শ্ৰীনাৰদ উৱাচ
ভ্ৰাতৰ্যেৱং ৱিনিহতে হৰিণা ক্ৰোডমূৰ্তিনা ।
হিৰণ্যকশিপূ ৰাজন্ পৰ্যতপ্যদ্ৰুষা শুচা ॥ ১ ॥
ভ্ৰাতৰ্যেৱং ৱিনিহতে হৰিণা ক্ৰোডমূৰ্তিনা ।
হিৰণ্যকশিপূ ৰাজন্ পৰ্যতপ্যদ্ৰুষা শুচা ॥ ১ ॥
আহ চেদং ৰুষা পূৰ্ণঃ সন্দষ্টদশনচ্ছদঃ ।
কোপোজ্জ্ৱলদ্ভ্যাং চক্ষুৰ্ভ্যাং নিৰীক্ষন্ ধূম্ৰমম্বৰম্ ॥ ২ ॥
কোপোজ্জ্ৱলদ্ভ্যাং চক্ষুৰ্ভ্যাং নিৰীক্ষন্ ধূম্ৰমম্বৰম্ ॥ ২ ॥
কৰালদংষ্ট্ৰোগ্ৰদৃষ্টযা দুষ্প্ৰেক্ষ্যভ্ৰুকুটীমুখঃ ।
শূলমুদ্যম্য সদসি দানৱানিদমব্ৰৱীত্ ॥ ৩ ॥
শূলমুদ্যম্য সদসি দানৱানিদমব্ৰৱীত্ ॥ ৩ ॥
ভো ভো দানৱদৈতেযা দ্ৱিমূৰ্ধংস্ত্ৰ্যক্ষ শম্বৰ ।
শতবাহো হযগ্ৰীৱ নমুচে পাক ইল্ৱল ॥ ৪ ॥
শতবাহো হযগ্ৰীৱ নমুচে পাক ইল্ৱল ॥ ৪ ॥
ৱিপ্ৰচিত্তে মম ৱচঃ পুলোমন্ শকুনাদযঃ ।
শৃণুতানন্তৰং সৰ্ৱে ক্ৰিযতামাশু মা চিৰম্ ॥ ৫ ॥
শৃণুতানন্তৰং সৰ্ৱে ক্ৰিযতামাশু মা চিৰম্ ॥ ৫ ॥
সপত্নৈৰ্ঘাতিতঃ ক্ষুদ্ৰৈৰ্ভ্ৰাতা মে দযিতঃ সুহৃত্ ।
পাৰ্ষ্ণিগ্ৰাহেণ হৰিণা সমেনাপ্যুপধাৱনৈঃ ॥ ৬ ॥
পাৰ্ষ্ণিগ্ৰাহেণ হৰিণা সমেনাপ্যুপধাৱনৈঃ ॥ ৬ ॥
তস্য ত্যক্তস্ৱভাৱস্য ঘৃণেৰ্মাযাৱনৌকসঃ ।
ভজন্তং ভজমানস্য বালস্যেৱাস্থিৰাত্মনঃ ॥ ৭ ॥
ভজন্তং ভজমানস্য বালস্যেৱাস্থিৰাত্মনঃ ॥ ৭ ॥
মচ্ছূলভিন্নগ্ৰীৱস্য ভূৰিণা ৰুধিৰেণ ৱৈ ।
অসৃক্প্ৰিযং তৰ্পযিষ্যে ভ্ৰাতৰং মে গতৱ্যথঃ ॥ ৮ ॥
অসৃক্প্ৰিযং তৰ্পযিষ্যে ভ্ৰাতৰং মে গতৱ্যথঃ ॥ ৮ ॥
তস্মিন্ কূটেঽহিতে নষ্টে কৃত্তমূলে ৱনস্পতৌ ।
ৱিটপা ইৱ শুষ্যন্তি ৱিষ্ণুপ্ৰাণা দিৱৌকসঃ ॥ ৯ ॥
ৱিটপা ইৱ শুষ্যন্তি ৱিষ্ণুপ্ৰাণা দিৱৌকসঃ ॥ ৯ ॥
তাৱদ্যাত ভুৱং যূযং ব্ৰহ্মক্ষত্ৰসমেধিতাম্ ।
সূদযধ্ৱং তপোযজ্ঞস্ৱাধ্যাযৱ্ৰতদানিনঃ ॥ ১০ ॥
সূদযধ্ৱং তপোযজ্ঞস্ৱাধ্যাযৱ্ৰতদানিনঃ ॥ ১০ ॥
