॥ ശ്രീ ത്രിപുരസുന്ദരീ വേദപാദ സ്തവഃ ॥
വേദപാദസ്തവം വക്ഷ്യേ ദേവ്യാഃ പ്രിയചികീര്ഷയാ ।
യഥാമതി മതിം ദേവസ്തന്നോ ദന്തിഃ പ്രചോദയാത് ॥ ൧ ॥
യഥാമതി മതിം ദേവസ്തന്നോ ദന്തിഃ പ്രചോദയാത് ॥ ൧ ॥
അകിഞ്ചിത്കരകര്മഭ്യഃ പ്രത്യാഹൃത്യ കൃപാവശാത് ।
സുബ്രഹ്മണ്യഃ സ്തുതാവസ്യാം തന്നഃ ഷണ്മുഖഃ പ്രചോദയാത് ॥ ൨ ॥
സുബ്രഹ്മണ്യഃ സ്തുതാവസ്യാം തന്നഃ ഷണ്മുഖഃ പ്രചോദയാത് ॥ ൨ ॥
അകാരാദിക്ഷകാരാന്തവര്ണാവയവശാലിനീ ।
വീണാപുസ്തകഹസ്താവ്യാത്പ്രണോ ദേവീ സരസ്വതീ ॥ ൩ ॥
വീണാപുസ്തകഹസ്താവ്യാത്പ്രണോ ദേവീ സരസ്വതീ ॥ ൩ ॥
യാ വര്ണപദവാക്യാര്ഥഗദ്യപദ്യസ്വരൂപിണീ ।
വാചി നര്തയതു ക്ഷിപ്രം മേധാം ദേവീ സരസ്വതീ ॥ ൪ ॥
വാചി നര്തയതു ക്ഷിപ്രം മേധാം ദേവീ സരസ്വതീ ॥ ൪ ॥
ഉപാസ്യമാനാ വിപ്രേന്ദ്രൈഃ സന്ധ്യാസു ച തിസൃഷ്വപി ।
സദ്യഃ പ്രസീദ മേ മാതഃ സന്ധ്യാവിദ്യേ സരസ്വതീ ॥ ൫ ॥
സദ്യഃ പ്രസീദ മേ മാതഃ സന്ധ്യാവിദ്യേ സരസ്വതീ ॥ ൫ ॥
മന്ദാ നിന്ദാലോലുപാഹം സ്വഭാവാ-
-ദേതത്സ്തോത്രം പൂര്യതേ കിം മയേതി ।
മാ തേ ഭീതിര്ഹേ മതേ ത്വാദൃശാനാ-
-മേഷാ നേത്രീ രാധസാ സൂനൃതാനാമ് ॥ ൬ ॥
-ദേതത്സ്തോത്രം പൂര്യതേ കിം മയേതി ।
മാ തേ ഭീതിര്ഹേ മതേ ത്വാദൃശാനാ-
-മേഷാ നേത്രീ രാധസാ സൂനൃതാനാമ് ॥ ൬ ॥
തരങ്ഗഭ്രുകുടീകോടിഭങ്ഗ്യാ തര്ജയതേ ജരാമ് ।
സുധാമയായ ശുഭ്രായ സിന്ധൂനാം പതയേ നമഃ ॥ ൭ ॥
സുധാമയായ ശുഭ്രായ സിന്ധൂനാം പതയേ നമഃ ॥ ൭ ॥
തസ്യ മധ്യേ മണിദ്വീപഃ കല്പകാരാമഭൂഷിതഃ ।
അസ്തു മേ ലലിതാവാസഃ സ്വസ്തിദാ അഭയങ്കരഃ ॥ ൮ ॥
അസ്തു മേ ലലിതാവാസഃ സ്വസ്തിദാ അഭയങ്കരഃ ॥ ൮ ॥
കദമ്ബമഞ്ജരീനിര്യദ്വാരുണീപാരണോന്മദൈഃ ।
ദ്വിരേഫൈര്വര്ണനീയായ വനാനാം പതയേ നമഃ ॥ ൯ ॥
ദ്വിരേഫൈര്വര്ണനീയായ വനാനാം പതയേ നമഃ ॥ ൯ ॥
തത്ര വപ്രാവലീ ലീലാ ഗഗനോല്ലങ്ഘിഗോപുരമ് ।
മാതഃ കൌതൂഹലം ദദ്യാത്സഗ്ംഹാര്യം നഗരം തവ ॥ ൧൦ ॥
മാതഃ കൌതൂഹലം ദദ്യാത്സഗ്ംഹാര്യം നഗരം തവ ॥ ൧൦ ॥
മകരന്ദഝരീമജ്ജന്മിലിന്ദകുലസങ്കുലാമ് ।
മഹാപദ്മാടവീം വന്ദേ യശസാ സമ്പരീവൃതാമ് ॥ ൧൧ ॥
മഹാപദ്മാടവീം വന്ദേ യശസാ സമ്പരീവൃതാമ് ॥ ൧൧ ॥
തത്രൈവ ചിന്താമണിധോരണാര്ചിഭി-
-ര്വിനിര്മിതം രോപിതരത്നശൃങ്ഗമ് ।
ഭജേ ഭവാനീഭവനാവതംസ-
-മാദിത്യവര്ണം തമസഃ പരസ്താത് ॥ ൧൨ ॥
-ര്വിനിര്മിതം രോപിതരത്നശൃങ്ഗമ് ।
ഭജേ ഭവാനീഭവനാവതംസ-
-മാദിത്യവര്ണം തമസഃ പരസ്താത് ॥ ൧൨ ॥
മുനിഭിഃ സ്വാത്മലാഭായ യച്ചക്രം ഹൃദി സേവ്യതേ ।
തത്ര പശ്യാമി ബുദ്ധ്യാ തദക്ഷരേ പരമേ വ്യോമന് ॥ ൧൩ ॥
തത്ര പശ്യാമി ബുദ്ധ്യാ തദക്ഷരേ പരമേ വ്യോമന് ॥ ൧൩ ॥
പഞ്ചബ്രഹ്മമയോ മഞ്ചസ്തത്ര യോ ബിന്ദുമധ്യഗഃ ।
തവ കാമേശി വാസോഽയമായുഷ്മന്തം കരോതു മാമ് ॥ ൧൪ ॥
തവ കാമേശി വാസോഽയമായുഷ്മന്തം കരോതു മാമ് ॥ ൧൪ ॥
നാനാരത്നഗുലുച്ഛാലീകാന്തികിമ്മീലിതോദരമ് ।
വിമൃശാമി വിതാനം തേഽതിശ്ലക്ഷ്ണമതിലോമശമ് ॥ ൧൫ ॥
വിമൃശാമി വിതാനം തേഽതിശ്ലക്ഷ്ണമതിലോമശമ് ॥ ൧൫ ॥
പര്യങ്കതല്പോപരി ദര്ശനീയം
സബാണചാപാങ്കുശപാശപാണിമ് ।
അശേഷഭൂഷാരമണീയമീഡേ
ത്രിലോചനം നീലകണ്ഠം പ്രശാന്തമ് ॥ ൧൬ ॥
സബാണചാപാങ്കുശപാശപാണിമ് ।
അശേഷഭൂഷാരമണീയമീഡേ
ത്രിലോചനം നീലകണ്ഠം പ്രശാന്തമ് ॥ ൧൬ ॥
ജടാരുണം ചന്ദ്രകലാലലാമം
ഉദ്വേലലാവണ്യകലാഭിരാമമ് ।
