ସୂର୍ଯ ସହସ୍ର ନାମ ସ୍ତୋତ୍ରମ୍

ଅସ୍ଯ ଶ୍ରୀ ସୂର୍ଯ ସହସ୍ରନାମ ସ୍ତୋତ୍ରସ୍ଯ ଵେଦଵ୍ଯାସ ଋଷିଃ ଅନୁଷ୍ଟୁପ୍ଛନ୍ଦଃ ସଵିତା ଦେଵତା ସର୍ଵାଭୀଷ୍ଟ ସିଦ୍ଧ୍ଯର୍ଥେ ଜପେ ଵିନିଯୋଗଃ ।
ଧ୍ଯାନମ୍ ।
ଧ୍ଯେଯଃ ସଦା ସଵିତୃମଣ୍ଡଲମଧ୍ଯଵର୍ତୀ
ନାରାଯଣଃ ସରସିଜାସନସନ୍ନିଵିଷ୍ଟଃ ।
କେଯୂରଵାନ୍ ମକରକୁଣ୍ଡଲଵାନ୍ କିରୀଟୀ
ହାରୀ ହିରଣ୍ମଯଵପୁର୍ଧୃତଶଙ୍ଖଚକ୍ରଃ ॥
ସ୍ତୋତ୍ରମ୍ ।
ଓଁ ଵିଶ୍ଵଵିଦ୍ଵିଶ୍ଵଜିତ୍କର୍ତା ଵିଶ୍ଵାତ୍ମା ଵିଶ୍ଵତୋମୁଖଃ ।
ଵିଶ୍ଵେଶ୍ଵରୋ ଵିଶ୍ଵଯୋନିର୍ନିଯତାତ୍ମା ଜିତେନ୍ଦ୍ରିଯଃ ॥ 1 ॥

କାଲାଶ୍ରଯଃ କାଲକର୍ତା କାଲହା କାଲନାଶନଃ ।
ମହାଯୋଗୀ ମହାସିଦ୍ଧିର୍ମହାତ୍ମା ସୁମହାବଲଃ ॥ 2 ॥

ପ୍ରଭୁର୍ଵିଭୁର୍ଭୂତନାଥୋ ଭୂତାତ୍ମା ଭୁଵନେଶ୍ଵରଃ ।
ଭୂତଭଵ୍ଯୋ ଭାଵିତାତ୍ମା ଭୂତାନ୍ତଃକରଣଂ ଶିଵଃ ॥ 3 ॥

ଶରଣ୍ଯଃ କମଲାନନ୍ଦୋ ନନ୍ଦନୋ ନନ୍ଦଵର୍ଧନଃ ।
ଵରେଣ୍ଯୋ ଵରଦୋ ଯୋଗୀ ସୁସଂଯୁକ୍ତଃ ପ୍ରକାଶକଃ ॥ 4 ॥

ପ୍ରାପ୍ତଯାନଃ ପରପ୍ରାଣଃ ପୂତାତ୍ମା ପ୍ରିଯତଃ ପ୍ରିଯଃ । [ପ୍ରଯତଃ]
ନଯଃ ସହସ୍ରପାତ୍ ସାଧୁର୍ଦିଵ୍ଯକୁଣ୍ଡଲମଣ୍ଡିତଃ ॥ 5 ॥

ଅଵ୍ଯଙ୍ଗଧାରୀ ଧୀରାତ୍ମା ସଵିତା ଵାଯୁଵାହନଃ ।
ସମାହିତମତିର୍ଦାତା ଵିଧାତା କୃତମଙ୍ଗଲଃ ॥ 6 ॥

କପର୍ଦୀ କଲ୍ପପାଦ୍ରୁଦ୍ରଃ ସୁମନା ଧର୍ମଵତ୍ସଲଃ ।
ସମାଯୁକ୍ତୋ ଵିମୁକ୍ତାତ୍ମା କୃତାତ୍ମା କୃତିନାଂ ଵରଃ ॥ 7 ॥

ଅଵିଚିନ୍ତ୍ଯଵପୁଃ ଶ୍ରେଷ୍ଠୋ ମହାଯୋଗୀ ମହେଶ୍ଵରଃ ।
କାନ୍ତଃ କାମାରିରାଦିତ୍ଯୋ ନିଯତାତ୍ମା ନିରାକୁଲଃ ॥ 8 ॥

କାମଃ କାରୁଣିକଃ କର୍ତା କମଲାକରବୋଧନଃ ।
ସପ୍ତସପ୍ତିରଚିନ୍ତ୍ଯାତ୍ମା ମହାକାରୁଣିକୋତ୍ତମଃ ॥ 9 ॥

ସଞ୍ଜୀଵନୋ ଜୀଵନାଥୋ ଜଯୋ ଜୀଵୋ ଜଗତ୍ପତିଃ ।
ଅଯୁକ୍ତୋ ଵିଶ୍ଵନିଲଯଃ ସଂଵିଭାଗୀ ଵୃଷଧ୍ଵଜଃ ॥ 10 ॥

ଵୃଷାକପିଃ କଲ୍ପକର୍ତା କଲ୍ପାନ୍ତକରଣୋ ରଵିଃ ।
ଏକଚକ୍ରରଥୋ ମୌନୀ ସୁରଥୋ ରଥିନାଂ ଵରଃ ॥ 11 ॥

ସକ୍ରୋଧନୋ ରଶ୍ମିମାଲୀ ତେଜୋରାଶିର୍ଵିଭାଵସୁଃ ।
ଦିଵ୍ଯକୃଦ୍ଦିନକୃଦ୍ଦେଵୋ ଦେଵଦେଵୋ ଦିଵସ୍ପତିଃ ॥ 12 ॥

ଦୀନନାଥୋ ହରୋ ହୋତା ଦିଵ୍ଯବାହୁର୍ଦିଵାକରଃ ।
ଯଜ୍ଞୋ ଯଜ୍ଞପତିଃ ପୂଷା ସ୍ଵର୍ଣରେତାଃ ପରାଵରଃ ॥ 13 ॥

