শ্রীবাদরাযণিরুবাচ
এবং তে ভগবদ্দূতা যমদূতাভিভাষিতম্ ।
উপধার্যাথ তান্ রাজন্ প্র্রত্যাহুর্নযকোবিদাঃ ॥ ১ ॥
এবং তে ভগবদ্দূতা যমদূতাভিভাষিতম্ ।
উপধার্যাথ তান্ রাজন্ প্র্রত্যাহুর্নযকোবিদাঃ ॥ ১ ॥
শ্রীবিষ্ণুদূতা ঊচুঃ
অহো কষ্টং ধর্মদৃশামধর্মঃ স্পৃশতে সভাম্ ।
যত্রাদণ্ড্যেষ্বপাপেষু দণ্ডো যৈর্ধ্রিযতে বৃথা ॥ ২ ॥
অহো কষ্টং ধর্মদৃশামধর্মঃ স্পৃশতে সভাম্ ।
যত্রাদণ্ড্যেষ্বপাপেষু দণ্ডো যৈর্ধ্রিযতে বৃথা ॥ ২ ॥
প্রজানাং পিতরো যে চ শাস্তারঃ সাধবঃ সমাঃ ।
যদি স্যাত্তেষু বৈষম্যং কং যান্তি শরণং প্রজাঃ ॥ ৩ ॥
যদি স্যাত্তেষু বৈষম্যং কং যান্তি শরণং প্রজাঃ ॥ ৩ ॥
যদ্যদাচরতি শ্রেযানিতরস্তত্তদীহতে ।
স যত্প্রমাণং কুরুতে লোকস্তদনুবর্ততে ॥ ৪ ॥
স যত্প্রমাণং কুরুতে লোকস্তদনুবর্ততে ॥ ৪ ॥
যস্যাঙ্কে শির আধায লোকঃ স্বপিতি নির্বৃতঃ ।
স্বযং ধর্মমধর্মং বা ন হি বেদ যথা পশুঃ ॥ ৫ ॥
স্বযং ধর্মমধর্মং বা ন হি বেদ যথা পশুঃ ॥ ৫ ॥
স কথং ন্যর্পিতাত্মানং কৃতমৈত্রমচেতনম্ ।
বিস্রম্ভণীযো ভূতানাং সঘৃণো দোগ্ধুমর্হতি ॥ ৬ ॥
বিস্রম্ভণীযো ভূতানাং সঘৃণো দোগ্ধুমর্হতি ॥ ৬ ॥
অযং হি কৃতনির্বেশো জন্মকোট্যংহসামপি ।
যদ্ব্যাজহার বিবশো নাম স্বস্ত্যযনং হরেঃ ॥ ৭ ॥
যদ্ব্যাজহার বিবশো নাম স্বস্ত্যযনং হরেঃ ॥ ৭ ॥
এতেনৈব হ্যঘোনোঽস্য কৃতং স্যাদঘনিষ্কৃতম্ ।
যদা নারাযণাযেতি জগাদ চতুরক্ষরম্ ॥ ৮ ॥
যদা নারাযণাযেতি জগাদ চতুরক্ষরম্ ॥ ৮ ॥
স্তেনঃ সুরাপো মিত্রধ্রুগ্ ব্রহ্মহা গুরুতল্পগঃ ।
স্ত্রীরাজপিতৃগোহন্তা যে চ পাতকিনোঽপরে ॥ ৯ ॥
স্ত্রীরাজপিতৃগোহন্তা যে চ পাতকিনোঽপরে ॥ ৯ ॥
সর্বেষামপ্যঘবতামিদমেব সুনিষ্কৃতম্ ।
নামব্যাহরণং বিষ্ণোর্যতস্তদ্বিষযা মতিঃ ॥ ১০ ॥
নামব্যাহরণং বিষ্ণোর্যতস্তদ্বিষযা মতিঃ ॥ ১০ ॥
