শ্রীরাজোবাচ
দেবাসুরনৃণাং সর্গো নাগানাং মৃগপক্ষিণাম্ ।
সামাসিকস্ত্বযা প্রোক্তো যস্তু স্বাযম্ভুবেঽন্তরে ॥ ১ ॥
দেবাসুরনৃণাং সর্গো নাগানাং মৃগপক্ষিণাম্ ।
সামাসিকস্ত্বযা প্রোক্তো যস্তু স্বাযম্ভুবেঽন্তরে ॥ ১ ॥
তস্যৈব ব্যাসমিচ্ছামি জ্ঞাতুং তে ভগবন্ যথা ।
অনুসর্গং যযা শক্ত্যা সসর্জ ভগবান্ পরঃ ॥ ২ ॥
অনুসর্গং যযা শক্ত্যা সসর্জ ভগবান্ পরঃ ॥ ২ ॥
শ্রীসূত উবাচ
ইতি সম্প্রশ্নমাকর্ণ্য রাজর্ষের্বাদরাযণিঃ ।
প্রতিনন্দ্য মহাযোগী জগাদ মুনিসত্তমাঃ ॥ ৩ ॥
ইতি সম্প্রশ্নমাকর্ণ্য রাজর্ষের্বাদরাযণিঃ ।
প্রতিনন্দ্য মহাযোগী জগাদ মুনিসত্তমাঃ ॥ ৩ ॥
শ্রীশুক উবাচ
যদা প্রচেতসঃ পুত্রা দশ প্রাচীনবর্হিষঃ ।
অন্তঃসমুদ্রাদুন্মগ্না দদৃশুর্গাং দ্রুমৈর্বৃতাম্ ॥ ৪ ॥
যদা প্রচেতসঃ পুত্রা দশ প্রাচীনবর্হিষঃ ।
অন্তঃসমুদ্রাদুন্মগ্না দদৃশুর্গাং দ্রুমৈর্বৃতাম্ ॥ ৪ ॥
দ্রুমেভ্যঃ ক্রুধ্যমানাস্তে তপোদীপিতমন্যবঃ ।
মুখতো বাযুমগ্নিং চ সসৃজুস্তদ্দিধক্ষযা ॥ ৫ ॥
মুখতো বাযুমগ্নিং চ সসৃজুস্তদ্দিধক্ষযা ॥ ৫ ॥
তাভ্যাং নির্দহ্যমানাংস্তানুপলভ্য কুরূদ্বহ ।
রাজোবাচ মহান্ সোমো মন্যুং প্রশমযন্নিব ॥ ৬ ॥
রাজোবাচ মহান্ সোমো মন্যুং প্রশমযন্নিব ॥ ৬ ॥
ন দ্রুমেভ্যো মহাভাগা দীনেভ্যো দ্রোগ্ধুমর্হথ ।
বিবর্ধযিষবো যূযং প্রজানাং পতযঃ স্মৃতাঃ ॥ ৭ ॥
বিবর্ধযিষবো যূযং প্রজানাং পতযঃ স্মৃতাঃ ॥ ৭ ॥
অহো প্রজাপতিপতির্ভগবান্ হরিরব্যযঃ ।
বনস্পতীনোষধীশ্চ সসর্জোর্জমিষং বিভুঃ ॥ ৮ ॥
বনস্পতীনোষধীশ্চ সসর্জোর্জমিষং বিভুঃ ॥ ৮ ॥
অন্নং চরাণামচরা হ্যপদঃ পাদচারিণাম্ ।
অহস্তা হস্তযুক্তানাং দ্বিপদাং চ চতুষ্পদঃ ॥ ৯ ॥
অহস্তা হস্তযুক্তানাং দ্বিপদাং চ চতুষ্পদঃ ॥ ৯ ॥
যূযং চ পিত্রান্বাদিষ্টা দেবদেবেন চানঘাঃ ।