ପରାପରଜ୍ଞସ୍ତରଣିରଂଶୁମାଲୀ ମନୋହରଃ ।
ପ୍ରାଜ୍ଞଃ ପ୍ରାଜ୍ଞପତିଃ ସୂର୍ଯଃ ସଵିତା ଵିଷ୍ଣୁରଂଶୁମାନ୍ ॥ 14 ॥

ସଦାଗତିର୍ଗନ୍ଧଵହୋ ଵିହିତୋ ଵିଧିରାଶୁଗଃ ।
ପତଙ୍ଗଃ ପତଗଃ ସ୍ଥାଣୁର୍ଵିହଙ୍ଗୋ ଵିହଗୋ ଵରଃ ॥ 15 ॥

ହର୍ଯଶ୍ଵୋ ହରିତାଶ୍ଵଶ୍ଚ ହରିଦଶ୍ଵୋ ଜଗତ୍ପ୍ରିଯଃ ।
ତ୍ର୍ଯମ୍ବକଃ ସର୍ଵଦମନୋ ଭାଵିତାତ୍ମା ଭିଷଗ୍ଵରଃ ॥ 16 ॥

ଆଲୋକକୃଲ୍ଲୋକନାଥୋ ଲୋକାଲୋକନମସ୍କୃତଃ ।
କାଲଃ କଲ୍ପାନ୍ତକୋ ଵହ୍ନିସ୍ତପନଃ ସମ୍ପ୍ରତାପନଃ ॥ 17 ॥

ଵିଲୋଚନୋ ଵିରୂପାକ୍ଷଃ ସହସ୍ରାକ୍ଷଃ ପୁରନ୍ଦରଃ ।
ସହସ୍ରରଶ୍ମିର୍ମିହିରୋ ଵିଵିଧାମ୍ବରଭୂଷଣଃ ॥ 18 ॥

ଖଗଃ ପ୍ରତର୍ଦନୋ ଧନ୍ଯୋ ହଯଗୋ ଵାଗ୍ଵିଶାରଦଃ ।
ଶ୍ରୀମାନଶିଶିରୋ ଵାଗ୍ମୀ ଶ୍ରୀପତିଃ ଶ୍ରୀନିକେତନଃ ॥ 19 ॥

ଶ୍ରୀକଣ୍ଠଃ ଶ୍ରୀଧରଃ ଶ୍ରୀମାନ୍ ଶ୍ରୀନିଵାସୋ ଵସୁପ୍ରଦଃ ।
କାମଚାରୀ ମହାମାଯୋ ମହୋଗ୍ରୋଽଵିଦିତାମଯଃ ॥ 20 ॥

ତୀର୍ଥକ୍ରିଯାଵାନ୍ ସୁନଯୋ ଵିଭକ୍ତୋ ଭକ୍ତଵତ୍ସଲଃ ।
କୀର୍ତିଃ କୀର୍ତିକରୋ ନିତ୍ଯଃ କୁଣ୍ଡଲୀ କଵଚୀ ରଥୀ ॥ 21 ॥

ହିରଣ୍ଯରେତାଃ ସପ୍ତାଶ୍ଵଃ ପ୍ରଯତାତ୍ମା ପରନ୍ତପଃ ।
ବୁଦ୍ଧିମାନମରଶ୍ରେଷ୍ଠୋ ରୋଚିଷ୍ଣୁଃ ପାକଶାସନଃ ॥ 22 ॥

ସମୁଦ୍ରୋ ଧନଦୋ ଧାତା ମାନ୍ଧାତା କଶ୍ମଲାପହଃ ।
ତମୋଘ୍ନୋ ଧ୍ଵାନ୍ତହା ଵହ୍ନିର୍ହୋତାଽନ୍ତଃକରଣୋ ଗୁହଃ ॥ 23 ॥

ପଶୁମାନ୍ ପ୍ରଯତାନନ୍ଦୋ ଭୂତେଶଃ ଶ୍ରୀମତାଂ ଵରଃ ।
ନିତ୍ଯୋଽଦିତୋ ନିତ୍ଯରଥଃ ସୁରେଶଃ ସୁରପୂଜିତଃ ॥ 24 ॥

ଅଜିତୋ ଵିଜିତୋ ଜେତା ଜଙ୍ଗମସ୍ଥାଵରାତ୍ମକଃ ।
ଜୀଵାନନ୍ଦୋ ନିତ୍ଯଗାମୀ ଵିଜେତା ଵିଜଯପ୍ରଦଃ ॥ 25 ॥

ପର୍ଜନ୍ଯୋଽଗ୍ନିଃ ସ୍ଥିତିଃ ସ୍ଥେଯଃ ସ୍ଥଵିରୋଽଥ ନିରଞ୍ଜନଃ ।
ପ୍ରଦ୍ଯୋତନୋ ରଥାରୂଢଃ ସର୍ଵଲୋକପ୍ରକାଶକଃ ॥ 26 ॥

ଧ୍ରୁଵୋ ମେଷୀ ମହାଵୀର୍ଯୋ ହଂସଃ ସଂସାରତାରକଃ ।
ସୃଷ୍ଟିକର୍ତା କ୍ରିଯାହେତୁର୍ମାର୍ତଣ୍ଡୋ ମରୁତାଂ ପତିଃ ॥ 27 ॥

ମରୁତ୍ଵାନ୍ ଦହନସ୍ତ୍ଵଷ୍ଟା ଭଗୋ ଭର୍ଗୋଽର୍ଯମା କପିଃ ।
ଵରୁଣେଶୋ ଜଗନ୍ନାଥଃ କୃତକୃତ୍ଯଃ ସୁଲୋଚନଃ ॥ 28 ॥

ଵିଵସ୍ଵାନ୍ ଭାନୁମାନ୍ କାର୍ଯଃ କାରଣସ୍ତେଜସାଂ ନିଧିଃ ।
ଅସଙ୍ଗଗାମୀ ତିଗ୍ମାଂଶୁର୍ଧର୍ମାଂଶୁର୍ଦୀପ୍ତଦୀଧିତିଃ ॥ 29 ॥

