ଶ୍ରୀରାଜୋଵାଚ
ମନ୍ଵନ୍ତରାଣି ସର୍ଵାଣି ତ୍ଵଯୋକ୍ତାନି ଶ୍ରୁତାନି ମେ ।
ଵୀର୍ଯାଣ୍ଯନନ୍ତଵୀର୍ଯସ୍ଯ ହରେସ୍ତତ୍ର କୃତାନି ଚ ॥ ୧ ॥
ମନ୍ଵନ୍ତରାଣି ସର୍ଵାଣି ତ୍ଵଯୋକ୍ତାନି ଶ୍ରୁତାନି ମେ ।
ଵୀର୍ଯାଣ୍ଯନନ୍ତଵୀର୍ଯସ୍ଯ ହରେସ୍ତତ୍ର କୃତାନି ଚ ॥ ୧ ॥
ଯୋଽସୌ ସତ୍ଯଵ୍ରତୋ ନାମ ରାଜର୍ଷିର୍ଦ୍ରଵିଡେଶ୍ଵରଃ ।
ଜ୍ଞାନଂ ଯୋଽତୀତକଲ୍ପାନ୍ତେ ଲେଭେ ପୁରୁଷସେଵଯା ॥ ୨ ॥
ଜ୍ଞାନଂ ଯୋଽତୀତକଲ୍ପାନ୍ତେ ଲେଭେ ପୁରୁଷସେଵଯା ॥ ୨ ॥
ସ ଵୈ ଵିଵସ୍ଵତଃ ପୁତ୍ରୋ ମନୁରାସୀଦିତି ଶ୍ରୁତମ୍ ।
ତ୍ଵତ୍ତସ୍ତସ୍ଯ ସୁତାଃପ୍ରୋକ୍ତା ଇକ୍ଷ୍ଵାକୁପ୍ରମୁଖା ନୃପାଃ ॥ ୩ ॥
ତ୍ଵତ୍ତସ୍ତସ୍ଯ ସୁତାଃପ୍ରୋକ୍ତା ଇକ୍ଷ୍ଵାକୁପ୍ରମୁଖା ନୃପାଃ ॥ ୩ ॥
ତେଷାଂ ଵଂଶଂ ପୃଥଗ୍ ବ୍ରହ୍ମନ୍ ଵଂଶାନୁଚରିତାନି ଚ ।
କୀର୍ତଯସ୍ଵ ମହାଭାଗ ନିତ୍ଯଂ ଶୁଶ୍ରୂଷତାଂ ହି ନଃ ॥ ୪ ॥
କୀର୍ତଯସ୍ଵ ମହାଭାଗ ନିତ୍ଯଂ ଶୁଶ୍ରୂଷତାଂ ହି ନଃ ॥ ୪ ॥
ଯେ ଭୂତା ଯେ ଭଵିଷ୍ଯାଶ୍ଚ ଭଵନ୍ତ୍ଯଦ୍ଯତନାଶ୍ଚ ଯେ ।
ତେଷାଂ ନଃ ପୁଣ୍ଯକୀର୍ତୀନାଂ ସର୍ଵେଷାଂ ଵଦ ଵିକ୍ରମାନ୍ ॥ ୫ ॥
ତେଷାଂ ନଃ ପୁଣ୍ଯକୀର୍ତୀନାଂ ସର୍ଵେଷାଂ ଵଦ ଵିକ୍ରମାନ୍ ॥ ୫ ॥
ଶ୍ରୀସୂତ ଉଵାଚ
ଏଵଂ ପରୀକ୍ଷିତା ରାଜ୍ଞା ସଦସି ବ୍ରହ୍ମଵାଦିନାମ୍ ।
ପୃଷ୍ଟଃ ପ୍ରୋଵାଚ ଭଗଵାଞ୍ଛୁକଃ ପରମଧର୍ମଵିତ୍ ॥ ୬ ॥
ଏଵଂ ପରୀକ୍ଷିତା ରାଜ୍ଞା ସଦସି ବ୍ରହ୍ମଵାଦିନାମ୍ ।
ପୃଷ୍ଟଃ ପ୍ରୋଵାଚ ଭଗଵାଞ୍ଛୁକଃ ପରମଧର୍ମଵିତ୍ ॥ ୬ ॥
ଶ୍ରୀଶୁକ ଉଵାଚ
ଶ୍ରୂଯତାଂ ମାନଵୋ ଵଂଶଃ ପ୍ରାଚୁର୍ଯେଣ ପରନ୍ତପ ।
