শ্রীনারাযণকবচম্
ওঁ শ্রীগণেশায নমঃ ।
ওঁ নমো নারাযণায ।
অঙ্গন্যাসঃ -
ওঁ ওঁ নমঃ পাদযোঃ ।
ওঁ নং নমঃ জানুনোঃ ।
ওঁ মোং নমঃ ঊর্বোঃ ।
ওঁ নাং নমঃ উদরে ।
ওঁ রাং নমঃ হৃদি ।
ওঁ যং নমঃ উরসি ।
ওঁ ণাং নমঃ মুখে ।
ওঁ যং নমঃ শিরসি ॥
করন্যাসঃ -
ওঁ ওঁ নমঃ দক্ষিণতর্জন্যাম্ ।
ওঁ নং নমঃ দক্ষিণমধ্যমাযাম্ ।
ওঁ মোং নমঃ দক্ষিণানামিকাযাম্ ।
ওঁ ভং নমঃ দক্ষিণকনিষ্ঠিকাযাম্ ।
ওঁ গং নমঃ বামকনিষ্ঠিকাযাম্ ।
ওঁ বং নমঃ বামানামিকাযাম্ ।
ওঁ তেং নমঃ বামমধ্যমাযাম্ ।
ওঁ বাং নমঃ বামতর্জন্যাম্ ।
ওঁ সুং নমঃ দক্ষিণাংগুষ্ঠোর্ধ্বপর্বণি ।
ওঁ দেং নমঃ দক্ষিণাংগুষ্ঠায পর্বণি ।
ওঁ বাং নমঃ বামাংগুষ্ঠোর্ধ্বপর্বণি ।
ওঁ যং নমঃ বামাংগুষ্ঠায পর্বণি ॥
বিষ্ণুষডক্ষরন্যাসঃ -
ওঁ ওঁ নমঃ হৃদযে ।
ওঁ বিং নমঃ মূর্ধনি ।
ওঁ ষং নমঃ ভ্রুবোর্মধ্যে ।
ওঁ ণং নমঃ শিখাযাম্ ।
ওঁ বেং নমঃ নেত্রযোঃ ।
ওঁ নং নমঃ সর্বসন্ধিষু ।
ওঁ মঃ অস্ত্রায ফট্ প্রাচ্যাম্ ।
ওঁ মঃ অস্ত্রায ফট্ আগ্নেযাম্ ।
ওঁ মঃ অস্ত্রায ফট্ দক্ষিণস্যাম্ ।
ওঁ মঃ অস্ত্রায ফট্ নৈরৃত্যে ।
ওঁ মঃ অস্ত্রায ফট্ প্রতীচ্যাম্ ।
ওঁ মঃ অস্ত্রায ফট্ বাযব্যে ।
ওঁ মঃ অস্ত্রায ফট্ উদীচ্যাম্ ।
ওঁ মঃ অস্ত্রায ফট্ ঐশান্যাম্ ।
ওঁ মঃ অস্ত্রায ফট্ ঊর্ধ্বাযাম্ ।
ওঁ মঃ অস্ত্রায ফট্ অধরাযাম্ ॥
অথ শ্রীনারাযণকবচম্ ।
রাজোবাচ ।
যযা গুপ্তঃ সহস্রাক্ষঃ সবাহান্রিপুসৈনিকান্ ।
ক্রীডন্নিব বিনির্জিত্য ত্রিলোক্যা বুভুজে শ্রিযম্ ॥ ১॥
যযা গুপ্তঃ সহস্রাক্ষঃ সবাহান্রিপুসৈনিকান্ ।
ক্রীডন্নিব বিনির্জিত্য ত্রিলোক্যা বুভুজে শ্রিযম্ ॥ ১॥
ভগবংস্তন্মমাখ্যাহি বর্ম নারাযণাত্মকম্ ।
যথাঽঽততাযিনঃ শত্রূন্ যেন গুপ্তোঽজযন্মৃধে ॥ ২॥
যথাঽঽততাযিনঃ শত্রূন্ যেন গুপ্তোঽজযন্মৃধে ॥ ২॥
শ্রীশুক উবাচ।
বৃতঃ পুরোহিতস্ত্বাষ্ট্রো মহেন্দ্রাযানুপৃচ্ছতে ।
নারাযণাখ্যং বর্মাহ তদিহৈকমনাঃ শৃণু ॥ ৩॥
বৃতঃ পুরোহিতস্ত্বাষ্ট্রো মহেন্দ্রাযানুপৃচ্ছতে ।