ସହସ୍ରଦୀଧିତିର୍ବ୍ରଧ୍ନଃ ସହସ୍ରାଂଶୁର୍ଦିଵାକରଃ ।
ଗଭସ୍ତିମାନ୍ ଦୀଧିତିମାନ୍ ସ୍ରଗ୍ଵୀ ମଣିକୁଲଦ୍ଯୁତିଃ ॥ 30 ॥

ଭାସ୍କରଃ ସୁରକାର୍ଯଜ୍ଞଃ ସର୍ଵଜ୍ଞସ୍ତୀକ୍ଷ୍ଣଦୀଧିତିଃ ।
ସୁରଜ୍ଯେଷ୍ଠଃ ସୁରପତିର୍ବହୁଜ୍ଞୋ ଵଚସାଂ ପତିଃ ॥ 31 ॥

ତେଜୋନିଧିର୍ବୃହତ୍ତେଜା ବୃହତ୍କୀର୍ତିର୍ବୃହସ୍ପତିଃ ।
ଅହିମାନୂର୍ଜିତୋ ଧୀମାନାମୁକ୍ତଃ କୀର୍ତିଵର୍ଧନଃ ॥ 32 ॥

ମହାଵୈଦ୍ଯୋ ଗଣପତିର୍ଧନେଶୋ ଗଣନାଯକଃ ।
ତୀଵ୍ରପ୍ରତାପନସ୍ତାପୀ ତାପନୋ ଵିଶ୍ଵତାପନଃ ॥ 33 ॥

କାର୍ତସ୍ଵରୋ ହୃଷୀକେଶଃ ପଦ୍ମାନନ୍ଦୋଽତିନନ୍ଦିତଃ ।
ପଦ୍ମନାଭୋଽମୃତାହାରଃ ସ୍ଥିତିମାନ୍ କେତୁମାନ୍ ନଭଃ ॥ 34 ॥

ଅନାଦ୍ଯନ୍ତୋଽଚ୍ଯୁତୋ ଵିଶ୍ଵୋ ଵିଶ୍ଵାମିତ୍ରୋ ଘୃଣିର୍ଵିରାଟ୍ ।
ଆମୁକ୍ତକଵଚୋ ଵାଗ୍ମୀ କଞ୍ଚୁକୀ ଵିଶ୍ଵଭାଵନଃ ॥ 35 ॥

ଅନିମିତ୍ତଗତିଃ ଶ୍ରେଷ୍ଠଃ ଶରଣ୍ଯଃ ସର୍ଵତୋମୁଖଃ ।
ଵିଗାହୀ ଵେଣୁରସହଃ ସମାଯୁକ୍ତଃ ସମାକ୍ରତୁଃ ॥ 36 ॥

ଧର୍ମକେତୁର୍ଧର୍ମରତିଃ ସଂହର୍ତା ସଂଯମୋ ଯମଃ ।
ପ୍ରଣତାର୍ତିହରୋ ଵାଯୁଃ ସିଦ୍ଧକାର୍ଯୋ ଜନେଶ୍ଵରଃ ॥ 37 ॥

ନଭୋ ଵିଗାହନଃ ସତ୍ଯଃ ସଵିତାତ୍ମା ମନୋହରଃ ।
ହାରୀ ହରିର୍ହରୋ ଵାଯୁରୃତୁଃ କାଲାନଲଦ୍ଯୁତିଃ ॥ 38 ॥

ସୁଖସେଵ୍ଯୋ ମହାତେଜା ଜଗତାମେକକାରଣମ୍ ।
ମହେନ୍ଦ୍ରୋ ଵିଷ୍ଟୁତଃ ସ୍ତୋତ୍ରଂ ସ୍ତୁତିହେତୁଃ ପ୍ରଭାକରଃ ॥ 39 ॥

ସହସ୍ରକର ଆଯୁଷ୍ମାନ୍ ଅରୋଷଃ ସୁଖଦଃ ସୁଖୀ ।
ଵ୍ଯାଧିହା ସୁଖଦଃ ସୌଖ୍ଯଂ କଲ୍ଯାଣଃ କଲତାଂ ଵରଃ ॥ 40 ॥

ଆରୋଗ୍ଯକାରଣଂ ସିଦ୍ଧିରୃଦ୍ଧିର୍ଵୃଦ୍ଧିର୍ବୃହସ୍ପତିଃ ।
ହିରଣ୍ଯରେତା ଆରୋଗ୍ଯଂ ଵିଦ୍ଵାନ୍ ବ୍ରଧ୍ନୋ ବୁଧୋ ମହାନ୍ ॥ 41 ॥

ପ୍ରାଣଵାନ୍ ଧୃତିମାନ୍ ଘର୍ମୋ ଘର୍ମକର୍ତା ରୁଚିପ୍ରଦଃ ।
ସର୍ଵପ୍ରିଯଃ ସର୍ଵସହଃ ସର୍ଵଶତ୍ରୁଵିନାଶନଃ ॥ 42 ॥

ପ୍ରାଂଶୁର୍ଵିଦ୍ଯୋତନୋ ଦ୍ଯୋତଃ ସହସ୍ରକିରଣଃ କୃତୀ ।
କେଯୂରୀ ଭୂଷଣୋଦ୍ଭାସୀ ଭାସିତୋ ଭାସନୋଽନଲଃ ॥ 43 ॥

ଶରଣ୍ଯାର୍ତିହରୋ ହୋତା ଖଦ୍ଯୋତଃ ଖଗସତ୍ତମଃ ।
ସର୍ଵଦ୍ଯୋତୋ ଭଵଦ୍ଯୋତଃ ସର୍ଵଦ୍ଯୁତିକରୋ ମତଃ ॥ 44 ॥

କଲ୍ଯାଣଃ କଲ୍ଯାଣକରଃ କଲ୍ଯଃ କଲ୍ଯକରଃ କଵିଃ ।
କଲ୍ଯାଣକୃତ୍ କଲ୍ଯଵପୁଃ ସର୍ଵକଲ୍ଯାଣଭାଜନମ୍ ॥ 45 ॥

