరుతస్తవ ॥ ౬౩ ॥
కిం న ఇన్ద్ర జిఘాంససి భ్రాతరో మరుతస్తవ ॥ ౬౩ ॥
మా భైష్ట భ్రాతరో మహ్యం యూయమిత్యాహ కౌశికః ।
అనన్యభావాన్ పార్షదానాత్మనో మరుతాం గణాన్ ॥ ౬౪ ॥
అనన్యభావాన్ పార్షదానాత్మనో మరుతాం గణాన్ ॥ ౬౪ ॥
న మమార దితేర్గర్భః శ్రీనివాసానుకమ్పయా ।
బహుధా కులిశక్షుణ్ణో ద్రౌణ్యస్త్రేణ యథా భవాన్ ॥ ౬౫ ॥
బహుధా కులిశక్షుణ్ణో ద్రౌణ్యస్త్రేణ యథా భవాన్ ॥ ౬౫ ॥
సకృదిష్ట్వాదిపురుషం పురుషో యాతి సామ్యతామ్ ।
సంవత్సరం కిఞ్చిదూనం దిత్యా యద్ధరిరర్చితః ॥ ౬౬ ॥
సంవత్సరం కిఞ్చిదూనం దిత్యా యద్ధరిరర్చితః ॥ ౬౬ ॥
సజూరిన్ద్రేణ పఞ్చాశద్దేవాస్తే మరుతోఽభవన్ ।
వ్యపోహ్య మాతృదోషం తే హరిణా సోమపాః కృతాః ॥ ౬౭ ॥
వ్యపోహ్య మాతృదోషం తే హరిణా సోమపాః కృతాః ॥ ౬౭ ॥
దితిరుత్థాయ దదృశే కుమారాననలప్రభాన్ ।
ఇన్ద్రేణ సహితాన్ దేవీ పర్యతుష్యదనిన్దితా ॥ ౬౮ ॥
ఇన్ద్రేణ సహితాన్ దేవీ పర్యతుష్యదనిన్దితా ॥ ౬౮ ॥
అథేన్ద్రమాహ తాతాహమాదిత్యానాం భయావహమ్ ।
అపత్యమిచ్ఛన్త్యచరం వ్రతమేతత్సుదుష్కరమ్ ॥ ౬౯ ॥
అపత్యమిచ్ఛన్త్యచరం వ్రతమేతత్సుదుష్కరమ్ ॥ ౬౯ ॥
ఏకః సఙ్కల్పితః పుత్రః సప్త సప్తాభవన్ కథమ్ ।
యది తే విదితం పుత్ర సత్యం కథయ మా మృషా ॥ ౭౦ ॥
యది తే విదితం పుత్ర సత్యం కథయ మా మృషా ॥ ౭౦ ॥
ఇన్ద్ర ఉవాచ
అమ్బ తేఽహం వ్యవసితముపధార్యాగతోఽన్తికమ్ ।
లబ్ధాన్తరోఽచ్ఛిదం గర్భమర్థబుద్ధిర్న ధర్మదృక్ ॥ ౭౧ ॥
అమ్బ తేఽహం వ్యవసితముపధార్యాగతోఽన్తికమ్ ।
లబ్ధాన్తరోఽచ్ఛిదం గర్భమర్థబుద్ధిర్న ధర్మదృక్ ॥ ౭౧ ॥
కృత్తో మే సప్తధా గర్భ ఆసన్ సప్త కుమారకాః ।
తేఽపి చైకైకశో వృక్ణాః సప్తధా నాపి మమ్రిరే ॥ ౭౨ ॥
తేఽపి చైకైకశో వృక్ణాః సప్తధా నాపి మమ్రిరే ॥ ౭౨ ॥
తతస్తత్పరమాశ్చర్యం వీక్ష్య వ్యవసితం మయా ।
మహాపురుషపూజాయాః సిద్ధిః కాప్యానుషఙ్గిణీ ॥ ౭౩ ॥
మహాపురుషపూజాయాః సిద్ధిః కాప్యానుషఙ్గిణీ ॥ ౭౩ ॥
ఆరాధనం భగవత ఈహమానా నిరాశిషః ।
యే తు నేచ్ఛన్త్యపి పరం తే స్వార్థకుశలాః స్మృతాః ॥ ౭౪ ॥
యే తు నేచ్ఛన్త్యపి పరం తే స్వార్థకుశలాః స్మృతాః ॥ ౭౪ ॥
ఆరాధ్యాత్మప్రదం దేవం స్వాత్మానం జగదీశ్వరమ్ ।
కో వృణీత గుణస్పర్శం బుధః స్యాన్నరకేఽపి యత్ ॥ ౭౫ ॥
కో వృణీత గుణస్పర్శం బుధః స్యాన్నరకేఽపి యత్ ॥ ౭౫ ॥
తదిదం మమ దౌర్జన్యం బాలిశస్య మహీయసి ।
క్షన్తుమర్హసి మాతస్త్వం దిష్ట్యా గర్భో మృతోత్థితః ॥ ౭౬ ॥
క్షన్తుమర్హసి మాతస్త్వం దిష్ట్యా గర్భో మృతోత్థితః ॥ ౭౬ ॥
శ్రీశుక ఉవాచ
ఇన్ద్రస్తయాభ్యనుజ్ఞాతః శుద్ధభావేన తుష్టయా ।
మరుద్భిః సహ తాం నత్వా జగామ త్రిదివం ప్రభుః ॥ ౭౭ ॥
ఇన్ద్రస్తయాభ్యనుజ్ఞాతః శుద్ధభావేన తుష్టయా ।
మరుద్భిః సహ తాం నత్వా జగామ త్రిదివం ప్రభుః ॥ ౭౭ ॥
ఏవం తే సర్వమాఖ్యాతం యన్మాం త్వం పరిపృచ్ఛసి ।
మఙ్గలం మరుతాం జన్మ కిం భూయః కథయామి తే ॥ ౭౮ ॥
మఙ్గలం మరుతాం జన్మ కిం భూయః కథయామి తే ॥ ౭౮ ॥