ନ ଶକ୍ଯତେ ଵିସ୍ତରତୋ ଵକ୍ତୁଂ ଵର୍ଷଶତୈରପି ॥ ୭ ॥
ଶ୍ରୂଯତାଂ ମାନଵୋ ଵଂଶଃ ପ୍ରାଚୁର୍ଯେଣ ପରନ୍ତପ ।
ନ ଶକ୍ଯତେ ଵିସ୍ତରତୋ ଵକ୍ତୁଂ ଵର୍ଷଶତୈରପି ॥ ୭ ॥
ପରାଵରେଷାଂ ଭୂତାନାମାତ୍ମା ଯଃ ପୁରୁଷଃ ପରଃ ।
ସ ଏଵାସୀଦିଦଂ ଵିଶ୍ଵଂ କଲ୍ପାନ୍ତେଽନ୍ଯନ୍ନ କିଞ୍ଚନ ॥ ୮ ॥
ସ ଏଵାସୀଦିଦଂ ଵିଶ୍ଵଂ କଲ୍ପାନ୍ତେଽନ୍ଯନ୍ନ କିଞ୍ଚନ ॥ ୮ ॥
ତସ୍ଯ ନାଭେଃ ସମଭଵତ୍ ପଦ୍ମକୋଷୋ ହିରଣ୍ମଯଃ ।
ତସ୍ମିଞ୍ଜଜ୍ଞେ ମହାରାଜ ସ୍ଵଯମ୍ଭୂଶ୍ଚତୁରାନନଃ ॥ ୯ ॥
ତସ୍ମିଞ୍ଜଜ୍ଞେ ମହାରାଜ ସ୍ଵଯମ୍ଭୂଶ୍ଚତୁରାନନଃ ॥ ୯ ॥
ମରୀଚିର୍ମନସସ୍ତସ୍ଯ ଜଜ୍ଞେ ତସ୍ଯାପି କଶ୍ଯପଃ ।
ଦାକ୍ଷାଯଣ୍ଯାଂ ତତୋଽଦିତ୍ଯାଂ ଵିଵସ୍ଵାନଭଵତ୍ ସୁତଃ ॥ ୧୦ ॥
ଦାକ୍ଷାଯଣ୍ଯାଂ ତତୋଽଦିତ୍ଯାଂ ଵିଵସ୍ଵାନଭଵତ୍ ସୁତଃ ॥ ୧୦ ॥
ତତୋ ମନୁଃ ଶ୍ରାଦ୍ଧଦେଵଃ ସଂଜ୍ଞାଯାମାସ ଭାରତ ।
ଶ୍ରଦ୍ଧାଯାଂ ଜନଯାମାସ ଦଶ ପୁତ୍ରାନ୍ ସ ଆତ୍ମଵାନ୍ ॥ ୧୧ ॥
ଶ୍ରଦ୍ଧାଯାଂ ଜନଯାମାସ ଦଶ ପୁତ୍ରାନ୍ ସ ଆତ୍ମଵାନ୍ ॥ ୧୧ ॥
ଇକ୍ଷ୍ଵାକୁନୃଗଶର୍ଯାତିଦିଷ୍ଟଧୃଷ୍ଟକରୂଷକାନ୍ ।
ନରିଷ୍ଯନ୍ତଂ ପୃଷଧ୍ରଂ ଚ ନଭଗଂ ଚ କଵିଂ ଵିଭୁଃ ॥ ୧୨ ॥
ନରିଷ୍ଯନ୍ତଂ ପୃଷଧ୍ରଂ ଚ ନଭଗଂ ଚ କଵିଂ ଵିଭୁଃ ॥ ୧୨ ॥
ଅପ୍ରଜସ୍ଯ ମନୋଃ ପୂର୍ଵଂ ଵସିଷ୍ଠୋ ଭଗଵାନ୍ କିଲ ।
ମିତ୍ରାଵରୁଣଯୋରିଷ୍ଟିଂ ପ୍ରଜାର୍ଥମକରୋଦ୍ ଵିଭୁଃ ॥ ୧୩ ॥
ମିତ୍ରାଵରୁଣଯୋରିଷ୍ଟିଂ ପ୍ରଜାର୍ଥମକରୋଦ୍ ଵିଭୁଃ ॥ ୧୩ ॥
ତତ୍ର ଶ୍ରଦ୍ଧା ମନୋଃ ପତ୍ନୀ ହୋତାରଂ ସମଯାଚତ ।
