శ్రీశుక ఉవాచ
నాభాగో నభగాపత్యం యం తతం భ్రాతరః కవిమ్ ।
యవిష్ఠం వ్యభజన్ దాయం బ్రహ్మచారిణమాగతమ్ ॥ ౧ ॥
నాభాగో నభగాపత్యం యం తతం భ్రాతరః కవిమ్ ।
యవిష్ఠం వ్యభజన్ దాయం బ్రహ్మచారిణమాగతమ్ ॥ ౧ ॥
భ్రాతరోఽభాఙ్క్త కిం మహ్యం భజామ పితరం తవ ।
త్వాం మమార్యాస్తతాభాఙ్క్షుర్మా పుత్రక తదాదృథాః ॥ ౨ ॥
త్వాం మమార్యాస్తతాభాఙ్క్షుర్మా పుత్రక తదాదృథాః ॥ ౨ ॥
ఇమే అఙ్గిరసః సత్రమాసతేఽద్య సుమేధసః ।
షష్ఠం షష్ఠముపేత్యాహః కవే ముహ్యన్తి కర్మణి ॥ ౩ ॥
షష్ఠం షష్ఠముపేత్యాహః కవే ముహ్యన్తి కర్మణి ॥ ౩ ॥
తాంస్త్వం శంసయ సూక్తే ద్వే వైశ్వదేవే మహాత్మనః ।
తే స్వర్యన్తో ధనం సత్రపరిశేషితమాత్మనః ॥ ౪ ॥
తే స్వర్యన్తో ధనం సత్రపరిశేషితమాత్మనః ॥ ౪ ॥
దాస్యన్తి తేఽథ తాన్గచ్ఛ తథా స కృతవాన్ యథా ।
తస్మై దత్త్వా యయుః స్వర్గం తే సత్రపరిశేషణమ్ ॥ ౫ ॥
తస్మై దత్త్వా యయుః స్వర్గం తే సత్రపరిశేషణమ్ ॥ ౫ ॥
తం కశ్చిత్ స్వీకరిష్యన్తం పురుషః కృష్ణదర్శనః ।
ఉవాచోత్తరతోఽభ్యేత్య మమేదం వాస్తుకం వసు ॥ ౬ ॥
ఉవాచోత్తరతోఽభ్యేత్య మమేదం వాస్తుకం వసు ॥ ౬ ॥
మమేదమృషిభిర్దత్తమితి తర్హి స్మ మానవః ।
స్యాన్నౌ తే పితరి ప్రశ్న: పృష్టవాన్ పితరం యథా ॥ ౭ ॥
స్యాన్నౌ తే పితరి ప్రశ్న: పృష్టవాన్ పితరం యథా ॥ ౭ ॥
యజ్ఞవాస్తుగతం సర్వముచ్ఛిష్టమృషయః క్వచిత్ ।
చక్రుర్హి భాగం రుద్రాయ స దేవః సర్వమర్హతి ॥ ౮ ॥
చక్రుర్హి భాగం రుద్రాయ స దేవః సర్వమర్హతి ॥ ౮ ॥
నాభాగస్తం ప్రణమ్యాహ తవేశ కిల వాస్తుకమ్ ।
ఇత్యాహ మే పితా బ్రహ్మఞ్ఛిరసా త్వాం ప్రసాదయే ॥ ౯ ॥
ఇత్యాహ మే పితా బ్రహ్మఞ్ఛిరసా త్వాం ప్రసాదయే ॥ ౯ ॥
యత్ తే పితావదద్ ధర్మం త్వం చ సత్యం ప్రభాషసే ।
దదామి తే మన్త్రదృశో జ్ఞానం బ్రహ్మ సనాతనమ్ ॥ ౧౦ ॥
దదామి తే మన్త్రదృశో జ్ఞానం బ్రహ్మ సనాతనమ్ ॥ ౧౦ ॥
గృహాణ ద్రవిణం దత్తం మత్సత్రపరిశేషితమ్ ।
ఇత్యుక్త్వాన్తర్హితో రుద్రో భగవాన్ ధర్మవత్సలః ॥ ౧౧ ॥
ఇత్యుక్త్వాన్తర్హితో రుద్రో భగవాన్ ధర్మవత్సలః ॥ ౧౧ ॥
య ఏతత్ సంస్మరేత్ ప్రాతః సాయం చ సుసమాహితః ।
