ଶ୍ରୀଶୁକ ଉଵାଚ
ଏଵଂ ପୁତ୍ରେଷୁ ନଷ୍ଟେଷୁ ଦେଵମାତାଦିତିସ୍ତଦା ।
ହୃତେ ତ୍ରିଵିଷ୍ଟପେ ଦୈତ୍ଯୈଃ ପର୍ଯତପ୍ଯଦନାଥଵତ୍ ॥ ୧ ॥
ଏଵଂ ପୁତ୍ରେଷୁ ନଷ୍ଟେଷୁ ଦେଵମାତାଦିତିସ୍ତଦା ।
ହୃତେ ତ୍ରିଵିଷ୍ଟପେ ଦୈତ୍ଯୈଃ ପର୍ଯତପ୍ଯଦନାଥଵତ୍ ॥ ୧ ॥
ଏକଦା କଶ୍ଯପସ୍ତସ୍ଯା ଆଶ୍ରମଂ ଭଗଵାନଗାତ୍ ।
ନିରୁତ୍ସଵଂ ନିରାନନ୍ଦଂ ସମାଧେର୍ଵିରତଶ୍ଚିରାତ୍ ॥ ୨ ॥
ନିରୁତ୍ସଵଂ ନିରାନନ୍ଦଂ ସମାଧେର୍ଵିରତଶ୍ଚିରାତ୍ ॥ ୨ ॥
ସ ପତ୍ନୀଂ ଦୀନଵଦନାଂ କୃତାସନପରିଗ୍ରହଃ ।
ସଭାଜିତୋ ଯଥାନ୍ଯାଯମିଦମାହ କୁରୂଦ୍ଵହ ॥ ୩ ॥
ସଭାଜିତୋ ଯଥାନ୍ଯାଯମିଦମାହ କୁରୂଦ୍ଵହ ॥ ୩ ॥
ଅପ୍ଯଭଦ୍ରଂ ନ ଵିପ୍ରାଣାଂ ଭଦ୍ରେ ଲୋକେଽଧୁନାଗତମ୍ ।
ନ ଧର୍ମସ୍ଯ ନ ଲୋକସ୍ଯ ମୃତ୍ଯୋଶ୍ଛନ୍ଦାନୁଵର୍ତିନଃ ॥ ୪ ॥
ନ ଧର୍ମସ୍ଯ ନ ଲୋକସ୍ଯ ମୃତ୍ଯୋଶ୍ଛନ୍ଦାନୁଵର୍ତିନଃ ॥ ୪ ॥
ଅପି ଵାକୁଶଲଂ କିଞ୍ଚିଦ୍ ଗୃହେଷୁ ଗୃହମେଧିନି ।
ଧର୍ମସ୍ଯାର୍ଥସ୍ଯ କାମସ୍ଯ ଯତ୍ର ଯୋଗୋ ହ୍ଯଯୋଗିନାମ୍ ॥ ୫ ॥
ଧର୍ମସ୍ଯାର୍ଥସ୍ଯ କାମସ୍ଯ ଯତ୍ର ଯୋଗୋ ହ୍ଯଯୋଗିନାମ୍ ॥ ୫ ॥
ଅପି ଵାତିଥଯୋଽଭ୍ଯେତ୍ଯ କୁଟୁମ୍ବାସକ୍ତଯା ତ୍ଵଯା ।
ଗୃହାଦପୂଜିତା ଯାତାଃ ପ୍ରତ୍ଯୁତ୍ଥାନେନ ଵା କ୍ଵଚିତ୍ ॥ ୬ ॥
ଗୃହାଦପୂଜିତା ଯାତାଃ ପ୍ରତ୍ଯୁତ୍ଥାନେନ ଵା କ୍ଵଚିତ୍ ॥ ୬ ॥
ଗୃହେଷୁ ଯେଷ୍ଵତିଥଯୋ ନାର୍ଚିତାଃ ସଲିଲୈରପି ।
ଯଦି ନିର୍ଯାନ୍ତି ତେ ନୂନଂ ଫେରୁରାଜଗୃହୋପମାଃ ॥ ୭ ॥
ଯଦି ନିର୍ଯାନ୍ତି ତେ ନୂନଂ ଫେରୁରାଜଗୃହୋପମାଃ ॥ ୭ ॥
ଅପ୍ଯଗ୍ନଯସ୍ତୁ ଵେଲାଯାଂ ନ ହୁତା ହଵିଷା ସତି ।
ତ୍ଵଯୋଦ୍ଵିଗ୍ନଧିଯା ଭଦ୍ରେ ପ୍ରୋଷିତେ ମଯି କର୍ହିଚିତ୍ ॥ ୮ ॥
ତ୍ଵଯୋଦ୍ଵିଗ୍ନଧିଯା ଭଦ୍ରେ ପ୍ରୋଷିତେ ମଯି କର୍ହିଚିତ୍ ॥ ୮ ॥
