ஶ்ரீமத்பாகவதம் ௬.௩

ஶ்ரீராஜோவாச
நிஶம்ய தேவஃ ஸ்வபடோபவர்ணிதம்
ப்ரத்யாஹ கிம் தாநபி தர்மராஜஃ ।
ஏவம் ஹதாஜ்ஞோ விஹதாந்முராரே-
ர்நைதேஶிகைர்யஸ்ய வஶே ஜநோ'யம் ॥ ௧ ॥

யமஸ்ய தேவஸ்ய ந தண்டபங்கஃ
குதஶ்சநர்ஷே ஶ்ருதபூர்வ ஆஸீத் ।
ஏதந்முநே வ்ரு'ஶ்சதி லோகஸம்ஶயம்
ந ஹி த்வதந்ய இதி மே விநிஶ்சிதம் ॥ ௨ ॥

ஶ்ரீஶுக உவாச
பகவத்புருஷை ராஜந் யாம்யாஃ ப்ரதிஹதோத்யமாஃ ।
பதிம் விஜ்ஞாபயாமாஸுர்யமம் ஸம்யமநீபதிம் ॥ ௩ ॥

யமதூதா ஊசுஃ
கதி ஸந்தீஹ ஶாஸ்தாரோ ஜீவலோகஸ்ய வை ப்ரபோ ।
த்ரைவித்யம் குர்வதஃ கர்ம பலாபிவ்யக்திஹேதவஃ ॥ ௪ ॥

யதி ஸ்யுர்பஹவோ லோகே ஶாஸ்தாரோ தண்டதாரிணஃ ।
கஸ்ய ஸ்யாதாம் ந வா கஸ்ய ம்ரு'த்யுஶ்சாம்ரு'தமேவ வா ॥ ௫ ॥

கிந்து ஶாஸ்த்ரு'பஹுத்வே ஸ்யாத்பஹூநாமிஹ கர்மிணாம் ।
ஶாஸ்த்ரு'த்வமுபசாரோ ஹி யதா மண்டலவர்திநாம் ॥ ௬ ॥

அதஸ்த்வமேகோ பூதாநாம் ஸேஶ்வராணாமதீஶ்வரஃ ।
ஶாஸ்தா தண்டதரோ ந்ரு'ணாம் ஶுபாஶுபவிவேசநஃ ॥ ௭ ॥

தஸ்ய தே விஹிதோ தண்டோ ந லோகே வர்ததே'துநா ।
சதுர்பிரத்புதைஃ ஸித்தைராஜ்ஞா தே விப்ரலம்பிதா ॥ ௮ ॥

நீயமாநம் தவாதேஶாதஸ்மாபிர்யாதநாக்ரு'ஹாந் ।
வ்யாமோசயந்பாதகிநம் சித்த்வா பாஶாந ப்ரஸஹ்ய தே ॥ ௯ ॥

தாம்ஸ்தே வேதிதுமிச்சாமோ யதி நோ மந்யஸே க்ஷமம் ।
நாராயணேத்யபிஹிதே மா பைரித்யாயயுர்த்ருதம் ॥ ௧௦ ॥

ஶ்ரீபாதராயணிருவாச
இதி தேவஃ ஸ ஆப்ரு'ஷ்டஃ ப்ரஜாஸம்யமநோ யமஃ ।
ப்ரீதஃ ஸ்வதூதாந்ப்ரத்யாஹ ஸ்மரந் பாதாம்புஜம் ஹரேஃ ॥ ௧௧ ॥

யம உவாச
பரோ மதந்யோ ஜகதஸ்தஸ்துஷஶ்ச
ஓதம் ப்ரோதம் படவத்யத்ர விஶ்வம் ।
யதம்ஶதோ'ஸ்ய ஸ்திதிஜந்மநாஶா
நஸ்யோதவத்யஸ்ய வஶே ச லோகஃ ॥ ௧௨ ॥

யோ நாமபிர்வாசி ஜநம் நிஜாயாம்
பத்நாதி தந்த்ர்யாமிவ தாமபிர்காஃ ।
யஸ்மை பலிம் த இமே நாமகர்ம-
நிபந்தபத்தாஶ்சகிதா வஹந்தி ॥ ௧௩ ॥

