శ్రీనారద ఉవాచ
భక్తియోగస్య తత్సర్వమన్తరాయతయార్భకః ।
మన్యమానో హృషీకేశం స్మయమాన ఉవాచహ ॥ ౧ ॥
భక్తియోగస్య తత్సర్వమన్తరాయతయార్భకః ।
మన్యమానో హృషీకేశం స్మయమాన ఉవాచహ ॥ ౧ ॥
శ్రీప్రహ్రాద ఉవాచ
మా మాం ప్రలోభయోత్పత్త్యా సక్తం కామేషు తైర్వరైః ।
తత్సఙ్గభీతో నిర్విణ్ణో ముముక్షుస్త్వాముపాశ్రితః ॥ ౨ ॥
మా మాం ప్రలోభయోత్పత్త్యా సక్తం కామేషు తైర్వరైః ।
తత్సఙ్గభీతో నిర్విణ్ణో ముముక్షుస్త్వాముపాశ్రితః ॥ ౨ ॥
భృత్యలక్షణజిజ్ఞాసుర్భక్తం కామేష్వచోదయత్ ।
భవాన్ సంసారబీజేషు హృదయగ్రన్థిషు ప్రభో ॥ ౩ ॥
భవాన్ సంసారబీజేషు హృదయగ్రన్థిషు ప్రభో ॥ ౩ ॥
నాన్యథా తేఽఖిలగురో ఘటేత కరుణాత్మనః ।
యస్త ఆశిష ఆశాస్తే న స భృత్యః స వై వణిక్ ॥ ౪ ॥
యస్త ఆశిష ఆశాస్తే న స భృత్యః స వై వణిక్ ॥ ౪ ॥
ఆశాసానో న వై భృత్యః స్వామిన్యాశిష ఆత్మనః ।
న స్వామీ భృత్యతః స్వామ్యమిచ్ఛన్యో రాతి చాశిషః ॥ ౫ ॥
న స్వామీ భృత్యతః స్వామ్యమిచ్ఛన్యో రాతి చాశిషః ॥ ౫ ॥
అహం త్వకామస్త్వద్భక్తస్త్వం చ స్వామ్యనపాశ్రయః ।
నాన్యథేహావయోరర్థో రాజసేవకయోరివ ॥ ౬ ॥
నాన్యథేహావయోరర్థో రాజసేవకయోరివ ॥ ౬ ॥
యది దాస్యసి మే కామాన్వరాంస్త్వం వరదర్షభ ।
కామానాం హృద్యసంరోహం భవతస్తు వృణే వరమ్ ॥ ౭ ॥
కామానాం హృద్యసంరోహం భవతస్తు వృణే వరమ్ ॥ ౭ ॥
ఇన్ద్రియాణి మనః ప్రాణ ఆత్మా ధర్మో ధృతిర్మతిః ।
హ్రీః శ్రీస్తేజః స్మృతిః సత్యం యస్య నశ్యన్తి జన్మనా ॥ ౮ ॥
హ్రీః శ్రీస్తేజః స్మృతిః సత్యం యస్య నశ్యన్తి జన్మనా ॥ ౮ ॥
విముఞ్చతి యదా కామాన్మానవో మనసి స్థితాన్ ।
తర్హ్యేవ పుణ్డరీకాక్ష భగవత్త్వాయ కల్పతే ॥ ౯ ॥
తర్హ్యేవ పుణ్డరీకాక్ష భగవత్త్వాయ కల్పతే ॥ ౯ ॥
ఓం నమో భగవతే తుభ్యం పురుషాయ మహాత్మనే ।
హరయేఽద్భుతసింహాయ బ్రహ్మణే పరమాత్మనే ॥ ౧౦ ॥
హరయేఽద్భుతసింహాయ బ్రహ్మణే పరమాత్మనే ॥ ౧౦ ॥
శ్రీభగవానువాచ
నైకాన్తినో మే మయి జాత్విహాశిష
ఆశాసతేఽముత్ర చ యే భవద్విధాః ।
తథాపి మన్వన్తరమేతదత్ర
దైత్యేశ్వరాణామనుభుఙ్క్ష్వ భోగాన్ ॥ ౧౧ ॥