ଦୁହିତ୍ରର୍ଥମୁପାଗମ୍ଯ ପ୍ରଣିପତ୍ଯ ପଯୋଵ୍ରତା ॥ ୧୪ ॥
ଦୁହିତ୍ରର୍ଥମୁପାଗମ୍ଯ ପ୍ରଣିପତ୍ଯ ପଯୋଵ୍ରତା ॥ ୧୪ ॥
ପ୍ରେଷିତୋଽଧ୍ଵର୍ଯୁଣା ହୋତା ଵ୍ଯଚରତ୍ ତତ୍ ସମାହିତଃ ।
ଗୃହୀତେ ହଵିଷି ଵାଚା ଵଷଟ୍କାରଂ ଗୃଣନ୍ଦ୍ଵିଜଃ ॥ ୧୫ ॥
ଗୃହୀତେ ହଵିଷି ଵାଚା ଵଷଟ୍କାରଂ ଗୃଣନ୍ଦ୍ଵିଜଃ ॥ ୧୫ ॥
ହୋତୁସ୍ତଦ୍ଵ୍ଯଭିଚାରେଣ କନ୍ଯେଲା ନାମ ସାଭଵତ୍ ।
ତାଂ ଵିଲୋକ୍ଯ ମନୁଃ ପ୍ରାହ ନାତିତୁଷ୍ଟମନା ଗୁରୁମ୍ ॥ ୧୬ ॥
ତାଂ ଵିଲୋକ୍ଯ ମନୁଃ ପ୍ରାହ ନାତିତୁଷ୍ଟମନା ଗୁରୁମ୍ ॥ ୧୬ ॥
ଭଗଵନ୍ କିମିଦଂ ଜାତଂ କର୍ମ ଵୋ ବ୍ରହ୍ମଵାଦିନାମ୍ ।
ଵିପର୍ଯଯମହୋ କଷ୍ଟଂ ମୈଵଂ ସ୍ଯାଦ୍ ବ୍ରହ୍ମଵିକ୍ରିଯା ॥ ୧୭ ॥
ଵିପର୍ଯଯମହୋ କଷ୍ଟଂ ମୈଵଂ ସ୍ଯାଦ୍ ବ୍ରହ୍ମଵିକ୍ରିଯା ॥ ୧୭ ॥
ଯୂଯଂ ବ୍ରହ୍ମଵିଦୋ ଯୁକ୍ତାସ୍ତପସା ଦଗ୍ଧକିଲ୍ବିଷାଃ ।
କୁତଃ ସଙ୍କଲ୍ପଵୈଷମ୍ଯମନୃତଂ ଵିବୁଧେଷ୍ଵିଵ ॥ ୧୮ ॥
କୁତଃ ସଙ୍କଲ୍ପଵୈଷମ୍ଯମନୃତଂ ଵିବୁଧେଷ୍ଵିଵ ॥ ୧୮ ॥
ନିଶମ୍ଯ ତଦ୍ ଵଚସ୍ତସ୍ଯ ଭଗଵାନ୍ ପ୍ରପିତାମହଃ ।
ହୋତୁର୍ଵ୍ଯତିକ୍ରମଂ ଜ୍ଞାତ୍ଵା ବଭାଷେ ରଵିନନ୍ଦନମ୍ ॥ ୧୯ ॥
ହୋତୁର୍ଵ୍ଯତିକ୍ରମଂ ଜ୍ଞାତ୍ଵା ବଭାଷେ ରଵିନନ୍ଦନମ୍ ॥ ୧୯ ॥
ଏତତ୍ ସଙ୍କଲ୍ପଵୈଷମ୍ଯଂ ହୋତୁସ୍ତେ ଵ୍ଯଭିଚାରତଃ ।
ତଥାପି ସାଧଯିଷ୍ଯେ ତେ ସୁପ୍ରଜାସ୍ତ୍ଵଂ ସ୍ଵତେଜସା ॥ ୨୦ ॥
ତଥାପି ସାଧଯିଷ୍ଯେ ତେ ସୁପ୍ରଜାସ୍ତ୍ଵଂ ସ୍ଵତେଜସା ॥ ୨୦ ॥
ଏଵଂ ଵ୍ଯଵସିତୋ ରାଜନ୍ ଭଗଵାନ୍ ସ ମହାଯଶାଃ ।
ଅସ୍ତୌଷୀଦାଦିପୁରୁଷମିଲାଯାଃ ପୁଂସ୍ତ୍ଵକାମ୍ଯଯା ॥ ୨୧ ॥
