শ্রীনারদ উবাচ
ভ্রাতর্যেবং বিনিহতে হরিণা ক্রোডমূর্তিনা ।
হিরণ্যকশিপূ রাজন্ পর্যতপ্যদ্রুষা শুচা ॥ ১ ॥
ভ্রাতর্যেবং বিনিহতে হরিণা ক্রোডমূর্তিনা ।
হিরণ্যকশিপূ রাজন্ পর্যতপ্যদ্রুষা শুচা ॥ ১ ॥
আহ চেদং রুষা পূর্ণঃ সন্দষ্টদশনচ্ছদঃ ।
কোপোজ্জ্বলদ্ভ্যাং চক্ষুর্ভ্যাং নিরীক্ষন্ ধূম্রমম্বরম্ ॥ ২ ॥
কোপোজ্জ্বলদ্ভ্যাং চক্ষুর্ভ্যাং নিরীক্ষন্ ধূম্রমম্বরম্ ॥ ২ ॥
করালদংষ্ট্রোগ্রদৃষ্টযা দুষ্প্রেক্ষ্যভ্রুকুটীমুখঃ ।
শূলমুদ্যম্য সদসি দানবানিদমব্রবীত্ ॥ ৩ ॥
শূলমুদ্যম্য সদসি দানবানিদমব্রবীত্ ॥ ৩ ॥
ভো ভো দানবদৈতেযা দ্বিমূর্ধংস্ত্র্যক্ষ শম্বর ।
শতবাহো হযগ্রীব নমুচে পাক ইল্বল ॥ ৪ ॥
শতবাহো হযগ্রীব নমুচে পাক ইল্বল ॥ ৪ ॥
বিপ্রচিত্তে মম বচঃ পুলোমন্ শকুনাদযঃ ।
শৃণুতানন্তরং সর্বে ক্রিযতামাশু মা চিরম্ ॥ ৫ ॥
শৃণুতানন্তরং সর্বে ক্রিযতামাশু মা চিরম্ ॥ ৫ ॥
সপত্নৈর্ঘাতিতঃ ক্ষুদ্রৈর্ভ্রাতা মে দযিতঃ সুহৃত্ ।
পার্ষ্ণিগ্রাহেণ হরিণা সমেনাপ্যুপধাবনৈঃ ॥ ৬ ॥
পার্ষ্ণিগ্রাহেণ হরিণা সমেনাপ্যুপধাবনৈঃ ॥ ৬ ॥
তস্য ত্যক্তস্বভাবস্য ঘৃণের্মাযাবনৌকসঃ ।
ভজন্তং ভজমানস্য বালস্যেবাস্থিরাত্মনঃ ॥ ৭ ॥
ভজন্তং ভজমানস্য বালস্যেবাস্থিরাত্মনঃ ॥ ৭ ॥
মচ্ছূলভিন্নগ্রীবস্য ভূরিণা রুধিরেণ বৈ ।
অসৃক্প্রিযং তর্পযিষ্যে ভ্রাতরং মে গতব্যথঃ ॥ ৮ ॥
অসৃক্প্রিযং তর্পযিষ্যে ভ্রাতরং মে গতব্যথঃ ॥ ৮ ॥
তস্মিন্ কূটেঽহিতে নষ্টে কৃত্তমূলে বনস্পতৌ ।
বিটপা ইব শুষ্যন্তি বিষ্ণুপ্রাণা দিবৌকসঃ ॥ ৯ ॥
বিটপা ইব শুষ্যন্তি বিষ্ণুপ্রাণা দিবৌকসঃ ॥ ৯ ॥
তাবদ্যাত ভুবং যূযং ব্রহ্মক্ষত্রসমেধিতাম্ ।
সূদযধ্বং তপোযজ্ঞস্বাধ্যাযব্রতদানিনঃ ॥ ১০ ॥
সূদযধ্বং তপোযজ্ঞস্বাধ্যাযব্রতদানিনঃ ॥ ১০ ॥
বিষ্ণুর্দ্বিজক্রিযামূলো যজ্ঞো ধর্মমযঃ পুমান্ ।
দেবর্ষিপিতৃভূতানাং ধর্মস্য চ পরাযণম্ ॥ ১১ ॥
দেবর্ষিপিতৃভূতানাং ধর্মস্য চ পরাযণম্ ॥ ১১ ॥
যত্র যত্র দ্বিজা গাবো বেদা বর্ণাশ্রমক্রিযাঃ ।
তং তং জনপদং যাত সন্দীপযত বৃশ্চত ॥ ১২ ॥