నైకాన్తినో మే మయి జాత్విహాశిష
ఆశాసతేఽముత్ర చ యే భవద్విధాః ।
తథాపి మన్వన్తరమేతదత్ర
దైత్యేశ్వరాణామనుభుఙ్క్ష్వ భోగాన్ ॥ ౧౧ ॥
కథా మదీయా జుషమాణః ప్రియాస్త్వ-
మావేశ్య మామాత్మని సన్తమేకమ్ ।
సర్వేషు భూతేష్వధియజ్ఞమీశం
యజస్వ యోగేన చ కర్మ హిన్వన్ ॥ ౧౨ ॥
మావేశ్య మామాత్మని సన్తమేకమ్ ।
సర్వేషు భూతేష్వధియజ్ఞమీశం
యజస్వ యోగేన చ కర్మ హిన్వన్ ॥ ౧౨ ॥
భోగేన పుణ్యం కుశలేన పాపం
కలేవరం కాలజవేన హిత్వా ।
కీర్తిం విశుద్ధాం సురలోకగీతాం
వితాయ మామేష్యసి ముక్తబన్ధః ॥ ౧౩ ॥
కలేవరం కాలజవేన హిత్వా ।
కీర్తిం విశుద్ధాం సురలోకగీతాం
వితాయ మామేష్యసి ముక్తబన్ధః ॥ ౧౩ ॥
య ఏతత్కీర్తయేన్మహ్యం త్వయా గీతమిదం నరః ।
త్వాం చ మాం చ స్మరన్కాలే కర్మబన్ధాత్ప్రముచ్యతే ॥ ౧౪ ॥
త్వాం చ మాం చ స్మరన్కాలే కర్మబన్ధాత్ప్రముచ్యతే ॥ ౧౪ ॥
శ్రీప్రహ్రాద ఉవాచ
వరం వరయ ఏతత్తే వరదేశాన్మహేశ్వర ।
యదనిన్దత్పితా మే త్వామవిద్వాంస్తేజ ఐశ్వరమ్ ॥ ౧౫ ॥
వరం వరయ ఏతత్తే వరదేశాన్మహేశ్వర ।
యదనిన్దత్పితా మే త్వామవిద్వాంస్తేజ ఐశ్వరమ్ ॥ ౧౫ ॥
విద్ధామర్షాశయః సాక్షాత్సర్వలోకగురుం ప్రభుమ్ ।
భ్రాతృహేతి మృషాదృష్టిస్త్వద్భక్తే మయి చాఘవాన్ ॥ ౧౬ ॥
భ్రాతృహేతి మృషాదృష్టిస్త్వద్భక్తే మయి చాఘవాన్ ॥ ౧౬ ॥
తస్మాత్పితా మే పూయేత దురన్తాద్ దుస్తరాదఘాత్ ।
పూతస్తేఽపాఙ్గసందృష్టస్తదా కృపణవత్సల ॥ ౧౭ ॥
పూతస్తేఽపాఙ్గసందృష్టస్తదా కృపణవత్సల ॥ ౧౭ ॥
శ్రీభగవానువాచ
త్రిఃసప్తభిః పితా పూతః పితృభిః సహ తేఽనఘ ।
యత్సాధోఽస్య కులే జాతో భవాన్వై కులపావనః ॥ ౧౮ ॥
త్రిఃసప్తభిః పితా పూతః పితృభిః సహ తేఽనఘ ।
యత్సాధోఽస్య కులే జాతో భవాన్వై కులపావనః ॥ ౧౮ ॥
యత్ర యత్ర చ మద్భక్తాః ప్రశాన్తాః సమదర్శినః ।
సాధవః సముదాచారాస్తే పూయన్తేఽపి కీకటాః ॥ ౧౯ ॥
సాధవః సముదాచారాస్తే పూయన్తేఽపి కీకటాః ॥ ౧౯ ॥
సర్వాత్మనా న హింసన్తి భూతగ్రామేషు కిఞ్చన ।
ఉచ్చావచేషు దైత్యేన్ద్ర మద్భావవిగతస్పృహాః ॥ ౨౦ ॥
ఉచ్చావచేషు దైత్యేన్ద్ర మద్భావవిగతస్పృహాః ॥ ౨౦ ॥