নারাযণাখ্যং বর্মাহ তদিহৈকমনাঃ শৃণু ॥ ৩॥
বিশ্বরূপ উবাচ।
ধৌতাঙ্ঘ্রিপাণিরাচম্য সপবিত্র উদঙ্মুখঃ ।
কৃতস্বাঙ্গকরন্যাসো মন্ত্রাভ্যাং বাগ্যতঃ শুচিঃ ॥ ৪॥
ধৌতাঙ্ঘ্রিপাণিরাচম্য সপবিত্র উদঙ্মুখঃ ।
কৃতস্বাঙ্গকরন্যাসো মন্ত্রাভ্যাং বাগ্যতঃ শুচিঃ ॥ ৪॥
নারাযণমযং বর্ম সন্নহ্যেদ্ভয আগতে ।
পাদযোর্জানুনোরূর্বোরুদরে হৃদ্যথোরসি ॥ ৫॥
পাদযোর্জানুনোরূর্বোরুদরে হৃদ্যথোরসি ॥ ৫॥
মুখে শিরস্যানুপূর্ব্যাদোঙ্কারাদীনি বিন্যসেত্ ।
ওঁ নমো নারাযণাযেতি বিপর্যযমথাপি বা ॥ ৬॥
ওঁ নমো নারাযণাযেতি বিপর্যযমথাপি বা ॥ ৬॥
করন্যাসং ততঃ কুর্যাদ্দ্বাদশাক্ষরবিদ্যযা ।
প্রণবাদিযকারান্তমঙ্গুল্যঙ্গুষ্ঠপর্বসু ॥ ৭॥
প্রণবাদিযকারান্তমঙ্গুল্যঙ্গুষ্ঠপর্বসু ॥ ৭॥
ন্যসেদ্ধৃদয ওঙ্কারং বিকারমনু মূর্ধনি ।
ষকারং তু ভ্রুবোর্মধ্যে ণকারং শিখযা দিশেত্ ॥ ৮॥
ষকারং তু ভ্রুবোর্মধ্যে ণকারং শিখযা দিশেত্ ॥ ৮॥
বেকারং নেত্রযোর্যুঞ্জ্যান্নকারং সর্বসন্ধিষু ।
মকারমস্ত্রমুদ্দিশ্য মন্ত্রমূর্তির্ভবেদ্বুধঃ ॥ ৯॥
মকারমস্ত্রমুদ্দিশ্য মন্ত্রমূর্তির্ভবেদ্বুধঃ ॥ ৯॥
সবিসর্গং ফডন্তং তত্ সর্বদিক্ষু বিনির্দিশেত্ ।
ওঁ বিষ্ণবে নম ইতি ॥ ১০॥
ওঁ বিষ্ণবে নম ইতি ॥ ১০॥
আত্মানং পরমং ধ্যাযেদ্ধ্যেযং ষট্শক্তিভির্যুতম্ ।
বিদ্যাতেজস্তপোমূর্তিমিমং মন্ত্রমুদাহরেত্ ॥ ১১॥
বিদ্যাতেজস্তপোমূর্তিমিমং মন্ত্রমুদাহরেত্ ॥ ১১॥
ওঁ হরির্বিদধ্যান্মম সর্বরক্ষাংন্যস্তাঙ্ঘ্রিপদ্মঃ পতগেন্দ্রপৃষ্ঠে ।
দরারিচর্মাসিগদেষুচাপ-পাশান্দধানোঽষ্টগুণোঽষ্টবাহুঃ ॥ ১২॥
দরারিচর্মাসিগদেষুচাপ-পাশান্দধানোঽষ্টগুণোঽষ্টবাহুঃ ॥ ১২॥
জলেষু মাং রক্ষতু মত্স্যমূর্তি-র্যাদোগণেভ্যো বরুণস্য পাশাত্ ।
স্থলেষু মাযাবটুবামনোঽব্যাত্ত্রিবিক্রমঃ খেঽবতু বিশ্বরূপঃ ॥ ১৩॥
স্থলেষু মাযাবটুবামনোঽব্যাত্ত্রিবিক্রমঃ খেঽবতু বিশ্বরূপঃ ॥ ১৩॥
দুর্গেষ্বটব্যাজিমুখাদিষু প্রভুঃপাযান্নৃসিংহোঽসুরযূথপারিঃ ।
বিমুঞ্চতো যস্য মহাট্টহাসংদিশো বিনেদুর্ন্যপতংশ্চ গর্ভাঃ ॥ ১৪॥