కవిర్భవతి మన్త్రజ్ఞో గతిం చైవ తథాత్మనః ॥ ౧౨ ॥
కవిర్భవతి మన్త్రజ్ఞో గతిం చైవ తథాత్మనః ॥ ౧౨ ॥
నాభాగాదమ్బరీషోఽభూన్మహాభాగవతః కృతీ ।
నాస్పృశద్ బ్రహ్మశాపోఽపి యం న ప్రతిహతః క్వచిత్ ॥ ౧౩ ॥
నాస్పృశద్ బ్రహ్మశాపోఽపి యం న ప్రతిహతః క్వచిత్ ॥ ౧౩ ॥
శ్రీరాజోవాచ
భగవఞ్ఛ్రోతుమిచ్ఛామి రాజర్షేస్తస్య ధీమతః ।
న ప్రాభూద్ యత్ర నిర్ముక్తో బ్రహ్మదణ్డో దురత్యయః ॥ ౧౪ ॥
భగవఞ్ఛ్రోతుమిచ్ఛామి రాజర్షేస్తస్య ధీమతః ।
న ప్రాభూద్ యత్ర నిర్ముక్తో బ్రహ్మదణ్డో దురత్యయః ॥ ౧౪ ॥
శ్రీశుక ఉవాచ
అమ్బరీషో మహాభాగః సప్తద్వీపవతీం మహీమ్ ।
అవ్యయాం చ శ్రియం లబ్ధ్వా విభవం చాతులం భువి ॥ ౧౫ ॥
అమ్బరీషో మహాభాగః సప్తద్వీపవతీం మహీమ్ ।
అవ్యయాం చ శ్రియం లబ్ధ్వా విభవం చాతులం భువి ॥ ౧౫ ॥
మేనేఽతిదుర్లభం పుంసాం సర్వం తత్ స్వప్నసంస్తుతమ్ ।
విద్వాన్ విభవనిర్వాణం తమో విశతి యత్ పుమాన్ ॥ ౧౬ ॥
విద్వాన్ విభవనిర్వాణం తమో విశతి యత్ పుమాన్ ॥ ౧౬ ॥
వాసుదేవే భగవతి తద్భక్తేషు చ సాధుషు ।
ప్రాప్తో భావం పరం విశ్వం యేనేదం లోష్ట్రవత్ స్మృతమ్ ॥ ౧౭ ॥
ప్రాప్తో భావం పరం విశ్వం యేనేదం లోష్ట్రవత్ స్మృతమ్ ॥ ౧౭ ॥
స వై మనః కృష్ణపదారవిన్దయో-
ర్వచాంసి వైకుణ్ఠగుణానువర్ణనే ।
కరౌ హరేర్మన్దిరమార్జనాదిషు
శ్రుతిం చకారాచ్యుతసత్కథోదయే ॥ ౧౮ ॥
ర్వచాంసి వైకుణ్ఠగుణానువర్ణనే ।
కరౌ హరేర్మన్దిరమార్జనాదిషు
శ్రుతిం చకారాచ్యుతసత్కథోదయే ॥ ౧౮ ॥
ముకున్దలిఙ్గాలయదర్శనే దృశౌ
తద్భృత్యగాత్రస్పర్శేఽఙ్గసఙ్గమమ్ ।
ఘ్రాణం చ తత్పాదసరోజసౌరభే
శ్రీమత్తులస్యా రసనాం తదర్పితే ॥ ౧౯ ॥
తద్భృత్యగాత్రస్పర్శేఽఙ్గసఙ్గమమ్ ।
ఘ్రాణం చ తత్పాదసరోజసౌరభే
శ్రీమత్తులస్యా రసనాం తదర్పితే ॥ ౧౯ ॥
పాదౌ హరేః క్షేత్రపదానుసర్పణే
శిరో హృషీకేశపదాభివన్దనే ।
కామం చ దాస్యే న తు కామకామ్యయా
యథోత్తమశ్లోకజనాశ్రయా రతిః ॥ ౨౦ ॥
శిరో హృషీకేశపదాభివన్దనే ।
కామం చ దాస్యే న తు కామకామ్యయా
యథోత్తమశ్లోకజనాశ్రయా రతిః ॥ ౨౦ ॥
ఏవం సదా కర్మకలాపమాత్మనః