భవన్తి పురుషా లోకే మద్భక్తాస్త్వామనువ్రతాః ।
భవాన్మే ఖలు భక్తానాం సర్వేషాం ప్రతిరూపధృక్ ॥ ౨౧ ॥
భవాన్మే ఖలు భక్తానాం సర్వేషాం ప్రతిరూపధృక్ ॥ ౨౧ ॥
కురు త్వం ప్రేతకృత్యాని పితుః పూతస్య సర్వశః ।
మదఙ్గస్పర్శనేనాఙ్గ లోకాన్యాస్యతి సుప్రజాః ॥ ౨౨ ॥
మదఙ్గస్పర్శనేనాఙ్గ లోకాన్యాస్యతి సుప్రజాః ॥ ౨౨ ॥
పిత్ర్యం చ స్థానమాతిష్ఠ యథోక్తం బ్రహ్మవాదిభిః ।
మయ్యావేశ్య మనస్తాత కురు కర్మాణి మత్పరః ॥ ౨౩ ॥
మయ్యావేశ్య మనస్తాత కురు కర్మాణి మత్పరః ॥ ౨౩ ॥
శ్రీనారద ఉవాచ
ప్రహ్రాదోఽపి తథా చక్రే పితుర్యత్సామ్పరాయికమ్ ।
యథాహ భగవాన్ రాజన్నభిషిక్తో ద్విజాతిభిః ॥ ౨౪ ॥
ప్రహ్రాదోఽపి తథా చక్రే పితుర్యత్సామ్పరాయికమ్ ।
యథాహ భగవాన్ రాజన్నభిషిక్తో ద్విజాతిభిః ॥ ౨౪ ॥
ప్రసాదసుముఖం దృష్ట్వా బ్రహ్మా నరహరిం హరిమ్ ।
స్తుత్వా వాగ్భిః పవిత్రాభిః ప్రాహ దేవాదిభిర్వృతః ॥ ౨౫ ॥
స్తుత్వా వాగ్భిః పవిత్రాభిః ప్రాహ దేవాదిభిర్వృతః ॥ ౨౫ ॥
శ్రీబ్రహ్మోవాచ
దేవదేవాఖిలాధ్యక్ష భూతభావన పూర్వజ ।
దిష్టయా తే నిహతః పాపో లోకసన్తాపనోఽసురః ॥ ౨౬ ॥
దేవదేవాఖిలాధ్యక్ష భూతభావన పూర్వజ ।
దిష్టయా తే నిహతః పాపో లోకసన్తాపనోఽసురః ॥ ౨౬ ॥
యోఽసౌ లబ్ధవరో మత్తో న వధ్యో మమ సృష్టిభిః ।
తపోయోగబలోన్నద్ధః సమస్తనిగమానహన్ ॥ ౨౭ ॥
తపోయోగబలోన్నద్ధః సమస్తనిగమానహన్ ॥ ౨౭ ॥
దిష్టయా తత్తనయః సాధుర్మహాభాగవతోఽర్భకః ।
త్వయా విమోచితో మృత్యోర్దిష్టయా త్వాం సమితోఽధునా ॥ ౨౮ ॥
త్వయా విమోచితో మృత్యోర్దిష్టయా త్వాం సమితోఽధునా ॥ ౨౮ ॥
ఏతద్ వపుస్తే భగవన్ధ్యాయతః పరమాత్మనః ।
సర్వతో గోప్తృ సన్త్రాసాన్మృత్యోరపి జిఘాంసతః ॥ ౨౯ ॥
సర్వతో గోప్తృ సన్త్రాసాన్మృత్యోరపి జిఘాంసతః ॥ ౨౯ ॥
శ్రీభగవానువాచ
మైవం విభోఽసురాణాం తే ప్రదేయః పద్మసమ్భవ ।
వరః క్రూరనిసర్గాణామహీనామమృతం యథా ॥ ౩౦ ॥
మైవం విభోఽసురాణాం తే ప్రదేయః పద్మసమ్భవ ।
వరః క్రూరనిసర్గాణామహీనామమృతం యథా ॥ ౩౦ ॥
శ్రీనారద ఉవాచ