ন নিষ্কৃতৈরুদিতৈর্ব্রহ্মবাদিভি-
স্তথা বিশুদ্ধ্যত্যঘবান্ ব্রতাদিভিঃ ।
যথা হরের্নামপদৈরুদাহৃতৈ-
স্তদুত্তমশ্লোকগুণোপলম্ভকম্ ॥ ১১ ॥
স্তথা বিশুদ্ধ্যত্যঘবান্ ব্রতাদিভিঃ ।
যথা হরের্নামপদৈরুদাহৃতৈ-
স্তদুত্তমশ্লোকগুণোপলম্ভকম্ ॥ ১১ ॥
নৈকান্তিকং তদ্ধি কৃতেঽপি নিষ্কৃতে
মনঃ পুনর্ধাবতি চেদসত্পথে ।
তত্কর্মনির্হারমভীপ্সতাং হরে-
র্গুণানুবাদঃ খলু সত্ত্বভাবনঃ ॥ ১২ ॥
মনঃ পুনর্ধাবতি চেদসত্পথে ।
তত্কর্মনির্হারমভীপ্সতাং হরে-
র্গুণানুবাদঃ খলু সত্ত্বভাবনঃ ॥ ১২ ॥
অথৈনং মাপনযত কৃতাশেষাঘনিষ্কৃতম্ ।
যদসৌ ভগবন্নাম ম্রিযমাণঃ সমগ্রহীত্ ॥ ১৩ ॥
যদসৌ ভগবন্নাম ম্রিযমাণঃ সমগ্রহীত্ ॥ ১৩ ॥
সাঙ্কেত্যং পারিহাস্যং বা স্তোভং হেলনমেব বা ।
বৈকুণ্ঠনামগ্রহণমশেষাঘহরং বিদুঃ ॥ ১৪ ॥
বৈকুণ্ঠনামগ্রহণমশেষাঘহরং বিদুঃ ॥ ১৪ ॥
পতিতঃ স্খলিতো ভগ্নঃ সন্দষ্টস্তপ্ত আহতঃ ।
হরিরিত্যবশেনাহ পুমান্নার্হতি যাতনাঃ ॥ ১৫ ॥
হরিরিত্যবশেনাহ পুমান্নার্হতি যাতনাঃ ॥ ১৫ ॥
গুরূণাং চ লঘূনাং চ গুরূণি চ লঘূনি চ ।
প্রাযশ্চিত্তানি পাপানাং জ্ঞাত্বোক্তানি মহর্ষিভিঃ ॥ ১৬ ॥
প্রাযশ্চিত্তানি পাপানাং জ্ঞাত্বোক্তানি মহর্ষিভিঃ ॥ ১৬ ॥
তৈস্তান্যঘানি পূযন্তে তপোদানব্রতাদিভিঃ ।
নাধর্মজং তদ্ধৃদযং তদপীশাঙ্ঘ্রিসেবযা ॥ ১৭ ॥
নাধর্মজং তদ্ধৃদযং তদপীশাঙ্ঘ্রিসেবযা ॥ ১৭ ॥
অজ্ঞানাদথবা জ্ঞানাদুত্তমশ্লোকনাম যত্ ।
সঙ্কীর্তিতমঘং পুংসো দহেদেধো যথানলঃ ॥ ১৮ ॥
সঙ্কীর্তিতমঘং পুংসো দহেদেধো যথানলঃ ॥ ১৮ ॥
যথাগদং বীর্যতমমুপযুক্তং যদৃচ্ছযা ।
অজানতোঽপ্যাত্মগুণং কুর্যান্মন্ত্রোঽপ্যুদাহৃতঃ ॥ ১৯ ॥
অজানতোঽপ্যাত্মগুণং কুর্যান্মন্ত্রোঽপ্যুদাহৃতঃ ॥ ১৯ ॥
শ্রীশুক উবাচ
ত এবং সুবিনির্ণীয ধর্মং ভাগবতং নৃপ ।