పరేఽధియజ్ఞే భగవత్యధోక్షజే ।
సర్వాత్మభావం విదధన్మహీమిమాం
తన్నిష్ఠవిప్రాభిహితః శశాస హ ॥ ౨౧ ॥
పరేఽధియజ్ఞే భగవత్యధోక్షజే ।
సర్వాత్మభావం విదధన్మహీమిమాం
తన్నిష్ఠవిప్రాభిహితః శశాస హ ॥ ౨౧ ॥
ఈజేఽశ్వమేధైరధియజ్ఞమీశ్వరం
మహావిభూత్యోపచితాఙ్గదక్షిణైః ।
తతైర్వసిష్ఠాసితగౌతమాదిభి-
ర్ధన్వన్యభిస్రోతమసౌ సరస్వతీమ్ ॥ ౨౨ ॥
మహావిభూత్యోపచితాఙ్గదక్షిణైః ।
తతైర్వసిష్ఠాసితగౌతమాదిభి-
ర్ధన్వన్యభిస్రోతమసౌ సరస్వతీమ్ ॥ ౨౨ ॥
యస్య క్రతుషు గీర్వాణైః సదస్యా ఋత్విజో జనాః ।
తుల్యరూపాశ్చానిమిషా వ్యదృశ్యన్త సువాససః ॥ ౨౩ ॥
తుల్యరూపాశ్చానిమిషా వ్యదృశ్యన్త సువాససః ॥ ౨౩ ॥
స్వర్గో న ప్రార్థితో యస్య మనుజైరమరప్రియః ।
శృణ్వద్భిరుపగాయద్భిరుత్తమశ్లోకచేష్టితమ్ ॥ ౨౪ ॥
శృణ్వద్భిరుపగాయద్భిరుత్తమశ్లోకచేష్టితమ్ ॥ ౨౪ ॥
సంవర్ధయన్తి యత్ కామాః స్వారాజ్యపరిభావితాః ।
దుర్లభా నాపి సిద్ధానాం ముకున్దం హృది పశ్యతః ॥ ౨౫ ॥
దుర్లభా నాపి సిద్ధానాం ముకున్దం హృది పశ్యతః ॥ ౨౫ ॥
స ఇత్థం భక్తియోగేన తపోయుక్తేన పార్థివః ।
స్వధర్మేణ హరిం ప్రీణన్ సర్వాన్ కామాన్శనైర్జహౌ ॥ ౨౬ ॥
స్వధర్మేణ హరిం ప్రీణన్ సర్వాన్ కామాన్శనైర్జహౌ ॥ ౨౬ ॥
గృహేషు దారేషు సుతేషు బన్ధుషు
ద్విపోత్తమస్యన్దనవాజివస్తుషు ।
అక్షయ్యరత్నాభరణామ్బరాది-
ష్వనన్తకోశేష్వకరోదసన్మతిమ్ ॥ ౨౭ ॥
ద్విపోత్తమస్యన్దనవాజివస్తుషు ।
అక్షయ్యరత్నాభరణామ్బరాది-
ష్వనన్తకోశేష్వకరోదసన్మతిమ్ ॥ ౨౭ ॥
తస్మా అదాద్ధరిశ్చక్రం ప్రత్యనీకభయావహమ్ ।
ఏకాన్తభక్తిభావేన ప్రీతో భక్తాభిరక్షణమ్ ॥ ౨౮ ॥
ఏకాన్తభక్తిభావేన ప్రీతో భక్తాభిరక్షణమ్ ॥ ౨౮ ॥
ఆరిరాధయిషుః కృష్ణం మహిష్యా తుల్యశీలయా ।
యుక్తః సాంవత్సరం వీరో దధార ద్వాదశీవ్రతమ్ ॥ ౨౯ ॥
యుక్తః సాంవత్సరం వీరో దధార ద్వాదశీవ్రతమ్ ॥ ౨౯ ॥
వ్రతాన్తే కార్తికే మాసి త్రిరాత్రం సముపోషితః ।
స్నాతః కదాచిత్ కాలిన్ద్యాం హరిం మధువనేఽర్చయత్ ॥ ౩౦ ॥
స్నాతః కదాచిత్ కాలిన్ద్యాం హరిం మధువనేఽర్చయత్ ॥ ౩౦ ॥