প্রজাসর্গায হি কথং বৃক্ষান্নির্দগ্ধুমর্হথ ॥ ১০ ॥
প্রজাসর্গায হি কথং বৃক্ষান্নির্দগ্ধুমর্হথ ॥ ১০ ॥
আতিষ্ঠত সতাং মার্গং কোপং যচ্ছত দীপিতম্ ।
পিত্রা পিতামহেনাপি জুষ্টং বঃ প্রপিতামহৈঃ ॥ ১১ ॥
পিত্রা পিতামহেনাপি জুষ্টং বঃ প্রপিতামহৈঃ ॥ ১১ ॥
তোকানাং পিতরৌ বন্ধূ দৃশঃ পক্ষ্ম স্ত্রিযাঃ পতিঃ ।
পতিঃ প্রজানাং ভিক্ষূণাং গৃহ্যজ্ঞানাং বুধঃ সুহৃত্ ॥ ১২ ॥
পতিঃ প্রজানাং ভিক্ষূণাং গৃহ্যজ্ঞানাং বুধঃ সুহৃত্ ॥ ১২ ॥
অন্তর্দেহেষু ভূতানামাত্মাস্তে হরিরীশ্বরঃ ।
সর্বং তদ্ধিষ্ণ্যমীক্ষধ্বমেবং বস্তোষিতো হ্যসৌ ॥ ১৩ ॥
সর্বং তদ্ধিষ্ণ্যমীক্ষধ্বমেবং বস্তোষিতো হ্যসৌ ॥ ১৩ ॥
যঃ সমুত্পতিতং দেহ আকাশান্মন্যুমুল্বণম্ ।
আত্মজিজ্ঞাসযা যচ্ছেত্স গুণানতিবর্ততে ॥ ১৪ ॥
আত্মজিজ্ঞাসযা যচ্ছেত্স গুণানতিবর্ততে ॥ ১৪ ॥
অলং দগ্ধৈর্দ্রুমৈর্দীনৈঃ খিলানাং শিবমস্তু বঃ ।
বার্ক্ষী হ্যেষা বরা কন্যা পত্নীত্বে প্রতিগৃহ্যতাম্ ॥ ১৫ ॥
বার্ক্ষী হ্যেষা বরা কন্যা পত্নীত্বে প্রতিগৃহ্যতাম্ ॥ ১৫ ॥
ইত্যামন্ত্র্য বরারোহাং কন্যামাপ্সরসীং নৃপ ।
সোমো রাজা যযৌ দত্ত্বা তে ধর্মেণোপযেমিরে ॥ ১৬ ॥
সোমো রাজা যযৌ দত্ত্বা তে ধর্মেণোপযেমিরে ॥ ১৬ ॥
তেভ্যস্তস্যাং সমভবদ্ দক্ষঃ প্রাচেতসঃ কিল ।
যস্য প্রজাবিসর্গেণ লোকা আপূরিতাস্ত্রযঃ ॥ ১৭ ॥
যস্য প্রজাবিসর্গেণ লোকা আপূরিতাস্ত্রযঃ ॥ ১৭ ॥
যথা সসর্জ ভূতানি দক্ষো দুহিতৃবত্সলঃ ।
রেতসা মনসা চৈব তন্মমাবহিতঃ শৃণু ॥ ১৮ ॥
রেতসা মনসা চৈব তন্মমাবহিতঃ শৃণু ॥ ১৮ ॥
মনসৈবাসৃজত্পূর্বং প্রজাপতিরিমাঃ প্রজাঃ ।
দেবাসুরমনুষ্যাদীন্নভঃস্থলজলৌকসঃ ॥ ১৯ ॥
দেবাসুরমনুষ্যাদীন্নভঃস্থলজলৌকসঃ ॥ ১৯ ॥
তমবৃংহিতমালোক্য প্রজাসর্গং প্রজাপতিঃ ।
বিন্ধ্যপাদানুপব্রজ্য সোঽচরদ্দুষ্করং তপঃ ॥ ২০ ॥
