ಅಹೋ ಕೃತಾರ್ಥಾಽಸ್ಮಿ ಜಗನ್ನಿವಾಸ ತೇ ಪದಾಬ್ಜಸಂಲಗ್ನರಜಃಕಣಾದಹಂ।
ಸ್ಪೃಶಾಮಿ ಯತ್ಪದ್ಮಜಶಙ್ಕರಾದಿಭಿ-ರ್ವಿಮೃಶ್ಯತೇ ರನ್ಧಿತಮಾನಸೈಃ ಸದಾ॥೧॥
ಸ್ಪೃಶಾಮಿ ಯತ್ಪದ್ಮಜಶಙ್ಕರಾದಿಭಿ-ರ್ವಿಮೃಶ್ಯತೇ ರನ್ಧಿತಮಾನಸೈಃ ಸದಾ॥೧॥
ಅಹೋ ವಿಚಿತ್ರಂ ತವ ರಾಮ ಚೇಷ್ಟಿತಮ್ ಮನುಷ್ಯಭಾವೇನ ವಿಮೋಹಿತಂ ಜಗತ್।
ಚಲಸ್ಯಜಸ್ರಂ ಚರಣಾದಿ ವರ್ಜಿತಃ ಸಂಪೂರ್ಣ ಆನನ್ದಮಯೋಽತಿಮಾಯಿಕಃ॥೨॥
ಚಲಸ್ಯಜಸ್ರಂ ಚರಣಾದಿ ವರ್ಜಿತಃ ಸಂಪೂರ್ಣ ಆನನ್ದಮಯೋಽತಿಮಾಯಿಕಃ॥೨॥
ಯತ್ಪಾದಪಂಕಜಪರಾಗವಿಚಿತ್ರಗಾತ್ರಾ ಭಾಗೀರಥೀ ಭವವಿರಿಞ್ಚಮುಖಾನ್ ಪುನಾತಿ।
ಸಾಕ್ಷಾತ್ ಸ ಏವ ಮಮ ದೃಗ್ವಿಷಯೋ ಯದಾಸ್ತೇ ಕಿಂ ವರ್ಣ್ಯತೇ ಮಮ ಪುರಾಕೃತಭಾಗಧೇಯಮ್॥೩॥
ಸಾಕ್ಷಾತ್ ಸ ಏವ ಮಮ ದೃಗ್ವಿಷಯೋ ಯದಾಸ್ತೇ ಕಿಂ ವರ್ಣ್ಯತೇ ಮಮ ಪುರಾಕೃತಭಾಗಧೇಯಮ್॥೩॥
ಮರ್ತ್ಯಾವತಾರೇ ಮನುಜಾಕೃತಿಂ ಹರಿಂ ರಾಮಾಭಿಧೇಯಂ ರಮಣೀಯದೇಹಿನಮ್।
ಧನುರ್ದ್ಧರಂ ಪದ್ಮವಿಲೋಲಲೋಚನಂ ಭಜಾಮಿ ನಿತ್ಯಂ ನ ಪರಾನ್ ಭಜಿಷ್ಯೇ॥೪॥
ಧನುರ್ದ್ಧರಂ ಪದ್ಮವಿಲೋಲಲೋಚನಂ ಭಜಾಮಿ ನಿತ್ಯಂ ನ ಪರಾನ್ ಭಜಿಷ್ಯೇ॥೪॥
ಯತ್ಪಾದಪಙ್ಕಜರಜಃಶ್ರುತಿಭಿರ್ವಿಮೃಗ್ಯಂ ಯನ್ನಾಭಿಪಂಕಜಭವಃ ಕಮಲಾಸನಶ್ಚ।
ಯನ್ನಾಮಸಾರರಸಿಕೋ ಭಗವಾನ್ ಪುರಾರಿಃ ತಂ ರಾಮಚನ್ದ್ರಮನಿಶಂ ಹೃದಿ ಭಾವಯಾಮಿ॥೫॥
ಯನ್ನಾಮಸಾರರಸಿಕೋ ಭಗವಾನ್ ಪುರಾರಿಃ ತಂ ರಾಮಚನ್ದ್ರಮನಿಶಂ ಹೃದಿ ಭಾವಯಾಮಿ॥೫॥