ఇత్యుక్త్వా భగవాన్ రాజంస్తతశ్చాన్తర్దధే హరిః ।
అదృశ్యః సర్వభూతానాం పూజితః పరమేష్ఠినా ॥ ౩౧ ॥
ఇత్యుక్త్వా భగవాన్ రాజంస్తతశ్చాన్తర్దధే హరిః ।
అదృశ్యః సర్వభూతానాం పూజితః పరమేష్ఠినా ॥ ౩౧ ॥
తతః సమ్పూజ్య శిరసా వవన్దే పరమేష్ఠినమ్ ।
భవం ప్రజాపతీన్దేవాన్ప్రహ్రాదో భగవత్కలాః ॥ ౩౨ ॥
భవం ప్రజాపతీన్దేవాన్ప్రహ్రాదో భగవత్కలాః ॥ ౩౨ ॥
తతః కావ్యాదిభిః సార్ధం మునిభిః కమలాసనః ।
దైత్యానాం దానవానాం చ ప్రహ్రాదమకరోత్పతిమ్ ॥ ౩౩ ॥
దైత్యానాం దానవానాం చ ప్రహ్రాదమకరోత్పతిమ్ ॥ ౩౩ ॥
ప్రతినన్ద్య తతో దేవాః ప్రయుజ్య పరమాశిషః ।
స్వధామాని యయూ రాజన్బ్రహ్మాద్యాః ప్రతిపూజితాః ॥ ౩౪ ॥
స్వధామాని యయూ రాజన్బ్రహ్మాద్యాః ప్రతిపూజితాః ॥ ౩౪ ॥
ఏవం చ పార్షదౌ విష్ణోః పుత్రత్వం ప్రాపితౌ దితేః ।
హృది స్థితేన హరిణా వైరభావేన తౌ హతౌ ॥ ౩౫ ॥
హృది స్థితేన హరిణా వైరభావేన తౌ హతౌ ॥ ౩౫ ॥
పునశ్చ విప్రశాపేన రాక్షసౌ తౌ బభూవతుః ।
కుమ్భకర్ణదశగ్రీవౌ హతౌ తౌ రామవిక్రమైః ॥ ౩౬ ॥
కుమ్భకర్ణదశగ్రీవౌ హతౌ తౌ రామవిక్రమైః ॥ ౩౬ ॥
శయానౌ యుధి నిర్భిన్నహృదయౌ రామశాయకైః ।
తచ్చిత్తౌ జహతుర్దేహం యథా ప్రాక్తనజన్మని ॥ ౩౭ ॥
తచ్చిత్తౌ జహతుర్దేహం యథా ప్రాక్తనజన్మని ॥ ౩౭ ॥
తావిహాథ పునర్జాతౌ శిశుపాలకరూషజౌ ।
హరౌ వైరానుబన్ధేన పశ్యతస్తే సమీయతుః ॥ ౩౮ ॥
హరౌ వైరానుబన్ధేన పశ్యతస్తే సమీయతుః ॥ ౩౮ ॥
ఏనః పూర్వకృతం యత్ తద్ రాజానః కృష్ణవైరిణః ।
జహుస్తేఽన్తే తదాత్మానః కీటః పేశస్కృతో యథా ॥ ౩౯ ॥
జహుస్తేఽన్తే తదాత్మానః కీటః పేశస్కృతో యథా ॥ ౩౯ ॥
యథా యథా భగవతో భక్త్యా పరమయాభిదా ।
నృపాశ్చైద్యాదయః సాత్మ్యం హరేస్తచ్చిన్తయా యయుః ॥ ౪౦ ॥
నృపాశ్చైద్యాదయః సాత్మ్యం హరేస్తచ్చిన్తయా యయుః ॥ ౪౦ ॥
ఆఖ్యాతం సర్వమేతత్తే యన్మాం త్వం పరిపృష్టవాన్ ।
దమఘోషసుతాదీనాం హరేః సాత్మ్యమపి ద్విషామ్ ॥ ౪౧ ॥
దమఘోషసుతాదీనాం హరేః సాత్మ్యమపి ద్విషామ్ ॥ ౪౧ ॥
ఏషా బ్రహ్మణ్యదేవస్య కృష్ణస్య చ మహాత్మనః ।
అవతారకథా పుణ్యా వధో యత్రాదిదైత్యయోః ॥ ౪౨ ॥
