॥ শ্রী ত্রিপুরসুন্দরী বেদপাদ স্তবঃ ॥
বেদপাদস্তবং বক্ষ্যে দেব্যাঃ প্রিযচিকীর্ষযা ।
যথামতি মতিং দেবস্তন্নো দন্তিঃ প্রচোদযাত্ ॥ ১ ॥
যথামতি মতিং দেবস্তন্নো দন্তিঃ প্রচোদযাত্ ॥ ১ ॥
অকিঞ্চিত্করকর্মভ্যঃ প্রত্যাহৃত্য কৃপাবশাত্ ।
সুব্রহ্মণ্যঃ স্তুতাবস্যাং তন্নঃ ষণ্মুখঃ প্রচোদযাত্ ॥ ২ ॥
সুব্রহ্মণ্যঃ স্তুতাবস্যাং তন্নঃ ষণ্মুখঃ প্রচোদযাত্ ॥ ২ ॥
অকারাদিক্ষকারান্তবর্ণাবযবশালিনী ।
বীণাপুস্তকহস্তাব্যাত্প্রণো দেবী সরস্বতী ॥ ৩ ॥
বীণাপুস্তকহস্তাব্যাত্প্রণো দেবী সরস্বতী ॥ ৩ ॥
যা বর্ণপদবাক্যার্থগদ্যপদ্যস্বরূপিণী ।
বাচি নর্তযতু ক্ষিপ্রং মেধাং দেবী সরস্বতী ॥ ৪ ॥
বাচি নর্তযতু ক্ষিপ্রং মেধাং দেবী সরস্বতী ॥ ৪ ॥
উপাস্যমানা বিপ্রেন্দ্রৈঃ সন্ধ্যাসু চ তিসৃষ্বপি ।
সদ্যঃ প্রসীদ মে মাতঃ সন্ধ্যাবিদ্যে সরস্বতী ॥ ৫ ॥
সদ্যঃ প্রসীদ মে মাতঃ সন্ধ্যাবিদ্যে সরস্বতী ॥ ৫ ॥
মন্দা নিন্দালোলুপাহং স্বভাবা-
-দেতত্স্তোত্রং পূর্যতে কিং মযেতি ।
মা তে ভীতির্হে মতে ত্বাদৃশানা-
-মেষা নেত্রী রাধসা সূনৃতানাম্ ॥ ৬ ॥
-দেতত্স্তোত্রং পূর্যতে কিং মযেতি ।
মা তে ভীতির্হে মতে ত্বাদৃশানা-
-মেষা নেত্রী রাধসা সূনৃতানাম্ ॥ ৬ ॥
তরঙ্গভ্রুকুটীকোটিভঙ্গ্যা তর্জযতে জরাম্ ।
সুধামযায শুভ্রায সিন্ধূনাং পতযে নমঃ ॥ ৭ ॥
সুধামযায শুভ্রায সিন্ধূনাং পতযে নমঃ ॥ ৭ ॥
তস্য মধ্যে মণিদ্বীপঃ কল্পকারামভূষিতঃ ।
অস্তু মে ললিতাবাসঃ স্বস্তিদা অভযঙ্করঃ ॥ ৮ ॥
অস্তু মে ললিতাবাসঃ স্বস্তিদা অভযঙ্করঃ ॥ ৮ ॥
কদম্বমঞ্জরীনির্যদ্বারুণীপারণোন্মদৈঃ ।
দ্বিরেফৈর্বর্ণনীযায বনানাং পতযে নমঃ ॥ ৯ ॥
দ্বিরেফৈর্বর্ণনীযায বনানাং পতযে নমঃ ॥ ৯ ॥
তত্র বপ্রাবলী লীলা গগনোল্লঙ্ঘিগোপুরম্ ।
মাতঃ কৌতূহলং দদ্যাত্সগ্ংহার্যং নগরং তব ॥ ১০ ॥
মাতঃ কৌতূহলং দদ্যাত্সগ্ংহার্যং নগরং তব ॥ ১০ ॥
মকরন্দঝরীমজ্জন্মিলিন্দকুলসঙ্কুলাম্ ।
মহাপদ্মাটবীং বন্দে যশসা সম্পরীবৃতাম্ ॥ ১১ ॥
মহাপদ্মাটবীং বন্দে যশসা সম্পরীবৃতাম্ ॥ ১১ ॥
তত্রৈব চিন্তামণিধোরণার্চিভি-
-র্বিনির্মিতং রোপিতরত্নশৃঙ্গম্ ।
ভজে ভবানীভবনাবতংস-
-মাদিত্যবর্ণং তমসঃ পরস্তাত্ ॥ ১২ ॥
-র্বিনির্মিতং রোপিতরত্নশৃঙ্গম্ ।
ভজে ভবানীভবনাবতংস-
-মাদিত্যবর্ণং তমসঃ পরস্তাত্ ॥ ১২ ॥
মুনিভিঃ স্বাত্মলাভায যচ্চক্রং হৃদি সেব্যতে ।
তত্র পশ্যামি বুদ্ধ্যা তদক্ষরে পরমে ব্যোমন্ ॥ ১৩ ॥
তত্র পশ্যামি বুদ্ধ্যা তদক্ষরে পরমে ব্যোমন্ ॥ ১৩ ॥
পঞ্চব্রহ্মমযো মঞ্চস্তত্র যো বিন্দুমধ্যগঃ ।
তব কামেশি বাসোঽযমাযুষ্মন্তং করোতু মাম্ ॥ ১৪ ॥
তব কামেশি বাসোঽযমাযুষ্মন্তং করোতু মাম্ ॥ ১৪ ॥
নানারত্নগুলুচ্ছালীকান্তিকিম্মীলিতোদরম্ ।
বিমৃশামি বিতানং তেঽতিশ্লক্ষ্ণমতিলোমশম্ ॥ ১৫ ॥
বিমৃশামি বিতানং তেঽতিশ্লক্ষ্ণমতিলোমশম্ ॥ ১৫ ॥
পর্যঙ্কতল্পোপরি দর্শনীযং
সবাণচাপাঙ্কুশপাশপাণিম্ ।
অশেষভূষারমণীযমীডে
ত্রিলোচনং নীলকণ্ঠং প্রশান্তম্ ॥ ১৬ ॥
সবাণচাপাঙ্কুশপাশপাণিম্ ।
অশেষভূষারমণীযমীডে
ত্রিলোচনং নীলকণ্ঠং প্রশান্তম্ ॥ ১৬ ॥
জটারুণং চন্দ্রকলাললামং
উদ্বেললাবণ্যকলাভিরামম্ ।
