శ్రీశుక ఉవాచ
స ఇత్థమాచరన్ కామాన్ స్త్రైణోఽపహ్నవమాత్మనః ।
బుద్ధ్వా ప్రియాయై నిర్విణ్ణో గాథామేతామగాయత ॥ ౧ ॥
స ఇత్థమాచరన్ కామాన్ స్త్రైణోఽపహ్నవమాత్మనః ।
బుద్ధ్వా ప్రియాయై నిర్విణ్ణో గాథామేతామగాయత ॥ ౧ ॥
శృణు భార్గవ్యమూం గాథాం మద్విధాచరితాం భువి ।
ధీరా యస్యానుశోచన్తి వనే గ్రామనివాసినః ॥ ౨ ॥
ధీరా యస్యానుశోచన్తి వనే గ్రామనివాసినః ॥ ౨ ॥
బస్త ఏకో వనే కశ్చిద్ విచిన్వన్ ప్రియమాత్మనః ।
దదర్శ కూపే పతితాం స్వకర్మవశగామజామ్ ॥ ౩ ॥
దదర్శ కూపే పతితాం స్వకర్మవశగామజామ్ ॥ ౩ ॥
తస్యా ఉద్ధరణోపాయం బస్తః కామీ విచిన్తయన్ ।
వ్యధత్త తీర్థముద్ధృత్య విషాణాగ్రేణ రోధసీ ॥ ౪ ॥
వ్యధత్త తీర్థముద్ధృత్య విషాణాగ్రేణ రోధసీ ॥ ౪ ॥
సోత్తీర్య కూపాత్ సుశ్రోణీ తమేవ చకమే కిల ।
తయా వృతం సముద్వీక్ష్య బహ్వ్యోఽజాః కాన్తకామినీః ॥ ౫ ॥
తయా వృతం సముద్వీక్ష్య బహ్వ్యోఽజాః కాన్తకామినీః ॥ ౫ ॥
పీవానం శ్మశ్రులం ప్రేష్ఠం మీఢ్వాంసం యాభకోవిదమ్ ।
స ఏకోఽజవృషస్తాసాం బహ్వీనాం రతివర్ధనః ।
రేమే కామగ్రహగ్రస్త ఆత్మానం నావబుధ్యత ॥ ౬ ॥
స ఏకోఽజవృషస్తాసాం బహ్వీనాం రతివర్ధనః ।
రేమే కామగ్రహగ్రస్త ఆత్మానం నావబుధ్యత ॥ ౬ ॥
తమేవ ప్రేష్ఠతమయా రమమాణమజాన్యయా ।
విలోక్య కూపసంవిగ్నా నామృష్యద్ బస్తకర్మ తత్ ॥ ౭ ॥
విలోక్య కూపసంవిగ్నా నామృష్యద్ బస్తకర్మ తత్ ॥ ౭ ॥
తం దుర్హృదం సుహృద్రూపం కామినం క్షణసౌహృదమ్ ।
ఇన్ద్రియారామముత్సృజ్య స్వామినం దుఃఖితా యయౌ ॥ ౮ ॥
ఇన్ద్రియారామముత్సృజ్య స్వామినం దుఃఖితా యయౌ ॥ ౮ ॥
సోఽపి చానుగతః స్త్రైణః కృపణస్తాం ప్రసాదితుమ్ ।
కుర్వన్నిడవిడాకారం నాశక్నోత్ పథి సన్ధితుమ్ ॥ ౯ ॥
కుర్వన్నిడవిడాకారం నాశక్నోత్ పథి సన్ధితుమ్ ॥ ౯ ॥
తస్యతత్ర ద్విజః కశ్చిదజాస్వామ్యచ్ఛినద్ రుషా ।
లమ్బన్తం వృషణం భూయః సన్దధేఽర్థాయ యోగవిత్ ॥ ౧౦ ॥
లమ్బన్తం వృషణం భూయః సన్దధేఽర్థాయ యోగవిత్ ॥ ౧౦ ॥
సమ్బద్ధవృషణః సోఽపి హ్యజయా కూపలబ్ధయా ।
కాలం బహుతిథం భద్రే కామైర్నాద్యాపి తుష్యతి ॥ ౧౧ ॥
కాలం బహుతిథం భద్రే కామైర్నాద్యాపి తుష్యతి ॥ ౧౧ ॥
తథాహం కృపణః సుభ్రు భవత్యాః ప్రేమయన్త్రితః ।
ఆత్మానం నాభిజానామి మోహితస్తవ మాయయా ॥ ౧౨ ॥
ఆత్మానం నాభిజానామి మోహితస్తవ మాయయా ॥ ౧౨ ॥
యత్ పృథివ్యాం వ్రీహియవం హిరణ్యం పశవః స్త్రియః ।
న దుహ్యన్తి మనఃప్రీతిం పుంసః కామహతస్య తే ॥ ౧౩ ॥
న దుహ్యన్తి మనఃప్రీతిం పుంసః కామహతస్య తే ॥ ౧౩ ॥
న జాతు కామః కామానాముపభోగేన శామ్యతి ।
హవిషా కృష్ణవర్త్మేవ భూయ ఏవాభివర్ధతే ॥ ౧౪ ॥
హవిషా కృష్ణవర్త్మేవ భూయ ఏవాభివర్ధతే ॥ ౧౪ ॥
యదా న కురుతే భావం సర్వభూతేష్వమఙ్గలమ్ ।
