শ্রীশুক উবাচ
ভগবানাত্মনাত্মানং রাম উত্তমকল্পকৈঃ ।
সর্বদেবমযং দেবমীজেঽথাচার্যবান্ মখৈঃ ॥ ১ ॥
ভগবানাত্মনাত্মানং রাম উত্তমকল্পকৈঃ ।
সর্বদেবমযং দেবমীজেঽথাচার্যবান্ মখৈঃ ॥ ১ ॥
হোত্রেঽদদাদ্ দিশং প্রাচীং ব্রহ্মণে দক্ষিণাং প্রভুঃ ।
অধ্বর্যবে প্রতীচীং বা উত্তরাং সামগায সঃ ॥ ২ ॥
অধ্বর্যবে প্রতীচীং বা উত্তরাং সামগায সঃ ॥ ২ ॥
আচার্যায দদৌ শেষাং যাবতী ভূস্তদন্তরা ।
মন্যমান ইদং কৃত্স্নং ব্রাহ্মণোঽর্হতি নিঃস্পৃহঃ ॥ ৩ ॥
মন্যমান ইদং কৃত্স্নং ব্রাহ্মণোঽর্হতি নিঃস্পৃহঃ ॥ ৩ ॥
ইত্যযং তদলঙ্কারবাসোভ্যামবশেষিতঃ ।
তথা রাজ্ঞ্যপি বৈদেহী সৌমঙ্গল্যাবশেষিতা ॥ ৪ ॥
তথা রাজ্ঞ্যপি বৈদেহী সৌমঙ্গল্যাবশেষিতা ॥ ৪ ॥
তে তু ব্রাহ্মণদেবস্য বাত্সল্যং বীক্ষ্য সংস্তুতম্ ।
প্রীতাঃ ক্লিন্নধিযস্তস্মৈ প্রত্যর্প্যেদং বভাষিরে ॥ ৫ ॥
প্রীতাঃ ক্লিন্নধিযস্তস্মৈ প্রত্যর্প্যেদং বভাষিরে ॥ ৫ ॥
অপ্রত্তং নস্ত্বযা কিং নু ভগবন্ ভুবনেশ্বর ।
যন্নোঽন্তর্হৃদযং বিশ্য তমো হংসি স্বরোচিষা ॥ ৬ ॥
যন্নোঽন্তর্হৃদযং বিশ্য তমো হংসি স্বরোচিষা ॥ ৬ ॥
নমো ব্রহ্মণ্যদেবায রামাযাকুণ্ঠমেধসে ।
উত্তমশ্লোকধুর্যায ন্যস্তদণ্ডার্পিতাঙ্ঘ্রযে ॥ ৭ ॥
উত্তমশ্লোকধুর্যায ন্যস্তদণ্ডার্পিতাঙ্ঘ্রযে ॥ ৭ ॥
কদাচিল্লোকজিজ্ঞাসুর্গূঢো রাত্র্যামলক্ষিতঃ ।
চরন্বাচোঽশৃণোদ্ রামো ভার্যামুদ্দিশ্য কস্যচিত্ ॥ ৮ ॥
চরন্বাচোঽশৃণোদ্ রামো ভার্যামুদ্দিশ্য কস্যচিত্ ॥ ৮ ॥
নাহং বিভর্মি ত্বাং দুষ্টামসতীং পরবেশ্মগাম্ ।
স্ত্রৈণো হি বিভৃযাত্ সীতাং রামো নাহং ভজে পুনঃ ॥ ৯ ॥
স্ত্রৈণো হি বিভৃযাত্ সীতাং রামো নাহং ভজে পুনঃ ॥ ৯ ॥
ইতি লোকাদ্ বহুমুখাদ্ দুরারাধ্যাদসংবিদঃ ।
পত্যা ভীতেন সা ত্যক্তা প্রাপ্তা প্রাচেতসাশ্রমম্ ॥ ১০ ॥