ଅସ୍ତୌଷୀଦାଦିପୁରୁଷମିଲାଯାଃ ପୁଂସ୍ତ୍ଵକାମ୍ଯଯା ॥ ୨୧ ॥
ତସ୍ମୈ କାମଵରଂ ତୁଷ୍ଟୋ ଭଗଵାନ୍ ହରିରୀଶ୍ଵରଃ ।
ଦଦାଵିଲାଭଵତ୍ ତେନ ସୁଦ୍ଯୁମ୍ନଃ ପୁରୁଷର୍ଷଭଃ ॥ ୨୨ ॥
ଦଦାଵିଲାଭଵତ୍ ତେନ ସୁଦ୍ଯୁମ୍ନଃ ପୁରୁଷର୍ଷଭଃ ॥ ୨୨ ॥
ସ ଏକଦା ମହାରାଜ ଵିଚରନ୍ ମୃଗଯାଂ ଵନେ ।
ଵୃତଃ କତିପଯାମାତ୍ଯୈରଶ୍ଵମାରୁହ୍ଯ ସୈନ୍ଧଵମ୍ ॥ ୨୩ ॥
ଵୃତଃ କତିପଯାମାତ୍ଯୈରଶ୍ଵମାରୁହ୍ଯ ସୈନ୍ଧଵମ୍ ॥ ୨୩ ॥
ପ୍ରଗୃହ୍ଯ ରୁଚିରଂ ଚାପଂ ଶରାଂଶ୍ଚ ପରମାଦ୍ଭୁତାନ୍ ।
ଦଂଶିତୋଽନୁମୃଗଂ ଵୀରୋ ଜଗାମ ଦିଶମୁତ୍ତରାମ୍ ॥ ୨୪ ॥
ଦଂଶିତୋଽନୁମୃଗଂ ଵୀରୋ ଜଗାମ ଦିଶମୁତ୍ତରାମ୍ ॥ ୨୪ ॥
ସୁକୁମାରଵନଂ ମେରୋରଧସ୍ତାତ୍ ପ୍ରଵିଵେଶ ହ ।
ଯତ୍ରାସ୍ତେ ଭଗଵାଞ୍ଛର୍ଵୋ ରମମାଣଃ ସହୋମଯା ॥ ୨୫ ॥
ଯତ୍ରାସ୍ତେ ଭଗଵାଞ୍ଛର୍ଵୋ ରମମାଣଃ ସହୋମଯା ॥ ୨୫ ॥
ତସ୍ମିନ୍ ପ୍ରଵିଷ୍ଟ ଏଵାସୌ ସୁଦ୍ଯୁମ୍ନଃ ପରଵୀରହା ।
ଅପଶ୍ଯତ୍ ସ୍ରିଯମାତ୍ମାନମଶ୍ଵଂ ଚ ଵଡଵାଂ ନୃପ ॥ ୨୬ ॥
ଅପଶ୍ଯତ୍ ସ୍ରିଯମାତ୍ମାନମଶ୍ଵଂ ଚ ଵଡଵାଂ ନୃପ ॥ ୨୬ ॥
ତଥା ତଦନୁଗାଃ ସର୍ଵେ ଆତ୍ମଲିଙ୍ଗଵିପର୍ଯଯମ୍ ।
ଦୃଷ୍ଟ୍ଵା ଵିମନସୋଽଭୂଵନ୍ ଵୀକ୍ଷମାଣାଃ ପରସ୍ପରମ୍ ॥ ୨୭ ॥
ଦୃଷ୍ଟ୍ଵା ଵିମନସୋଽଭୂଵନ୍ ଵୀକ୍ଷମାଣାଃ ପରସ୍ପରମ୍ ॥ ୨୭ ॥
ଶ୍ରୀରାଜୋଵାଚ
କଥମେଵଂ ଗୁଣୋ ଦେଶଃ କେନ ଵା ଭଗଵନ୍ କୃତଃ ।
ପ୍ରଶ୍ନମେନଂ ସମାଚକ୍ଷ୍ଵ ପରଂ କୌତୂହଲଂ ହି ନଃ ॥ ୨୮ ॥
କଥମେଵଂ ଗୁଣୋ ଦେଶଃ କେନ ଵା ଭଗଵନ୍ କୃତଃ ।