ৱিষ্ণুৰ্দ্ৱিজক্ৰিযামূলো যজ্ঞো ধৰ্মমযঃ পুমান্ ।
দেৱৰ্ষিপিতৃভূতানাং ধৰ্মস্য চ পৰাযণম্ ॥ ১১ ॥
দেৱৰ্ষিপিতৃভূতানাং ধৰ্মস্য চ পৰাযণম্ ॥ ১১ ॥
যত্ৰ যত্ৰ দ্ৱিজা গাৱো ৱেদা ৱৰ্ণাশ্ৰমক্ৰিযাঃ ।
তং তং জনপদং যাত সন্দীপযত ৱৃশ্চত ॥ ১২ ॥
তং তং জনপদং যাত সন্দীপযত ৱৃশ্চত ॥ ১২ ॥
ইতি তে ভৰ্তৃনিৰ্দেশমাদায শিৰসাদৃতাঃ ।
তথা প্ৰজানাং কদনং ৱিদধুঃ কদনপ্ৰিযাঃ ॥ ১৩ ॥
তথা প্ৰজানাং কদনং ৱিদধুঃ কদনপ্ৰিযাঃ ॥ ১৩ ॥
পুৰগ্ৰামৱ্ৰজোদ্যানক্ষেত্ৰাৰামাশ্ৰমাকৰান্ ।
খেটখৰ্ৱটঘোষাংশ্চ দদহুঃ পত্তনানি চ ॥ ১৪ ॥
খেটখৰ্ৱটঘোষাংশ্চ দদহুঃ পত্তনানি চ ॥ ১৪ ॥
কেচিত্খনিত্ৰৈৰ্বিভিদুঃ সেতুপ্ৰাকাৰগোপুৰান্ ।
আজীৱ্যাংশ্চিচ্ছিদুৰ্ৱৃক্ষান্ কেচিত্পৰশুপাণযঃ ।
প্ৰাদহন্ শৰণান্যেকে প্ৰজানাং জ্ৱলিতোল্মুকৈঃ ॥ ১৫ ॥
আজীৱ্যাংশ্চিচ্ছিদুৰ্ৱৃক্ষান্ কেচিত্পৰশুপাণযঃ ।
প্ৰাদহন্ শৰণান্যেকে প্ৰজানাং জ্ৱলিতোল্মুকৈঃ ॥ ১৫ ॥
এৱং ৱিপ্ৰকৃতে লোকে দৈত্যেন্দ্ৰানুচৰৈৰ্মুহুঃ ।
দিৱং দেৱাঃ পৰিত্যজ্য ভুৱি চেৰুৰলক্ষিতাঃ ॥ ১৬ ॥
দিৱং দেৱাঃ পৰিত্যজ্য ভুৱি চেৰুৰলক্ষিতাঃ ॥ ১৬ ॥
হিৰণ্যকশিপুৰ্ভ্ৰাতুঃ সম্পৰেতস্য দুঃখিতঃ ।
কৃত্ৱা কটোদকাদীনি ভ্ৰাতৃপুত্ৰানসান্ত্ৱযত্ ॥ ১৭ ॥
কৃত্ৱা কটোদকাদীনি ভ্ৰাতৃপুত্ৰানসান্ত্ৱযত্ ॥ ১৭ ॥
শকুনিং শম্বৰং ধৃষ্টিং ভূতসন্তাপনং ৱৃকম্ ।
কালনাভং মহানাভং হৰিশ্মশ্ৰুমথোত্কচম্ ॥ ১৮ ॥
কালনাভং মহানাভং হৰিশ্মশ্ৰুমথোত্কচম্ ॥ ১৮ ॥
তন্মাতৰং ৰুষাভানুং দিতিং চ জননীং গিৰা ।
শ্লক্ষ্ণযা দেশকালজ্ঞ ইদমাহ জনেশ্ৱৰ ॥ ১৯ ॥
শ্লক্ষ্ণযা দেশকালজ্ঞ ইদমাহ জনেশ্ৱৰ ॥ ১৯ ॥
শ্ৰীহিৰণ্যকশিপুৰুৱাচ
অম্বাম্ব হে ৱধূঃ পুত্ৰা ৱীৰং মাৰ্হথ শোচিতুম্ ।
ৰিপোৰভিমুখে শ্লাঘ্যঃ শূৰাণাং ৱধ ঈপ্সিতঃ ॥ ২০ ॥
