শ্রীশুক উবাচ
বিতথস্য সুতান্ মন্যোর্বৃহত্ক্ষত্রো জযস্ততঃ ।
মহাবীর্যো নরো গর্গঃ সঙ্কৃতিস্তু নরাত্মজঃ ॥ ১ ॥
বিতথস্য সুতান্ মন্যোর্বৃহত্ক্ষত্রো জযস্ততঃ ।
মহাবীর্যো নরো গর্গঃ সঙ্কৃতিস্তু নরাত্মজঃ ॥ ১ ॥
গুরুশ্চ রন্তিদেবশ্চ সঙ্কৃতেঃ পাণ্ডুনন্দন ।
রন্তিদেবস্য মহিমা ইহামুত্র চ গীযতে ॥ ২ ॥
রন্তিদেবস্য মহিমা ইহামুত্র চ গীযতে ॥ ২ ॥
বিযদ্বিত্তস্য দদতো লব্ধং লব্ধং বুভুক্ষতঃ ।
নিষ্কিঞ্চনস্য ধীরস্য সকুটুম্বস্য সীদতঃ ॥ ৩ ॥
নিষ্কিঞ্চনস্য ধীরস্য সকুটুম্বস্য সীদতঃ ॥ ৩ ॥
ব্যতীযুরষ্টচত্বারিংশদহান্যপিবতঃ কিল ।
ঘৃতপাযসসংযাবং তোযং প্রাতরুপস্থিতম্ ॥ ৪ ॥
ঘৃতপাযসসংযাবং তোযং প্রাতরুপস্থিতম্ ॥ ৪ ॥
কৃচ্ছ্রপ্রাপ্তকুটুম্বস্য ক্ষুত্তৃড্ভ্যাং জাতবেপথোঃ ।
অতিথির্ব্রাহ্মণঃ কালে ভোক্তুকামস্য চাগমত্ ॥ ৫ ॥
অতিথির্ব্রাহ্মণঃ কালে ভোক্তুকামস্য চাগমত্ ॥ ৫ ॥
তস্মৈ সংব্যভজত্ সোঽন্নমাদৃত্য শ্রদ্ধযান্বিতঃ ।
হরিং সর্বত্র সংপশ্যন্ স ভুক্ত্বা প্রযযৌ দ্বিজঃ ॥ ৬ ॥
হরিং সর্বত্র সংপশ্যন্ স ভুক্ত্বা প্রযযৌ দ্বিজঃ ॥ ৬ ॥
অথান্যো ভোক্ষ্যমাণস্য বিভক্তস্য মহীপতেঃ ।
বিভক্তং ব্যভজত্ তস্মৈ বৃষলায হরিং স্মরন্ ॥ ৭ ॥
বিভক্তং ব্যভজত্ তস্মৈ বৃষলায হরিং স্মরন্ ॥ ৭ ॥
যাতে শূদ্রে তমন্যোঽগাদতিথিঃ শ্বভিরাবৃতঃ ।
রাজন্ মে দীযতামন্নং সগণায বুভুক্ষতে ॥ ৮ ॥
রাজন্ মে দীযতামন্নং সগণায বুভুক্ষতে ॥ ৮ ॥
স আদৃত্যাবশিষ্টং যদ্ম বহুমানপুরস্কৃতম্ ।
তচ্চ দত্ত্বা নমশ্চক্রে শ্বভ্যঃ শ্বপতযে বিভুঃ ॥ ৯ ॥
তচ্চ দত্ত্বা নমশ্চক্রে শ্বভ্যঃ শ্বপতযে বিভুঃ ॥ ৯ ॥
পানীযমাত্রমুচ্ছেষং তচ্চৈকপরিতর্পণম্ ।
পাস্যতঃ পুল্কসোঽভ্যাগাদপো দেহ্যশুভায মে ॥ ১০ ॥
পাস্যতঃ পুল্কসোঽভ্যাগাদপো দেহ্যশুভায মে ॥ ১০ ॥
তস্য তাং করুণাং বাচং নিশম্য বিপুলশ্রমাম্ ।
কৃপযা ভৃশসন্তপ্ত ইদমাহামৃতং বচঃ ॥ ১১ ॥
কৃপযা ভৃশসন্তপ্ত ইদমাহামৃতং বচঃ ॥ ১১ ॥
ন কামযেঽহং গতিমীশ্বরাত্ পরা-
মষ্টর্দ্ধিযুক্তামপুনর্ভবং বা ।
আর্তিং প্রপদ্যেঽখিলদেহভাজা-
মন্তঃস্থিতো যেন ভবন্ত্যদুঃখাঃ ॥ ১২ ॥
মষ্টর্দ্ধিযুক্তামপুনর্ভবং বা ।
আর্তিং প্রপদ্যেঽখিলদেহভাজা-
মন্তঃস্থিতো যেন ভবন্ত্যদুঃখাঃ ॥ ১২ ॥
