শ্রীশুক উবাচ
নাভাগো নভগাপত্যং যং ততং ভ্রাতরঃ কবিম্ ।
যবিষ্ঠং ব্যভজন্ দাযং ব্রহ্মচারিণমাগতম্ ॥ ১ ॥
নাভাগো নভগাপত্যং যং ততং ভ্রাতরঃ কবিম্ ।
যবিষ্ঠং ব্যভজন্ দাযং ব্রহ্মচারিণমাগতম্ ॥ ১ ॥
ভ্রাতরোঽভাঙ্ক্ত কিং মহ্যং ভজাম পিতরং তব ।
ত্বাং মমার্যাস্ততাভাঙ্ক্ষুর্মা পুত্রক তদাদৃথাঃ ॥ ২ ॥
ত্বাং মমার্যাস্ততাভাঙ্ক্ষুর্মা পুত্রক তদাদৃথাঃ ॥ ২ ॥
ইমে অঙ্গিরসঃ সত্রমাসতেঽদ্য সুমেধসঃ ।
ষষ্ঠং ষষ্ঠমুপেত্যাহঃ কবে মুহ্যন্তি কর্মণি ॥ ৩ ॥
ষষ্ঠং ষষ্ঠমুপেত্যাহঃ কবে মুহ্যন্তি কর্মণি ॥ ৩ ॥
তাংস্ত্বং শংসয সূক্তে দ্বে বৈশ্বদেবে মহাত্মনঃ ।
তে স্বর্যন্তো ধনং সত্রপরিশেষিতমাত্মনঃ ॥ ৪ ॥
তে স্বর্যন্তো ধনং সত্রপরিশেষিতমাত্মনঃ ॥ ৪ ॥
দাস্যন্তি তেঽথ তান্গচ্ছ তথা স কৃতবান্ যথা ।
তস্মৈ দত্ত্বা যযুঃ স্বর্গং তে সত্রপরিশেষণম্ ॥ ৫ ॥
তস্মৈ দত্ত্বা যযুঃ স্বর্গং তে সত্রপরিশেষণম্ ॥ ৫ ॥
তং কশ্চিত্ স্বীকরিষ্যন্তং পুরুষঃ কৃষ্ণদর্শনঃ ।
উবাচোত্তরতোঽভ্যেত্য মমেদং বাস্তুকং বসু ॥ ৬ ॥
উবাচোত্তরতোঽভ্যেত্য মমেদং বাস্তুকং বসু ॥ ৬ ॥
মমেদমৃষিভির্দত্তমিতি তর্হি স্ম মানবঃ ।
স্যান্নৌ তে পিতরি প্রশ্ন: পৃষ্টবান্ পিতরং যথা ॥ ৭ ॥
স্যান্নৌ তে পিতরি প্রশ্ন: পৃষ্টবান্ পিতরং যথা ॥ ৭ ॥
যজ্ঞবাস্তুগতং সর্বমুচ্ছিষ্টমৃষযঃ ক্বচিত্ ।
চক্রুর্হি ভাগং রুদ্রায স দেবঃ সর্বমর্হতি ॥ ৮ ॥
চক্রুর্হি ভাগং রুদ্রায স দেবঃ সর্বমর্হতি ॥ ৮ ॥
নাভাগস্তং প্রণম্যাহ তবেশ কিল বাস্তুকম্ ।
ইত্যাহ মে পিতা ব্রহ্মঞ্ছিরসা ত্বাং প্রসাদযে ॥ ৯ ॥
ইত্যাহ মে পিতা ব্রহ্মঞ্ছিরসা ত্বাং প্রসাদযে ॥ ৯ ॥
যত্ তে পিতাবদদ্ ধর্মং ত্বং চ সত্যং প্রভাষসে ।
দদামি তে মন্ত্রদৃশো জ্ঞানং ব্রহ্ম সনাতনম্ ॥ ১০ ॥