ଶାନ୍ତିପ୍ରିଯଃ ପ୍ରସନ୍ନାତ୍ମା ପ୍ରଶାନ୍ତଃ ପ୍ରଶମପ୍ରିଯଃ ।
ଉଦାରକର୍ମା ସୁନଯଃ ସୁଵର୍ଚା ଵର୍ଚସୋଜ୍ଜ୍ଵଲଃ ॥ 46 ॥

ଵର୍ଚସ୍ଵୀ ଵର୍ଚସାମୀଶସ୍ତ୍ରୈଲୋକ୍ଯେଶୋ ଵଶାନୁଗଃ ।
ତେଜସ୍ଵୀ ସୁଯଶା ଵର୍ଷ୍ମୀ ଵର୍ଣାଧ୍ଯକ୍ଷୋ ବଲିପ୍ରିଯଃ ॥ 47 ॥

ଯଶସ୍ଵୀ ତେଜୋନିଲଯସ୍ତେଜସ୍ଵୀ ପ୍ରକୃତିସ୍ଥିତଃ ।
ଆକାଶଗଃ ଶୀଘ୍ରଗତିରାଶୁଗୋ ଗତିମାନ୍ ଖଗଃ ॥ 48 ॥

ଗୋପତିର୍ଗ୍ରହଦେଵେଶୋ ଗୋମାନେକଃ ପ୍ରଭଞ୍ଜନଃ ।
ଜନିତା ପ୍ରଜନୋ ଜୀଵୋ ଦୀପଃ ସର୍ଵପ୍ରକାଶକଃ ॥ 49 ॥

ସର୍ଵସାକ୍ଷୀ ଯୋଗନିତ୍ଯୋ ନଭସ୍ଵାନସୁରାନ୍ତକଃ ।
ରକ୍ଷୋଘ୍ନୋ ଵିଘ୍ନଶମନଃ କିରୀଟୀ ସୁମନଃପ୍ରିଯଃ ॥ 50 ॥

ମରୀଚିମାଲୀ ସୁମତିଃ କୃତାଭିଖ୍ଯଵିଶେଷକଃ ।
ଶିଷ୍ଟାଚାରଃ ଶୁଭାଚାରଃ ସ୍ଵଚାରାଚାରତତ୍ପରଃ ॥ 51 ॥

ମନ୍ଦାରୋ ମାଠରୋ ଵେଣୁଃ କ୍ଷୁଧାପଃ କ୍ଷ୍ମାପତିର୍ଗୁରୁଃ ।
ସୁଵିଶିଷ୍ଟୋ ଵିଶିଷ୍ଟାତ୍ମା ଵିଧେଯୋ ଜ୍ଞାନଶୋଭନଃ ॥ 52 ॥

ମହାଶ୍ଵେତଃ ପ୍ରିଯୋ ଜ୍ଞେଯଃ ସାମଗୋ ମୋକ୍ଷଦାଯକଃ ।
ସର୍ଵଵେଦପ୍ରଗୀତାତ୍ମା ସର୍ଵଵେଦଲଯୋ ମହାନ୍ ॥ 53 ॥

ଵେଦମୂର୍ତିଶ୍ଚତୁର୍ଵେଦୋ ଵେଦଭୃଦ୍ଵେଦପାରଗଃ ।
କ୍ରିଯାଵାନସିତୋ ଜିଷ୍ଣୁର୍ଵରୀଯାଂଶୁର୍ଵରପ୍ରଦଃ ॥ 54 ॥

ଵ୍ରତଚାରୀ ଵ୍ରତଧରୋ ଲୋକବନ୍ଧୁରଲଙ୍କୃତଃ ।
ଅଲଙ୍କାରାକ୍ଷରୋ ଵେଦ୍ଯୋ ଵିଦ୍ଯାଵାନ୍ ଵିଦିତାଶଯଃ ॥ 55 ॥

ଆକାରୋ ଭୂଷଣୋ ଭୂଷ୍ଯୋ ଭୂଷ୍ଣୁର୍ଭୁଵନପୂଜିତଃ ।
ଚକ୍ରପାଣିର୍ଧ୍ଵଜଧରଃ ସୁରେଶୋ ଲୋକଵତ୍ସଲଃ ॥ 56 ॥

ଵାଗ୍ମିପତିର୍ମହାବାହୁଃ ପ୍ରକୃତିର୍ଵିକୃତିର୍ଗୁଣଃ ।
ଅନ୍ଧକାରାପହଃ ଶ୍ରେଷ୍ଠୋ ଯୁଗାଵର୍ତୋ ଯୁଗାଦିକୃତ୍ ॥ 57 ॥

ଅପ୍ରମେଯଃ ସଦାଯୋଗୀ ନିରହଙ୍କାର ଈଶ୍ଵରଃ ।
ଶୁଭପ୍ରଦଃ ଶୁଭଃ ଶାସ୍ତା ଶୁଭକର୍ମା ଶୁଭପ୍ରଦଃ ॥ 58 ॥

ସତ୍ଯଵାନ୍ ଶ୍ରୁତିମାନୁଚ୍ଚୈର୍ନକାରୋ ଵୃଦ୍ଧିଦୋଽନଲଃ ।
ବଲଭୃଦ୍ବଲଦୋ ବନ୍ଧୁର୍ମତିମାନ୍ ବଲିନାଂ ଵରଃ ॥ 59 ॥

ଅନଙ୍ଗୋ ନାଗରାଜେନ୍ଦ୍ରଃ ପଦ୍ମଯୋନିର୍ଗଣେଶ୍ଵରଃ ।
ସଂଵତ୍ସର ଋତୁର୍ନେତା କାଲଚକ୍ରପ୍ରଵର୍ତକଃ ॥ 60 ॥

ପଦ୍ମେକ୍ଷଣଃ ପଦ୍ମଯୋନିଃ ପ୍ରଭାଵାନମରଃ ପ୍ରଭୁଃ ।
ସୁମୂର୍ତିଃ ସୁମତିଃ ସୋମୋ ଗୋଵିନ୍ଦୋ ଜଗଦାଦିଜଃ ॥ 61 ॥