ক্ষুত্তৃট্শ্রমো গাত্রপরিভ্রমশ্চ
দৈন্যং ক্লমঃ শোকবিষাদমোহাঃ ।
সর্বে নিবৃত্তাঃ কৃপণস্য জন্তো-
র্জিজীবিষোর্জীবজলার্পণান্মে ॥ ১৩ ॥
দৈন্যং ক্লমঃ শোকবিষাদমোহাঃ ।
সর্বে নিবৃত্তাঃ কৃপণস্য জন্তো-
র্জিজীবিষোর্জীবজলার্পণান্মে ॥ ১৩ ॥
ইতি প্রভাষ্য পানীযং ম্রিযমাণঃ পিপাসযা ।
পুল্কসাযাদদাদ্ধীরো নিসর্গকরুণো নৃপঃ ॥ ১৪ ॥
পুল্কসাযাদদাদ্ধীরো নিসর্গকরুণো নৃপঃ ॥ ১৪ ॥
তস্য ত্রিভুবনাধীশাঃ ফলদাঃ ফলমিচ্ছতাম্ ।
আত্মানং দর্শযাং চক্রুর্মাযা বিষ্ণুবিনির্মিতাঃ ॥ ১৫ ॥
আত্মানং দর্শযাং চক্রুর্মাযা বিষ্ণুবিনির্মিতাঃ ॥ ১৫ ॥
স বৈ তেভ্যো নমস্কৃত্য নিঃসঙ্গো বিগতস্পৃহঃ ।
বাসুদেবে ভগবতি ভক্ত্যা চক্রে মনঃ পরম্ ॥ ১৬ ॥
বাসুদেবে ভগবতি ভক্ত্যা চক্রে মনঃ পরম্ ॥ ১৬ ॥
ঈশ্বরালম্বনং চিত্তং কুর্বতোঽনন্যরাধসঃ ।
মাযা গুণমযী রাজন্স্বপ্নবত্ প্রত্যলীযত ॥ ১৭ ॥
মাযা গুণমযী রাজন্স্বপ্নবত্ প্রত্যলীযত ॥ ১৭ ॥
তত্প্রসঙ্গানুভাবেন রন্তিদেবানুবর্তিনঃ ।
অভবন্ যোগিনঃ সর্বে নারাযণপরাযণাঃ ॥ ১৮ ॥
অভবন্ যোগিনঃ সর্বে নারাযণপরাযণাঃ ॥ ১৮ ॥
গর্গাচ্ছিনিস্ততো গার্গ্যঃ ক্ষত্রাদ্ ব্রহ্ম হ্যবর্তত ।
দুরিতক্ষযো মহাবীর্যাত্ তস্য ত্রয্যারুণিঃ কবিঃ ॥ ১৯ ॥
দুরিতক্ষযো মহাবীর্যাত্ তস্য ত্রয্যারুণিঃ কবিঃ ॥ ১৯ ॥
পুষ্করারুণিরিত্যত্র যে ব্রাহ্মণগতিং গতাঃ ।
বৃহত্ক্ষত্রস্য পুত্রোঽভূদ্ধস্তী যদ্ধস্তিনাপুরম্ ॥ ২০ ॥
বৃহত্ক্ষত্রস্য পুত্রোঽভূদ্ধস্তী যদ্ধস্তিনাপুরম্ ॥ ২০ ॥
অজমীঢো দ্বিমীঢশ্চ পুরুমীঢশ্চ হস্তিনঃ ।
অজমীঢস্য বংশ্যাঃ স্যুঃ প্রিযমেধাদযো দ্বিজাঃ ॥ ২১ ॥
অজমীঢস্য বংশ্যাঃ স্যুঃ প্রিযমেধাদযো দ্বিজাঃ ॥ ২১ ॥
অজমীঢাদ্ বৃহদিষুস্তস্য পুত্রো বৃহদ্ধনুঃ ।
বৃহত্কাযস্ততস্তস্য পুত্র আসীজ্জযদ্রথঃ ॥ ২২ ॥
বৃহত্কাযস্ততস্তস্য পুত্র আসীজ্জযদ্রথঃ ॥ ২২ ॥
তত্সুতো বিশদস্তস্য স্যেনজিত্ সমজাযত ।
রুচিরাশ্বো দৃঢহনুঃ কাশ্যো বত্সশ্চ তত্সুতাঃ ॥ ২৩ ॥
রুচিরাশ্বো দৃঢহনুঃ কাশ্যো বত্সশ্চ তত্সুতাঃ ॥ ২৩ ॥
রুচিরাশ্বসুতঃ পারঃ পৃথুসেনস্তদাত্মজঃ ।
পারস্য তনযো নীপস্তস্য পুত্রশতং ত্বভূত্ ॥ ২৪ ॥
পারস্য তনযো নীপস্তস্য পুত্রশতং ত্বভূত্ ॥ ২৪ ॥
স কৃত্ব্যাং শুককন্যাযাং ব্রহ্মদত্তমজীজনত্ ।
