শ্রীরাজোবাচ
নিশম্য দেবঃ স্বভটোপবর্ণিতং
প্রত্যাহ কিং তানপি ধর্মরাজঃ ।
এবং হতাজ্ঞো বিহতান্মুরারে-
র্নৈদেশিকৈর্যস্য বশে জনোঽযম্ ॥ ১ ॥
নিশম্য দেবঃ স্বভটোপবর্ণিতং
প্রত্যাহ কিং তানপি ধর্মরাজঃ ।
এবং হতাজ্ঞো বিহতান্মুরারে-
র্নৈদেশিকৈর্যস্য বশে জনোঽযম্ ॥ ১ ॥
যমস্য দেবস্য ন দণ্ডভঙ্গঃ
কুতশ্চনর্ষে শ্রুতপূর্ব আসীত্ ।
এতন্মুনে বৃশ্চতি লোকসংশযং
ন হি ত্বদন্য ইতি মে বিনিশ্চিতম্ ॥ ২ ॥
কুতশ্চনর্ষে শ্রুতপূর্ব আসীত্ ।
এতন্মুনে বৃশ্চতি লোকসংশযং
ন হি ত্বদন্য ইতি মে বিনিশ্চিতম্ ॥ ২ ॥
শ্রীশুক উবাচ
ভগবত্পুরুষৈ রাজন্ যাম্যাঃ প্রতিহতোদ্যমাঃ ।
পতিং বিজ্ঞাপযামাসুর্যমং সংযমনীপতিম্ ॥ ৩ ॥
ভগবত্পুরুষৈ রাজন্ যাম্যাঃ প্রতিহতোদ্যমাঃ ।
পতিং বিজ্ঞাপযামাসুর্যমং সংযমনীপতিম্ ॥ ৩ ॥
যমদূতা ঊচুঃ
কতি সন্তীহ শাস্তারো জীবলোকস্য বৈ প্রভো ।
ত্রৈবিধ্যং কুর্বতঃ কর্ম ফলাভিব্যক্তিহেতবঃ ॥ ৪ ॥
কতি সন্তীহ শাস্তারো জীবলোকস্য বৈ প্রভো ।
ত্রৈবিধ্যং কুর্বতঃ কর্ম ফলাভিব্যক্তিহেতবঃ ॥ ৪ ॥
যদি স্যুর্বহবো লোকে শাস্তারো দণ্ডধারিণঃ ।
কস্য স্যাতাং ন বা কস্য মৃত্যুশ্চামৃতমেব বা ॥ ৫ ॥
কস্য স্যাতাং ন বা কস্য মৃত্যুশ্চামৃতমেব বা ॥ ৫ ॥
কিন্তু শাস্তৃবহুত্বে স্যাদ্বহূনামিহ কর্মিণাম্ ।
শাস্তৃত্বমুপচারো হি যথা মণ্ডলবর্তিনাম্ ॥ ৬ ॥
শাস্তৃত্বমুপচারো হি যথা মণ্ডলবর্তিনাম্ ॥ ৬ ॥
অতস্ত্বমেকো ভূতানাং সেশ্বরাণামধীশ্বরঃ ।
শাস্তা দণ্ডধরো নৃণাং শুভাশুভবিবেচনঃ ॥ ৭ ॥
শাস্তা দণ্ডধরো নৃণাং শুভাশুভবিবেচনঃ ॥ ৭ ॥
তস্য তে বিহিতো দণ্ডো ন লোকে বর্ততেঽধুনা ।
চতুর্ভিরদ্ভুতৈঃ সিদ্ধৈরাজ্ঞা তে বিপ্রলম্ভিতা ॥ ৮ ॥
চতুর্ভিরদ্ভুতৈঃ সিদ্ধৈরাজ্ঞা তে বিপ্রলম্ভিতা ॥ ৮ ॥
নীযমানং তবাদেশাদস্মাভির্যাতনাগৃহান্ ।
ব্যামোচযন্পাতকিনং ছিত্ত্বা পাশান প্রসহ্য তে ॥ ৯ ॥
ব্যামোচযন্পাতকিনং ছিত্ত্বা পাশান প্রসহ্য তে ॥ ৯ ॥
তাংস্তে বেদিতুমিচ্ছামো যদি নো মন্যসে ক্ষমম্ ।
নারাযণেত্যভিহিতে মা ভৈরিত্যাযযুর্দ্রুতম্ ॥ ১০ ॥
নারাযণেত্যভিহিতে মা ভৈরিত্যাযযুর্দ্রুতম্ ॥ ১০ ॥
শ্রীবাদরাযণিরুবাচ