বিমুঞ্চতো যস্য মহাট্টহাসংদিশো বিনেদুর্ন্যপতংশ্চ গর্ভাঃ ॥ ১৪॥
রক্ষত্বসৌ মাধ্বনি যজ্ঞকল্পঃস্বদংষ্ট্রযোন্নীতধরো বরাহঃ ।
রামোঽদ্রিকূটেষ্বথ বিপ্রবাসেসলক্ষ্মণোঽব্যাদ্ভরতাগ্রজোঽস্মান্ ॥ ১৫॥
রামোঽদ্রিকূটেষ্বথ বিপ্রবাসেসলক্ষ্মণোঽব্যাদ্ভরতাগ্রজোঽস্মান্ ॥ ১৫॥
মামুগ্রধর্মাদখিলাত্প্রমাদা-ন্নারাযণঃ পাতু নরশ্চ হাসাত্ ।
দত্তস্ত্বযোগাদথ যোগনাথঃ পাযাদ্গুণেশঃ কপিলঃ কর্মবন্ধাত্ ॥ ১৬॥
দত্তস্ত্বযোগাদথ যোগনাথঃ পাযাদ্গুণেশঃ কপিলঃ কর্মবন্ধাত্ ॥ ১৬॥
সনত্কুমারোঽবতু কামদেবা-দ্ধযশীর্ষা মাং পথি দেবহেলনাত্ ।
দেবর্ষিবর্যঃ পুরুষার্চনান্তরাত্কূর্মো হরির্মাং নিরযাদশেষাত্ ॥ ১৭॥
দেবর্ষিবর্যঃ পুরুষার্চনান্তরাত্কূর্মো হরির্মাং নিরযাদশেষাত্ ॥ ১৭॥
ধন্বন্তরির্ভগবান্পাত্বপথ্যা-দ্দ্বন্দ্বাদ্ভযাদৃষভো নির্জিতাত্মা ।
যজ্ঞশ্চ লোকাদবতাঞ্জ্জনান্তা-দ্বলো গণাত্ক্রোধবশাদহীন্দ্রঃ ॥ ১৮॥
যজ্ঞশ্চ লোকাদবতাঞ্জ্জনান্তা-দ্বলো গণাত্ক্রোধবশাদহীন্দ্রঃ ॥ ১৮॥
দ্বৈপাযনো ভগবানপ্রবোধা-দ্বুদ্ধস্তু পাখণ্ডগণপ্রমাদাত্ ।
কল্কিঃ কলেঃ কালমলাত্প্রপাতুধর্মাবনাযোরুকৃতাবতারঃ ॥ ১৯॥
কল্কিঃ কলেঃ কালমলাত্প্রপাতুধর্মাবনাযোরুকৃতাবতারঃ ॥ ১৯॥
মাং কেশবো গদযা প্রাতরব্যা-দ্গোবিন্দ আসঙ্গবমাত্তবেণুঃ ।
নারাযণঃ প্রাহ্ণ উদাত্তশক্তি-র্মধ্যন্দিনে বিষ্ণুররীন্দ্রপাণিঃ ॥ ২০॥
নারাযণঃ প্রাহ্ণ উদাত্তশক্তি-র্মধ্যন্দিনে বিষ্ণুররীন্দ্রপাণিঃ ॥ ২০॥
দেবোঽপরাহ্নে মধুহোগ্রধন্বাসাযং ত্রিধামাবতু মাধবো মাম্ ।
দোষে হৃষীকেশ উতার্ধরাত্রেনিশীথ একোঽবতু পদ্মনাভঃ ॥ ২১॥
দোষে হৃষীকেশ উতার্ধরাত্রেনিশীথ একোঽবতু পদ্মনাভঃ ॥ ২১॥
শ্রীবত্সধামাপররাত্র ঈশঃপ্রত্যূষ ঈশোঽসিধরো জনার্দনঃ ।
দামোদরোঽব্যাদনুসন্ধ্যং প্রভাতেবিশ্বেশ্বরো ভগবান্ কালমূর্তিঃ ॥ ২২॥
দামোদরোঽব্যাদনুসন্ধ্যং প্রভাতেবিশ্বেশ্বরো ভগবান্ কালমূর্তিঃ ॥ ২২॥
চক্রং যুগান্তানলতিগ্মনেমিভ্রমত্সমন্তাদ্ভগবত্প্রযুক্তম্ ।
