শ্রীশুক উবাচ
এবং পুত্রেষু নষ্টেষু দেবমাতাদিতিস্তদা ।
হৃতে ত্রিবিষ্টপে দৈত্যৈঃ পর্যতপ্যদনাথবত্ ॥ ১ ॥
এবং পুত্রেষু নষ্টেষু দেবমাতাদিতিস্তদা ।
হৃতে ত্রিবিষ্টপে দৈত্যৈঃ পর্যতপ্যদনাথবত্ ॥ ১ ॥
একদা কশ্যপস্তস্যা আশ্রমং ভগবানগাত্ ।
নিরুত্সবং নিরানন্দং সমাধের্বিরতশ্চিরাত্ ॥ ২ ॥
নিরুত্সবং নিরানন্দং সমাধের্বিরতশ্চিরাত্ ॥ ২ ॥
স পত্নীং দীনবদনাং কৃতাসনপরিগ্রহঃ ।
সভাজিতো যথান্যাযমিদমাহ কুরূদ্বহ ॥ ৩ ॥
সভাজিতো যথান্যাযমিদমাহ কুরূদ্বহ ॥ ৩ ॥
অপ্যভদ্রং ন বিপ্রাণাং ভদ্রে লোকেঽধুনাগতম্ ।
ন ধর্মস্য ন লোকস্য মৃত্যোশ্ছন্দানুবর্তিনঃ ॥ ৪ ॥
ন ধর্মস্য ন লোকস্য মৃত্যোশ্ছন্দানুবর্তিনঃ ॥ ৪ ॥
অপি বাকুশলং কিঞ্চিদ্ গৃহেষু গৃহমেধিনি ।
ধর্মস্যার্থস্য কামস্য যত্র যোগো হ্যযোগিনাম্ ॥ ৫ ॥
ধর্মস্যার্থস্য কামস্য যত্র যোগো হ্যযোগিনাম্ ॥ ৫ ॥
অপি বাতিথযোঽভ্যেত্য কুটুম্বাসক্তযা ত্বযা ।
গৃহাদপূজিতা যাতাঃ প্রত্যুত্থানেন বা ক্বচিত্ ॥ ৬ ॥
গৃহাদপূজিতা যাতাঃ প্রত্যুত্থানেন বা ক্বচিত্ ॥ ৬ ॥
গৃহেষু যেষ্বতিথযো নার্চিতাঃ সলিলৈরপি ।
যদি নির্যান্তি তে নূনং ফেরুরাজগৃহোপমাঃ ॥ ৭ ॥
যদি নির্যান্তি তে নূনং ফেরুরাজগৃহোপমাঃ ॥ ৭ ॥
অপ্যগ্নযস্তু বেলাযাং ন হুতা হবিষা সতি ।
ত্বযোদ্বিগ্নধিযা ভদ্রে প্রোষিতে মযি কর্হিচিত্ ॥ ৮ ॥
ত্বযোদ্বিগ্নধিযা ভদ্রে প্রোষিতে মযি কর্হিচিত্ ॥ ৮ ॥
যত্পূজযা কামদুঘান্যাতি লোকান্গৃহান্বিতঃ ।
ব্রাহ্মণোঽগ্নিশ্চ বৈ বিষ্ণোঃ সর্বদেবাত্মনো মুখম্ ॥ ৯ ॥
ব্রাহ্মণোঽগ্নিশ্চ বৈ বিষ্ণোঃ সর্বদেবাত্মনো মুখম্ ॥ ৯ ॥
অপি সর্বে কুশলিনস্তব পুত্রা মনস্বিনি ।
লক্ষযেঽস্বস্থমাত্মানং ভবত্যা লক্ষণৈরহম্ ॥ ১০ ॥
লক্ষযেঽস্বস্থমাত্মানং ভবত্যা লক্ষণৈরহম্ ॥ ১০ ॥
শ্রীঅদিতিরুবাচ
ভদ্রং দ্বিজগবাং ব্রহ্মন্ধর্মস্যাস্য জনস্য চ ।