ପ୍ରଶ୍ନମେନଂ ସମାଚକ୍ଷ୍ଵ ପରଂ କୌତୂହଲଂ ହି ନଃ ॥ ୨୮ ॥
ଶ୍ରୀଶୁକ ଉଵାଚ
ଏକଦା ଗିରିଶଂ ଦ୍ରଷ୍ଟୁମୃଷଯସ୍ତତ୍ର ସୁଵ୍ରତାଃ ।
ଦିଶୋ ଵିତିମିରାଭାସାଃ କୁର୍ଵନ୍ତଃ ସମୁପାଗମନ୍ ॥ ୨୯ ॥
ଏକଦା ଗିରିଶଂ ଦ୍ରଷ୍ଟୁମୃଷଯସ୍ତତ୍ର ସୁଵ୍ରତାଃ ।
ଦିଶୋ ଵିତିମିରାଭାସାଃ କୁର୍ଵନ୍ତଃ ସମୁପାଗମନ୍ ॥ ୨୯ ॥
ତାନ୍ ଵିଲୋକ୍ଯାମ୍ବିକା ଦେଵୀ ଵିଵାସା ଵ୍ରୀଡିତା ଭୃଶମ୍ ।
ଭର୍ତୁରଙ୍କାତ୍ ସମୁତ୍ଥାଯ ନୀଵୀମାଶ୍ଵଥ ପର୍ଯଧାତ୍ ॥ ୩୦ ॥
ଭର୍ତୁରଙ୍କାତ୍ ସମୁତ୍ଥାଯ ନୀଵୀମାଶ୍ଵଥ ପର୍ଯଧାତ୍ ॥ ୩୦ ॥
ଋଷଯୋଽପି ତଯୋର୍ଵୀକ୍ଷ୍ଯ ପ୍ରସଙ୍ଗଂ ରମମାଣଯୋଃ ।
ନିଵୃତ୍ତାଃ ପ୍ରଯଯୁସ୍ତସ୍ମାନ୍ନରନାରାଯଣାଶ୍ରମମ୍ ॥ ୩୧ ॥
ନିଵୃତ୍ତାଃ ପ୍ରଯଯୁସ୍ତସ୍ମାନ୍ନରନାରାଯଣାଶ୍ରମମ୍ ॥ ୩୧ ॥
ତଦିଦଂ ଭଗଵାନାହ ପ୍ରିଯାଯାଃ ପ୍ରିଯକାମ୍ଯଯା ।
ସ୍ଥାନଂ ଯଃ ପ୍ରଵିଶେଦେତତ୍ ସ ଵୈ ଯୋଷିଦ୍ ଭଵେଦିତି ॥ ୩୨ ॥
ସ୍ଥାନଂ ଯଃ ପ୍ରଵିଶେଦେତତ୍ ସ ଵୈ ଯୋଷିଦ୍ ଭଵେଦିତି ॥ ୩୨ ॥
ତତ ଊର୍ଧ୍ଵଂ ଵନଂ ତଦ୍ ଵୈ ପୁରୁଷା ଵର୍ଜଯନ୍ତି ହି ।
ସା ଚାନୁଚରସଂଯୁକ୍ତା ଵିଚଚାର ଵନାଦ୍ ଵନମ୍ ॥ ୩୩ ॥
ସା ଚାନୁଚରସଂଯୁକ୍ତା ଵିଚଚାର ଵନାଦ୍ ଵନମ୍ ॥ ୩୩ ॥
ଅଥ ତାମାଶ୍ରମାଭ୍ଯାଶେ ଚରନ୍ତୀଂ ପ୍ରମଦୋତ୍ତମାମ୍ ।
ସ୍ରୀଭିଃ ପରିଵୃତାଂ ଵୀକ୍ଷ୍ଯ ଚକମେ ଭଗଵାନ୍ ବୁଧଃ ॥ ୩୪ ॥
ସ୍ରୀଭିଃ ପରିଵୃତାଂ ଵୀକ୍ଷ୍ଯ ଚକମେ ଭଗଵାନ୍ ବୁଧଃ ॥ ୩୪ ॥
ସାପି ତଂ ଚକମେ ସୁଭ୍ରୂଃ ସୋମରାଜସୁତଂ ପତିମ୍ ।
ସ ତସ୍ଯାଂ ଜନଯାମାସ ପୁରୂରଵସମାତ୍ମଜମ୍ ॥ ୩୫ ॥
