শ্রীপ্রহ্রাদ উবাচ
কৌমার আচরেত্প্রাজ্ঞো ধর্মান্ভাগবতানিহ ।
দুর্লভং মানুষং জন্ম তদপ্যধ্রুবমর্থদম্ ॥ ১ ॥
কৌমার আচরেত্প্রাজ্ঞো ধর্মান্ভাগবতানিহ ।
দুর্লভং মানুষং জন্ম তদপ্যধ্রুবমর্থদম্ ॥ ১ ॥
যথা হি পুরুষস্যেহ বিষ্ণোঃ পাদোপসর্পণম্ ।
যদেষ সর্বভূতানাং প্রিয আত্মেশ্বরঃ সুহৃত্ ॥ ২ ॥
যদেষ সর্বভূতানাং প্রিয আত্মেশ্বরঃ সুহৃত্ ॥ ২ ॥
সুখমৈন্দ্রিযকং দৈত্যা দেহযোগেন দেহিনাম্ ।
সর্বত্র লভ্যতে দৈবাদ্যথা দুঃখমযত্নতঃ ॥ ৩ ॥
সর্বত্র লভ্যতে দৈবাদ্যথা দুঃখমযত্নতঃ ॥ ৩ ॥
তত্প্রযাসো ন কর্তব্যো যত আযুর্ব্যযঃ পরম্ ।
ন তথা বিন্দতে ক্ষেমং মুকুন্দচরণাম্বুজম্ ॥ ৪ ॥
ন তথা বিন্দতে ক্ষেমং মুকুন্দচরণাম্বুজম্ ॥ ৪ ॥
ততো যতেত কুশলঃ ক্ষেমায ভবমাশ্রিতঃ ।
শরীরং পৌরুষং যাবন্ন বিপদ্যেত পুষ্কলম্ ॥ ৫ ॥
শরীরং পৌরুষং যাবন্ন বিপদ্যেত পুষ্কলম্ ॥ ৫ ॥
পুংসো বর্ষশতং হ্যাযুস্তদর্ধং চাজিতাত্মনঃ ।
নিষ্ফলং যদসৌ রাত্র্যাং শেতেঽন্ধং প্রাপিতস্তমঃ ॥ ৬ ॥
নিষ্ফলং যদসৌ রাত্র্যাং শেতেঽন্ধং প্রাপিতস্তমঃ ॥ ৬ ॥
মুগ্ধস্য বাল্যে কৈশোরে ক্রীডতো যাতি বিংশতিঃ ।
জরযা গ্রস্তদেহস্য যাত্যকল্পস্য বিংশতিঃ ॥ ৭ ॥
জরযা গ্রস্তদেহস্য যাত্যকল্পস্য বিংশতিঃ ॥ ৭ ॥
দুরাপূরেণ কামেন মোহেন চ বলীযসা ।
শেষং গৃহেষু সক্তস্য প্রমত্তস্যাপযাতি হি ॥ ৮ ॥
শেষং গৃহেষু সক্তস্য প্রমত্তস্যাপযাতি হি ॥ ৮ ॥
কো গৃহেষু পুমান্সক্তমাত্মানমজিতেন্দ্রিযঃ ।
স্নেহপাশৈর্দৃঢৈর্বদ্ধমুত্সহেত বিমোচিতুম্ ॥ ৯ ॥
স্নেহপাশৈর্দৃঢৈর্বদ্ধমুত্সহেত বিমোচিতুম্ ॥ ৯ ॥
কো ন্বর্থতৃষ্ণাং বিসৃজেত্প্রাণেভ্যোঽপি য ঈপ্সিতঃ ।
যং ক্রীণাত্যসুভিঃ প্রেষ্ঠৈস্তস্করঃ সেবকো বণিক্ ॥ ১০ ॥
যং ক্রীণাত্যসুভিঃ প্রেষ্ঠৈস্তস্করঃ সেবকো বণিক্ ॥ ১০ ॥
কথং প্রিযাযা অনুকম্পিতাযাঃ
সঙ্গং রহস্যং রুচিরাংশ্চ মন্ত্রান্ ।
সুহৃত্সু তত্স্নেহসিতঃ শিশূনাং
কলাক্ষরাণামনুরক্তচিত্তঃ ॥ ১১ ॥
সঙ্গং রহস্যং রুচিরাংশ্চ মন্ত্রান্ ।
সুহৃত্সু তত্স্নেহসিতঃ শিশূনাং
কলাক্ষরাণামনুরক্তচিত্তঃ ॥ ১১ ॥
পুত্রান্স্মরংস্তা দুহিতৃর্হৃদয্যা
ভ্রাতৃন্ স্বসৃর্বা পিতরৌ চ দীনৌ ।
গৃহান্ মনোজ্ঞোরুপরিচ্ছদাংশ্চ