കാമേശ്വരം കാമശരാസനാങ്കം
സമസ്തസാക്ഷിം തമസഃ പരസ്താത് ॥ ൧൭ ॥
ഉദ്വേലലാവണ്യകലാഭിരാമമ് ।
കാമേശ്വരം കാമശരാസനാങ്കം
സമസ്തസാക്ഷിം തമസഃ പരസ്താത് ॥ ൧൭ ॥
തത്ര കാമേശവാമാങ്കേ ഖേലന്തീമലികുന്തലാമ് ।
സച്ചിദാനന്ദലഹരീം മഹാലക്ഷ്മീമുപാസ്മഹേ ॥ ൧൮ ॥
സച്ചിദാനന്ദലഹരീം മഹാലക്ഷ്മീമുപാസ്മഹേ ॥ ൧൮ ॥
ചാരുഗോരോചനാപങ്കജമ്ബാലിതഘനസ്തനീമ് ।
നമാമി ത്വാമഹം ലോകമാതരം പദ്മമാലിനീമ് ॥ ൧൯ ॥
നമാമി ത്വാമഹം ലോകമാതരം പദ്മമാലിനീമ് ॥ ൧൯ ॥
ശിവേ നമന്നിര്ജരകുഞ്ജരാസുര-
-പ്രതോലികാമൌലിമരീചിവീചിഭിഃ ।
ഇദം തവ ക്ഷാലനജാതസൌഭഗം
ചരണം നോ ലോകേ സുധിതാം ദധാതു ॥ ൨൦ ॥
-പ്രതോലികാമൌലിമരീചിവീചിഭിഃ ।
ഇദം തവ ക്ഷാലനജാതസൌഭഗം
ചരണം നോ ലോകേ സുധിതാം ദധാതു ॥ ൨൦ ॥
കല്പസ്യാദൌ കാരണേശാനപി ത്രീ-
-ന്സ്രഷ്ടും ദേവി ത്രീന്ഗുണാനാദധാനാമ് ।
സേവേ നിത്യം ശ്രേയസേ ഭൂയസേ ത്വാ-
-മജാമേകാം ലോഹിതശുക്ലകൃഷ്ണാമ് ॥ ൨൧ ॥
-ന്സ്രഷ്ടും ദേവി ത്രീന്ഗുണാനാദധാനാമ് ।
സേവേ നിത്യം ശ്രേയസേ ഭൂയസേ ത്വാ-
-മജാമേകാം ലോഹിതശുക്ലകൃഷ്ണാമ് ॥ ൨൧ ॥
കേശോദ്ഭൂതൈരദ്ഭുതാമോദപൂരൈ-
-രാശാബൃന്ദം സാന്ദ്രമാപൂരയന്തീമ് ।
ത്വാമാനമ്യ ത്വത്പ്രസാദാത്സ്വയമ്ഭൂ-
-രസ്മാന്മായീ സൃജതേ വിശ്വമേതത് ॥ ൨൨ ॥
-രാശാബൃന്ദം സാന്ദ്രമാപൂരയന്തീമ് ।
ത്വാമാനമ്യ ത്വത്പ്രസാദാത്സ്വയമ്ഭൂ-
-രസ്മാന്മായീ സൃജതേ വിശ്വമേതത് ॥ ൨൨ ॥
അര്ധോന്മീലദ്യൌവനോദ്ദാമദര്പാം
ദിവ്യാകല്പൈരര്പയന്തീം മയൂഖാന് ।
ദേവി ധ്യാത്വാ ത്വാം പുരാ കൈടഭാരി-
-ര്വിശ്വം ബിഭര്തി ഭുവനസ്യ നാഭിഃ ॥ ൨൩ ॥
ദിവ്യാകല്പൈരര്പയന്തീം മയൂഖാന് ।
ദേവി ധ്യാത്വാ ത്വാം പുരാ കൈടഭാരി-
-ര്വിശ്വം ബിഭര്തി ഭുവനസ്യ നാഭിഃ ॥ ൨൩ ॥
കല്ഹാരശ്രീമഞ്ജരീപുഞ്ജരീതിം
ധിക്കുര്വന്തീമമ്ബ തേ പാടലിമ്നാ ।
മൂര്തിം ധ്യാത്വാ ശാശ്വതീം ഭൂതിമായ-
-ന്നിന്ദ്രോ രാജാ ജഗതോ യ ഈശേ ॥ ൨൪ ॥
ധിക്കുര്വന്തീമമ്ബ തേ പാടലിമ്നാ ।
മൂര്തിം ധ്യാത്വാ ശാശ്വതീം ഭൂതിമായ-
-ന്നിന്ദ്രോ രാജാ ജഗതോ യ ഈശേ ॥ ൨൪ ॥
ദേവതാന്തരമന്ത്രൌഘജപശ്രീഫലഭൂതയാ ।
ജാപകസ്തവ ദേവ്യന്തേ വിദ്യയാ വിന്ദതേഽമൃതമ് ॥ ൨൫ ॥
ജാപകസ്തവ ദേവ്യന്തേ വിദ്യയാ വിന്ദതേഽമൃതമ് ॥ ൨൫ ॥
പുംസ്കോകിലകലക്വാണകോമലാലാപശാലിനി ।
ഭദ്രാണി കുരു മേ മാതര്ദുരിതാനി പരാസുവ ॥ ൨൬ ॥
ഭദ്രാണി കുരു മേ മാതര്ദുരിതാനി പരാസുവ ॥ ൨൬ ॥
അന്തേവാസിന്നസ്തി ചേത്തേ മുമുക്ഷാ
വക്ഷ്യേ യുക്തിം മുക്തസര്വൈഷണഃ സന് ।
സദ്ഭ്യഃ സാക്ഷാത്സുന്ദരീം ജ്ഞപ്തിരൂപാം
ശ്രദ്ധാഭക്തിധ്യാനയോഗാദവേഹി ॥ ൨൭ ॥
വക്ഷ്യേ യുക്തിം മുക്തസര്വൈഷണഃ സന് ।
സദ്ഭ്യഃ സാക്ഷാത്സുന്ദരീം ജ്ഞപ്തിരൂപാം
ശ്രദ്ധാഭക്തിധ്യാനയോഗാദവേഹി ॥ ൨൭ ॥
ഷോഢാന്യാസാദിദേവൈശ്ച സേവിതാ ചക്രമധ്യഗാ ।
കാമേശമഹിഷീ ഭൂയഃ ഷോഡശീ ശര്മ യച്ഛതു ॥ ൨൮ ॥
കാമേശമഹിഷീ ഭൂയഃ ഷോഡശീ ശര്മ യച്ഛതു ॥ ൨൮ ॥
ശാന്തോ ദാന്തോ ദേശികേന്ദ്രം പ്രണമ്യ
തസ്യാദേശാത്താരകം മന്ത്രതത്ത്വമ് ।
ജാനീതേ ചേദമ്ബ ധന്യഃ സമാനം
നാതഃ പരം വേദിതവ്യം ഹി കിഞ്ചിത് ॥ ൨൯ ॥
തസ്യാദേശാത്താരകം മന്ത്രതത്ത്വമ് ।
ജാനീതേ ചേദമ്ബ ധന്യഃ സമാനം
നാതഃ പരം വേദിതവ്യം ഹി കിഞ്ചിത് ॥ ൨൯ ॥
ത്വമേവ കാരണം കാര്യം ക്രിയാ ജ്ഞാനം ത്വമേവ ച ।