ত্রিবর্গস্য পরং ক্ষেত্রং গৃহমেধিন্গৃহা ইমে ॥ ১১ ॥
ভদ্রং দ্বিজগবাং ব্রহ্মন্ধর্মস্যাস্য জনস্য চ ।
ত্রিবর্গস্য পরং ক্ষেত্রং গৃহমেধিন্গৃহা ইমে ॥ ১১ ॥
অগ্নযোঽতিথযো ভৃত্যা ভিক্ষবো যে চ লিপ্সবঃ ।
সর্বং ভগবতো ব্রহ্মন্ননুধ্যানান্ন রিষ্যতি ॥ ১২ ॥
সর্বং ভগবতো ব্রহ্মন্ননুধ্যানান্ন রিষ্যতি ॥ ১২ ॥
কো নু মে ভগবন্কামো ন সম্পদ্যেত মানসঃ ।
যস্যা ভবান্প্রজাধ্যক্ষ এবং ধর্মান্প্রভাষতে ॥ ১৩ ॥
যস্যা ভবান্প্রজাধ্যক্ষ এবং ধর্মান্প্রভাষতে ॥ ১৩ ॥
তবৈব মারীচ মনঃশরীরজাঃ
প্রজা ইমাঃ সত্ত্বরজস্তমোজুষঃ ।
সমো ভবাংস্তাস্বসুরাদিষু প্রভো
তথাপি ভক্তং ভজতে মহেশ্বরঃ ॥ ১৪ ॥
প্রজা ইমাঃ সত্ত্বরজস্তমোজুষঃ ।
সমো ভবাংস্তাস্বসুরাদিষু প্রভো
তথাপি ভক্তং ভজতে মহেশ্বরঃ ॥ ১৪ ॥
তস্মাদীশ ভজন্ত্যা মে শ্রেযশ্চিন্তয সুব্রত ।
হৃতশ্রিযো হৃতস্থানান্সপত্নৈঃ পাহি নঃ প্রভো ॥ ১৫ ॥
হৃতশ্রিযো হৃতস্থানান্সপত্নৈঃ পাহি নঃ প্রভো ॥ ১৫ ॥
পরৈর্বিবাসিতা সাহং মগ্না ব্যসনসাগরে ।
ঐশ্বর্যং শ্রীর্যশঃ স্থানং হৃতানি প্রবলৈর্মম ॥ ১৬ ॥
ঐশ্বর্যং শ্রীর্যশঃ স্থানং হৃতানি প্রবলৈর্মম ॥ ১৬ ॥
যথা তানি পুনঃ সাধো প্রপদ্যেরন্ মমাত্মজাঃ ।
তথা বিধেহি কল্যাণং ধিযা কল্যাণকৃত্তম ॥ ১৭ ॥
তথা বিধেহি কল্যাণং ধিযা কল্যাণকৃত্তম ॥ ১৭ ॥
শ্রীশুক উবাচ
এবমভ্যর্থিতোঽদিত্যা কস্তামাহ স্মযন্নিব ।
অহো মাযাবলং বিষ্ণোঃ স্নেহবদ্ধমিদং জগত্ ॥ ১৮ ॥
এবমভ্যর্থিতোঽদিত্যা কস্তামাহ স্মযন্নিব ।
অহো মাযাবলং বিষ্ণোঃ স্নেহবদ্ধমিদং জগত্ ॥ ১৮ ॥
ক্ব দেহো ভৌতিকোঽনাত্মা ক্ব চাত্মা প্রকৃতেঃ পরঃ ।
কস্য কে পতিপুত্রাদ্যা মোহ এব হি কারণম্ ॥ ১৯ ॥
কস্য কে পতিপুত্রাদ্যা মোহ এব হি কারণম্ ॥ ১৯ ॥
উপতিষ্ঠস্ব পুরুষং ভগবন্তং জনার্দনম্ ।
সর্বভূতগুহাবাসং বাসুদেবং জগদ্গুরুম্ ॥ ২০ ॥