ইতি দেবঃ স আপৃষ্টঃ প্রজাসংযমনো যমঃ ।
প্রীতঃ স্বদূতান্প্রত্যাহ স্মরন্ পাদাম্বুজং হরেঃ ॥ ১১ ॥
ইতি দেবঃ স আপৃষ্টঃ প্রজাসংযমনো যমঃ ।
প্রীতঃ স্বদূতান্প্রত্যাহ স্মরন্ পাদাম্বুজং হরেঃ ॥ ১১ ॥
যম উবাচ
পরো মদন্যো জগতস্তস্থুষশ্চ
ওতং প্রোতং পটবদ্যত্র বিশ্বম্ ।
যদংশতোঽস্য স্থিতিজন্মনাশা
নস্যোতবদ্যস্য বশে চ লোকঃ ॥ ১২ ॥
পরো মদন্যো জগতস্তস্থুষশ্চ
ওতং প্রোতং পটবদ্যত্র বিশ্বম্ ।
যদংশতোঽস্য স্থিতিজন্মনাশা
নস্যোতবদ্যস্য বশে চ লোকঃ ॥ ১২ ॥
যো নামভির্বাচি জনং নিজাযাং
বধ্নাতি তন্ত্র্যামিব দামভির্গাঃ ।
যস্মৈ বলিং ত ইমে নামকর্ম-
নিবন্ধবদ্ধাশ্চকিতা বহন্তি ॥ ১৩ ॥
বধ্নাতি তন্ত্র্যামিব দামভির্গাঃ ।
যস্মৈ বলিং ত ইমে নামকর্ম-
নিবন্ধবদ্ধাশ্চকিতা বহন্তি ॥ ১৩ ॥
অহং মহেন্দ্রো নিঋর্তিঃ প্রচেতাঃ
সোমোঽগ্নিরীশঃ পবনো বিরিঞ্চিঃ ।
আদিত্যবিশ্বে বসবোঽথ সাধ্যা
মরুদ্গণা রুদ্রগণাঃ সসিদ্ধাঃ ॥ ১৪ ॥
সোমোঽগ্নিরীশঃ পবনো বিরিঞ্চিঃ ।
আদিত্যবিশ্বে বসবোঽথ সাধ্যা
মরুদ্গণা রুদ্রগণাঃ সসিদ্ধাঃ ॥ ১৪ ॥
অন্যে চ যে বিশ্বসৃজোঽমরেশা
ভৃগ্বাদযোঽস্পৃষ্টরজস্তমস্কাঃ ।
যস্যেহিতং ন বিদুঃ স্পৃষ্টমাযাঃ
সত্ত্বপ্রধানা অপি কিং ততোঽন্যে ॥ ১৫ ॥
ভৃগ্বাদযোঽস্পৃষ্টরজস্তমস্কাঃ ।
যস্যেহিতং ন বিদুঃ স্পৃষ্টমাযাঃ
সত্ত্বপ্রধানা অপি কিং ততোঽন্যে ॥ ১৫ ॥
যং বৈ ন গোভির্মনসাসুভির্বা
হৃদা গিরা বাসুভৃতো বিচক্ষতে ।
আত্মানমন্তর্হৃদি সন্তমাত্মনাং
চক্ষুর্যথৈবাকৃতযস্ততঃ পরম্ ॥ ১৬ ॥
হৃদা গিরা বাসুভৃতো বিচক্ষতে ।
আত্মানমন্তর্হৃদি সন্তমাত্মনাং
চক্ষুর্যথৈবাকৃতযস্ততঃ পরম্ ॥ ১৬ ॥
তস্যাত্মতন্ত্রস্য হরেরধীশিতুঃ
পরস্য মাযাধিপতের্মহাত্মনঃ ।
প্রাযেণ দূতা ইহ বৈ মনোহরা-
শ্চরন্তি তদ্রূপগুণস্বভাবাঃ ॥ ১৭ ॥
পরস্য মাযাধিপতের্মহাত্মনঃ ।
প্রাযেণ দূতা ইহ বৈ মনোহরা-
শ্চরন্তি তদ্রূপগুণস্বভাবাঃ ॥ ১৭ ॥
ভূতানি বিষ্ণোঃ সুরপূজিতানি
দুর্দর্শলিঙ্গানি মহাদ্ভুতানি ।
রক্ষন্তি তদ্ভক্তিমতঃ পরেভ্যো
মত্তশ্চ মর্ত্যানথ সর্বতশ্চ ॥ ১৮ ॥
দুর্দর্শলিঙ্গানি মহাদ্ভুতানি ।
রক্ষন্তি তদ্ভক্তিমতঃ পরেভ্যো
মত্তশ্চ মর্ত্যানথ সর্বতশ্চ ॥ ১৮ ॥