ത്വാമമ്ബ ന വിനാ കിഞ്ചിത്ത്വയി സര്വം പ്രതിഷ്ഠിതമ് ॥ ൩൦ ॥
ത്വാമമ്ബ ന വിനാ കിഞ്ചിത്ത്വയി സര്വം പ്രതിഷ്ഠിതമ് ॥ ൩൦ ॥
പരാഗമദ്രീന്ദ്രസുതേ തവാങ്ഘ്രി-
-സരോജയോരമ്ബ ദധാമി മൂര്ധ്നാ ।
അലങ്കൃതം വേദവധൂശിരോഭി-
-ര്യതോ ജാതോ ഭുവനാനി വിശ്വാ ॥ ൩൧ ॥
-സരോജയോരമ്ബ ദധാമി മൂര്ധ്നാ ।
അലങ്കൃതം വേദവധൂശിരോഭി-
-ര്യതോ ജാതോ ഭുവനാനി വിശ്വാ ॥ ൩൧ ॥
ദുഷ്ടാന്ദൈത്യാന്ഹന്തുകാമാം മഹര്ഷീന്
ശിഷ്ടാനന്യാന്പാതുകാമാം കരാബ്ജൈഃ ।
അഷ്ടാഭിസ്ത്വാം സായുധൈര്ഭാസമാനാം
ദുര്ഗാം ദേവീഗ്ം ശരണമഹം പ്രപദ്യേ ॥ ൩൨ ॥
ശിഷ്ടാനന്യാന്പാതുകാമാം കരാബ്ജൈഃ ।
അഷ്ടാഭിസ്ത്വാം സായുധൈര്ഭാസമാനാം
ദുര്ഗാം ദേവീഗ്ം ശരണമഹം പ്രപദ്യേ ॥ ൩൨ ॥
ദേവി സര്വാനവദ്യാങ്ഗി ത്വാമനാദൃത്യ യേ ക്രിയാഃ ।
കുര്വന്തി നിഷ്ഫലാസ്തേഷാമദുഗ്ധാ ഇവ ധേനവഃ ॥ ൩൩ ॥
കുര്വന്തി നിഷ്ഫലാസ്തേഷാമദുഗ്ധാ ഇവ ധേനവഃ ॥ ൩൩ ॥
നാഹം മന്യേ ദൈവതം മാന്യമന്യ-
-ത്ത്വത്പാദാബ്ജാദമ്ബികേ കുമ്ഭജാദ്യാഃ ।
യേ ധ്യാതാരോ ഭക്തിസംശുദ്ധചിത്താഃ
പരാമൃതാത്പരിമുച്യന്തി സര്വേ ॥ ൩൪ ॥
-ത്ത്വത്പാദാബ്ജാദമ്ബികേ കുമ്ഭജാദ്യാഃ ।
യേ ധ്യാതാരോ ഭക്തിസംശുദ്ധചിത്താഃ
പരാമൃതാത്പരിമുച്യന്തി സര്വേ ॥ ൩൪ ॥
കുര്വാണോഽപി ദുരാരമ്ഭാംസ്തവ നാമാനി ശാമ്ഭവി ।
പ്രജപന്നേതി മായാന്തമതി മൃത്യും തരാമ്യഹമ് ॥ ൩൫ ॥
പ്രജപന്നേതി മായാന്തമതി മൃത്യും തരാമ്യഹമ് ॥ ൩൫ ॥
കല്യാണി ത്വം കുന്ദഹാസപ്രകാശൈ-
-രന്തര്ധ്വാന്തം നാശയന്തീ ക്ഷണേന ।
ഹന്താസ്മാകം ധ്യായതാം ത്വത്പദാബ്ജ-
-മുച്ചതിഷ്ഠ മഹതേ സൌഭഗായ ॥ ൩൬ ॥
-രന്തര്ധ്വാന്തം നാശയന്തീ ക്ഷണേന ।
ഹന്താസ്മാകം ധ്യായതാം ത്വത്പദാബ്ജ-
-മുച്ചതിഷ്ഠ മഹതേ സൌഭഗായ ॥ ൩൬ ॥
തിതീര്ഷയാ ഭവാമ്ഭോധേര്ഹയഗ്രീവാദയഃ പുരാ ।
അപ്രമത്താ ഭവത്പൂജാം സുവിദ്വാംസോ വിതേനിരേ ॥ ൩൭ ॥
അപ്രമത്താ ഭവത്പൂജാം സുവിദ്വാംസോ വിതേനിരേ ॥ ൩൭ ॥
മദ്വശ്യാ യേ ദുരാചാരാ യേ ച സന്മാര്ഗഗാമിനഃ ।
ഭവത്യാഃ കൃപയാ സര്വേ സുവര്യന്തു യജമാനാഃ ॥ ൩൮ ॥
ഭവത്യാഃ കൃപയാ സര്വേ സുവര്യന്തു യജമാനാഃ ॥ ൩൮ ॥
ശ്രീചക്രസ്ഥാം ശാശ്വതൈശ്വര്യദാത്രീം
പൌണ്ഡ്രം ചാപം പുഷ്പബാണാന്ദധാനാമ് ।
ബന്ധൂകാഭാം ഭാവയാമി ത്രിനേത്രാം
താമഗ്നിവര്ണാം തപസാ ജ്വലന്തീമ് ॥ ൩൯ ॥
പൌണ്ഡ്രം ചാപം പുഷ്പബാണാന്ദധാനാമ് ।
ബന്ധൂകാഭാം ഭാവയാമി ത്രിനേത്രാം
താമഗ്നിവര്ണാം തപസാ ജ്വലന്തീമ് ॥ ൩൯ ॥
ഭവാനി തവ പാദാബ്ജനിര്ണേജനപവിത്രതാഃ ।
ഭവാമയപ്രശാന്ത്യൈ ത്വാമപോ യാചാമി ഭേഷജമ് ॥ ൪൦ ॥
ഭവാമയപ്രശാന്ത്യൈ ത്വാമപോ യാചാമി ഭേഷജമ് ॥ ൪൦ ॥
ചിദാനന്ദസുധാമ്ഭോധേസ്തവാനന്ദലവോഽസ്തി യഃ ।
കാരണേശൈസ്ത്രിഭിഃ സാകം തദ്വിശ്വമുപജീവതി ॥ ൪൧ ॥
കാരണേശൈസ്ത്രിഭിഃ സാകം തദ്വിശ്വമുപജീവതി ॥ ൪൧ ॥
നോ വാ യാഗൈര്നൈവ പൂര്താദികൃത്യൈ-
-ര്നോ വാ ജപ്യൈര്നോ മഹദ്ഭിസ്തപോഭിഃ ।
നോ വാ യോഗൈഃ ക്ലേശകൃദ്ഭിഃ സുമേധാ
നിചായ്യേമാം ശാന്തിമത്യന്തമേതി ॥ ൪൨ ॥
-ര്നോ വാ ജപ്യൈര്നോ മഹദ്ഭിസ്തപോഭിഃ ।
നോ വാ യോഗൈഃ ക്ലേശകൃദ്ഭിഃ സുമേധാ
നിചായ്യേമാം ശാന്തിമത്യന്തമേതി ॥ ൪൨ ॥
പ്രാതഃ പാഹി മഹാവിദ്യേ മധ്യാഹ്നേ തു മൃഡപ്രിയേ ।
സായം പാഹി ജഗദ്വന്ദ്യേ പുനര്നഃ പാഹി വിശ്വതഃ ॥ ൪൩ ॥