কামেশ্বরং কামশরাসনাঙ্কং
সমস্তসাক্ষিং তমসঃ পরস্তাত্ ॥ ১৭ ॥
উদ্বেললাবণ্যকলাভিরামম্ ।
কামেশ্বরং কামশরাসনাঙ্কং
সমস্তসাক্ষিং তমসঃ পরস্তাত্ ॥ ১৭ ॥
তত্র কামেশবামাঙ্কে খেলন্তীমলিকুন্তলাম্ ।
সচ্চিদানন্দলহরীং মহালক্ষ্মীমুপাস্মহে ॥ ১৮ ॥
সচ্চিদানন্দলহরীং মহালক্ষ্মীমুপাস্মহে ॥ ১৮ ॥
চারুগোরোচনাপঙ্কজম্বালিতঘনস্তনীম্ ।
নমামি ত্বামহং লোকমাতরং পদ্মমালিনীম্ ॥ ১৯ ॥
নমামি ত্বামহং লোকমাতরং পদ্মমালিনীম্ ॥ ১৯ ॥
শিবে নমন্নির্জরকুঞ্জরাসুর-
-প্রতোলিকামৌলিমরীচিবীচিভিঃ ।
ইদং তব ক্ষালনজাতসৌভগং
চরণং নো লোকে সুধিতাং দধাতু ॥ ২০ ॥
-প্রতোলিকামৌলিমরীচিবীচিভিঃ ।
ইদং তব ক্ষালনজাতসৌভগং
চরণং নো লোকে সুধিতাং দধাতু ॥ ২০ ॥
কল্পস্যাদৌ কারণেশানপি ত্রী-
-ন্স্রষ্টুং দেবি ত্রীন্গুণানাদধানাম্ ।
সেবে নিত্যং শ্রেযসে ভূযসে ত্বা-
-মজামেকাং লোহিতশুক্লকৃষ্ণাম্ ॥ ২১ ॥
-ন্স্রষ্টুং দেবি ত্রীন্গুণানাদধানাম্ ।
সেবে নিত্যং শ্রেযসে ভূযসে ত্বা-
-মজামেকাং লোহিতশুক্লকৃষ্ণাম্ ॥ ২১ ॥
কেশোদ্ভূতৈরদ্ভুতামোদপূরৈ-
-রাশাবৃন্দং সান্দ্রমাপূরযন্তীম্ ।
ত্বামানম্য ত্বত্প্রসাদাত্স্বযম্ভূ-
-রস্মান্মাযী সৃজতে বিশ্বমেতত্ ॥ ২২ ॥
-রাশাবৃন্দং সান্দ্রমাপূরযন্তীম্ ।
ত্বামানম্য ত্বত্প্রসাদাত্স্বযম্ভূ-
-রস্মান্মাযী সৃজতে বিশ্বমেতত্ ॥ ২২ ॥
অর্ধোন্মীলদ্যৌবনোদ্দামদর্পাং
দিব্যাকল্পৈরর্পযন্তীং মযূখান্ ।
দেবি ধ্যাত্বা ত্বাং পুরা কৈটভারি-
-র্বিশ্বং বিভর্তি ভুবনস্য নাভিঃ ॥ ২৩ ॥
দিব্যাকল্পৈরর্পযন্তীং মযূখান্ ।
দেবি ধ্যাত্বা ত্বাং পুরা কৈটভারি-
-র্বিশ্বং বিভর্তি ভুবনস্য নাভিঃ ॥ ২৩ ॥
কল্হারশ্রীমঞ্জরীপুঞ্জরীতিং
ধিক্কুর্বন্তীমম্ব তে পাটলিম্না ।
মূর্তিং ধ্যাত্বা শাশ্বতীং ভূতিমায-
-ন্নিন্দ্রো রাজা জগতো য ঈশে ॥ ২৪ ॥
ধিক্কুর্বন্তীমম্ব তে পাটলিম্না ।
মূর্তিং ধ্যাত্বা শাশ্বতীং ভূতিমায-
-ন্নিন্দ্রো রাজা জগতো য ঈশে ॥ ২৪ ॥
দেবতান্তরমন্ত্রৌঘজপশ্রীফলভূতযা ।
জাপকস্তব দেব্যন্তে বিদ্যযা বিন্দতেঽমৃতম্ ॥ ২৫ ॥
জাপকস্তব দেব্যন্তে বিদ্যযা বিন্দতেঽমৃতম্ ॥ ২৫ ॥
পুংস্কোকিলকলক্বাণকোমলালাপশালিনি ।
ভদ্রাণি কুরু মে মাতর্দুরিতানি পরাসুব ॥ ২৬ ॥
ভদ্রাণি কুরু মে মাতর্দুরিতানি পরাসুব ॥ ২৬ ॥
অন্তেবাসিন্নস্তি চেত্তে মুমুক্ষা
বক্ষ্যে যুক্তিং মুক্তসর্বৈষণঃ সন্ ।
সদ্ভ্যঃ সাক্ষাত্সুন্দরীং জ্ঞপ্তিরূপাং
শ্রদ্ধাভক্তিধ্যানযোগাদবেহি ॥ ২৭ ॥
বক্ষ্যে যুক্তিং মুক্তসর্বৈষণঃ সন্ ।
সদ্ভ্যঃ সাক্ষাত্সুন্দরীং জ্ঞপ্তিরূপাং
শ্রদ্ধাভক্তিধ্যানযোগাদবেহি ॥ ২৭ ॥
ষোঢান্যাসাদিদেবৈশ্চ সেবিতা চক্রমধ্যগা ।
কামেশমহিষী ভূযঃ ষোডশী শর্ম যচ্ছতু ॥ ২৮ ॥
কামেশমহিষী ভূযঃ ষোডশী শর্ম যচ্ছতু ॥ ২৮ ॥
শান্তো দান্তো দেশিকেন্দ্রং প্রণম্য
তস্যাদেশাত্তারকং মন্ত্রতত্ত্বম্ ।
জানীতে চেদম্ব ধন্যঃ সমানং
নাতঃ পরং বেদিতব্যং হি কিঞ্চিত্ ॥ ২৯ ॥
তস্যাদেশাত্তারকং মন্ত্রতত্ত্বম্ ।
জানীতে চেদম্ব ধন্যঃ সমানং
নাতঃ পরং বেদিতব্যং হি কিঞ্চিত্ ॥ ২৯ ॥
ত্বমেব কারণং কার্যং ক্রিযা জ্ঞানং ত্বমেব চ ।