সর্বভূতগুহাবাসং বাসুদেবং জগদ্গুরুম্ ॥ ২০ ॥
স বিধাস্যতি তে কামান্হরির্দীনানুকম্পনঃ ।
অমোঘা ভগবদ্ভক্তির্নেতরেতি মতির্মম ॥ ২১ ॥
অমোঘা ভগবদ্ভক্তির্নেতরেতি মতির্মম ॥ ২১ ॥
শ্রীঅদিতিরুবাচ
কেনাহং বিধিনা ব্রহ্মন্নুপস্থাস্যে জগত্পতিম্ ।
যথা মে সত্যসঙ্কল্পো বিদধ্যাত্ স মনোরথম্ ॥ ২২ ॥
কেনাহং বিধিনা ব্রহ্মন্নুপস্থাস্যে জগত্পতিম্ ।
যথা মে সত্যসঙ্কল্পো বিদধ্যাত্ স মনোরথম্ ॥ ২২ ॥
আদিশ ত্বং দ্বিজশ্রেষ্ঠ বিধিং তদুপধাবনম্ ।
আশু তুষ্যতি মে দেবঃ সীদন্ত্যাঃ সহ পুত্রকৈঃ ॥ ২৩ ॥
আশু তুষ্যতি মে দেবঃ সীদন্ত্যাঃ সহ পুত্রকৈঃ ॥ ২৩ ॥
শ্রীকশ্যপ উবাচ
এতন্মে ভগবান্পৃষ্টঃ প্রজাকামস্য পদ্মজঃ ।
যদাহ তে প্রবক্ষ্যামি ব্রতং কেশবতোষণম্ ॥ ২৪ ॥
এতন্মে ভগবান্পৃষ্টঃ প্রজাকামস্য পদ্মজঃ ।
যদাহ তে প্রবক্ষ্যামি ব্রতং কেশবতোষণম্ ॥ ২৪ ॥
ফাল্গুনস্যামলে পক্ষে দ্বাদশাহং পযোব্রতম্ ।
অর্চযেদরবিন্দাক্ষং ভক্ত্যা পরমযান্বিতঃ ॥ ২৫ ॥
অর্চযেদরবিন্দাক্ষং ভক্ত্যা পরমযান্বিতঃ ॥ ২৫ ॥
সিনীবাল্যাং মৃদালিপ্য স্নাযাত্ ক্রোডবিদীর্ণযা ।
যদি লভ্যেত বৈ স্রোতস্যেতং মন্ত্রমুদীরযেত্ ॥ ২৬ ॥
যদি লভ্যেত বৈ স্রোতস্যেতং মন্ত্রমুদীরযেত্ ॥ ২৬ ॥
ত্বং দেব্যাদিবরাহেণ রসাযাঃ স্থানমিচ্ছতা ।
উদ্ধৃতাসি নমস্তুভ্যং পাপ্মানং মে প্রণাশয ॥ ২৭ ॥
উদ্ধৃতাসি নমস্তুভ্যং পাপ্মানং মে প্রণাশয ॥ ২৭ ॥
নির্বর্তিতাত্মনিযমো দেবমর্চেত্ সমাহিতঃ ।
অর্চাযাং স্থণ্ডিলে সূর্যে জলে বহ্নৌ গুরাবপি ॥ ২৮ ॥
অর্চাযাং স্থণ্ডিলে সূর্যে জলে বহ্নৌ গুরাবপি ॥ ২৮ ॥
নমস্তুভ্যং ভগবতে পুরুষায মহীযসে ।
সর্বভূতনিবাসায বাসুদেবায সাক্ষিণে ॥ ২৯ ॥
সর্বভূতনিবাসায বাসুদেবায সাক্ষিণে ॥ ২৯ ॥
নমোঽব্যক্তায সূক্ষ্মায প্রধানপুরুষায চ ।
চতুর্বিংশদ্গুণজ্ঞায গুণসঙ্খ্যানহেতবে ॥ ৩০ ॥