அஹம் மஹேந்த்ரோ நிரு'ர்திஃ ப்ரசேதாஃ
ஸோமோ'க்நிரீஶஃ பவநோ விரிஞ்சிஃ ।
ஆதித்யவிஶ்வே வஸவோ'த ஸாத்யா
மருத்கணா ருத்ரகணாஃ ஸஸித்தாஃ ॥ ௧௪ ॥

அந்யே ச யே விஶ்வஸ்ரு'ஜோ'மரேஶா
ப்ரு'க்வாதயோ'ஸ்ப்ரு'ஷ்டரஜஸ்தமஸ்காஃ ।
யஸ்யேஹிதம் ந விதுஃ ஸ்ப்ரு'ஷ்டமாயாஃ
ஸத்த்வப்ரதாநா அபி கிம் ததோ'ந்யே ॥ ௧௫ ॥

யம் வை ந கோபிர்மநஸாஸுபிர்வா
ஹ்ரு'தா கிரா வாஸுப்ரு'தோ விசக்ஷதே ।
ஆத்மாநமந்தர்ஹ்ரு'தி ஸந்தமாத்மநாம்
சக்ஷுர்யதைவாக்ரு'தயஸ்ததஃ பரம் ॥ ௧௬ ॥

தஸ்யாத்மதந்த்ரஸ்ய ஹரேரதீஶிதுஃ
பரஸ்ய மாயாதிபதேர்மஹாத்மநஃ ।
ப்ராயேண தூதா இஹ வை மநோஹரா-
ஶ்சரந்தி தத்ரூபகுணஸ்வபாவாஃ ॥ ௧௭ ॥

பூதாநி விஷ்ணோஃ ஸுரபூஜிதாநி
துர்தர்ஶலிங்காநி மஹாத்புதாநி ।
ரக்ஷந்தி தத்பக்திமதஃ பரேப்யோ
மத்தஶ்ச மர்த்யாநத ஸர்வதஶ்ச ॥ ௧௮ ॥

தர்மம் து ஸாக்ஷாத்பகவத்ப்ரணீதம்
ந வை விதுரு'ர்ஷயோ நாபி தேவாஃ ।
ந ஸித்தமுக்யா அஸுரா மநுஷ்யாஃ
குதோ நு வித்யாதரசாரணாதயஃ ॥ ௧௯ ॥

ஸ்வயம்பூர்நாரதஃ ஶம்புஃ குமாரஃ கபிலோ மநுஃ ।
ப்ரஹ்லாதோ ஜநகோ பீஷ்மோ பலிர்வையாஸகிர்வயம் ॥ ௨௦ ॥

த்வாதஶைதே விஜாநீமோ தர்மம் பாகவதம் படாஃ ।
குஹ்யம் விஶுத்தம் துர்போதம் யம் ஜ்ஞாத்வாம்ரு'தமஶ்நுதே ॥ ௨௧ ॥

ஏதாவாநேவ லோகே'ஸ்மிந் பும்ஸாம் தர்மஃ பரஃ ஸ்ம்ரு'தஃ ।
பக்தியோகோ பகவதி தந்நாமக்ரஹணாதிபிஃ ॥ ௨௨ ॥

நாமோச்சாரணமாஹாத்ம்யம் ஹரேஃ பஶ்யத புத்ரகாஃ ।
அஜாமிலோ'பி யேநைவ ம்ரு'த்யுபாஶாதமுச்யத ॥ ௨௩ ॥

ஏதாவதாலமகநிர்ஹரணாய பும்ஸாம்
ஸங்கீர்தநம் பகவதோ குணகர்மநாம்நாம் ।
விக்ருஶ்ய புத்ரமகவாந் யதஜாமிலோ'பி
நாராயணேதி ம்ரியமாண இயாய முக்திம் ॥ ௨௪ ॥