তং তং জনপদং যাত সন্দীপযত বৃশ্চত ॥ ১২ ॥
ইতি তে ভর্তৃনির্দেশমাদায শিরসাদৃতাঃ ।
তথা প্রজানাং কদনং বিদধুঃ কদনপ্রিযাঃ ॥ ১৩ ॥
তথা প্রজানাং কদনং বিদধুঃ কদনপ্রিযাঃ ॥ ১৩ ॥
পুরগ্রামব্রজোদ্যানক্ষেত্রারামাশ্রমাকরান্ ।
খেটখর্বটঘোষাংশ্চ দদহুঃ পত্তনানি চ ॥ ১৪ ॥
খেটখর্বটঘোষাংশ্চ দদহুঃ পত্তনানি চ ॥ ১৪ ॥
কেচিত্খনিত্রৈর্বিভিদুঃ সেতুপ্রাকারগোপুরান্ ।
আজীব্যাংশ্চিচ্ছিদুর্বৃক্ষান্ কেচিত্পরশুপাণযঃ ।
প্রাদহন্ শরণান্যেকে প্রজানাং জ্বলিতোল্মুকৈঃ ॥ ১৫ ॥
আজীব্যাংশ্চিচ্ছিদুর্বৃক্ষান্ কেচিত্পরশুপাণযঃ ।
প্রাদহন্ শরণান্যেকে প্রজানাং জ্বলিতোল্মুকৈঃ ॥ ১৫ ॥
এবং বিপ্রকৃতে লোকে দৈত্যেন্দ্রানুচরৈর্মুহুঃ ।
দিবং দেবাঃ পরিত্যজ্য ভুবি চেরুরলক্ষিতাঃ ॥ ১৬ ॥
দিবং দেবাঃ পরিত্যজ্য ভুবি চেরুরলক্ষিতাঃ ॥ ১৬ ॥
হিরণ্যকশিপুর্ভ্রাতুঃ সম্পরেতস্য দুঃখিতঃ ।
কৃত্বা কটোদকাদীনি ভ্রাতৃপুত্রানসান্ত্বযত্ ॥ ১৭ ॥
কৃত্বা কটোদকাদীনি ভ্রাতৃপুত্রানসান্ত্বযত্ ॥ ১৭ ॥
শকুনিং শম্বরং ধৃষ্টিং ভূতসন্তাপনং বৃকম্ ।
কালনাভং মহানাভং হরিশ্মশ্রুমথোত্কচম্ ॥ ১৮ ॥
কালনাভং মহানাভং হরিশ্মশ্রুমথোত্কচম্ ॥ ১৮ ॥
তন্মাতরং রুষাভানুং দিতিং চ জননীং গিরা ।
শ্লক্ষ্ণযা দেশকালজ্ঞ ইদমাহ জনেশ্বর ॥ ১৯ ॥
শ্লক্ষ্ণযা দেশকালজ্ঞ ইদমাহ জনেশ্বর ॥ ১৯ ॥
শ্রীহিরণ্যকশিপুরুবাচ
অম্বাম্ব হে বধূঃ পুত্রা বীরং মার্হথ শোচিতুম্ ।
রিপোরভিমুখে শ্লাঘ্যঃ শূরাণাং বধ ঈপ্সিতঃ ॥ ২০ ॥
অম্বাম্ব হে বধূঃ পুত্রা বীরং মার্হথ শোচিতুম্ ।
রিপোরভিমুখে শ্লাঘ্যঃ শূরাণাং বধ ঈপ্সিতঃ ॥ ২০ ॥
ভূতানামিহ সংবাসঃ প্রপাযামিব সুব্রতে ।
দৈবেনৈকত্র নীতানামুন্নীতানাং স্বকর্মভিঃ ॥ ২১ ॥
দৈবেনৈকত্র নীতানামুন্নীতানাং স্বকর্মভিঃ ॥ ২১ ॥
নিত্য আত্মাব্যযঃ শুদ্ধঃ সর্বগঃ সর্ববিত্পরঃ ।
ধত্তেঽসাবাত্মনো লিঙ্গং মাযযা বিসৃজন্গুণান্ ॥ ২২ ॥
ধত্তেঽসাবাত্মনো লিঙ্গং মাযযা বিসৃজন্গুণান্ ॥ ২২ ॥
যথাম্ভসা প্রচলতা তরবোঽপি চলা ইব ।
চক্ষুষা ভ্রাম্যমাণেন দৃশ্যতে চলতীব ভূঃ ॥ ২৩ ॥