চতুর্বিংশদ্গুণজ্ঞায গুণসঙ্খ্যানহেতবে ॥ ৩০ ॥
নমো দ্বিশীর্ষ্ণে ত্রিপদে চতুঃশৃঙ্গায তন্তবে ।
সপ্তহস্তায যজ্ঞায ত্রযীবিদ্যাত্মনে নমঃ ॥ ৩১ ॥
সপ্তহস্তায যজ্ঞায ত্রযীবিদ্যাত্মনে নমঃ ॥ ৩১ ॥
নমঃ শিবায রুদ্রায নমঃ শক্তিধরায চ ।
সর্ববিদ্যাধিপতযে ভূতানাং পতযে নমঃ ॥ ৩২ ॥
সর্ববিদ্যাধিপতযে ভূতানাং পতযে নমঃ ॥ ৩২ ॥
নমো হিরণ্যগর্ভায প্রাণায জগদাত্মনে ।
যোগৈশ্বর্যশরীরায নমস্তে যোগহেতবে ॥ ৩৩ ॥
যোগৈশ্বর্যশরীরায নমস্তে যোগহেতবে ॥ ৩৩ ॥
নমস্ত আদিদেবায সাক্ষিভূতায তে নমঃ ।
নারাযণায ঋষযে নরায হরযে নমঃ ॥ ৩৪ ॥
নারাযণায ঋষযে নরায হরযে নমঃ ॥ ৩৪ ॥
নমো মরকতশ্যামবপুষেঽধিগতশ্রিযে ।
কেশবায নমস্তুভ্যং নমস্তে পীতবাসসে ॥ ৩৫ ॥
কেশবায নমস্তুভ্যং নমস্তে পীতবাসসে ॥ ৩৫ ॥
ত্বং সর্ববরদঃ পুংসাং বরেণ্য বরদর্ষভ ।
অতস্তে শ্রেযসে ধীরাঃ পাদরেণুমুপাসতে ॥ ৩৬ ॥
অতস্তে শ্রেযসে ধীরাঃ পাদরেণুমুপাসতে ॥ ৩৬ ॥
অন্ববর্তন্ত যং দেবাঃ শ্রীশ্চ তত্পাদপদ্মযোঃ ।
স্পৃহযন্ত ইবামোদং ভগবান্মে প্রসীদতাম্ ॥ ৩৭ ॥
স্পৃহযন্ত ইবামোদং ভগবান্মে প্রসীদতাম্ ॥ ৩৭ ॥
এতৈর্মন্ত্রৈর্হৃষীকেশমাবাহনপুরস্কৃতম্ ।
অর্চযেচ্ছ্রদ্ধযা যুক্তঃ পাদ্যোপস্পর্শনাদিভিঃ ॥ ৩৮ ॥
অর্চযেচ্ছ্রদ্ধযা যুক্তঃ পাদ্যোপস্পর্শনাদিভিঃ ॥ ৩৮ ॥
অর্চিত্বা গন্ধমাল্যাদ্যৈঃ পযসা স্নপযেদ্ বিভুম্ ।
বস্ত্রোপবীতাভরণপাদ্যোপস্পর্শনৈস্ততঃ ।
গন্ধধূপাদিভিশ্চার্চেদ্দ্বাদশাক্ষরবিদ্যযা ॥ ৩৯ ॥
বস্ত্রোপবীতাভরণপাদ্যোপস্পর্শনৈস্ততঃ ।
গন্ধধূপাদিভিশ্চার্চেদ্দ্বাদশাক্ষরবিদ্যযা ॥ ৩৯ ॥
শৃতং পযসি নৈবেদ্যং শাল্যন্নং বিভবে সতি ।
সসর্পিঃ সগুডং দত্ত্বা জুহুযান্মূলবিদ্যযা ॥ ৪০ ॥
সসর্পিঃ সগুডং দত্ত্বা জুহুযান্মূলবিদ্যযা ॥ ৪০ ॥
নিবেদিতং তদ্ভক্তায দদ্যাদ্ভুঞ্জীত বা স্বযম্ ।
দত্ত্বাচমনমর্চিত্বা তাম্বূলং চ নিবেদযেত্ ॥ ৪১ ॥