സായം പാഹി ജഗദ്വന്ദ്യേ പുനര്നഃ പാഹി വിശ്വതഃ ॥ ൪൩ ॥
ബന്ധൂകാഭൈര്ഭാനുഭിര്ഭാസയന്തീ
വിശ്വം ശശ്വത്തുങ്ഗപീനസ്തനാര്ധാ ।
ലാവണ്യാബ്ധേഃ സുന്ദരി ത്വം പ്രസാദാ-
-ദായുഃ പ്രജാഗ്ം രയിമസ്മാസു ധേഹി ॥ ൪൪ ॥
വിശ്വം ശശ്വത്തുങ്ഗപീനസ്തനാര്ധാ ।
ലാവണ്യാബ്ധേഃ സുന്ദരി ത്വം പ്രസാദാ-
-ദായുഃ പ്രജാഗ്ം രയിമസ്മാസു ധേഹി ॥ ൪൪ ॥
കര്ണാകര്ണയ മേ തത്ത്വം യാ ചിച്ഛക്തിരിതീര്യതേ ।
ത്രിര്വദാമി മുമുക്ഷൂണാം സാ കാഷ്ഠാ സാ പരാ ഗതിഃ ॥ ൪൫ ॥
ത്രിര്വദാമി മുമുക്ഷൂണാം സാ കാഷ്ഠാ സാ പരാ ഗതിഃ ॥ ൪൫ ॥
വാഗ്ദേവീതി ത്വാം വദന്ത്യമ്ബ കേചി-
-ല്ലക്ഷ്മീര്ഗൌരീത്യേവമന്യേഽപ്യുശന്തി ।
ശശ്വന്മാതഃ പ്രത്യഗദ്വൈതരൂപാം
ശംസന്തി കേചിന്നിവിദോ ജനാഃ ॥ ൪൬ ॥
-ല്ലക്ഷ്മീര്ഗൌരീത്യേവമന്യേഽപ്യുശന്തി ।
ശശ്വന്മാതഃ പ്രത്യഗദ്വൈതരൂപാം
ശംസന്തി കേചിന്നിവിദോ ജനാഃ ॥ ൪൬ ॥
ലലിതേതി സുധാപൂരമാധുരീചോരമമ്ബികേ ।
തവ നാമാസ്തി യത്തേന ജിഹ്വാ മേ മധുമത്തമാ ॥ ൪൭ ॥
തവ നാമാസ്തി യത്തേന ജിഹ്വാ മേ മധുമത്തമാ ॥ ൪൭ ॥
യേ സമ്പന്നാഃ സാധനൈസ്തൈശ്ചത്തുര്ഭിഃ
ശുശ്രൂഷാഭിര്ദേശികം പ്രീണയന്തി ।
സമ്യഗ്വിദ്വാന് ശുദ്ധസത്ത്വാന്തരാണാം
തേഷാമേവൈതാം ബ്രഹ്മവിദ്യാം വദേത ॥ ൪൮ ॥
ശുശ്രൂഷാഭിര്ദേശികം പ്രീണയന്തി ।
സമ്യഗ്വിദ്വാന് ശുദ്ധസത്ത്വാന്തരാണാം
തേഷാമേവൈതാം ബ്രഹ്മവിദ്യാം വദേത ॥ ൪൮ ॥
അഭിചാരാദിഭിഃ കൃത്യാം യഃ പ്രേരയതി മയ്യുമേ ।
തവ ഹുങ്കാരസന്ത്രസ്താ പ്രത്യക്കര്താരമൃച്ഛതു ॥ ൪൯ ॥
തവ ഹുങ്കാരസന്ത്രസ്താ പ്രത്യക്കര്താരമൃച്ഛതു ॥ ൪൯ ॥
ജഗത്പവിത്രി മാമികാമപാഹരാശു ദുര്ജരാമ് ।
പ്രസീദ മേ ദയാധുനേ പ്രശസ്തിമമ്ബ നഃ സ്കൃധി ॥ ൫൦ ॥
പ്രസീദ മേ ദയാധുനേ പ്രശസ്തിമമ്ബ നഃ സ്കൃധി ॥ ൫൦ ॥
കദമ്ബാരുണമമ്ബായാ രൂപം ചിന്തയ ചിത്ത മേ ।
മുഞ്ച പാപീയസീം നിഷ്ഠാം മാ ഗൃധഃ കസ്യ സ്വിദ്ധനമ് ॥ ൫൧ ॥
മുഞ്ച പാപീയസീം നിഷ്ഠാം മാ ഗൃധഃ കസ്യ സ്വിദ്ധനമ് ॥ ൫൧ ॥
ഭണ്ഡഭണ്ഡനലീലായാം രക്തചന്ദനപങ്കിലഃ ।
അങ്കുശസ്തവ തം ഹന്യാദ്യശ്ച നോ ദ്വിഷതേ ജനഃ ॥ ൫൨ ॥
അങ്കുശസ്തവ തം ഹന്യാദ്യശ്ച നോ ദ്വിഷതേ ജനഃ ॥ ൫൨ ॥
രേ രേ ചിത്ത ത്വം വൃധാ ശോകസിന്ധൌ
മജ്ജസ്യന്തര്വച്മ്യുപായം വിമുക്ത്യൈ ।
ദേവ്യാഃ പാദൌ പൂജയൈകാക്ഷരേണ
തത്തേ പദം സങ്ഗ്രഹേണ ബ്രവീമ്യോമ് ॥ ൫൩ ॥
മജ്ജസ്യന്തര്വച്മ്യുപായം വിമുക്ത്യൈ ।
ദേവ്യാഃ പാദൌ പൂജയൈകാക്ഷരേണ
തത്തേ പദം സങ്ഗ്രഹേണ ബ്രവീമ്യോമ് ॥ ൫൩ ॥
ചഞ്ചദ്ബാലാതപജ്യോത്സ്നാകലാമണ്ഡലശാലിനേ ।
ഐക്ഷവായ നമോ മാതര്ബാഹുഭ്യാം തവ ധന്വനേ ॥ ൫൪ ॥
ഐക്ഷവായ നമോ മാതര്ബാഹുഭ്യാം തവ ധന്വനേ ॥ ൫൪ ॥
താമേവാദ്യാം ബ്രഹ്മവിദ്യാമുപാസേ
മൂര്തൈര്വേദൈഃ സ്തൂയമാനാം ഭവാനീമ് ।
ഹന്ത സ്വാത്മത്വേന യാം മുക്തികാമോ
മത്വാ ധീരോ ഹര്ഷശോകൌ ജഹാതി ॥ ൫൫ ॥
മൂര്തൈര്വേദൈഃ സ്തൂയമാനാം ഭവാനീമ് ।
ഹന്ത സ്വാത്മത്വേന യാം മുക്തികാമോ
മത്വാ ധീരോ ഹര്ഷശോകൌ ജഹാതി ॥ ൫൫ ॥
ശരണം കരവാണ്യമ്ബ ചരണം തവ സുന്ദരി ।
ശപേ ത്വത്പാദുകാഭ്യാം മേ നാന്യഃ പന്ഥാ അയനായ ॥ ൫൬ ॥
ശപേ ത്വത്പാദുകാഭ്യാം മേ നാന്യഃ പന്ഥാ അയനായ ॥ ൫൬ ॥
രത്നച്ഛത്രൈശ്ചാമരൈര്ദര്പണാദ്യൈ-
-ശ്ചക്രേശാനീം സര്വദോപാചരന്ത്യഃ ।
യോഗിന്യോഽന്യാഃ ശക്തയശ്ചാണിമാദ്യാ
യൂയം പാതഃ സ്വസ്തിഭിഃ സദാ നഃ ॥ ൫൭ ॥