ত্বামম্ব ন বিনা কিঞ্চিত্ত্বযি সর্বং প্রতিষ্ঠিতম্ ॥ ৩০ ॥
ত্বামম্ব ন বিনা কিঞ্চিত্ত্বযি সর্বং প্রতিষ্ঠিতম্ ॥ ৩০ ॥
পরাগমদ্রীন্দ্রসুতে তবাঙ্ঘ্রি-
-সরোজযোরম্ব দধামি মূর্ধ্না ।
অলঙ্কৃতং বেদবধূশিরোভি-
-র্যতো জাতো ভুবনানি বিশ্বা ॥ ৩১ ॥
-সরোজযোরম্ব দধামি মূর্ধ্না ।
অলঙ্কৃতং বেদবধূশিরোভি-
-র্যতো জাতো ভুবনানি বিশ্বা ॥ ৩১ ॥
দুষ্টান্দৈত্যান্হন্তুকামাং মহর্ষীন্
শিষ্টানন্যান্পাতুকামাং করাব্জৈঃ ।
অষ্টাভিস্ত্বাং সাযুধৈর্ভাসমানাং
দুর্গাং দেবীগ্ং শরণমহং প্রপদ্যে ॥ ৩২ ॥
শিষ্টানন্যান্পাতুকামাং করাব্জৈঃ ।
অষ্টাভিস্ত্বাং সাযুধৈর্ভাসমানাং
দুর্গাং দেবীগ্ং শরণমহং প্রপদ্যে ॥ ৩২ ॥
দেবি সর্বানবদ্যাঙ্গি ত্বামনাদৃত্য যে ক্রিযাঃ ।
কুর্বন্তি নিষ্ফলাস্তেষামদুগ্ধা ইব ধেনবঃ ॥ ৩৩ ॥
কুর্বন্তি নিষ্ফলাস্তেষামদুগ্ধা ইব ধেনবঃ ॥ ৩৩ ॥
নাহং মন্যে দৈবতং মান্যমন্য-
-ত্ত্বত্পাদাব্জাদম্বিকে কুম্ভজাদ্যাঃ ।
যে ধ্যাতারো ভক্তিসংশুদ্ধচিত্তাঃ
পরামৃতাত্পরিমুচ্যন্তি সর্বে ॥ ৩৪ ॥
-ত্ত্বত্পাদাব্জাদম্বিকে কুম্ভজাদ্যাঃ ।
যে ধ্যাতারো ভক্তিসংশুদ্ধচিত্তাঃ
পরামৃতাত্পরিমুচ্যন্তি সর্বে ॥ ৩৪ ॥
কুর্বাণোঽপি দুরারম্ভাংস্তব নামানি শাম্ভবি ।
প্রজপন্নেতি মাযান্তমতি মৃত্যুং তরাম্যহম্ ॥ ৩৫ ॥
প্রজপন্নেতি মাযান্তমতি মৃত্যুং তরাম্যহম্ ॥ ৩৫ ॥
কল্যাণি ত্বং কুন্দহাসপ্রকাশৈ-
-রন্তর্ধ্বান্তং নাশযন্তী ক্ষণেন ।
হন্তাস্মাকং ধ্যাযতাং ত্বত্পদাব্জ-
-মুচ্চতিষ্ঠ মহতে সৌভগায ॥ ৩৬ ॥
-রন্তর্ধ্বান্তং নাশযন্তী ক্ষণেন ।
হন্তাস্মাকং ধ্যাযতাং ত্বত্পদাব্জ-
-মুচ্চতিষ্ঠ মহতে সৌভগায ॥ ৩৬ ॥
তিতীর্ষযা ভবাম্ভোধের্হযগ্রীবাদযঃ পুরা ।
অপ্রমত্তা ভবত্পূজাং সুবিদ্বাংসো বিতেনিরে ॥ ৩৭ ॥
অপ্রমত্তা ভবত্পূজাং সুবিদ্বাংসো বিতেনিরে ॥ ৩৭ ॥
মদ্বশ্যা যে দুরাচারা যে চ সন্মার্গগামিনঃ ।
ভবত্যাঃ কৃপযা সর্বে সুবর্যন্তু যজমানাঃ ॥ ৩৮ ॥
ভবত্যাঃ কৃপযা সর্বে সুবর্যন্তু যজমানাঃ ॥ ৩৮ ॥
শ্রীচক্রস্থাং শাশ্বতৈশ্বর্যদাত্রীং
পৌণ্ড্রং চাপং পুষ্পবাণান্দধানাম্ ।
বন্ধূকাভাং ভাবযামি ত্রিনেত্রাং
তামগ্নিবর্ণাং তপসা জ্বলন্তীম্ ॥ ৩৯ ॥
পৌণ্ড্রং চাপং পুষ্পবাণান্দধানাম্ ।
বন্ধূকাভাং ভাবযামি ত্রিনেত্রাং
তামগ্নিবর্ণাং তপসা জ্বলন্তীম্ ॥ ৩৯ ॥
ভবানি তব পাদাব্জনির্ণেজনপবিত্রতাঃ ।
ভবামযপ্রশান্ত্যৈ ত্বামপো যাচামি ভেষজম্ ॥ ৪০ ॥
ভবামযপ্রশান্ত্যৈ ত্বামপো যাচামি ভেষজম্ ॥ ৪০ ॥
চিদানন্দসুধাম্ভোধেস্তবানন্দলবোঽস্তি যঃ ।
কারণেশৈস্ত্রিভিঃ সাকং তদ্বিশ্বমুপজীবতি ॥ ৪১ ॥
কারণেশৈস্ত্রিভিঃ সাকং তদ্বিশ্বমুপজীবতি ॥ ৪১ ॥
নো বা যাগৈর্নৈব পূর্তাদিকৃত্যৈ-
-র্নো বা জপ্যৈর্নো মহদ্ভিস্তপোভিঃ ।
নো বা যোগৈঃ ক্লেশকৃদ্ভিঃ সুমেধা
নিচায্যেমাং শান্তিমত্যন্তমেতি ॥ ৪২ ॥
-র্নো বা জপ্যৈর্নো মহদ্ভিস্তপোভিঃ ।
নো বা যোগৈঃ ক্লেশকৃদ্ভিঃ সুমেধা
নিচায্যেমাং শান্তিমত্যন্তমেতি ॥ ৪২ ॥
প্রাতঃ পাহি মহাবিদ্যে মধ্যাহ্নে তু মৃডপ্রিযে ।
সাযং পাহি জগদ্বন্দ্যে পুনর্নঃ পাহি বিশ্বতঃ ॥ ৪৩ ॥
সাযং পাহি জগদ্বন্দ্যে পুনর্নঃ পাহি বিশ্বতঃ ॥ ৪৩ ॥