চক্ষুষা ভ্রাম্যমাণেন দৃশ্যতে চলতীব ভূঃ ॥ ২৩ ॥
এবং গুণৈর্ভ্রাম্যমাণে মনস্যবিকলঃ পুমান্ ।
যাতি তত্সাম্যতাং ভদ্রে হ্যলিঙ্গো লিঙ্গবানিব ॥ ২৪ ॥
যাতি তত্সাম্যতাং ভদ্রে হ্যলিঙ্গো লিঙ্গবানিব ॥ ২৪ ॥
এষ আত্মবিপর্যাসো হ্যলিঙ্গে লিঙ্গভাবনা ।
এষ প্রিযাপ্রিযৈর্যোগো বিযোগঃ কর্মসংসৃতিঃ ॥ ২৫ ॥
এষ প্রিযাপ্রিযৈর্যোগো বিযোগঃ কর্মসংসৃতিঃ ॥ ২৫ ॥
সম্ভবশ্চ বিনাশশ্চ শোকশ্চ বিবিধঃ স্মৃতঃ ।
অবিবেকশ্চ চিন্তা চ বিবেকাস্মৃতিরেব চ ॥ ২৬ ॥
অবিবেকশ্চ চিন্তা চ বিবেকাস্মৃতিরেব চ ॥ ২৬ ॥
অত্রাপ্যুদাহরন্তীমমিতিহাসং পুরাতনম্ ।
যমস্য প্রেতবন্ধূনাং সংবাদং তং নিবোধত ॥ ২৭ ॥
যমস্য প্রেতবন্ধূনাং সংবাদং তং নিবোধত ॥ ২৭ ॥
উশীনরেষ্বভূদ্রাজা সুযজ্ঞ ইতি বিশ্রুতঃ ।
সপত্নৈর্নিহতো যুদ্ধে জ্ঞাতযস্তমুপাসত ॥ ২৮ ॥
সপত্নৈর্নিহতো যুদ্ধে জ্ঞাতযস্তমুপাসত ॥ ২৮ ॥
বিশীর্ণরত্নকবচং বিভ্রষ্টাভরণস্রজম্ ।
শরনির্ভিন্নহৃদযং শযানমসৃগাবিলম্ ॥ ২৯ ॥
শরনির্ভিন্নহৃদযং শযানমসৃগাবিলম্ ॥ ২৯ ॥
প্রকীর্ণকেশং ধ্বস্তাক্ষং রভসা দষ্টদচ্ছদম্ ।
রজঃকুণ্ঠমুখাম্ভোজং ছিন্নাযুধভুজং মৃধে ॥ ৩০ ॥
রজঃকুণ্ঠমুখাম্ভোজং ছিন্নাযুধভুজং মৃধে ॥ ৩০ ॥
উশীনরেন্দ্রং বিধিনা তথা কৃতং
পতিং মহিষ্যঃ প্রসমীক্ষ্য দুঃখিতাঃ ।
হতাঃ স্ম নাথেতি করৈরুরো ভৃশং
ঘ্নন্ত্যো মুহুস্তত্পদযোরুপাপতন্ ॥ ৩১ ॥
পতিং মহিষ্যঃ প্রসমীক্ষ্য দুঃখিতাঃ ।
হতাঃ স্ম নাথেতি করৈরুরো ভৃশং
ঘ্নন্ত্যো মুহুস্তত্পদযোরুপাপতন্ ॥ ৩১ ॥
রুদত্য উচ্চৈর্দযিতাঙ্ঘ্রিপঙ্কজং
সিঞ্চন্ত্য অস্রৈঃ কুচকুঙ্কুমারুণৈঃ ।
বিস্রস্তকেশাভরণাঃ শুচং নৃণাং
সৃজন্ত্য আক্রন্দনযা বিলেপিরে ॥ ৩২ ॥
সিঞ্চন্ত্য অস্রৈঃ কুচকুঙ্কুমারুণৈঃ ।
বিস্রস্তকেশাভরণাঃ শুচং নৃণাং
সৃজন্ত্য আক্রন্দনযা বিলেপিরে ॥ ৩২ ॥
অহো বিধাত্রাকরুণেন নঃ প্রভো
ভবান্ প্রণীতো দৃগগোচরাং দশাম্ ।
উশীনরাণামসি বৃত্তিদঃ পুরা
কৃতোঽধুনা যেন শুচাং বিবর্ধনঃ ॥ ৩৩ ॥
ভবান্ প্রণীতো দৃগগোচরাং দশাম্ ।
উশীনরাণামসি বৃত্তিদঃ পুরা
