ଶ୍ରୀମଦ୍ଭାଗଵତମ୍ ୯.୨୪

ଶ୍ରୀଶୁକ ଉଵାଚ
ତସ୍ଯାଂ ଵିଦର୍ଭୋଽଜନଯତ୍ ପୁତ୍ରୌ ନାମ୍ନା କୁଶକ୍ରଥୌ ।
ତୃତୀଯଂ ରୋମପାଦଂ ଚ ଵିଦର୍ଭକୁଲନନ୍ଦନମ୍ ॥ ୧ ॥

ରୋମପାଦସୁତୋ ବଭ୍ରୁର୍ବଭ୍ରୋଃ କୃତିରଜାଯତ ।
ଉଶିକସ୍ତତ୍ସୁତସ୍ତସ୍ମାଚ୍ଚେଦିଶ୍ଚୈଦ୍ଯାଦଯୋ ନୃପାଃ ॥ ୨ ॥

କ୍ରଥସ୍ଯ କୁନ୍ତିଃ ପୁତ୍ରୋଽଭୂଦ୍ଵୃଷ୍ଣିସ୍ତସ୍ଯାଥ ନିର୍ଵୃତିଃ ।
ତତୋ ଦଶାର୍ହୋ ନାମ୍ନାଭୂତ୍ ତସ୍ଯ ଵ୍ଯୋମଃ ସୁତସ୍ତତଃ ॥ ୩ ॥

ଜୀମୂତୋ ଵିକୃତିସ୍ତସ୍ଯ ଯସ୍ଯ ଭୀମରଥଃ ସୁତଃ ।
ତତୋ ନଵରଥଃ ପୁତ୍ରୋ ଜାତୋ ଦଶରଥସ୍ତତଃ ॥ ୪ ॥

କରମ୍ଭିଃ ଶକୁନେଃ ପୁତ୍ରୋ ଦେଵରାତସ୍ତଦାତ୍ମଜଃ ।
ଦେଵକ୍ଷତ୍ରସ୍ତତସ୍ତସ୍ଯ ମଧୁଃ କୁରୁଵଶାଦନୁଃ ॥ ୫ ॥

ପୁରୁହୋତ୍ରସ୍ତ୍ଵନୋଃ ପୁତ୍ରସ୍ତସ୍ଯାଯୁଃ ସାତ୍ଵତସ୍ତତଃ ।
ଭଜମାନୋ ଭଜିର୍ଦିଵ୍ଯୋ ଵୃଷ୍ଣିର୍ଦେଵାଵୃଧୋଽନ୍ଧକଃ ॥ ୬ ॥

ସାତ୍ଵତସ୍ଯ ସୁତାଃ ସପ୍ତ ମହାଭୋଜଶ୍ଚ ମାରିଷ ।
ଭଜମାନସ୍ଯ ନିମ୍ଲୋଚିଃ କିଙ୍କଣୋ ଧୃଷ୍ଟିରେଵ ଚ ॥ ୭ ॥

ଏକସ୍ଯାମାତ୍ମଜାଃ ପତ୍ନ୍ଯାମନ୍ଯସ୍ଯାଂ ଚ ତ୍ରଯଃ ସୁତାଃ ।
ଶତାଜିଚ୍ଚ ସହସ୍ରାଜିଦଯୁତାଜିଦିତି ପ୍ରଭୋ ॥ ୮ ॥

ବଭ୍ରୁର୍ଦେଵାଵୃଧସୁତସ୍ତଯୋଃ ଶ୍ଲୋକୌ ପଠନ୍ତ୍ଯମୂ ।
ଯଥୈଵ ଶୃଣୁମୋ ଦୂରାତ୍ ସମ୍ପଶ୍ଯାମସ୍ତଥାନ୍ତିକାତ୍ ॥ ୯ ॥