দদামি তে মন্ত্রদৃশো জ্ঞানং ব্রহ্ম সনাতনম্ ॥ ১০ ॥
গৃহাণ দ্রবিণং দত্তং মত্সত্রপরিশেষিতম্ ।
ইত্যুক্ত্বান্তর্হিতো রুদ্রো ভগবান্ ধর্মবত্সলঃ ॥ ১১ ॥
ইত্যুক্ত্বান্তর্হিতো রুদ্রো ভগবান্ ধর্মবত্সলঃ ॥ ১১ ॥
য এতত্ সংস্মরেত্ প্রাতঃ সাযং চ সুসমাহিতঃ ।
কবির্ভবতি মন্ত্রজ্ঞো গতিং চৈব তথাত্মনঃ ॥ ১২ ॥
কবির্ভবতি মন্ত্রজ্ঞো গতিং চৈব তথাত্মনঃ ॥ ১২ ॥
নাভাগাদম্বরীষোঽভূন্মহাভাগবতঃ কৃতী ।
নাস্পৃশদ্ ব্রহ্মশাপোঽপি যং ন প্রতিহতঃ ক্বচিত্ ॥ ১৩ ॥
নাস্পৃশদ্ ব্রহ্মশাপোঽপি যং ন প্রতিহতঃ ক্বচিত্ ॥ ১৩ ॥
শ্রীরাজোবাচ
ভগবঞ্ছ্রোতুমিচ্ছামি রাজর্ষেস্তস্য ধীমতঃ ।
ন প্রাভূদ্ যত্র নির্মুক্তো ব্রহ্মদণ্ডো দুরত্যযঃ ॥ ১৪ ॥
ভগবঞ্ছ্রোতুমিচ্ছামি রাজর্ষেস্তস্য ধীমতঃ ।
ন প্রাভূদ্ যত্র নির্মুক্তো ব্রহ্মদণ্ডো দুরত্যযঃ ॥ ১৪ ॥
শ্রীশুক উবাচ
অম্বরীষো মহাভাগঃ সপ্তদ্বীপবতীং মহীম্ ।
অব্যযাং চ শ্রিযং লব্ধ্বা বিভবং চাতুলং ভুবি ॥ ১৫ ॥
অম্বরীষো মহাভাগঃ সপ্তদ্বীপবতীং মহীম্ ।
অব্যযাং চ শ্রিযং লব্ধ্বা বিভবং চাতুলং ভুবি ॥ ১৫ ॥
মেনেঽতিদুর্লভং পুংসাং সর্বং তত্ স্বপ্নসংস্তুতম্ ।
বিদ্বান্ বিভবনির্বাণং তমো বিশতি যত্ পুমান্ ॥ ১৬ ॥
বিদ্বান্ বিভবনির্বাণং তমো বিশতি যত্ পুমান্ ॥ ১৬ ॥
বাসুদেবে ভগবতি তদ্ভক্তেষু চ সাধুষু ।
প্রাপ্তো ভাবং পরং বিশ্বং যেনেদং লোষ্ট্রবত্ স্মৃতম্ ॥ ১৭ ॥
প্রাপ্তো ভাবং পরং বিশ্বং যেনেদং লোষ্ট্রবত্ স্মৃতম্ ॥ ১৭ ॥
স বৈ মনঃ কৃষ্ণপদারবিন্দযো-
র্বচাংসি বৈকুণ্ঠগুণানুবর্ণনে ।
করৌ হরের্মন্দিরমার্জনাদিষু
শ্রুতিং চকারাচ্যুতসত্কথোদযে ॥ ১৮ ॥
র্বচাংসি বৈকুণ্ঠগুণানুবর্ণনে ।
করৌ হরের্মন্দিরমার্জনাদিষু
শ্রুতিং চকারাচ্যুতসত্কথোদযে ॥ ১৮ ॥
মুকুন্দলিঙ্গালযদর্শনে দৃশৌ