কৃতোঽধুনা যেন শুচাং বিবর্ধনঃ ॥ ৩৩ ॥
ত্বযা কৃতজ্ঞেন বযং মহীপতে
কথং বিনা স্যাম সুহৃত্তমেন তে ।
তত্রানুযানং তব বীর পাদযোঃ
শুশ্রূষতীনাং দিশ যত্র যাস্যসি ॥ ৩৪ ॥
কথং বিনা স্যাম সুহৃত্তমেন তে ।
তত্রানুযানং তব বীর পাদযোঃ
শুশ্রূষতীনাং দিশ যত্র যাস্যসি ॥ ৩৪ ॥
এবং বিলপতীনাং বৈ পরিগৃহ্য মৃতং পতিম্ ।
অনিচ্ছতীনাং নির্হারমর্কোঽস্তং সন্ন্যবর্তত ॥ ৩৫ ॥
অনিচ্ছতীনাং নির্হারমর্কোঽস্তং সন্ন্যবর্তত ॥ ৩৫ ॥
তত্র হ প্রেতবন্ধূনামাশ্রুত্য পরিদেবিতম্ ।
আহ তান্ বালকো ভূত্বা যমঃ স্বযমুপাগতঃ ॥ ৩৬ ॥
আহ তান্ বালকো ভূত্বা যমঃ স্বযমুপাগতঃ ॥ ৩৬ ॥
শ্রীযম উবাচ
অহো অমীষাং বযসাধিকানাং
বিপশ্যতাং লোকবিধিং বিমোহঃ ।
যত্রাগতস্তত্র গতং মনুষ্যং
স্বযং সধর্মা অপি শোচন্ত্যপার্থম্ ॥ ৩৭ ॥
অহো অমীষাং বযসাধিকানাং
বিপশ্যতাং লোকবিধিং বিমোহঃ ।
যত্রাগতস্তত্র গতং মনুষ্যং
স্বযং সধর্মা অপি শোচন্ত্যপার্থম্ ॥ ৩৭ ॥
অহো বযং ধন্যতমা যদত্র
ত্যক্তাঃ পিতৃভ্যাং ন বিচিন্তযামঃ ।
অভক্ষ্যমাণা অবলা বৃকাদিভিঃ
স রক্ষিতা রক্ষতি যো হি গর্ভে ॥ ৩৮ ॥
ত্যক্তাঃ পিতৃভ্যাং ন বিচিন্তযামঃ ।
অভক্ষ্যমাণা অবলা বৃকাদিভিঃ
স রক্ষিতা রক্ষতি যো হি গর্ভে ॥ ৩৮ ॥
য ইচ্ছযেশঃ সৃজতীদমব্যযো
য এব রক্ষত্যবলুম্পতে চ যঃ ।
তস্যাবলাঃ ক্রীডনমাহুরীশিতু-
শ্চরাচরং নিগ্রহসঙ্গ্রহে প্রভুঃ ॥ ৩৯ ॥
য এব রক্ষত্যবলুম্পতে চ যঃ ।
তস্যাবলাঃ ক্রীডনমাহুরীশিতু-
শ্চরাচরং নিগ্রহসঙ্গ্রহে প্রভুঃ ॥ ৩৯ ॥
পথি চ্যুতং তিষ্ঠতি দিষ্টরক্ষিতং
গৃহে স্থিতং তদ্বিহতং বিনশ্যতি ।
জীবত্যনাথোঽপি তদীক্ষিতো বনে
গৃহেঽভিগুপ্তোঽস্য হতো ন জীবতি ॥ ৪০ ॥
গৃহে স্থিতং তদ্বিহতং বিনশ্যতি ।
জীবত্যনাথোঽপি তদীক্ষিতো বনে
গৃহেঽভিগুপ্তোঽস্য হতো ন জীবতি ॥ ৪০ ॥
ভূতানি তৈস্তৈর্নিজযোনিকর্মভি-
র্ভবন্তি কালে ন ভবন্তি সর্বশঃ ।
ন তত্র হাত্মা প্রকৃতাবপি স্থিত-
স্তস্যা গুণৈরন্যতমো হি বধ্যতে ॥ ৪১ ॥
র্ভবন্তি কালে ন ভবন্তি সর্বশঃ ।
ন তত্র হাত্মা প্রকৃতাবপি স্থিত-