বিন্ধ্যপাদানুপব্রজ্য সোঽচরদ্দুষ্করং তপঃ ॥ ২০ ॥
তত্রাঘমর্ষণং নাম তীর্থং পাপহরং পরম্ ।
উপস্পৃশ্যানুসবনং তপসাতোষযদ্ধরিম্ ॥ ২১ ॥
উপস্পৃশ্যানুসবনং তপসাতোষযদ্ধরিম্ ॥ ২১ ॥
অস্তৌষীদ্ধংসগুহ্যেন ভগবন্তমধোক্ষজম্ ।
তুভ্যং তদভিধাস্যামি কস্যাতুষ্যদ্যথা হরিঃ ॥ ২২ ॥
তুভ্যং তদভিধাস্যামি কস্যাতুষ্যদ্যথা হরিঃ ॥ ২২ ॥
শ্রীপ্রজাপতিরুবাচ
নমঃ পরাযাবিতথানুভূতযে
গুণত্রযাভাসনিমিত্তবন্ধবে ।
অদৃষ্টধাম্নে গুণতত্ত্ববুদ্ধিভি-
র্নিবৃত্তমানায দধে স্বযম্ভুবে ॥ ২৩ ॥
নমঃ পরাযাবিতথানুভূতযে
গুণত্রযাভাসনিমিত্তবন্ধবে ।
অদৃষ্টধাম্নে গুণতত্ত্ববুদ্ধিভি-
র্নিবৃত্তমানায দধে স্বযম্ভুবে ॥ ২৩ ॥
ন যস্য সখ্যং পুরুষোঽবৈতি সখ্যুঃ
সখা বসন্ সংবসতঃ পুরেঽস্মিন্ ।
গুণো যথা গুণিনো ব্যক্তদৃষ্টে-
স্তস্মৈ মহেশায নমস্করোমি ॥ ২৪ ॥
সখা বসন্ সংবসতঃ পুরেঽস্মিন্ ।
গুণো যথা গুণিনো ব্যক্তদৃষ্টে-
স্তস্মৈ মহেশায নমস্করোমি ॥ ২৪ ॥
দেহোঽসবোঽক্ষা মনবো ভূতমাত্রা-
মাত্মানমন্যং চ বিদুঃ পরং যত্ ।
সর্বং পুমান্ বেদ গুণাংশ্চ তজ্জ্ঞো
ন বেদ সর্বজ্ঞমনন্তমীডে ॥ ২৫ ॥
মাত্মানমন্যং চ বিদুঃ পরং যত্ ।
সর্বং পুমান্ বেদ গুণাংশ্চ তজ্জ্ঞো
ন বেদ সর্বজ্ঞমনন্তমীডে ॥ ২৫ ॥
যদোপরামো মনসো নামরূপ-
রূপস্য দৃষ্টস্মৃতিসম্প্রমোষাত্ ।
য ঈযতে কেবলযা স্বসংস্থযা
হংসায তস্মৈ শুচিসদ্মনে নমঃ ॥ ২৬ ॥
রূপস্য দৃষ্টস্মৃতিসম্প্রমোষাত্ ।
য ঈযতে কেবলযা স্বসংস্থযা
হংসায তস্মৈ শুচিসদ্মনে নমঃ ॥ ২৬ ॥
মনীষিণোঽন্তর্হৃদি সন্নিবেশিতং
স্বশক্তিভির্নবভিশ্চ ত্রিবৃদ্ভিঃ ।
বহ্নিং যথা দারুণি পাঞ্চদশ্যং
মনীষযা নিষ্কর্ষন্তি গূঢম্ ॥ ২৭ ॥
স্বশক্তিভির্নবভিশ্চ ত্রিবৃদ্ভিঃ ।
বহ্নিং যথা দারুণি পাঞ্চদশ্যং
মনীষযা নিষ্কর্ষন্তি গূঢম্ ॥ ২৭ ॥
স বৈ মমাশেষবিশেষমাযা
নিষেধনির্বাণসুখানুভূতিঃ ।
