শ্রীশুক উবাচ
শর্যাতির্মানবো রাজা ব্রহ্মিষ্ঠঃ সম্বভূব হ ।
যো বা অঙ্গিরসাং সত্রে দ্বিতীযমহরূচিবান্ ॥ ১ ॥
শর্যাতির্মানবো রাজা ব্রহ্মিষ্ঠঃ সম্বভূব হ ।
যো বা অঙ্গিরসাং সত্রে দ্বিতীযমহরূচিবান্ ॥ ১ ॥
সুকন্যা নাম তস্যাসীত্ কন্যা কমললোচনা ।
তযা সার্ধং বনগতো হ্যগমচ্চ্যবনাশ্রমম্ ॥ ২ ॥
তযা সার্ধং বনগতো হ্যগমচ্চ্যবনাশ্রমম্ ॥ ২ ॥
সা সখীভিঃ পরিবৃতা বিচিন্বন্ত্যঙ্ঘ্রিপান্ বনে ।
বল্মীকরন্ধ্রে দদৃশে খদ্যোতে ইব জ্যোতিষী ॥ ৩ ॥
বল্মীকরন্ধ্রে দদৃশে খদ্যোতে ইব জ্যোতিষী ॥ ৩ ॥
তে দৈবচোদিতা বালা জ্যোতিষী কণ্টকেন বৈ ।
অবিধ্যন্মুগ্ধভাবেন সুস্রাবাসৃক্ ততো বহিঃ ॥ ৪ ॥
অবিধ্যন্মুগ্ধভাবেন সুস্রাবাসৃক্ ততো বহিঃ ॥ ৪ ॥
শকৃন্মূত্রনিরোধোঽভূত্ সৈনিকানাং চ তত্ক্ষণাত্ ।
রাজর্ষিস্তমুপালক্ষ্য পুরুষান্ বিস্মিতোঽব্রবীত্ ॥ ৫ ॥
রাজর্ষিস্তমুপালক্ষ্য পুরুষান্ বিস্মিতোঽব্রবীত্ ॥ ৫ ॥
অপ্যভদ্রং ন যুষ্মাভির্ভার্গবস্য বিচেষ্টিতম্ ।
ব্যক্তং কেনাপি নস্তস্য কৃতমাশ্রমদূষণম্ ॥ ৬ ॥
ব্যক্তং কেনাপি নস্তস্য কৃতমাশ্রমদূষণম্ ॥ ৬ ॥
সুকন্যা প্রাহ পিতরং ভীতা কিঞ্চিত্ কৃতং মযা ।
দ্বে জ্যোতিষী অজানন্ত্যা নির্ভিন্নে কণ্টকেন বৈ ॥ ৭ ॥
দ্বে জ্যোতিষী অজানন্ত্যা নির্ভিন্নে কণ্টকেন বৈ ॥ ৭ ॥
দুহিতুস্তদ্ বচঃ শ্রুত্বা শর্যাতির্জাতসাধ্বসঃ ।
মুনিং প্রসাদযামাস বল্মীকান্তর্হিতং শনৈঃ ॥ ৮ ॥
মুনিং প্রসাদযামাস বল্মীকান্তর্হিতং শনৈঃ ॥ ৮ ॥
তদভিপ্রাযমাজ্ঞায প্রাদাদ্ দুহিতরং মুনেঃ ।
কৃচ্ছ্রান্মুক্তস্তমামন্ত্র্য পুরং প্রাযাত্ সমাহিতঃ ॥ ৯ ॥
কৃচ্ছ্রান্মুক্তস্তমামন্ত্র্য পুরং প্রাযাত্ সমাহিতঃ ॥ ৯ ॥
সুকন্যা চ্যবনং প্রাপ্য পতিং পরমকোপনম্ ।
প্রীণযামাস চিত্তজ্ঞা অপ্রমত্তানুবৃত্তিভিঃ ॥ ১০ ॥
প্রীণযামাস চিত্তজ্ঞা অপ্রমত্তানুবৃত্তিভিঃ ॥ ১০ ॥
কস্যচিত্ ত্বথ কালস্য নাসত্যাবাশ্রমাগতৌ ।
তৌ পূজযিত্বা প্রোবাচ বযো মে দত্তমীশ্বরৌ ॥ ১১ ॥
তৌ পূজযিত্বা প্রোবাচ বযো মে দত্তমীশ্বরৌ ॥ ১১ ॥
গ্রহং গ্রহীষ্যে সোমস্য যজ্ঞে বামপ্যসোমপোঃ ।
ক্রিযতাং মে বযো রূপং প্রমদানাং যদীপ্সিতম্ ॥ ১২ ॥
ক্রিযতাং মে বযো রূপং প্রমদানাং যদীপ্সিতম্ ॥ ১২ ॥