-ശ്ചക്രേശാനീം സര്വദോപാചരന്ത്യഃ ।
യോഗിന്യോഽന്യാഃ ശക്തയശ്ചാണിമാദ്യാ
യൂയം പാതഃ സ്വസ്തിഭിഃ സദാ നഃ ॥ ൫൭ ॥
ദരിദ്രം മാം വിജാനീഹി സര്വജ്ഞാസി യതഃ ശിവേ ।
ദൂരീകൃത്യാശു ദുരിതമഥാ നോ വര്ധയാ രയിമ് ॥ ൫൮ ॥
ദൂരീകൃത്യാശു ദുരിതമഥാ നോ വര്ധയാ രയിമ് ॥ ൫൮ ॥
മഹേശ്വരി മഹാമന്ത്രകൂടത്രയകലേബരേ ।
കാദിവിദ്യാക്ഷരശ്രേണിമുശന്തസ്ത്വാ ഹവാമഹേ ॥ ൫൯ ॥
കാദിവിദ്യാക്ഷരശ്രേണിമുശന്തസ്ത്വാ ഹവാമഹേ ॥ ൫൯ ॥
മൂലാധാരാദൂര്ധ്വമന്തശ്ചരന്തീം
ഭിത്ത്വാ ഗ്രന്ഥീന്മൂര്ധ്നി നിര്യത്സുധാര്ദ്രാമ് ।
പശ്യന്തസ്ത്വാം യേ ച തൃപ്തിം ലഭന്തേ
തേഷാം ശാന്തിഃ ശാശ്വതീ നേതരേഷാമ് ॥ ൬൦ ॥
ഭിത്ത്വാ ഗ്രന്ഥീന്മൂര്ധ്നി നിര്യത്സുധാര്ദ്രാമ് ।
പശ്യന്തസ്ത്വാം യേ ച തൃപ്തിം ലഭന്തേ
തേഷാം ശാന്തിഃ ശാശ്വതീ നേതരേഷാമ് ॥ ൬൦ ॥
മഹ്യം ദ്രുഹ്യന്തി യേ മാതസ്ത്വദ്ധ്യാനാസക്തചേതസേ ।
താനമ്ബ സായകൈരേഭിരവ ബ്രഹ്മദ്വിഷോ ജഹി ॥ ൬൧ ॥
താനമ്ബ സായകൈരേഭിരവ ബ്രഹ്മദ്വിഷോ ജഹി ॥ ൬൧ ॥
ത്വദ്ഭക്താനാമമ്ബ ശാന്തൈഷണാനാം
ബ്രഹ്മിഷ്ഠാനാം ദൃഷ്ടിപാതേന പൂതഃ ।
പാപീയാനപ്യാവൃതഃ സ്വര്വധൂഭിഃ
ശോകാതിഗോ മോദതേ സ്വര്ഗലോകേ ॥ ൬൨ ॥
ബ്രഹ്മിഷ്ഠാനാം ദൃഷ്ടിപാതേന പൂതഃ ।
പാപീയാനപ്യാവൃതഃ സ്വര്വധൂഭിഃ
ശോകാതിഗോ മോദതേ സ്വര്ഗലോകേ ॥ ൬൨ ॥
സന്തു വിദ്യാ ജഗത്യസ്മിന്സംസാരഭ്രമഹേതവഃ ।
ഭജേഽഹം ത്വാം യയാ വിദ്വാന്വിദ്യയാമൃതമശ്നുതേ ॥ ൬൩ ॥
ഭജേഽഹം ത്വാം യയാ വിദ്വാന്വിദ്യയാമൃതമശ്നുതേ ॥ ൬൩ ॥
വിദ്വന്മുഖ്യൈര്വിദ്രുമാഭം വിശാല-
-ശ്രോണീശിഞ്ജന്മേഖലാകിങ്കിണീകമ് ।
ചന്ദ്രോത്തംസം ചിന്മയം വസ്തു കിഞ്ചി-
-ദ്വിദ്ധി ത്വമേതന്നിഹിതം ഗുഹായാമ് ॥ ൬൪ ॥
-ശ്രോണീശിഞ്ജന്മേഖലാകിങ്കിണീകമ് ।
ചന്ദ്രോത്തംസം ചിന്മയം വസ്തു കിഞ്ചി-
-ദ്വിദ്ധി ത്വമേതന്നിഹിതം ഗുഹായാമ് ॥ ൬൪ ॥
ന വിസ്മരാമി ചിന്മൂര്തിമിക്ഷുകോദണ്ഡശാലിനീമ് ।
മുനയഃ സനകപ്രേഷ്ഠാസ്താമാഹുഃ പരമാം ഗതിമ് ॥ ൬൫ ॥
മുനയഃ സനകപ്രേഷ്ഠാസ്താമാഹുഃ പരമാം ഗതിമ് ॥ ൬൫ ॥
ചക്ഷുഃപ്രേങ്ഖത്പ്രേമകാരുണ്യധാരാം
ഹംസജ്യോത്സ്നാപൂരഹൃഷ്യച്ചകോരാമ് ।
യാമാശ്ലിഷ്യന്മോദതേ ദേവദേവഃ
സാ നോ ദേവീ സുഹവാ ശര്മ യച്ഛതു ॥ ൬൬ ॥
ഹംസജ്യോത്സ്നാപൂരഹൃഷ്യച്ചകോരാമ് ।
യാമാശ്ലിഷ്യന്മോദതേ ദേവദേവഃ
സാ നോ ദേവീ സുഹവാ ശര്മ യച്ഛതു ॥ ൬൬ ॥
മുഞ്ച വഞ്ചകതാം ചിത്ത പാമരം ചാപി ദൈവതമ് ।
ഗൃഹാണ പദമമ്ബായാ ഏതദാലമ്ബനം പരമ് ॥ ൬൭ ॥
ഗൃഹാണ പദമമ്ബായാ ഏതദാലമ്ബനം പരമ് ॥ ൬൭ ॥
കാ മേ ഭീതിഃ കാ ക്ഷതിഃ കിം ദുരാപം
കാമേശാങ്കോത്തുങ്ഗപര്യങ്കസംസ്ഥാമ് ।
തത്ത്വാതീതാമച്യുതാനന്ദദാത്രീം
ദേവീമഹം നിരൃതിം വന്ദമാനഃ ॥ ൬൮ ॥
കാമേശാങ്കോത്തുങ്ഗപര്യങ്കസംസ്ഥാമ് ।
തത്ത്വാതീതാമച്യുതാനന്ദദാത്രീം
ദേവീമഹം നിരൃതിം വന്ദമാനഃ ॥ ൬൮ ॥
ചിന്താമണിമയോത്തംസകാന്തികഞ്ചുകിതാനനേ ।
ലലിതേ ത്വാം സകൃന്നത്വാ ന ബിഭേതി കുതശ്ചന ॥ ൬൯ ॥
ലലിതേ ത്വാം സകൃന്നത്വാ ന ബിഭേതി കുതശ്ചന ॥ ൬൯ ॥
താരുണ്യോത്തുങ്ഗിതകുചേ ലാവണ്യോല്ലാസിതേക്ഷണേ ।
തവാജ്ഞയൈവ കാമാദ്യാ മാസ്മാന്പ്രാപന്നരാതയഃ ॥ ൭൦ ॥
തവാജ്ഞയൈവ കാമാദ്യാ മാസ്മാന്പ്രാപന്നരാതയഃ ॥ ൭൦ ॥
ആകര്ണാകൃഷ്ടകാമാസസ്ത്രസഞ്ജാതം താപമമ്ബ മേ ।
ആചാമതു കടാക്ഷസ്തേ പര്ജന്യോ വൃഷ്ടിമാനിവ ॥ ൭൧ ॥
