শ্রীশুক উবাচ
স ইত্থমাচরন্ কামান্ স্ত্রৈণোঽপহ্নবমাত্মনঃ ।
বুদ্ধ্বা প্রিযাযৈ নির্বিণ্ণো গাথামেতামগাযত ॥ ১ ॥
স ইত্থমাচরন্ কামান্ স্ত্রৈণোঽপহ্নবমাত্মনঃ ।
বুদ্ধ্বা প্রিযাযৈ নির্বিণ্ণো গাথামেতামগাযত ॥ ১ ॥
শৃণু ভার্গব্যমূং গাথাং মদ্বিধাচরিতাং ভুবি ।
ধীরা যস্যানুশোচন্তি বনে গ্রামনিবাসিনঃ ॥ ২ ॥
ধীরা যস্যানুশোচন্তি বনে গ্রামনিবাসিনঃ ॥ ২ ॥
বস্ত একো বনে কশ্চিদ্ বিচিন্বন্ প্রিযমাত্মনঃ ।
দদর্শ কূপে পতিতাং স্বকর্মবশগামজাম্ ॥ ৩ ॥
দদর্শ কূপে পতিতাং স্বকর্মবশগামজাম্ ॥ ৩ ॥
তস্যা উদ্ধরণোপাযং বস্তঃ কামী বিচিন্তযন্ ।
ব্যধত্ত তীর্থমুদ্ধৃত্য বিষাণাগ্রেণ রোধসী ॥ ৪ ॥
ব্যধত্ত তীর্থমুদ্ধৃত্য বিষাণাগ্রেণ রোধসী ॥ ৪ ॥
সোত্তীর্য কূপাত্ সুশ্রোণী তমেব চকমে কিল ।
তযা বৃতং সমুদ্বীক্ষ্য বহ্ব্যোঽজাঃ কান্তকামিনীঃ ॥ ৫ ॥
তযা বৃতং সমুদ্বীক্ষ্য বহ্ব্যোঽজাঃ কান্তকামিনীঃ ॥ ৫ ॥
পীবানং শ্মশ্রুলং প্রেষ্ঠং মীঢ্বাংসং যাভকোবিদম্ ।
স একোঽজবৃষস্তাসাং বহ্বীনাং রতিবর্ধনঃ ।
রেমে কামগ্রহগ্রস্ত আত্মানং নাববুধ্যত ॥ ৬ ॥
স একোঽজবৃষস্তাসাং বহ্বীনাং রতিবর্ধনঃ ।
রেমে কামগ্রহগ্রস্ত আত্মানং নাববুধ্যত ॥ ৬ ॥
তমেব প্রেষ্ঠতমযা রমমাণমজান্যযা ।
বিলোক্য কূপসংবিগ্না নামৃষ্যদ্ বস্তকর্ম তত্ ॥ ৭ ॥
বিলোক্য কূপসংবিগ্না নামৃষ্যদ্ বস্তকর্ম তত্ ॥ ৭ ॥
তং দুর্হৃদং সুহৃদ্রূপং কামিনং ক্ষণসৌহৃদম্ ।
ইন্দ্রিযারামমুত্সৃজ্য স্বামিনং দুঃখিতা যযৌ ॥ ৮ ॥
ইন্দ্রিযারামমুত্সৃজ্য স্বামিনং দুঃখিতা যযৌ ॥ ৮ ॥
সোঽপি চানুগতঃ স্ত্রৈণঃ কৃপণস্তাং প্রসাদিতুম্ ।
কুর্বন্নিডবিডাকারং নাশক্নোত্ পথি সন্ধিতুম্ ॥ ৯ ॥
কুর্বন্নিডবিডাকারং নাশক্নোত্ পথি সন্ধিতুম্ ॥ ৯ ॥
তস্যতত্র দ্বিজঃ কশ্চিদজাস্বাম্যচ্ছিনদ্ রুষা ।
লম্বন্তং বৃষণং ভূযঃ সন্দধেঽর্থায যোগবিত্ ॥ ১০ ॥
লম্বন্তং বৃষণং ভূযঃ সন্দধেঽর্থায যোগবিত্ ॥ ১০ ॥
সম্বদ্ধবৃষণঃ সোঽপি হ্যজযা কূপলব্ধযা ।
কালং বহুতিথং ভদ্রে কামৈর্নাদ্যাপি তুষ্যতি ॥ ১১ ॥
কালং বহুতিথং ভদ্রে কামৈর্নাদ্যাপি তুষ্যতি ॥ ১১ ॥
তথাহং কৃপণঃ সুভ্রু ভবত্যাঃ প্রেমযন্ত্রিতঃ ।
আত্মানং নাভিজানামি মোহিতস্তব মাযযা ॥ ১২ ॥
আত্মানং নাভিজানামি মোহিতস্তব মাযযা ॥ ১২ ॥
যত্ পৃথিব্যাং ব্রীহিযবং হিরণ্যং পশবঃ স্ত্রিযঃ ।
ন দুহ্যন্তি মনঃপ্রীতিং পুংসঃ কামহতস্য তে ॥ ১৩ ॥
ন দুহ্যন্তি মনঃপ্রীতিং পুংসঃ কামহতস্য তে ॥ ১৩ ॥
ন জাতু কামঃ কামানামুপভোগেন শাম্যতি ।
হবিষা কৃষ্ণবর্ত্মেব ভূয এবাভিবর্ধতে ॥ ১৪ ॥
হবিষা কৃষ্ণবর্ত্মেব ভূয এবাভিবর্ধতে ॥ ১৪ ॥
যদা ন কুরুতে ভাবং সর্বভূতেষ্বমঙ্গলম্ ।