বাঢমিত্যূচতুর্বিপ্রমভিনন্দ্য ভিষক্তমৌ ।
নিমজ্জতাং ভবানস্মিন্ হ্রদে সিদ্ধবিনির্মিতে ॥ ১৩ ॥
নিমজ্জতাং ভবানস্মিন্ হ্রদে সিদ্ধবিনির্মিতে ॥ ১৩ ॥
ইত্যুক্তো জরযা গ্রস্তদেহো ধমনিসন্ততঃ ।
হ্রদং প্রবেশিতোঽশ্বিভ্যাং বলীপলিতবিগ্রহঃ ॥ ১৪ ॥
হ্রদং প্রবেশিতোঽশ্বিভ্যাং বলীপলিতবিগ্রহঃ ॥ ১৪ ॥
পুরুষাস্ত্রয উত্তস্থুরপীব্যা বনিতাপ্রিযাঃ ।
পদ্মস্রজঃ কুণ্ডলিনস্তুল্যরূপাঃ সুবাসসঃ ॥ ১৫ ॥
পদ্মস্রজঃ কুণ্ডলিনস্তুল্যরূপাঃ সুবাসসঃ ॥ ১৫ ॥
তান্ নিরীক্ষ্য বরারোহা সরূপান্ সূর্যবর্চসঃ ।
অজানতী পতিং সাধ্বী অশ্বিনৌ শরণং যযৌ ॥ ১৬ ॥
অজানতী পতিং সাধ্বী অশ্বিনৌ শরণং যযৌ ॥ ১৬ ॥
দর্শযিত্বা পতিং তস্যৈ পাতিব্রত্যেন তোষিতৌ ।
ঋষিমামন্ত্র্য যযতুর্বিমানেন ত্রিবিষ্টপম্ ॥ ১৭ ॥
ঋষিমামন্ত্র্য যযতুর্বিমানেন ত্রিবিষ্টপম্ ॥ ১৭ ॥
যক্ষ্যমাণোঽথ শর্যাতিশ্চ্যবনস্যাশ্রমং গতঃ ।
দদর্শ দুহিতুঃ পার্শ্বে পুরুষং সূর্যবর্চসম্ ॥ ১৮ ॥
দদর্শ দুহিতুঃ পার্শ্বে পুরুষং সূর্যবর্চসম্ ॥ ১৮ ॥
রাজা দুহিতরং প্রাহ কৃতপাদাভিবন্দনাম্ ।
আশিষশ্চাপ্রযুঞ্জানো নাতিপ্রীতিমনা ইব ॥ ১৯ ॥
আশিষশ্চাপ্রযুঞ্জানো নাতিপ্রীতিমনা ইব ॥ ১৯ ॥
চিকীর্ষিতং তে কিমিদং পতিস্ত্বযা
প্রলম্ভিতো লোকনমস্কৃতো মুনিঃ ।
যত্ ত্বং জরাগ্রস্তমসত্যসম্মতং
বিহায জারং ভজসেঽমুমধ্বগম্ ॥ ২০ ॥
প্রলম্ভিতো লোকনমস্কৃতো মুনিঃ ।
যত্ ত্বং জরাগ্রস্তমসত্যসম্মতং
বিহায জারং ভজসেঽমুমধ্বগম্ ॥ ২০ ॥
কথং মতিস্তেঽবগতান্যথা সতাং
কুলপ্রসূতে কুলদূষণং ত্বিদম্ ।
বিভর্ষি জারং যদপত্রপা কুলং
পিতুশ্চ ভর্তুশ্চ নযস্যধস্তমঃ ॥ ২১ ॥
কুলপ্রসূতে কুলদূষণং ত্বিদম্ ।
বিভর্ষি জারং যদপত্রপা কুলং
পিতুশ্চ ভর্তুশ্চ নযস্যধস্তমঃ ॥ ২১ ॥
এবং ব্রুবাণং পিতরং স্মযমানা শুচিস্মিতা ।
উবাচতাত জামাতা তবৈষ ভৃগুনন্দনঃ ॥ ২২ ॥
উবাচতাত জামাতা তবৈষ ভৃগুনন্দনঃ ॥ ২২ ॥
শশংস পিত্রে তত্ সর্বং বযোরূপাভিলম্ভনম্ ।
বিস্মিতঃ পরমপ্রীতস্তনযাং পরিষস্বজে ॥ ২৩ ॥
বিস্মিতঃ পরমপ্রীতস্তনযাং পরিষস্বজে ॥ ২৩ ॥
সোমেন যাজযন্ বীরং গ্রহং সোমস্য চাগ্রহীত্ ।
অসোমপোরপ্যশ্বিনোশ্চ্যবনঃ স্বেন তেজসা ॥ ২৪ ॥
অসোমপোরপ্যশ্বিনোশ্চ্যবনঃ স্বেন তেজসা ॥ ২৪ ॥