তদ্ভৃত্যগাত্রস্পর্শেঽঙ্গসঙ্গমম্ ।
ঘ্রাণং চ তত্পাদসরোজসৌরভে
শ্রীমত্তুলস্যা রসনাং তদর্পিতে ॥ ১৯ ॥
তদ্ভৃত্যগাত্রস্পর্শেঽঙ্গসঙ্গমম্ ।
ঘ্রাণং চ তত্পাদসরোজসৌরভে
শ্রীমত্তুলস্যা রসনাং তদর্পিতে ॥ ১৯ ॥
পাদৌ হরেঃ ক্ষেত্রপদানুসর্পণে
শিরো হৃষীকেশপদাভিবন্দনে ।
কামং চ দাস্যে ন তু কামকাম্যযা
যথোত্তমশ্লোকজনাশ্রযা রতিঃ ॥ ২০ ॥
শিরো হৃষীকেশপদাভিবন্দনে ।
কামং চ দাস্যে ন তু কামকাম্যযা
যথোত্তমশ্লোকজনাশ্রযা রতিঃ ॥ ২০ ॥
এবং সদা কর্মকলাপমাত্মনঃ
পরেঽধিযজ্ঞে ভগবত্যধোক্ষজে ।
সর্বাত্মভাবং বিদধন্মহীমিমাং
তন্নিষ্ঠবিপ্রাভিহিতঃ শশাস হ ॥ ২১ ॥
পরেঽধিযজ্ঞে ভগবত্যধোক্ষজে ।
সর্বাত্মভাবং বিদধন্মহীমিমাং
তন্নিষ্ঠবিপ্রাভিহিতঃ শশাস হ ॥ ২১ ॥
ঈজেঽশ্বমেধৈরধিযজ্ঞমীশ্বরং
মহাবিভূত্যোপচিতাঙ্গদক্ষিণৈঃ ।
ততৈর্বসিষ্ঠাসিতগৌতমাদিভি-
র্ধন্বন্যভিস্রোতমসৌ সরস্বতীম্ ॥ ২২ ॥
মহাবিভূত্যোপচিতাঙ্গদক্ষিণৈঃ ।
ততৈর্বসিষ্ঠাসিতগৌতমাদিভি-
র্ধন্বন্যভিস্রোতমসৌ সরস্বতীম্ ॥ ২২ ॥
যস্য ক্রতুষু গীর্বাণৈঃ সদস্যা ঋত্বিজো জনাঃ ।
তুল্যরূপাশ্চানিমিষা ব্যদৃশ্যন্ত সুবাসসঃ ॥ ২৩ ॥
তুল্যরূপাশ্চানিমিষা ব্যদৃশ্যন্ত সুবাসসঃ ॥ ২৩ ॥
স্বর্গো ন প্রার্থিতো যস্য মনুজৈরমরপ্রিযঃ ।
শৃণ্বদ্ভিরুপগাযদ্ভিরুত্তমশ্লোকচেষ্টিতম্ ॥ ২৪ ॥
শৃণ্বদ্ভিরুপগাযদ্ভিরুত্তমশ্লোকচেষ্টিতম্ ॥ ২৪ ॥
সংবর্ধযন্তি যত্ কামাঃ স্বারাজ্যপরিভাবিতাঃ ।
দুর্লভা নাপি সিদ্ধানাং মুকুন্দং হৃদি পশ্যতঃ ॥ ২৫ ॥
দুর্লভা নাপি সিদ্ধানাং মুকুন্দং হৃদি পশ্যতঃ ॥ ২৫ ॥
স ইত্থং ভক্তিযোগেন তপোযুক্তেন পার্থিবঃ ।
স্বধর্মেণ হরিং প্রীণন্ সর্বান্ কামান্শনৈর্জহৌ ॥ ২৬ ॥
স্বধর্মেণ হরিং প্রীণন্ সর্বান্ কামান্শনৈর্জহৌ ॥ ২৬ ॥
গৃহেষু দারেষু সুতেষু বন্ধুষু