অম্বাম্ব হে ৱধূঃ পুত্ৰা ৱীৰং মাৰ্হথ শোচিতুম্ ।
ৰিপোৰভিমুখে শ্লাঘ্যঃ শূৰাণাং ৱধ ঈপ্সিতঃ ॥ ২০ ॥
ভূতানামিহ সংৱাসঃ প্ৰপাযামিৱ সুৱ্ৰতে ।
দৈৱেনৈকত্ৰ নীতানামুন্নীতানাং স্ৱকৰ্মভিঃ ॥ ২১ ॥
দৈৱেনৈকত্ৰ নীতানামুন্নীতানাং স্ৱকৰ্মভিঃ ॥ ২১ ॥
নিত্য আত্মাৱ্যযঃ শুদ্ধঃ সৰ্ৱগঃ সৰ্ৱৱিত্পৰঃ ।
ধত্তেঽসাৱাত্মনো লিঙ্গং মাযযা ৱিসৃজন্গুণান্ ॥ ২২ ॥
ধত্তেঽসাৱাত্মনো লিঙ্গং মাযযা ৱিসৃজন্গুণান্ ॥ ২২ ॥
যথাম্ভসা প্ৰচলতা তৰৱোঽপি চলা ইৱ ।
চক্ষুষা ভ্ৰাম্যমাণেন দৃশ্যতে চলতীৱ ভূঃ ॥ ২৩ ॥
চক্ষুষা ভ্ৰাম্যমাণেন দৃশ্যতে চলতীৱ ভূঃ ॥ ২৩ ॥
এৱং গুণৈৰ্ভ্ৰাম্যমাণে মনস্যৱিকলঃ পুমান্ ।
যাতি তত্সাম্যতাং ভদ্ৰে হ্যলিঙ্গো লিঙ্গৱানিৱ ॥ ২৪ ॥
যাতি তত্সাম্যতাং ভদ্ৰে হ্যলিঙ্গো লিঙ্গৱানিৱ ॥ ২৪ ॥
এষ আত্মৱিপৰ্যাসো হ্যলিঙ্গে লিঙ্গভাৱনা ।
এষ প্ৰিযাপ্ৰিযৈৰ্যোগো ৱিযোগঃ কৰ্মসংসৃতিঃ ॥ ২৫ ॥
এষ প্ৰিযাপ্ৰিযৈৰ্যোগো ৱিযোগঃ কৰ্মসংসৃতিঃ ॥ ২৫ ॥
সম্ভৱশ্চ ৱিনাশশ্চ শোকশ্চ ৱিৱিধঃ স্মৃতঃ ।
অৱিৱেকশ্চ চিন্তা চ ৱিৱেকাস্মৃতিৰেৱ চ ॥ ২৬ ॥
অৱিৱেকশ্চ চিন্তা চ ৱিৱেকাস্মৃতিৰেৱ চ ॥ ২৬ ॥
অত্ৰাপ্যুদাহৰন্তীমমিতিহাসং পুৰাতনম্ ।
যমস্য প্ৰেতবন্ধূনাং সংৱাদং তং নিবোধত ॥ ২৭ ॥
যমস্য প্ৰেতবন্ধূনাং সংৱাদং তং নিবোধত ॥ ২৭ ॥
উশীনৰেষ্ৱভূদ্ৰাজা সুযজ্ঞ ইতি ৱিশ্ৰুতঃ ।
সপত্নৈৰ্নিহতো যুদ্ধে জ্ঞাতযস্তমুপাসত ॥ ২৮ ॥
সপত্নৈৰ্নিহতো যুদ্ধে জ্ঞাতযস্তমুপাসত ॥ ২৮ ॥
ৱিশীৰ্ণৰত্নকৱচং ৱিভ্ৰষ্টাভৰণস্ৰজম্ ।
শৰনিৰ্ভিন্নহৃদযং শযানমসৃগাৱিলম্ ॥ ২৯ ॥
শৰনিৰ্ভিন্নহৃদযং শযানমসৃগাৱিলম্ ॥ ২৯ ॥
প্ৰকীৰ্ণকেশং ধ্ৱস্তাক্ষং ৰভসা দষ্টদচ্ছদম্ ।
ৰজঃকুণ্ঠমুখাম্ভোজং ছিন্নাযুধভুজং মৃধে ॥ ৩০ ॥