ବଭ୍ରୁଃ ଶ୍ରେଷ୍ଠୋ ମନୁଷ୍ଯାଣାଂ ଦେଵୈର୍ଦେଵାଵୃଧଃ ସମଃ ।
ପୁରୁଷାଃ ପଞ୍ଚଷଷ୍ଟିଶ୍ଚ ଷଟ୍ ସହସ୍ରାଣି ଚାଷ୍ଟ ଚ ॥ ୧୦ ॥

ଯେଽମୃତତ୍ତ୍ଵମନୁପ୍ରାପ୍ତା ବଭ୍ରୋର୍ଦେଵାଵୃଧାଦପି ।
ମହାଭୋଜୋଽତିଧର୍ମାତ୍ମା ଭୋଜା ଆସଂସ୍ତଦନ୍ଵଯେ ॥ ୧୧ ॥

ଵୃଷ୍ଣେଃ ସୁମିତ୍ରଃ ପୁତ୍ରୋଽଭୂଦ୍ ଯୁଧାଜିଚ୍ଚ ପରନ୍ତପ ।
ଶିନିସ୍ତସ୍ଯାନମିତ୍ରଶ୍ଚ ନିଘ୍ନୋଽଭୂଦନମିତ୍ରତଃ ॥ ୧୨ ॥

ସତ୍ରାଜିତଃ ପ୍ରସେନଶ୍ଚ ନିଘ୍ନସ୍ଯାଥାସତୁଃ ସୁତୌ ।
ଅନମିତ୍ରସୁତୋ ଯୋଽନ୍ଯଃ ଶିନିସ୍ତସ୍ଯ ଚ ସତ୍ଯକଃ ॥ ୧୩ ॥

ଯୁଯୁଧାନଃ ସାତ୍ଯକିର୍ଵୈ ଜଯସ୍ତସ୍ଯ କୁଣିସ୍ତତଃ ।
ଯୁଗନ୍ଧରୋଽନମିତ୍ରସ୍ଯ ଵୃଷ୍ଣିଃ ପୁତ୍ରୋଽପରସ୍ତତଃ ॥ ୧୪ ॥

ଶ୍ଵଫଲ୍କଶ୍ଚିତ୍ରରଥଶ୍ଚ ଗାନ୍ଦିନ୍ଯାଂ ଚ ଶ୍ଵଫଲ୍କତଃ ।
ଅକ୍ରୂରପ୍ରମୁଖା ଆସନ୍ ପୁତ୍ରା ଦ୍ଵାଦଶ ଵିଶ୍ରୁତାଃ ॥ ୧୫ ॥

ଆସଙ୍ଗଃ ସାରମେଯଶ୍ଚ ମୃଦୁରୋ ମୃଦୁଵିଦ୍ ଗିରିଃ ।
ଧର୍ମଵୃଦ୍ଧଃ ସୁକର୍ମା ଚ କ୍ଷେତ୍ରୋପେକ୍ଷୋଽରିମର୍ଦନଃ ॥ ୧୬ ॥

ଶତ୍ରୁଘ୍ନୋ ଗନ୍ଧମାଦଶ୍ଚ ପ୍ରତିବାହୁଶ୍ଚ ଦ୍ଵାଦଶ ।
ତେଷାଂ ସ୍ଵସା ସୁଚାରାଖ୍ଯା ଦ୍ଵାଵକ୍ରୂରସୁତାଵପି ॥ ୧୭ ॥

ଦେଵଵାନୁପଦେଵଶ୍ଚ ତଥା ଚିତ୍ରରଥାତ୍ମଜାଃ ।
ପୃଥୁର୍ଵିଦୂରଥାଦ୍ଯାଶ୍ଚ ବହଵୋ ଵୃଷ୍ଣିନନ୍ଦନାଃ ॥ ୧୮ ॥