দ্বিপোত্তমস্যন্দনবাজিবস্তুষু ।
অক্ষয্যরত্নাভরণাম্বরাদি-
ষ্বনন্তকোশেষ্বকরোদসন্মতিম্ ॥ ২৭ ॥
দ্বিপোত্তমস্যন্দনবাজিবস্তুষু ।
অক্ষয্যরত্নাভরণাম্বরাদি-
ষ্বনন্তকোশেষ্বকরোদসন্মতিম্ ॥ ২৭ ॥
তস্মা অদাদ্ধরিশ্চক্রং প্রত্যনীকভযাবহম্ ।
একান্তভক্তিভাবেন প্রীতো ভক্তাভিরক্ষণম্ ॥ ২৮ ॥
একান্তভক্তিভাবেন প্রীতো ভক্তাভিরক্ষণম্ ॥ ২৮ ॥
আরিরাধযিষুঃ কৃষ্ণং মহিষ্যা তুল্যশীলযা ।
যুক্তঃ সাংবত্সরং বীরো দধার দ্বাদশীব্রতম্ ॥ ২৯ ॥
যুক্তঃ সাংবত্সরং বীরো দধার দ্বাদশীব্রতম্ ॥ ২৯ ॥
ব্রতান্তে কার্তিকে মাসি ত্রিরাত্রং সমুপোষিতঃ ।
স্নাতঃ কদাচিত্ কালিন্দ্যাং হরিং মধুবনেঽর্চযত্ ॥ ৩০ ॥
স্নাতঃ কদাচিত্ কালিন্দ্যাং হরিং মধুবনেঽর্চযত্ ॥ ৩০ ॥
মহাভিষেকবিধিনা সর্বোপস্করসম্পদা ।
অভিষিচ্যাম্বরাকল্পৈর্গন্ধমাল্যার্হণাদিভিঃ ॥ ৩১ ॥
অভিষিচ্যাম্বরাকল্পৈর্গন্ধমাল্যার্হণাদিভিঃ ॥ ৩১ ॥
তদ্গতান্তরভাবেন পূজযামাস কেশবম্ ।
ব্রাহ্মণাংশ্চ মহাভাগান্ সিদ্ধার্থানপি ভক্তিতঃ ॥ ৩২ ॥
ব্রাহ্মণাংশ্চ মহাভাগান্ সিদ্ধার্থানপি ভক্তিতঃ ॥ ৩২ ॥
গবাং রুক্মবিষাণীনাং রূপ্যাঙ্ঘ্রীণাং সুবাসসাম্ ।
পযঃশীলবযোরূপবত্সোপস্করসম্পদাম্ ॥ ৩৩ ॥
পযঃশীলবযোরূপবত্সোপস্করসম্পদাম্ ॥ ৩৩ ॥
প্রাহিণোত্ সাধুবিপ্রেভ্যো গৃহেষু ন্যর্বুদানি ষট্ ।
ভোজযিত্বা দ্বিজানগ্রে স্বাদ্বন্নং গুণবত্তমম্ ॥ ৩৪ ॥
ভোজযিত্বা দ্বিজানগ্রে স্বাদ্বন্নং গুণবত্তমম্ ॥ ৩৪ ॥
লব্ধকামৈরনুজ্ঞাতঃ পারণাযোপচক্রমে ।
তস্য তর্হ্যতিথিঃ সাক্ষাদ্ দুর্বাস ভগবানভূত্ ॥ ৩৫ ॥
তস্য তর্হ্যতিথিঃ সাক্ষাদ্ দুর্বাস ভগবানভূত্ ॥ ৩৫ ॥
তমানর্চাতিথিং ভূপঃ প্রত্যুত্থানাসনার্হণৈঃ ।
যযাচেঽভ্যবহারায পাদমূলমুপাগতঃ ॥ ৩৬ ॥
যযাচেঽভ্যবহারায পাদমূলমুপাগতঃ ॥ ৩৬ ॥