ৰজঃকুণ্ঠমুখাম্ভোজং ছিন্নাযুধভুজং মৃধে ॥ ৩০ ॥
উশীনৰেন্দ্ৰং ৱিধিনা তথা কৃতং
পতিং মহিষ্যঃ প্ৰসমীক্ষ্য দুঃখিতাঃ ।
হতাঃ স্ম নাথেতি কৰৈৰুৰো ভৃশং
ঘ্নন্ত্যো মুহুস্তত্পদযোৰুপাপতন্ ॥ ৩১ ॥
পতিং মহিষ্যঃ প্ৰসমীক্ষ্য দুঃখিতাঃ ।
হতাঃ স্ম নাথেতি কৰৈৰুৰো ভৃশং
ঘ্নন্ত্যো মুহুস্তত্পদযোৰুপাপতন্ ॥ ৩১ ॥
ৰুদত্য উচ্চৈৰ্দযিতাঙ্ঘ্ৰিপঙ্কজং
সিঞ্চন্ত্য অস্ৰৈঃ কুচকুঙ্কুমাৰুণৈঃ ।
ৱিস্ৰস্তকেশাভৰণাঃ শুচং নৃণাং
সৃজন্ত্য আক্ৰন্দনযা ৱিলেপিৰে ॥ ৩২ ॥
সিঞ্চন্ত্য অস্ৰৈঃ কুচকুঙ্কুমাৰুণৈঃ ।
ৱিস্ৰস্তকেশাভৰণাঃ শুচং নৃণাং
সৃজন্ত্য আক্ৰন্দনযা ৱিলেপিৰে ॥ ৩২ ॥
অহো ৱিধাত্ৰাকৰুণেন নঃ প্ৰভো
ভৱান্ প্ৰণীতো দৃগগোচৰাং দশাম্ ।
উশীনৰাণামসি ৱৃত্তিদঃ পুৰা
কৃতোঽধুনা যেন শুচাং ৱিৱৰ্ধনঃ ॥ ৩৩ ॥
ভৱান্ প্ৰণীতো দৃগগোচৰাং দশাম্ ।
উশীনৰাণামসি ৱৃত্তিদঃ পুৰা
কৃতোঽধুনা যেন শুচাং ৱিৱৰ্ধনঃ ॥ ৩৩ ॥
ত্ৱযা কৃতজ্ঞেন ৱযং মহীপতে
কথং ৱিনা স্যাম সুহৃত্তমেন তে ।
তত্ৰানুযানং তৱ ৱীৰ পাদযোঃ
শুশ্ৰূষতীনাং দিশ যত্ৰ যাস্যসি ॥ ৩৪ ॥
কথং ৱিনা স্যাম সুহৃত্তমেন তে ।
তত্ৰানুযানং তৱ ৱীৰ পাদযোঃ
শুশ্ৰূষতীনাং দিশ যত্ৰ যাস্যসি ॥ ৩৪ ॥
এৱং ৱিলপতীনাং ৱৈ পৰিগৃহ্য মৃতং পতিম্ ।
অনিচ্ছতীনাং নিৰ্হাৰমৰ্কোঽস্তং সন্ন্যৱৰ্তত ॥ ৩৫ ॥
অনিচ্ছতীনাং নিৰ্হাৰমৰ্কোঽস্তং সন্ন্যৱৰ্তত ॥ ৩৫ ॥
তত্ৰ হ প্ৰেতবন্ধূনামাশ্ৰুত্য পৰিদেৱিতম্ ।
আহ তান্ বালকো ভূত্ৱা যমঃ স্ৱযমুপাগতঃ ॥ ৩৬ ॥
আহ তান্ বালকো ভূত্ৱা যমঃ স্ৱযমুপাগতঃ ॥ ৩৬ ॥
শ্ৰীযম উৱাচ
অহো অমীষাং ৱযসাধিকানাং
ৱিপশ্যতাং লোকৱিধিং ৱিমোহঃ ।
যত্ৰাগতস্তত্ৰ গতং মনুষ্যং
স্ৱযং সধৰ্মা অপি শোচন্ত্যপাৰ্থম্ ॥ ৩৭ ॥
অহো অমীষাং ৱযসাধিকানাং
ৱিপশ্যতাং লোকৱিধিং ৱিমোহঃ ।