দন্দগ্ধি দন্দগ্ধ্যরিসৈন্যমাশুকক্ষং যথা বাতসখো হুতাশঃ ॥ ২৩॥
দন্দগ্ধি দন্দগ্ধ্যরিসৈন্যমাশুকক্ষং যথা বাতসখো হুতাশঃ ॥ ২৩॥
গদেঽশনিস্পর্শনবিস্ফুলিঙ্গেনিষ্পিণ্ঢি নিষ্পিণ্ঢ্যজিতপ্রিযাসি ।
কূষ্মাণ্ডবৈনাযকযক্ষরক্ষো-ভূতগ্রহাংশ্চূর্ণয চূর্ণযারীন্ ॥ ২৪॥
কূষ্মাণ্ডবৈনাযকযক্ষরক্ষো-ভূতগ্রহাংশ্চূর্ণয চূর্ণযারীন্ ॥ ২৪॥
ত্বং যাতুধানপ্রমথপ্রেতমাতৃ-পিশাচবিপ্রগ্রহঘোরদৃষ্টীন্ ।
দরেন্দ্র বিদ্রাবয কৃষ্ণপূরিতোভীমস্বনোঽরের্হৃদযানি কম্পযন্ ॥ ২৫॥
দরেন্দ্র বিদ্রাবয কৃষ্ণপূরিতোভীমস্বনোঽরের্হৃদযানি কম্পযন্ ॥ ২৫॥
ত্বং তিগ্মধারাসিবরারিসৈন্য-মীশপ্রযুক্তো মম ছিন্ধি ছিন্ধি ।
চক্ষূংষি চর্মঞ্ছতচন্দ্র ছাদযদ্বিষামঘোনাং হর পাপচক্ষুষাম্ ॥ ২৬॥
চক্ষূংষি চর্মঞ্ছতচন্দ্র ছাদযদ্বিষামঘোনাং হর পাপচক্ষুষাম্ ॥ ২৬॥
যন্নো ভযং গ্রহেভ্যোঽভূত্কেতুভ্যো নৃভ্য এব চ ।
সরীসৃপেভ্যো দংষ্ট্রিভ্যো ভূতেভ্যোংঽহোভ্য এব চ ॥ ২৭॥
সরীসৃপেভ্যো দংষ্ট্রিভ্যো ভূতেভ্যোংঽহোভ্য এব চ ॥ ২৭॥
সর্বাণ্যেতানি ভগবন্নামরূপাস্ত্রকীর্তনাত্ ।
প্রযান্তু সঙ্ক্ষযং সদ্যো যে নঃ শ্রেযঃপ্রতীপকাঃ ॥ ২৮॥
প্রযান্তু সঙ্ক্ষযং সদ্যো যে নঃ শ্রেযঃপ্রতীপকাঃ ॥ ২৮॥
গরুডো ভগবান্ স্তোত্রস্তোভশ্ছন্দোমযঃ প্রভুঃ ।
রক্ষত্বশেষকৃচ্ছ্রেভ্যো বিষ্বক্সেনঃ স্বনামভিঃ ॥ ২৯ ॥
রক্ষত্বশেষকৃচ্ছ্রেভ্যো বিষ্বক্সেনঃ স্বনামভিঃ ॥ ২৯ ॥
সর্বাপদ্ভ্যো হরের্নামরূপযানাযুধানি নঃ ।
বুদ্ধীন্দ্রিযমনঃপ্রাণান্পান্তু পার্ষদভূষণাঃ ॥ ৩০॥
বুদ্ধীন্দ্রিযমনঃপ্রাণান্পান্তু পার্ষদভূষণাঃ ॥ ৩০॥
যথা হি ভগবানেব বস্তুতঃ সদসচ্চ যত্ ।
সত্যেনানেন নঃ সর্বে যান্তু নাশমুপদ্রবাঃ ॥ ৩১॥
সত্যেনানেন নঃ সর্বে যান্তু নাশমুপদ্রবাঃ ॥ ৩১॥
যথৈকাত্ম্যানুভাবানাং বিকল্পরহিতঃ স্বযম্ ।
ভূষণাযুধলিঙ্গাখ্যা ধত্তে শক্তীঃ স্বমাযযা ॥ ৩২॥
ভূষণাযুধলিঙ্গাখ্যা ধত্তে শক্তীঃ স্বমাযযা ॥ ৩২॥
তেনৈব সত্যমানেন সর্বজ্ঞো ভগবান্ হরিঃ ।
পাতু সর্বৈঃ স্বরূপৈর্নঃ সদা সর্বত্র সর্বগঃ ॥ ৩৩॥