স্তস্যা গুণৈরন্যতমো হি বধ্যতে ॥ ৪১ ॥
ইদং শরীরং পুরুষস্য মোহজং
যথা পৃথগ্ভৌতিকমীযতে গৃহম্ ।
যথৌদকৈঃ পার্থিবতৈজসৈর্জনঃ
কালেন জাতো বিকৃতো বিনশ্যতি ॥ ৪২ ॥
যথা পৃথগ্ভৌতিকমীযতে গৃহম্ ।
যথৌদকৈঃ পার্থিবতৈজসৈর্জনঃ
কালেন জাতো বিকৃতো বিনশ্যতি ॥ ৪২ ॥
যথানলো দারুষু ভিন্ন ঈযতে
যথানিলো দেহগতঃ পৃথক্ স্থিতঃ ।
যথা নভঃ সর্বগতং ন সজ্জতে
তথা পুমান্ সর্বগুণাশ্রযঃ পরঃ ॥ ৪৩ ॥
যথানিলো দেহগতঃ পৃথক্ স্থিতঃ ।
যথা নভঃ সর্বগতং ন সজ্জতে
তথা পুমান্ সর্বগুণাশ্রযঃ পরঃ ॥ ৪৩ ॥
সুযজ্ঞো নন্বযং শেতে মূঢা যমনুশোচথ ।
যঃ শ্রোতা যোঽনুবক্তেহ স ন দৃশ্যেত কর্হিচিত্ ॥ ৪৪ ॥
যঃ শ্রোতা যোঽনুবক্তেহ স ন দৃশ্যেত কর্হিচিত্ ॥ ৪৪ ॥
ন শ্রোতা নানুবক্তাযং মুখ্যোঽপ্যত্র মহানসুঃ ।
যস্ত্বিহেন্দ্রিযবানাত্মা স চান্যঃ প্রাণদেহযোঃ ॥ ৪৫ ॥
যস্ত্বিহেন্দ্রিযবানাত্মা স চান্যঃ প্রাণদেহযোঃ ॥ ৪৫ ॥
ভূতেন্দ্রিযমনোলিঙ্গান্ দেহানুচ্চাবচান্ বিভুঃ ।
ভজত্যুত্সৃজতি হ্যন্যস্তচ্চাপি স্বেন তেজসা ॥ ৪৬ ॥
ভজত্যুত্সৃজতি হ্যন্যস্তচ্চাপি স্বেন তেজসা ॥ ৪৬ ॥
যাবল্লিঙ্গান্বিতো হ্যাত্মা তাবত্কর্মনিবন্ধনম্ ।
ততো বিপর্যযঃ ক্লেশো মাযাযোগোঽনুবর্ততে ॥ ৪৭ ॥
ততো বিপর্যযঃ ক্লেশো মাযাযোগোঽনুবর্ততে ॥ ৪৭ ॥
বিতথাভিনিবেশোঽযং যদ্গুণেষ্বর্থদৃগ্বচঃ ।
যথা মনোরথঃ স্বপ্নঃ সর্বমৈন্দ্রিযকং মৃষা ॥ ৪৮ ॥
যথা মনোরথঃ স্বপ্নঃ সর্বমৈন্দ্রিযকং মৃষা ॥ ৪৮ ॥
অথ নিত্যমনিত্যং বা নেহ শোচন্তি তদ্বিদঃ ।
নান্যথা শক্যতে কর্তুং স্বভাবঃ শোচতামিতি ॥ ৪৯ ॥
নান্যথা শক্যতে কর্তুং স্বভাবঃ শোচতামিতি ॥ ৪৯ ॥
লুব্ধকো বিপিনে কশ্চিত্পক্ষিণাং নির্মিতোঽন্তকঃ ।
বিতত্য জালং বিদধে তত্র তত্র প্রলোভযন্ ॥ ৫০ ॥
বিতত্য জালং বিদধে তত্র তত্র প্রলোভযন্ ॥ ৫০ ॥
কুলিঙ্গমিথুনং তত্র বিচরত্সমদৃশ্যত ।
তযোঃ কুলিঙ্গী সহসা লুব্ধকেন প্রলোভিতা ॥ ৫১ ॥
তযোঃ কুলিঙ্গী সহসা লুব্ধকেন প্রলোভিতা ॥ ৫১ ॥
সাসজ্জত সিচস্তন্ত্র্যাং মহিষ্যঃ কালযন্ত্রিতা ।
কুলিঙ্গস্তাং তথাপন্নাং নিরীক্ষ্য ভৃশদুঃখিতঃ ।