ପୀତଵାସାଃ କୃଷ୍ଣଵାସା ଦିଗ୍ଵାସାସ୍ତ୍ଵିନ୍ଦ୍ରିଯାତିଗଃ ।
ଅତୀନ୍ଦ୍ରିଯୋଽନେକରୂପଃ ସ୍କନ୍ଦଃ ପରପୁରଞ୍ଜଯଃ ॥ 62 ॥

ଶକ୍ତିମାନ୍ ଜଲଧୃଗ୍ଭାସ୍ଵାନ୍ ମୋକ୍ଷହେତୁରଯୋନିଜଃ ।
ସର୍ଵଦର୍ଶୀ ଜିତାଦର୍ଶୋ ଦୁଃସ୍ଵପ୍ନାଶୁଭନାଶନଃ ॥ 63 ॥

ମାଙ୍ଗଲ୍ଯକର୍ତା ତରଣିର୍ଵେଗଵାନ୍ କଶ୍ମଲାପହଃ ।
ସ୍ପଷ୍ଟାକ୍ଷରୋ ମହାମନ୍ତ୍ରୋ ଵିଶାଖୋ ଯଜନପ୍ରିଯଃ ॥ 64 ॥

ଵିଶ୍ଵକର୍ମା ମହାଶକ୍ତିର୍ଦ୍ଯୁତିରୀଶୋ ଵିହଙ୍ଗମଃ ।
ଵିଚକ୍ଷଣୋ ଦକ୍ଷ ଇନ୍ଦ୍ରଃ ପ୍ରତ୍ଯୂଷଃ ପ୍ରିଯଦର୍ଶନଃ ॥ 65 ॥

ଅଖିନ୍ନୋ ଵେଦନିଲଯୋ ଵେଦଵିଦ୍ଵିଦିତାଶଯଃ ।
ପ୍ରଭାକରୋ ଜିତରିପୁଃ ସୁଜନୋଽରୁଣସାରଥିଃ ॥ 66 ॥

କୁନାଶୀ ସୁରତଃ ସ୍କନ୍ଦୋ ମହିତୋଽଭିମତୋ ଗୁରୁଃ ।
ଗ୍ରହରାଜୋ ଗ୍ରହପତିର୍ଗ୍ରହନକ୍ଷତ୍ରମଣ୍ଡଲଃ ॥ 67 ॥

ଭାସ୍କରଃ ସତତାନନ୍ଦୋ ନନ୍ଦନୋ ନରଵାହନଃ ।
ମଙ୍ଗଲୋଽଥ ମଙ୍ଗଲଵାନ୍ ମାଙ୍ଗଲ୍ଯୋ ମଙ୍ଗଲାଵହଃ ॥ 68 ॥

ମଙ୍ଗଲ୍ଯଚାରୁଚରିତଃ ଶୀର୍ଣଃ ସର୍ଵଵ୍ରତୋ ଵ୍ରତୀ ।
ଚତୁର୍ମୁଖଃ ପଦ୍ମମାଲୀ ପୂତାତ୍ମା ପ୍ରଣତାର୍ତିହା ॥ 69 ॥

ଅକିଞ୍ଚନଃ ସତାମୀଶୋ ନିର୍ଗୁଣୋ ଗୁଣଵାଞ୍ଛୁଚିଃ ।
ସମ୍ପୂର୍ଣଃ ପୁଣ୍ଡରୀକାକ୍ଷୋ ଵିଧେଯୋ ଯୋଗତତ୍ପରଃ ॥ 70 ॥

ସହସ୍ରାଂଶୁଃ କ୍ରତୁମତିଃ ସର୍ଵଜ୍ଞଃ ସୁମତିଃ ସୁଵାକ୍ ।
ସୁଵାହନୋ ମାଲ୍ଯଦାମା କୃତାହାରୋ ହରିପ୍ରିଯଃ ॥ 71 ॥

ବ୍ରହ୍ମା ପ୍ରଚେତାଃ ପ୍ରଥିତଃ ପ୍ରଯତାତ୍ମା ସ୍ଥିରାତ୍ମକଃ ।
ଶତଵିନ୍ଦୁଃ ଶତମୁଖୋ ଗରୀଯାନନଲପ୍ରଭଃ ॥ 72 ॥

ଧୀରୋ ମହତ୍ତରୋ ଵିପ୍ରଃ ପୁରାଣପୁରୁଷୋତ୍ତମଃ ।
ଵିଦ୍ଯାରାଜାଧିରାଜୋ ହି ଵିଦ୍ଯାଵାନ୍ ଭୂତିଦଃ ସ୍ଥିତଃ ॥ 73 ॥

ଅନିର୍ଦେଶ୍ଯଵପୁଃ ଶ୍ରୀମାନ୍ ଵିପାପ୍ମା ବହୁମଙ୍ଗଲଃ ।
ସ୍ଵଃସ୍ଥିତଃ ସୁରଥଃ ସ୍ଵର୍ଣୋ ମୋକ୍ଷଦୋ ବଲିକେତନଃ ॥ 74 ॥

ନିର୍ଦ୍ଵନ୍ଦ୍ଵୋ ଦ୍ଵନ୍ଦ୍ଵହା ସ୍ଵର୍ଗଃ ସର୍ଵଗଃ ସମ୍ପ୍ରକାଶକଃ ।
ଦଯାଲୁଃ ସୂକ୍ଷ୍ମଧୀଃ କ୍ଷାନ୍ତିଃ କ୍ଷେମାକ୍ଷେମସ୍ଥିତିପ୍ରିଯଃ ॥ 75 ॥

ଭୂଧରୋ ଭୂପତିର୍ଵକ୍ତା ପଵିତ୍ରାତ୍ମା ତ୍ରିଲୋଚନଃ ।
ମହାଵରାହଃ ପ୍ରିଯକୃଦ୍ଦାତା ଭୋକ୍ତାଽଭଯପ୍ରଦଃ ॥ 76 ॥