বন্ধূকাভৈর্ভানুভির্ভাসযন্তী
বিশ্বং শশ্বত্তুঙ্গপীনস্তনার্ধা ।
লাবণ্যাব্ধেঃ সুন্দরি ত্বং প্রসাদা-
-দাযুঃ প্রজাগ্ং রযিমস্মাসু ধেহি ॥ ৪৪ ॥
বিশ্বং শশ্বত্তুঙ্গপীনস্তনার্ধা ।
লাবণ্যাব্ধেঃ সুন্দরি ত্বং প্রসাদা-
-দাযুঃ প্রজাগ্ং রযিমস্মাসু ধেহি ॥ ৪৪ ॥
কর্ণাকর্ণয মে তত্ত্বং যা চিচ্ছক্তিরিতীর্যতে ।
ত্রির্বদামি মুমুক্ষূণাং সা কাষ্ঠা সা পরা গতিঃ ॥ ৪৫ ॥
ত্রির্বদামি মুমুক্ষূণাং সা কাষ্ঠা সা পরা গতিঃ ॥ ৪৫ ॥
বাগ্দেবীতি ত্বাং বদন্ত্যম্ব কেচি-
-ল্লক্ষ্মীর্গৌরীত্যেবমন্যেঽপ্যুশন্তি ।
শশ্বন্মাতঃ প্রত্যগদ্বৈতরূপাং
শংসন্তি কেচিন্নিবিদো জনাঃ ॥ ৪৬ ॥
-ল্লক্ষ্মীর্গৌরীত্যেবমন্যেঽপ্যুশন্তি ।
শশ্বন্মাতঃ প্রত্যগদ্বৈতরূপাং
শংসন্তি কেচিন্নিবিদো জনাঃ ॥ ৪৬ ॥
ললিতেতি সুধাপূরমাধুরীচোরমম্বিকে ।
তব নামাস্তি যত্তেন জিহ্বা মে মধুমত্তমা ॥ ৪৭ ॥
তব নামাস্তি যত্তেন জিহ্বা মে মধুমত্তমা ॥ ৪৭ ॥
যে সম্পন্নাঃ সাধনৈস্তৈশ্চত্তুর্ভিঃ
শুশ্রূষাভির্দেশিকং প্রীণযন্তি ।
সম্যগ্বিদ্বান্ শুদ্ধসত্ত্বান্তরাণাং
তেষামেবৈতাং ব্রহ্মবিদ্যাং বদেত ॥ ৪৮ ॥
শুশ্রূষাভির্দেশিকং প্রীণযন্তি ।
সম্যগ্বিদ্বান্ শুদ্ধসত্ত্বান্তরাণাং
তেষামেবৈতাং ব্রহ্মবিদ্যাং বদেত ॥ ৪৮ ॥
অভিচারাদিভিঃ কৃত্যাং যঃ প্রেরযতি ময্যুমে ।
তব হুঙ্কারসন্ত্রস্তা প্রত্যক্কর্তারমৃচ্ছতু ॥ ৪৯ ॥
তব হুঙ্কারসন্ত্রস্তা প্রত্যক্কর্তারমৃচ্ছতু ॥ ৪৯ ॥
জগত্পবিত্রি মামিকামপাহরাশু দুর্জরাম্ ।
প্রসীদ মে দযাধুনে প্রশস্তিমম্ব নঃ স্কৃধি ॥ ৫০ ॥
প্রসীদ মে দযাধুনে প্রশস্তিমম্ব নঃ স্কৃধি ॥ ৫০ ॥
কদম্বারুণমম্বাযা রূপং চিন্তয চিত্ত মে ।
মুঞ্চ পাপীযসীং নিষ্ঠাং মা গৃধঃ কস্য স্বিদ্ধনম্ ॥ ৫১ ॥
মুঞ্চ পাপীযসীং নিষ্ঠাং মা গৃধঃ কস্য স্বিদ্ধনম্ ॥ ৫১ ॥
ভণ্ডভণ্ডনলীলাযাং রক্তচন্দনপঙ্কিলঃ ।
অঙ্কুশস্তব তং হন্যাদ্যশ্চ নো দ্বিষতে জনঃ ॥ ৫২ ॥
অঙ্কুশস্তব তং হন্যাদ্যশ্চ নো দ্বিষতে জনঃ ॥ ৫২ ॥
রে রে চিত্ত ত্বং বৃধা শোকসিন্ধৌ
মজ্জস্যন্তর্বচ্ম্যুপাযং বিমুক্ত্যৈ ।
দেব্যাঃ পাদৌ পূজযৈকাক্ষরেণ
তত্তে পদং সঙ্গ্রহেণ ব্রবীম্যোম্ ॥ ৫৩ ॥
মজ্জস্যন্তর্বচ্ম্যুপাযং বিমুক্ত্যৈ ।
দেব্যাঃ পাদৌ পূজযৈকাক্ষরেণ
তত্তে পদং সঙ্গ্রহেণ ব্রবীম্যোম্ ॥ ৫৩ ॥
চঞ্চদ্বালাতপজ্যোত্স্নাকলামণ্ডলশালিনে ।
ঐক্ষবায নমো মাতর্বাহুভ্যাং তব ধন্বনে ॥ ৫৪ ॥
ঐক্ষবায নমো মাতর্বাহুভ্যাং তব ধন্বনে ॥ ৫৪ ॥
তামেবাদ্যাং ব্রহ্মবিদ্যামুপাসে
মূর্তৈর্বেদৈঃ স্তূযমানাং ভবানীম্ ।
হন্ত স্বাত্মত্বেন যাং মুক্তিকামো
মত্বা ধীরো হর্ষশোকৌ জহাতি ॥ ৫৫ ॥
মূর্তৈর্বেদৈঃ স্তূযমানাং ভবানীম্ ।
হন্ত স্বাত্মত্বেন যাং মুক্তিকামো
মত্বা ধীরো হর্ষশোকৌ জহাতি ॥ ৫৫ ॥
শরণং করবাণ্যম্ব চরণং তব সুন্দরি ।
শপে ত্বত্পাদুকাভ্যাং মে নান্যঃ পন্থা অযনায ॥ ৫৬ ॥
শপে ত্বত্পাদুকাভ্যাং মে নান্যঃ পন্থা অযনায ॥ ৫৬ ॥
রত্নচ্ছত্রৈশ্চামরৈর্দর্পণাদ্যৈ-
-শ্চক্রেশানীং সর্বদোপাচরন্ত্যঃ ।
যোগিন্যোঽন্যাঃ শক্তযশ্চাণিমাদ্যা
যূযং পাতঃ স্বস্তিভিঃ সদা নঃ ॥ ৫৭ ॥