স্নেহাদকল্পঃ কৃপণঃ কৃপণাং পর্যদেবযত্ ॥ ৫২ ॥
কুলিঙ্গস্তাং তথাপন্নাং নিরীক্ষ্য ভৃশদুঃখিতঃ ।
স্নেহাদকল্পঃ কৃপণঃ কৃপণাং পর্যদেবযত্ ॥ ৫২ ॥
অহো অকরুণো দেবঃ স্ত্রিযাকরুণযা বিভুঃ ।
কৃপণং মামনুশোচন্ত্যা দীনযা কিং করিষ্যতি ॥ ৫৩ ॥
কৃপণং মামনুশোচন্ত্যা দীনযা কিং করিষ্যতি ॥ ৫৩ ॥
কামং নযতু মাং দেবঃ কিমর্ধেনাত্মনো হি মে ।
দীনেন জীবতা দুঃখমনেন বিধুরাযুষা ॥ ৫৪ ॥
দীনেন জীবতা দুঃখমনেন বিধুরাযুষা ॥ ৫৪ ॥
কথং ত্বজাতপক্ষাংস্তান্ মাতৃহীনান্ বিভর্ম্যহম্ ।
মন্দভাগ্যাঃ প্রতীক্ষন্তে নীডে মে মাতরং প্রজাঃ ॥ ৫৫ ॥
মন্দভাগ্যাঃ প্রতীক্ষন্তে নীডে মে মাতরং প্রজাঃ ॥ ৫৫ ॥
এবং কুলিঙ্গং বিলপন্তমারাত্
প্রিযাবিযোগাতুরমশ্রুকণ্ঠম্ ।
স এব তং শাকুনিকঃ শরেণ
বিব্যাধ কালপ্রহিতো বিলীনঃ ॥ ৫৬ ॥
প্রিযাবিযোগাতুরমশ্রুকণ্ঠম্ ।
স এব তং শাকুনিকঃ শরেণ
বিব্যাধ কালপ্রহিতো বিলীনঃ ॥ ৫৬ ॥
এবং যূযমপশ্যন্ত্য আত্মাপাযমবুদ্ধযঃ ।
নৈনং প্রাপ্স্যথ শোচন্ত্যঃ পতিং বর্ষশতৈরপি ॥ ৫৭ ॥
নৈনং প্রাপ্স্যথ শোচন্ত্যঃ পতিং বর্ষশতৈরপি ॥ ৫৭ ॥
শ্রীহিরণ্যকশিপুরুবাচ
বাল এবং প্রবদতি সর্বে বিস্মিতচেতসঃ ।
জ্ঞাতযো মেনিরে সর্বমনিত্যমযথোত্থিতম্ ॥ ৫৮ ॥
বাল এবং প্রবদতি সর্বে বিস্মিতচেতসঃ ।
জ্ঞাতযো মেনিরে সর্বমনিত্যমযথোত্থিতম্ ॥ ৫৮ ॥
যম এতদুপাখ্যায তত্রৈবান্তরধীযত ।
জ্ঞাতযোঽহি সুযজ্ঞস্য চক্রুর্যত্সাম্পরাযিকম্ ॥ ৫৯ ॥
জ্ঞাতযোঽহি সুযজ্ঞস্য চক্রুর্যত্সাম্পরাযিকম্ ॥ ৫৯ ॥
অতঃ শোচত মা যূযং পরং চাত্মানমেব বা ।
ক আত্মা কঃ পরো বাত্র স্বীযঃ পারক্য এব বা ।
স্বপরাভিনিবেশেন বিনাজ্ঞানেন দেহিনাম্ ॥ ৬০ ॥
ক আত্মা কঃ পরো বাত্র স্বীযঃ পারক্য এব বা ।
স্বপরাভিনিবেশেন বিনাজ্ঞানেন দেহিনাম্ ॥ ৬০ ॥
শ্রীনারদ উবাচ
ইতি দৈত্যপতের্বাক্যং দিতিরাকর্ণ্য সস্নুষা ।
পুত্রশোকং ক্ষণাত্ত্যক্ত্বা তত্ত্বে চিত্তমধারযত্ ॥ ৬১ ॥
ইতি দৈত্যপতের্বাক্যং দিতিরাকর্ণ্য সস্নুষা ।
পুত্রশোকং ক্ষণাত্ত্যক্ত্বা তত্ত্বে চিত্তমধারযত্ ॥ ৬১ ॥