বৃত্তীশ্চ কুল্যাঃ পশুভৃত্যবর্গান্ ॥ ১২ ॥
ভ্রাতৃন্ স্বসৃর্বা পিতরৌ চ দীনৌ ।
গৃহান্ মনোজ্ঞোরুপরিচ্ছদাংশ্চ
বৃত্তীশ্চ কুল্যাঃ পশুভৃত্যবর্গান্ ॥ ১২ ॥
ত্যজেত কোশস্কৃদিবেহমানঃ
কর্মাণি লোভাদবিতৃপ্তকামঃ ।
ঔপস্থ্যজৈহ্বং বহুমন্যমানঃ
কথং বিরজ্যেত দুরন্তমোহঃ ॥ ১৩ ॥
কর্মাণি লোভাদবিতৃপ্তকামঃ ।
ঔপস্থ্যজৈহ্বং বহুমন্যমানঃ
কথং বিরজ্যেত দুরন্তমোহঃ ॥ ১৩ ॥
কুটুম্বপোষায বিযন্নিজাযু
র্ন বুধ্যতেঽর্থং বিহতং প্রমত্তঃ ।
সর্বত্র তাপত্রযদুঃখিতাত্মা
নির্বিদ্যতে ন স্বকুটুম্বরামঃ ॥ ১৪ ॥
র্ন বুধ্যতেঽর্থং বিহতং প্রমত্তঃ ।
সর্বত্র তাপত্রযদুঃখিতাত্মা
নির্বিদ্যতে ন স্বকুটুম্বরামঃ ॥ ১৪ ॥
বিত্তেষু নিত্যাভিনিবিষ্টচেতা
বিদ্বাংশ্চ দোষং পরবিত্তহর্তুঃ ।
প্রেত্যেহ বাথাপ্যজিতেন্দ্রিযস্ত-
দশান্তকামো হরতে কুটুম্বী ॥ ১৫ ॥
বিদ্বাংশ্চ দোষং পরবিত্তহর্তুঃ ।
প্রেত্যেহ বাথাপ্যজিতেন্দ্রিযস্ত-
দশান্তকামো হরতে কুটুম্বী ॥ ১৫ ॥
বিদ্বানপীত্থং দনুজাঃ কুটুম্বং
পুষ্ণন্স্বলোকায ন কল্পতে বৈ ।
যঃ স্বীযপারক্যবিভিন্নভাব-
স্তমঃ প্রপদ্যেত যথা বিমূঢঃ ॥ ১৬ ॥
পুষ্ণন্স্বলোকায ন কল্পতে বৈ ।
যঃ স্বীযপারক্যবিভিন্নভাব-
স্তমঃ প্রপদ্যেত যথা বিমূঢঃ ॥ ১৬ ॥
যতো ন কশ্চিত্ ক্ব চ কুত্রচিদ্ বা
দীনঃ স্বমাত্মানমলং সমর্থঃ ।
বিমোচিতুং কামদৃশাং বিহার-
ক্রীডামৃগো যন্নিগডো বিসর্গঃ ॥ ১৭ ॥
দীনঃ স্বমাত্মানমলং সমর্থঃ ।
বিমোচিতুং কামদৃশাং বিহার-
ক্রীডামৃগো যন্নিগডো বিসর্গঃ ॥ ১৭ ॥
ততো বিদূরাত্ পরিহৃত্য দৈত্যা
দৈত্যেষু সঙ্গং বিষযাত্মকেষু ।
উপেত নারাযণমাদিদেবং
স মুক্তসঙ্গৈরিষিতোঽপবর্গঃ ॥ ১৮ ॥
দৈত্যেষু সঙ্গং বিষযাত্মকেষু ।
উপেত নারাযণমাদিদেবং
স মুক্তসঙ্গৈরিষিতোঽপবর্গঃ ॥ ১৮ ॥
ন হ্যচ্যুতং প্রীণযতো বহ্বাযাসোঽসুরাত্মজাঃ ।
আত্মত্বাত্সর্বভূতানাং সিদ্ধত্বাদিহ সর্বতঃ ॥ ১৯ ॥
আত্মত্বাত্সর্বভূতানাং সিদ্ধত্বাদিহ সর্বতঃ ॥ ১৯ ॥
পরাবরেষু ভূতেষু ব্রহ্মান্তস্থাবরাদিষু ।
ভৌতিকেষু বিকারেষু ভূতেষ্বথ মহত্সু চ ॥ ২০ ॥
ভৌতিকেষু বিকারেষু ভূতেষ্বথ মহত্সু চ ॥ ২০ ॥
গুণেষু গুণসাম্যে চ গুণব্যতিকরে তথা ।