প্রতিনন্দ্য স তাং যাঞ্চাং কর্তুমাবশ্যকং গতঃ ।
নিমমজ্জ বৃহদ্ ধ্যাযন্ কালিন্দীসলিলে শুভে ॥ ৩৭ ॥
নিমমজ্জ বৃহদ্ ধ্যাযন্ কালিন্দীসলিলে শুভে ॥ ৩৭ ॥
মুহূর্তার্ধাবশিষ্টাযাং দ্বাদশ্যাং পারণং প্রতি ।
চিন্তযামাস ধর্মজ্ঞো দ্বিজৈস্তদ্ধর্মসঙ্কটে ॥ ৩৮ ॥
চিন্তযামাস ধর্মজ্ঞো দ্বিজৈস্তদ্ধর্মসঙ্কটে ॥ ৩৮ ॥
ব্রাহ্মণাতিক্রমে দোষো দ্বাদশ্যাং যদপারণে ।
যত্ কৃত্বা সাধু মে ভূযাদধর্মো বা ন মাং স্পৃশেত্ ॥ ৩৯ ॥
যত্ কৃত্বা সাধু মে ভূযাদধর্মো বা ন মাং স্পৃশেত্ ॥ ৩৯ ॥
অম্ভসা কেবলেনাথ করিষ্যে ব্রতপারণম্ ।
আহুরব্ভক্ষণং বিপ্রা হ্যশিতং নাশিতং চ তত্ ॥ ৪০ ॥
আহুরব্ভক্ষণং বিপ্রা হ্যশিতং নাশিতং চ তত্ ॥ ৪০ ॥
ইত্যপঃ প্রাশ্য রাজর্ষিশ্চিন্তযন্ মনসাচ্যুতম্ ।
প্রত্যচষ্ট কুরুশ্রেষ্ঠ দ্বিজাগমনমেব সঃ ॥ ৪১ ॥
প্রত্যচষ্ট কুরুশ্রেষ্ঠ দ্বিজাগমনমেব সঃ ॥ ৪১ ॥
দুর্বাস যমুনাকূলাত্ কৃতাবশ্যক আগতঃ ।
রাজ্ঞাভিনন্দিতস্তস্য বুবুধে চেষ্টিতং ধিযা ॥ ৪২ ॥
রাজ্ঞাভিনন্দিতস্তস্য বুবুধে চেষ্টিতং ধিযা ॥ ৪২ ॥
মন্যুনা প্রচলদ্গাত্রো ভ্রুকুটীকুটিলাননঃ ।
বুভুক্ষিতশ্চ সুতরাং কৃতাঞ্জলিমভাষত ॥ ৪৩ ॥
বুভুক্ষিতশ্চ সুতরাং কৃতাঞ্জলিমভাষত ॥ ৪৩ ॥
অহো অস্য নৃশংসস্য শ্রিযোন্মত্তস্য পশ্যত ।
ধর্মব্যতিক্রমং বিষ্ণোরভক্তস্যেশমানিনঃ ॥ ৪৪ ॥
ধর্মব্যতিক্রমং বিষ্ণোরভক্তস্যেশমানিনঃ ॥ ৪৪ ॥
যো মামতিথিমাযাতমাতিথ্যেন নিমন্ত্র্য চ ।
অদত্ত্বা ভুক্তবাংস্তস্য সদ্যস্তে দর্শযে ফলম্ ॥ ৪৫ ॥
অদত্ত্বা ভুক্তবাংস্তস্য সদ্যস্তে দর্শযে ফলম্ ॥ ৪৫ ॥
এবং ব্রুবাণ উত্কৃত্য জটাং রোষপ্রদীপিতঃ ।
তযা স নির্মমে তস্মৈ কৃত্যাং কালানলোপমাম্ ॥ ৪৬ ॥
তযা স নির্মমে তস্মৈ কৃত্যাং কালানলোপমাম্ ॥ ৪৬ ॥
তামাপতন্তীং জ্বলতীমসিহস্তাং পদা ভুবম্ ।