ଚକ୍ରଵର୍ତୀ ଧୃତିକରଃ ସମ୍ପୂର୍ଣୋଽଥ ମହେଶ୍ଵରଃ ।
ଚତୁର୍ଵେଦଧରୋଽଚିନ୍ତ୍ଯୋ ଵିନିନ୍ଦ୍ଯୋ ଵିଵିଧାଶନଃ ॥ 77 ॥

ଵିଚିତ୍ରରଥ ଏକାକୀ ସପ୍ତସପ୍ତିଃ ପରାତ୍ପରଃ ।
ସର୍ଵୋଦଧିସ୍ଥିତିକରଃ ସ୍ଥିତିସ୍ଥେଯଃ ସ୍ଥିତିପ୍ରିଯଃ ॥ 78 ॥

ନିଷ୍କଲଃ ପୁଷ୍କଲୋ ଵିଭୁର୍ଵସୁମାନ୍ ଵାସଵପ୍ରିଯଃ ।
ପଶୁମାନ୍ ଵାସଵସ୍ଵାମୀ ଵସୁଧାମା ଵସୁପ୍ରଦଃ ॥ 79 ॥

ବଲଵାନ୍ ଜ୍ଞାନଵାଂସ୍ତତ୍ତ୍ଵମୋଙ୍କାରସ୍ତ୍ରିଷୁସଂସ୍ଥିତଃ ।
ସଙ୍କଲ୍ପଯୋନିର୍ଦିନକୃଦ୍ଭଗଵାନ୍ କାରଣାପହଃ ॥ 80 ॥

ନୀଲକଣ୍ଠୋ ଧନାଧ୍ଯକ୍ଷଶ୍ଚତୁର୍ଵେଦପ୍ରିଯଂଵଦଃ ।
ଵଷଟ୍କାରୋଦ୍ଗାତା ହୋତା ସ୍ଵାହାକାରୋ ହୁତାହୁତିଃ ॥ 81 ॥

ଜନାର୍ଦନୋ ଜନାନନ୍ଦୋ ନରୋ ନାରାଯଣୋଽମ୍ବୁଦଃ ।
ସନ୍ଦେହନାଶନୋ ଵାଯୁର୍ଧନ୍ଵୀ ସୁରନମସ୍କୃତଃ ॥ 82 ॥

ଵିଗ୍ରହୀ ଵିମଲୋ ଵିନ୍ଦୁର୍ଵିଶୋକୋ ଵିମଲଦ୍ଯୁତିଃ ।
ଦ୍ଯୁତିମାନ୍ ଦ୍ଯୋତନୋ ଵିଦ୍ଯୁଦ୍ଵିଦ୍ଯାଵାନ୍ ଵିଦିତୋ ବଲୀ ॥ 83 ॥

ଘର୍ମଦୋ ହିମଦୋ ହାସଃ କୃଷ୍ଣଵର୍ତ୍ମା ସୁତାଜିତଃ ।
ସାଵିତ୍ରୀଭାଵିତୋ ରାଜା ଵିଶ୍ଵାମିତ୍ରୋ ଘୃଣିର୍ଵିରାଟ୍ ॥ 84 ॥

ସପ୍ତାର୍ଚିଃ ସପ୍ତତୁରଗଃ ସପ୍ତଲୋକନମସ୍କୃତଃ ।
ସମ୍ପୂର୍ଣୋଽଥ ଜଗନ୍ନାଥଃ ସୁମନାଃ ଶୋଭନପ୍ରିଯଃ ॥ 85 ॥

ସର୍ଵାତ୍ମା ସର୍ଵକୃତ୍ ସୃଷ୍ଟିଃ ସପ୍ତିମାନ୍ ସପ୍ତମୀପ୍ରିଯଃ ।
ସୁମେଧା ମେଧିକୋ ମେଧ୍ଯୋ ମେଧାଵୀ ମଧୁସୂଦନଃ ॥ 86 ॥

ଅଙ୍ଗିରଃପତିଃ କାଲଜ୍ଞୋ ଧୂମକେତୁଃ ସୁକେତନଃ ।
ସୁଖୀ ସୁଖପ୍ରଦଃ ସୌଖ୍ଯଃ କାନ୍ତିଃ କାନ୍ତିପ୍ରିଯୋ ମୁନିଃ ॥ 87 ॥

ସନ୍ତାପନଃ ସନ୍ତପନ ଆତପସ୍ତପସାଂ ପତିଃ ।
ଉମାପତିଃ ସହସ୍ରାଂଶୁଃ ପ୍ରିଯକାରୀ ପ୍ରିଯଙ୍କରଃ ॥ 88 ॥

ପ୍ରୀତିର୍ଵିମନ୍ଯୁରମ୍ଭୋତ୍ଥଃ ଖଞ୍ଜନୋ ଜଗତାଂ ପତିଃ ।
ଜଗତ୍ପିତା ପ୍ରୀତମନାଃ ସର୍ଵଃ ଖର୍ଵୋ ଗୁହୋଽଚଲଃ ॥ 89 ॥

ସର୍ଵଗୋ ଜଗଦାନନ୍ଦୋ ଜଗନ୍ନେତା ସୁରାରିହା ।
ଶ୍ରେଯଃ ଶ୍ରେଯସ୍କରୋ ଜ୍ଯାଯାନ୍ ମହାନୁତ୍ତମ ଉଦ୍ଭଵଃ ॥ 90 ॥

ଉତ୍ତମୋ ମେରୁମେଯୋଽଥ ଧରଣୋ ଧରଣୀଧରଃ ।
ଧରାଧ୍ଯକ୍ଷୋ ଧର୍ମରାଜୋ ଧର୍ମାଧର୍ମପ୍ରଵର୍ତକଃ ॥ 91 ॥

ରଥାଧ୍ଯକ୍ଷୋ ରଥଗତିସ୍ତରୁଣସ୍ତନିତୋଽନଲଃ ।
ଉତ୍ତରୋଽନୁତ୍ତରସ୍ତାପୀ ଅଵାକ୍ପତିରପାଂ ପତିଃ ॥ 92 ॥

ପୁଣ୍ଯସଙ୍କୀର୍ତନଃ ପୁଣ୍ଯୋ ହେତୁର୍ଲୋକତ୍ରଯାଶ୍ରଯଃ ।
ସ୍ଵର୍ଭାନୁର୍ଵିଗତାନନ୍ଦୋ ଵିଶିଷ୍ଟୋତ୍କୃଷ୍ଟକର୍ମକୃତ୍ ॥ 93 ॥