দত্ত্বাচমনমর্চিত্বা তাম্বূলং চ নিবেদযেত্ ॥ ৪১ ॥
জপেদষ্টোত্তরশতং স্তুবীত স্তুতিভিঃ প্রভুম্ ।
কৃত্বা প্রদক্ষিণং ভূমৌ প্রণমেদ্ দণ্ডবন্মুদা ॥ ৪২ ॥
কৃত্বা প্রদক্ষিণং ভূমৌ প্রণমেদ্ দণ্ডবন্মুদা ॥ ৪২ ॥
কৃত্বা শিরসি তচ্ছেষাং দেবমুদ্বাসযেত্ ততঃ ।
দ্বযবরান্ভোজযেদ্ বিপ্রান্পাযসেন যথোচিতম্ ॥ ৪৩ ॥
দ্বযবরান্ভোজযেদ্ বিপ্রান্পাযসেন যথোচিতম্ ॥ ৪৩ ॥
ভুঞ্জীত তৈরনুজ্ঞাতঃ সেষ্টঃ শেষং সভাজিতৈঃ ।
ব্রহ্মচার্যথ তদ্রাত্র্যাং শ্বোভূতে প্রথমেঽহনি ॥ ৪৪ ॥
ব্রহ্মচার্যথ তদ্রাত্র্যাং শ্বোভূতে প্রথমেঽহনি ॥ ৪৪ ॥
স্নাতঃ শুচির্যথোক্তেন বিধিনা সুসমাহিতঃ ।
পযসা স্নাপযিত্বার্চেদ্ যাবদ্ব্রতসমাপনম্ ॥ ৪৫ ॥
পযসা স্নাপযিত্বার্চেদ্ যাবদ্ব্রতসমাপনম্ ॥ ৪৫ ॥
পযোভক্ষো ব্রতমিদং চরেদ্ বিষ্ণবর্চনাদৃতঃ ।
পূর্ববজ্জুহুযাদগ্নিং ব্রাহ্মণাংশ্চাপি ভোজযেত্ ॥ ৪৬ ॥
পূর্ববজ্জুহুযাদগ্নিং ব্রাহ্মণাংশ্চাপি ভোজযেত্ ॥ ৪৬ ॥
এবং ত্বহরহঃ কুর্যাদ্দ্বাদশাহং পযোব্রতম্ ।
হরেরারাধনং হোমমর্হণং দ্বিজতর্পণম্ ॥ ৪৭ ॥
হরেরারাধনং হোমমর্হণং দ্বিজতর্পণম্ ॥ ৪৭ ॥
প্রতিপদ্দিনমারভ্য যাবচ্ছুক্লত্রযোদশীম্ ।
ব্রহ্মচর্যমধঃস্বপ্নং স্নানং ত্রিষবণং চরেত্ ॥ ৪৮ ॥
ব্রহ্মচর্যমধঃস্বপ্নং স্নানং ত্রিষবণং চরেত্ ॥ ৪৮ ॥
বর্জযেদসদালাপং ভোগানুচ্চাবচাংস্তথা ।
অহিংস্রঃ সর্বভূতানাং বাসুদেবপরাযণঃ ॥ ৪৯ ॥
অহিংস্রঃ সর্বভূতানাং বাসুদেবপরাযণঃ ॥ ৪৯ ॥
ত্রযোদশ্যামথো বিষ্ণোঃ স্নপনং পঞ্চকৈর্বিভোঃ ।
কারযেচ্ছাস্ত্রদৃষ্টেন বিধিনা বিধিকোবিদৈঃ ॥ ৫০ ॥
কারযেচ্ছাস্ত্রদৃষ্টেন বিধিনা বিধিকোবিদৈঃ ॥ ৫০ ॥
পূজাং চ মহতীং কুর্যাদ্ বিত্তশাঠ্যবিবর্জিতঃ ।
চরুং নিরূপ্য পযসি শিপিবিষ্টায বিষ্ণবে ॥ ৫১ ॥
চরুং নিরূপ্য পযসি শিপিবিষ্টায বিষ্ণবে ॥ ৫১ ॥
সূক্তেন তেন পুরুষং যজেত সুসমাহিতঃ ।