କୁକୁରୋ ଭଜମାନଶ୍ଚ ଶୁଚିଃ କମ୍ବଲବର୍ହିଷଃ । କୁକୁରସ୍ଯ ସୁତୋ ଵହ୍ନିର୍ଵିଲୋମା ତନଯସ୍ତତଃ ॥ ୧୯ ॥

କପୋତରୋମା ତସ୍ଯାନୁଃ ସଖା ଯସ୍ଯ ଚ ତୁମ୍ବୁରୁଃ । ଅନ୍ଧକାଦ୍ ଦୁନ୍ଦୁଭିସ୍ତସ୍ମାଦଵିଦ୍ଯୋତଃ ପୁନର୍ଵସୁଃ ॥ ୨୦ ॥

ତସ୍ଯାହୁକଶ୍ଚାହୁକୀ ଚ କନ୍ଯା ଚୈଵାହୁକାତ୍ମଜୌ । ଦେଵକଶ୍ଚୋଗ୍ରସେନଶ୍ଚ ଚତ୍ଵାରୋ ଦେଵକାତ୍ମଜାଃ ॥ ୨୧ ॥

ଦେଵଵାନୁପଦେଵଶ୍ଚ ସୁଦେଵୋ ଦେଵଵର୍ଧନଃ । ତେଷାଂ ସ୍ଵସାରଃ ସପ୍ତାସନ୍ ଧୃତଦେଵାଦଯୋ ନୃପ ॥ ୨୨ ॥

ଶାନ୍ତିଦେଵୋପଦେଵା ଚ ଶ୍ରୀଦେଵା ଦେଵରକ୍ଷିତା । ସହଦେଵା ଦେଵକୀ ଚ ଵସୁଦେଵ ଉଵାହ ତାଃ ॥ ୨୩ ॥

କଂସଃ ସୁନାମା ନ୍ଯଗ୍ରୋଧଃ କଙ୍କଃ ଶଙ୍କୁଃ ସୁହୂସ୍ତଥା । ରାଷ୍ଟ୍ରପାଲୋଽଥ ଧୃଷ୍ଟିଶ୍ଚ ତୁଷ୍ଟିମାନୌଗ୍ରସେନଯଃ ॥ ୨୪ ॥

କଂସା କଂସଵତୀ କଙ୍କା ଶୂରଭୂ ରାଷ୍ଟ୍ରପାଲିକା । ଉଗ୍ରସେନଦୁହିତରୋ ଵସୁଦେଵାନୁଜସ୍ତ୍ରିଯଃ ॥ ୨୫ ॥

ଶୂରୋ ଵିଦୂରଥାଦାସୀଦ୍ ଭଜମାନସ୍ତୁ ତତ୍ସୁତଃ । ଶିନିସ୍ତସ୍ମାତ୍ ସ୍ଵଯଂଭୋଜୋ ହୃଦିକସ୍ତତ୍ସୁତୋ ମତଃ ॥ ୨୬ ॥

ଦେଵମୀଢଃ ଶତଧନୁଃ କୃତଵର୍ମେତି ତତ୍ସୁତାଃ । ଦେଵମୀଢସ୍ଯ ଶୂରସ୍ଯ ମାରିଷା ନାମ ପତ୍ନ୍ଯଭୂତ୍ ॥ ୨୭ ॥

ତସ୍ଯାଂ ସ ଜନଯାମାସ ଦଶ ପୁତ୍ରାନକଲ୍ମଷାନ୍ । ଵସୁଦେଵଂ ଦେଵଭାଗଂ ଦେଵଶ୍ରଵସମାନକମ୍ ॥ ୨୮ ॥

ସୃଞ୍ଜଯଂ ଶ୍ଯାମକଂ କଙ୍କଂ ଶମୀକଂ ଵତ୍ସକଂ ଵୃକମ୍ । ଦେଵଦୁନ୍ଦୁଭଯୋ ନେଦୁରାନକା ଯସ୍ଯ ଜନ୍ମନି ॥ ୨୯ ॥