পত্যা ভীতেন সা ত্যক্তা প্রাপ্তা প্রাচেতসাশ্রমম্ ॥ ১০ ॥
অন্তর্বত্ন্যাগতে কালে যমৌ সা সুষুবে সুতৌ ।
কুশো লব ইতি খ্যাতৌ তযোশ্চক্রে ক্রিযা মুনিঃ ॥ ১১ ॥
কুশো লব ইতি খ্যাতৌ তযোশ্চক্রে ক্রিযা মুনিঃ ॥ ১১ ॥
অঙ্গদশ্চিত্রকেতুশ্চ লক্ষ্মণস্যাত্মজৌ স্মৃতৌ ।
তক্ষঃ পুষ্কল ইত্যাস্তাং ভরতস্য মহীপতে ॥ ১২ ॥
তক্ষঃ পুষ্কল ইত্যাস্তাং ভরতস্য মহীপতে ॥ ১২ ॥
সুবাহুঃ শ্রুতসেনশ্চ শত্রুঘ্নস্য বভূবতুঃ ।
গন্ধর্বান্ কোটিশো জঘ্নে ভরতো বিজযে দিশাম্ ॥ ১৩ ॥
গন্ধর্বান্ কোটিশো জঘ্নে ভরতো বিজযে দিশাম্ ॥ ১৩ ॥
তদীযং ধনমানীয সর্বং রাজ্ঞে ন্যবেদযত্ ।
শত্রুঘ্নশ্চ মধোঃ পুত্রং লবণং নাম রাক্ষসম্ ।
হত্বা মধুবনে চক্রে মথুরাং নাম বৈ পুরীম্ ॥ ১৪ ॥
শত্রুঘ্নশ্চ মধোঃ পুত্রং লবণং নাম রাক্ষসম্ ।
হত্বা মধুবনে চক্রে মথুরাং নাম বৈ পুরীম্ ॥ ১৪ ॥
মুনৌ নিক্ষিপ্য তনযৌ সীতা ভর্ত্রা বিবাসিতা ।
ধ্যাযন্তী রামচরণৌ বিবরং প্রবিবেশ হ ॥ ১৫ ॥
ধ্যাযন্তী রামচরণৌ বিবরং প্রবিবেশ হ ॥ ১৫ ॥
তচ্ছ্রুত্বা ভগবান্ রামো রুন্ধন্নপি ধিযা শুচঃ ।
স্মরংস্তস্যা গুণাংস্তাংস্তান্নাশক্নোদ্ রোদ্ধুমীশ্বরঃ ॥ ১৬ ॥
স্মরংস্তস্যা গুণাংস্তাংস্তান্নাশক্নোদ্ রোদ্ধুমীশ্বরঃ ॥ ১৬ ॥
স্ত্রীপুংপ্রসঙ্গ এতাদৃক্সর্বত্র ত্রাসমাবহঃ ।
অপীশ্বরাণাং কিমুত গ্রাম্যস্য গৃহচেতসঃ ॥ ১৭ ॥
অপীশ্বরাণাং কিমুত গ্রাম্যস্য গৃহচেতসঃ ॥ ১৭ ॥
তত ঊর্ধ্বং ব্রহ্মচর্যং ধার্যন্নজুহোত্ প্রভুঃ ।
ত্রযোদশাব্দসাহস্রমগ্নিহোত্রমখণ্ডিতম্ ॥ ১৮ ॥
ত্রযোদশাব্দসাহস্রমগ্নিহোত্রমখণ্ডিতম্ ॥ ১৮ ॥
স্মরতাং হৃদি বিন্যস্য বিদ্ধং দণ্ডককণ্টকৈঃ ।
স্বপাদপল্লবং রাম আত্মজ্যোতিরগাত্ ততঃ ॥ ১৯ ॥
স্বপাদপল্লবং রাম আত্মজ্যোতিরগাত্ ততঃ ॥ ১৯ ॥