সমদৃষ্টেস্তদা পুংসঃ সর্বাঃ সুখমযা দিশঃ ॥ ১৫ ॥
সমদৃষ্টেস্তদা পুংসঃ সর্বাঃ সুখমযা দিশঃ ॥ ১৫ ॥
যা দুস্ত্যজা দুর্মতিভির্জীর্যতো যা ন জীর্যতে ।
তাং তৃষ্ণাং দুঃখনিবহাং শর্মকামো দ্রুতং ত্যজেত্ ॥ ১৬ ॥
তাং তৃষ্ণাং দুঃখনিবহাং শর্মকামো দ্রুতং ত্যজেত্ ॥ ১৬ ॥
মাত্রা স্বস্রা দুহিত্রা বা নাবিবিক্তাসনো ভবেত্ ।
বলবানিন্দ্রিযগ্রামো বিদ্বাংসমপি কর্ষতি ॥ ১৭ ॥
বলবানিন্দ্রিযগ্রামো বিদ্বাংসমপি কর্ষতি ॥ ১৭ ॥
পূর্ণং বর্ষসহস্রং মে বিষযান্ সেবতোঽসকৃত্ ।
তথাপি চানুসবনং তৃষ্ণা তেষূপজাযতে ॥ ১৮ ॥
তথাপি চানুসবনং তৃষ্ণা তেষূপজাযতে ॥ ১৮ ॥
তস্মাদেতামহং ত্যক্ত্বা ব্রহ্মণ্যধ্যায মানসম্ ।
নির্দ্বন্দ্বো নিরহঙ্কারশ্চরিষ্যামি মৃগৈঃ সহ ॥ ১৯ ॥
নির্দ্বন্দ্বো নিরহঙ্কারশ্চরিষ্যামি মৃগৈঃ সহ ॥ ১৯ ॥
দৃষ্টং শ্রুতমসদ্বুদ্ধ্বা নানুধ্যাযেন্ন সন্দিশেত্ ।
সংসৃতিং চাত্মনাশং চ তত্র বিদ্বান্ স আত্মদৃক্ ॥ ২০ ॥
সংসৃতিং চাত্মনাশং চ তত্র বিদ্বান্ স আত্মদৃক্ ॥ ২০ ॥
ইত্যুক্ত্বা নাহুষো জাযাং তদীযং পূরবে বযঃ ।
দত্ত্বা স্বজরসং তস্মাদাদদে বিগতস্পৃহঃ ॥ ২১ ॥
দত্ত্বা স্বজরসং তস্মাদাদদে বিগতস্পৃহঃ ॥ ২১ ॥
দিশি দক্ষিণপূর্বস্যাং দ্রুহ্যুং দক্ষিণতো যদুম্ ।
প্রতীচ্যাং তুর্বসুং চক্র উদীচ্যামনুমীশ্বরম্ ॥ ২২ ॥
প্রতীচ্যাং তুর্বসুং চক্র উদীচ্যামনুমীশ্বরম্ ॥ ২২ ॥
ভূমণ্ডলস্য সর্বস্য পূরুমর্হত্তমং বিশাম্ ।
অভিষিচ্যাগ্রজাংস্তস্য বশে স্থাপ্য বনং যযৌ ॥ ২৩ ॥
অভিষিচ্যাগ্রজাংস্তস্য বশে স্থাপ্য বনং যযৌ ॥ ২৩ ॥
আসেবিতং বর্ষপূগান্ ষড্বর্গং বিষযেষু সঃ ।
ক্ষণেন মুমুচে নীডং জাতপক্ষ ইব দ্বিজঃ ॥ ২৪ ॥
ক্ষণেন মুমুচে নীডং জাতপক্ষ ইব দ্বিজঃ ॥ ২৪ ॥
স তত্র নির্মুক্তসমস্তসঙ্গ
আত্মানুভূত্যা বিধুতত্রিলিঙ্গঃ ।
পরেঽমলে ব্রহ্মণি বাসুদেবে
লেভে গতিং ভাগবতীং প্রতীতঃ ॥ ২৫ ॥
আত্মানুভূত্যা বিধুতত্রিলিঙ্গঃ ।
পরেঽমলে ব্রহ্মণি বাসুদেবে
লেভে গতিং ভাগবতীং প্রতীতঃ ॥ ২৫ ॥
শ্রুত্বা গাথাং দেবযানী মেনে প্রস্তোভমাত্মনঃ ।
স্ত্রীপুংসোঃ স্নেহবৈক্লব্যাত্ পরিহাসমিবেরিতম্ ॥ ২৬ ॥
স্ত্রীপুংসোঃ স্নেহবৈক্লব্যাত্ পরিহাসমিবেরিতম্ ॥ ২৬ ॥
সা সন্নিবাসং সুহৃদাং প্রপাযামিব গচ্ছতাম্ ।
বিজ্ঞাযেশ্বরতন্ত্রাণাং মাযাবিরচিতং প্রভোঃ ॥ ২৭ ॥
বিজ্ঞাযেশ্বরতন্ত্রাণাং মাযাবিরচিতং প্রভোঃ ॥ ২৭ ॥
সর্বত্র সঙ্গমুত্সৃজ্য স্বপ্নৌপম্যেন ভার্গবী ।
কৃষ্ণে মনঃ সমাবেশ্য ব্যধুনোল্লিঙ্গমাত্মনঃ ॥ ২৮ ॥
কৃষ্ণে মনঃ সমাবেশ্য ব্যধুনোল্লিঙ্গমাত্মনঃ ॥ ২৮ ॥
নমস্তুভ্যং ভগবতে বাসুদেবায বেধসে ।
সর্বভূতাধিবাসায শান্তায বৃহতে নমঃ ॥ ২৯ ॥
সর্বভূতাধিবাসায শান্তায বৃহতে নমঃ ॥ ২৯ ॥