ആചാമതു കടാക്ഷസ്തേ പര്ജന്യോ വൃഷ്ടിമാനിവ ॥ ൭൧ ॥
കുര്വേ ഗര്വേണാപചാരാനപാരാ-
-നദ്യപ്യമ്ബ ത്വത്പദാബ്ജം തഥാപി ।
മന്യേ ധന്യേ ദേവി വിദ്യാവലമ്ബം
മാതേവ പുത്രം ബിഭൃതാസ്വേനമ് ॥ ൭൨ ॥
-നദ്യപ്യമ്ബ ത്വത്പദാബ്ജം തഥാപി ।
മന്യേ ധന്യേ ദേവി വിദ്യാവലമ്ബം
മാതേവ പുത്രം ബിഭൃതാസ്വേനമ് ॥ ൭൨ ॥
യഥോപാസ്തിക്ഷതിര്ന സ്യാത്തവ ചക്രസ്യ സുന്ദരി ।
കൃപയാ കുരു കല്യാണി തഥാ മേ സ്വസ്തിരായുഷി ॥ ൭൩ ॥
കൃപയാ കുരു കല്യാണി തഥാ മേ സ്വസ്തിരായുഷി ॥ ൭൩ ॥
ചക്രം സേവേ താരകം സര്വസിധ്യൈ
ശ്രീമന്മാതഃ സിദ്ധയശ്ചാണിമാദ്യാഃ ।
നിത്യാ മുദ്രാ ശക്തയശ്ചാങ്ഗദേവ്യോ
യസ്മിന്ദേവാ അധി വിശ്വേ നിഷേദുഃ ॥ ൭൪ ॥
ശ്രീമന്മാതഃ സിദ്ധയശ്ചാണിമാദ്യാഃ ।
നിത്യാ മുദ്രാ ശക്തയശ്ചാങ്ഗദേവ്യോ
യസ്മിന്ദേവാ അധി വിശ്വേ നിഷേദുഃ ॥ ൭൪ ॥
സുകുമാരേ സുഖാകാരേ സുനേത്രേ സൂക്ഷ്മമധ്യമേ ।
സുപ്രസന്നാ ഭവ ശിവേ സുമൃഡീകാ സരസ്വതീ ॥ ൭൫ ॥
സുപ്രസന്നാ ഭവ ശിവേ സുമൃഡീകാ സരസ്വതീ ॥ ൭൫ ॥
വിദ്യുദ്വല്ലീകന്ദലീം കല്പയന്തീം
മൂര്തിം സ്ഫൂര്ത്യാ പങ്കജം ധാരയന്തീമ് ।
ധ്യായന്ഹി ത്വാം ജായതേ സാര്വഭൌമോ
വിശ്വാ ആശാഃ പൃതനാഃ സഞ്ജയഞ്ജയന് ॥ ൭൬ ॥
മൂര്തിം സ്ഫൂര്ത്യാ പങ്കജം ധാരയന്തീമ് ।
ധ്യായന്ഹി ത്വാം ജായതേ സാര്വഭൌമോ
വിശ്വാ ആശാഃ പൃതനാഃ സഞ്ജയഞ്ജയന് ॥ ൭൬ ॥
അവിജ്ഞായ പരാം ശക്തിമാത്മഭൂതാം മഹേശ്വരീമ് ।
അഹോ പതന്തി നിരയേഷ്വേകേ ചാത്മഹനോ ജനാഃ ॥ ൭൭ ॥
അഹോ പതന്തി നിരയേഷ്വേകേ ചാത്മഹനോ ജനാഃ ॥ ൭൭ ॥
സിന്ദൂരാഭൈഃ സുന്ദരൈരംശുബൃന്ദൈ-
-ര്ലാക്ഷാലക്ഷ്മ്യാം മജ്ജയന്തീം ജഗന്തി ।
ഹേരമ്ബാമ്ബ ത്വാം ഹൃദാ ലമ്ബതേ യ-
-സ്തസ്മൈ വിശഃ സ്വയമേവാനമന്തേ ॥ ൭൮ ॥
-ര്ലാക്ഷാലക്ഷ്മ്യാം മജ്ജയന്തീം ജഗന്തി ।
ഹേരമ്ബാമ്ബ ത്വാം ഹൃദാ ലമ്ബതേ യ-
-സ്തസ്മൈ വിശഃ സ്വയമേവാനമന്തേ ॥ ൭൮ ॥
തവ തത്ത്വം വിമൃശതാം പ്രത്യഗദ്വൈതലക്ഷണമ് ।
ചിദാനന്ദഘനാദന്യന്നേഹ നാനാസ്തി കിഞ്ചന ॥ ൭൯ ॥
ചിദാനന്ദഘനാദന്യന്നേഹ നാനാസ്തി കിഞ്ചന ॥ ൭൯ ॥
കണ്ഠാത്കുണ്ഡലിനീം നീത്വാ സഹസ്രാരം ശിവേ തവ ।
ന പുനര്ജായതേ ഗര്ഭേ സുമേധാ അമൃതോക്ഷിതഃ ॥ ൮൦ ॥
ന പുനര്ജായതേ ഗര്ഭേ സുമേധാ അമൃതോക്ഷിതഃ ॥ ൮൦ ॥
ത്വത്പാദുകാനുസന്ധാനപ്രാപ്തസര്വാത്മതാദൃശി ।
പൂര്ണാഹങ്കൃതിമത്യസ്മിന്ന കര്മ ലിപ്യതേ നരേ ॥ ൮൧ ॥
പൂര്ണാഹങ്കൃതിമത്യസ്മിന്ന കര്മ ലിപ്യതേ നരേ ॥ ൮൧ ॥
തവാനുഗ്രഹനിര്ഭിന്നഹൃദയഗ്രന്ഥിരദ്രിജേ ।
സ്വാത്മത്വേന ജഗന്മത്വാ തതോ ന വിജുഗുപ്സതേ ॥ ൮൨ ॥
സ്വാത്മത്വേന ജഗന്മത്വാ തതോ ന വിജുഗുപ്സതേ ॥ ൮൨ ॥
കദാ വസുദലോപേതേ ത്രികോണനവകാന്വിതേ ।
ആവാഹയാമി ചക്രേ ത്വാം സൂര്യാഭാം ശ്രിയമൈശ്വരീമ് ॥ ൮൩ ॥
ആവാഹയാമി ചക്രേ ത്വാം സൂര്യാഭാം ശ്രിയമൈശ്വരീമ് ॥ ൮൩ ॥
ഹ്രീമിത്യേകം താവകം വാചകാര്ണം
യജ്ജിഹ്വാഗ്രേ ദേവി ജാഗര്തി കിഞ്ചിത് ।
കോ വായം സ്യാത്കാമകാമസ്ത്രിലോക്യാം
സര്വേഽസ്മൈ ദേവാഃ ബലിമാവഹന്തി ॥ ൮൪ ॥
യജ്ജിഹ്വാഗ്രേ ദേവി ജാഗര്തി കിഞ്ചിത് ।
കോ വായം സ്യാത്കാമകാമസ്ത്രിലോക്യാം
സര്വേഽസ്മൈ ദേവാഃ ബലിമാവഹന്തി ॥ ൮൪ ॥
നാകസ്ത്രീണാം കിന്നരീണാം നൃപാണാ-
-മപ്യാകര്ഷീ ചേതസാ ചിന്തനീയമ് ।
ത്വത്പാണിസ്ഥം കുങ്കുമാഭം ശിവേ യം