নেদং যশো রঘুপতেঃ সুরযাচ্ঞযাত্ত-
লীলাতনোরধিকসাম্যবিমুক্তধাম্নঃ ।
রক্ষোবধো জলধিবন্ধনমস্ত্রপূগৈঃ
কিং তস্য শত্রুহননে কপযঃ সহাযাঃ ॥ ২০ ॥
লীলাতনোরধিকসাম্যবিমুক্তধাম্নঃ ।
রক্ষোবধো জলধিবন্ধনমস্ত্রপূগৈঃ
কিং তস্য শত্রুহননে কপযঃ সহাযাঃ ॥ ২০ ॥
যস্যামলং নৃপসদঃসু যশোঽধুনাপি
গাযন্ত্যঘঘ্নমৃষযো দিগিভেন্দ্রপট্টম্ ।
তং নাকপালবসুপালকিরীটজুষ্ট-
পাদাম্বুজং রঘুপতিং শরণং প্রপদ্যে ॥ ২১ ॥
গাযন্ত্যঘঘ্নমৃষযো দিগিভেন্দ্রপট্টম্ ।
তং নাকপালবসুপালকিরীটজুষ্ট-
পাদাম্বুজং রঘুপতিং শরণং প্রপদ্যে ॥ ২১ ॥
স যৈঃ স্পৃষ্টোঽভিদৃষ্টো বা সংবিষ্টোঽনুগতোঽপি বা ।
কোসলাস্তে যযুঃ স্থানং যত্র গচ্ছন্তি যোগিনঃ ॥ ২২ ॥
কোসলাস্তে যযুঃ স্থানং যত্র গচ্ছন্তি যোগিনঃ ॥ ২২ ॥
পুরুষো রামচরিতং শ্রবণৈরুপধারযন্ ।
আনৃশংস্যপরো রাজন্ কর্মবন্ধৈর্বিমুচ্যতে ॥ ২৩ ॥
আনৃশংস্যপরো রাজন্ কর্মবন্ধৈর্বিমুচ্যতে ॥ ২৩ ॥
শ্রীরাজোবাচ
কথং স ভগবান্ রামো ভ্রাতৃন্ বা স্বযমাত্মনঃ ।
তস্মিন্ বা তেঽন্ববর্তন্ত প্রজাঃ পৌরাশ্চ ঈশ্বরে ॥ ২৪ ॥
কথং স ভগবান্ রামো ভ্রাতৃন্ বা স্বযমাত্মনঃ ।
তস্মিন্ বা তেঽন্ববর্তন্ত প্রজাঃ পৌরাশ্চ ঈশ্বরে ॥ ২৪ ॥
শ্রীবাদরাযণিরুবাচ
অথাদিশদ্ দিগ্বিজযে ভ্রাতৃংস্ত্রিভুবনেশ্বরঃ ।
আত্মানং দর্শযন্ স্বানাং পুরীমৈক্ষত সানুগঃ ॥ ২৫ ॥
অথাদিশদ্ দিগ্বিজযে ভ্রাতৃংস্ত্রিভুবনেশ্বরঃ ।
আত্মানং দর্শযন্ স্বানাং পুরীমৈক্ষত সানুগঃ ॥ ২৫ ॥
আসিক্তমার্গাং গন্ধোদৈঃ করিণাং মদশীকরৈঃ ।
স্বামিনং প্রাপ্তমালোক্য মত্তাং বা সুতরামিব ॥ ২৬ ॥
স্বামিনং প্রাপ্তমালোক্য মত্তাং বা সুতরামিব ॥ ২৬ ॥
প্রাসাদগোপুরসভাচৈত্যদেবগৃহাদিষু ।
বিন্যস্তহেমকলশৈঃ পতাকাভিশ্চ মণ্ডিতাম্ ॥ ২৭ ॥