নৈবেদ্যং চাতিগুণবদ্ দদ্যাত্পুরুষতুষ্টিদম্ ॥ ৫২ ॥
নৈবেদ্যং চাতিগুণবদ্ দদ্যাত্পুরুষতুষ্টিদম্ ॥ ৫২ ॥
আচার্যং জ্ঞানসম্পন্নং বস্ত্রাভরণধেনুভিঃ ।
তোষযেদৃত্বিজশ্চৈব তদ্বিদ্ধ্যারাধনং হরেঃ ॥ ৫৩ ॥
তোষযেদৃত্বিজশ্চৈব তদ্বিদ্ধ্যারাধনং হরেঃ ॥ ৫৩ ॥
ভোজযেত্ তান্গুণবতা সদন্নেন শুচিস্মিতে ।
অন্যাংশ্চ ব্রাহ্মণাঞ্ছক্ত্যা যে চ তত্র সমাগতাঃ ॥ ৫৪ ॥
অন্যাংশ্চ ব্রাহ্মণাঞ্ছক্ত্যা যে চ তত্র সমাগতাঃ ॥ ৫৪ ॥
দক্ষিণাং গুরবে দদ্যাদৃত্বিগ্ভ্যশ্চ যথার্হতঃ ।
অন্নাদ্যেনাশ্বপাকাংশ্চ প্রীণযেত্সমুপাগতান্ ॥ ৫৫ ॥
অন্নাদ্যেনাশ্বপাকাংশ্চ প্রীণযেত্সমুপাগতান্ ॥ ৫৫ ॥
ভুক্তবত্সু চ সর্বেষু দীনান্ধকৃপণাদিষু ।
বিষ্ণোস্তত্প্রীণনং বিদ্বান্ভুঞ্জীত সহ বন্ধুভিঃ ॥ ৫৬ ॥
বিষ্ণোস্তত্প্রীণনং বিদ্বান্ভুঞ্জীত সহ বন্ধুভিঃ ॥ ৫৬ ॥
নৃত্যবাদিত্রগীতৈশ্চ স্তুতিভিঃ স্বস্তিবাচকৈঃ ।
কারযেত্তত্কথাভিশ্চ পূজাং ভগবতোঽন্বহম্ ॥ ৫৭ ॥
কারযেত্তত্কথাভিশ্চ পূজাং ভগবতোঽন্বহম্ ॥ ৫৭ ॥
এতত্পযোব্রতং নাম পুরুষারাধনং পরম্ ।
পিতামহেনাভিহিতং মযা তে সমুদাহৃতম্ ॥ ৫৮ ॥
পিতামহেনাভিহিতং মযা তে সমুদাহৃতম্ ॥ ৫৮ ॥
ত্বং চানেন মহাভাগে সম্যক্চীর্ণেন কেশবম্ ।
আত্মনা শুদ্ধভাবেন নিযতাত্মা ভজাব্যযম্ ॥ ৫৯ ॥
আত্মনা শুদ্ধভাবেন নিযতাত্মা ভজাব্যযম্ ॥ ৫৯ ॥
অযং বৈ সর্বযজ্ঞাখ্যঃ সর্বব্রতমিতি স্মৃতম্ ।
তপঃসারমিদং ভদ্রে দানং চেশ্বরতর্পণম্ ॥ ৬০ ॥
তপঃসারমিদং ভদ্রে দানং চেশ্বরতর্পণম্ ॥ ৬০ ॥
ত এব নিযমাঃ সাক্ষাত্ত এব চ যমোত্তমাঃ ।
তপো দানং ব্রতং যজ্ঞো যেন তুষ্যত্যধোক্ষজঃ ॥ ৬১ ॥
তপো দানং ব্রতং যজ্ঞো যেন তুষ্যত্যধোক্ষজঃ ॥ ৬১ ॥
তস্মাদেতদ্ব্রতং ভদ্রে প্রযতা শ্রদ্ধযাচর ।
ভগবান্পরিতুষ্টস্তে বরানাশু বিধাস্যতি ॥ ৬২ ॥
ভগবান্পরিতুষ্টস্তে বরানাশু বিধাস্যতি ॥ ৬২ ॥