তং যাম্যপাশান্নির্মুচ্য বিপ্রং মৃত্যোরমূমুচন্ ॥ ২০ ॥
ত এবং সুবিনির্ণীয ধর্মং ভাগবতং নৃপ ।
তং যাম্যপাশান্নির্মুচ্য বিপ্রং মৃত্যোরমূমুচন্ ॥ ২০ ॥
ইতি প্রত্যুদিতা যাম্যা দূতা যাত্বা যমান্তিকম্ ।
যমরাজ্ঞে যথা সর্বমাচচক্ষুররিন্দম ॥ ২১ ॥
যমরাজ্ঞে যথা সর্বমাচচক্ষুররিন্দম ॥ ২১ ॥
দ্বিজঃ পাশাদ্বিনির্মুক্তো গতভীঃ প্রকৃতিং গতঃ ।
ববন্দে শিরসা বিষ্ণোঃ কিঙ্করান্ দর্শনোত্সবঃ ॥ ২২ ॥
ববন্দে শিরসা বিষ্ণোঃ কিঙ্করান্ দর্শনোত্সবঃ ॥ ২২ ॥
তং বিবক্ষুমভিপ্রেত্য মহাপুরুষকিঙ্করাঃ ।
সহসা পশ্যতস্তস্য তত্রান্তর্দধিরেঽনঘ ॥ ২৩ ॥
সহসা পশ্যতস্তস্য তত্রান্তর্দধিরেঽনঘ ॥ ২৩ ॥
অজামিলোঽপ্যথাকর্ণ্য দূতানাং যমকৃষ্ণযোঃ ।
ধর্মং ভাগবতং শুদ্ধং ত্রৈবেদ্যং চ গুণাশ্রযম্ ॥ ২৪ ॥
ধর্মং ভাগবতং শুদ্ধং ত্রৈবেদ্যং চ গুণাশ্রযম্ ॥ ২৪ ॥
ভক্তিমান্ ভগবত্যাশু মাহাত্ম্যশ্রবণাদ্ধরেঃ ।
অনুতাপো মহানাসীত্স্মরতোঽশুভমাত্মনঃ ॥ ২৫ ॥
অনুতাপো মহানাসীত্স্মরতোঽশুভমাত্মনঃ ॥ ২৫ ॥
অহো মে পরমং কষ্টমভূদবিজিতাত্মনঃ ।
যেন বিপ্লাবিতং ব্রহ্ম বৃষল্যাং জাযতাত্মনা ॥ ২৬ ॥
যেন বিপ্লাবিতং ব্রহ্ম বৃষল্যাং জাযতাত্মনা ॥ ২৬ ॥
ধিঙ্মাং বিগর্হিতং সদ্ভির্দুষ্কৃতং কুলকজ্জলম্ ।
হিত্বা বালাং সতীং যোঽহং সুরাপীমসতীমগাম্ ॥ ২৭ ॥
হিত্বা বালাং সতীং যোঽহং সুরাপীমসতীমগাম্ ॥ ২৭ ॥
বৃদ্ধাবনাথৌ পিতরৌ নান্যবন্ধূ তপস্বিনৌ ।
অহো মযাধুনা ত্যক্তাবকৃতজ্ঞেন নীচবত্ ॥ ২৮ ॥
অহো মযাধুনা ত্যক্তাবকৃতজ্ঞেন নীচবত্ ॥ ২৮ ॥
সোঽহং ব্যক্তং পতিষ্যামি নরকে ভৃশদারুণে ।
ধর্মঘ্নাঃ কামিনো যত্র বিন্দন্তি যমযাতনাঃ ॥ ২৯ ॥
ধর্মঘ্নাঃ কামিনো যত্র বিন্দন্তি যমযাতনাঃ ॥ ২৯ ॥
কিমিদং স্বপ্ন আহো স্বিত্ সাক্ষাদ্ দৃষ্টমিহাদ্ভুতম্ ।