বেপযন্তীং সমুদ্বীক্ষ্য ন চচাল পদান্নৃপঃ ॥ ৪৭ ॥
বেপযন্তীং সমুদ্বীক্ষ্য ন চচাল পদান্নৃপঃ ॥ ৪৭ ॥
প্রাগ্দিষ্টং ভৃত্যরক্ষাযাং পুরুষেণ মহাত্মনা ।
দদাহ কৃত্যাং তাং চক্রং ক্রুদ্ধাহিমিব পাবকঃ ॥ ৪৮ ॥
দদাহ কৃত্যাং তাং চক্রং ক্রুদ্ধাহিমিব পাবকঃ ॥ ৪৮ ॥
তদভিদ্রবদুদ্বীক্ষ্য স্বপ্রযাসং চ নিষ্ফলম্ ।
দুর্বাস দুদ্রুবে ভীতো দিক্ষু প্রাণপরীপ্সযা ॥ ৪৯ ॥
দুর্বাস দুদ্রুবে ভীতো দিক্ষু প্রাণপরীপ্সযা ॥ ৪৯ ॥
তমন্বধাবদ্ ভগবদ্রথাঙ্গং
দাবাগ্নিরুদ্ধূতশিখো যথাহিম্ ।
তথানুষক্তং মুনিরীক্ষমাণো
গুহাং বিবিক্ষুঃ প্রসসার মেরোঃ ॥ ৫০ ॥
দাবাগ্নিরুদ্ধূতশিখো যথাহিম্ ।
তথানুষক্তং মুনিরীক্ষমাণো
গুহাং বিবিক্ষুঃ প্রসসার মেরোঃ ॥ ৫০ ॥
দিশো নভঃ ক্ষ্মাং বিবরান্সমুদ্রান্
লোকান্ সপালাংস্ত্রিদিবং গতঃ সঃ ।
যতো যতো ধাবতি তত্র তত্র
সুদর্শনং দুষ্প্রসহং দদর্শ ॥ ৫১ ॥
লোকান্ সপালাংস্ত্রিদিবং গতঃ সঃ ।
যতো যতো ধাবতি তত্র তত্র
সুদর্শনং দুষ্প্রসহং দদর্শ ॥ ৫১ ॥
অলব্ধনাথঃ স সদা কুতশ্চিত্
সন্ত্রস্তচিত্তোঽরণমেষমাণঃ ।
দেবং বিরিঞ্চং সমগাদ্বিধাত-
স্ত্রাহ্যাত্মযোনেঽজিততেজসো মাম্ ॥ ৫২ ॥
সন্ত্রস্তচিত্তোঽরণমেষমাণঃ ।
দেবং বিরিঞ্চং সমগাদ্বিধাত-
স্ত্রাহ্যাত্মযোনেঽজিততেজসো মাম্ ॥ ৫২ ॥
শ্রীব্রহ্মোবাচ
স্থানং মদীযং সহবিশ্বমেতত্
ক্রীডাবসানে দ্বিপরার্ধসংজ্ঞে ।
ভ্রূভঙ্গমাত্রেণ হি সন্দিধক্ষোঃ
কালাত্মনো যস্য তিরোভবিষ্যতি ॥ ৫৩ ॥
স্থানং মদীযং সহবিশ্বমেতত্
ক্রীডাবসানে দ্বিপরার্ধসংজ্ঞে ।
ভ্রূভঙ্গমাত্রেণ হি সন্দিধক্ষোঃ
কালাত্মনো যস্য তিরোভবিষ্যতি ॥ ৫৩ ॥
অহং ভবো দক্ষভৃগুপ্রধানাঃ
প্রজেশভূতেশসুরেশমুখ্যাঃ ।
সর্বে বযং যন্নিযমং প্রপন্না
মূর্ধ্ন্যার্পিতং লোকহিতং বহামঃ ॥ ৫৪ ॥
প্রজেশভূতেশসুরেশমুখ্যাঃ ।