మహాభిషేకవిధినా సర్వోపస్కరసమ్పదా ।
అభిషిచ్యామ్బరాకల్పైర్గన్ధమాల్యార్హణాదిభిః ॥ ౩౧ ॥
అభిషిచ్యామ్బరాకల్పైర్గన్ధమాల్యార్హణాదిభిః ॥ ౩౧ ॥
తద్గతాన్తరభావేన పూజయామాస కేశవమ్ ।
బ్రాహ్మణాంశ్చ మహాభాగాన్ సిద్ధార్థానపి భక్తితః ॥ ౩౨ ॥
బ్రాహ్మణాంశ్చ మహాభాగాన్ సిద్ధార్థానపి భక్తితః ॥ ౩౨ ॥
గవాం రుక్మవిషాణీనాం రూప్యాఙ్ఘ్రీణాం సువాససామ్ ।
పయఃశీలవయోరూపవత్సోపస్కరసమ్పదామ్ ॥ ౩౩ ॥
పయఃశీలవయోరూపవత్సోపస్కరసమ్పదామ్ ॥ ౩౩ ॥
ప్రాహిణోత్ సాధువిప్రేభ్యో గృహేషు న్యర్బుదాని షట్ ।
భోజయిత్వా ద్విజానగ్రే స్వాద్వన్నం గుణవత్తమమ్ ॥ ౩౪ ॥
భోజయిత్వా ద్విజానగ్రే స్వాద్వన్నం గుణవత్తమమ్ ॥ ౩౪ ॥
లబ్ధకామైరనుజ్ఞాతః పారణాయోపచక్రమే ।
తస్య తర్హ్యతిథిః సాక్షాద్ దుర్వాస భగవానభూత్ ॥ ౩౫ ॥
తస్య తర్హ్యతిథిః సాక్షాద్ దుర్వాస భగవానభూత్ ॥ ౩౫ ॥
తమానర్చాతిథిం భూపః ప్రత్యుత్థానాసనార్హణైః ।
యయాచేఽభ్యవహారాయ పాదమూలముపాగతః ॥ ౩౬ ॥
యయాచేఽభ్యవహారాయ పాదమూలముపాగతః ॥ ౩౬ ॥
ప్రతినన్ద్య స తాం యాఞ్చాం కర్తుమావశ్యకం గతః ।
నిమమజ్జ బృహద్ ధ్యాయన్ కాలిన్దీసలిలే శుభే ॥ ౩౭ ॥
నిమమజ్జ బృహద్ ధ్యాయన్ కాలిన్దీసలిలే శుభే ॥ ౩౭ ॥
ముహూర్తార్ధావశిష్టాయాం ద్వాదశ్యాం పారణం ప్రతి ।
చిన్తయామాస ధర్మజ్ఞో ద్విజైస్తద్ధర్మసఙ్కటే ॥ ౩౮ ॥
చిన్తయామాస ధర్మజ్ఞో ద్విజైస్తద్ధర్మసఙ్కటే ॥ ౩౮ ॥
బ్రాహ్మణాతిక్రమే దోషో ద్వాదశ్యాం యదపారణే ।
యత్ కృత్వా సాధు మే భూయాదధర్మో వా న మాం స్పృశేత్ ॥ ౩౯ ॥
యత్ కృత్వా సాధు మే భూయాదధర్మో వా న మాం స్పృశేత్ ॥ ౩౯ ॥
అమ్భసా కేవలేనాథ కరిష్యే వ్రతపారణమ్ ।
ఆహురబ్భక్షణం విప్రా హ్యశితం నాశితం చ తత్ ॥ ౪౦ ॥
ఆహురబ్భక్షణం విప్రా హ్యశితం నాశితం చ తత్ ॥ ౪౦ ॥
ఇత్యపః ప్రాశ్య రాజర్షిశ్చిన్తయన్ మనసాచ్యుతమ్ ।
ప్రత్యచష్ట కురుశ్రేష్ఠ ద్విజాగమనమేవ సః ॥ ౪౧ ॥
ప్రత్యచష్ట కురుశ్రేష్ఠ ద్విజాగమనమేవ సః ॥ ౪౧ ॥
దుర్వాస యమునాకూలాత్ కృతావశ్యక ఆగతః ।
రాజ్ఞాభినన్దితస్తస్య బుబుధే చేష్టితం ధియా ॥ ౪౨ ॥
రాజ్ఞాభినన్దితస్తస్య బుబుధే చేష్టితం ధియా ॥ ౪౨ ॥