అవతారకథా పుణ్యా వధో యత్రాదిదైత్యయోః ॥ ౪౨ ॥
ప్రహ్రాదస్యానుచరితం మహాభాగవతస్య చ ।
భక్తిర్జ్ఞానం విరక్తిశ్చ యాథార్థ్యం చాస్య వై హరేః ॥ ౪౩ ॥
భక్తిర్జ్ఞానం విరక్తిశ్చ యాథార్థ్యం చాస్య వై హరేః ॥ ౪౩ ॥
సర్గస్థిత్యప్యయేశస్య గుణకర్మానువర్ణనమ్ ।
పరావరేషాం స్థానానాం కాలేన వ్యత్యయో మహాన్ ॥ ౪౪ ॥
పరావరేషాం స్థానానాం కాలేన వ్యత్యయో మహాన్ ॥ ౪౪ ॥
ధర్మో భాగవతానాం చ భగవాన్యేన గమ్యతే ।
ఆఖ్యానేఽస్మిన్సమామ్నాతమాధ్యాత్మికమశేషతః ॥ ౪౫ ॥
ఆఖ్యానేఽస్మిన్సమామ్నాతమాధ్యాత్మికమశేషతః ॥ ౪౫ ॥
య ఏతత్పుణ్యమాఖ్యానం విష్ణోర్వీర్యోపబృంహితమ్ ।
కీర్తయేచ్ఛ్రద్ధయా శ్రుత్వా కర్మపాశైర్విముచ్యతే ॥ ౪౬ ॥
కీర్తయేచ్ఛ్రద్ధయా శ్రుత్వా కర్మపాశైర్విముచ్యతే ॥ ౪౬ ॥
ఏతద్య ఆదిపురుషస్య మృగేన్ద్రలీలాం
దైత్యేన్ద్రయూథపవధం ప్రయతః పఠేత ।
దైత్యాత్మజస్య చ సతాం ప్రవరస్య పుణ్యం
శ్రుత్వానుభావమకుతోభయమేతి లోకమ్ ॥ ౪౭ ॥
దైత్యేన్ద్రయూథపవధం ప్రయతః పఠేత ।
దైత్యాత్మజస్య చ సతాం ప్రవరస్య పుణ్యం
శ్రుత్వానుభావమకుతోభయమేతి లోకమ్ ॥ ౪౭ ॥
యూయం నృలోకే బత భూరిభాగా
లోకం పునానా మునయోఽభియన్తి ।
యేషాం గృహానావసతీతి సాక్షాద్
గూఢం పరం బ్రహ్మ మనుష్యలిఙ్గమ్ ॥ ౪౮ ॥
లోకం పునానా మునయోఽభియన్తి ।
యేషాం గృహానావసతీతి సాక్షాద్
గూఢం పరం బ్రహ్మ మనుష్యలిఙ్గమ్ ॥ ౪౮ ॥
స వా అయం బ్రహ్మ మహద్విమృగ్య-
కైవల్యనిర్వాణసుఖానుభూతిః ।
ప్రియః సుహృద్ వః ఖలు మాతులేయ
ఆత్మార్హణీయో విధికృద్గురుశ్చ ॥ ౪౯ ॥
కైవల్యనిర్వాణసుఖానుభూతిః ।
ప్రియః సుహృద్ వః ఖలు మాతులేయ
ఆత్మార్హణీయో విధికృద్గురుశ్చ ॥ ౪౯ ॥
న యస్య సాక్షాద్భవపద్మజాదిభీ
రూపం ధియా వస్తుతయోపవర్ణితమ్ ।
మౌనేన భక్త్యోపశమేన పూజితః
ప్రసీదతామేష స సాత్వతాం పతిః ॥ ౫౦ ॥
రూపం ధియా వస్తుతయోపవర్ణితమ్ ।
మౌనేన భక్త్యోపశమేన పూజితః
ప్రసీదతామేష స సాత్వతాం పతిః ॥ ౫౦ ॥
స ఏష భగవాన్ రాజన్వ్యతనోద్విహతం యశః ।
పురా రుద్రస్య దేవస్య మయేనానన్తమాయినా ॥ ౫౧ ॥