সর্বে বযং যন্নিযমং প্রপন্না
মূর্ধ্ন্যার্পিতং লোকহিতং বহামঃ ॥ ৫৪ ॥
প্রত্যাখ্যাতো বিরিঞ্চেন বিষ্ণুচক্রোপতাপিতঃ ।
দুর্বাসঃ শরণং যাতঃ শর্বং কৈলাসবাসিনম্ ॥ ৫৫ ॥
দুর্বাসঃ শরণং যাতঃ শর্বং কৈলাসবাসিনম্ ॥ ৫৫ ॥
শ্রীশঙ্কর উবাচ
বযং ন তাত প্রভবাম ভূম্নি
যস্মিন্ পরেঽন্যেঽপ্যজজীবকোশাঃ ।
ভবন্তি কালে ন ভবন্তি হীদৃশাঃ
সহস্রশো যত্র বযং ভ্রমামঃ ॥ ৫৬ ॥
বযং ন তাত প্রভবাম ভূম্নি
যস্মিন্ পরেঽন্যেঽপ্যজজীবকোশাঃ ।
ভবন্তি কালে ন ভবন্তি হীদৃশাঃ
সহস্রশো যত্র বযং ভ্রমামঃ ॥ ৫৬ ॥
অহং সনত্কুমারশ্চ নারদো ভগবানজঃ ।
কপিলোঽপান্তরতমো দেবলো ধর্ম আসুরিঃ ॥ ৫৭ ॥
কপিলোঽপান্তরতমো দেবলো ধর্ম আসুরিঃ ॥ ৫৭ ॥
মরীচিপ্রমুখাশ্চান্যে সিদ্ধেশাঃ পারদর্শনাঃ ।
বিদাম ন বযং সর্বে যন্মাযাং মাযযাবৃতাঃ ॥ ৫৮ ॥
বিদাম ন বযং সর্বে যন্মাযাং মাযযাবৃতাঃ ॥ ৫৮ ॥
তস্য বিশ্বেশ্বরস্যেদং শস্ত্রং দুর্বিষহং হি নঃ ।
তমেবং শরণং যাহি হরিস্তে শং বিধাস্যতি ॥ ৫৯ ॥
তমেবং শরণং যাহি হরিস্তে শং বিধাস্যতি ॥ ৫৯ ॥
ততো নিরাশো দুর্বাসঃ পদং ভগবতো যযৌ ।
বৈকুণ্ঠাখ্যং যদধ্যাস্তে শ্রীনিবাসঃ শ্রিযা সহ ॥ ৬০ ॥
বৈকুণ্ঠাখ্যং যদধ্যাস্তে শ্রীনিবাসঃ শ্রিযা সহ ॥ ৬০ ॥
সন্দহ্যমানোঽজিতশস্ত্রবহ্নিনা
তত্পাদমূলে পতিতঃ সবেপথুঃ ।
আহাচ্যুতানন্ত সদীপ্সিত প্রভো
কৃতাগসং মাব হি বিশ্বভাবন ॥ ৬১ ॥
তত্পাদমূলে পতিতঃ সবেপথুঃ ।
আহাচ্যুতানন্ত সদীপ্সিত প্রভো
কৃতাগসং মাব হি বিশ্বভাবন ॥ ৬১ ॥
অজানতা তে পরমানুভাবং
কৃতং মযাঘং ভবতঃ প্রিযাণাম্ ।
বিধেহি তস্যাপচিতিং বিধাত-
র্মুচ্যেত যন্নাম্ন্যুদিতে নারকোঽপি ॥ ৬২ ॥
কৃতং মযাঘং ভবতঃ প্রিযাণাম্ ।
বিধেহি তস্যাপচিতিং বিধাত-
র্মুচ্যেত যন্নাম্ন্যুদিতে নারকোঽপি ॥ ৬২ ॥