ଯତ୍ପୂଜଯା କାମଦୁଘାନ୍ଯାତି ଲୋକାନ୍ଗୃହାନ୍ଵିତଃ ।
ବ୍ରାହ୍ମଣୋଽଗ୍ନିଶ୍ଚ ଵୈ ଵିଷ୍ଣୋଃ ସର୍ଵଦେଵାତ୍ମନୋ ମୁଖମ୍ ॥ ୯ ॥
ବ୍ରାହ୍ମଣୋଽଗ୍ନିଶ୍ଚ ଵୈ ଵିଷ୍ଣୋଃ ସର୍ଵଦେଵାତ୍ମନୋ ମୁଖମ୍ ॥ ୯ ॥
ଅପି ସର୍ଵେ କୁଶଲିନସ୍ତଵ ପୁତ୍ରା ମନସ୍ଵିନି ।
ଲକ୍ଷଯେଽସ୍ଵସ୍ଥମାତ୍ମାନଂ ଭଵତ୍ଯା ଲକ୍ଷଣୈରହମ୍ ॥ ୧୦ ॥
ଲକ୍ଷଯେଽସ୍ଵସ୍ଥମାତ୍ମାନଂ ଭଵତ୍ଯା ଲକ୍ଷଣୈରହମ୍ ॥ ୧୦ ॥
ଶ୍ରୀଅଦିତିରୁଵାଚ
ଭଦ୍ରଂ ଦ୍ଵିଜଗଵାଂ ବ୍ରହ୍ମନ୍ଧର୍ମସ୍ଯାସ୍ଯ ଜନସ୍ଯ ଚ ।
ତ୍ରିଵର୍ଗସ୍ଯ ପରଂ କ୍ଷେତ୍ରଂ ଗୃହମେଧିନ୍ଗୃହା ଇମେ ॥ ୧୧ ॥
ଭଦ୍ରଂ ଦ୍ଵିଜଗଵାଂ ବ୍ରହ୍ମନ୍ଧର୍ମସ୍ଯାସ୍ଯ ଜନସ୍ଯ ଚ ।
ତ୍ରିଵର୍ଗସ୍ଯ ପରଂ କ୍ଷେତ୍ରଂ ଗୃହମେଧିନ୍ଗୃହା ଇମେ ॥ ୧୧ ॥
ଅଗ୍ନଯୋଽତିଥଯୋ ଭୃତ୍ଯା ଭିକ୍ଷଵୋ ଯେ ଚ ଲିପ୍ସଵଃ ।
ସର୍ଵଂ ଭଗଵତୋ ବ୍ରହ୍ମନ୍ନନୁଧ୍ଯାନାନ୍ନ ରିଷ୍ଯତି ॥ ୧୨ ॥
ସର୍ଵଂ ଭଗଵତୋ ବ୍ରହ୍ମନ୍ନନୁଧ୍ଯାନାନ୍ନ ରିଷ୍ଯତି ॥ ୧୨ ॥
କୋ ନୁ ମେ ଭଗଵନ୍କାମୋ ନ ସମ୍ପଦ୍ଯେତ ମାନସଃ ।
ଯସ୍ଯା ଭଵାନ୍ପ୍ରଜାଧ୍ଯକ୍ଷ ଏଵଂ ଧର୍ମାନ୍ପ୍ରଭାଷତେ ॥ ୧୩ ॥
ଯସ୍ଯା ଭଵାନ୍ପ୍ରଜାଧ୍ଯକ୍ଷ ଏଵଂ ଧର୍ମାନ୍ପ୍ରଭାଷତେ ॥ ୧୩ ॥
ତଵୈଵ ମାରୀଚ ମନଃଶରୀରଜାଃ
ପ୍ରଜା ଇମାଃ ସତ୍ତ୍ଵରଜସ୍ତମୋଜୁଷଃ ।
ସମୋ ଭଵାଂସ୍ତାସ୍ଵସୁରାଦିଷୁ ପ୍ରଭୋ
ତଥାପି ଭକ୍ତଂ ଭଜତେ ମହେଶ୍ଵରଃ ॥ ୧୪ ॥
ପ୍ରଜା ଇମାଃ ସତ୍ତ୍ଵରଜସ୍ତମୋଜୁଷଃ ।
ସମୋ ଭଵାଂସ୍ତାସ୍ଵସୁରାଦିଷୁ ପ୍ରଭୋ
ତଥାପି ଭକ୍ତଂ ଭଜତେ ମହେଶ୍ଵରଃ ॥ ୧୪ ॥
ତସ୍ମାଦୀଶ ଭଜନ୍ତ୍ଯା ମେ ଶ୍ରେଯଶ୍ଚିନ୍ତଯ ସୁଵ୍ରତ ।
ହୃତଶ୍ରିଯୋ ହୃତସ୍ଥାନାନ୍ସପତ୍ନୈଃ ପାହି ନଃ ପ୍ରଭୋ ॥ ୧୫ ॥