বিন্যস্তহেমকলশৈঃ পতাকাভিশ্চ মণ্ডিতাম্ ॥ ২৭ ॥
পূগৈঃ সবৃন্তৈ রম্ভাভিঃ পট্টিকাভিঃ সুবাসসাম্ ।
আদর্শৈরংশুকৈঃ স্রগ্ভিঃ কৃতকৌতুকতোরণাম্ ॥ ২৮ ॥
আদর্শৈরংশুকৈঃ স্রগ্ভিঃ কৃতকৌতুকতোরণাম্ ॥ ২৮ ॥
তমুপেযুস্তত্র তত্র পৌরা অর্হণপাণযঃ ।
আশিষো যুযুজুর্দেব পাহীমাং প্রাক্ত্বযোদ্ধৃতাম্ ॥ ২৯ ॥
আশিষো যুযুজুর্দেব পাহীমাং প্রাক্ত্বযোদ্ধৃতাম্ ॥ ২৯ ॥
ততঃ প্রজা বীক্ষ্য পতিং চিরাগতং
দিদৃক্ষযোত্সৃষ্টগৃহাঃ স্ত্রিযো নরাঃ ।
আরুহ্য হর্ম্যাণ্যরবিন্দলোচন-
মতৃপ্তনেত্রাঃ কুসুমৈরবাকিরন্ ॥ ৩০ ॥
দিদৃক্ষযোত্সৃষ্টগৃহাঃ স্ত্রিযো নরাঃ ।
আরুহ্য হর্ম্যাণ্যরবিন্দলোচন-
মতৃপ্তনেত্রাঃ কুসুমৈরবাকিরন্ ॥ ৩০ ॥
অথ প্রবিষ্টঃ স্বগৃহং জুষ্টং স্বৈঃ পূর্বরাজভিঃ ।
অনন্তাখিলকোষাঢ্যমনর্ঘ্যোরুপরিচ্ছদম্ ॥ ৩১ ॥
অনন্তাখিলকোষাঢ্যমনর্ঘ্যোরুপরিচ্ছদম্ ॥ ৩১ ॥
বিদ্রুমোদুম্বরদ্বারৈর্বৈদূর্যস্তম্ভপঙ্ক্তিভিঃ ।
স্থলৈর্মারকতৈঃ স্বচ্ছৈর্ভ্রাজত্স্ফটিকভিত্তিভিঃ ॥ ৩২ ॥
স্থলৈর্মারকতৈঃ স্বচ্ছৈর্ভ্রাজত্স্ফটিকভিত্তিভিঃ ॥ ৩২ ॥
চিত্রস্রগ্ভিঃ পট্টিকাভির্বাসোমণিগণাংশুকৈঃ ।
মুক্তাফলৈশ্চিদুল্লাসৈঃ কান্তকামোপপত্তিভিঃ ॥ ৩৩ ॥
মুক্তাফলৈশ্চিদুল্লাসৈঃ কান্তকামোপপত্তিভিঃ ॥ ৩৩ ॥
ধূপদীপৈঃ সুরভিভির্মণ্ডিতং পুষ্পমণ্ডনৈঃ ।
স্ত্রীপুম্ভিঃ সুরসঙ্কাশৈর্জুষ্টং ভূষণভূষণৈঃ ॥ ৩৪ ॥
স্ত্রীপুম্ভিঃ সুরসঙ্কাশৈর্জুষ্টং ভূষণভূষণৈঃ ॥ ৩৪ ॥
তস্মিন্স ভগবান্ রামঃ স্নিগ্ধযা প্রিযযেষ্টযা ।
রেমে স্বারামধীরাণামৃষভঃ সীতযা কিল ॥ ৩৫ ॥
রেমে স্বারামধীরাণামৃষভঃ সীতযা কিল ॥ ৩৫ ॥
বুভুজে চ যথাকালং কামান্ ধর্মমপীডযন্ ।
বর্ষপূগান্ বহূন্ নৃণামভিধ্যাতাঙ্ঘ্রিপল্লবঃ ॥ ৩৬ ॥
বর্ষপূগান্ বহূন্ নৃণামভিধ্যাতাঙ্ঘ্রিপল্লবঃ ॥ ৩৬ ॥