শ্রীভগবানুবাচ
অহং ভক্তপরাধীনো হ্যস্বতন্ত্র ইব দ্বিজ ।
সাধুভির্গ্রস্তহৃদযো ভক্তৈর্ভক্তজনপ্রিযঃ ॥ ৬৩ ॥
অহং ভক্তপরাধীনো হ্যস্বতন্ত্র ইব দ্বিজ ।
সাধুভির্গ্রস্তহৃদযো ভক্তৈর্ভক্তজনপ্রিযঃ ॥ ৬৩ ॥
নাহমাত্মানমাশাসে মদ্ভক্তৈঃ সাধুভির্বিনা ।
শ্রিযং চাত্যন্তিকীং ব্রহ্মন্ যেষাং গতিরহং পরা ॥ ৬৪ ॥
শ্রিযং চাত্যন্তিকীং ব্রহ্মন্ যেষাং গতিরহং পরা ॥ ৬৪ ॥
যে দারাগারপুত্রাপ্তপ্রাণান্ বিত্তমিমং পরম্ ।
হিত্বা মাং শরণং যাতাঃ কথং তাংস্ত্যক্তুমুত্সহে ॥ ৬৫ ॥
হিত্বা মাং শরণং যাতাঃ কথং তাংস্ত্যক্তুমুত্সহে ॥ ৬৫ ॥
মযি নির্বদ্ধহৃদযাঃ সাধবঃ সমদর্শনাঃ ।
বশীকুর্বন্তি মাং ভক্ত্যা সত্স্ত্রিযঃ সত্পতিং যথা ॥ ৬৬ ॥
বশীকুর্বন্তি মাং ভক্ত্যা সত্স্ত্রিযঃ সত্পতিং যথা ॥ ৬৬ ॥
মত্সেবযা প্রতীতং তে সালোক্যাদিচতুষ্টযম্ ।
নেচ্ছন্তি সেবযা পূর্ণাঃ কুতোঽন্যত্ কালবিপ্লুতম্ ॥ ৬৭ ॥
নেচ্ছন্তি সেবযা পূর্ণাঃ কুতোঽন্যত্ কালবিপ্লুতম্ ॥ ৬৭ ॥
সাধবো হৃদযং মহ্যং সাধূনাং হৃদযং ত্বহম্ ।
মদন্যত্ তে ন জানন্তি নাহং তেভ্যো মনাগপি ॥ ৬৮ ॥
মদন্যত্ তে ন জানন্তি নাহং তেভ্যো মনাগপি ॥ ৬৮ ॥
উপাযং কথযিষ্যামি তব বিপ্র শৃণুষ্ব তত্ ।
অযং হ্যাত্মাভিচারস্তে যতস্তং যাহি মা চিরম্ ।
সাধুষু প্রহিতং তেজঃ প্রহর্তুঃ কুরুতেঽশিবম্ ॥ ৬৯ ॥
অযং হ্যাত্মাভিচারস্তে যতস্তং যাহি মা চিরম্ ।
সাধুষু প্রহিতং তেজঃ প্রহর্তুঃ কুরুতেঽশিবম্ ॥ ৬৯ ॥
তপো বিদ্যা চ বিপ্রাণাং নিঃশ্রেযসকরে উভে ।
তে এব দুর্বিনীতস্য কল্পেতে কর্তুরন্যথা ॥ ৭০ ॥
তে এব দুর্বিনীতস্য কল্পেতে কর্তুরন্যথা ॥ ৭০ ॥
ব্রহ্মংস্তদ্ গচ্ছ ভদ্রং তে নাভাগতনযং নৃপম্ ।
ক্ষমাপয মহাভাগং ততঃ শান্তির্ভবিষ্যতি ॥ ৭১ ॥
ক্ষমাপয মহাভাগং ততঃ শান্তির্ভবিষ্যতি ॥ ৭১ ॥