ಯಸ್ಯಾವತಾರಚರಿತಾನಿ ವಿರಿಞ್ಚಲೋಕೇ ಗಾಯನ್ತಿ ನಾರದಮುಖಾಭವಪದ್ಮಜಾದ್ಯಾಃ।
ಆನನ್ದಜಾಶ್ರುಪರಿಷಿಕ್ತಕುಚಾಗ್ರಸೀಮಾ ವಾಗೀಶ್ವರೀ ಚ ತಮಹಂ ಶರಣಂ ಪ್ರಪದ್ಯೇ॥೬॥
ಆನನ್ದಜಾಶ್ರುಪರಿಷಿಕ್ತಕುಚಾಗ್ರಸೀಮಾ ವಾಗೀಶ್ವರೀ ಚ ತಮಹಂ ಶರಣಂ ಪ್ರಪದ್ಯೇ॥೬॥
ಸೋಯಂ ಪರಾತ್ಮಾ ಪುರುಷಃ ಪುರಾಣ ಏಷಃ ಸ್ವಯಂಜ್ಯೋತಿರನನ್ತ ಆದ್ಯಃ।
ಮಾಯಾತನುಂ ಲೋಕವಿಮೋಹನೀಯಾಂ ಧತ್ತೇ ಪರಾನುಗ್ರಹ ಏವ ರಾಮಃ॥೭॥
ಮಾಯಾತನುಂ ಲೋಕವಿಮೋಹನೀಯಾಂ ಧತ್ತೇ ಪರಾನುಗ್ರಹ ಏವ ರಾಮಃ॥೭॥
ಅಯಂ ಹಿ ವಿಶ್ವೋದ್ಭವಸಂಯಮಾನಾ-ಮೇಕಃ ಸ್ವಮಾಯಾಗುಣಬಿಮ್ಬಿತೋ ಯಃ।
ವಿರಿಞ್ಚಿವಿಷ್ಣ್ವೀಶ್ವರನಾಮಭೇದಾನ್ ಧತ್ತೇ ಸ್ವತನ್ತ್ರಃ ಪರಿಪೂರ್ಣ ಆತ್ಮಾ॥೮॥
ವಿರಿಞ್ಚಿವಿಷ್ಣ್ವೀಶ್ವರನಾಮಭೇದಾನ್ ಧತ್ತೇ ಸ್ವತನ್ತ್ರಃ ಪರಿಪೂರ್ಣ ಆತ್ಮಾ॥೮॥
ನಮೋಸ್ತು ತೇ ರಾಮ ತವಾಙ್ಘ್ರಿಪಂಕಜಂ ಶ್ರಿಯಾ ಧೃತಂ ವಕ್ಷಸಿ ಲಾಲಿತಂ ಪ್ರಿಯಾತ್।
ಆಕ್ರಾನ್ತಮೇಕೇನ ಜಗತ್ತ್ರಯಂ ಪುರಾ ಧ್ಯೇಯಂ ಮುನೀನ್ದ್ರೈರಭಿಮಾನವರ್ಜಿತೈಃ॥೯॥
ಆಕ್ರಾನ್ತಮೇಕೇನ ಜಗತ್ತ್ರಯಂ ಪುರಾ ಧ್ಯೇಯಂ ಮುನೀನ್ದ್ರೈರಭಿಮಾನವರ್ಜಿತೈಃ॥೯॥
ಜಗತಾಮಾದಿಭೂತಸ್ತ್ವಂ ಜಗತ್ತ್ವಂ ಜಗದಾಶ್ರಯಃ।
ಸರ್ವಭೂತೇಷ್ವಸಂಬದ್ಧ ಏಕೋ ಭಾತಿ ಭವಾನ್ ಪರಃ॥೧೦॥
ಸರ್ವಭೂತೇಷ್ವಸಂಬದ್ಧ ಏಕೋ ಭಾತಿ ಭವಾನ್ ಪರಃ॥೧೦॥