ଵସୁଦେଵଂ ହରେଃ ସ୍ଥାନଂ ଵଦନ୍ତ୍ଯାନକଦୁନ୍ଦୁଭିମ୍ । ପୃଥା ଚ ଶ୍ରୁତଦେଵା ଚ ଶ୍ରୁତକୀର୍ତିଃ ଶ୍ରୁତଶ୍ରଵାଃ ॥ ୩୦ ॥

ରାଜାଧିଦେଵୀ ଚୈତେଷାଂ ଭଗିନ୍ଯଃ ପଞ୍ଚ କନ୍ଯକାଃ । କୁନ୍ତେଃ ସଖ୍ଯୁଃ ପିତା ଶୂରୋ ହ୍ଯପୁତ୍ରସ୍ଯ ପୃଥାମଦାତ୍ ॥ ୩୧ ॥

ସାପ ଦୁର୍ଵାସସୋ ଵିଦ୍ଯାଂ ଦେଵହୂତୀଂ ପ୍ରତୋଷିତାତ୍ । ତସ୍ଯା ଵୀର୍ଯପରୀକ୍ଷାର୍ଥମାଜୁହାଵ ରଵିଂ ଶୁଚିଃ ॥ ୩୨ ॥

ତଦୈଵୋପାଗତଂ ଦେଵଂ ଵୀକ୍ଷ୍ଯ ଵିସ୍ମିତମାନସା । ପ୍ରତ୍ଯଯାର୍ଥଂ ପ୍ରଯୁକ୍ତା ମେ ଯାହି ଦେଵ କ୍ଷମସ୍ଵ ମେ ॥ ୩୩ ॥

ଅମୋଘଂ ଦେଵସନ୍ଦର୍ଶମାଦଧେ ତ୍ଵଯି ଚାତ୍ମଜମ୍ । ଯୋନିର୍ଯଥା ନ ଦୁଷ୍ଯେତ କର୍ତାହଂ ତେ ସୁମଧ୍ଯମେ ॥ ୩୪ ॥

ଇତି ତସ୍ଯାଂ ସ ଆଧାଯ ଗର୍ଭଂ ସୂର୍ଯୋ ଦିଵଂ ଗତଃ । ସଦ୍ଯଃ କୁମାରଃ ସଞ୍ଜଜ୍ଞେ ଦ୍ଵିତୀଯ ଇଵ ଭାସ୍କରଃ ॥ ୩୫ ॥

ତଂ ସାତ୍ଯଜନ୍ନଦୀତୋଯେ କୃଚ୍ଛ୍ରାଲ୍ଲୋକସ୍ଯ ବିଭ୍ଯତୀ । ପ୍ରପିତାମହସ୍ତାମୁଵାହ ପାଣ୍ଡୁର୍ଵୈ ସତ୍ଯଵିକ୍ରମଃ ॥ ୩୬ ॥

ଶ୍ରୁତଦେଵାଂ ତୁ କାରୂଷୋ ଵୃଦ୍ଧଶର୍ମା ସମଗ୍ରହୀତ୍ । ଯସ୍ଯାମଭୂଦ୍ ଦନ୍ତଵକ୍ର ଋଷିଶପ୍ତୋ ଦିତେଃ ସୁତଃ ॥ ୩୭ ॥

କୈକେଯୋ ଧୃଷ୍ଟକେତୁଶ୍ଚ ଶ୍ରୁତକୀର୍ତିମଵିନ୍ଦତ । ସନ୍ତର୍ଦନାଦଯସ୍ତସ୍ଯାଂ ପଞ୍ଚାସନ୍କୈକଯାଃ ସୁତାଃ ॥ ୩୮ ॥

ରାଜାଧିଦେଵ୍ଯାମାଵନ୍ତ୍ଯୌ ଜଯସେନୋଽଜନିଷ୍ଟ ହ । ଦମଘୋଷଶ୍ଚେଦିରାଜଃ ଶ୍ରୁତଶ୍ରଵସମଗ୍ରହୀତ୍ ॥ ୩୯ ॥