ସ ତସ୍ଯାଂ ଜନଯାମାସ ପୁରୂରଵସମାତ୍ମଜମ୍ ॥ ୩୫ ॥
ଏଵଂ ସ୍ରୀତ୍ଵମନୁପ୍ରାପ୍ତଃ ସୁଦ୍ଯୁମ୍ନୋ ମାନଵୋ ନୃପଃ ।
ସସ୍ମାର ସ କୁଲାଚାର୍ଯଂ ଵସିଷ୍ଠମିତି ଶୁଶ୍ରୁମ ॥ ୩୬ ॥
ସସ୍ମାର ସ କୁଲାଚାର୍ଯଂ ଵସିଷ୍ଠମିତି ଶୁଶ୍ରୁମ ॥ ୩୬ ॥
ସ ତସ୍ଯ ତାଂ ଦଶାଂ ଦୃଷ୍ଟ୍ଵା କୃପଯା ଭୃଶପୀଡିତଃ ।
ସୁଦ୍ଯୁମ୍ନସ୍ଯାଶଯନ୍ ପୁଂସ୍ତ୍ଵମୁପାଧାଵତ ଶଙ୍କରମ୍ ॥ ୩୭ ॥
ସୁଦ୍ଯୁମ୍ନସ୍ଯାଶଯନ୍ ପୁଂସ୍ତ୍ଵମୁପାଧାଵତ ଶଙ୍କରମ୍ ॥ ୩୭ ॥
ତୁଷ୍ଟସ୍ତସ୍ମୈ ସ ଭଗଵାନୃଷଯେ ପ୍ରିଯମାଵହନ୍ ।
ସ୍ଵାଂ ଚ ଵାଚମୃତାଂ କୁର୍ଵନ୍ନିଦମାହ ଵିଶାମ୍ପତେ ॥ ୩୮ ॥
ସ୍ଵାଂ ଚ ଵାଚମୃତାଂ କୁର୍ଵନ୍ନିଦମାହ ଵିଶାମ୍ପତେ ॥ ୩୮ ॥
ମାସଂ ପୁମାନ୍ ସ ଭଵିତା ମାସଂ ସ୍ରୀ ତଵ ଗୋତ୍ରଜଃ ।
ଇତ୍ଥଂ ଵ୍ଯଵସ୍ଥଯା କାମଂ ସୁଦ୍ଯୁମ୍ନୋଽଵତୁ ମେଦିନୀମ୍ ॥ ୩୯ ॥
ଇତ୍ଥଂ ଵ୍ଯଵସ୍ଥଯା କାମଂ ସୁଦ୍ଯୁମ୍ନୋଽଵତୁ ମେଦିନୀମ୍ ॥ ୩୯ ॥
ଆଚାର୍ଯାନୁଗ୍ରହାତ୍ କାମଂ ଲବ୍ଧ୍ଵା ପୁଂସ୍ତ୍ଵଂ ଵ୍ଯଵସ୍ଥଯା ।
ପାଲଯାମାସ ଜଗତୀଂ ନାଭ୍ଯନନ୍ଦନ୍ ସ୍ମ ତଂ ପ୍ରଜାଃ ॥ ୪୦ ॥
ପାଲଯାମାସ ଜଗତୀଂ ନାଭ୍ଯନନ୍ଦନ୍ ସ୍ମ ତଂ ପ୍ରଜାଃ ॥ ୪୦ ॥
ତସ୍ଯୋତ୍କଲୋ ଗଯୋ ରାଜନ୍ ଵିମଲଶ୍ଚ ତ୍ରଯଃ ସୁତାଃ ।
ଦକ୍ଷିଣାପଥରାଜାନୋ ବଭୂଵୁର୍ଧର୍ମଵତ୍ସଲାଃ ॥ ୪୧ ॥
ଦକ୍ଷିଣାପଥରାଜାନୋ ବଭୂଵୁର୍ଧର୍ମଵତ୍ସଲାଃ ॥ ୪୧ ॥
ତତଃ ପରିଣତେ କାଲେ ପ୍ରତିଷ୍ଠାନପତିଃ ପ୍ରଭୁଃ ।
ପୁରୂରଵସ ଉତ୍ସୃଜ୍ଯ ଗାଂ ପୁତ୍ରାଯ ଗତୋ ଵନମ୍ ॥ ୪୨ ॥
ପୁରୂରଵସ ଉତ୍ସୃଜ୍ଯ ଗାଂ ପୁତ୍ରାଯ ଗତୋ ଵନମ୍ ॥ ୪୨ ॥