ହୃତଶ୍ରିଯୋ ହୃତସ୍ଥାନାନ୍ସପତ୍ନୈଃ ପାହି ନଃ ପ୍ରଭୋ ॥ ୧୫ ॥
ପରୈର୍ଵିଵାସିତା ସାହଂ ମଗ୍ନା ଵ୍ଯସନସାଗରେ ।
ଐଶ୍ଵର୍ଯଂ ଶ୍ରୀର୍ଯଶଃ ସ୍ଥାନଂ ହୃତାନି ପ୍ରବଲୈର୍ମମ ॥ ୧୬ ॥
ଐଶ୍ଵର୍ଯଂ ଶ୍ରୀର୍ଯଶଃ ସ୍ଥାନଂ ହୃତାନି ପ୍ରବଲୈର୍ମମ ॥ ୧୬ ॥
ଯଥା ତାନି ପୁନଃ ସାଧୋ ପ୍ରପଦ୍ଯେରନ୍ ମମାତ୍ମଜାଃ ।
ତଥା ଵିଧେହି କଲ୍ଯାଣଂ ଧିଯା କଲ୍ଯାଣକୃତ୍ତମ ॥ ୧୭ ॥
ତଥା ଵିଧେହି କଲ୍ଯାଣଂ ଧିଯା କଲ୍ଯାଣକୃତ୍ତମ ॥ ୧୭ ॥
ଶ୍ରୀଶୁକ ଉଵାଚ
ଏଵମଭ୍ଯର୍ଥିତୋଽଦିତ୍ଯା କସ୍ତାମାହ ସ୍ମଯନ୍ନିଵ ।
ଅହୋ ମାଯାବଲଂ ଵିଷ୍ଣୋଃ ସ୍ନେହବଦ୍ଧମିଦଂ ଜଗତ୍ ॥ ୧୮ ॥
ଏଵମଭ୍ଯର୍ଥିତୋଽଦିତ୍ଯା କସ୍ତାମାହ ସ୍ମଯନ୍ନିଵ ।
ଅହୋ ମାଯାବଲଂ ଵିଷ୍ଣୋଃ ସ୍ନେହବଦ୍ଧମିଦଂ ଜଗତ୍ ॥ ୧୮ ॥
କ୍ଵ ଦେହୋ ଭୌତିକୋଽନାତ୍ମା କ୍ଵ ଚାତ୍ମା ପ୍ରକୃତେଃ ପରଃ ।
କସ୍ଯ କେ ପତିପୁତ୍ରାଦ୍ଯା ମୋହ ଏଵ ହି କାରଣମ୍ ॥ ୧୯ ॥
କସ୍ଯ କେ ପତିପୁତ୍ରାଦ୍ଯା ମୋହ ଏଵ ହି କାରଣମ୍ ॥ ୧୯ ॥
ଉପତିଷ୍ଠସ୍ଵ ପୁରୁଷଂ ଭଗଵନ୍ତଂ ଜନାର୍ଦନମ୍ ।
ସର୍ଵଭୂତଗୁହାଵାସଂ ଵାସୁଦେଵଂ ଜଗଦ୍ଗୁରୁମ୍ ॥ ୨୦ ॥
ସର୍ଵଭୂତଗୁହାଵାସଂ ଵାସୁଦେଵଂ ଜଗଦ୍ଗୁରୁମ୍ ॥ ୨୦ ॥
ସ ଵିଧାସ୍ଯତି ତେ କାମାନ୍ହରିର୍ଦୀନାନୁକମ୍ପନଃ ।
ଅମୋଘା ଭଗଵଦ୍ଭକ୍ତିର୍ନେତରେତି ମତିର୍ମମ ॥ ୨୧ ॥
ଅମୋଘା ଭଗଵଦ୍ଭକ୍ତିର୍ନେତରେତି ମତିର୍ମମ ॥ ୨୧ ॥
ଶ୍ରୀଅଦିତିରୁଵାଚ
କେନାହଂ ଵିଧିନା ବ୍ରହ୍ମନ୍ନୁପସ୍ଥାସ୍ଯେ ଜଗତ୍ପତିମ୍ ।
ଯଥା ମେ ସତ୍ଯସଙ୍କଲ୍ପୋ ଵିଦଧ୍ଯାତ୍ ସ ମନୋରଥମ୍ ॥ ୨୨ ॥
କେନାହଂ ଵିଧିନା ବ୍ରହ୍ମନ୍ନୁପସ୍ଥାସ୍ଯେ ଜଗତ୍ପତିମ୍ ।
ଯଥା ମେ ସତ୍ଯସଙ୍କଲ୍ପୋ ଵିଦଧ୍ଯାତ୍ ସ ମନୋରଥମ୍ ॥ ୨୨ ॥