পাতু সর্বৈঃ স্বরূপৈর্নঃ সদা সর্বত্র সর্বগঃ ॥ ৩৩॥
বিদিক্ষু দিক্ষূর্ধ্বমধঃ সমন্তা-দন্তর্বহির্ভগবান্নারসিংহঃ ।
প্রহাপযঁলোকভযং স্বনেনস্বতেজসা গ্রস্তসমস্ততেজাঃ ॥ ৩৪॥
প্রহাপযঁলোকভযং স্বনেনস্বতেজসা গ্রস্তসমস্ততেজাঃ ॥ ৩৪॥
মঘবন্নিদমাখ্যাতং বর্ম নারাযণাত্মকম্ ।
বিজেষ্যস্যঞ্জসা যেন দংশিতোঽসুরযূথপান্ ॥ ৩৫॥
বিজেষ্যস্যঞ্জসা যেন দংশিতোঽসুরযূথপান্ ॥ ৩৫॥
এতদ্ধারযমাণস্তু যং যং পশ্যতি চক্ষুষা ।
পদা বা সংস্পৃশেত্সদ্যঃ সাধ্বসাত্স বিমুচ্যতে ॥ ৩৬॥
পদা বা সংস্পৃশেত্সদ্যঃ সাধ্বসাত্স বিমুচ্যতে ॥ ৩৬॥
ন কুতশ্চিদ্ভযং তস্য বিদ্যাং ধারযতো ভবেত্ ।
রাজদস্যুগ্রহাদিভ্যো ব্যাঘ্রাদিভ্যশ্চ কর্হিচিত্ ॥ ৩৭॥
রাজদস্যুগ্রহাদিভ্যো ব্যাঘ্রাদিভ্যশ্চ কর্হিচিত্ ॥ ৩৭॥
ইমাং বিদ্যাং পুরা কশ্চিত্কৌশিকো ধারযন্ দ্বিজঃ ।
যোগধারণযা স্বাঙ্গং জহৌ স মরুধন্বনি ॥ ৩৮॥
যোগধারণযা স্বাঙ্গং জহৌ স মরুধন্বনি ॥ ৩৮॥
তস্যোপরি বিমানেন গন্ধর্বপতিরেকদা ।
যযৌ চিত্ররথঃ স্ত্রীভির্বৃতো যত্র দ্বিজক্ষযঃ ॥ ৩৯ ॥
যযৌ চিত্ররথঃ স্ত্রীভির্বৃতো যত্র দ্বিজক্ষযঃ ॥ ৩৯ ॥
স বালখিল্যবচনাদস্থীন্যাদায বিস্মিতঃ ।
গগনান্ন্যপতত্সদ্যঃ সবিমানো হ্যবাক্শিরাঃ ।
প্রাস্য প্রাচীসরস্বত্যাং স্নাত্বা ধাম স্বমন্বগাত্ ॥ ৪০॥
গগনান্ন্যপতত্সদ্যঃ সবিমানো হ্যবাক্শিরাঃ ।
প্রাস্য প্রাচীসরস্বত্যাং স্নাত্বা ধাম স্বমন্বগাত্ ॥ ৪০॥
শ্রীশুক উবাচ।
য ইদং শৃণুযাত্কালে যো ধারযতি চাদৃতঃ ।
তং নমস্যন্তি ভূতানি মুচ্যতে সর্বতো ভযাত্ ॥ ৪১॥
য ইদং শৃণুযাত্কালে যো ধারযতি চাদৃতঃ ।
তং নমস্যন্তি ভূতানি মুচ্যতে সর্বতো ভযাত্ ॥ ৪১॥
এতাং বিদ্যামধিগতো বিশ্বরূপাচ্ছতক্রতুঃ ।
ত্রৈলোক্যলক্ষ্মীং বুভুজে বিনির্জিত্য মৃধেঽসুরান্ ॥ ৪২॥
ত্রৈলোক্যলক্ষ্মীং বুভুজে বিনির্জিত্য মৃধেঽসুরান্ ॥ ৪২॥
॥ ইতি শ্রীমদ্ভাগবতমহাপুরাণে পারমহংস্যাং সংহিতাযাং
ষষ্ঠস্কন্ধে নারাযণবর্মকথনং নামাষ্টমোঽধ্যাযঃ ॥
ষষ্ঠস্কন্ধে নারাযণবর্মকথনং নামাষ্টমোঽধ্যাযঃ ॥