-শ্চক্রেশানীং সর্বদোপাচরন্ত্যঃ ।
যোগিন্যোঽন্যাঃ শক্তযশ্চাণিমাদ্যা
যূযং পাতঃ স্বস্তিভিঃ সদা নঃ ॥ ৫৭ ॥
দরিদ্রং মাং বিজানীহি সর্বজ্ঞাসি যতঃ শিবে ।
দূরীকৃত্যাশু দুরিতমথা নো বর্ধযা রযিম্ ॥ ৫৮ ॥
দূরীকৃত্যাশু দুরিতমথা নো বর্ধযা রযিম্ ॥ ৫৮ ॥
মহেশ্বরি মহামন্ত্রকূটত্রযকলেবরে ।
কাদিবিদ্যাক্ষরশ্রেণিমুশন্তস্ত্বা হবামহে ॥ ৫৯ ॥
কাদিবিদ্যাক্ষরশ্রেণিমুশন্তস্ত্বা হবামহে ॥ ৫৯ ॥
মূলাধারাদূর্ধ্বমন্তশ্চরন্তীং
ভিত্ত্বা গ্রন্থীন্মূর্ধ্নি নির্যত্সুধার্দ্রাম্ ।
পশ্যন্তস্ত্বাং যে চ তৃপ্তিং লভন্তে
তেষাং শান্তিঃ শাশ্বতী নেতরেষাম্ ॥ ৬০ ॥
ভিত্ত্বা গ্রন্থীন্মূর্ধ্নি নির্যত্সুধার্দ্রাম্ ।
পশ্যন্তস্ত্বাং যে চ তৃপ্তিং লভন্তে
তেষাং শান্তিঃ শাশ্বতী নেতরেষাম্ ॥ ৬০ ॥
মহ্যং দ্রুহ্যন্তি যে মাতস্ত্বদ্ধ্যানাসক্তচেতসে ।
তানম্ব সাযকৈরেভিরব ব্রহ্মদ্বিষো জহি ॥ ৬১ ॥
তানম্ব সাযকৈরেভিরব ব্রহ্মদ্বিষো জহি ॥ ৬১ ॥
ত্বদ্ভক্তানামম্ব শান্তৈষণানাং
ব্রহ্মিষ্ঠানাং দৃষ্টিপাতেন পূতঃ ।
পাপীযানপ্যাবৃতঃ স্বর্বধূভিঃ
শোকাতিগো মোদতে স্বর্গলোকে ॥ ৬২ ॥
ব্রহ্মিষ্ঠানাং দৃষ্টিপাতেন পূতঃ ।
পাপীযানপ্যাবৃতঃ স্বর্বধূভিঃ
শোকাতিগো মোদতে স্বর্গলোকে ॥ ৬২ ॥
সন্তু বিদ্যা জগত্যস্মিন্সংসারভ্রমহেতবঃ ।
ভজেঽহং ত্বাং যযা বিদ্বান্বিদ্যযামৃতমশ্নুতে ॥ ৬৩ ॥
ভজেঽহং ত্বাং যযা বিদ্বান্বিদ্যযামৃতমশ্নুতে ॥ ৬৩ ॥
বিদ্বন্মুখ্যৈর্বিদ্রুমাভং বিশাল-
-শ্রোণীশিঞ্জন্মেখলাকিঙ্কিণীকম্ ।
চন্দ্রোত্তংসং চিন্মযং বস্তু কিঞ্চি-
-দ্বিদ্ধি ত্বমেতন্নিহিতং গুহাযাম্ ॥ ৬৪ ॥
-শ্রোণীশিঞ্জন্মেখলাকিঙ্কিণীকম্ ।
চন্দ্রোত্তংসং চিন্মযং বস্তু কিঞ্চি-
-দ্বিদ্ধি ত্বমেতন্নিহিতং গুহাযাম্ ॥ ৬৪ ॥
ন বিস্মরামি চিন্মূর্তিমিক্ষুকোদণ্ডশালিনীম্ ।
মুনযঃ সনকপ্রেষ্ঠাস্তামাহুঃ পরমাং গতিম্ ॥ ৬৫ ॥
মুনযঃ সনকপ্রেষ্ঠাস্তামাহুঃ পরমাং গতিম্ ॥ ৬৫ ॥
চক্ষুঃপ্রেঙ্খত্প্রেমকারুণ্যধারাং
হংসজ্যোত্স্নাপূরহৃষ্যচ্চকোরাম্ ।
যামাশ্লিষ্যন্মোদতে দেবদেবঃ
সা নো দেবী সুহবা শর্ম যচ্ছতু ॥ ৬৬ ॥
হংসজ্যোত্স্নাপূরহৃষ্যচ্চকোরাম্ ।
যামাশ্লিষ্যন্মোদতে দেবদেবঃ
সা নো দেবী সুহবা শর্ম যচ্ছতু ॥ ৬৬ ॥
মুঞ্চ বঞ্চকতাং চিত্ত পামরং চাপি দৈবতম্ ।
গৃহাণ পদমম্বাযা এতদালম্বনং পরম্ ॥ ৬৭ ॥
গৃহাণ পদমম্বাযা এতদালম্বনং পরম্ ॥ ৬৭ ॥
কা মে ভীতিঃ কা ক্ষতিঃ কিং দুরাপং
কামেশাঙ্কোত্তুঙ্গপর্যঙ্কসংস্থাম্ ।
তত্ত্বাতীতামচ্যুতানন্দদাত্রীং
দেবীমহং নিরৃতিং বন্দমানঃ ॥ ৬৮ ॥
কামেশাঙ্কোত্তুঙ্গপর্যঙ্কসংস্থাম্ ।
তত্ত্বাতীতামচ্যুতানন্দদাত্রীং
দেবীমহং নিরৃতিং বন্দমানঃ ॥ ৬৮ ॥
চিন্তামণিমযোত্তংসকান্তিকঞ্চুকিতাননে ।
ললিতে ত্বাং সকৃন্নত্বা ন বিভেতি কুতশ্চন ॥ ৬৯ ॥
ললিতে ত্বাং সকৃন্নত্বা ন বিভেতি কুতশ্চন ॥ ৬৯ ॥
তারুণ্যোত্তুঙ্গিতকুচে লাবণ্যোল্লাসিতেক্ষণে ।
তবাজ্ঞযৈব কামাদ্যা মাস্মান্প্রাপন্নরাতযঃ ॥ ৭০ ॥
তবাজ্ঞযৈব কামাদ্যা মাস্মান্প্রাপন্নরাতযঃ ॥ ৭০ ॥
আকর্ণাকৃষ্টকামাসস্ত্রসঞ্জাতং তাপমম্ব মে ।
আচামতু কটাক্ষস্তে পর্জন্যো বৃষ্টিমানিব ॥ ৭১ ॥