যত্ৰাগতস্তত্ৰ গতং মনুষ্যং
স্ৱযং সধৰ্মা অপি শোচন্ত্যপাৰ্থম্ ॥ ৩৭ ॥
অহো ৱযং ধন্যতমা যদত্ৰ
ত্যক্তাঃ পিতৃভ্যাং ন ৱিচিন্তযামঃ ।
অভক্ষ্যমাণা অবলা ৱৃকাদিভিঃ
স ৰক্ষিতা ৰক্ষতি যো হি গৰ্ভে ॥ ৩৮ ॥
ত্যক্তাঃ পিতৃভ্যাং ন ৱিচিন্তযামঃ ।
অভক্ষ্যমাণা অবলা ৱৃকাদিভিঃ
স ৰক্ষিতা ৰক্ষতি যো হি গৰ্ভে ॥ ৩৮ ॥
য ইচ্ছযেশঃ সৃজতীদমৱ্যযো
য এৱ ৰক্ষত্যৱলুম্পতে চ যঃ ।
তস্যাবলাঃ ক্ৰীডনমাহুৰীশিতু-
শ্চৰাচৰং নিগ্ৰহসঙ্গ্ৰহে প্ৰভুঃ ॥ ৩৯ ॥
য এৱ ৰক্ষত্যৱলুম্পতে চ যঃ ।
তস্যাবলাঃ ক্ৰীডনমাহুৰীশিতু-
শ্চৰাচৰং নিগ্ৰহসঙ্গ্ৰহে প্ৰভুঃ ॥ ৩৯ ॥
পথি চ্যুতং তিষ্ঠতি দিষ্টৰক্ষিতং
গৃহে স্থিতং তদ্ৱিহতং ৱিনশ্যতি ।
জীৱত্যনাথোঽপি তদীক্ষিতো ৱনে
গৃহেঽভিগুপ্তোঽস্য হতো ন জীৱতি ॥ ৪০ ॥
গৃহে স্থিতং তদ্ৱিহতং ৱিনশ্যতি ।
জীৱত্যনাথোঽপি তদীক্ষিতো ৱনে
গৃহেঽভিগুপ্তোঽস্য হতো ন জীৱতি ॥ ৪০ ॥
ভূতানি তৈস্তৈৰ্নিজযোনিকৰ্মভি-
ৰ্ভৱন্তি কালে ন ভৱন্তি সৰ্ৱশঃ ।
ন তত্ৰ হাত্মা প্ৰকৃতাৱপি স্থিত-
স্তস্যা গুণৈৰন্যতমো হি বধ্যতে ॥ ৪১ ॥
ৰ্ভৱন্তি কালে ন ভৱন্তি সৰ্ৱশঃ ।
ন তত্ৰ হাত্মা প্ৰকৃতাৱপি স্থিত-
স্তস্যা গুণৈৰন্যতমো হি বধ্যতে ॥ ৪১ ॥
ইদং শৰীৰং পুৰুষস্য মোহজং
যথা পৃথগ্ভৌতিকমীযতে গৃহম্ ।
যথৌদকৈঃ পাৰ্থিৱতৈজসৈৰ্জনঃ
কালেন জাতো ৱিকৃতো ৱিনশ্যতি ॥ ৪২ ॥
যথা পৃথগ্ভৌতিকমীযতে গৃহম্ ।
যথৌদকৈঃ পাৰ্থিৱতৈজসৈৰ্জনঃ
কালেন জাতো ৱিকৃতো ৱিনশ্যতি ॥ ৪২ ॥
যথানলো দাৰুষু ভিন্ন ঈযতে
যথানিলো দেহগতঃ পৃথক্ স্থিতঃ ।
যথা নভঃ সৰ্ৱগতং ন সজ্জতে
তথা পুমান্ সৰ্ৱগুণাশ্ৰযঃ পৰঃ ॥ ৪৩ ॥
যথানিলো দেহগতঃ পৃথক্ স্থিতঃ ।
যথা নভঃ সৰ্ৱগতং ন সজ্জতে
তথা পুমান্ সৰ্ৱগুণাশ্ৰযঃ পৰঃ ॥ ৪৩ ॥
সুযজ্ঞো নন্ৱযং শেতে মূঢা যমনুশোচথ ।