పురా రుద్రస్య దేవస్య మయేనానన్తమాయినా ॥ ౫౧ ॥
రాజోవాచ
కస్మిన్కర్మణి దేవస్య మయోఽహఞ్జగదీశితుః ।
యథా చోపచితా కీర్తిః కృష్ణేనానేన కథ్యతామ్ ॥ ౫౨ ॥
కస్మిన్కర్మణి దేవస్య మయోఽహఞ్జగదీశితుః ।
యథా చోపచితా కీర్తిః కృష్ణేనానేన కథ్యతామ్ ॥ ౫౨ ॥
శ్రీనారద ఉవాచ
నిర్జితా అసురా దేవైర్యుధ్యనేనోపబృంహితైః ।
మాయినాం పరమాచార్యం మయం శరణమాయయుః ॥ ౫౩ ॥
నిర్జితా అసురా దేవైర్యుధ్యనేనోపబృంహితైః ।
మాయినాం పరమాచార్యం మయం శరణమాయయుః ॥ ౫౩ ॥
స నిర్మాయ పురస్తిస్రో హైమీరౌప్యాయసీర్విభుః ।
దుర్లక్ష్యాపాయసంయోగా దుర్వితర్క్యపరిచ్ఛదాః ॥ ౫౪ ॥
దుర్లక్ష్యాపాయసంయోగా దుర్వితర్క్యపరిచ్ఛదాః ॥ ౫౪ ॥
తాభిస్తేఽసురసేనాన్యో లోకాంస్త్రీన్ సేశ్వరాన్నృప ।
స్మరన్తో నాశయాం చక్రుః పూర్వవైరమలక్షితాః ॥ ౫౫ ॥
స్మరన్తో నాశయాం చక్రుః పూర్వవైరమలక్షితాః ॥ ౫౫ ॥
తతస్తే సేశ్వరా లోకా ఉపాసాద్యేశ్వరం నతాః ।
త్రాహి నస్తావకాన్దేవ వినష్టాంస్త్రిపురాలయైః ॥ ౫౬ ॥
త్రాహి నస్తావకాన్దేవ వినష్టాంస్త్రిపురాలయైః ॥ ౫౬ ॥
అథానుగృహ్య భగవాన్మా భైష్టేతి సురాన్విభుః ।
శరం ధనుషి సన్ధాయ పురేష్వస్త్రం వ్యముఞ్చత ॥ ౫౭ ॥
శరం ధనుషి సన్ధాయ పురేష్వస్త్రం వ్యముఞ్చత ॥ ౫౭ ॥
తతోఽగ్నివర్ణా ఇషవ ఉత్పేతుః సూర్యమణ్డలాత్ ।
యథా మయూఖసన్దోహా నాదృశ్యన్త పురో యతః ॥ ౫౮ ॥
యథా మయూఖసన్దోహా నాదృశ్యన్త పురో యతః ॥ ౫౮ ॥
తైః స్పృష్టా వ్యసవః సర్వే నిపేతుః స్మ పురౌకసః ।
తానానీయ మహాయోగీ మయః కూపరసేఽక్షిపత్ ॥ ౫౯ ॥
తానానీయ మహాయోగీ మయః కూపరసేఽక్షిపత్ ॥ ౫౯ ॥
సిద్ధామృతరసస్పృష్టా వజ్రసారా మహౌజసః ।
ఉత్తస్థుర్మేఘదలనా వైద్యుతా ఇవ వహ్నయః ॥ ౬౦ ॥
ఉత్తస్థుర్మేఘదలనా వైద్యుతా ఇవ వహ్నయః ॥ ౬౦ ॥
విలోక్య భగ్నసఙ్కల్పం విమనస్కం వృషధ్వజమ్ ।
తదాయం భగవాన్విష్ణుస్తత్రోపాయమకల్పయత్ ॥ ౬౧ ॥
తదాయం భగవాన్విష్ణుస్తత్రోపాయమకల్పయత్ ॥ ౬౧ ॥
వత్సశ్చాసీత్తదా బ్రహ్మా స్వయం విష్ణురయం హి గౌః ।
ప్రవిశ్య త్రిపురం కాలే రసకూపామృతం పపౌ ॥ ౬౨ ॥