ଵ୍ଯାଧିପ୍ରଣାଶନଃ କ୍ଷେମଃ ଶୂରଃ ସର୍ଵଜିତାଂ ଵରଃ ।
ଏକରଥୋ ରଥାଧୀଶଃ ପିତା ଶନୈଶ୍ଚରସ୍ଯ ହି ॥ 94 ॥

ଵୈଵସ୍ଵତଗୁରୁର୍ମୃତ୍ଯୁର୍ଧର୍ମନିତ୍ଯୋ ମହାଵ୍ରତଃ ।
ପ୍ରଲମ୍ବହାରସଞ୍ଚାରୀ ପ୍ରଦ୍ଯୋତୋ ଦ୍ଯୋତିତାନଲଃ ॥ 95 ॥

ସନ୍ତାପହୃତ୍ ପରୋ ମନ୍ତ୍ରୋ ମନ୍ତ୍ରମୂର୍ତିର୍ମହାବଲଃ ।
ଶ୍ରେଷ୍ଠାତ୍ମା ସୁପ୍ରିଯଃ ଶମ୍ଭୁର୍ମରୁତାମୀଶ୍ଵରେଶ୍ଵରଃ ॥ 96 ॥

ସଂସାରଗତିଵିଚ୍ଚେତ୍ତା ସଂସାରାର୍ଣଵତାରକଃ ।
ସପ୍ତଜିହ୍ଵଃ ସହସ୍ରାର୍ଚୀ ରତ୍ନଗର୍ଭୋଽପରାଜିତଃ ॥ 97 ॥

ଧର୍ମକେତୁରମେଯାତ୍ମା ଧର୍ମାଧର୍ମଵରପ୍ରଦଃ ।
ଲୋକସାକ୍ଷୀ ଲୋକଗୁରୁର୍ଲୋକେଶଶ୍ଚଣ୍ଡଵାହନଃ ॥ 98 ॥

ଧର୍ମଯୂପୋ ଯୂପଵୃକ୍ଷୋ ଧନୁଷ୍ପାଣିର୍ଧନୁର୍ଧରଃ ।
ପିନାକଧୃଙ୍ମହୋତ୍ସାହୋ ମହାମାଯୋ ମହାଶନଃ ॥ 99 ॥

ଵୀରଃ ଶକ୍ତିମତାଂ ଶ୍ରେଷ୍ଠଃ ସର୍ଵଶସ୍ତ୍ରଭୃତାଂ ଵରଃ ।
ଜ୍ଞାନଗମ୍ଯୋ ଦୁରାରାଧ୍ଯୋ ଲୋହିତାଙ୍ଗୋ ଵିଵର୍ଧନଃ ॥ 100 ॥

ଖଗୋଽନ୍ଧୋ ଧର୍ମଦୋ ନିତ୍ଯୋ ଧର୍ମକୃଚ୍ଚିତ୍ରଵିକ୍ରମଃ ।
ଭଗଵାନାତ୍ମଵାନ୍ ମନ୍ତ୍ରସ୍ତ୍ର୍ଯକ୍ଷରୋ ନୀଲଲୋହିତଃ ॥ 101 ॥

ଏକୋଽନେକସ୍ତ୍ରଯୀ କାଲଃ ସଵିତା ସମିତିଞ୍ଜଯଃ ।
ଶାର୍ଙ୍ଗଧନ୍ଵାଽନଲୋ ଭୀମଃ ସର୍ଵପ୍ରହରଣାଯୁଧଃ ॥ 102 ॥

ସୁକର୍ମା ପରମେଷ୍ଠୀ ଚ ନାକପାଲୀ ଦିଵିସ୍ଥିତଃ ।
ଵଦାନ୍ଯୋ ଵାସୁକିର୍ଵୈଦ୍ଯ ଆତ୍ରେଯୋଽଥ ପରାକ୍ରମଃ ॥ 103 ॥

ଦ୍ଵାପରଃ ପରମୋଦାରଃ ପରମୋ ବ୍ରହ୍ମଚର୍ଯଵାନ୍ ।
ଉଦୀଚ୍ଯଵେଷୋ ମୁକୁଟୀ ପଦ୍ମହସ୍ତୋ ହିମାଂଶୁଭୃତ୍ ॥ 104 ॥

ସିତଃ ପ୍ରସନ୍ନଵଦନଃ ପଦ୍ମୋଦରନିଭାନନଃ ।
ସାଯଂ ଦିଵା ଦିଵ୍ଯଵପୁରନିର୍ଦେଶ୍ଯୋ ମହାଲଯଃ ॥ 105 ॥

ମହାରଥୋ ମହାନୀଶଃ ଶେଷଃ ସତ୍ତ୍ଵରଜସ୍ତମଃ ।
ଧୃତାତପତ୍ରପ୍ରତିମୋ ଵିମର୍ଷୀ ନିର୍ଣଯଃ ସ୍ଥିତଃ ॥ 106 ॥

ଅହିଂସକଃ ଶୁଦ୍ଧମତିରଦ୍ଵିତୀଯୋ ଵିଵର୍ଧନଃ ।
ସର୍ଵଦୋ ଧନଦୋ ମୋକ୍ଷୋ ଵିହାରୀ ବହୁଦାଯକଃ ॥ 107 ॥

ଚାରୁରାତ୍ରିହରୋ ନାଥୋ ଭଗଵାନ୍ ସର୍ଵଗୋଽଵ୍ଯଯଃ ।
ମନୋହରଵପୁଃ ଶୁଭ୍ରଃ ଶୋଭନଃ ସୁପ୍ରଭାଵନଃ ॥ 108 ॥