ଶିଶୁପାଳଃ ସୁତସ୍ତସ୍ଯାଃ କଥିତସ୍ତସ୍ଯ ସମ୍ଭଵଃ । ଦେଵଭାଗସ୍ଯ କଂସାଯାଂ ଚିତ୍ରକେତୁବୃହଦ୍ବଲୌ ॥ ୪୦ ॥

କଂସଵତ୍ଯାଂ ଦେଵଶ୍ରଵସଃ ସୁଵୀର ଇଷୁମାଂସ୍ତଥା । ବକଃ କଙ୍କାତ୍ ତୁ କଙ୍କାଯାଂ ସତ୍ଯଜିତ୍ପୁରୁଜିତ୍ ତଥା ॥ ୪୧ ॥

ସୃଞ୍ଜଯୋ ରାଷ୍ଟ୍ରପାଲ୍ଯାଂ ଚ ଵୃଷଦୁର୍ମର୍ଷଣାଦିକାନ୍ ।
ହରିକେଶହିରଣ୍ଯାକ୍ଷୌ ଶୂରଭୂମ୍ଯାଂ ଚ ଶ୍ଯାମକଃ ॥ ୪୨ ॥

ମିଶ୍ରକେଶ୍ଯାମପ୍ସରସି ଵୃକାଦୀନ୍ ଵତ୍ସକସ୍ତଥା । ତକ୍ଷପୁଷ୍କରଶାଲାଦୀନ୍ ଦୁର୍ଵାକ୍ଷ୍ଯାଂ ଵୃକ ଆଦଧେ ॥ ୪୩ ॥

ସୁମିତ୍ରାର୍ଜୁନପାଲାଦୀନ୍ ସମୀକାତ୍ତୁ ସୁଦାମନୀ । ଆନକଃ କର୍ଣିକାଯାଂ ଵୈ ଋତଧାମାଜଯାଵପି ॥ ୪୪ ॥

ପୌରଵୀ ରୋହିଣୀ ଭଦ୍ରା ମଦିରା ରୋଚନା ଇଲା । ଦେଵକୀପ୍ରମୁଖାଶ୍ଚାସନ୍ ପତ୍ନ୍ଯ ଆନକଦୁନ୍ଦୁଭେଃ ॥ ୪୫ ॥

ବଲଂ ଗଦଂ ସାରଣଂ ଚ ଦୁର୍ମଦଂ ଵିପୁଲଂ ଧ୍ରୁଵମ୍ । ଵସୁଦେଵସ୍ତୁ ରୋହିଣ୍ଯାଂ କୃତାଦୀନୁଦପାଦଯତ୍ ॥ ୪୬ ॥

ସୁଭଦ୍ରୋ ଭଦ୍ରବାହୁଶ୍ଚ ଦୁର୍ମଦୋ ଭଦ୍ର ଏଵ ଚ । ପୌରଵ୍ଯାସ୍ତନଯା ହ୍ଯେତେ ଭୂତାଦ୍ଯା ଦ୍ଵାଦଶାଭଵନ୍ ॥ ୪୭ ॥

ନନ୍ଦୋପନନ୍ଦକୃତକଶୂରାଦ୍ଯା ମଦିରାତ୍ମଜାଃ । କୌଶଲ୍ଯା କେଶିନଂ ତ୍ଵେକମସୂତ କୁଲନନ୍ଦନମ୍ ॥ ୪୮ ॥

ରୋଚନାଯାମତୋ ଜାତା ହସ୍ତହେମାଙ୍ଗଦାଦଯଃ । ଇଲାଯାମୁରୁଵଲ୍କାଦୀନ୍ ଯଦୁମୁଖ୍ଯାନଜୀଜନତ୍ ॥ ୪୯ ॥

ଵିପୃଷ୍ଠୋ ଧୃତଦେଵାଯାମେକ ଆନକଦୁନ୍ଦୁଭେଃ । ଶାନ୍ତିଦେଵାତ୍ମଜା ରାଜନ୍ ପ୍ରଶମପ୍ରସିତାଦଯଃ ॥ ୫୦ ॥