ଆଦିଶ ତ୍ଵଂ ଦ୍ଵିଜଶ୍ରେଷ୍ଠ ଵିଧିଂ ତଦୁପଧାଵନମ୍ ।
ଆଶୁ ତୁଷ୍ଯତି ମେ ଦେଵଃ ସୀଦନ୍ତ୍ଯାଃ ସହ ପୁତ୍ରକୈଃ ॥ ୨୩ ॥
ଆଶୁ ତୁଷ୍ଯତି ମେ ଦେଵଃ ସୀଦନ୍ତ୍ଯାଃ ସହ ପୁତ୍ରକୈଃ ॥ ୨୩ ॥
ଶ୍ରୀକଶ୍ଯପ ଉଵାଚ
ଏତନ୍ମେ ଭଗଵାନ୍ପୃଷ୍ଟଃ ପ୍ରଜାକାମସ୍ଯ ପଦ୍ମଜଃ ।
ଯଦାହ ତେ ପ୍ରଵକ୍ଷ୍ଯାମି ଵ୍ରତଂ କେଶଵତୋଷଣମ୍ ॥ ୨୪ ॥
ଏତନ୍ମେ ଭଗଵାନ୍ପୃଷ୍ଟଃ ପ୍ରଜାକାମସ୍ଯ ପଦ୍ମଜଃ ।
ଯଦାହ ତେ ପ୍ରଵକ୍ଷ୍ଯାମି ଵ୍ରତଂ କେଶଵତୋଷଣମ୍ ॥ ୨୪ ॥
ଫାଲ୍ଗୁନସ୍ଯାମଲେ ପକ୍ଷେ ଦ୍ଵାଦଶାହଂ ପଯୋଵ୍ରତମ୍ ।
ଅର୍ଚଯେଦରଵିନ୍ଦାକ୍ଷଂ ଭକ୍ତ୍ଯା ପରମଯାନ୍ଵିତଃ ॥ ୨୫ ॥
ଅର୍ଚଯେଦରଵିନ୍ଦାକ୍ଷଂ ଭକ୍ତ୍ଯା ପରମଯାନ୍ଵିତଃ ॥ ୨୫ ॥
ସିନୀଵାଲ୍ଯାଂ ମୃଦାଲିପ୍ଯ ସ୍ନାଯାତ୍ କ୍ରୋଡଵିଦୀର୍ଣଯା ।
ଯଦି ଲଭ୍ଯେତ ଵୈ ସ୍ରୋତସ୍ଯେତଂ ମନ୍ତ୍ରମୁଦୀରଯେତ୍ ॥ ୨୬ ॥
ଯଦି ଲଭ୍ଯେତ ଵୈ ସ୍ରୋତସ୍ଯେତଂ ମନ୍ତ୍ରମୁଦୀରଯେତ୍ ॥ ୨୬ ॥
ତ୍ଵଂ ଦେଵ୍ଯାଦିଵରାହେଣ ରସାଯାଃ ସ୍ଥାନମିଚ୍ଛତା ।
ଉଦ୍ଧୃତାସି ନମସ୍ତୁଭ୍ଯଂ ପାପ୍ମାନଂ ମେ ପ୍ରଣାଶଯ ॥ ୨୭ ॥
ଉଦ୍ଧୃତାସି ନମସ୍ତୁଭ୍ଯଂ ପାପ୍ମାନଂ ମେ ପ୍ରଣାଶଯ ॥ ୨୭ ॥
ନିର୍ଵର୍ତିତାତ୍ମନିଯମୋ ଦେଵମର୍ଚେତ୍ ସମାହିତଃ ।
ଅର୍ଚାଯାଂ ସ୍ଥଣ୍ଡିଲେ ସୂର୍ଯେ ଜଲେ ଵହ୍ନୌ ଗୁରାଵପି ॥ ୨୮ ॥
ଅର୍ଚାଯାଂ ସ୍ଥଣ୍ଡିଲେ ସୂର୍ଯେ ଜଲେ ଵହ୍ନୌ ଗୁରାଵପି ॥ ୨୮ ॥
ନମସ୍ତୁଭ୍ଯଂ ଭଗଵତେ ପୁରୁଷାଯ ମହୀଯସେ ।
ସର୍ଵଭୂତନିଵାସାଯ ଵାସୁଦେଵାଯ ସାକ୍ଷିଣେ ॥ ୨୯ ॥
ସର୍ଵଭୂତନିଵାସାଯ ଵାସୁଦେଵାଯ ସାକ୍ଷିଣେ ॥ ୨୯ ॥
ନମୋଽଵ୍ଯକ୍ତାଯ ସୂକ୍ଷ୍ମାଯ ପ୍ରଧାନପୁରୁଷାଯ ଚ ।
ଚତୁର୍ଵିଂଶଦ୍ଗୁଣଜ୍ଞାଯ ଗୁଣସଙ୍ଖ୍ଯାନହେତଵେ ॥ ୩୦ ॥
