শ্রীশুক উবাচ
পিত্রোপশিক্ষিতো রামস্তথেতি কুরুনন্দন ।
সংবত্সরং তীর্থযাত্রাং চরিত্বাশ্রমমাব্রজত্ ॥ ১ ॥
পিত্রোপশিক্ষিতো রামস্তথেতি কুরুনন্দন ।
সংবত্সরং তীর্থযাত্রাং চরিত্বাশ্রমমাব্রজত্ ॥ ১ ॥
কদাচিদ্ রেণুকা যাতা গঙ্গাযাং পদ্মমালিনম্ ।
গন্ধর্বরাজং ক্রীডন্তমপ্সরোভিরপশ্যত ॥ ২ ॥
গন্ধর্বরাজং ক্রীডন্তমপ্সরোভিরপশ্যত ॥ ২ ॥
বিলোকযন্তী ক্রীডন্তমুদকার্থং নদীং গতা ।
হোমবেলাং ন সস্মার কিঞ্চিচ্চিত্ররথস্পৃহা ॥ ৩ ॥
হোমবেলাং ন সস্মার কিঞ্চিচ্চিত্ররথস্পৃহা ॥ ৩ ॥
কালাত্যযং তং বিলোক্য মুনেঃ শাপবিশঙ্কিতা ।
আগত্য কলশং তস্থৌ পুরোধায কৃতাঞ্জলিঃ ॥ ৪ ॥
আগত্য কলশং তস্থৌ পুরোধায কৃতাঞ্জলিঃ ॥ ৪ ॥
ব্যভিচারং মুনির্জ্ঞাত্বা পত্ন্যাঃ প্রকুপিতোঽব্রবীত্ ।
ঘ্নতৈনাং পুত্রকাঃ পাপামিত্যুক্তাস্তে ন চক্রিরে ॥ ৫ ॥
ঘ্নতৈনাং পুত্রকাঃ পাপামিত্যুক্তাস্তে ন চক্রিরে ॥ ৫ ॥
রামঃ সঞ্চোদিতঃ পিত্রা ভ্রাতৃন্ মাত্রা সহাবধীত্ ।
প্রভাবজ্ঞো মুনেঃ সম্যক্ সমাধেস্তপসশ্চ সঃ ॥ ৬ ॥
প্রভাবজ্ঞো মুনেঃ সম্যক্ সমাধেস্তপসশ্চ সঃ ॥ ৬ ॥
বরেণচ্ছন্দযামাস প্রীতঃ সত্যবতীসুতঃ ।
বব্রে হতানাং রামোঽপি জীবিতং চাস্মৃতিং বধে ॥ ৭ ॥
বব্রে হতানাং রামোঽপি জীবিতং চাস্মৃতিং বধে ॥ ৭ ॥
উত্তস্থুস্তে কুশলিনো নিদ্রাপায ইবাঞ্জসা ।
পিতুর্বিদ্বাংস্তপোবীর্যং রামশ্চক্রে সুহৃদ্বধম্ ॥ ৮ ॥
পিতুর্বিদ্বাংস্তপোবীর্যং রামশ্চক্রে সুহৃদ্বধম্ ॥ ৮ ॥
যেঽর্জুনস্য সুতা রাজন্ স্মরন্তঃ স্বপিতুর্বধম্ ।
রামবীর্যপরাভূতা লেভিরে শর্ম ন ক্বচিত্ ॥ ৯ ॥
রামবীর্যপরাভূতা লেভিরে শর্ম ন ক্বচিত্ ॥ ৯ ॥
একদাশ্রমতো রামে সভ্রাতরি বনং গতে ।
বৈরং সিষাধযিষবো লব্ধচ্ছিদ্রা উপাগমন্ ॥ ১০ ॥
বৈরং সিষাধযিষবো লব্ধচ্ছিদ্রা উপাগমন্ ॥ ১০ ॥
দৃষ্ট্বাগ্ন্যাগার আসীনমাবেশিতধিযং মুনিম্ ।
ভগবত্যুত্তমশ্লোকে জঘ্নুস্তে পাপনিশ্চযাঃ ॥ ১১ ॥
ভগবত্যুত্তমশ্লোকে জঘ্নুস্তে পাপনিশ্চযাঃ ॥ ১১ ॥
যাচ্যমানাঃ কৃপণযা রামমাত্রাতিদারুণাঃ ।
প্রসহ্য শির উত্কৃত্য নিন্যুস্তে ক্ষত্রবন্ধবঃ ॥ ১২ ॥
প্রসহ্য শির উত্কৃত্য নিন্যুস্তে ক্ষত্রবন্ধবঃ ॥ ১২ ॥
রেণুকা দুঃখশোকার্তা নিঘ্নন্ত্যাত্মানমাত্মনা ।