যোগী স গবি ভার্যাযাং বিষ্বক্সেনমধাত্ সুতম্ ॥ ২৫ ॥
যোগী স গবি ভার্যাযাং বিষ্বক্সেনমধাত্ সুতম্ ॥ ২৫ ॥
জৈগীষব্যোপদেশেন যোগতন্ত্রং চকার হ ।
উদক্সেনস্ততস্তস্মাদ্ ভল্লাটো বার্হদীষবাঃ ॥ ২৬ ॥
উদক্সেনস্ততস্তস্মাদ্ ভল্লাটো বার্হদীষবাঃ ॥ ২৬ ॥
যবীনরো দ্বিমীঢস্য কৃতিমাংস্তত্সুতঃ স্মৃতঃ ।
নাম্না সত্যধৃতিস্তস্য দৃঢনেমিঃ সুপার্শ্বকৃত্ ॥ ২৭ ॥
নাম্না সত্যধৃতিস্তস্য দৃঢনেমিঃ সুপার্শ্বকৃত্ ॥ ২৭ ॥
সুপার্শ্বাত্ সুমতিস্তস্য পুত্রঃ সন্নতিমাংস্ততঃ ।
কৃতী হিরণ্যনাভাদ্ যো যোগং প্রাপ্য জগৌ স্ম ষট্ ॥ ২৮ ॥
কৃতী হিরণ্যনাভাদ্ যো যোগং প্রাপ্য জগৌ স্ম ষট্ ॥ ২৮ ॥
সংহিতাঃ প্রাচ্যসাম্নাং বৈ নীপো হ্যুদ্গ্রাযুধস্ততঃ ।
তস্য ক্ষেম্যঃ সুবীরোঽথ সুবীরস্য রিপুঞ্জযঃ ॥ ২৯ ॥
তস্য ক্ষেম্যঃ সুবীরোঽথ সুবীরস্য রিপুঞ্জযঃ ॥ ২৯ ॥
ততো বহুরথো নাম পুরুমীঢোঽপ্রজোঽভবত্ ।
নলিন্যামজমীঢস্য নীলঃ শান্তিস্তু তত্সুতঃ ॥ ৩০ ॥
নলিন্যামজমীঢস্য নীলঃ শান্তিস্তু তত্সুতঃ ॥ ৩০ ॥
শান্তেঃ সুশান্তিস্তত্পুত্রঃ পুরুজোঽর্কস্ততোঽভবত্ ।
ভর্ম্যাশ্বস্তনযস্তস্য পঞ্চাসন্মুদ্গলাদযঃ ॥ ৩১ ॥
ভর্ম্যাশ্বস্তনযস্তস্য পঞ্চাসন্মুদ্গলাদযঃ ॥ ৩১ ॥
যবীনরো বৃহদ্বিশ্বঃ কাম্পিল্লঃ সঞ্জযঃ সুতাঃ ।
ভর্ম্যাশ্বঃ প্রাহ পুত্রা মে পঞ্চানাং রক্ষণায হি ॥ ৩২ ॥
ভর্ম্যাশ্বঃ প্রাহ পুত্রা মে পঞ্চানাং রক্ষণায হি ॥ ৩২ ॥
বিষযাণামলমিমে ইতি পঞ্চালসংজ্ঞিতাঃ ।
মুদ্গলাদ্ ব্রহ্মনির্বৃত্তং গোত্রং মৌদ্গল্যসংজ্ঞিতম্ ॥ ৩৩ ॥
মুদ্গলাদ্ ব্রহ্মনির্বৃত্তং গোত্রং মৌদ্গল্যসংজ্ঞিতম্ ॥ ৩৩ ॥
মিথুনং মুদ্গলাদ্ ভার্ম্যাদ্ দিবোদাসঃ পুমানভূত্ ।
অহল্যা কন্যকা যস্যাং শতানন্দস্তু গৌতমাত্ ॥ ৩৪ ॥
অহল্যা কন্যকা যস্যাং শতানন্দস্তু গৌতমাত্ ॥ ৩৪ ॥
তস্য সত্যধৃতিঃ পুত্রো ধনুর্বেদবিশারদঃ ।
শরদ্বাংস্তত্সুতো যস্মাদুর্বশীদর্শনাত্ কিল ।
শরস্তম্বেঽপতদ্ রেতো মিথুনং তদভূচ্ছুভম্ ॥ ৩৫ ॥
শরদ্বাংস্তত্সুতো যস্মাদুর্বশীদর্শনাত্ কিল ।
শরস্তম্বেঽপতদ্ রেতো মিথুনং তদভূচ্ছুভম্ ॥ ৩৫ ॥
তদ্ দৃষ্ট্বা কৃপযাগৃহ্ণাচ্ছান্তনুর্মৃগযাং চরন্ ।
কৃপঃ কুমারঃ কন্যা চ দ্রোণপত্ন্যভবত্কৃপী ॥ ৩৬ ॥
কৃপঃ কুমারঃ কন্যা চ দ্রোণপত্ন্যভবত্কৃপী ॥ ৩৬ ॥