ক্ব যাতা অদ্য তে যে মাং ব্যকর্ষন্ পাশপাণযঃ ॥ ৩০ ॥
ক্ব যাতা অদ্য তে যে মাং ব্যকর্ষন্ পাশপাণযঃ ॥ ৩০ ॥
অথ তে ক্ব গতাঃ সিদ্ধাশ্চত্বারশ্চারুদর্শনাঃ ।
ব্যামোচযন্নীযমানং বদ্ধ্বা পাশৈরধো ভুবঃ ॥ ৩১ ॥
ব্যামোচযন্নীযমানং বদ্ধ্বা পাশৈরধো ভুবঃ ॥ ৩১ ॥
অথাপি মে দুর্ভগস্য বিবুধোত্তমদর্শনে ।
ভবিতব্যং মঙ্গলেন যেনাত্মা মে প্রসীদতি ॥ ৩২ ॥
ভবিতব্যং মঙ্গলেন যেনাত্মা মে প্রসীদতি ॥ ৩২ ॥
অন্যথা ম্রিযমাণস্য নাশুচের্বৃষলীপতেঃ ।
বৈকুণ্ঠনামগ্রহণং জিহ্বা বক্তুমিহার্হতি ॥ ৩৩ ॥
বৈকুণ্ঠনামগ্রহণং জিহ্বা বক্তুমিহার্হতি ॥ ৩৩ ॥
ক্ব চাহং কিতবঃ পাপো ব্রহ্মঘ্নো নিরপত্রপঃ ।
ক্ব চ নারাযণেত্যেতদ্ভগবন্নাম মঙ্গলম্ ॥ ৩৪ ॥
ক্ব চ নারাযণেত্যেতদ্ভগবন্নাম মঙ্গলম্ ॥ ৩৪ ॥
সোঽহং তথা যতিষ্যামি যতচিত্তেন্দ্রিযানিলঃ ।
যথা ন ভূয আত্মানমন্ধে তমসি মজ্জযে ॥ ৩৫ ॥
যথা ন ভূয আত্মানমন্ধে তমসি মজ্জযে ॥ ৩৫ ॥
বিমুচ্য তমিমং বন্ধমবিদ্যাকামকর্মজম্ ।
সর্বভূতসুহৃচ্ছান্তো মৈত্রঃ করুণ আত্মবান্ ॥ ৩৬ ॥
সর্বভূতসুহৃচ্ছান্তো মৈত্রঃ করুণ আত্মবান্ ॥ ৩৬ ॥
মোচযে গ্রস্তমাত্মানং যোষিন্ময্যাত্মমাযযা ।
বিক্রীডিতো যযৈবাহং ক্রীডামৃগ ইবাধমঃ ॥ ৩৭ ॥
বিক্রীডিতো যযৈবাহং ক্রীডামৃগ ইবাধমঃ ॥ ৩৭ ॥
মমাহমিতি দেহাদৌ হিত্বামিথ্যার্থধীর্মতিম্ ।
ধাস্যে মনো ভগবতি শুদ্ধং তত্কীর্তনাদিভিঃ ॥ ৩৮ ॥
ধাস্যে মনো ভগবতি শুদ্ধং তত্কীর্তনাদিভিঃ ॥ ৩৮ ॥
ইতি জাতসুনির্বেদঃ ক্ষণসঙ্গেন সাধুষু ।
গঙ্গাদ্বারমুপেযায মুক্তসর্বানুবন্ধনঃ ॥ ৩৯ ॥
গঙ্গাদ্বারমুপেযায মুক্তসর্বানুবন্ধনঃ ॥ ৩৯ ॥
স তস্মিন্ দেবসদন আসীনো যোগমাস্থিতঃ ।
প্রত্যাহৃতেন্দ্রিযগ্রামো যুযোজ মন আত্মনি ॥ ৪০ ॥
প্রত্যাহৃতেন্দ্রিযগ্রামো যুযোজ মন আত্মনি ॥ ৪০ ॥