ଚତୁର୍ଵିଂଶଦ୍ଗୁଣଜ୍ଞାଯ ଗୁଣସଙ୍ଖ୍ଯାନହେତଵେ ॥ ୩୦ ॥
ନମୋ ଦ୍ଵିଶୀର୍ଷ୍ଣେ ତ୍ରିପଦେ ଚତୁଃଶୃଙ୍ଗାଯ ତନ୍ତଵେ ।
ସପ୍ତହସ୍ତାଯ ଯଜ୍ଞାଯ ତ୍ରଯୀଵିଦ୍ଯାତ୍ମନେ ନମଃ ॥ ୩୧ ॥
ସପ୍ତହସ୍ତାଯ ଯଜ୍ଞାଯ ତ୍ରଯୀଵିଦ୍ଯାତ୍ମନେ ନମଃ ॥ ୩୧ ॥
ନମଃ ଶିଵାଯ ରୁଦ୍ରାଯ ନମଃ ଶକ୍ତିଧରାଯ ଚ ।
ସର୍ଵଵିଦ୍ଯାଧିପତଯେ ଭୂତାନାଂ ପତଯେ ନମଃ ॥ ୩୨ ॥
ସର୍ଵଵିଦ୍ଯାଧିପତଯେ ଭୂତାନାଂ ପତଯେ ନମଃ ॥ ୩୨ ॥
ନମୋ ହିରଣ୍ଯଗର୍ଭାଯ ପ୍ରାଣାଯ ଜଗଦାତ୍ମନେ ।
ଯୋଗୈଶ୍ଵର୍ଯଶରୀରାଯ ନମସ୍ତେ ଯୋଗହେତଵେ ॥ ୩୩ ॥
ଯୋଗୈଶ୍ଵର୍ଯଶରୀରାଯ ନମସ୍ତେ ଯୋଗହେତଵେ ॥ ୩୩ ॥
ନମସ୍ତ ଆଦିଦେଵାଯ ସାକ୍ଷିଭୂତାଯ ତେ ନମଃ ।
ନାରାଯଣାଯ ଋଷଯେ ନରାଯ ହରଯେ ନମଃ ॥ ୩୪ ॥
ନାରାଯଣାଯ ଋଷଯେ ନରାଯ ହରଯେ ନମଃ ॥ ୩୪ ॥
ନମୋ ମରକତଶ୍ଯାମଵପୁଷେଽଧିଗତଶ୍ରିଯେ ।
କେଶଵାଯ ନମସ୍ତୁଭ୍ଯଂ ନମସ୍ତେ ପୀତଵାସସେ ॥ ୩୫ ॥
କେଶଵାଯ ନମସ୍ତୁଭ୍ଯଂ ନମସ୍ତେ ପୀତଵାସସେ ॥ ୩୫ ॥
ତ୍ଵଂ ସର୍ଵଵରଦଃ ପୁଂସାଂ ଵରେଣ୍ଯ ଵରଦର୍ଷଭ ।
ଅତସ୍ତେ ଶ୍ରେଯସେ ଧୀରାଃ ପାଦରେଣୁମୁପାସତେ ॥ ୩୬ ॥
ଅତସ୍ତେ ଶ୍ରେଯସେ ଧୀରାଃ ପାଦରେଣୁମୁପାସତେ ॥ ୩୬ ॥
ଅନ୍ଵଵର୍ତନ୍ତ ଯଂ ଦେଵାଃ ଶ୍ରୀଶ୍ଚ ତତ୍ପାଦପଦ୍ମଯୋଃ ।
ସ୍ପୃହଯନ୍ତ ଇଵାମୋଦଂ ଭଗଵାନ୍ମେ ପ୍ରସୀଦତାମ୍ ॥ ୩୭ ॥
ସ୍ପୃହଯନ୍ତ ଇଵାମୋଦଂ ଭଗଵାନ୍ମେ ପ୍ରସୀଦତାମ୍ ॥ ୩୭ ॥
ଏତୈର୍ମନ୍ତ୍ରୈର୍ହୃଷୀକେଶମାଵାହନପୁରସ୍କୃତମ୍ ।
ଅର୍ଚଯେଚ୍ଛ୍ରଦ୍ଧଯା ଯୁକ୍ତଃ ପାଦ୍ଯୋପସ୍ପର୍ଶନାଦିଭିଃ ॥ ୩୮ ॥
ଅର୍ଚଯେଚ୍ଛ୍ରଦ୍ଧଯା ଯୁକ୍ତଃ ପାଦ୍ଯୋପସ୍ପର୍ଶନାଦିଭିଃ ॥ ୩୮ ॥
ଅର୍ଚିତ୍ଵା ଗନ୍ଧମାଲ୍ଯାଦ୍ଯୈଃ ପଯସା ସ୍ନପଯେଦ୍ ଵିଭୁମ୍ ।
ଵସ୍ତ୍ରୋପଵୀତାଭରଣପାଦ୍ଯୋପସ୍ପର୍ଶନୈସ୍ତତଃ ।