যঃ শ্ৰোতা যোঽনুৱক্তেহ স ন দৃশ্যেত কৰ্হিচিত্ ॥ ৪৪ ॥
যঃ শ্ৰোতা যোঽনুৱক্তেহ স ন দৃশ্যেত কৰ্হিচিত্ ॥ ৪৪ ॥
ন শ্ৰোতা নানুৱক্তাযং মুখ্যোঽপ্যত্ৰ মহানসুঃ ।
যস্ত্ৱিহেন্দ্ৰিযৱানাত্মা স চান্যঃ প্ৰাণদেহযোঃ ॥ ৪৫ ॥
যস্ত্ৱিহেন্দ্ৰিযৱানাত্মা স চান্যঃ প্ৰাণদেহযোঃ ॥ ৪৫ ॥
ভূতেন্দ্ৰিযমনোলিঙ্গান্ দেহানুচ্চাৱচান্ ৱিভুঃ ।
ভজত্যুত্সৃজতি হ্যন্যস্তচ্চাপি স্ৱেন তেজসা ॥ ৪৬ ॥
ভজত্যুত্সৃজতি হ্যন্যস্তচ্চাপি স্ৱেন তেজসা ॥ ৪৬ ॥
যাৱল্লিঙ্গান্ৱিতো হ্যাত্মা তাৱত্কৰ্মনিবন্ধনম্ ।
ততো ৱিপৰ্যযঃ ক্লেশো মাযাযোগোঽনুৱৰ্ততে ॥ ৪৭ ॥
ততো ৱিপৰ্যযঃ ক্লেশো মাযাযোগোঽনুৱৰ্ততে ॥ ৪৭ ॥
ৱিতথাভিনিৱেশোঽযং যদ্গুণেষ্ৱৰ্থদৃগ্ৱচঃ ।
যথা মনোৰথঃ স্ৱপ্নঃ সৰ্ৱমৈন্দ্ৰিযকং মৃষা ॥ ৪৮ ॥
যথা মনোৰথঃ স্ৱপ্নঃ সৰ্ৱমৈন্দ্ৰিযকং মৃষা ॥ ৪৮ ॥
অথ নিত্যমনিত্যং ৱা নেহ শোচন্তি তদ্ৱিদঃ ।
নান্যথা শক্যতে কৰ্তুং স্ৱভাৱঃ শোচতামিতি ॥ ৪৯ ॥
নান্যথা শক্যতে কৰ্তুং স্ৱভাৱঃ শোচতামিতি ॥ ৪৯ ॥
লুব্ধকো ৱিপিনে কশ্চিত্পক্ষিণাং নিৰ্মিতোঽন্তকঃ ।
ৱিতত্য জালং ৱিদধে তত্ৰ তত্ৰ প্ৰলোভযন্ ॥ ৫০ ॥
ৱিতত্য জালং ৱিদধে তত্ৰ তত্ৰ প্ৰলোভযন্ ॥ ৫০ ॥
কুলিঙ্গমিথুনং তত্ৰ ৱিচৰত্সমদৃশ্যত ।
তযোঃ কুলিঙ্গী সহসা লুব্ধকেন প্ৰলোভিতা ॥ ৫১ ॥
তযোঃ কুলিঙ্গী সহসা লুব্ধকেন প্ৰলোভিতা ॥ ৫১ ॥
সাসজ্জত সিচস্তন্ত্ৰ্যাং মহিষ্যঃ কালযন্ত্ৰিতা ।
কুলিঙ্গস্তাং তথাপন্নাং নিৰীক্ষ্য ভৃশদুঃখিতঃ ।
স্নেহাদকল্পঃ কৃপণঃ কৃপণাং পৰ্যদেৱযত্ ॥ ৫২ ॥
কুলিঙ্গস্তাং তথাপন্নাং নিৰীক্ষ্য ভৃশদুঃখিতঃ ।
স্নেহাদকল্পঃ কৃপণঃ কৃপণাং পৰ্যদেৱযত্ ॥ ৫২ ॥
অহো অকৰুণো দেৱঃ স্ত্ৰিযাকৰুণযা ৱিভুঃ ।
কৃপণং মামনুশোচন্ত্যা দীনযা কিং কৰিষ্যতি ॥ ৫৩ ॥