మన్యునా ప్రచలద్గాత్రో భ్రుకుటీకుటిలాననః ।
బుభుక్షితశ్చ సుతరాం కృతాఞ్జలిమభాషత ॥ ౪౩ ॥
బుభుక్షితశ్చ సుతరాం కృతాఞ్జలిమభాషత ॥ ౪౩ ॥
అహో అస్య నృశంసస్య శ్రియోన్మత్తస్య పశ్యత ।
ధర్మవ్యతిక్రమం విష్ణోరభక్తస్యేశమానినః ॥ ౪౪ ॥
ధర్మవ్యతిక్రమం విష్ణోరభక్తస్యేశమానినః ॥ ౪౪ ॥
యో మామతిథిమాయాతమాతిథ్యేన నిమన్త్ర్య చ ।
అదత్త్వా భుక్తవాంస్తస్య సద్యస్తే దర్శయే ఫలమ్ ॥ ౪౫ ॥
అదత్త్వా భుక్తవాంస్తస్య సద్యస్తే దర్శయే ఫలమ్ ॥ ౪౫ ॥
ఏవం బ్రువాణ ఉత్కృత్య జటాం రోషప్రదీపితః ।
తయా స నిర్మమే తస్మై కృత్యాం కాలానలోపమామ్ ॥ ౪౬ ॥
తయా స నిర్మమే తస్మై కృత్యాం కాలానలోపమామ్ ॥ ౪౬ ॥
తామాపతన్తీం జ్వలతీమసిహస్తాం పదా భువమ్ ।
వేపయన్తీం సముద్వీక్ష్య న చచాల పదాన్నృపః ॥ ౪౭ ॥
వేపయన్తీం సముద్వీక్ష్య న చచాల పదాన్నృపః ॥ ౪౭ ॥
ప్రాగ్దిష్టం భృత్యరక్షాయాం పురుషేణ మహాత్మనా ।
దదాహ కృత్యాం తాం చక్రం క్రుద్ధాహిమివ పావకః ॥ ౪౮ ॥
దదాహ కృత్యాం తాం చక్రం క్రుద్ధాహిమివ పావకః ॥ ౪౮ ॥
తదభిద్రవదుద్వీక్ష్య స్వప్రయాసం చ నిష్ఫలమ్ ।
దుర్వాస దుద్రువే భీతో దిక్షు ప్రాణపరీప్సయా ॥ ౪౯ ॥
దుర్వాస దుద్రువే భీతో దిక్షు ప్రాణపరీప్సయా ॥ ౪౯ ॥
తమన్వధావద్ భగవద్రథాఙ్గం
దావాగ్నిరుద్ధూతశిఖో యథాహిమ్ ।
తథానుషక్తం మునిరీక్షమాణో
గుహాం వివిక్షుః ప్రససార మేరోః ॥ ౫౦ ॥
దావాగ్నిరుద్ధూతశిఖో యథాహిమ్ ।
తథానుషక్తం మునిరీక్షమాణో
గుహాం వివిక్షుః ప్రససార మేరోః ॥ ౫౦ ॥
దిశో నభః క్ష్మాం వివరాన్సముద్రాన్
లోకాన్ సపాలాంస్త్రిదివం గతః సః ।
యతో యతో ధావతి తత్ర తత్ర
సుదర్శనం దుష్ప్రసహం దదర్శ ॥ ౫౧ ॥
లోకాన్ సపాలాంస్త్రిదివం గతః సః ।
యతో యతో ధావతి తత్ర తత్ర
సుదర్శనం దుష్ప్రసహం దదర్శ ॥ ౫౧ ॥
అలబ్ధనాథః స సదా కుతశ్చిత్
సన్త్రస్తచిత్తోఽరణమేషమాణః ।
దేవం విరిఞ్చం సమగాద్విధాత-
స్త్రాహ్యాత్మయోనేఽజితతేజసో మామ్ ॥ ౫౨ ॥
సన్త్రస్తచిత్తోఽరణమేషమాణః ।
దేవం విరిఞ్చం సమగాద్విధాత-
స్త్రాహ్యాత్మయోనేఽజితతేజసో మామ్ ॥ ౫౨ ॥