ଗନ୍ଧଧୂପାଦିଭିଶ୍ଚାର୍ଚେଦ୍ଦ୍ଵାଦଶାକ୍ଷରଵିଦ୍ଯଯା ॥ ୩୯ ॥
ଵସ୍ତ୍ରୋପଵୀତାଭରଣପାଦ୍ଯୋପସ୍ପର୍ଶନୈସ୍ତତଃ ।
ଗନ୍ଧଧୂପାଦିଭିଶ୍ଚାର୍ଚେଦ୍ଦ୍ଵାଦଶାକ୍ଷରଵିଦ୍ଯଯା ॥ ୩୯ ॥
ଶୃତଂ ପଯସି ନୈଵେଦ୍ଯଂ ଶାଲ୍ଯନ୍ନଂ ଵିଭଵେ ସତି ।
ସସର୍ପିଃ ସଗୁଡଂ ଦତ୍ତ୍ଵା ଜୁହୁଯାନ୍ମୂଲଵିଦ୍ଯଯା ॥ ୪୦ ॥
ସସର୍ପିଃ ସଗୁଡଂ ଦତ୍ତ୍ଵା ଜୁହୁଯାନ୍ମୂଲଵିଦ୍ଯଯା ॥ ୪୦ ॥
ନିଵେଦିତଂ ତଦ୍ଭକ୍ତାଯ ଦଦ୍ଯାଦ୍ଭୁଞ୍ଜୀତ ଵା ସ୍ଵଯମ୍ ।
ଦତ୍ତ୍ଵାଚମନମର୍ଚିତ୍ଵା ତାମ୍ବୂଲଂ ଚ ନିଵେଦଯେତ୍ ॥ ୪୧ ॥
ଦତ୍ତ୍ଵାଚମନମର୍ଚିତ୍ଵା ତାମ୍ବୂଲଂ ଚ ନିଵେଦଯେତ୍ ॥ ୪୧ ॥
ଜପେଦଷ୍ଟୋତ୍ତରଶତଂ ସ୍ତୁଵୀତ ସ୍ତୁତିଭିଃ ପ୍ରଭୁମ୍ ।
କୃତ୍ଵା ପ୍ରଦକ୍ଷିଣଂ ଭୂମୌ ପ୍ରଣମେଦ୍ ଦଣ୍ଡଵନ୍ମୁଦା ॥ ୪୨ ॥
କୃତ୍ଵା ପ୍ରଦକ୍ଷିଣଂ ଭୂମୌ ପ୍ରଣମେଦ୍ ଦଣ୍ଡଵନ୍ମୁଦା ॥ ୪୨ ॥
କୃତ୍ଵା ଶିରସି ତଚ୍ଛେଷାଂ ଦେଵମୁଦ୍ଵାସଯେତ୍ ତତଃ ।
ଦ୍ଵଯଵରାନ୍ଭୋଜଯେଦ୍ ଵିପ୍ରାନ୍ପାଯସେନ ଯଥୋଚିତମ୍ ॥ ୪୩ ॥
ଦ୍ଵଯଵରାନ୍ଭୋଜଯେଦ୍ ଵିପ୍ରାନ୍ପାଯସେନ ଯଥୋଚିତମ୍ ॥ ୪୩ ॥
ଭୁଞ୍ଜୀତ ତୈରନୁଜ୍ଞାତଃ ସେଷ୍ଟଃ ଶେଷଂ ସଭାଜିତୈଃ ।
ବ୍ରହ୍ମଚାର୍ଯଥ ତଦ୍ରାତ୍ର୍ଯାଂ ଶ୍ଵୋଭୂତେ ପ୍ରଥମେଽହନି ॥ ୪୪ ॥
ବ୍ରହ୍ମଚାର୍ଯଥ ତଦ୍ରାତ୍ର୍ଯାଂ ଶ୍ଵୋଭୂତେ ପ୍ରଥମେଽହନି ॥ ୪୪ ॥
ସ୍ନାତଃ ଶୁଚିର୍ଯଥୋକ୍ତେନ ଵିଧିନା ସୁସମାହିତଃ ।
ପଯସା ସ୍ନାପଯିତ୍ଵାର୍ଚେଦ୍ ଯାଵଦ୍ଵ୍ରତସମାପନମ୍ ॥ ୪୫ ॥
ପଯସା ସ୍ନାପଯିତ୍ଵାର୍ଚେଦ୍ ଯାଵଦ୍ଵ୍ରତସମାପନମ୍ ॥ ୪୫ ॥
ପଯୋଭକ୍ଷୋ ଵ୍ରତମିଦଂ ଚରେଦ୍ ଵିଷ୍ଣଵର୍ଚନାଦୃତଃ ।
ପୂର୍ଵଵଜ୍ଜୁହୁଯାଦଗ୍ନିଂ ବ୍ରାହ୍ମଣାଂଶ୍ଚାପି ଭୋଜଯେତ୍ ॥ ୪୬ ॥