ସୁପ୍ରଭାଵଃ ସୁପ୍ରତାପଃ ସୁନେତ୍ରୋ ଦିଗ୍ଵିଦିକ୍ପତିଃ ।
ରାଜ୍ଞୀପ୍ରିଯଃ ଶବ୍ଦକରୋ ଗ୍ରହେଶସ୍ତିମିରାପହଃ ॥ 109 ॥

ସୈଂହିକେଯରିପୁର୍ଦେଵୋ ଵରଦୋ ଵରନାଯକଃ ।
ଚତୁର୍ଭୁଜୋ ମହାଯୋଗୀ ଯୋଗୀଶ୍ଵରପତିସ୍ତଥା ॥ 110 ॥

ଅନାଦିରୂପୋଽଦିତିଜୋ ରତ୍ନକାନ୍ତିଃ ପ୍ରଭାମଯଃ ।
ଜଗତ୍ପ୍ରଦୀପୋ ଵିସ୍ତୀର୍ଣୋ ମହାଵିସ୍ତୀର୍ଣମଣ୍ଡଲଃ ॥ 111 ॥

ଏକଚକ୍ରରଥଃ ସ୍ଵର୍ଣରଥଃ ସ୍ଵର୍ଣଶରୀରଧୃକ୍ ।
ନିରାଲମ୍ବୋ ଗଗନଗୋ ଧର୍ମକର୍ମପ୍ରଭାଵକୃତ୍ ॥ 112 ॥

ଧର୍ମାତ୍ମା କର୍ମଣାଂ ସାକ୍ଷୀ ପ୍ରତ୍ଯକ୍ଷଃ ପରମେଶ୍ଵରଃ ।
ମେରୁସେଵୀ ସୁମେଧାଵୀ ମେରୁରକ୍ଷାକରୋ ମହାନ୍ ॥ 113 ॥

ଆଧାରଭୂତୋ ରତିମାଂସ୍ତଥା ଚ ଧନଧାନ୍ଯକୃତ୍ ।
ପାପସନ୍ତାପହର୍ତା ଚ ମନୋଵାଞ୍ଛିତଦାଯକଃ ॥ 114 ॥

ରୋଗହର୍ତା ରାଜ୍ଯଦାଯୀ ରମଣୀଯଗୁଣୋଽନୃଣୀ ।
କାଲତ୍ରଯାନନ୍ତରୂପୋ ମୁନିଵୃନ୍ଦନମସ୍କୃତଃ ॥ 115 ॥

ସନ୍ଧ୍ଯାରାଗକରଃ ସିଦ୍ଧଃ ସନ୍ଧ୍ଯାଵନ୍ଦନଵନ୍ଦିତଃ ।
ସାମ୍ରାଜ୍ଯଦାନନିରତଃ ସମାରାଧନତୋଷଵାନ୍ ॥ 116 ॥

ଭକ୍ତଦୁଃଖକ୍ଷଯକରୋ ଭଵସାଗରତାରକଃ ।
ଭଯାପହର୍ତା ଭଗଵାନପ୍ରମେଯପରାକ୍ରମଃ ।
ମନୁସ୍ଵାମୀ ମନୁପତିର୍ମାନ୍ଯୋ ମନ୍ଵନ୍ତରାଧିପଃ ॥ 117 ॥
ଫଲଶ୍ରୁତିଃ ।
ଏତତ୍ତେ ସର୍ଵମାଖ୍ଯାତଂ ଯନ୍ମାଂ ତ୍ଵଂ ପରିପୃଚ୍ଛସି ।
ନାମ୍ନାଂ ସହସ୍ରଂ ସଵିତୁଃ ପରାଶର୍ଯୋ ଯଦାହ ମେ ॥ 1 ॥
ଧନ୍ଯଂ ଯଶସ୍ଯମାଯୁଷ୍ଯଂ ଦୁଃଖଦୁଃସ୍ଵପ୍ନନାଶନମ୍ ।
ବନ୍ଧମୋକ୍ଷକରଂ ଚୈଵ ଭାନୋର୍ନାମାନୁକୀର୍ତନାତ୍ ॥ 2 ॥
ଯସ୍ତ୍ଵିଦଂ ଶୃଣୁଯାନ୍ନିତ୍ଯଂ ପଠେଦ୍ଵା ପ୍ରଯତୋ ନରଃ ।
ଅକ୍ଷଯଂ ସୁଖମନ୍ନାଦ୍ଯଂ ଭଵେତ୍ତସ୍ଯୋପସାଧିତମ୍ ॥ 3 ॥
ନୃପାଗ୍ନିତସ୍କରଭଯଂ ଵ୍ଯାଧିତୋ ନ ଭଯଂ ଭଵେତ୍ ।
ଵିଜଯୀ ଚ ଭଵେନ୍ନିତ୍ଯମାଶ୍ରଯଂ ପରମାପ୍ନୁଯାତ୍ ॥ 4 ॥
କୀର୍ତିମାନ୍ ସୁଭଗୋ ଵିଦ୍ଵାନ୍ ସ ସୁଖୀ ପ୍ରିଯଦର୍ଶନଃ ।
ଜୀଵେଦ୍ଵର୍ଷଶତାଯୁଶ୍ଚ ସର୍ଵଵ୍ଯାଧିଵିଵର୍ଜିତଃ ॥ 5 ॥
ନାମ୍ନାଂ ସହସ୍ରମିଦମଂଶୁମତଃ ପଠେଦ୍ଯଃ
ପ୍ରାତଃ ଶୁଚିର୍ନିଯମଵାନ୍ ସୁସମୃଦ୍ଧିଯୁକ୍ତଃ ।
ଦୂରେଣ ତଂ ପରିହରନ୍ତି ସଦୈଵ ରୋଗାଃ
ଭୂତାଃ ସୁପର୍ଣମିଵ ସର୍ଵମହୋରଗେନ୍ଦ୍ରାଃ ॥ 6 ॥