এক এব পরো হ্যাত্মা ভগবানীশ্বরোঽব্যযঃ ॥ ২১ ॥
এক এব পরো হ্যাত্মা ভগবানীশ্বরোঽব্যযঃ ॥ ২১ ॥
প্রত্যগাত্মস্বরূপেণ দৃশ্যরূপেণ চ স্বযম্ ।
ব্যাপ্যব্যাপকনির্দেশ্যো হ্যনির্দেশ্যোঽবিকল্পিতঃ ॥ ২২ ॥
ব্যাপ্যব্যাপকনির্দেশ্যো হ্যনির্দেশ্যোঽবিকল্পিতঃ ॥ ২২ ॥
কেবলানুভবানন্দস্বরূপঃ পরমেশ্বরঃ ।
মাযযান্তর্হিতৈশ্বর্য ঈযতে গুণসর্গযা ॥ ২৩ ॥
মাযযান্তর্হিতৈশ্বর্য ঈযতে গুণসর্গযা ॥ ২৩ ॥
তস্মাত্সর্বেষু ভূতেষু দযাং কুরুত সৌহৃদম্ ।
ভাবমাসুরমুন্মুচ্য যযা তুষ্যত্যধোক্ষজঃ ॥ ২৪ ॥
ভাবমাসুরমুন্মুচ্য যযা তুষ্যত্যধোক্ষজঃ ॥ ২৪ ॥
তুষ্টে চ তত্র কিমলভ্যমনন্ত আদ্যে
কিং তৈর্গুণব্যতিকরাদিহ যে স্বসিদ্ধাঃ ।
ধর্মাদযঃ কিমগুণেন চ কাঙ্ক্ষিতেন
সারং জুষাং চরণযোরুপগাযতাং নঃ ॥ ২৫ ॥
কিং তৈর্গুণব্যতিকরাদিহ যে স্বসিদ্ধাঃ ।
ধর্মাদযঃ কিমগুণেন চ কাঙ্ক্ষিতেন
সারং জুষাং চরণযোরুপগাযতাং নঃ ॥ ২৫ ॥
ধর্মার্থকাম ইতি যোঽভিহিতস্ত্রিবর্গ
ঈক্ষা ত্রযী নযদমৌ বিবিধা চ বার্তা ।
মন্যে তদেতদখিলং নিগমস্য সত্যং
স্বাত্মার্পণং স্বসুহৃদঃ পরমস্য পুংসঃ ॥ ২৬ ॥
ঈক্ষা ত্রযী নযদমৌ বিবিধা চ বার্তা ।
মন্যে তদেতদখিলং নিগমস্য সত্যং
স্বাত্মার্পণং স্বসুহৃদঃ পরমস্য পুংসঃ ॥ ২৬ ॥
জ্ঞানং তদেতদমলং দুরবাপমাহ
নারাযণো নরসখঃ কিল নারদায ।
একান্তিনাং ভগবতস্তদকিঞ্চনানাং
পাদারবিন্দরজসাপ্লুতদেহিনাং স্যাত্ ॥ ২৭ ॥
নারাযণো নরসখঃ কিল নারদায ।
একান্তিনাং ভগবতস্তদকিঞ্চনানাং
পাদারবিন্দরজসাপ্লুতদেহিনাং স্যাত্ ॥ ২৭ ॥
শ্রুতমেতন্মযা পূর্বং জ্ঞানং বিজ্ঞানসংযুতম্ ।
ধর্মং ভাগবতং শুদ্ধং নারদাদ্দেবদর্শনাত্ ॥ ২৮ ॥
ধর্মং ভাগবতং শুদ্ধং নারদাদ্দেবদর্শনাত্ ॥ ২৮ ॥
শ্রীদৈত্যপুত্রা ঊচুঃ
প্রহ্রাদ ত্বং বযং চাপি নর্তেঽন্যং বিদ্মহে গুরুম্ ।
এতাভ্যাং গুরুপুত্রাভ্যাং বালানামপি হীশ্বরৌ ॥ ২৯ ॥
প্রহ্রাদ ত্বং বযং চাপি নর্তেঽন্যং বিদ্মহে গুরুম্ ।
এতাভ্যাং গুরুপুত্রাভ্যাং বালানামপি হীশ্বরৌ ॥ ২৯ ॥
বালস্যান্তঃপুরস্থস্য মহত্সঙ্গো দুরন্বযঃ ।
ছিন্ধি নঃ সংশযং সৌম্য স্যাচ্চেদ্বিস্রম্ভকারণম্ ॥ ৩০ ॥
ছিন্ধি নঃ সংশযং সৌম্য স্যাচ্চেদ্বিস্রম্ভকারণম্ ॥ ৩০ ॥