ধর্মং তু সাক্ষাদ্ভগবত্প্রণীতং
ন বৈ বিদুঋর্ষযো নাপি দেবাঃ ।
ন সিদ্ধমুখ্যা অসুরা মনুষ্যাঃ
কুতো নু বিদ্যাধরচারণাদযঃ ॥ ১৯ ॥
ন বৈ বিদুঋর্ষযো নাপি দেবাঃ ।
ন সিদ্ধমুখ্যা অসুরা মনুষ্যাঃ
কুতো নু বিদ্যাধরচারণাদযঃ ॥ ১৯ ॥
স্বযম্ভূর্নারদঃ শম্ভুঃ কুমারঃ কপিলো মনুঃ ।
প্রহ্লাদো জনকো ভীষ্মো বলির্বৈযাসকির্বযম্ ॥ ২০ ॥
প্রহ্লাদো জনকো ভীষ্মো বলির্বৈযাসকির্বযম্ ॥ ২০ ॥
দ্বাদশৈতে বিজানীমো ধর্মং ভাগবতং ভটাঃ ।
গুহ্যং বিশুদ্ধং দুর্বোধং যং জ্ঞাত্বামৃতমশ্নুতে ॥ ২১ ॥
গুহ্যং বিশুদ্ধং দুর্বোধং যং জ্ঞাত্বামৃতমশ্নুতে ॥ ২১ ॥
এতাবানেব লোকেঽস্মিন্ পুংসাং ধর্মঃ পরঃ স্মৃতঃ ।
ভক্তিযোগো ভগবতি তন্নামগ্রহণাদিভিঃ ॥ ২২ ॥
ভক্তিযোগো ভগবতি তন্নামগ্রহণাদিভিঃ ॥ ২২ ॥
নামোচ্চারণমাহাত্ম্যং হরেঃ পশ্যত পুত্রকাঃ ।
অজামিলোঽপি যেনৈব মৃত্যুপাশাদমুচ্যত ॥ ২৩ ॥
অজামিলোঽপি যেনৈব মৃত্যুপাশাদমুচ্যত ॥ ২৩ ॥
এতাবতালমঘনির্হরণায পুংসাং
সঙ্কীর্তনং ভগবতো গুণকর্মনাম্নাম্ ।
বিক্রুশ্য পুত্রমঘবান্ যদজামিলোঽপি
নারাযণেতি ম্রিযমাণ ইযায মুক্তিম্ ॥ ২৪ ॥
সঙ্কীর্তনং ভগবতো গুণকর্মনাম্নাম্ ।
বিক্রুশ্য পুত্রমঘবান্ যদজামিলোঽপি
নারাযণেতি ম্রিযমাণ ইযায মুক্তিম্ ॥ ২৪ ॥
প্রাযেণ বেদ তদিদং ন মহাজনোঽযং
দেব্যা বিমোহিতমতির্বত মাযযালম্ ।
ত্রয্যাং জডীকৃতমতির্মধুপুষ্পিতাযাং
বৈতানিকে মহতি কর্মণি যুজ্যমানঃ ॥ ২৫ ॥
দেব্যা বিমোহিতমতির্বত মাযযালম্ ।
ত্রয্যাং জডীকৃতমতির্মধুপুষ্পিতাযাং
বৈতানিকে মহতি কর্মণি যুজ্যমানঃ ॥ ২৫ ॥
এবং বিমৃশ্য সুধিযো ভগবত্যনন্তে
সর্বাত্মনা বিদধতে খলু ভাবযোগম্ ।
তে মে ন দণ্ডমর্হন্ত্যথ যদ্যমীষাং
স্যাত্ পাতকং তদপি হন্ত্যুরুগাযবাদঃ ॥ ২৬ ॥
সর্বাত্মনা বিদধতে খলু ভাবযোগম্ ।
তে মে ন দণ্ডমর্হন্ত্যথ যদ্যমীষাং
স্যাত্ পাতকং তদপি হন্ত্যুরুগাযবাদঃ ॥ ২৬ ॥
তে দেবসিদ্ধপরিগীতপবিত্রগাথা
যে সাধবঃ সমদৃশো ভগবত্প্রপন্নাঃ ।
তান্নোপসীদত হরের্গদযাভিগুপ্তান্
নৈষাং বযং ন চ বযঃ প্রভবাম দণ্ডে ॥ ২৭ ॥
যে সাধবঃ সমদৃশো ভগবত্প্রপন্নাঃ ।
তান্নোপসীদত হরের্গদযাভিগুপ্তান্