శ్రీబ్రహ్మోవాచ
స్థానం మదీయం సహవిశ్వమేతత్
క్రీడావసానే ద్విపరార్ధసంజ్ఞే ।
భ్రూభఙ్గమాత్రేణ హి సన్దిధక్షోః
కాలాత్మనో యస్య తిరోభవిష్యతి ॥ ౫౩ ॥
స్థానం మదీయం సహవిశ్వమేతత్
క్రీడావసానే ద్విపరార్ధసంజ్ఞే ।
భ్రూభఙ్గమాత్రేణ హి సన్దిధక్షోః
కాలాత్మనో యస్య తిరోభవిష్యతి ॥ ౫౩ ॥
అహం భవో దక్షభృగుప్రధానాః
ప్రజేశభూతేశసురేశముఖ్యాః ।
సర్వే వయం యన్నియమం ప్రపన్నా
మూర్ధ్న్యార్పితం లోకహితం వహామః ॥ ౫౪ ॥
ప్రజేశభూతేశసురేశముఖ్యాః ।
సర్వే వయం యన్నియమం ప్రపన్నా
మూర్ధ్న్యార్పితం లోకహితం వహామః ॥ ౫౪ ॥
ప్రత్యాఖ్యాతో విరిఞ్చేన విష్ణుచక్రోపతాపితః ।
దుర్వాసః శరణం యాతః శర్వం కైలాసవాసినమ్ ॥ ౫౫ ॥
దుర్వాసః శరణం యాతః శర్వం కైలాసవాసినమ్ ॥ ౫౫ ॥
శ్రీశఙ్కర ఉవాచ
వయం న తాత ప్రభవామ భూమ్ని
యస్మిన్ పరేఽన్యేఽప్యజజీవకోశాః ।
భవన్తి కాలే న భవన్తి హీదృశాః
సహస్రశో యత్ర వయం భ్రమామః ॥ ౫౬ ॥
వయం న తాత ప్రభవామ భూమ్ని
యస్మిన్ పరేఽన్యేఽప్యజజీవకోశాః ।
భవన్తి కాలే న భవన్తి హీదృశాః
సహస్రశో యత్ర వయం భ్రమామః ॥ ౫౬ ॥
అహం సనత్కుమారశ్చ నారదో భగవానజః ।
కపిలోఽపాన్తరతమో దేవలో ధర్మ ఆసురిః ॥ ౫౭ ॥
కపిలోఽపాన్తరతమో దేవలో ధర్మ ఆసురిః ॥ ౫౭ ॥
మరీచిప్రముఖాశ్చాన్యే సిద్ధేశాః పారదర్శనాః ।
విదామ న వయం సర్వే యన్మాయాం మాయయావృతాః ॥ ౫౮ ॥
విదామ న వయం సర్వే యన్మాయాం మాయయావృతాః ॥ ౫౮ ॥
తస్య విశ్వేశ్వరస్యేదం శస్త్రం దుర్విషహం హి నః ।
తమేవం శరణం యాహి హరిస్తే శం విధాస్యతి ॥ ౫౯ ॥
తమేవం శరణం యాహి హరిస్తే శం విధాస్యతి ॥ ౫౯ ॥
తతో నిరాశో దుర్వాసః పదం భగవతో యయౌ ।
వైకుణ్ఠాఖ్యం యదధ్యాస్తే శ్రీనివాసః శ్రియా సహ ॥ ౬౦ ॥
వైకుణ్ఠాఖ్యం యదధ్యాస్తే శ్రీనివాసః శ్రియా సహ ॥ ౬౦ ॥
సన్దహ్యమానోఽజితశస్త్రవహ్నినా
తత్పాదమూలే పతితః సవేపథుః ।
ఆహాచ్యుతానన్త సదీప్సిత ప్రభో
కృతాగసం మావ హి విశ్వభావన ॥ ౬౧ ॥
తత్పాదమూలే పతితః సవేపథుః ।
ఆహాచ్యుతానన్త సదీప్సిత ప్రభో
కృతాగసం మావ హి విశ్వభావన ॥ ౬౧ ॥
అజానతా తే పరమానుభావం