রাম রামেতি তাতেতি বিচুক্রোশোচ্চকৈঃ সতী ॥ ১৩ ॥
রাম রামেতি তাতেতি বিচুক্রোশোচ্চকৈঃ সতী ॥ ১৩ ॥
তদুপশ্রুত্য দূরস্থা হা রামেত্যার্তবত্স্বনম্ ।
ত্বরযাশ্রমমাসাদ্য দদৃশুঃ পিতরং হতম্ ॥ ১৪ ॥
ত্বরযাশ্রমমাসাদ্য দদৃশুঃ পিতরং হতম্ ॥ ১৪ ॥
তে দুঃখরোষামর্ষার্তিশোকবেগবিমোহিতাঃ ।
হা তাত সাধো ধর্মিষ্ঠ ত্যক্ত্বাস্মান্স্বর্গতো ভবান্ ॥ ১৫ ॥
হা তাত সাধো ধর্মিষ্ঠ ত্যক্ত্বাস্মান্স্বর্গতো ভবান্ ॥ ১৫ ॥
বিলপ্যৈবং পিতুর্দেহং নিধায ভ্রাতৃষু স্বযম্ ।
প্রগৃহ্য পরশুং রামঃ ক্ষত্রান্তায মনো দধে ॥ ১৬ ॥
প্রগৃহ্য পরশুং রামঃ ক্ষত্রান্তায মনো দধে ॥ ১৬ ॥
গত্বা মাহিষ্মতীং রামো ব্রহ্মঘ্নবিহতশ্রিযম্ ।
তেষাং স শীর্ষভী রাজন্ মধ্যে চক্রে মহাগিরিম্ ॥ ১৭ ॥
তেষাং স শীর্ষভী রাজন্ মধ্যে চক্রে মহাগিরিম্ ॥ ১৭ ॥
তদ্রক্তেন নদীং ঘোরামব্রহ্মণ্যভযাবহাম্ ।
হেতুং কৃত্বা পিতৃবধং ক্ষত্রেঽমঙ্গলকারিণি ॥ ১৮ ॥
হেতুং কৃত্বা পিতৃবধং ক্ষত্রেঽমঙ্গলকারিণি ॥ ১৮ ॥
ত্রিঃসপ্তকৃত্বঃ পৃথিবীং কৃত্বা নিঃক্ষত্রিযাং প্রভুঃ ।
সমন্তপঞ্চকে চক্রে শোণিতোদান্ হ্রদান্ নব ॥ ১৯ ॥
সমন্তপঞ্চকে চক্রে শোণিতোদান্ হ্রদান্ নব ॥ ১৯ ॥
পিতুঃ কাযেন সন্ধায শির আদায বর্হিষি ।
সর্বদেবমযং দেবমাত্মানমযজন্মখৈঃ ॥ ২০ ॥
সর্বদেবমযং দেবমাত্মানমযজন্মখৈঃ ॥ ২০ ॥
দদৌ প্রাচীং দিশং হোত্রে ব্রহ্মণে দক্ষিণাং দিশম্ ।
অধ্বর্যবে প্রতীচীং বৈ উদ্গাত্রে উত্তরাং দিশম্ ॥ ২১ ॥
অধ্বর্যবে প্রতীচীং বৈ উদ্গাত্রে উত্তরাং দিশম্ ॥ ২১ ॥
অন্যেভ্যোঽবান্তরদিশঃ কশ্যপায চ মধ্যতঃ ।
আর্যাবর্তমুপদ্রষ্ট্রে সদস্যেভ্যস্ততঃ পরম্ ॥ ২২ ॥
আর্যাবর্তমুপদ্রষ্ট্রে সদস্যেভ্যস্ততঃ পরম্ ॥ ২২ ॥
ততশ্চাবভৃথস্নানবিধূতাশেষকিল্বিষঃ ।
সরস্বত্যাং মহানদ্যাং রেজে ব্যব্ভ্র ইবাংশুমান্ ॥ ২৩ ॥
সরস্বত্যাং মহানদ্যাং রেজে ব্যব্ভ্র ইবাংশুমান্ ॥ ২৩ ॥
স্বদেহং জমদগ্নিস্তু লব্ধ্বা সংজ্ঞানলক্ষণম্ ।
ঋষীণাং মণ্ডলে সোঽভূত্ সপ্তমো রামপূজিতঃ ॥ ২৪ ॥
ঋষীণাং মণ্ডলে সোঽভূত্ সপ্তমো রামপূজিতঃ ॥ ২৪ ॥
জামদগ্ন্যোঽপি ভগবান্ রামঃ কমললোচনঃ ।
আগামিন্যন্তরে রাজন্ বর্তযিষ্যতি বৈ বৃহত্ ॥ ২৫ ॥
আগামিন্যন্তরে রাজন্ বর্তযিষ্যতি বৈ বৃহত্ ॥ ২৫ ॥