নৈষাং বযং ন চ বযঃ প্রভবাম দণ্ডে ॥ ২৭ ॥
তানানযধ্বমসতো বিমুখান্ মুকুন্দ-
পাদারবিন্দমকরন্দরসাদজস্রম্ ।
নিষ্কিঞ্চনৈঃ পরমহংসকুলৈরসঙ্গৈ-
র্জুষ্টাদ্গৃহে নিরযবর্ত্মনি বদ্ধতৃষ্ণান্ ॥ ২৮ ॥
পাদারবিন্দমকরন্দরসাদজস্রম্ ।
নিষ্কিঞ্চনৈঃ পরমহংসকুলৈরসঙ্গৈ-
র্জুষ্টাদ্গৃহে নিরযবর্ত্মনি বদ্ধতৃষ্ণান্ ॥ ২৮ ॥
জিহ্বা ন বক্তি ভগবদ্গুণনামধেযং
চেতশ্চ ন স্মরতি তচ্চরণারবিন্দম্ ।
কৃষ্ণায নো নমতি যচ্ছির একদাপি
তানানযধ্বমসতোঽকৃতবিষ্ণুকৃত্যান্ ॥ ২৯ ॥
চেতশ্চ ন স্মরতি তচ্চরণারবিন্দম্ ।
কৃষ্ণায নো নমতি যচ্ছির একদাপি
তানানযধ্বমসতোঽকৃতবিষ্ণুকৃত্যান্ ॥ ২৯ ॥
তত্ ক্ষম্যতাং স ভগবান্ পুরুষঃ পুরাণো
নারাযণঃ স্বপুরুষৈর্যদসত্কৃতং নঃ ।
স্বানামহো ন বিদুষাং রচিতাঞ্জলীনাং
ক্ষান্তির্গরীযসি নমঃ পুরুষায ভূম্নে ॥ ৩০ ॥
নারাযণঃ স্বপুরুষৈর্যদসত্কৃতং নঃ ।
স্বানামহো ন বিদুষাং রচিতাঞ্জলীনাং
ক্ষান্তির্গরীযসি নমঃ পুরুষায ভূম্নে ॥ ৩০ ॥
তস্মাত্ সঙ্কীর্তনং বিষ্ণোর্জগন্মঙ্গলমংহসাম্ ।
মহতামপি কৌরব্য বিদ্ধ্যৈকান্তিকনিষ্কৃতম্ ॥ ৩১ ॥
মহতামপি কৌরব্য বিদ্ধ্যৈকান্তিকনিষ্কৃতম্ ॥ ৩১ ॥
শৃণ্বতাং গৃণতাং বীর্যাণ্যুদ্দামানি হরের্মুহুঃ ।
যথা সুজাতযা ভক্ত্যা শুদ্ধ্যেন্নাত্মা ব্রতাদিভিঃ ॥ ৩২ ॥
যথা সুজাতযা ভক্ত্যা শুদ্ধ্যেন্নাত্মা ব্রতাদিভিঃ ॥ ৩২ ॥
কৃষ্ণাঙ্ঘ্রিপদ্মমধুলিণ্ ন পুনর্বিসৃষ্ট-
মাযাগুণেষু রমতে বৃজিনাবহেষু ।
অন্যস্তু কামহত আত্মরজঃ প্রমার্ষ্টু-
মীহেত কর্ম যত এব রজঃ পুনঃ স্যাত্ ॥ ৩৩ ॥
মাযাগুণেষু রমতে বৃজিনাবহেষু ।
অন্যস্তু কামহত আত্মরজঃ প্রমার্ষ্টু-
মীহেত কর্ম যত এব রজঃ পুনঃ স্যাত্ ॥ ৩৩ ॥
ইত্থং স্বভর্তৃগদিতং ভগবন্মহিত্বং
সংস্মৃত্য বিস্মিতধিযো যমকিঙ্করাস্তে ।
নৈবাচ্যুতাশ্রযজনং প্রতিশঙ্কমানা
দ্রষ্টুং চ বিভ্যতি ততঃ প্রভৃতি স্ম রাজন্ ॥ ৩৪ ॥
সংস্মৃত্য বিস্মিতধিযো যমকিঙ্করাস্তে ।
নৈবাচ্যুতাশ্রযজনং প্রতিশঙ্কমানা
দ্রষ্টুং চ বিভ্যতি ততঃ প্রভৃতি স্ম রাজন্ ॥ ৩৪ ॥
ইতিহাসমিমং গুহ্যং ভগবান্ কুম্ভসম্ভবঃ ।
কথযামাস মলয আসীনো হরিমর্চযন্ ॥ ৩৫ ॥
কথযামাস মলয আসীনো হরিমর্চযন্ ॥ ৩৫ ॥