ପୂର୍ଵଵଜ୍ଜୁହୁଯାଦଗ୍ନିଂ ବ୍ରାହ୍ମଣାଂଶ୍ଚାପି ଭୋଜଯେତ୍ ॥ ୪୬ ॥
ଏଵଂ ତ୍ଵହରହଃ କୁର୍ଯାଦ୍ଦ୍ଵାଦଶାହଂ ପଯୋଵ୍ରତମ୍ ।
ହରେରାରାଧନଂ ହୋମମର୍ହଣଂ ଦ୍ଵିଜତର୍ପଣମ୍ ॥ ୪୭ ॥
ହରେରାରାଧନଂ ହୋମମର୍ହଣଂ ଦ୍ଵିଜତର୍ପଣମ୍ ॥ ୪୭ ॥
ପ୍ରତିପଦ୍ଦିନମାରଭ୍ଯ ଯାଵଚ୍ଛୁକ୍ଲତ୍ରଯୋଦଶୀମ୍ ।
ବ୍ରହ୍ମଚର୍ଯମଧଃସ୍ଵପ୍ନଂ ସ୍ନାନଂ ତ୍ରିଷଵଣଂ ଚରେତ୍ ॥ ୪୮ ॥
ବ୍ରହ୍ମଚର୍ଯମଧଃସ୍ଵପ୍ନଂ ସ୍ନାନଂ ତ୍ରିଷଵଣଂ ଚରେତ୍ ॥ ୪୮ ॥
ଵର୍ଜଯେଦସଦାଲାପଂ ଭୋଗାନୁଚ୍ଚାଵଚାଂସ୍ତଥା ।
ଅହିଂସ୍ରଃ ସର୍ଵଭୂତାନାଂ ଵାସୁଦେଵପରାଯଣଃ ॥ ୪୯ ॥
ଅହିଂସ୍ରଃ ସର୍ଵଭୂତାନାଂ ଵାସୁଦେଵପରାଯଣଃ ॥ ୪୯ ॥
ତ୍ରଯୋଦଶ୍ଯାମଥୋ ଵିଷ୍ଣୋଃ ସ୍ନପନଂ ପଞ୍ଚକୈର୍ଵିଭୋଃ ।
କାରଯେଚ୍ଛାସ୍ତ୍ରଦୃଷ୍ଟେନ ଵିଧିନା ଵିଧିକୋଵିଦୈଃ ॥ ୫୦ ॥
କାରଯେଚ୍ଛାସ୍ତ୍ରଦୃଷ୍ଟେନ ଵିଧିନା ଵିଧିକୋଵିଦୈଃ ॥ ୫୦ ॥
ପୂଜାଂ ଚ ମହତୀଂ କୁର୍ଯାଦ୍ ଵିତ୍ତଶାଠ୍ଯଵିଵର୍ଜିତଃ ।
ଚରୁଂ ନିରୂପ୍ଯ ପଯସି ଶିପିଵିଷ୍ଟାଯ ଵିଷ୍ଣଵେ ॥ ୫୧ ॥
ଚରୁଂ ନିରୂପ୍ଯ ପଯସି ଶିପିଵିଷ୍ଟାଯ ଵିଷ୍ଣଵେ ॥ ୫୧ ॥
ସୂକ୍ତେନ ତେନ ପୁରୁଷଂ ଯଜେତ ସୁସମାହିତଃ ।
ନୈଵେଦ୍ଯଂ ଚାତିଗୁଣଵଦ୍ ଦଦ୍ଯାତ୍ପୁରୁଷତୁଷ୍ଟିଦମ୍ ॥ ୫୨ ॥
ନୈଵେଦ୍ଯଂ ଚାତିଗୁଣଵଦ୍ ଦଦ୍ଯାତ୍ପୁରୁଷତୁଷ୍ଟିଦମ୍ ॥ ୫୨ ॥
ଆଚାର୍ଯଂ ଜ୍ଞାନସମ୍ପନ୍ନଂ ଵସ୍ତ୍ରାଭରଣଧେନୁଭିଃ ।
ତୋଷଯେଦୃତ୍ଵିଜଶ୍ଚୈଵ ତଦ୍ଵିଦ୍ଧ୍ଯାରାଧନଂ ହରେଃ ॥ ୫୩ ॥
ତୋଷଯେଦୃତ୍ଵିଜଶ୍ଚୈଵ ତଦ୍ଵିଦ୍ଧ୍ଯାରାଧନଂ ହରେଃ ॥ ୫୩ ॥
ଭୋଜଯେତ୍ ତାନ୍ଗୁଣଵତା ସଦନ୍ନେନ ଶୁଚିସ୍ମିତେ ।
ଅନ୍ଯାଂଶ୍ଚ ବ୍ରାହ୍ମଣାଞ୍ଛକ୍ତ୍ଯା ଯେ ଚ ତତ୍ର ସମାଗତାଃ ॥ ୫୪ ॥
ଅନ୍ଯାଂଶ୍ଚ ବ୍ରାହ୍ମଣାଞ୍ଛକ୍ତ୍ଯା ଯେ ଚ ତତ୍ର ସମାଗତାଃ ॥ ୫୪ ॥