আস্তেঽদ্যাপি মহেন্দ্রাদ্রৌ ন্যস্তদণ্ডঃ প্রশান্তধীঃ ।
উপগীযমানচরিতঃ সিদ্ধগন্ধর্বচারণৈঃ ॥ ২৬ ॥
উপগীযমানচরিতঃ সিদ্ধগন্ধর্বচারণৈঃ ॥ ২৬ ॥
এবং ভৃগুষু বিশ্বাত্মা ভগবান্ হরিরীশ্বরঃ ।
অবতীর্য পরং ভারং ভুবোঽহন্ বহুশো নৃপান্ ॥ ২৭ ॥
অবতীর্য পরং ভারং ভুবোঽহন্ বহুশো নৃপান্ ॥ ২৭ ॥
গাধেরভূন্মহাতেজাঃ সমিদ্ধ ইব পাবকঃ ।
তপসা ক্ষাত্রমুত্সৃজ্য যো লেভে ব্রহ্মবর্চসম্ ॥ ২৮ ॥
তপসা ক্ষাত্রমুত্সৃজ্য যো লেভে ব্রহ্মবর্চসম্ ॥ ২৮ ॥
বিশ্বামিত্রস্য চৈবাসন্ পুত্রা একশতং নৃপ ।
মধ্যমস্তু মধুচ্ছন্দা মধুচ্ছন্দস এব তে ॥ ২৯ ॥
মধ্যমস্তু মধুচ্ছন্দা মধুচ্ছন্দস এব তে ॥ ২৯ ॥
পুত্রং কৃত্বা শুনঃশেফং দেবরাতং চ ভার্গবম্ ।
আজীগর্তং সুতানাহ জ্যেষ্ঠ এষ প্রকল্প্যতাম্ ॥ ৩০ ॥
আজীগর্তং সুতানাহ জ্যেষ্ঠ এষ প্রকল্প্যতাম্ ॥ ৩০ ॥
যো বৈ হরিশ্চন্দ্রমখে বিক্রীতঃ পুরুষঃ পশুঃ ।
স্তুত্বা দেবান্ প্রজেশাদীন্ মুমুচে পাশবন্ধনাত্ ॥ ৩১ ॥
স্তুত্বা দেবান্ প্রজেশাদীন্ মুমুচে পাশবন্ধনাত্ ॥ ৩১ ॥
যো রাতো দেবযজনে দেবৈর্গাধিষু তাপসঃ ।
দেবরাত ইতি খ্যাতঃ শুনঃশেফস্তু ভার্গবঃ ॥ ৩২ ॥
দেবরাত ইতি খ্যাতঃ শুনঃশেফস্তু ভার্গবঃ ॥ ৩২ ॥
যে মধুচ্ছন্দসো জ্যেষ্ঠাঃ কুশলং মেনিরে ন তত্ ।
অশপত্ তান্মুনিঃ ক্রুদ্ধো ম্লেচ্ছা ভবত দুর্জনাঃ ॥ ৩৩ ॥
অশপত্ তান্মুনিঃ ক্রুদ্ধো ম্লেচ্ছা ভবত দুর্জনাঃ ॥ ৩৩ ॥
স হোবাচ মধুচ্ছন্দাঃ সার্ধং পঞ্চাশতা ততঃ ।
যন্নো ভবান্ সঞ্জানীতে তস্মিংস্তিষ্ঠামহে বযম্ ॥ ৩৪ ॥
যন্নো ভবান্ সঞ্জানীতে তস্মিংস্তিষ্ঠামহে বযম্ ॥ ৩৪ ॥
জ্যেষ্ঠং মন্ত্রদৃশং চক্রুস্ত্বামন্বঞ্চো বযং স্ম হি ।
বিশ্বামিত্রঃ সুতানাহ বীরবন্তো ভবিষ্যথ ।
যে মানং মেঽনুগৃহ্ণন্তো বীরবন্তমকর্ত মাম্ ॥ ৩৫ ॥
বিশ্বামিত্রঃ সুতানাহ বীরবন্তো ভবিষ্যথ ।
যে মানং মেঽনুগৃহ্ণন্তো বীরবন্তমকর্ত মাম্ ॥ ৩৫ ॥
এষ বঃ কুশিকা বীরো দেবরাতস্তমন্বিত ।
অন্যে চাষ্টকহারীতজযক্রতুমদাদযঃ ॥ ৩৬ ॥
অন্যে চাষ্টকহারীতজযক্রতুমদাদযঃ ॥ ৩৬ ॥
এবং কৌশিকগোত্রং তু বিশ্বামিত্রৈঃ পৃথগ্বিধম্ ।
প্রবরান্তরমাপন্নং তদ্ধি চৈবং প্রকল্পিতম্ ॥ ৩৭ ॥
প্রবরান্তরমাপন্নং তদ্ধি চৈবং প্রকল্পিতম্ ॥ ৩৭ ॥