ப்ராயேண வேத ததிதம் ந மஹாஜநோ'யம்
தேவ்யா விமோஹிதமதிர்பத மாயயாலம் ।
த்ரய்யாம் ஜடீக்ரு'தமதிர்மதுபுஷ்பிதாயாம்
வைதாநிகே மஹதி கர்மணி யுஜ்யமாநஃ ॥ ௨௫ ॥

ஏவம் விம்ரு'ஶ்ய ஸுதியோ பகவத்யநந்தே
ஸர்வாத்மநா விதததே கலு பாவயோகம் ।
தே மே ந தண்டமர்ஹந்த்யத யத்யமீஷாம்
ஸ்யாத் பாதகம் ததபி ஹந்த்யுருகாயவாதஃ ॥ ௨௬ ॥

தே தேவஸித்தபரிகீதபவித்ரகாதா
யே ஸாதவஃ ஸமத்ரு'ஶோ பகவத்ப்ரபந்நாஃ ।
தாந்நோபஸீதத ஹரேர்கதயாபிகுப்தாந்
நைஷாம் வயம் ந ச வயஃ ப்ரபவாம தண்டே ॥ ௨௭ ॥

தாநாநயத்வமஸதோ விமுகாந் முகுந்த-
பாதாரவிந்தமகரந்தரஸாதஜஸ்ரம் ।
நிஷ்கிஞ்சநைஃ பரமஹம்ஸகுலைரஸங்கை-
ர்ஜுஷ்டாத்க்ரு'ஹே நிரயவர்த்மநி பத்தத்ரு'ஷ்ணாந் ॥ ௨௮ ॥

ஜிஹ்வா ந வக்தி பகவத்குணநாமதேயம்
சேதஶ்ச ந ஸ்மரதி தச்சரணாரவிந்தம் ।
க்ரு'ஷ்ணாய நோ நமதி யச்சிர ஏகதாபி
தாநாநயத்வமஸதோ'க்ரு'தவிஷ்ணுக்ரு'த்யாந் ॥ ௨௯ ॥

தத் க்ஷம்யதாம் ஸ பகவாந் புருஷஃ புராணோ
நாராயணஃ ஸ்வபுருஷைர்யதஸத்க்ரு'தம் நஃ ।
ஸ்வாநாமஹோ ந விதுஷாம் ரசிதாஞ்ஜலீநாம்
க்ஷாந்திர்கரீயஸி நமஃ புருஷாய பூம்நே ॥ ௩௦ ॥

தஸ்மாத் ஸங்கீர்தநம் விஷ்ணோர்ஜகந்மங்கலமம்ஹஸாம் ।
மஹதாமபி கௌரவ்ய வித்த்யைகாந்திகநிஷ்க்ரு'தம் ॥ ௩௧ ॥

ஶ்ரு'ண்வதாம் க்ரு'ணதாம் வீர்யாண்யுத்தாமாநி ஹரேர்முஹுஃ ।
யதா ஸுஜாதயா பக்த்யா ஶுத்த்யேந்நாத்மா வ்ரதாதிபிஃ ॥ ௩௨ ॥

க்ரு'ஷ்ணாங்க்ரிபத்மமதுலிண் ந புநர்விஸ்ரு'ஷ்ட-
மாயாகுணேஷு ரமதே வ்ரு'ஜிநாவஹேஷு ।
அந்யஸ்து காமஹத ஆத்மரஜஃ ப்ரமார்ஷ்டு-
மீஹேத கர்ம யத ஏவ ரஜஃ புநஃ ஸ்யாத் ॥ ௩௩ ॥

இத்தம் ஸ்வபர்த்ரு'கதிதம் பகவந்மஹித்வம்
ஸம்ஸ்ம்ரு'த்ய விஸ்மிததியோ யமகிங்கராஸ்தே ।
நைவாச்யுதாஶ்ரயஜநம் ப்ரதிஶங்கமாநா
த்ரஷ்டும் ச பிப்யதி ததஃ ப்ரப்ரு'தி ஸ்ம ராஜந் ॥ ௩௪ ॥

இதிஹாஸமிமம் குஹ்யம் பகவாந் கும்பஸம்பவஃ ।
கதயாமாஸ மலய ஆஸீநோ ஹரிமர்சயந் ॥ ௩௫ ॥