স সর্বনামা স চ বিশ্বরূপঃ
প্রসীদতামনিরুক্তাত্মশক্তিঃ ॥ ২৮ ॥
নিষেধনির্বাণসুখানুভূতিঃ ।
স সর্বনামা স চ বিশ্বরূপঃ
প্রসীদতামনিরুক্তাত্মশক্তিঃ ॥ ২৮ ॥
যদ্যন্নিরুক্তং বচসা নিরূপিতং
ধিযাক্ষভির্বা মনসোত যস্য ।
মা ভূত্স্বরূপং গুণরূপং হি তত্তত্
স বৈ গুণাপাযবিসর্গলক্ষণঃ ॥ ২৯ ॥
ধিযাক্ষভির্বা মনসোত যস্য ।
মা ভূত্স্বরূপং গুণরূপং হি তত্তত্
স বৈ গুণাপাযবিসর্গলক্ষণঃ ॥ ২৯ ॥
যস্মিন্যতো যেন চ যস্য যস্মৈ
যদ্যো যথা কুরুতে কার্যতে চ ।
পরাবরেষাং পরমং প্রাক্ প্রসিদ্ধং
তদ্ ব্রহ্ম তদ্ধেতুরনন্যদেকম্ ॥ ৩০ ॥
যদ্যো যথা কুরুতে কার্যতে চ ।
পরাবরেষাং পরমং প্রাক্ প্রসিদ্ধং
তদ্ ব্রহ্ম তদ্ধেতুরনন্যদেকম্ ॥ ৩০ ॥
যচ্ছক্তযো বদতাং বাদিনাং বৈ
বিবাদসংবাদভুবো ভবন্তি ।
কুর্বন্তি চৈষাং মুহুরাত্মমোহং
তস্মৈ নমোঽনন্তগুণায ভূম্নে ॥ ৩১ ॥
বিবাদসংবাদভুবো ভবন্তি ।
কুর্বন্তি চৈষাং মুহুরাত্মমোহং
তস্মৈ নমোঽনন্তগুণায ভূম্নে ॥ ৩১ ॥
অস্তীতি নাস্তীতি চ বস্তুনিষ্ঠযো-
রেকস্থযোর্ভিন্নবিরুদ্ধধর্মণোঃ ।
অবেক্ষিতং কিঞ্চন যোগসাঙ্খ্যযোঃ
সমং পরং হ্যনুকূলং বৃহত্তত্ ॥ ৩২ ॥
রেকস্থযোর্ভিন্নবিরুদ্ধধর্মণোঃ ।
অবেক্ষিতং কিঞ্চন যোগসাঙ্খ্যযোঃ
সমং পরং হ্যনুকূলং বৃহত্তত্ ॥ ৩২ ॥
যোঽনুগ্রহার্থং ভজতাং পাদমূল-
মনামরূপো ভগবাননন্তঃ ।
নামানি রূপাণি চ জন্মকর্মভি-
র্ভেজে স মহ্যং পরমঃ প্রসীদতু ॥ ৩৩ ॥
মনামরূপো ভগবাননন্তঃ ।
নামানি রূপাণি চ জন্মকর্মভি-
র্ভেজে স মহ্যং পরমঃ প্রসীদতু ॥ ৩৩ ॥
যঃ প্রাকৃতৈর্জ্ঞানপথৈর্জনানাং
যথাশযং দেহগতো বিভাতি ।
যথানিলঃ পার্থিবমাশ্রিতো গুণং
স ঈশ্বরো মে কুরুতাং মনোরথম্ ॥ ৩৪ ॥
যথাশযং দেহগতো বিভাতি ।
যথানিলঃ পার্থিবমাশ্রিতো গুণং
স ঈশ্বরো মে কুরুতাং মনোরথম্ ॥ ৩৪ ॥
শ্রীশুক উবাচ