আচামতু কটাক্ষস্তে পর্জন্যো বৃষ্টিমানিব ॥ ৭১ ॥
কুর্বে গর্বেণাপচারানপারা-
-নদ্যপ্যম্ব ত্বত্পদাব্জং তথাপি ।
মন্যে ধন্যে দেবি বিদ্যাবলম্বং
মাতেব পুত্রং বিভৃতাস্বেনম্ ॥ ৭২ ॥
-নদ্যপ্যম্ব ত্বত্পদাব্জং তথাপি ।
মন্যে ধন্যে দেবি বিদ্যাবলম্বং
মাতেব পুত্রং বিভৃতাস্বেনম্ ॥ ৭২ ॥
যথোপাস্তিক্ষতির্ন স্যাত্তব চক্রস্য সুন্দরি ।
কৃপযা কুরু কল্যাণি তথা মে স্বস্তিরাযুষি ॥ ৭৩ ॥
কৃপযা কুরু কল্যাণি তথা মে স্বস্তিরাযুষি ॥ ৭৩ ॥
চক্রং সেবে তারকং সর্বসিধ্যৈ
শ্রীমন্মাতঃ সিদ্ধযশ্চাণিমাদ্যাঃ ।
নিত্যা মুদ্রা শক্তযশ্চাঙ্গদেব্যো
যস্মিন্দেবা অধি বিশ্বে নিষেদুঃ ॥ ৭৪ ॥
শ্রীমন্মাতঃ সিদ্ধযশ্চাণিমাদ্যাঃ ।
নিত্যা মুদ্রা শক্তযশ্চাঙ্গদেব্যো
যস্মিন্দেবা অধি বিশ্বে নিষেদুঃ ॥ ৭৪ ॥
সুকুমারে সুখাকারে সুনেত্রে সূক্ষ্মমধ্যমে ।
সুপ্রসন্না ভব শিবে সুমৃডীকা সরস্বতী ॥ ৭৫ ॥
সুপ্রসন্না ভব শিবে সুমৃডীকা সরস্বতী ॥ ৭৫ ॥
বিদ্যুদ্বল্লীকন্দলীং কল্পযন্তীং
মূর্তিং স্ফূর্ত্যা পঙ্কজং ধারযন্তীম্ ।
ধ্যাযন্হি ত্বাং জাযতে সার্বভৌমো
বিশ্বা আশাঃ পৃতনাঃ সঞ্জযঞ্জযন্ ॥ ৭৬ ॥
মূর্তিং স্ফূর্ত্যা পঙ্কজং ধারযন্তীম্ ।
ধ্যাযন্হি ত্বাং জাযতে সার্বভৌমো
বিশ্বা আশাঃ পৃতনাঃ সঞ্জযঞ্জযন্ ॥ ৭৬ ॥
অবিজ্ঞায পরাং শক্তিমাত্মভূতাং মহেশ্বরীম্ ।
অহো পতন্তি নিরযেষ্বেকে চাত্মহনো জনাঃ ॥ ৭৭ ॥
অহো পতন্তি নিরযেষ্বেকে চাত্মহনো জনাঃ ॥ ৭৭ ॥
সিন্দূরাভৈঃ সুন্দরৈরংশুবৃন্দৈ-
-র্লাক্ষালক্ষ্ম্যাং মজ্জযন্তীং জগন্তি ।
হেরম্বাম্ব ত্বাং হৃদা লম্বতে য-
-স্তস্মৈ বিশঃ স্বযমেবানমন্তে ॥ ৭৮ ॥
-র্লাক্ষালক্ষ্ম্যাং মজ্জযন্তীং জগন্তি ।
হেরম্বাম্ব ত্বাং হৃদা লম্বতে য-
-স্তস্মৈ বিশঃ স্বযমেবানমন্তে ॥ ৭৮ ॥
তব তত্ত্বং বিমৃশতাং প্রত্যগদ্বৈতলক্ষণম্ ।
চিদানন্দঘনাদন্যন্নেহ নানাস্তি কিঞ্চন ॥ ৭৯ ॥
চিদানন্দঘনাদন্যন্নেহ নানাস্তি কিঞ্চন ॥ ৭৯ ॥
কণ্ঠাত্কুণ্ডলিনীং নীত্বা সহস্রারং শিবে তব ।
ন পুনর্জাযতে গর্ভে সুমেধা অমৃতোক্ষিতঃ ॥ ৮০ ॥
ন পুনর্জাযতে গর্ভে সুমেধা অমৃতোক্ষিতঃ ॥ ৮০ ॥
ত্বত্পাদুকানুসন্ধানপ্রাপ্তসর্বাত্মতাদৃশি ।
পূর্ণাহঙ্কৃতিমত্যস্মিন্ন কর্ম লিপ্যতে নরে ॥ ৮১ ॥
পূর্ণাহঙ্কৃতিমত্যস্মিন্ন কর্ম লিপ্যতে নরে ॥ ৮১ ॥
তবানুগ্রহনির্ভিন্নহৃদযগ্রন্থিরদ্রিজে ।
স্বাত্মত্বেন জগন্মত্বা ততো ন বিজুগুপ্সতে ॥ ৮২ ॥
স্বাত্মত্বেন জগন্মত্বা ততো ন বিজুগুপ্সতে ॥ ৮২ ॥
কদা বসুদলোপেতে ত্রিকোণনবকান্বিতে ।
আবাহযামি চক্রে ত্বাং সূর্যাভাং শ্রিযমৈশ্বরীম্ ॥ ৮৩ ॥
আবাহযামি চক্রে ত্বাং সূর্যাভাং শ্রিযমৈশ্বরীম্ ॥ ৮৩ ॥
হ্রীমিত্যেকং তাবকং বাচকার্ণং
যজ্জিহ্বাগ্রে দেবি জাগর্তি কিঞ্চিত্ ।
কো বাযং স্যাত্কামকামস্ত্রিলোক্যাং
সর্বেঽস্মৈ দেবাঃ বলিমাবহন্তি ॥ ৮৪ ॥
যজ্জিহ্বাগ্রে দেবি জাগর্তি কিঞ্চিত্ ।
কো বাযং স্যাত্কামকামস্ত্রিলোক্যাং
সর্বেঽস্মৈ দেবাঃ বলিমাবহন্তি ॥ ৮৪ ॥
নাকস্ত্রীণাং কিন্নরীণাং নৃপাণা-
-মপ্যাকর্ষী চেতসা চিন্তনীযম্ ।
ত্বত্পাণিস্থং কুঙ্কুমাভং শিবে যং