సమదృష్టేస్తదా పుంసః సర్వాః సుఖమయా దిశః ॥ ౧౫ ॥
సమదృష్టేస్తదా పుంసః సర్వాః సుఖమయా దిశః ॥ ౧౫ ॥
యా దుస్త్యజా దుర్మతిభిర్జీర్యతో యా న జీర్యతే ।
తాం తృష్ణాం దుఃఖనివహాం శర్మకామో ద్రుతం త్యజేత్ ॥ ౧౬ ॥
తాం తృష్ణాం దుఃఖనివహాం శర్మకామో ద్రుతం త్యజేత్ ॥ ౧౬ ॥
మాత్రా స్వస్రా దుహిత్రా వా నావివిక్తాసనో భవేత్ ।
బలవానిన్ద్రియగ్రామో విద్వాంసమపి కర్షతి ॥ ౧౭ ॥
బలవానిన్ద్రియగ్రామో విద్వాంసమపి కర్షతి ॥ ౧౭ ॥
పూర్ణం వర్షసహస్రం మే విషయాన్ సేవతోఽసకృత్ ।
తథాపి చానుసవనం తృష్ణా తేషూపజాయతే ॥ ౧౮ ॥
తథాపి చానుసవనం తృష్ణా తేషూపజాయతే ॥ ౧౮ ॥
తస్మాదేతామహం త్యక్త్వా బ్రహ్మణ్యధ్యాయ మానసమ్ ।
నిర్ద్వన్ద్వో నిరహఙ్కారశ్చరిష్యామి మృగైః సహ ॥ ౧౯ ॥
నిర్ద్వన్ద్వో నిరహఙ్కారశ్చరిష్యామి మృగైః సహ ॥ ౧౯ ॥
దృష్టం శ్రుతమసద్బుద్ధ్వా నానుధ్యాయేన్న సన్దిశేత్ ।
సంసృతిం చాత్మనాశం చ తత్ర విద్వాన్ స ఆత్మదృక్ ॥ ౨౦ ॥
సంసృతిం చాత్మనాశం చ తత్ర విద్వాన్ స ఆత్మదృక్ ॥ ౨౦ ॥
ఇత్యుక్త్వా నాహుషో జాయాం తదీయం పూరవే వయః ।
దత్త్వా స్వజరసం తస్మాదాదదే విగతస్పృహః ॥ ౨౧ ॥
దత్త్వా స్వజరసం తస్మాదాదదే విగతస్పృహః ॥ ౨౧ ॥
దిశి దక్షిణపూర్వస్యాం ద్రుహ్యుం దక్షిణతో యదుమ్ ।
ప్రతీచ్యాం తుర్వసుం చక్ర ఉదీచ్యామనుమీశ్వరమ్ ॥ ౨౨ ॥
ప్రతీచ్యాం తుర్వసుం చక్ర ఉదీచ్యామనుమీశ్వరమ్ ॥ ౨౨ ॥
భూమణ్డలస్య సర్వస్య పూరుమర్హత్తమం విశామ్ ।
అభిషిచ్యాగ్రజాంస్తస్య వశే స్థాప్య వనం యయౌ ॥ ౨౩ ॥
అభిషిచ్యాగ్రజాంస్తస్య వశే స్థాప్య వనం యయౌ ॥ ౨౩ ॥
ఆసేవితం వర్షపూగాన్ షడ్వర్గం విషయేషు సః ।
క్షణేన ముముచే నీడం జాతపక్ష ఇవ ద్విజః ॥ ౨౪ ॥
క్షణేన ముముచే నీడం జాతపక్ష ఇవ ద్విజః ॥ ౨౪ ॥
స తత్ర నిర్ముక్తసమస్తసఙ్గ
ఆత్మానుభూత్యా విధుతత్రిలిఙ్గః ।
పరేఽమలే బ్రహ్మణి వాసుదేవే
లేభే గతిం భాగవతీం ప్రతీతః ॥ ౨౫ ॥
ఆత్మానుభూత్యా విధుతత్రిలిఙ్గః ।
పరేఽమలే బ్రహ్మణి వాసుదేవే
లేభే గతిం భాగవతీం ప్రతీతః ॥ ౨౫ ॥
శ్రుత్వా గాథాం దేవయానీ మేనే ప్రస్తోభమాత్మనః ।
స్త్రీపుంసోః స్నేహవైక్లవ్యాత్ పరిహాసమివేరితమ్ ॥ ౨౬ ॥
స్త్రీపుంసోః స్నేహవైక్లవ్యాత్ పరిహాసమివేరితమ్ ॥ ౨౬ ॥
సా సన్నివాసం సుహృదాం ప్రపాయామివ గచ్ఛతామ్ ।
విజ్ఞాయేశ్వరతన్త్రాణాం మాయావిరచితం ప్రభోః ॥ ౨౭ ॥
విజ్ఞాయేశ్వరతన్త్రాణాం మాయావిరచితం ప్రభోః ॥ ౨౭ ॥
సర్వత్ర సఙ్గముత్సృజ్య స్వప్నౌపమ్యేన భార్గవీ ।
కృష్ణే మనః సమావేశ్య వ్యధునోల్లిఙ్గమాత్మనః ॥ ౨౮ ॥
కృష్ణే మనః సమావేశ్య వ్యధునోల్లిఙ్గమాత్మనః ॥ ౨౮ ॥
నమస్తుభ్యం భగవతే వాసుదేవాయ వేధసే ।
సర్వభూతాధివాసాయ శాన్తాయ బృహతే నమః ॥ ౨౯ ॥
సర్వభూతాధివాసాయ శాన్తాయ బృహతే నమః ॥ ౨౯ ॥