ইতি স্তুতঃ সংস্তুবতঃ স তস্মিন্নঘমর্ষণে ।
প্রাদুরাসীত্কুরুশ্রেষ্ঠ ভগবান্ ভক্তবত্সলঃ ॥ ৩৫ ॥
ইতি স্তুতঃ সংস্তুবতঃ স তস্মিন্নঘমর্ষণে ।
প্রাদুরাসীত্কুরুশ্রেষ্ঠ ভগবান্ ভক্তবত্সলঃ ॥ ৩৫ ॥
কৃতপাদঃ সুপর্ণাংসে প্রলম্বাষ্টমহাভুজঃ ।
চক্রশঙ্খাসিচর্মেষুধনুঃপাশগদাধরঃ ॥ ৩৬ ॥
চক্রশঙ্খাসিচর্মেষুধনুঃপাশগদাধরঃ ॥ ৩৬ ॥
পীতবাসা ঘনশ্যামঃ প্রসন্নবদনেক্ষণঃ ।
বনমালানিবীতাঙ্গো লসচ্ছ্রীবত্সকৌস্তুভঃ ॥ ৩৭ ॥
বনমালানিবীতাঙ্গো লসচ্ছ্রীবত্সকৌস্তুভঃ ॥ ৩৭ ॥
মহাকিরীটকটকঃ স্ফুরন্মকরকুণ্ডলঃ ।
কাঞ্চ্যঙ্গুলীযবলযনূপুরাঙ্গদভূষিতঃ ॥ ৩৮ ॥
কাঞ্চ্যঙ্গুলীযবলযনূপুরাঙ্গদভূষিতঃ ॥ ৩৮ ॥
ত্রৈলোক্যমোহনং রূপং বিভ্রত্ ত্রিভুবনেশ্বরঃ ।
বৃতো নারদনন্দাদ্যৈঃ পার্ষদৈঃ সুরযূথপৈঃ ।
স্তূযমানোঽনুগাযদ্ভিঃ সিদ্ধগন্ধর্বচারণৈঃ ॥ ৩৯ ॥
বৃতো নারদনন্দাদ্যৈঃ পার্ষদৈঃ সুরযূথপৈঃ ।
স্তূযমানোঽনুগাযদ্ভিঃ সিদ্ধগন্ধর্বচারণৈঃ ॥ ৩৯ ॥
রূপং তন্মহদাশ্চর্যং বিচক্ষ্যাগতসাধ্বসঃ ।
ননাম দণ্ডবদ্ভূমৌ প্রহৃষ্টাত্মা প্রজাপতিঃ ॥ ৪০ ॥
ননাম দণ্ডবদ্ভূমৌ প্রহৃষ্টাত্মা প্রজাপতিঃ ॥ ৪০ ॥
ন কিঞ্চনোদীরযিতুমশকত্ তীব্রযা মুদা ।
আপূরিতমনোদ্বারৈর্হ্রদিন্য ইব নির্ঝরৈঃ ॥ ৪১ ॥
আপূরিতমনোদ্বারৈর্হ্রদিন্য ইব নির্ঝরৈঃ ॥ ৪১ ॥
তং তথাবনতং ভক্তং প্রজাকামং প্রজাপতিম্ ।
চিত্তজ্ঞঃ সর্বভূতানামিদমাহ জনার্দনঃ ॥ ৪২ ॥
চিত্তজ্ঞঃ সর্বভূতানামিদমাহ জনার্দনঃ ॥ ৪২ ॥
শ্রীভগবানুবাচ
প্রাচেতস মহাভাগ সংসিদ্ধস্তপসা ভবান্ ।
যচ্ছ্রদ্ধযা মত্পরযা মযি ভাবং পরং গতঃ ॥ ৪৩ ॥
প্রাচেতস মহাভাগ সংসিদ্ধস্তপসা ভবান্ ।
যচ্ছ্রদ্ধযা মত্পরযা মযি ভাবং পরং গতঃ ॥ ৪৩ ॥
প্রীতোঽহং তে প্রজানাথ যত্তেঽস্যোদ্বৃংহণং তপঃ ।
মমৈষ কামো ভূতানাং যদ্ভূযাসুর্বিভূতযঃ ॥ ৪৪ ॥