হন্তুং তমাদদে বজ্রং সদ্যোমন্যুরমর্ষিতঃ ।
সবজ্রং স্তম্ভযামাস ভুজমিন্দ্রস্য ভার্গবঃ ॥ ২৫ ॥
সবজ্রং স্তম্ভযামাস ভুজমিন্দ্রস্য ভার্গবঃ ॥ ২৫ ॥
অন্বজানংস্ততঃ সর্বে গ্রহং সোমস্য চাশ্বিনোঃ ।
ভিষজাবিতি যত্ পূর্বং সোমাহুত্যা বহিষ্কৃতৌ ॥ ২৬ ॥
ভিষজাবিতি যত্ পূর্বং সোমাহুত্যা বহিষ্কৃতৌ ॥ ২৬ ॥
উত্তানবর্হিরানর্তো ভূরিষেণ ইতি ত্রযঃ ।
শর্যাতেরভবন্ পুত্রা আনর্তাদ্ রেবতোঽভবত্ ॥ ২৭ ॥
শর্যাতেরভবন্ পুত্রা আনর্তাদ্ রেবতোঽভবত্ ॥ ২৭ ॥
সোঽন্তঃসমুদ্রে নগরীং বিনির্মায কুশস্থলীম্ ।
আস্থিতোঽভুঙ্ক্ত বিষযানানর্তাদীনরিন্দম ।
তস্য পুত্রশতং জজ্ঞে ককুদ্মিজ্যেষ্ঠমুত্তমম্ ॥ ২৮ ॥
আস্থিতোঽভুঙ্ক্ত বিষযানানর্তাদীনরিন্দম ।
তস্য পুত্রশতং জজ্ঞে ককুদ্মিজ্যেষ্ঠমুত্তমম্ ॥ ২৮ ॥
ককুদ্মী রেবতীং কন্যাং স্বামাদায বিভুং গতঃ ।
পুত্র্যাবরং পরিপ্রষ্টুং ব্রহ্মলোকমপাবৃতম্ ॥ ২৯ ॥
পুত্র্যাবরং পরিপ্রষ্টুং ব্রহ্মলোকমপাবৃতম্ ॥ ২৯ ॥
আবর্তমানে গান্ধর্বে স্থিতোঽলব্ধক্ষণঃ ক্ষণম্ ।
তদন্ত আদ্যমানম্য স্বাভিপ্রাযং ন্যবেদযত্ ॥ ৩০ ॥
তদন্ত আদ্যমানম্য স্বাভিপ্রাযং ন্যবেদযত্ ॥ ৩০ ॥
তচ্ছ্রুত্বা ভগবান্ ব্রহ্মা প্রহস্য তমুবাচ হ ।
অহো রাজন্ নিরুদ্ধাস্তে কালেন হৃদি যে কৃতাঃ ॥ ৩১ ॥
অহো রাজন্ নিরুদ্ধাস্তে কালেন হৃদি যে কৃতাঃ ॥ ৩১ ॥
তত্পুত্রপৌত্রনপ্তৃণাং গোত্রাণি চ ন শৃণ্মহে ।
কালোঽভিযাতস্ত্রিণবচতুর্যুগবিকল্পিতঃ ॥ ৩২ ॥
কালোঽভিযাতস্ত্রিণবচতুর্যুগবিকল্পিতঃ ॥ ৩২ ॥
তদ্ গচ্ছ দেবদেবাংশো বলদেবো মহাবলঃ ।
কন্যারত্নমিদং রাজন্ নররত্নায দেহি ভোঃ ॥ ৩৩ ॥
কন্যারত্নমিদং রাজন্ নররত্নায দেহি ভোঃ ॥ ৩৩ ॥
ভুবো ভারাবতারায ভগবান্ ভূতভাবনঃ ।
অবতীর্ণো নিজাংশেন পুণ্যশ্রবণকীর্তনঃ ॥ ৩৪ ॥
অবতীর্ণো নিজাংশেন পুণ্যশ্রবণকীর্তনঃ ॥ ৩৪ ॥
ইত্যাদিষ্টোঽভিবন্দ্যাজং নৃপঃ স্বপুরমাগতঃ ।
ত্যক্তং পুণ্যজনত্রাসাদ্ ভ্রাতৃভির্দিক্ষ্ববস্থিতৈঃ ॥ ৩৫ ॥
ত্যক্তং পুণ্যজনত্রাসাদ্ ভ্রাতৃভির্দিক্ষ্ববস্থিতৈঃ ॥ ৩৫ ॥
সুতাং দত্ত্বানবদ্যাঙ্গীং বলায বলশালিনে ।
বদর্যাখ্যং গতো রাজা তপ্তুং নারাযণাশ্রমম্ ॥ ৩৬ ॥
বদর্যাখ্যং গতো রাজা তপ্তুং নারাযণাশ্রমম্ ॥ ৩৬ ॥