ദ്വിഷ്മസ്തസ്മിന്പ്രതി മുഞ്ചാമി പാശമ് ॥ ൮൫ ॥
-മപ്യാകര്ഷീ ചേതസാ ചിന്തനീയമ് ।
ത്വത്പാണിസ്ഥം കുങ്കുമാഭം ശിവേ യം
ദ്വിഷ്മസ്തസ്മിന്പ്രതി മുഞ്ചാമി പാശമ് ॥ ൮൫ ॥
നൂനം സിംഹാസനേശ്വര്യാസ്തവാജ്ഞാം ശിരസാ വഹന് ।
ഭയേന പവമാനോഽയം സര്വാ ദിശോഽനുവിധാവതി ॥ ൮൬ ॥
ഭയേന പവമാനോഽയം സര്വാ ദിശോഽനുവിധാവതി ॥ ൮൬ ॥
ത്രികലാഢ്യാം ത്രിഹൃല്ലേഖാം ദ്വിഹംസസ്വരഭൂഷിതാമ് ।
യോ ജപത്യമ്ബ തേ വിദ്യാം സോഽക്ഷരഃ പരമഃ സ്വരാട് ॥ ൮൭ ॥
യോ ജപത്യമ്ബ തേ വിദ്യാം സോഽക്ഷരഃ പരമഃ സ്വരാട് ॥ ൮൭ ॥
ദാരിദ്ര്യാബ്ധൌ ദേവി മഗ്നോഽപി ശശ്വ-
-ദ്വാചാ യാചേ നാഹമമ്ബ ത്വദന്യമ് ।
തസ്മാദസ്മദ്വാഞ്ഛിതം പൂരയൈത-
-ദുഷാ സാ നക്താ സുദുഘേവ ധേനുഃ ॥ ൮൮ ॥
-ദ്വാചാ യാചേ നാഹമമ്ബ ത്വദന്യമ് ।
തസ്മാദസ്മദ്വാഞ്ഛിതം പൂരയൈത-
-ദുഷാ സാ നക്താ സുദുഘേവ ധേനുഃ ॥ ൮൮ ॥
യോ വാ യദ്യത്കാമനാകൃഷ്ടചിത്തഃ
സ്തുത്വോപാസ്തേ ദേവി തേ ചക്രവിദ്യാമ് ।
കല്യാണാനാമാലയഃ കാലയോഗാ-
-ത്തം തം ലോകം ജയതേ താംശ്ച കാമാന് ॥ ൮൯ ॥
സ്തുത്വോപാസ്തേ ദേവി തേ ചക്രവിദ്യാമ് ।
കല്യാണാനാമാലയഃ കാലയോഗാ-
-ത്തം തം ലോകം ജയതേ താംശ്ച കാമാന് ॥ ൮൯ ॥
സാധകഃ സതതം കുര്യാദൈക്യം ശ്രീചക്രദേഹയോഃ ।
തഥാ ദേവ്യാത്മനോരൈക്യമേതാവദനുശാസനമ് ॥ ൯൦ ॥
തഥാ ദേവ്യാത്മനോരൈക്യമേതാവദനുശാസനമ് ॥ ൯൦ ॥
ഹസ്താമ്ഭോജപ്രോല്ലസച്ചാമരാഭ്യാം
ശ്രീവാണീഭ്യാം പാര്ശ്വയോര്വീജ്യമാനാമ് ।
ശ്രീസംമ്രാജ്ഞി ത്വാം സദാലോകയേയം
സദാ സദ്ഭിഃ സേവ്യമാനാം നിഗൂഢാമ് ॥ ൯൧ ॥
ശ്രീവാണീഭ്യാം പാര്ശ്വയോര്വീജ്യമാനാമ് ।
ശ്രീസംമ്രാജ്ഞി ത്വാം സദാലോകയേയം
സദാ സദ്ഭിഃ സേവ്യമാനാം നിഗൂഢാമ് ॥ ൯൧ ॥
ഇഷ്ടാനിഷ്ടപ്രാപ്തിവിച്ഛിത്തിഹേതുഃ
സ്തോതും വാചാം ക്ലുപ്തിരിത്യേവ മന്യേ ।
ത്വദ്രൂപം ഹി സ്വാനുഭൂത്യൈകവേദ്യം
ന ചക്ഷുഷാ ഗൃഹ്യതേ നാപി വാചാ ॥ ൯൨ ॥
സ്തോതും വാചാം ക്ലുപ്തിരിത്യേവ മന്യേ ।
ത്വദ്രൂപം ഹി സ്വാനുഭൂത്യൈകവേദ്യം
ന ചക്ഷുഷാ ഗൃഹ്യതേ നാപി വാചാ ॥ ൯൨ ॥
ഹരസ്വരൈശ്ചതുര്വര്ഗപ്രദം മന്ത്രം സബിന്ദുകമ് ।
ദേവ്യാ ജപത വിപ്രേന്ദ്രാ അന്യാ വാചോ വിമുഞ്ചഥ ॥ ൯൩ ॥
ദേവ്യാ ജപത വിപ്രേന്ദ്രാ അന്യാ വാചോ വിമുഞ്ചഥ ॥ ൯൩ ॥
യസ്തേ രാകാചന്ദ്രബിമ്ബാസനസ്ഥാം
പീയൂഷാബ്ധിം കല്പയന്തീം മയൂഖൈഃ ।
മൂര്തിം ഭക്ത്യാ ധ്യായതേ ഹൃത്സരോജേ
ന തസ്യ രോഗോ ന ജരാ ന മൃത്യുഃ ॥ ൯൪ ॥
പീയൂഷാബ്ധിം കല്പയന്തീം മയൂഖൈഃ ।
മൂര്തിം ഭക്ത്യാ ധ്യായതേ ഹൃത്സരോജേ
ന തസ്യ രോഗോ ന ജരാ ന മൃത്യുഃ ॥ ൯൪ ॥
തുഭ്യം മാതര്യോഽഞ്ജലിം മൂര്ധ്നി ധത്തേ
മൌലിശ്രേണ്യാ ഭൂഭുജസ്തം നമന്തി ।
യഃ സ്തൌതി ത്വാമമ്ബ ചിദ്വല്ലിവാചാ
തം ധീരാസഃ കവയ ഉന്നയന്തി ॥ ൯൫ ॥
മൌലിശ്രേണ്യാ ഭൂഭുജസ്തം നമന്തി ।
യഃ സ്തൌതി ത്വാമമ്ബ ചിദ്വല്ലിവാചാ
തം ധീരാസഃ കവയ ഉന്നയന്തി ॥ ൯൫ ॥
വൈരിഞ്ചോഘൈര്വിഷ്ണുരുദ്രേന്ദ്രബൃന്ദൈ-
-ര്ദുര്ഗാകാലീഭൈരവീശക്തിസങ്ഘൈഃ ।
യന്ത്രേശി ത്വം വര്തസേ സ്തൂയമാനാ
ന തത്ര സൂര്യോ ഭാതി ന ചന്ദ്രതാരകമ് ॥ ൯൬ ॥
-ര്ദുര്ഗാകാലീഭൈരവീശക്തിസങ്ഘൈഃ ।
യന്ത്രേശി ത്വം വര്തസേ സ്തൂയമാനാ
ന തത്ര സൂര്യോ ഭാതി ന ചന്ദ്രതാരകമ് ॥ ൯൬ ॥
ഭൂത്യൈ ഭവാനി ത്വാം വന്ദേ സുരാഃ ശതമഖാദയഃ ।
ത്വാമാനമ്യ സമൃദ്ധാഃ സ്യുരായോ ധാമാനി ദിവ്യാനി ॥ ൯൭ ॥