ಒಙ್ಕಾರವಾಚ್ಯಸ್ತ್ವಂ ರಾಮ ವಾಚಾಮವಿಷಯಃ ಪುಮಾನ್।
ವಾಚ್ಯವಾಚಕಭೇದೇನ ಭವಾನೇವ ಜಗನ್ಮಯಃ॥೧೧॥
ವಾಚ್ಯವಾಚಕಭೇದೇನ ಭವಾನೇವ ಜಗನ್ಮಯಃ॥೧೧॥
ಕಾರ್ಯಕಾರಣಕರ್ತೃತ್ತ್ವ-ಫಲಸಾಧನಭೇದತಃ।
ಏಕೋ ವಿಭಾಸಿ ರಾಮ ತ್ವಂ ಮಾಯಯಾ ಬಹುರೂಪಯಾ॥೧೨॥
ಏಕೋ ವಿಭಾಸಿ ರಾಮ ತ್ವಂ ಮಾಯಯಾ ಬಹುರೂಪಯಾ॥೧೨॥
ತ್ವನ್ಮಾಯಾಮೋಹಿತಧಿಯ-ಸ್ತ್ವಾಂ ನ ಜಾನನ್ತಿ ತತ್ತ್ವತಃ।
ಮಾನುಷಂ ತ್ವಾಭಿಮನ್ಯನ್ತೇ ಮಾಯಿನಂ ಪರಮೇಶ್ವರಮ್॥೧೩॥
ಮಾನುಷಂ ತ್ವಾಭಿಮನ್ಯನ್ತೇ ಮಾಯಿನಂ ಪರಮೇಶ್ವರಮ್॥೧೩॥
ಆಕಾಶವತ್ತ್ವಂ ಸರ್ವತ್ರ ಬಹಿರನ್ತರ್ಗತೋಽಮಲಃ।
ಅಸಂಗೋಹ್ಯಚಲೋ ನಿತ್ಯಃ ಶುದ್ಧೋ ಬುದ್ಧಃ ಸದವ್ಯಯಃ॥೧೪॥
ಅಸಂಗೋಹ್ಯಚಲೋ ನಿತ್ಯಃ ಶುದ್ಧೋ ಬುದ್ಧಃ ಸದವ್ಯಯಃ॥೧೪॥
ಯೋಷಿನ್ಮೂಢಾಹಮಜ್ಞಾ ತೇ ತತ್ತ್ವಂ ಜಾನೇ ಕಥಂ ವಿಭೋ।
ತಸ್ಮಾತ್ತೇ ಶತಶೋ ರಾಮ ನಮಸ್ಕುರ್ಯಾಮನನ್ಯಧೀಃ॥೧೫॥
ತಸ್ಮಾತ್ತೇ ಶತಶೋ ರಾಮ ನಮಸ್ಕುರ್ಯಾಮನನ್ಯಧೀಃ॥೧೫॥
ದೇವ ಮೇ ಯತ್ರಕುತ್ರಾಪಿ ಸ್ಥಿತಾಯಾ ಅಪಿ ಸರ್ವದಾ।
ತ್ವತ್ಪಾದಕಮಲೇ ಸಕ್ತಾ ಭಕ್ತಿರೇವ ಸದಾಸ್ತು ತೇ॥೧೬॥
ತ್ವತ್ಪಾದಕಮಲೇ ಸಕ್ತಾ ಭಕ್ತಿರೇವ ಸದಾಸ್ತು ತೇ॥೧೬॥
ನಮಸ್ತೇ ಪುರುಷಾದ್ಧ್ಯಕ್ಷ ನಮಸ್ತೇ ಭಕ್ತವತ್ಸಲ।
ನಮಸ್ತೇಸ್ತು ಹೃಷೀಕೇಶ ನಾರಾಯಣ ನಮೋಸ್ತುತೇ॥೧೭॥
ನಮಸ್ತೇಸ್ತು ಹೃಷೀಕೇಶ ನಾರಾಯಣ ನಮೋಸ್ತುತೇ॥೧೭॥