মমৈষ কামো ভূতানাং যদ্ভূযাসুর্বিভূতযঃ ॥ ৪৪ ॥
ব্রহ্মা ভবো ভবন্তশ্চ মনবো বিবুধেশ্বরাঃ ।
বিভূতযো মম হ্যেতা ভূতানাং ভূতিহেতবঃ ॥ ৪৫ ॥
বিভূতযো মম হ্যেতা ভূতানাং ভূতিহেতবঃ ॥ ৪৫ ॥
তপো মে হৃদযং ব্রহ্মংস্তনুর্বিদ্যা ক্রিযাকৃতিঃ ।
অঙ্গানি ক্রতবো জাতা ধর্ম আত্মাসবঃ সুরাঃ ॥ ৪৬ ॥
অঙ্গানি ক্রতবো জাতা ধর্ম আত্মাসবঃ সুরাঃ ॥ ৪৬ ॥
অহমেবাসমেবাগ্রে নান্যত্ কিঞ্চান্তরং বহিঃ ।
সংজ্ঞানমাত্রমব্যক্তং প্রসুপ্তমিব বিশ্বতঃ ॥ ৪৭ ॥
সংজ্ঞানমাত্রমব্যক্তং প্রসুপ্তমিব বিশ্বতঃ ॥ ৪৭ ॥
ময্যনন্তগুণেঽনন্তে গুণতো গুণবিগ্রহঃ ।
যদাসীত্তত এবাদ্যঃ স্বযম্ভূঃ সমভূদজঃ ॥ ৪৮ ॥
যদাসীত্তত এবাদ্যঃ স্বযম্ভূঃ সমভূদজঃ ॥ ৪৮ ॥
স বৈ যদা মহাদেবো মম বীর্যোপবৃংহিতঃ ।
মেনে খিলমিবাত্মানমুদ্যতঃ স্বর্গকর্মণি ॥ ৪৯ ॥
মেনে খিলমিবাত্মানমুদ্যতঃ স্বর্গকর্মণি ॥ ৪৯ ॥
অথ মেঽভিহিতো দেবস্তপোঽতপ্যত দারুণম্ ।
নব বিশ্বসৃজো যুষ্মান্ যেনাদাবসৃজদ্বিভুঃ ॥ ৫০ ॥
নব বিশ্বসৃজো যুষ্মান্ যেনাদাবসৃজদ্বিভুঃ ॥ ৫০ ॥
এষা পঞ্চজনস্যাঙ্গ দুহিতা বৈ প্রজাপতেঃ ।
অসিক্নী নাম পত্নীত্বে প্রজেশ প্রতিগৃহ্যতাম্ ॥ ৫১ ॥
অসিক্নী নাম পত্নীত্বে প্রজেশ প্রতিগৃহ্যতাম্ ॥ ৫১ ॥
মিথুনব্যবাযধর্মস্ত্বং প্রজাসর্গমিমং পুনঃ ।
মিথুনব্যবাযধর্মিণ্যাং ভূরিশো ভাবযিষ্যসি ॥ ৫২ ॥
মিথুনব্যবাযধর্মিণ্যাং ভূরিশো ভাবযিষ্যসি ॥ ৫২ ॥
ত্বত্তোঽধস্তাত্প্রজাঃ সর্বা মিথুনীভূয মাযযা ।
মদীযযা ভবিষ্যন্তি হরিষ্যন্তি চ মে বলিম্ ॥ ৫৩ ॥
মদীযযা ভবিষ্যন্তি হরিষ্যন্তি চ মে বলিম্ ॥ ৫৩ ॥
শ্রীশুক উবাচ
ইত্যুক্ত্বা মিষতস্তস্য ভগবান্ বিশ্বভাবনঃ ।
স্বপ্নোপলব্ধার্থ ইব তত্রৈবান্তর্দধে হরিঃ ॥ ৫৪ ॥
ইত্যুক্ত্বা মিষতস্তস্য ভগবান্ বিশ্বভাবনঃ ।
স্বপ্নোপলব্ধার্থ ইব তত্রৈবান্তর্দধে হরিঃ ॥ ৫৪ ॥