ത്വാമാനമ്യ സമൃദ്ധാഃ സ്യുരായോ ധാമാനി ദിവ്യാനി ॥ ൯൭ ॥
പുഷ്പവത്പുല്ലതാടങ്കാം പ്രാതരാദിത്യപാടലാമ് ।
യസ്ത്വാമന്തഃ സ്മരത്യമ്ബ തസ്യ ദേവാ അസന്വശേ ॥ ൯൮ ॥
യസ്ത്വാമന്തഃ സ്മരത്യമ്ബ തസ്യ ദേവാ അസന്വശേ ॥ ൯൮ ॥
വശ്യേ വിദ്രുമസങ്കാശാം വിദ്യായാം വിശദപ്രഭാമ് ।
ത്വാമമ്ബ ഭാവയേദ്ഭൂത്യൈ സുവര്ണാം ഹേമമാലിനീമ് ॥ ൯൯ ॥
ത്വാമമ്ബ ഭാവയേദ്ഭൂത്യൈ സുവര്ണാം ഹേമമാലിനീമ് ॥ ൯൯ ॥
വാമാങ്കസ്ഥാമീശിതുര്ദീപ്യമാനാം
ഭൂഷാബൃന്ദൈരിന്ദുരേഖാവതംസാമ് ।
യസ്ത്വാം പശ്യന് സന്തതം നൈവ തൃപ്തഃ
തസ്മൈ ച ദേവി വഷഡസ്തു തുഭ്യമ് ॥ ൧൦൦ ॥
ഭൂഷാബൃന്ദൈരിന്ദുരേഖാവതംസാമ് ।
യസ്ത്വാം പശ്യന് സന്തതം നൈവ തൃപ്തഃ
തസ്മൈ ച ദേവി വഷഡസ്തു തുഭ്യമ് ॥ ൧൦൦ ॥
നവനീപവനീവാസലാലസോത്തരമാനസേ ।
ശൃങ്ഗാരദേവതേ മാതഃ ശ്രിയം വാസയ മേ കുലേ ॥ ൧൦൧ ॥
ശൃങ്ഗാരദേവതേ മാതഃ ശ്രിയം വാസയ മേ കുലേ ॥ ൧൦൧ ॥
ഭക്ത്യാഭക്ത്യാ വാപി പദ്യാവസാന-
-ശ്രുത്യാ സ്തുത്യാ ചൈതയാ സ്തൌതി യസ്ത്വാമ് ।
തസ്യ ക്ഷിപ്രം ത്വത്പ്രസാദേന മാതഃ
സത്യാഃ സന്തു യജമാനസ്യ കാമാഃ ॥ ൧൦൨ ॥
-ശ്രുത്യാ സ്തുത്യാ ചൈതയാ സ്തൌതി യസ്ത്വാമ് ।
തസ്യ ക്ഷിപ്രം ത്വത്പ്രസാദേന മാതഃ
സത്യാഃ സന്തു യജമാനസ്യ കാമാഃ ॥ ൧൦൨ ॥
ബാലിശേന മയാ പ്രോക്തമപി വാത്സല്യശാലിനോഃ ।
ആനന്ദമാദിദമ്പത്യോരിമാ വര്ധന്തു വാങ്ഗിരഃ ॥ ൧൦൩ ॥
ആനന്ദമാദിദമ്പത്യോരിമാ വര്ധന്തു വാങ്ഗിരഃ ॥ ൧൦൩ ॥
മാധുരീസൌരഭാവാസചാപസായകധാരിണീമ് ।
ദേവീം ധ്യായന് പഠേദേതത്സര്വകാമാര്ഥസിദ്ധയേ ॥ ൧൦൪ ॥
ദേവീം ധ്യായന് പഠേദേതത്സര്വകാമാര്ഥസിദ്ധയേ ॥ ൧൦൪ ॥
സ്തോത്രമേതത്പ്രജപതസ്തവ ത്രിപുരസുന്ദരി ।
അനുദ്വീക്ഷ്യ ഭയാദ്ദൂരം മൃത്യുര്ധാവതി പഞ്ചമഃ ॥ ൧൦൫ ॥
അനുദ്വീക്ഷ്യ ഭയാദ്ദൂരം മൃത്യുര്ധാവതി പഞ്ചമഃ ॥ ൧൦൫ ॥
യഃ പഠതി സ്തുതിമേതാം
വിദ്യാവന്തം തമമ്ബ ധനവന്തമ് ।
കുരു ദേവി യശസ്വന്തം
വര്ചസ്വന്തം മനുഷ്യേഷു ॥ ൧൦൬ ॥
വിദ്യാവന്തം തമമ്ബ ധനവന്തമ് ।
കുരു ദേവി യശസ്വന്തം
വര്ചസ്വന്തം മനുഷ്യേഷു ॥ ൧൦൬ ॥
യേ ശൃണ്വന്തി സ്തുതിമിമാം തവ ദേവ്യനസൂയകാഃ ।
തേഭ്യോ ദേഹി ശ്രിയം വിദ്യാമുദ്വര്ച ഉത്തനൂബലമ് ॥ ൧൦൭ ॥
തേഭ്യോ ദേഹി ശ്രിയം വിദ്യാമുദ്വര്ച ഉത്തനൂബലമ് ॥ ൧൦൭ ॥
ത്വാമേവാഹം സ്തൌമി നിത്യം പ്രണൌമി
ശ്രീവിദ്യേശാം വച്മി സഞ്ചിന്തയാമി ।
അധ്യാസ്തേ യാ വിശ്വമാതാ വിരാജോ
ഹൃത്പുണ്ഡരീകം വിരജം വിശുദ്ധമ് ॥ ൧൦൮ ॥
ശ്രീവിദ്യേശാം വച്മി സഞ്ചിന്തയാമി ।
അധ്യാസ്തേ യാ വിശ്വമാതാ വിരാജോ
ഹൃത്പുണ്ഡരീകം വിരജം വിശുദ്ധമ് ॥ ൧൦൮ ॥
ശങ്കരേണ രചിതം സ്തവോത്തമം
യഃ പഠേജ്ജഗതി ഭക്തിമാന്നരഃ ।
തസ്യ സിദ്ധിരതുലാ ഭവേദ്ധ്രുവാ
സുന്ദരീ ച സതതം പ്രസീദതി ॥ ൧൦൯ ॥
യഃ പഠേജ്ജഗതി ഭക്തിമാന്നരഃ ।
തസ്യ സിദ്ധിരതുലാ ഭവേദ്ധ്രുവാ
സുന്ദരീ ച സതതം പ്രസീദതി ॥ ൧൦൯ ॥
യത്രൈവ യത്രൈവ മനോ മദീയം
തത്രൈവ തത്രൈവ തവ സ്വരൂപമ് ।
യത്രൈവ യത്രൈവ ശിരോ മദീയം
തത്രൈവ തത്രൈവ പദദ്വയം തേ ॥ ൧൧൦ ॥
തത്രൈവ തത്രൈവ തവ സ്വരൂപമ് ।
യത്രൈവ യത്രൈവ ശിരോ മദീയം
തത്രൈവ തത്രൈവ പദദ്വയം തേ ॥ ൧൧൦ ॥
॥ ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛങ്കരഭഗവതഃ കൃതൌ ത്രിപുരസുന്ദരീ വേദപാദ സ്തവഃ ॥