ଦକ୍ଷିଣାଂ ଗୁରଵେ ଦଦ୍ଯାଦୃତ୍ଵିଗ୍ଭ୍ଯଶ୍ଚ ଯଥାର୍ହତଃ ।
ଅନ୍ନାଦ୍ଯେନାଶ୍ଵପାକାଂଶ୍ଚ ପ୍ରୀଣଯେତ୍ସମୁପାଗତାନ୍ ॥ ୫୫ ॥
ଅନ୍ନାଦ୍ଯେନାଶ୍ଵପାକାଂଶ୍ଚ ପ୍ରୀଣଯେତ୍ସମୁପାଗତାନ୍ ॥ ୫୫ ॥
ଭୁକ୍ତଵତ୍ସୁ ଚ ସର୍ଵେଷୁ ଦୀନାନ୍ଧକୃପଣାଦିଷୁ ।
ଵିଷ୍ଣୋସ୍ତତ୍ପ୍ରୀଣନଂ ଵିଦ୍ଵାନ୍ଭୁଞ୍ଜୀତ ସହ ବନ୍ଧୁଭିଃ ॥ ୫୬ ॥
ଵିଷ୍ଣୋସ୍ତତ୍ପ୍ରୀଣନଂ ଵିଦ୍ଵାନ୍ଭୁଞ୍ଜୀତ ସହ ବନ୍ଧୁଭିଃ ॥ ୫୬ ॥
ନୃତ୍ଯଵାଦିତ୍ରଗୀତୈଶ୍ଚ ସ୍ତୁତିଭିଃ ସ୍ଵସ୍ତିଵାଚକୈଃ ।
କାରଯେତ୍ତତ୍କଥାଭିଶ୍ଚ ପୂଜାଂ ଭଗଵତୋଽନ୍ଵହମ୍ ॥ ୫୭ ॥
କାରଯେତ୍ତତ୍କଥାଭିଶ୍ଚ ପୂଜାଂ ଭଗଵତୋଽନ୍ଵହମ୍ ॥ ୫୭ ॥
ଏତତ୍ପଯୋଵ୍ରତଂ ନାମ ପୁରୁଷାରାଧନଂ ପରମ୍ ।
ପିତାମହେନାଭିହିତଂ ମଯା ତେ ସମୁଦାହୃତମ୍ ॥ ୫୮ ॥
ପିତାମହେନାଭିହିତଂ ମଯା ତେ ସମୁଦାହୃତମ୍ ॥ ୫୮ ॥
ତ୍ଵଂ ଚାନେନ ମହାଭାଗେ ସମ୍ଯକ୍ଚୀର୍ଣେନ କେଶଵମ୍ ।
ଆତ୍ମନା ଶୁଦ୍ଧଭାଵେନ ନିଯତାତ୍ମା ଭଜାଵ୍ଯଯମ୍ ॥ ୫୯ ॥
ଆତ୍ମନା ଶୁଦ୍ଧଭାଵେନ ନିଯତାତ୍ମା ଭଜାଵ୍ଯଯମ୍ ॥ ୫୯ ॥
ଅଯଂ ଵୈ ସର୍ଵଯଜ୍ଞାଖ୍ଯଃ ସର୍ଵଵ୍ରତମିତି ସ୍ମୃତମ୍ ।
ତପଃସାରମିଦଂ ଭଦ୍ରେ ଦାନଂ ଚେଶ୍ଵରତର୍ପଣମ୍ ॥ ୬୦ ॥
ତପଃସାରମିଦଂ ଭଦ୍ରେ ଦାନଂ ଚେଶ୍ଵରତର୍ପଣମ୍ ॥ ୬୦ ॥
ତ ଏଵ ନିଯମାଃ ସାକ୍ଷାତ୍ତ ଏଵ ଚ ଯମୋତ୍ତମାଃ ।
ତପୋ ଦାନଂ ଵ୍ରତଂ ଯଜ୍ଞୋ ଯେନ ତୁଷ୍ଯତ୍ଯଧୋକ୍ଷଜଃ ॥ ୬୧ ॥
ତପୋ ଦାନଂ ଵ୍ରତଂ ଯଜ୍ଞୋ ଯେନ ତୁଷ୍ଯତ୍ଯଧୋକ୍ଷଜଃ ॥ ୬୧ ॥
ତସ୍ମାଦେତଦ୍ଵ୍ରତଂ ଭଦ୍ରେ ପ୍ରଯତା ଶ୍ରଦ୍ଧଯାଚର ।
ଭଗଵାନ୍ପରିତୁଷ୍ଟସ୍ତେ ଵରାନାଶୁ ଵିଧାସ୍ଯତି ॥ ୬୨ ॥
ଭଗଵାନ୍ପରିତୁଷ୍ଟସ୍ତେ ଵରାନାଶୁ ଵିଧାସ୍ଯତି ॥ ୬୨ ॥