ততো গুণেভ্য আত্মানং বিযুজ্যাত্মসমাধিনা ।
যুযুজে ভগবদ্ধাম্নি ব্রহ্মণ্যনুভবাত্মনি ॥ ৪১ ॥
যুযুজে ভগবদ্ধাম্নি ব্রহ্মণ্যনুভবাত্মনি ॥ ৪১ ॥
যর্হ্যুপারতধীস্তস্মিন্নদ্রাক্ষীত্পুরুষান্ পুরঃ ।
উপলভ্যোপলব্ধান্ প্রাগ্ববন্দে শিরসা দ্বিজঃ ॥ ৪২ ॥
উপলভ্যোপলব্ধান্ প্রাগ্ববন্দে শিরসা দ্বিজঃ ॥ ৪২ ॥
হিত্বা কলেবরং তীর্থে গঙ্গাযাং দর্শনাদনু ।
সদ্যঃ স্বরূপং জগৃহে ভগবত্পার্শ্ববর্তিনাম্ ॥ ৪৩ ॥
সদ্যঃ স্বরূপং জগৃহে ভগবত্পার্শ্ববর্তিনাম্ ॥ ৪৩ ॥
সাকং বিহাযসা বিপ্রো মহাপুরুষকিঙ্করৈঃ ।
হৈমং বিমানমারুহ্য যযৌ যত্র শ্রিযঃ পতিঃ ॥ ৪৪ ॥
হৈমং বিমানমারুহ্য যযৌ যত্র শ্রিযঃ পতিঃ ॥ ৪৪ ॥
এবং স বিপ্লাবিতসর্বধর্মা
দাস্যাঃ পতিঃ পতিতো গর্হ্যকর্মণা ।
নিপাত্যমানো নিরযে হতব্রতঃ
সদ্যো বিমুক্তো ভগবন্নাম গৃহ্ণন্ ॥ ৪৫ ॥
দাস্যাঃ পতিঃ পতিতো গর্হ্যকর্মণা ।
নিপাত্যমানো নিরযে হতব্রতঃ
সদ্যো বিমুক্তো ভগবন্নাম গৃহ্ণন্ ॥ ৪৫ ॥
নাতঃ পরং কর্মনিবন্ধকৃন্তনং
মুমুক্ষতাং তীর্থপদানুকীর্তনাত্ ।
ন যত্পুনঃ কর্মসু সজ্জতে মনো
রজস্তমোভ্যাং কলিলং ততোঽন্যথা ॥ ৪৬ ॥
মুমুক্ষতাং তীর্থপদানুকীর্তনাত্ ।
ন যত্পুনঃ কর্মসু সজ্জতে মনো
রজস্তমোভ্যাং কলিলং ততোঽন্যথা ॥ ৪৬ ॥
য এতং পরমং গুহ্যমিতিহাসমঘাপহম্ ।
শৃণুযাচ্ছ্রদ্ধযা যুক্তো যশ্চ ভক্ত্যানুকীর্তযেত্ ॥ ৪৭ ॥
শৃণুযাচ্ছ্রদ্ধযা যুক্তো যশ্চ ভক্ত্যানুকীর্তযেত্ ॥ ৪৭ ॥
ন বৈ স নরকং যাতি নেক্ষিতো যমকিঙ্করৈঃ ।
যদ্যপ্যমঙ্গলো মর্ত্যো বিষ্ণুলোকে মহীযতে ॥ ৪৮ ॥
যদ্যপ্যমঙ্গলো মর্ত্যো বিষ্ণুলোকে মহীযতে ॥ ৪৮ ॥
ম্রিযমাণো হরের্নাম গৃণন্ পুত্রোপচারিতম্ ।
অজামিলোঽপ্যগাদ্ধাম কিমুত শ্রদ্ধযা গৃণন্ ॥ ৪৯ ॥
অজামিলোঽপ্যগাদ্ধাম কিমুত শ্রদ্ধযা গৃণন্ ॥ ৪৯ ॥