ରାଜନ୍ଯକଲ୍ପଵର୍ଷାଦ୍ଯା ଉପଦେଵାସୁତା ଦଶ । ଵସୁହଂସସୁଵଂଶାଦ୍ଯାଃ ଶ୍ରୀଦେଵାଯାସ୍ତୁ ଷଟ୍ ସୁତାଃ ॥ ୫୧ ॥

ଦେଵରକ୍ଷିତଯା ଲବ୍ଧା ନଵ ଚାତ୍ର ଗଦାଦଯଃ । ଵସୁଦେଵଃ ସୁତାନଷ୍ଟାଵାଦଧେ ସହଦେଵଯା ॥ ୫୨ ॥

ପ୍ରଵରଶ୍ରୁତମୁଖ୍ଯାଂଶ୍ଚ ସାକ୍ଷାଦ୍ ଧର୍ମୋ ଵସୂନିଵ । ଵସୁଦେଵସ୍ତୁ ଦେଵକ୍ଯାମଷ୍ଟ ପୁତ୍ରାନଜୀଜନତ୍ ॥ ୫୩ ॥

କୀର୍ତିମନ୍ତଂ ସୁଷେଣଂ ଚ ଭଦ୍ରସେନମୁଦାରଧୀଃ । ଋଜୁଂ ସମ୍ମର୍ଦନଂ ଭଦ୍ରଂ ସଙ୍କର୍ଷଣମହୀଶ୍ଵରମ୍ ॥ ୫୪ ॥

ଅଷ୍ଟମସ୍ତୁ ତଯୋରାସୀତ୍ ସ୍ଵଯମେଵ ହରିଃ କିଲ । ସୁଭଦ୍ରା ଚ ମହାଭାଗା ତଵ ରାଜନ୍ ପିତାମହୀ ॥ ୫୫ ॥

ଯଦା ଯଦା ହି ଧର୍ମସ୍ଯ କ୍ଷଯୋ ଵୃଦ୍ଧିଶ୍ଚ ପାପ୍ମନଃ । ତଦା ତୁ ଭଗଵାନୀଶ ଆତ୍ମାନଂ ସୃଜତେ ହରିଃ ॥ ୫୬ ॥

ନ ହ୍ଯସ୍ଯ ଜନ୍ମନୋ ହେତୁଃ କର୍ମଣୋ ଵା ମହୀପତେ । ଆତ୍ମମାଯାଂ ଵିନେଶସ୍ଯ ପରସ୍ଯ ଦ୍ରଷ୍ଟୁରାତ୍ମନଃ ॥ ୫୭ ॥

ଯନ୍ମାଯାଚେଷ୍ଟିତଂ ପୁଂସଃ ସ୍ଥିତ୍ଯୁତ୍ପତ୍ତ୍ଯପ୍ଯଯାଯ ହି । ଅନୁଗ୍ରହସ୍ତନ୍ନିଵୃତ୍ତେରାତ୍ମଲାଭାଯ ଚେଷ୍ଯତେ ॥ ୫୮ ॥

ଅକ୍ଷୌହିଣୀନାଂ ପତିଭିରସୁରୈର୍ନୃପଲାଞ୍ଛନୈଃ । ଭୁଵ ଆକ୍ରମ୍ଯମାଣାଯା ଅଭାରାଯ କୃତୋଦ୍ଯମଃ ॥ ୫୯ ॥

କର୍ମାଣ୍ଯପରିମେଯାଣି ମନସାପି ସୁରେଶ୍ଵରୈଃ । ସହସଙ୍କର୍ଷଣଶ୍ଚକ୍ରେ ଭଗଵାନ୍ ମଧୁସୂଦନଃ ॥ ୬୦ ॥

କଲୌ ଜନିଷ୍ଯମାଣାନାଂ ଦୁଃଖଶୋକତମୋନୁଦମ୍ । ଅନୁଗ୍ରହାଯ ଭକ୍ତାନାଂ ସୁପୁଣ୍ଯଂ ଵ୍ଯତନୋଦ୍ ଯଶଃ ॥ ୬୧ ॥