কৃপণং মামনুশোচন্ত্যা দীনযা কিং কৰিষ্যতি ॥ ৫৩ ॥
কামং নযতু মাং দেৱঃ কিমৰ্ধেনাত্মনো হি মে ।
দীনেন জীৱতা দুঃখমনেন ৱিধুৰাযুষা ॥ ৫৪ ॥
দীনেন জীৱতা দুঃখমনেন ৱিধুৰাযুষা ॥ ৫৪ ॥
কথং ত্ৱজাতপক্ষাংস্তান্ মাতৃহীনান্ বিভৰ্ম্যহম্ ।
মন্দভাগ্যাঃ প্ৰতীক্ষন্তে নীডে মে মাতৰং প্ৰজাঃ ॥ ৫৫ ॥
মন্দভাগ্যাঃ প্ৰতীক্ষন্তে নীডে মে মাতৰং প্ৰজাঃ ॥ ৫৫ ॥
এৱং কুলিঙ্গং ৱিলপন্তমাৰাত্
প্ৰিযাৱিযোগাতুৰমশ্ৰুকণ্ঠম্ ।
স এৱ তং শাকুনিকঃ শৰেণ
ৱিৱ্যাধ কালপ্ৰহিতো ৱিলীনঃ ॥ ৫৬ ॥
প্ৰিযাৱিযোগাতুৰমশ্ৰুকণ্ঠম্ ।
স এৱ তং শাকুনিকঃ শৰেণ
ৱিৱ্যাধ কালপ্ৰহিতো ৱিলীনঃ ॥ ৫৬ ॥
এৱং যূযমপশ্যন্ত্য আত্মাপাযমবুদ্ধযঃ ।
নৈনং প্ৰাপ্স্যথ শোচন্ত্যঃ পতিং ৱৰ্ষশতৈৰপি ॥ ৫৭ ॥
নৈনং প্ৰাপ্স্যথ শোচন্ত্যঃ পতিং ৱৰ্ষশতৈৰপি ॥ ৫৭ ॥
শ্ৰীহিৰণ্যকশিপুৰুৱাচ
বাল এৱং প্ৰৱদতি সৰ্ৱে ৱিস্মিতচেতসঃ ।
জ্ঞাতযো মেনিৰে সৰ্ৱমনিত্যমযথোত্থিতম্ ॥ ৫৮ ॥
বাল এৱং প্ৰৱদতি সৰ্ৱে ৱিস্মিতচেতসঃ ।
জ্ঞাতযো মেনিৰে সৰ্ৱমনিত্যমযথোত্থিতম্ ॥ ৫৮ ॥
যম এতদুপাখ্যায তত্ৰৈৱান্তৰধীযত ।
জ্ঞাতযোঽহি সুযজ্ঞস্য চক্ৰুৰ্যত্সাম্পৰাযিকম্ ॥ ৫৯ ॥
জ্ঞাতযোঽহি সুযজ্ঞস্য চক্ৰুৰ্যত্সাম্পৰাযিকম্ ॥ ৫৯ ॥
অতঃ শোচত মা যূযং পৰং চাত্মানমেৱ ৱা ।
ক আত্মা কঃ পৰো ৱাত্ৰ স্ৱীযঃ পাৰক্য এৱ ৱা ।
স্ৱপৰাভিনিৱেশেন ৱিনাজ্ঞানেন দেহিনাম্ ॥ ৬০ ॥
ক আত্মা কঃ পৰো ৱাত্ৰ স্ৱীযঃ পাৰক্য এৱ ৱা ।
স্ৱপৰাভিনিৱেশেন ৱিনাজ্ঞানেন দেহিনাম্ ॥ ৬০ ॥
শ্ৰীনাৰদ উৱাচ
ইতি দৈত্যপতেৰ্ৱাক্যং দিতিৰাকৰ্ণ্য সস্নুষা ।
পুত্ৰশোকং ক্ষণাত্ত্যক্ত্ৱা তত্ত্ৱে চিত্তমধাৰযত্ ॥ ৬১ ॥
ইতি দৈত্যপতেৰ্ৱাক্যং দিতিৰাকৰ্ণ্য সস্নুষা ।
পুত্ৰশোকং ক্ষণাত্ত্যক্ত্ৱা তত্ত্ৱে চিত্তমধাৰযত্ ॥ ৬১ ॥