కృతం మయాఘం భవతః ప్రియాణామ్ ।
విధేహి తస్యాపచితిం విధాత-
ర్ముచ్యేత యన్నామ్న్యుదితే నారకోఽపి ॥ ౬౨ ॥
కృతం మయాఘం భవతః ప్రియాణామ్ ।
విధేహి తస్యాపచితిం విధాత-
ర్ముచ్యేత యన్నామ్న్యుదితే నారకోఽపి ॥ ౬౨ ॥
శ్రీభగవానువాచ
అహం భక్తపరాధీనో హ్యస్వతన్త్ర ఇవ ద్విజ ।
సాధుభిర్గ్రస్తహృదయో భక్తైర్భక్తజనప్రియః ॥ ౬౩ ॥
అహం భక్తపరాధీనో హ్యస్వతన్త్ర ఇవ ద్విజ ।
సాధుభిర్గ్రస్తహృదయో భక్తైర్భక్తజనప్రియః ॥ ౬౩ ॥
నాహమాత్మానమాశాసే మద్భక్తైః సాధుభిర్వినా ।
శ్రియం చాత్యన్తికీం బ్రహ్మన్ యేషాం గతిరహం పరా ॥ ౬౪ ॥
శ్రియం చాత్యన్తికీం బ్రహ్మన్ యేషాం గతిరహం పరా ॥ ౬౪ ॥
యే దారాగారపుత్రాప్తప్రాణాన్ విత్తమిమం పరమ్ ।
హిత్వా మాం శరణం యాతాః కథం తాంస్త్యక్తుముత్సహే ॥ ౬౫ ॥
హిత్వా మాం శరణం యాతాః కథం తాంస్త్యక్తుముత్సహే ॥ ౬౫ ॥
మయి నిర్బద్ధహృదయాః సాధవః సమదర్శనాః ।
వశీకుర్వన్తి మాం భక్త్యా సత్స్త్రియః సత్పతిం యథా ॥ ౬౬ ॥
వశీకుర్వన్తి మాం భక్త్యా సత్స్త్రియః సత్పతిం యథా ॥ ౬౬ ॥
మత్సేవయా ప్రతీతం తే సాలోక్యాదిచతుష్టయమ్ ।
నేచ్ఛన్తి సేవయా పూర్ణాః కుతోఽన్యత్ కాలవిప్లుతమ్ ॥ ౬౭ ॥
నేచ్ఛన్తి సేవయా పూర్ణాః కుతోఽన్యత్ కాలవిప్లుతమ్ ॥ ౬౭ ॥
సాధవో హృదయం మహ్యం సాధూనాం హృదయం త్వహమ్ ।
మదన్యత్ తే న జానన్తి నాహం తేభ్యో మనాగపి ॥ ౬౮ ॥
మదన్యత్ తే న జానన్తి నాహం తేభ్యో మనాగపి ॥ ౬౮ ॥
ఉపాయం కథయిష్యామి తవ విప్ర శృణుష్వ తత్ ।
అయం హ్యాత్మాభిచారస్తే యతస్తం యాహి మా చిరమ్ ।
సాధుషు ప్రహితం తేజః ప్రహర్తుః కురుతేఽశివమ్ ॥ ౬౯ ॥
అయం హ్యాత్మాభిచారస్తే యతస్తం యాహి మా చిరమ్ ।
సాధుషు ప్రహితం తేజః ప్రహర్తుః కురుతేఽశివమ్ ॥ ౬౯ ॥
తపో విద్యా చ విప్రాణాం నిఃశ్రేయసకరే ఉభే ।
తే ఏవ దుర్వినీతస్య కల్పేతే కర్తురన్యథా ॥ ౭౦ ॥
తే ఏవ దుర్వినీతస్య కల్పేతే కర్తురన్యథా ॥ ౭౦ ॥
బ్రహ్మంస్తద్ గచ్ఛ భద్రం తే నాభాగతనయం నృపమ్ ।
క్షమాపయ మహాభాగం తతః శాన్తిర్భవిష్యతి ॥ ౭౧ ॥
క్షమాపయ మహాభాగం తతః శాన్తిర్భవిష్యతి ॥ ౭౧ ॥