দ্বিষ্মস্তস্মিন্প্রতি মুঞ্চামি পাশম্ ॥ ৮৫ ॥
-মপ্যাকর্ষী চেতসা চিন্তনীযম্ ।
ত্বত্পাণিস্থং কুঙ্কুমাভং শিবে যং
দ্বিষ্মস্তস্মিন্প্রতি মুঞ্চামি পাশম্ ॥ ৮৫ ॥
নূনং সিংহাসনেশ্বর্যাস্তবাজ্ঞাং শিরসা বহন্ ।
ভযেন পবমানোঽযং সর্বা দিশোঽনুবিধাবতি ॥ ৮৬ ॥
ভযেন পবমানোঽযং সর্বা দিশোঽনুবিধাবতি ॥ ৮৬ ॥
ত্রিকলাঢ্যাং ত্রিহৃল্লেখাং দ্বিহংসস্বরভূষিতাম্ ।
যো জপত্যম্ব তে বিদ্যাং সোঽক্ষরঃ পরমঃ স্বরাট্ ॥ ৮৭ ॥
যো জপত্যম্ব তে বিদ্যাং সোঽক্ষরঃ পরমঃ স্বরাট্ ॥ ৮৭ ॥
দারিদ্র্যাব্ধৌ দেবি মগ্নোঽপি শশ্ব-
-দ্বাচা যাচে নাহমম্ব ত্বদন্যম্ ।
তস্মাদস্মদ্বাঞ্ছিতং পূরযৈত-
-দুষা সা নক্তা সুদুঘেব ধেনুঃ ॥ ৮৮ ॥
-দ্বাচা যাচে নাহমম্ব ত্বদন্যম্ ।
তস্মাদস্মদ্বাঞ্ছিতং পূরযৈত-
-দুষা সা নক্তা সুদুঘেব ধেনুঃ ॥ ৮৮ ॥
যো বা যদ্যত্কামনাকৃষ্টচিত্তঃ
স্তুত্বোপাস্তে দেবি তে চক্রবিদ্যাম্ ।
কল্যাণানামালযঃ কালযোগা-
-ত্তং তং লোকং জযতে তাংশ্চ কামান্ ॥ ৮৯ ॥
স্তুত্বোপাস্তে দেবি তে চক্রবিদ্যাম্ ।
কল্যাণানামালযঃ কালযোগা-
-ত্তং তং লোকং জযতে তাংশ্চ কামান্ ॥ ৮৯ ॥
সাধকঃ সততং কুর্যাদৈক্যং শ্রীচক্রদেহযোঃ ।
তথা দেব্যাত্মনোরৈক্যমেতাবদনুশাসনম্ ॥ ৯০ ॥
তথা দেব্যাত্মনোরৈক্যমেতাবদনুশাসনম্ ॥ ৯০ ॥
হস্তাম্ভোজপ্রোল্লসচ্চামরাভ্যাং
শ্রীবাণীভ্যাং পার্শ্বযোর্বীজ্যমানাম্ ।
শ্রীসংম্রাজ্ঞি ত্বাং সদালোকযেযং
সদা সদ্ভিঃ সেব্যমানাং নিগূঢাম্ ॥ ৯১ ॥
শ্রীবাণীভ্যাং পার্শ্বযোর্বীজ্যমানাম্ ।
শ্রীসংম্রাজ্ঞি ত্বাং সদালোকযেযং
সদা সদ্ভিঃ সেব্যমানাং নিগূঢাম্ ॥ ৯১ ॥
ইষ্টানিষ্টপ্রাপ্তিবিচ্ছিত্তিহেতুঃ
স্তোতুং বাচাং ক্লুপ্তিরিত্যেব মন্যে ।
ত্বদ্রূপং হি স্বানুভূত্যৈকবেদ্যং
ন চক্ষুষা গৃহ্যতে নাপি বাচা ॥ ৯২ ॥
স্তোতুং বাচাং ক্লুপ্তিরিত্যেব মন্যে ।
ত্বদ্রূপং হি স্বানুভূত্যৈকবেদ্যং
ন চক্ষুষা গৃহ্যতে নাপি বাচা ॥ ৯২ ॥
হরস্বরৈশ্চতুর্বর্গপ্রদং মন্ত্রং সবিন্দুকম্ ।
দেব্যা জপত বিপ্রেন্দ্রা অন্যা বাচো বিমুঞ্চথ ॥ ৯৩ ॥
দেব্যা জপত বিপ্রেন্দ্রা অন্যা বাচো বিমুঞ্চথ ॥ ৯৩ ॥
যস্তে রাকাচন্দ্রবিম্বাসনস্থাং
পীযূষাব্ধিং কল্পযন্তীং মযূখৈঃ ।
মূর্তিং ভক্ত্যা ধ্যাযতে হৃত্সরোজে
ন তস্য রোগো ন জরা ন মৃত্যুঃ ॥ ৯৪ ॥
পীযূষাব্ধিং কল্পযন্তীং মযূখৈঃ ।
মূর্তিং ভক্ত্যা ধ্যাযতে হৃত্সরোজে
ন তস্য রোগো ন জরা ন মৃত্যুঃ ॥ ৯৪ ॥
তুভ্যং মাতর্যোঽঞ্জলিং মূর্ধ্নি ধত্তে
মৌলিশ্রেণ্যা ভূভুজস্তং নমন্তি ।
যঃ স্তৌতি ত্বামম্ব চিদ্বল্লিবাচা
তং ধীরাসঃ কবয উন্নযন্তি ॥ ৯৫ ॥
মৌলিশ্রেণ্যা ভূভুজস্তং নমন্তি ।
যঃ স্তৌতি ত্বামম্ব চিদ্বল্লিবাচা
তং ধীরাসঃ কবয উন্নযন্তি ॥ ৯৫ ॥
বৈরিঞ্চোঘৈর্বিষ্ণুরুদ্রেন্দ্রবৃন্দৈ-
-র্দুর্গাকালীভৈরবীশক্তিসঙ্ঘৈঃ ।
যন্ত্রেশি ত্বং বর্তসে স্তূযমানা
ন তত্র সূর্যো ভাতি ন চন্দ্রতারকম্ ॥ ৯৬ ॥
-র্দুর্গাকালীভৈরবীশক্তিসঙ্ঘৈঃ ।
যন্ত্রেশি ত্বং বর্তসে স্তূযমানা
ন তত্র সূর্যো ভাতি ন চন্দ্রতারকম্ ॥ ৯৬ ॥
ভূত্যৈ ভবানি ত্বাং বন্দে সুরাঃ শতমখাদযঃ ।
ত্বামানম্য সমৃদ্ধাঃ স্যুরাযো ধামানি দিব্যানি ॥ ৯৭ ॥