ଯସ୍ମିନ୍ ସତ୍କର୍ଣପୀଯୁଷେ ଯଶସ୍ତୀର୍ଥଵରେ ସକୃତ୍ । ଶ୍ରୋତ୍ରାଞ୍ଜଲିରୁପସ୍ପୃଶ୍ଯ ଧୁନୁତେ କର୍ମଵାସନାମ୍ ॥ ୬୨ ॥

ଭୋଜଵୃଷ୍ଣ୍ଯନ୍ଧକମଧୁଶୂରସେନଦଶାର୍ହକୈଃ । ଶ୍ଲାଘନୀଯେହିତଃ ଶଶ୍ଵତ୍ କୁରୁସୃଞ୍ଜଯପାଣ୍ଡୁଭିଃ ॥ ୬୩ ॥

ସ୍ନିଗ୍ଧସ୍ମିତେକ୍ଷିତୋଦାରୈର୍ଵାକ୍ଯୈର୍ଵିକ୍ରମଲୀଲଯା । ନୃଲୋକଂ ରମଯାମାସ ମୂର୍ତ୍ଯା ସର୍ଵାଙ୍ଗରମ୍ଯଯା ॥ ୬୪ ॥

ଯସ୍ଯାନନଂ ମକରକୁଣ୍ଡଲଚାରୁକର୍ଣ-ଭ୍ରାଜତ୍କପୋଲସୁଭଗଂ ସଵିଲାସହାସମ୍ । ନିତ୍ଯୋତ୍ସଵଂ ନ ତତୃପୁର୍ଦୃଶିଭିଃ ପିବନ୍ତ୍ଯୋନାର୍ଯୋ ନରାଶ୍ଚ ମୁଦିତାଃ କୁପିତା ନିମେଶ୍ଚ ॥ ୬୫ ॥

ଜାତୋ ଗତଃ ପିତୃଗୃହାଦ୍ ଵ୍ରଜମେଧିତାର୍ଥୋହତ୍ଵା ରିପୂନ୍ ସୁତଶତାନି କୃତୋରୁଦାରଃ । ଉତ୍ପାଦ୍ଯ ତେଷୁ ପୁରୁଷଃ କ୍ରତୁଭିଃ ସମୀଜେଆତ୍ମାନମାତ୍ମନିଗମଂ ପ୍ରଥଯଞ୍ଜନେଷୁ ॥ ୬୬ ॥

ପୃଥ୍ଵ୍ଯାଃ ସ ଵୈ ଗୁରୁଭରଂ କ୍ଷପଯନ୍ କୁରୂଣା-ମନ୍ତଃସମୁତ୍ଥକଲିନା ଯୁଧି ଭୂପଚମ୍ଵଃ । ଦୃଷ୍ଟଯା ଵିଧୂଯ ଵିଜଯେ ଜଯମୁଦ୍ଵିଘୋଷ୍ଯପ୍ରୋଚ୍ଯୋଦ୍ଧଵାଯ ଚ ପରଂ ସମଗାତ୍ ସ୍ଵଧାମ ॥ ୬୭ ॥
ଯେଽନ୍ଯେଽରଵିନ୍ଦାକ୍ଷ ଵିମୁକ୍ତମାନିନ-ସ୍ତ୍ଵଯ୍ଯସ୍ତଭାଵାଦଵିଶୁଦ୍ଧବୁଦ୍ଧଯଃ । ଆରୁହ୍ଯ କୃଚ୍ଛ୍ରେଣ ପରଂ ପଦଂ ତତଃପତନ୍ତ୍ଯଧୋଽନାଦୃତଯୁଷ୍ମଦଙ୍ଘ୍ରଯଃ ॥