ప్రవిశ్య త్రిపురం కాలే రసకూపామృతం పపౌ ॥ ౬౨ ॥
తేఽసురా హ్యపి పశ్యన్తో న న్యషేధన్విమోహితాః ।
తద్విజ్ఞాయ మహాయోగీ రసపాలానిదం జగౌ ।
స్మయన్విశోకః శోకార్తాన్స్మరన్దైవగతిం చ తామ్ ॥ ౬౩ ॥
తద్విజ్ఞాయ మహాయోగీ రసపాలానిదం జగౌ ।
స్మయన్విశోకః శోకార్తాన్స్మరన్దైవగతిం చ తామ్ ॥ ౬౩ ॥
దేవోఽసురో నరోఽన్యో వా నేశ్వరోఽస్తీహ కశ్చన ।
ఆత్మనోఽన్యస్య వా దిష్టం దైవేనాపోహితుం ద్వయోః ॥ ౬౪ ॥
ఆత్మనోఽన్యస్య వా దిష్టం దైవేనాపోహితుం ద్వయోః ॥ ౬౪ ॥
అథాసౌ శక్తిభిః స్వాభిః శమ్భోః ప్రాధానికం వ్యధాత్ ।
ధర్మజ్ఞానవిరక్త్యృద్ధితపోవిద్యాక్రియాదిభిః ॥ ౬౫ ॥
ధర్మజ్ఞానవిరక్త్యృద్ధితపోవిద్యాక్రియాదిభిః ॥ ౬౫ ॥
రథం సూతం ధ్వజం వాహాన్ధనుర్వర్మశరాది యత్ ।
సన్నద్ధో రథమాస్థాయ శరం ధనురుపాదదే ॥ ౬౬ ॥
సన్నద్ధో రథమాస్థాయ శరం ధనురుపాదదే ॥ ౬౬ ॥
శరం ధనుషి సన్ధాయ ముహూర్తేఽభిజితీశ్వరః ।
దదాహ తేన దుర్భేద్యా హరోఽథ త్రిపురో నృప ॥ ౬౭ ॥
దదాహ తేన దుర్భేద్యా హరోఽథ త్రిపురో నృప ॥ ౬౭ ॥
దివి దున్దుభయో నేదుర్విమానశతసఙ్కులాః ।
దేవర్షిపితృసిద్ధేశా జయేతి కుసుమోత్కరైః ।
అవాకిరఞ్జగుర్హృష్టా ననృతుశ్చాప్సరోగణాః ॥ ౬౮ ॥
దేవర్షిపితృసిద్ధేశా జయేతి కుసుమోత్కరైః ।
అవాకిరఞ్జగుర్హృష్టా ననృతుశ్చాప్సరోగణాః ॥ ౬౮ ॥
ఏవం దగ్ధ్వా పురస్తిస్రో భగవాన్పురహా నృప ।
బ్రహ్మాదిభిః స్తూయమానః స్వం ధామ ప్రత్యపద్యత ॥ ౬౯ ॥
బ్రహ్మాదిభిః స్తూయమానః స్వం ధామ ప్రత్యపద్యత ॥ ౬౯ ॥
ఏవం విధాన్యస్య హరేః స్వమాయయా
విడమ్బమానస్య నృలోకమాత్మనః ।
వీర్యాణి గీతాన్యృషిభిర్జగద్గురో-
ర్లోకం పునానాన్యపరం వదామి కిమ్ ॥ ౭౦ ॥
విడమ్బమానస్య నృలోకమాత్మనః ।
వీర్యాణి గీతాన్యృషిభిర్జగద్గురో-
ర్లోకం పునానాన్యపరం వదామి కిమ్ ॥ ౭౦ ॥
ఏవం విధాన్యస్య హరేః స్వమాయయా
విడమ్బమానస్య నృలోకమాత్మనః ।
వీర్యాణి గీతాన్యృషిభిర్జగద్గురో-
ర్లోకాన్ పునానాన్యపరం వదామి కిమ్
విడమ్బమానస్య నృలోకమాత్మనః ।
వీర్యాణి గీతాన్యృషిభిర్జగద్గురో-
ర్లోకాన్ పునానాన్యపరం వదామి కిమ్