ত্বামানম্য সমৃদ্ধাঃ স্যুরাযো ধামানি দিব্যানি ॥ ৯৭ ॥
পুষ্পবত্পুল্লতাটঙ্কাং প্রাতরাদিত্যপাটলাম্ ।
যস্ত্বামন্তঃ স্মরত্যম্ব তস্য দেবা অসন্বশে ॥ ৯৮ ॥
যস্ত্বামন্তঃ স্মরত্যম্ব তস্য দেবা অসন্বশে ॥ ৯৮ ॥
বশ্যে বিদ্রুমসঙ্কাশাং বিদ্যাযাং বিশদপ্রভাম্ ।
ত্বামম্ব ভাবযেদ্ভূত্যৈ সুবর্ণাং হেমমালিনীম্ ॥ ৯৯ ॥
ত্বামম্ব ভাবযেদ্ভূত্যৈ সুবর্ণাং হেমমালিনীম্ ॥ ৯৯ ॥
বামাঙ্কস্থামীশিতুর্দীপ্যমানাং
ভূষাবৃন্দৈরিন্দুরেখাবতংসাম্ ।
যস্ত্বাং পশ্যন্ সন্ততং নৈব তৃপ্তঃ
তস্মৈ চ দেবি বষডস্তু তুভ্যম্ ॥ ১০০ ॥
ভূষাবৃন্দৈরিন্দুরেখাবতংসাম্ ।
যস্ত্বাং পশ্যন্ সন্ততং নৈব তৃপ্তঃ
তস্মৈ চ দেবি বষডস্তু তুভ্যম্ ॥ ১০০ ॥
নবনীপবনীবাসলালসোত্তরমানসে ।
শৃঙ্গারদেবতে মাতঃ শ্রিযং বাসয মে কুলে ॥ ১০১ ॥
শৃঙ্গারদেবতে মাতঃ শ্রিযং বাসয মে কুলে ॥ ১০১ ॥
ভক্ত্যাভক্ত্যা বাপি পদ্যাবসান-
-শ্রুত্যা স্তুত্যা চৈতযা স্তৌতি যস্ত্বাম্ ।
তস্য ক্ষিপ্রং ত্বত্প্রসাদেন মাতঃ
সত্যাঃ সন্তু যজমানস্য কামাঃ ॥ ১০২ ॥
-শ্রুত্যা স্তুত্যা চৈতযা স্তৌতি যস্ত্বাম্ ।
তস্য ক্ষিপ্রং ত্বত্প্রসাদেন মাতঃ
সত্যাঃ সন্তু যজমানস্য কামাঃ ॥ ১০২ ॥
বালিশেন মযা প্রোক্তমপি বাত্সল্যশালিনোঃ ।
আনন্দমাদিদম্পত্যোরিমা বর্ধন্তু বাঙ্গিরঃ ॥ ১০৩ ॥
আনন্দমাদিদম্পত্যোরিমা বর্ধন্তু বাঙ্গিরঃ ॥ ১০৩ ॥
মাধুরীসৌরভাবাসচাপসাযকধারিণীম্ ।
দেবীং ধ্যাযন্ পঠেদেতত্সর্বকামার্থসিদ্ধযে ॥ ১০৪ ॥
দেবীং ধ্যাযন্ পঠেদেতত্সর্বকামার্থসিদ্ধযে ॥ ১০৪ ॥
স্তোত্রমেতত্প্রজপতস্তব ত্রিপুরসুন্দরি ।
অনুদ্বীক্ষ্য ভযাদ্দূরং মৃত্যুর্ধাবতি পঞ্চমঃ ॥ ১০৫ ॥
অনুদ্বীক্ষ্য ভযাদ্দূরং মৃত্যুর্ধাবতি পঞ্চমঃ ॥ ১০৫ ॥
যঃ পঠতি স্তুতিমেতাং
বিদ্যাবন্তং তমম্ব ধনবন্তম্ ।
কুরু দেবি যশস্বন্তং
বর্চস্বন্তং মনুষ্যেষু ॥ ১০৬ ॥
বিদ্যাবন্তং তমম্ব ধনবন্তম্ ।
কুরু দেবি যশস্বন্তং
বর্চস্বন্তং মনুষ্যেষু ॥ ১০৬ ॥
যে শৃণ্বন্তি স্তুতিমিমাং তব দেব্যনসূযকাঃ ।
তেভ্যো দেহি শ্রিযং বিদ্যামুদ্বর্চ উত্তনূবলম্ ॥ ১০৭ ॥
তেভ্যো দেহি শ্রিযং বিদ্যামুদ্বর্চ উত্তনূবলম্ ॥ ১০৭ ॥
ত্বামেবাহং স্তৌমি নিত্যং প্রণৌমি
শ্রীবিদ্যেশাং বচ্মি সঞ্চিন্তযামি ।
অধ্যাস্তে যা বিশ্বমাতা বিরাজো
হৃত্পুণ্ডরীকং বিরজং বিশুদ্ধম্ ॥ ১০৮ ॥
শ্রীবিদ্যেশাং বচ্মি সঞ্চিন্তযামি ।
অধ্যাস্তে যা বিশ্বমাতা বিরাজো
হৃত্পুণ্ডরীকং বিরজং বিশুদ্ধম্ ॥ ১০৮ ॥
শঙ্করেণ রচিতং স্তবোত্তমং
যঃ পঠেজ্জগতি ভক্তিমান্নরঃ ।
তস্য সিদ্ধিরতুলা ভবেদ্ধ্রুবা
সুন্দরী চ সততং প্রসীদতি ॥ ১০৯ ॥
যঃ পঠেজ্জগতি ভক্তিমান্নরঃ ।
তস্য সিদ্ধিরতুলা ভবেদ্ধ্রুবা
সুন্দরী চ সততং প্রসীদতি ॥ ১০৯ ॥
যত্রৈব যত্রৈব মনো মদীযং
তত্রৈব তত্রৈব তব স্বরূপম্ ।
যত্রৈব যত্রৈব শিরো মদীযং
তত্রৈব তত্রৈব পদদ্বযং তে ॥ ১১০ ॥
তত্রৈব তত্রৈব তব স্বরূপম্ ।
যত্রৈব যত্রৈব শিরো মদীযং
তত্রৈব তত্রৈব পদদ্বযং তে ॥ ১১০ ॥
॥ ইতি শ্রীমত্পরমহংসপরিব্রাজকাচার্যস্য শ্রীগোবিন্দভগবত্পূজ্যপাদশিষ্যস্য
শ্রীমচ্ছঙ্করভগবতঃ কৃতৌ ত্রিপুরসুন্দরী বেদপাদ স্তবঃ ॥