ಭವಭಯಹರಮೇಕಂ ಭಾನುಕೋಟಿಪ್ರಕಾಶಂ ಕರಧೃತಶರಚಾಪಂ ಕಾಲಮೇಘಾವಭಾಸಮ್।
ಕನಕರುಚಿರವಸ್ತ್ರಂ ರತ್ನವತ್ ಕುಣ್ಡಲಾಢ್ಯಂ ಕಮಲವಿಶದನೇತ್ರಂ ಸಾನುಜಂ ರಾಮಮೀಡೇ॥೧೮॥
ಕನಕರುಚಿರವಸ್ತ್ರಂ ರತ್ನವತ್ ಕುಣ್ಡಲಾಢ್ಯಂ ಕಮಲವಿಶದನೇತ್ರಂ ಸಾನುಜಂ ರಾಮಮೀಡೇ॥೧೮॥
ಸ್ತುತ್ವೈವಂ ಪುರುಷಂ ಸಾಕ್ಷಾತ್ ರಾಘವಂ ಪುರತಃಸ್ಥಿತಮ್।
ಪರಿಕ್ರಮ್ಯ ಪ್ರಣಮ್ಯಾಶು ಸಾನುಜ್ಞಾತಾ ಯಯೌ ಪತಿಮ್॥೧೯॥
ಪರಿಕ್ರಮ್ಯ ಪ್ರಣಮ್ಯಾಶು ಸಾನುಜ್ಞಾತಾ ಯಯೌ ಪತಿಮ್॥೧೯॥
ಅಹಲ್ಯಯಾ ಕೃತಂ ಸ್ತೋತ್ರಂ ಯಃ ಪಠೇತ್ಭಕ್ತಿಸಂಯುತಃ।
ಸ ಮುಚ್ಯತೇಽಖಿಲೈಃ ಪಾಪೈಃ ಪ್ರರಬ್ರಹ್ಮಾಧಿಗಚ್ಛತಿ॥೨೦॥
ಸ ಮುಚ್ಯತೇಽಖಿಲೈಃ ಪಾಪೈಃ ಪ್ರರಬ್ರಹ್ಮಾಧಿಗಚ್ಛತಿ॥೨೦॥
ಪುತ್ರಾದ್ಯರ್ಥೇ ಪಠೇದ್ಭಕ್ತ್ಯಾ ರಾಮಂ ಹೃದಿ ವಿಧಾಯ ಚ।
ಸಂವತ್ಸರೇಣ ಲಭತೇ ವನ್ಧ್ಯಾ ಅಪಿ ಸುಪುತ್ರಕಮ್॥೨೧॥
ಸಂವತ್ಸರೇಣ ಲಭತೇ ವನ್ಧ್ಯಾ ಅಪಿ ಸುಪುತ್ರಕಮ್॥೨೧॥
ಬ್ರಹ್ಮಘ್ನೋ ಗುರುತಲ್ಪಗೋಪಿ ಪುರುಷಃ ಸ್ತೇಯೀ ಸುರಾಪೋಪಿ ವಾ।
ಮಾತೃಭ್ರಾತೃವಿಹಿಂಸಕೋಽಪಿ ಸತತಂ ಭೋಗೈಕಬದ್ಧಾದರಃ॥೨೨॥
ಮಾತೃಭ್ರಾತೃವಿಹಿಂಸಕೋಽಪಿ ಸತತಂ ಭೋಗೈಕಬದ್ಧಾದರಃ॥೨೨॥
ನಿತ್ಯಂ ಸ್ತೋತ್ರಮಿದಂ ಜಪನ್ ರಘುಪತಿಂ ಭಕ್ತ್ಯಾ ಹೃದಿ ಸಂಸ್ಮರನ್।
ಧ್ಯಾಯನ್ ಮುಕ್ತಿಮುಪೈತಿ ಕಿಂ ಪುನರಸೌ ಸ್ವಾಚಾರಯುಕ್ತೋ ನರಃ॥೨೩॥
ಧ್ಯಾಯನ್ ಮುಕ್ತಿಮುಪೈತಿ ಕಿಂ ಪುನರಸೌ ಸ್ವಾಚಾರಯುಕ್ತೋ ನರಃ॥೨೩॥